កាលពីថ្ងៃទី១ ខែកញ្ញា ក្រុមប្រឹក្សាភិបាលរបស់ក្រុមហ៊ុន Nestle បានប្រកាសតែងតាំងលោក Philipp Navratil ជានាយកប្រតិបត្តិ ជំនួសលោក Laurent Freixe ដែលត្រូវបានបញ្ចប់កិច្ចសន្យា នាពេលថ្មីៗនេះ។

ក្រុមហ៊ុនបាននិយាយថា ការសម្រេចចិត្តនេះ ត្រូវបានធ្វើឡើង បន្ទាប់ពីមានការចាប់ផ្តើមស៊ើបអង្កេតលើការចោទប្រកាន់ថា លោក Freixe បានលួចលាក់មានសេ្នហាក្រៅអាពាហ៍ពិពាហ៍ ជាមួយជំនួយការផ្ទាល់ខ្លួន ដែលធ្វើឲ្យមានការរំលោភបំពានលើក្រមសីលធម៌របស់ Nestle។

គួរឲ្យដឹងថា ការស៊ើបអង្កេតនេះត្រូវបានត្រួតពិនិត្យដោយប្រធានក្រុមហ៊ុនលោក Paul Bulcke និងនាយកឯករាជ្យ លោក Pablo Isla ផងដែរ ដោយមានការគាំទ្រពីអ្នកប្រឹក្សាផ្នែកច្បាប់ខាងក្រៅ។

មិនតែប៉ុណ្ណោះ ប្រធានក្រុមហ៊ុន លោក Paul Bulcke បាននិយាយថា ៖”នេះគឺជាការសម្រេចចិត្តដ៏ចាំបាច់មួយ។ តម្លៃ និងគោលការណ៍នៃអភិបាលកិច្ចរបស់យើង គឺជាមូលដ្ឋានគ្រឹះនៃក្រុមហ៊ុន Nestle។ យើងសូមអរគុណ Laurent សម្រាប់ការលះបង់អស់ពេលជាច្រើនឆ្នាំរបស់គាត់ចំពោះក្រុមហ៊ុន”៕

The post CEO ក្រុមហ៊ុនខ្នាតយក្ស Nestle លោក Laurent Freixe ត្រូវបណ្តេញចេញពីតំណែង appeared first on .

ជុំវិញការប្រកាសនេះ មានន័យថា Nestle គឺជាក្រុមហ៊ុនបរទេសមួយផ្សេងទៀតហើយ ដែលគ្រោងនឹងដកខ្លួន ឈប់រកស៊ីក្នុងប្រទេស នៅតំបន់អាស៊ីអាគ្នេយ៍មួយនេះ ។

មិនតែប៉ុណ្ណោះ យោងតាមអ្នកនាំពាក្យរបស់ក្រុមហ៊ុន Nestle បាននិយាយកាលពីថ្ងៃទី ២៧ ខែកុម្ភ:កន្លងទៅថា ដោយសារតែ ស្ថានភាពសេដ្ឋកិច្ចបច្ចុប្បន្ន បានធ្វើឱ្យរោងចក្ររបស់ខ្លួន នៅទីក្រុង Yangon ក៏ដូចជាការិយាល័យកណ្តាល នឹងត្រូវបញ្ឈប់ប្រតិបត្តិការទាំងស្រុង ។

ប៉ុន្តែទោះជាយ៉ាងណាក៏ដោយ បើទោះបីជាមានការដកខ្លួនចេញបែបនេះ តំណាងក្រុមហ៊ុនមីយ៉ាន់ម៉ា នឹងនៅតែបន្តធ្វើទីផ្សារ និងចែកចាយផលិតផល Nestle ពីប្រទេសថៃ ម៉ាឡេស៊ី និងហ្វីលីពីន ជំនួសវិញ ។

គួរឱ្យដឹងផងដែរថា កន្លងមកក្រុមហ៊ុន Nestle លក់ផលិតផលជាច្រើន ដូចជា កាហ្វេកញ្ចប់ Nescafe , គុយទាវ Maggi និងភេសជ្ជៈ​រសជាតិ​សូកូឡា Milo នៅក្នុងប្រទេសមីយ៉ាន់ម៉ា។ ហើយជុំវិញការបញ្ឈប់អាជីវកម្មនេះ ក្រុមហ៊ុន Nestle បានសន្យាថា នឹងប្រឹងប្រែងឱ្យអស់ពីសមត្ថភាព ដើម្បីជួយដោះស្រាយចំពោះអ្នកដែលរងផលប៉ះពាល់ ។

ជម្រាបជូនឱ្យដឹងថា ថ្មីៗនេះ ក្រុមហ៊ុនបរទេសមួយចំនួនរួចមកហើយ បានប្រកាសអំពីការដកខ្លួនចេញពីប្រទេសមីយ៉ាន់ម៉ា ដូចជាក្រុមហ៊ុនថាមពល Total Eneergies , ក្រុមហ៊ុន Chevron និងក្រុមហ៊ុន Telenor ជាដើម ៕

The post ក្រុមហ៊ុន Nestle ត្រៀមបញ្ឈប់អាជីវកម្ម និងបិទការិយាល័យកណ្តាលខ្លួន នៅមីយ៉ាន់ម៉ា appeared first on .