Lexus Lx 600

មកដឹងតម្លៃសេវានាំចូល LX600 Premium ពីសហរដ្ឋអាមេរិកមកខ្មែរ

ឧកញ៉ាសំពៅ — Thu, 28 Jul 2022 07:32:11 +0000

រថយន្តលំដាប់អភិជន Lexus LX 600 សេរីឆ្នាំ ២០២២ គឺកំពុងទទួលបានការពេញនិយមជាខ្លាំងពីសំណាក់ធុរកិច្ចជនមានមុខមានមាត់ទូទាំងពិភពលោក ដោយសារតែរថយន្តមួយគ្រឿងនេះអាចបង្ហាញពីអានុភាពដ៏ហំហួនរបស់ពួកគេ។

ប្រភពរូបភាព៖ Auto US Direct Cambodia

ជាទូទៅ តម្លៃឡានសេរីទំនើបមួយគ្រឿងនេះនៅលើទីផ្សារប្រទេសកម្ពុជាវិញ គឺមានតម្លៃប្រហាក់ប្រហែលជាង ៣០ ម៉ឺនដុល្លារអាមេរិក ទៅតាមហាងលក់រថយន្តផ្សេងៗគ្នា។

ប្រភពរូបភាព៖ Auto US Direct Cambodia

យ៉ាងណា បើយោងតាមការបង្ហោះសារពី Auto US Direct Cambodia កាលពីថ្មីៗនេះបានទម្លាយថា 2022 Lexus LX 600 Premium គឺមានតម្លៃប្រមាណ ២៩៣ ៣២៦ ដុល្លារ ខណៈគេហទំព័រមួយនេះក៏បានរៀបរាប់ពីតម្លៃសេវាយ៉ាងជាក់លាក់ផងដែរ។

ប្រភពរូបភាព៖ Auto US Direct Cambodia

តទៅនេះគឺជាតារាងរាយពីសេវានានាដែល Auto US Direct Cambodia បានរៀបរាប់ពីការនាំចូល 2022 Lexus LX 600 Premium មកកាន់ប្រទេសកម្ពុជា៖

-តម្លៃឡាន $146,500

-តម្លៃពន្ធនាំចូល $132,778

-តម្លៃដឹកជញ្ជូន $2,450

-តម្លៃឯកសារនៅខ្មែរ $700

-តម្លៃកាត់ឈ្មោះនៅអាមេរិក $899

-តម្លៃសេវាកម្មរបស់ក្រុមហ៊ុននៅកម្ពុជា $250

-តម្លៃសេវាកម្មរបស់ក្រុមហ៊ុននៅអាមេរិច $9,749

-តម្លៃសរុបទាំងអស់ $293,326៕

The post មកដឹងតម្លៃសេវានាំចូល LX600 Premium ពីសហរដ្ឋអាមេរិកមកខ្មែរ appeared first on .

(វីដេអូ) មិនខ្លាចមេឃមិនខ្លាចដី Lexus LX600 ការពារគ្រាប់កាំភ្លើង អានុភាពកាន់តែញាក់សាច់ទ្រឺតៗ

ឧកញ៉ាសំពៅ — Fri, 08 Jul 2022 03:53:17 +0000

ដូចដែលប្រិយមិត្តបានដឹងរួចមកហើយថា Lexus LX600 គឺជារថយន្តប្រភេទ SUV លំដាប់អភិជន ដែលរចនាឡើងភ្ជាប់មកជាមួយប្រណីតភាព អំណាច និងសក្ដិសមបំផុតសម្រាប់វណ្ណៈលំដាប់កំពូលយកមកប្រើប្រាស់ជាមធ្យោបាយធ្វើដំណើរ។

រូបរាងអ៊ែមស្រាប់មធ្យម ងំថ្មីៗនេះក្រុមហ៊ុន INKAS Armored Vehicle Manufacturing បានយករថយន្តស៊ីវិល័យមួយនេះមក Upgrade កាន់តែអស្ចារ្យមួយកម្រិតទៀត គឺបានបង្កើត Version មួយទៀតរបស់ LX600 ជាប្រភេទរថយន្តការពារគ្រាប់កាំភ្លើង។

