Nancy Pelosi

លោកស្រី ផេឡូស៊ី ប្តេជ្ញានៅជាមួយតៃវ៉ាន់ជានិច្ច បន្ទាប់ពីចិនបង្កើនសមយុទ្ធយោធាជុំវិញកោះនេះ

ឧកញ៉ាសាមញ្ញ — Fri, 05 Aug 2022 07:11:42 +0000

ប្រធានសភាអាមេរិក លោកស្រី Nancy Pelosi បានធ្វើការប្តេជ្ញាចិត្តនៅថ្ងៃសុក្រនេះថា សហរដ្ឋអាមេរិក នឹងមិនអនុញ្ញាតឱ្យតៃវ៉ាន់ នៅឯកោតែឯងឡើយ នៅចំពេលរដ្ឋាភិបាលរបស់ទីក្រុងប៉េកាំង កំពុងសម្រុកបង្កើនសមយុទ្ធយោធា និងធ្វើការលុកលុយដោយយន្តហោះចម្បាំង បន្ទាប់ពីដំណើរទស្សនកិច្ចរបស់លោកស្រី ទៅកាន់ដែនកោះមួយនេះ ។

ដោយថ្លែង នៅក្នុងសន្និសីទសារព័ត៌មាន ក្នុងទីក្រុងតូក្យូ អំឡុងពេលសំចតចុងក្រោយនៃដំណើរទស្សនកិច្ចនៅអាស៊ី លោកស្រី Pelosi បាននិយាយថា ប្រទេសចិន បានស្វែងរកការកាត់ផ្តាច់កោះតៃវ៉ាន់ចេញពីសហគមន៍អន្តរជាតិ ប៉ុន្តែយ៉ាងណាក៏ដោយ វាមិនអាចរារាំងមន្ត្រីរបស់សហរដ្ឋអាមេរិក ពីការធ្វើដំណើរទៅកាន់ទីនោះបាននោះឡើយ ។

មិនតែប៉ុណ្ណោះ លោកស្រីបាននិយាយទៀតថា ៖ ” យើងនឹងមិនអនុញ្ញាតឱ្យចិន បង្ខាំងតៃវ៉ាន់ឱ្យនៅដាច់ដោយឡែកពីនោះគេនោះឡើយ ។ ហើយពួកគេក៏មិនអាចបញ្ឈប់កាលវិភាគនៃការធ្វើដំណើរទស្សនកិច្ចរបស់យើងបានដូចគ្នា ” ។

គួរឱ្យដឹងថា ដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់ កាលពីថ្ងៃពុធ បានធ្វើឱ្យបក្សកុម្មុយនិស្តចិន មានការខឹងសម្បារយ៉ាងខ្លាំង នៅពេលដែលពួកគេបានចាត់ទុកដីកោះប្រជាធិបតេយ្យនេះ ស្ថិតនៅក្រោមការគ្រប់គ្រងរបស់ខ្លួន ។

លើសពីនេះ នៅមុនកើតមានដំណើរទស្សនកិច្ច រដ្ឋាភិបាលទីក្រុងប៉េកាំង បានធ្វើការព្រមានធ្ងន់ៗថា ខ្លួននឹងចាត់វិធានការណ៍ ដោយបង្ខំ ប្រសិនបើលោកស្រី Pelosi នៅតែរឹងរូស ហើយនៅពេលដែលលោកស្រី បានធ្វើដំណើរចាកចេញទៅវិញ យោធារបស់ចិន បានបើកធ្វើការសមយុទ្ធបាញ់គ្រាប់ពិតតែម្តង ជាមួយនឹងការបាញ់គ្រាប់មីស៊ីលពីដីគោក ហោះរំលងកោះតៃវ៉ាន់ ធ្លាក់ចូលសមុទ្រ ។

ជាងនេះទៅទៀត ក្រសួងការពារជាតិតៃវ៉ាន់ បាននិយាយថា គិតត្រឹមម៉ោង ១១ ព្រឹកថ្ងៃសុក្រ យន្តហោះចម្បាំង និងនាវាចម្បាំងចិន ជាច្រើនគ្រឿងបានធ្វើសមយុទ្ធនៅជុំវិញច្រកសមុទ្រតៃវ៉ាន់ ហើយបានឆ្លងកាត់ខ្សែបន្ទាត់មធ្យម ដែលជាចំណុចពាក់កណ្តាលនៃផ្លូវរវាងកោះតៃវ៉ាន់ និងចិនដីគោក ៕

The post លោកស្រី ផេឡូស៊ី ប្តេជ្ញានៅជាមួយតៃវ៉ាន់ជានិច្ច បន្ទាប់ពីចិនបង្កើនសមយុទ្ធយោធាជុំវិញកោះនេះ appeared first on .

