យោងតាមការចុះផ្សាយពីកាសែតអេស្ប៉ាញ Marca បានឲ្យដឹងថា រថយន្តនេះ គឺជារថយន្តដ៏ពិសេសបំផុតមួយ ដែលត្រូវបានរចនាឡើង ដោយយកគម្រូតាមរថយន្តនៅក្នុងខ្សែភាពយន្ត Batman និងត្រូវបានចែកចាយដោយក្រុមហ៊ុន Warner Bros ផ្ទាល់។ Batmobile Tumbler ត្រូវបានផលិតមកតែ ១០​​​ គ្រឿងប៉ុណ្ណោះ​ ។

Batmobile Tumbler នេះ​ មានប្រវែងបណ្តាល ៤,៦៥ ម៉ែត្រ និងទទឹង ២,៨ ម៉ែត្រ រចនាឡើងជាពិសេសដោយស៊ុមដែកព័ទ្ធជុំវិញ អមដោយសរសៃកាបូន និងតួខ្លួន Kevlar ផងដែរ។ វាត្រូវបានបំពាក់ដោយម៉ាស៊ីនចំណុះ​ ៦,២ L V8 ផលិតកម្លាំង ៥២៥ សេះ មកជាមួយនឹងរូបរាងចម្លែកពិសេសដ៏ទាក់ទាញ។

គួរឲ្យដឹងដែរថា Neymar គឺជាអ្នកគាំទ្រតួអង្គ Batman ជាយូរមកហើយ ដោយរូបគេថែមទាំងមានសាក់រូបតួអង្គនេះ នៅលើខ្នងរបស់គេថែមទៀតផង។ នៅឆ្នាំ២០២២ តារាបាល់ទាត់របស់ក្លិប Santos រូបនេះ ក៏បានអញ្ជើញឲ្យចូលរួមក្នុងពិធីដាក់សម្ពោធខ្សែភាពយន្តរឿង The Batman ផងដែរ។

បើទោះបីជា Batmobile មានតម្លៃថ្លៃខ្លាំងយ៉ាងណាក៏ដោយ តែ Neymar នឹងមិនអាចបើកបរវា នៅលើផ្លូវសាធារណ:បាននោះទេ ដោយសារតែវាមិនត្រូវបានបំពេញតាមច្បាប់ផ្លូវថ្នល់របស់អឺរ៉ុប។ ហើយរថយន្តនេះ នឹងត្រូវយកទៅដាក់តាំងទុក អមជាមួយរថយន្តស៊េរីទំនើបៗរបស់ Neymar ផ្សេងទៀត ដូចជា Audi R8 Spyder V10 Plus, Ferrari Purosangue, Bentley Continental GT, Aston Martin DBX និង Lamborghini Huracan ជាដើម។

ជម្រាបជូនថា យោងតាមគេហទំព័រ Celebrity Net Worth ទ្រព្យសម្បត្តិសរុបរបស់ Neymar ត្រូវបានគេប៉ាន់ស្មានថាមានចំនួន ៣៥០លានដុល្លារ ដោយរូបគេត្រូវបានចាត់ទុកថាជាអត្តពលិកដែលអាចរកចំណូលបានច្រើនជាងគេបំផុតមួយ នៅលើពិភពលោក ផងដែរ៕​

The post តារាបាល់ទាត់ Neymar ជះលុយ ១,៥លានដុល្លារ ទិញរថយន្តចម្លែក Batmobile មកតាំងទុក appeared first on .

យោងតាមសារព័ត៌មាន Daily Mail បានបង្ហាញឲ្យដឹងថា អលចនទ្រព្យចុងក្រោយរបស់ Neymar នេះ គឺជាប្រភេទផ្ទះ Sky-Mansion Penthouse ដែលស្ថិតនៅក្នុងគម្រោងលំនៅដ្ឋាន Bugatti របស់ទីក្រុងឌុយបៃ។

ផ្ទះ Penthouse ដ៏ប្រណីតនេះ មានលក្ខណៈពិសេសៗជាច្រើន ដូចជាជណ្តើរយន្តឯកជនដែលអាចដឹករថយន្តឡើងមកកាន់ Penthouse ដោយផ្ទល់ រួមទាំងអាងហែលទឹកផ្ទាល់ខ្លួន កន្លែងហាត់ប្រាណ និងថែមទាំងផ្តល់ទេសភាពដ៏អស្ចារ្យនៃទីក្រុងឌុយបៃ ផងដែរ។

គួរឲ្យដឹងផងដែរថា Neymar ត្រូវបានចាត់ទុកថាជាតារាបាល់ទាត់ម្នាក់ ដែលស្រលាញ់ការទិញអចលនទ្រព្យប្រណីតៗទុក ខណ:កាលពីពេលថ្មីៗនេះ រូបគេក៏បានទិញផ្ទះមួយនៅក្នុងទីក្រុង Miami សហរដ្ឋអាមេរិក ក្នុងតម្លៃជាង ២០លានផោន រួមទាំងការទិញយកកោះឯកជនមួយ តម្លៃ ៧លានផោន ក្នុងប្រទេសប្រេស៊ីល ដើម្បីទុកជាកាដូសម្រាប់មិត្តស្រី គឺអ្នកនាង Bruna Biancardi និងកូនស្រីរបស់ពួកគេ។

ដោយបង្ហាញខ្លួនក្នុងអាជីពបាល់ទាត់លើកដំបូងក្នុងឆ្នាំ២០០៩ បច្ចុប្បន្នកីឡាកររបស់ក្លិបអារ៉ាប់សាប៊ីអូឌីត Al Hilal រូបនេះ មានទ្រព្យសម្បត្តិសរុបប្រមាណ ៣៥០លានដុល្លារ។ នេះបើយោងតាមរបាយការណ៍ចុះផ្សាយពីសារព័ត៌មាន GivemeSport៕

The post កំពូលកីឡាករបាល់ទាត់ Neymar ជះលុយជាង ៥០លានដុល្លារ ទិញ Penthouse ដ៏ប្រណីតនៅទីក្រុងឌុយបៃ appeared first on .