យោងតាមការចុះផ្សាយពី Foxnews បានឲ្យដឹងថា LX600 សេរីចុងក្រោយបំផុតនេះគឺអាចមានសមត្ថភាពការពារគ្រាប់កាំភ្លើងវែង ៧,៦២ ម.ម ឬគ្រាប់កាំភ្លើង AK ហើយថែមទាំងអាចទប់ទល់ជាមួយនឹងគ្រាប់បែកដៃ ២ គ្រាប់ទៀតផង។

តួរថយន្តបំពាក់មកជាមួយនឹងកញ្ចក់ប្រភេទ Ballistic Glass មានបន្ទប់ការពារអ្នកដំណើរ មានអាវក្រោះការពារធុងសាំង និងម៉ាស៊ីន ហើយជើងក្រោមរថយន្តអាចធានាបាននូវកម្លាំងធ្ងន់ជាងមុន ស្របពេលកង់នៃរថយន្តជាប្រភេទ Run-Flat ដែលអាចបើកបានធម្មតា បើទោះជាបែកកង់ក្ដី។

យ៉ាងណា សម្រាប់ម៉ាស៊ីននៃរថយន្តកំពូល LX600 នៅតែបំពាក់ជាមួយម៉ាស៊ីនដដែលគឺ ៣,៥លីត្រ V6 អាចផលិតកម្លាំងដល់ ៤០៩ HP និងមានចង្កឹះលេខអូតូ ១០ វគ្គ កាមេរ៉ាសុវត្ថិភាព ៣៦០ ដឺក្រេ។

ចំពោះតម្លៃរបស់រថយន្តមួយនេះវិញ គឺមិនទាន់បានទម្លាយឲ្យដឹងនៅឡើយ គ្រាន់តែលឺល្ហៀងៗថាអាចនឹងចាប់ពីជាង ២០០ ០០០ ដុល្លារអាមេរិកឡើងទៅ នៅលើទីផ្សាររថយន្តបរទេស៕

The post (វីដេអូ) មិនខ្លាចមេឃមិនខ្លាចដី Lexus LX600 ការពារគ្រាប់កាំភ្លើង អានុភាពកាន់តែញាក់សាច់ទ្រឺតៗ appeared first on .

Lexus LX600 F-Sport Launch Edition ផលិតតែ ១០០ គ្រឿងលើលោក នៅខ្មែរមានតែមួយគ្រឿងគត់

ឧកញ៉ាសំពៅ — Fri, 24 Jun 2022 06:54:17 +0000

ក្រុមហ៊ុន Lexus ឆ្នាំនេះកាន់តែកាច ពោលគ្រប់ម៉ូដែលរថយន្តសេរីឆ្នាំ ២០២២ ទាំងអស់ សុទ្ធតែត្រូវបានប្ដូររូបរាង មិនថាប្រភេទ LX ឬ RX ឡើយ ដោយបានផ្លាស់ប្ដូរនាមថ្មី All New Lexus LX ឬ All New Lexus RX ជាដើម។

ក្នុងចំណោមរថយន្តរបស់ Lexus សេរីចុងក្រោយបំផុតទាំងអស់ ត្រកូល LX ហាក់ធ្វើឲ្យអ្នកស្រឡាញ់រថយន្តប្រណីតៗ តាមសម្លឹងមើលមិនដាក់ភ្នែក ដោយសារតែការរចនាដ៏ស៊ីវិល័យ គួបផ្សំជាមួយប្រណីតភាព ស្របពេលបច្ចេកវិទ្យានៃរថយន្តរឹតតែមិនបាច់បរិយាយថែមទៀត។

Lexus LX 600 ឆ្នាំ ២០២២ ផលិតមកជាមួយជម្រើសជាច្រើន ប៉ុន្តែអត្ថបទមួយនេះ ឧកញ៉ាញ៉ូវស៍សូមលើកយកតែម៉ូដែលពិសេសបំផុតមួយគឺ All New Lexus LX 600 F-Sport Launch Edition មករៀបរាប់ត្រួសៗប៉ុណ្ណោះ ដោយសាររថយន្តប្រភេទមួយនេះផលិតឡើងតែ ១០០ គ្រឿងប៉ុណ្ណោះលើពិភពលោក។