ប្រធានសភាអាមេរិក ប្ដេជ្ញាគាំទ្រការរំលាយអាវុធនុយក្លេអ៊ែររបស់កូរ៉េខាងជើង

ឧកញ៉ាសំពៅ — Thu, 04 Aug 2022 08:26:30 +0000

កាលពីថ្ងៃទី ០៣ សីហាម្សិលមិញ លោកស្រី Nancy Pelosi ប្រធានសភាអាមេរិកបានសម្រេចចាកចេញពីកោះតៃវ៉ាន់ ឆ្ពោះទៅកាន់កូរ៉េខាងត្បូងសម្រាប់ដំណើរទស្សនកិច្ចនៅតំបន់អាស៊ី។

គ្រាន់តែមកដល់កូរ៉េខាងត្បូងភ្លាម មន្ត្រីជាន់ខ្ពស់អាមេរិករូបនេះបានចូលជួបជាមួយនឹងប្រធានរដ្ឋសភា Kim Jin-pyo នៅទីក្រុងសេអ៊ូលភ្លាមៗ ដើម្បីពិភាក្សាពីការព្រួយបារម្ភលើបញ្ហាអាវុធនុយក្លេអ៊ែររបស់ប្រទេសកូរ៉េខាងជើង។

នៅក្នុងកិច្ចប្រជុំជាមួយនឹងមន្ត្រីជាន់ខ្ពស់កូរ៉េខាងត្បូង លោកស្រី Pelosi បានសន្យាថា អាមេរិកនឹងជួយគាំទ្រសម្រាប់ការបោះឆ្នោតរំលាយអាវុធនុយក្លេអ៊ែររបស់កូរ៉េខាងជើង និងមានបំណងចង់ទៅទស្សនកិច្ចនៅព្រំប្រទល់រវាងប្រទេសកូរ៉េខាងត្បូង និងខាងជើងផងដែរ។

ក្រៅពីការសន្យាជាមួយកូរ៉េខាងត្បូងក្នុងការរំលាយអាវុធនុយក្លេអ៊ែរកូរ៉េខាងជើង ប្រធានសភាអាមេរិកក៏បានជជែកគ្នាជាមួយប្រធានសភាកូរ៉េខាងត្បូង ពីការរឹតបន្តឹងទំនាក់ទំនងទ្វេភាគី និងកត្តាបម្រែបម្រួលអាកាសធាតុផងដែរ។ នេះបើតាមការចុះផ្សាយពី CNA៕

The post ប្រធានសភាអាមេរិក ប្ដេជ្ញាគាំទ្រការរំលាយអាវុធនុយក្លេអ៊ែររបស់កូរ៉េខាងជើង appeared first on .

តៃវ៉ាន់កំពុងចរចាជាមួយហ្វីលីពីន និងជប៉ុនរកដំណោះស្រាយបើកផ្លូវអាកាស

ឧកញ៉ាសំពៅ — Wed, 03 Aug 2022 08:41:51 +0000

យោងតាមការចុះផ្សាយពី CNN បានឲ្យដឹងថា តៃវ៉ាន់កំពុងចរចាជាមួយនឹងប្រទេសជិតខាងជប៉ុន និងហ្វីលីពីន ក្នុងការបើកផ្លូវអាកាសបណ្ដោះអាសន្ន ដើម្បីអាចចរាចរណ៍ពាណិជ្ជកម្មឡើងវិញ បន្ទាប់ពីចិនប្រកាសធ្វើសមយុទ្ធយោធាបិទច្រកពាណិជ្ជកម្មរបស់ខ្លួន។

កងយោធារបស់ចិនកំពុងធ្វើសមយុទ្ធយោធា និងបាញ់គ្រាប់កាំភ្លើងពិតៗនៅដែនសមុទ្ររបស់តៃវ៉ាន់ ហើយក៏បានប្រកាសដែរថា រាល់ជើងហោះហើរដែលធ្វើដំណើរកាត់ដែនសមុទ្រតៃវ៉ាន់ សូមមានការប្រុងប្រយ័ត្ន ឬអាចវៀងបាន ដ្បិតខ្លួនកំពុងធ្វើសមយុទ្ធយោធា។

សូមជម្រាបដែរថា ការិយាល័យដែនសមុទ្រ និងកំពង់ផែតៃវ៉ាន់បានចេញសេចក្ដីប្រកាស ៣ កាលពីថ្ងៃពុធ ដោយបានស្នើឲ្យនាវាដឹកទំនិញទាំងអស់ប្រើប្រាស់ផ្លូវវាងសម្រាប់កំពង់ផែទាំង ៧ នៅលើកោះមួយនេះ៕

The post តៃវ៉ាន់កំពុងចរចាជាមួយហ្វីលីពីន និងជប៉ុនរកដំណោះស្រាយបើកផ្លូវអាកាស appeared first on .

រដ្ឋមន្ត្រីការបរទេសចិន និងអាមេរិក នឹងមិនជួបជជែកគ្នាក្នុងកិច្ចប្រជុំដែលរៀបចំនៅទីក្រុងភ្នំពេញឡើយ

ឧកញ៉ាសំពៅ — Wed, 03 Aug 2022 07:58:50 +0000

ដំណើរទស្សនកិច្ចរបស់ប្រធានសភាអាមេរិក Nancy Pelosi ទៅកាន់កោះតៃវ៉ាន់ បានធ្វើឲ្យស្ថានភាពរវាងចិន និងអាមេរិកកាន់តែតានតឹងជាងមុនទៀត ដ្បិតរដ្ឋាភិបាលចិនចាត់ទុកថា ទង្វើនេះជាការចេះដឹងពីបញ្ហាផ្ទៃក្នុងរបស់ខ្លួន។

ស្របពេលជាមួយគ្នានេះ រដ្ឋមន្ត្រីការបរទេសចិន និងអាមេរិកក៏នឹងត្រូវបង្ហាញវត្តមានសម្រាប់កិច្ចប្រជុំរដ្ឋមន្ត្រីការបរទេសអាស៊ានលើកទី ៥៥ ដែលធ្វើឡើងនៅទីក្រុងភ្នំពេញទាំង ២ នាក់ផងដែរ ប៉ុន្តែមន្ត្រីជាន់ខ្ពស់ទាំង ២ រូបនេះ នឹងមិនយកកិច្ចប្រជុំនេះមកពិភាក្សាបញ្ហារបស់លោកស្រី Pelosi ឡើយ។ នេះបើតាមសម្ដីអ្នកនាំពាក្យរបស់លោក Wang Yi។

សូមជម្រាបដែរថា លោក Wang គ្រោងនឹងចូលរួមកិច្ចប្រជុំជាមួយរដ្ឋមន្ត្រីការបរទេសមកពីអាស៊ាន និងបណ្តាប្រទេសអាស៊ីបូព៌ា ពីថ្ងៃពុធដល់ថ្ងៃសុក្រ ដែលនឹងផ្តោតលើសន្តិសុខ និងការអភិវឌ្ឍន៍ក្នុងតំបន់ ក៏ដូចជារបៀបទប់ទល់នឹងការកើនឡើងនៃភាពមិនប្រាកដប្រជាដែលកើតឡើងជាមួយ COVID-19 វិបត្តិរុស្ស៊ី-អ៊ុយក្រែន និងពិភាក្សារឿងអាមេរិកជំរុញយុទ្ធសាស្ត្រឥណ្ឌូប៉ាស៊ីហ្វិករបស់ខ្លួន ដែលគំរាមកំហែងដល់ស្ថិរភាពក្នុងតំបន់។

ទន្ទឹមនឹងនោះ អ្នកជំនាញបានវែកញែកប្រាប់ Global Times ថា ការខកខានមិនជួបគ្នារវាងលោក Wang Yi និង Blinken នឹងធ្វើឲ្យចំណងមិត្តភាពរវាងចិន និងអាមេរិកកាន់តែយ៉ាប់យ៉ឺន ដ្បិតចិនមានការខឹងសម្បាខ្លាំងចំពោះទង្វើរបស់អាមេរិកសារនេះ៕

The post រដ្ឋមន្ត្រីការបរទេសចិន និងអាមេរិក នឹងមិនជួបជជែកគ្នាក្នុងកិច្ចប្រជុំដែលរៀបចំនៅទីក្រុងភ្នំពេញឡើយ appeared first on .