ប្រភពរូបភាព៖ Deluxe Auto

ខុសប្លែកពីសេរី LX 600 F-Sport ធម្មតាដែលមាន ៧ កៅអី F-Sport Launch Edition មានតែ ៥ កៅអីប៉ុណ្ណោះ ប៉ុន្តែកម្លាំងម៉ាស៊ីនគឺខ្លាំងដូចគ្នាពោល ដំណើរការដោយម៉ាស៊ីនសាំង V6 3,5L អាចផលិតកម្លាំងដល់ទៅ ៤០៩ Hp និងមានចង្កឹះលេខអូតូ ១០ វគ្គ។

លក្ខណៈពិសេសផ្សេងៗទៀតដែលបំពាក់មកជាមួយរថយន្តស្រាប់មានដូចជា កាមេរ៉ា ៣៦០ ដឺក្រេ ប្រព័ន្ធហ្វ្រាំង ABS ប្រព័ន្ធទប់លំនឹង ដំបូលអាចបញ្ជាបិទបើកបាន ហើយដៃចង្កូតបញ្ជាដោយប្រព័ន្ធអេឡិចត្រូនិក ងាយស្រួលដល់ការបើកបរទាំងលើផ្លូវធម្មតា និងផ្លូវបែប Off-road។

ប្រភពរូបភាព៖ Deluxe Auto

ដ្បិតតែផលិតមកតែ ១០០ គ្រឿងលើលោកក៏ពិតមែន ប៉ុន្តែរថយន្តដ៏ប្រណីតមួយនេះក៏មានវត្តមានលើទីផ្សាររថយន្តកម្ពុជាផងដែរ ដោយមានលក់នៅហាងរថយន្ត Deluxe AUTO ហើយរថយន្តដែលកំពុងបង្ហាញខ្លួននៅកម្ពុជាមួយនេះមានលេខរៀងទី ៧១។

ប្រភពរូបភាព៖ Deluxe Auto

ទាក់ទងនឹងតម្លៃ របស់កំពូលរថយន្ត LX 600 F-Sport ខ្នាតធំប្រចាំត្រកូល LX ដែលផលិតឡើងចំនួនតែ ១០០គ្រឿង លើពិភពលោកនេះ ហាងលក់រថយន្ត Deluxe AUTO បានទម្លាយឱ្យ Oknha News ដឹងថា ជាង ៣៥ម៉ឺនដុល្លារ។

ប្រភពរូបភាព៖ Kimsrun Premium Auto

តម្លៃនេះ បើប្រៀបធៀបជាមួយបងប្អូនរួមជំនាន់ត្រកូល Lexus LX600 VIP Kuro 2022 មាន ៤កៅអី គឺទាបជាងបន្តិចបន្ទួច ពោលរថយន្តលំដាប់អភិជន LX600 VIP Kuro ៤កៅអី តម្លៃជិត ៤០ម៉ឺនដុល្លារឯណោះ៕

The post Lexus LX600 F-Sport Launch Edition ផលិតតែ ១០០ គ្រឿងលើលោក នៅខ្មែរមានតែមួយគ្រឿងគត់ appeared first on .

ហាងលក់រថយន្តនៅខ្មែរមួយបើកទទួលលុយកក់រថយន្ត Lexus LX600 ២០២២ហើយ តែតម្លៃ នែ…

ឧកញ៉ាសំពៅ — Tue, 25 Jan 2022 05:23:23 +0000

រថយន្តប្រណីតត្រកូល Lexus LX600 ឆ្នាំ ២០២២ ទើបនឹងប្រកាសចេញជាផ្លូវការកាលពីជាង ៣ ខែមុន បានធ្វើឲ្យអ្នកស្រឡាញ់រថយន្តប្រភេទ SUV និងជា Fan របស់ត្រកូល Lexus ពេញចិត្តជាខ្លាំង ជាមួយនឹងរចនាបថដ៏ស្រស់ស្អាត និងមានអំណាច។