រដ្ឋមន្ត្រីការបរទេសចិន ចោទលោកស្រី Pelosi ពីដំណើរទស្សនកិច្ចបង្កជំលោះ

ឧកញ៉ាសាមញ្ញ — Wed, 03 Aug 2022 07:20:24 +0000

រដ្ឋមន្ត្រីការបរទេសចិន លោក Wang Yi បានធ្វើការរិះគន់ចំៗ ទៅលើប្រធានសភាអាមេរិក លោកស្រី Nancy Pelosi ដោយបានដាក់ឈ្មោះ ដំណើរទសន្សនកិច្ចរបស់លោកស្រី ទៅកាន់កោះតៃវ៉ាន់ថា “ជាដំណើរទស្សនកិច្ចបំពេញមុខ” និងថែមទាំងព្រមានទៀតថា “អ្នកណាដែលលេងភ្លើង នឹងវិនាស” ។

លោក Wang Yi បានប្រាប់អ្នកសារព័ត៌មាន ខាងក្រៅកិច្ចប្រជុំជាមួយរដ្ឋមន្ត្រីការបរទេសអាស៊ាន នៅកម្ពុជា ថា សហរដ្ឋអាមេរិក កំពុងរំលោភអធិបតេយ្យភាពរបស់ប្រទេសចិន ដោយដើរតួជាអ្នកកាន់លទ្ធិប្រជាធិបតេយ្យ ។

នៅក្នុងសេចក្តីថ្លែងការណ៍ដដែលនោះ ក្រសួងការប្រទេសចិន បានធ្វើការរិះគន់ធ្ងន់ៗទៅលើលោកស្រី Pelosi ចំពោះការបន្តធ្វើដំណើរទស្សនកិច្ចរបស់លោកស្រី ទៅកាន់កោះតៃវ៉ាន់បានសម្រេច កាលពីយប់មិញ ហើយរដ្ឋមន្ត្រីរូបនេះ បានអះអាងថា វាជាការរំលោភបំពានលើអធិបតេយ្យភាពរបស់ចិន ដោយចេតនា និងចូលរួមក្នុងការបង្ករឿងនយោបាយ ។

បញ្ជាក់ផងដែរថា មុនពេលដំណើរទស្សនកិច្ចរបស់លោកស្រី Pelosi រដ្ឋាភិបាលរបស់ប្រទេសចិន បានចេញការព្រមានជាច្រើន ដោយបានប្តេជ្ញាថានឹងចាត់វិធានការយ៉ាងម៉ឺងម៉ាត់ និងខ្លាំងក្លា ប្រសិនបើការធ្វើដំណើររបស់លោកស្រីទៅកាន់កោះនេះ បានសម្រេច ៕

The post រដ្ឋមន្ត្រីការបរទេសចិន ចោទលោកស្រី Pelosi ពីដំណើរទស្សនកិច្ចបង្កជំលោះ appeared first on .

ចិនបិទពាណិជ្ជកម្មទ្វេភាគីជាមួយតៃវ៉ាន់ ក្រោយការមកដល់របស់ប្រធានសភាអាមេរិក

ឧកញ៉ាសំពៅ — Wed, 03 Aug 2022 03:52:04 +0000

កន្លងមករដ្ឋមន្ត្រីការបរទេសចិនលោក Wang Yi ធ្លាប់បានបោះសម្ដីមួយឃ្លាថា បើសិនជាប្រទេសណាដែលហ៊ានលូកដៃក្នុងទំនាស់ផ្ទៃក្នុងរវាងចិន និងតៃវ៉ាន់ ពួកគេនឹងមិនទទួលបានផលចំណេញអ្វីឡើយ ក្រៅពីការខាតបង់ដែលអាចនឹងស្មានមិនដល់។

ជាការពិត គ្រាន់តែលេចវត្តមានរបស់ប្រធានសភាអាមេរិក Nancy Pelosi នៅទីក្រុងតៃប៉ិកាលពីរាត្រីថ្ងៃអង្គារកន្លងទៅ រាជរដ្ឋាភិបាលចិនបានចាត់វិធានការធម៌ក្ដៅមួយរំពេច ពោលគឺរៀបចំធ្វើសមយុទ្ធឡោមព័ទ្ធកោះតៃវ៉ាន់។

បន្ថែមពីនោះ មហាអំណាចសេដ្ឋកិច្ចនៅអាស៊ីមួយនេះ ថែមទាំងបានបង្កកការនាំចូលផលិតផលអាហារច្រើនជាង ២ ០០០ មុខពីផលិតផលសរុប ៣ ២០០ មុខពីប្រទេសតៃវ៉ាន់ និងបានផ្អាកការនាំចេញខ្សាច់ធម្មជាតិទៅកាន់ដែនកោះមួយនេះ ដើម្បីជាការដាក់ទណ្ឌកម្មសេដ្ឋកិច្ចលើតៃវ៉ាន់សម្រាប់ការមកដល់របស់លោកស្រី Pelosi។

ទន្ទឹមនឹងនោះ លោក Chiu Chui-Cheng អនុរដ្ឋមន្ត្រីនៃក្រុមប្រឹក្សាកិច្ចការដីគោកនៃសាធារណៈរដ្ឋចិន បានទម្លាយទៀតថា ទណ្ឌកម្មសេដ្ឋកិច្ចដែលតៃវ៉ាន់ទទួលបានពីចិន គឺធ្ងន់ធ្ងរខ្លាំងបើធៀបនឹងអ្វីដែលចិនធ្លាប់ធ្វើកន្លងមក ហើយនេះគ្រាន់តែជាការចាប់ផ្ដើមប៉ុណ្ណោះ ដ្បិតវាអាចនឹងឈានដល់ចំណុចអាក្រក់ជាងនេះ នៅថ្ងៃអនាគត។

សូមជម្រាបដែរថា កន្លងមកអាជ្ញាធរចិនធ្លាប់តែផ្អាកការនាំចូលផលិតផលផ្សេងៗពីតៃវ៉ាន់ ត្រឹមតែប្រភេទទំនិញមួយៗប៉ុណ្ណោះ ប៉ុន្តែសារនេះចិនបានផ្អាកស្ទើរគ្រប់ប្រភេទទំនិញនាំចូល ៣៥ ប្រភេទពីតៃវ៉ាន់ ស្របពេលរដ្ឋាភិបាលតៃវ៉ាន់សារភាពថា ទំហំខាតបង់សារនេះគឺមានច្រើន និងមិនទាន់អាចកំណត់ពីទំហំជាក់លាក់បាននៅឡើយ៕

The post ចិនបិទពាណិជ្ជកម្មទ្វេភាគីជាមួយតៃវ៉ាន់ ក្រោយការមកដល់របស់ប្រធានសភាអាមេរិក appeared first on .

អាល្លឺម៉ង់នឹងមិនអោបដៃឈរមើលឡើយ បើសិនចិនហ៊ានដើរតាមដានចាស់របស់រុស្ស៊ី

ឧកញ៉ាសំពៅ — Wed, 03 Aug 2022 03:21:29 +0000

កាលពីពេលថ្មីៗនេះ លោកស្រី Nancy Pelosi បានមកកាន់ដីកោះតៃវ៉ាន់ ក្នុងគោលបំណងគាំទ្រអធិបតេយ្យភាពរបស់តៃវ៉ាន់ ប្រឆាំងនឹងប្រទេសចិនដែលមានគោលដៅចង់បង្រួបបង្រួមតៃវ៉ាន់ ហើយទង្វើមួយនេះត្រូវបានចិនយល់ឃើញថា ជាការនាំភ្លើងដាក់ខ្លួនរបស់អាមេរិក។

ទន្ទឹមនឹងនោះ ប្រទេសសមាជិកអឺរ៉ុបគឺអាល្លឺម៉ង់បានទម្លាយដែរថា ពួកគេនឹងមិនអោបដៃឈរមើលឡើយ បើសិនជាចិនហ៊ានដើរតាមគន្លងសម្ព័ន្ធមិត្តរុស្ស៊ី បើកការវាយប្រហារលើប្រទេសជិតខាងដែលតូចទាបជាងខ្លួន។

“ពួកយើងនឹងមិនយល់ព្រមដាច់ខាត នៅពេលដែលច្បាប់អន្តរជាតិត្រូវបានបំពាន ខណៈប្រទេសធំមួយបើកការវាយប្រហារលើប្រទេសជិតខាងដែលតូចជាងខ្លួន”។ នេះបើតាមសម្ដីរបស់រដ្ឋមន្ត្រីការបរទេសអាល្លឺម៉ង់ Annalena Baerbock បានប្រកាសប្រាប់សារព័ត៌មាន។