ថ្វីបើប្រកាសចេញជាផ្លូវការបាន ៣ ខែក៏ពិតមែន តែការប្រកាសលក់ជាផ្លូវការនៅមិនទាន់មានភាពទូលំទូលាយនៅឡើយសម្រាប់បណ្ដាប្រទេសមួយចំនួន ហើយសម្រាប់ប្រទេសកម្ពុជាក៏ដូចគ្នាផងដែរ។

យ៉ាងណា វាលែងជាបញ្ហាទៀតហើយ ព្រោះកាលពីពេលថ្មីៗនេះ Asia Auto ដែលជាហាងលក់រថយន្តមួយនៅកម្ពុជា បានបង្ហោះសារថា ចាប់ផ្ដើមទទួលកក់រថយន្ត Lexus LX600 ហើយ ប៉ុន្តែមិនបានបញ្ជាក់ពីតម្លៃច្បាស់លាស់នោះឡើយ ដោយគ្រាន់តែបញ្ជាក់ថា ឡានដែលទទួលកក់ជាប្រភេទម៉ាស៊ីន 3,5 លីត្រ V6។

យ៉ាងណាមិញ បើតាមការបញ្ជាក់ពីអ្នកចាត់ការទូទៅនៅ ហាងលក់រថយន្តទំនើប Kimsrun Premium Auto ដែលមានទីតាំងនៅជាប់សណ្ឋាគារភ្នំពេញ តាមបណ្ដោយវិថី ព្រះមុន្នីវង្ស ធ្លាប់បង្ហើបប្រាប់ Oknha News ឱ្យដឹងថា តម្លៃរថយន្ត Lexus LX600 ស៊េរីឆ្នាំ២០២២ នេះ អាចនឹងបង្ហាញខ្លួនជាផ្លូវការនៅស្រុកខ្មែរអំឡុងចុងខែ មីនា ឬដើមខែ មេសា ខាងមុខនេះ។ ចំពោះតម្លៃវិញ បើយោងតាមតារាងបង់ពន្ធគយនាំចូល ផ្អែកលើស៊េរីឆ្នាំ និងទំហំស៊ីឡាំង តម្លៃកំពូលរថយន្ត SUV ដ៏ល្បីប្រចាំឆ្នាំ២០២២នេះ អាចនឹងថ្លៃលើស ៣០ ម៉ឺនដុល្លារអាមេរិក។

សូមបញ្ជាក់ផងដែរថា សម្រាប់ Lexus LX600 ឆ្នាំ ២០២២ សារនេះគឺមាន ៥ ប្រភេទផ្សេងគ្នា និងបានទម្លាក់នូវតម្លៃចេញពីរោងចក្រផ្ទាល់ផងដែរ ដែលក្នុងនោះមានដូចជា៖

ប្រភេទធម្មតា 2022 LX600 ដើរដោយកម្លាំងម៉ាស៊ីន 409 HP TWIN TURBO V6 តម្លៃ ៨៦ ៩០០ ដុល្លារ
ប្រភេទ 2022 LX600 Premium តម្លៃ ៩៥ ០០០ ដុល្លារ
ប្រភេទ 2022 LX600 F Sport Handling ដែលមានតួខាងមុខ និងខាងក្រោយប្លែកពីគេ តម្លៃ ១០១ ០០០ ដុល្លារ
ប្រភេទ 2022 LX600 Luxury តម្លៃ ១០៣ ០០០ ដុល្លារ
ប្រភេទ 2022 LX600 Ultra Luxury តម្លៃ ១២៦ ០០០ ដុល្លារ៕

The post ហាងលក់រថយន្តនៅខ្មែរមួយបើកទទួលលុយកក់រថយន្ត Lexus LX600 ២០២២ហើយ តែតម្លៃ នែ… appeared first on .