សូមជម្រាបដែរថា ភាពតានតឹងរវាងអាមេរិក ចិន និងតៃវ៉ាន់គឺកាន់តែខ្លាំងឡើងៗ បន្ទាប់ពីប្រធានសភាអាមេរិកចុះចតនៅទីក្រុងតៃប៉ិ ស្របពេលកងយោធាចិនកំពុងធ្វើសមយុទ្ធឡោមព័ទ្ធដែនកោះតៃវ៉ាន់ទាំងមូល៕

The post អាល្លឺម៉ង់នឹងមិនអោបដៃឈរមើលឡើយ បើសិនចិនហ៊ានដើរតាមដានចាស់របស់រុស្ស៊ី appeared first on .

រដ្ឋាភិបាលចិន ប្រកាសត្រៀមធ្វើសមយុទ្ធឡោមព័ទ្ធកោះតៃវ៉ាន់ ក្រោយការមកដល់របស់ប្រធានសភាអាមេរិក

ឧកញ៉ាសំពៅ — Tue, 02 Aug 2022 15:32:21 +0000

លោកស្រី Nancy Pelosi ជាប្រធានសភាអាមេរិកបានធ្វើដំណើរទស្សនកិច្ចមកកាន់ដីកោះតៃវ៉ាន់ ដោយសុវត្ថិភាពកាលពីរាត្រីថ្ងៃអង្គារវេលាម៉ោងប្រមាណ ៩ និង ៤៥ នាទី (ម៉ោងនៅកម្ពុជា) នៅប្រលានយន្តហោះតៃប៉ិ។

គ្រាន់តែបោះជើងលើដីទីក្រុងតៃប៉ិភ្លាម រដ្ឋាភិបាលចិនបានបើកសារ៉ែនប្រកាសអាសន្ននៅទីក្រុងហ្វូជៀន ដែលជាប់ព្រំប្រទល់នឹងតៃវ៉ាន់ ខណៈមហាអំណាចមួយនេះថែមទាំងបានប្រកាសថា អាមេរិក និងតៃវ៉ាន់នឹងមិនរួចខ្លួនឡើយពីទំនួលខុសត្រូវចំពោះទង្វើមួយនេះ។

យោងតាមការឲ្យដឹងពីក្រសួងការបរទេសចិនបានបង្ហើបថា ជាកិច្ចឆ្លើយតបនឹងទស្សនកិច្ចរបស់លោកស្រី Pelosi ទៅកាន់កោះតៃវ៉ាន់ ពួកយើងនឹងធ្វើរាល់គ្រប់មធ្យោបាយដើម្បីអាចការពារបូរណភាពទឹកដី និងអធិបតេយ្យភាពរបស់រដ្ឋឲ្យបាន ហើយទោះជាលទ្ធផលបានមកបែបណា អាមេរិក និងតៃវ៉ាន់ត្រូវតែទទួលខុសត្រូវដាច់ខាត។

ទន្ទឹមនឹងនោះ RT ក៏បានចុះផ្សាយបន្ថែមថា កងយោធារបស់ចិននឹងធ្វើសមយុទ្ធឡោមព័ទ្ធកោះតៃវ៉ាន់ ចាប់ពីថ្ងៃទី ០៤ ដល់ទី ០៦ សីហា៕

The post រដ្ឋាភិបាលចិន ប្រកាសត្រៀមធ្វើសមយុទ្ធឡោមព័ទ្ធកោះតៃវ៉ាន់ ក្រោយការមកដល់របស់ប្រធានសភាអាមេរិក appeared first on .

BREAKING NEWS: ទីបំផុតប្រធានសភាអាមេរិក មកដល់តៃវ៉ាន់បានសម្រេច មិនខ្វល់ពីការព្រមានរបស់ចិន

ឧកញ៉ាសំពៅ — Tue, 02 Aug 2022 14:45:50 +0000

លោកស្រី Nancy Pelosi បានធ្វើដំណើរមកដល់ដីកោះតៃវ៉ាន់ដោយសុវត្ថិភាព នៅវេលាម៉ោង ១០ និង ៤៥ នាទីយប់ (ម៉ោង ៩ និង ៤៥ នាទីនៅកម្ពុជា) បន្ទាប់ពីហោះចេញពីប្រទេសម៉ាឡេស៊ីនៅវេលាម៉ោង ៣ និង ៤២ នាទីរសៀល តាមរយៈយន្តហោះចំបាំងរបស់អាមេរិកដែលមានលេខ SPAR19។

សម្រាប់ការមកដល់នៃដែនកោះតៃវ៉ាន់របស់មន្ត្រីអាមេរិកជាន់ខ្ពស់រូបនេះ បានធ្វើឲ្យពិភពលោកព្រួយបារម្ភជាខ្លាំង ដ្បិតកន្លងមករដ្ឋាភិបាលចិនបានព្រមានយ៉ាងចាស់ដៃថា អាមេរិកកុំលូកដៃក្នុងទំនាស់ផ្ទៃក្នុងរបស់ខ្លួន ហើយបើសិនជានៅតែព្រហើន នោះសង្គ្រាមអាចផ្ទុះបានគ្រប់ពេល។ នេះបើតាមការចុះផ្សាយពីសារព័ត៌មានក្រៅស្រុកធំៗជាច្រើន។

យ៉ាងណា ក្នុងដំណើរទស្សនកិច្ចរបស់លោកស្រី Pelosi នេះផងដែរ គឺរដ្ឋាភិបាលអាមេរិកចេញមុខអះអាងថា ជាការសម្រេចចិត្តរបស់លោកស្រីដោយខ្លួនឯង ប៉ុន្តែរដ្ឋាភិបាលអាមេរិកនៅតែបញ្ជូនយន្តហោះចំបាំង ១៣ គ្រឿង និងនាវាចំបាំង ៤ គ្រឿងអបដំណើរប្រធានសភាអាមេរិកមកកាន់កោះតៃវ៉ាន់ដដែល។

សូមជម្រាបដែរថា មុនចាប់ផ្ដើមដំណើរទស្សនកិច្ចមកតៃវ៉ាន់ ប្រធានាធិបតី ចូ បៃឌិន និងស៊ី ជីនពីងធ្លាប់បានជួបសំណេះសំណាលជុំវិញបញ្ហាមួយនេះម្ដងដែរ ដោយគ្រានោះថ្នាក់ដឹកនាំចិនព្រលយសម្ដីថា អាមេរិកកុំចង់ប្រឡែងនឹងភ្លើង ព្រោះបើហ៊ានតែលូកដៃគឺមិនទទួលបានប្រយោជន៍អ្វីនោះឡើយ៕

The post BREAKING NEWS: ទីបំផុតប្រធានសភាអាមេរិក មកដល់តៃវ៉ាន់បានសម្រេច មិនខ្វល់ពីការព្រមានរបស់ចិន appeared first on .

ប្រធានសភាអាមេរិក មានប្រវត្តិប្រឆាំងរដ្ឋាភិបាលចិនយ៉ាងវក់វី

ឧកញ៉ាសំពៅ — Tue, 02 Aug 2022 08:46:52 +0000

កាលពីពេលថ្មីៗនេះ ប្រធានសភាអាមេរិក Nancy Pelosi បានធ្វើដំណើរទស្សនកិច្ចមកកាន់ប្រទេសនៅតំបន់អាស៊ី ហើយក៏លឺល្ហៀងៗថា នឹងឆៀងចូលកោះតៃវ៉ាន់ ដែលដំណឹងមួយនេះបានធ្វើឲ្យរដ្ឋាភិបាលចិនក្ដៅស្លឹកត្រចៀក និងព្រមានអាមេរិកដាច់ខាតកុំលូកដៃក្នុងទំនាស់ផ្ទៃក្នុងរបស់ខ្លួន។

យ៉ាងណា បើមើលឲ្យមែនទែនទៅនេះមិនមែនជាលើកទី ១ ឡើយដែលរដ្ឋាភិបាលចិនសំដែងការមិនពេញចិត្តជាមួយនឹងលោកស្រី Pelosi ដ្បិតកាលពីប្រមាណ ៣០ ឆ្នាំមុនមន្ត្រីជាន់ខ្ពស់អាមេរិករូបនេះធ្លាប់បង្កព្យុះភ្លៀងនៅទីក្រុងប៉េកាំងម្ដងដែរ។

ត្រឡប់ទៅកាលពីឆ្នាំ ១៩៩១ រំលងបាន ២ ឆ្នាំបន្ទាប់ពីមានបាតុកម្មធំបំផុតមួយនៅទីក្រុងប៉េកាំង ប៉ុន្តែត្រូវបានបង្ក្រាបដោយរដ្ឋាភិបាល លោកស្រីនឹងមន្ត្រី ២ រូបផ្សេងទៀតបានលួចទៅតំបន់ Tiananmen Square ដោយមិនផ្ដល់ដំណឹងដល់អាជ្ញាធរចិនប្រចាំតំបន់។