ក្រុមហ៊ុនទម្លាក់តម្លៃរថយន្ត Lexus LX600 ឆ្នាំ ២០២២ ក្ដៅៗ ខណៈតម្លៃពន្ធនៅខ្មែរមិនធម្មតា

ឧកញ៉ាសំពៅ — Sat, 15 Jan 2022 00:52:03 +0000

រថយន្តសេរីទំនើប Lexus LX 600 ឆ្នាំ ២០២២ របស់ក្រុមហ៊ុនមេ Toyota បានបង្ហាញវត្តមាននៅថ្ងៃទី ១៣ តុលា ២០២១ និងបានធ្វើឲ្យមហាជនដែលចូលចិត្តរថយន្តប្រភេទប្រណីតបែប SUV តាមដានមិនដាច់ពីតម្លៃ និងលក្ខណៈពិសេសៗរបស់រថយន្តម៉ូដែលចុងក្រោយនេះ។

ដោយឡែក មិនសូវប្លែកពីរាល់ដង Lexus តែងតែបញ្ចេញរថយន្តច្រើនប្រភេទ ដើម្បីសម្រួលដល់តម្រូវការរបស់អ្នកប្រើប្រាស់គ្រប់លទ្ធភាព ជាក់ស្ដែងសម្រាប់ LX600 ឆ្នាំ ២០២២ នេះវិញ ក្រុមហ៊ុនបានបញ្ចេញនូវរថយន្តដល់ទៅ ៥ ប្រភេទផ្សេងគ្នា និងបានទម្លាក់នូវតម្លៃផងដែរ ដែលក្នុងនោះមានដូចជា៖

ប្រភេទធម្មតា 2022 LX600 ដើរដោយកម្លាំងម៉ាស៊ីន 409 HP TWIN TURBO V6 តម្លៃ ៨៦ ៩០០ ដុល្លារ
ប្រភេទ 2022 LX600 Premium តម្លៃ ៩៥ ០០០ ដុល្លារ
ប្រភេទ 2022 LX600 F Sport Handling ដែលមានតួខាងមុខ និងខាងក្រោយប្លែកពីគេ តម្លៃ ១០១ ០០០ ដុល្លារ
ប្រភេទ 2022 LX600 Luxury តម្លៃ ១០៣ ០០០ ដុល្លារ
ប្រភេទ 2022 LX600 Ultra Luxury តម្លៃ ១២៦ ០០០ ដុល្លារ

ក្នុងចំណោមរថយន្តទាំង ៥ ប្រភេទខាងលើ LX600 ធម្មតាមានកៅអី ២ ជួរ ឬ ៥ កៅអី ស្របពេល ៤ ម៉ូដែលផ្សេងទៀតមាន ៣ ជួរ ឬ ៧ កៅអី ខណៈប្រភេទ Executive ឬ Ultra Luxury គឺមាន ៤ កៅអីប៉ុណ្ណោះ។

ក្រឡេកមកមើលតម្លៃពន្ធនាំចូលរបស់រថយន្តប្រភេទនេះមកកាន់ប្រទេសកម្ពុជាវិញ គឺឃើញថាមានតម្លៃថ្លៃគួរសម ពោលសម្រាប់រថយន្ត LX600ដែលមាន ៥-៧ កៅអីគឺមានតម្លៃ ១៣២ ៧៨៣ ដុល្លារ ស្របពេលប្រភេទ LX600 Ultra Luxury គឺ ១៧៥ ៧៤៣ ដុល្លារ។

ដូច្នេះ មហាជនដែលមានបំណងចង់ទិញរថយន្តប្រភេទនេះ អាចគិតគូរពិចារណាត្រួសៗបាន ផ្អែកលើតម្លៃដែលបានដាក់ពីខាងលើ ហើយបើសិនជាចង់ដឹងកាន់តែច្បាស់ពីតម្លៃពន្ធរបស់រថយន្តប្រភេទ Lexus ពីឆ្នាំ ២០១៦ ដល់ ២០២២ អាចពិនិត្យតារាងពន្ធគយដូចតទៅ៖

ប្រភព: អន្តរជាតិ

The post ក្រុមហ៊ុនទម្លាក់តម្លៃរថយន្ត Lexus LX600 ឆ្នាំ ២០២២ ក្ដៅៗ ខណៈតម្លៃពន្ធនៅខ្មែរមិនធម្មតា appeared first on .

ឃើញ Lexus LX 600 ឆ្នាំ2022 បង្ហាញខ្លួនផ្អើលពិភពលោកកុំទាន់កញ្ជ្រោល ដឹងតម្លៃបឋមពេលមកដល់ខ្មែរសិន!

អ្នកឧកញ៉ាវត្តភ្នំ — Sun, 17 Oct 2021 04:27:49 +0000

ការបង្ហាញខ្លួនរបស់រថយន្តម៉ាក Lexus LX 600 ស៊េរីឆ្នាំ2022 កាលពីថ្ងៃទី១៣ ខែតុលា ឆ្នាំ២០២១នេះ បានធ្វើឱ្យមហាជនអ្នកស្រលាញ់ចូលចិត្តរថយន្តប្រណិតនៅជុំវិញពិភពលោក តាមដានមិនដាច់ ពីលក្ខណៈពិសេសរបស់រថយន្ត SUV ខ្នាតធំម៉ូឌែលចុងក្រោយ ដែលដូររូបរាង និងបំពាក់ម៉ាស៊ីនថ្មីតូចជាងមុនមួយនេះ។ យ៉ាងណាមិញ តម្លៃរបស់រថយន្តទំនើបចុងក្រោយផុតលេខ របស់ក្រុមហ៊ុន Lexus ពេលមកដល់ទីផ្សារស្រុកខ្មែរ អាចនឹងកាន់តែធ្វើឱ្យមជ្ឈដ្ឋានអ្នកតាមដាន ភ្ញាក់ផ្អើលក៏ថាបាន។

តាមការឱ្យដឹងពីសំណាក់អ្នកគ្រប់គ្រងទូទៅប្រចាំក្រុមហ៊ុនលក់រថយន្តទំនើប ធំជាងគេនៅប្រទេសកម្ពុជា បានបង្ហើបប្រាប់ Oknha News ពីតម្លៃបឋមរបស់រថយន្តម៉ាក Lexus LX 600 ស៊េរីឆ្នាំ២០២២ នេះថា តម្លៃរថយន្តនេះ ពេលមកដល់ខ្មែរ គិតថ្លៃបង់ពន្ធនាំចូលរួច អាចថ្លៃដល់ជិត ៣០ម៉ឺនដុល្លារ និងជាង ៣០ម៉ឺនដុល្លារ ទៅតាមម៉ូឌែល។

អ្នកគ្រប់គ្រងក្រុមហ៊ុនទិញលក់រថយន្តទំនើប ដែលមានទីតាំងនៅជាប់ សណ្ឋាគារភ្នំពេញ ក្នុងរាជធានីភ្នំពេញរូបនេះ បញ្ជាក់យ៉ាងដូច្នេះថា៖ “ចំពោះតម្លៃជាក់លាក់យើងក៏មិនទាន់ហ៊ានអះអាងឱ្យច្បាស់ដូចគ្នា ដោយសារតែតម្លៃចេញពីរោងចក្រក៏មិនទាន់ប្រកាសផ្លូវការ ហើយថ្លៃពន្ធនាំចូលក៏មិនអាចគណនាចេញដែរ តែផ្អែកតាមបទពិសោធន៍ ដែលក្រុមហ៊ុនធ្លាប់នាំរថយន្តទំនើបជុំវិញពិភពលោកមកលក់ ខ្ញុំអាចប៉ាន់ស្មានបឋមក្រៅផ្លូវការថា ពេលមកដល់ទីផ្សារកម្ពុជា សម្រាប់ម៉ូឌែល Lexus LX 600 ស៊េរី Off-road អាចថ្លៃ ២៨ម៉ឺនដុល្លារ ហើយសម្រាប់ម៉ូឌែល Executive អាចនឹងថ្លៃលើស ៣០ម៉ឺនដុល្លារ”។