គោលបំណងដែលលោកស្រីទៅទីនោះ គឺដើម្បីគោរពវិញ្ញាណក្ខន្ធក្រុមអ្នកគាំទ្រដែលបានបាត់បង់ជីវិតក្នុងព្រឹត្តិការណ៍បាតុកម្ម ១៩៨៩ ដែលបង្ក្រាបដោយរដ្ឋាភិបាលចិន ហើយនិងបានលើកផ្ទាំងក្រណាត់ ដោយបានសរសេរជាអក្សរចិន និងអង់គ្លេសដែលមានន័យថា “ជូនចំពោះជនដែលបានបាត់បង់ជីវិតក្នុងការទាមទារប្រជាធិបតេយ្យក្នុងប្រទេសចិន”។ នេះបើតាមការចុះផ្សាយពី BBC។

យ៉ាងណា ក្រុមប៉ូលិសប្រចាំតំបន់នោះក៏បានចុះអន្តរាគមន៍ភ្លាមៗ ហើយទង្វើមួយនេះបានធ្វើឲ្យរដ្ឋាភិបាលចិនចាត់ទុកលោកស្រីជាបុគ្គលដែល “ពោរពេញដោយការញុះញង់ និងផ្សាយព័ត៌មានមិនពិត”។

រំលងបាន ២ ឆ្នាំ នៅឆ្នាំ ១៩៩៣ លោកស្រី Pelosi បានចេញមុខប្រឆាំងរដ្ឋាភិបាលចិនក្នុងការដេញថ្លៃជាម្ចាស់ផ្ទះព្រឹត្តិការកីឡាអូឡាំពិក ១៩៩៣ ដោយចោទប្រទេសចិនបានរំលោភច្បាប់សិទ្ធមនុស្ស។

បន្ថែមពីនោះ ប្រធានសភារូបនេះក៏ជាសមាជិកមួយរូបដែលបានចូលរួមធ្វើពហិការមិនឲ្យអតីតប្រធានាធិបតីអាមេរិក George W Bush ចូលរួមសម្ពោធបើកព្រឹត្តិការណ៍ប្រកួតកីឡាអូឡាំពិករដូវក្ដៅ ២០០៨ នៅប្រទេសចិនផងដែរ ប៉ុន្តែមិនបានសម្រេច។

សូមជម្រាបដែរថា ថ្មីៗនេះសារព័ត៌មានក្រៅស្រុកជាច្រើនសុទ្ធតែបានអះអាងថា Pelosi នឹងធ្វើដំណើរមកដល់កោះតៃវ៉ាន់នៅថ្ងៃអង្គារ ឬយូរបំផុតនៅថ្ងៃពុធ ប៉ុន្តែដំណឹងផ្លូវការនៅមិនទាន់ប្រកាសនៅឡើយ៕

The post ប្រធានសភាអាមេរិក មានប្រវត្តិប្រឆាំងរដ្ឋាភិបាលចិនយ៉ាងវក់វី appeared first on .

Nancy Pelosi

លោកស្រី ផេឡូស៊ី ប្តេជ្ញានៅជាមួយតៃវ៉ាន់ជានិច្ច បន្ទាប់ពីចិនបង្កើនសមយុទ្ធយោធាជុំវិញកោះនេះ

ប្រធាន​សភា​អាមេរិក ប្ដេជ្ញា​គាំទ្រ​ការ​រំលាយ​អាវុធ​នុយក្លេអ៊ែរ​របស់​កូរ៉េខាងជើង

តៃវ៉ាន់​កំពុង​ចរចា​ជាមួយ​ហ្វីលីពីន និង​ជប៉ុន​រក​ដំណោះស្រាយ​បើកផ្លូវ​អាកាស

រដ្ឋមន្ត្រីការបរទេសចិន និងអាមេរិក នឹងមិនជួបជជែកគ្នាក្នុងកិច្ចប្រជុំដែលរៀបចំនៅទីក្រុងភ្នំពេញឡើយ

រដ្ឋមន្ត្រីការបរទេសចិន ចោទលោកស្រី Pelosi ពី​ដំណើរទស្សនកិច្ចបង្កជំលោះ