ក្រុមហ៊ុន Lexus ទើបតែបានប្រកាសជាផ្លូវការនូវប្រភេទរថយន្តសេរីថ្មីនៃត្រកូល Lx ដូចគ្នា គឺ Lexus Lx 600 ដែលមានរូបរាងខុសគ្នាច្រើនពី Lexus Lx ៥៧០ ពោលគឺមានទំងន់ស្រាលជាង រាងតូចជាង ខ្លីជាង តែខ្លឹមជាងមុន។ រថយន្តប្រភេទ Lexus គឺទទួលបានការកោតសរសើរ ដោយសារធ្លាប់បំពាក់ជាមួយម៉ាស៊ីនកម្លាំងខ្លាំង V-8 តែសម្រាប់ Lexus Lx 600 នេះវិញ នឹងមិនបំពាក់ម៉ាស៊ីន V-8 ទៀតឡើយ និងជំនួសមកវិញដោយម៉ាស៊ីនសាំង V6 3.5L Twin-Turbo ផលិតបានកម្លាំង 409hp ដែលនេះក៏ជារថយន្តត្រកូល Lx ដែលបំពាក់ម៉ាស៊ីនកម្លាំង V-6 មុនគេបង្អស់ផងដែរ។

សម្រាប់ម៉ូដែល Lexus Lx 600 នេះផងដែរ ក៏នឹងមានដាក់លក់ដល់ទៅ ៤ ម៉ូដមានដូចជា ប្រភេទធម្មតា The Premium, Luxury និងប្រភេទ F Sport ខណៈប្រភេទធម្មតាគឺមានកៅអី ២ ជួរ ឬ ៥ កៅអី រីឯ ៣ ម៉ូដទៀតគឺមាន ៣ ជួរ ឬ ៧ កៅអី។ រថយន្ត Lexus Lx 600 នឹងប្រកាសដាក់លក់លើទីផ្សារសហរដ្ឋអាមេរិកនៅឆ្នាំក្រោយ ហើយបើតាមការសន្និដ្ឋានពី CARandDRIVER បាននិយាយថា ប្រភេទធម្មតាអាចស្ថិតនៅខ្ទង់ ៩ ម៉ឺនដុល្លារ ស្របពេល ៣ ប្រភេទទៀតអាចថ្លៃលើសនេះ។

យ៉ាងណាមិញ តម្លៃខាងលើ Oknha News គ្រាន់តែជជីកសួរតម្លៃក្រៅផ្លូវការពីអ្នកជំនាញនាំចូលរថយន្តទំនើបៗមួយកន្លែងប៉ុណ្ណោះ ចំពោះតម្លៃជាក់លាក់នៅមិនទាន់មានបង្ហាញនៅឡើយទេ ដោយសារការប្រកាសជាផ្លូវការទើបនឹងធ្វើឡើង ហើយសម្រាប់ទីផ្សារស្រុកខ្មែរវិញក៏មិនទាន់មាននាំចូលរថយន្តប្រភេទនេះនៅឡើយ៕

The post ឃើញ Lexus LX 600 ឆ្នាំ2022 បង្ហាញខ្លួនផ្អើលពិភពលោកកុំទាន់កញ្ជ្រោល ដឹងតម្លៃបឋមពេលមកដល់ខ្មែរសិន! appeared first on .

ត្រូវចិត្តឧកញ៉ាៗទៀតហើយ Lexus LX 600 ចេញជំនាន់ថ្មីខុសពីត្រកូល LX មុនៗដាច់ មាន ៤ ម៉ូដែលឲ្យជ្រើសរើស

ឧកញ៉ាសំពៅ — Thu, 14 Oct 2021 04:41:56 +0000

ឡានប្រភេទ Lexus សេរ៊ី Lx គឺទទួលបានការពេញនិយមជាខ្លាំងមិនថានៅក្នុងប្រទេស ឬក្រៅប្រទេសឡើយ ដោយសាររូបរាងស្អាត ម៉ាស៊ីនខ្លាំង ធ្វើឲ្យអ្នកបើកបរមានភាពជឿជាក់ជាមួយឡាននេះ។

រថយន្តប្រភេទ Lexus គឺទទួលបានការកោតសរសើរ ដោយសារធ្លាប់បំពាក់ជាមួយម៉ាស៊ីនកម្លាំងខ្លាំង V-8 តែសម្រាប់ Lexus Lx 600 នេះវិញ នឹងមិនបំពាក់ម៉ាស៊ីន V-8 ទៀតឡើយ និងជំនួសមកវិញដោយម៉ាស៊ីនសាំង V6 3.5L Twin-Turbo ផលិតបានកម្លាំង 409hp ដែលនេះក៏ជារថយន្តត្រកូល Lx ដែលបំពាក់ម៉ាស៊ីនកម្លាំង V-6 មុនគេបង្អស់ផងដែរ។

រថយន្ត Lexus Lx 600 នឹងប្រកាសដាក់លក់លើទីផ្សារសហរដ្ឋអាមេរិកនៅឆ្នាំក្រោយ ហើយបើតាមការសន្និដ្ឋានពី CARandDRIVER បាននិយាយថា ប្រភេទធម្មតាអាចស្ថិតនៅខ្ទង់ ៩ ម៉ឺនដុល្លារ ស្របពេល ៣ ប្រភេទទៀតអាចថ្លៃលើសនេះ។

តម្លៃជាក់លាក់នៅមិនទាន់មានបង្ហាញនៅឡើយទេ ដោយសារការប្រកាសជាផ្លូវការទើបនឹងធ្វើឡើង ហើយសម្រាប់ទីផ្សារស្រុកខ្មែរវិញក៏មិនទាន់មាននាំចូលរថយន្តប្រភេទនេះនៅឡើយ៕

ប្រភព: caranddriver

The post ត្រូវចិត្តឧកញ៉ាៗទៀតហើយ Lexus LX 600 ចេញជំនាន់ថ្មីខុសពីត្រកូល LX មុនៗដាច់ មាន ៤ ម៉ូដែលឲ្យជ្រើសរើស appeared first on .

Lexus Lx 600

មកដឹងតម្លៃសេវានាំចូល LX600 Premium ពីសហរដ្ឋអាមេរិកមកខ្មែរ

(វីដេអូ) មិន​ខ្លាច​មេឃ​មិន​ខ្លាច​ដី Lexus LX600​ ការពារ​គ្រាប់កាំភ្លើង អានុភាព​កាន់​តែ​ញាក់សាច់​ទ្រឺតៗ

Lexus LX600 F-Sport Launch Edition ផលិតតែ ១០០ គ្រឿងលើលោក នៅខ្មែរមានតែមួយគ្រឿងគត់

ហាង​លក់​រថយន្ត​នៅ​ខ្មែរ​មួយ​បើក​ទទួលលុយ​កក់​រថយន្ត​ Lexus LX600 ២០២២ហើយ តែតម្លៃ នែ…

ក្រុមហ៊ុន​ទម្លាក់​តម្លៃ​រថយន្ត​ Lexus LX600 ឆ្នាំ ២០២២ ក្ដៅៗ​ ខណៈ​តម្លៃ​ពន្ធ​នៅ​ខ្មែរ​មិន​ធម្មតា

ឃើញ Lexus LX 600 ឆ្នាំ2022 បង្ហាញខ្លួនផ្អើលពិភពលោកកុំទាន់កញ្ជ្រោល ដឹងតម្លៃបឋមពេលមកដល់ខ្មែរសិន!

ត្រូវ​ចិត្ត​ឧកញ៉ាៗ​ទៀតហើយ Lexus LX 600 ចេញ​ជំនាន់​​ថ្មី​ខុសពី​ត្រកូល​ LX មុនៗ​ដាច់​ មាន ៤​ ម៉ូដែល​ឲ្យ​ជ្រើសរើស

(វីដេអូ) មិនខ្លាចមេឃមិនខ្លាចដី Lexus LX600 ការពារគ្រាប់កាំភ្លើង អានុភាពកាន់តែញាក់សាច់ទ្រឺតៗ

ហាងលក់រថយន្តនៅខ្មែរមួយបើកទទួលលុយកក់រថយន្ត Lexus LX600 ២០២២ហើយ តែតម្លៃ នែ…

ក្រុមហ៊ុនទម្លាក់តម្លៃរថយន្ត Lexus LX600 ឆ្នាំ ២០២២ ក្ដៅៗ ខណៈតម្លៃពន្ធនៅខ្មែរមិនធម្មតា

ត្រូវចិត្តឧកញ៉ាៗទៀតហើយ Lexus LX 600 ចេញជំនាន់ថ្មីខុសពីត្រកូល LX មុនៗដាច់ មាន ៤ ម៉ូដែលឲ្យជ្រើសរើស