រម្លឹកផងដែរថា នៅដំណាក់កាលដំបូង ដោយគិតចាប់ពីឆ្នាំ២០២២ ដល់ឆ្នាំ២០២៤ រដ្ឋាភិបាលឥណ្ឌូណេស៊ី បានចំណាយទឹកប្រាក់វិនិយោគសរុបអស់ចំនួន ៨៩ទ្រីលានរូពៀ ដោយត្រូវបានបែងចែកពីថវិការបស់រដ្ឋ ដើម្បីសាងសង់ហេដ្ឋារចនាសម្ព័ន្ធសំខាន់ៗ នៅក្នុងទីក្រុង។

ទន្ទឹមនឹងនេះ ប្រធានអាជ្ញាធររដ្ឋធានី Nusantara (OIKN)ថ្មី លោក Basuki Hadimuljono កាលពីថ្ងៃទី ២២ ខែមករាកន្លងទៅ បាននិយាយថា ថវិកាសម្រាប់ការបន្តនៃការអភិវឌ្ឍន៍ក្នុងដំណាក់កាលទីពីរ នឹងត្រូវបែងចែកដើម្បីបញ្ចប់ការសាងសង់គ្រឿងបរិក្ខារគាំទ្រ និងប្រព័ន្ធអេកូឡូស៊ីការិយាល័យសម្រាប់ស្ថាប័ននីតិប្បញ្ញត្តិ និងស្ថាប័នតុលាការ។

លោក Basuki បាននិយាយទៀតថា ថវិកាចំនួន ៤៨,៨ទ្រីលានរូពៀ នេះ ត្រូវការជាចាំបាច់ ដើម្បីបញ្ចប់ការសាងសង់អគារដ៏ស្មុគស្មាញសម្រាប់ស្ថាប័ននីតិបញ្ញត្តិ តុលាការ និងទីភ្នាក់ងារមួយចំនួនទៀត។ ថវិកានេះក៏រួមបញ្ចូលផងដែរនូវការចំណាយលើការថែរក្សា និងគ្រប់គ្រងហេដ្ឋារចនាសម្ព័ន្ធ និងគ្រឿងបរិក្ខារក្នុងកំឡុងដំណើរការប្រតិបត្តិការសាងសង់អគារ។

លើសពីនេះ អាជ្ញាធររដ្ឋធានី Nusantara បាននិងកំពុងអនុវត្តកម្មវិធីភាពជាដៃគូសាធារណៈ និងឯកជន (PPP) ដែលមានតម្លៃសរុបប្រមាណ ៦០,៦ទ្រីលានរូពៀ ដែលក្នុងនោះរួមមានការសាងសង់គម្រោងផ្លូវចំនួន ៦ រួមទាំងផ្លូវរូងក្រោមដីពហុបំណង (MUT) ប្រវែង ១៣៨,៦គីឡូម៉ែត្រ នៅតំបន់កណ្តាល រោងចក្រថាមពលពន្លឺព្រះអាទិត្យ និងគម្រោងវិនិយោគមួយចំនួនទៀតផងដែរ៕

The post ឥណ្ឌូណេស៊ី អនុម័តទឹកប្រាក់ជិត ៣ពាន់លានដុល្លារ សម្រាប់​ការ​អភិវឌ្ឍន៍រដ្ឋធានីថ្មី ដំណាក់កាលទី២ appeared first on .

លោក Dody Hanggodo បានបង្ហាញឲ្យដឹងទៀតថា ចំពោះទីភ្នាក់ងារប្រតិបត្តិ នីតិប្បញ្ញត្តិ និងតុលាការ រួមជាមួយនឹងការិយាល័យមន្ត្រីរាជការ នឹងត្រូវផ្លាស់ទៅកាន់រដ្ឋធានី Nusantara នៅខែសីហា ឆ្នាំ២០២៩។ ទោះជាយ៉ាងណាក៏ដោយ ផែនការនេះអាចនឹងត្រូវបានកែសម្រួលអាស្រ័យលើអាទិភាពរបស់រដ្ឋាភិបាលផ្សេងទៀត ជាពិសេសកម្មវិធីស្វ័យភាពស្បៀងអាហារដែលរដ្ឋាភិបាលកំពុងវិនិយោគលើយ៉ាងខ្លាំង។

គួរឲ្យដឹងផងដែរថា ការអភិវឌ្ឍន៍របស់រដ្ឋធានីថ្មី Nusantara ប្រឈមមុខនឹងបញ្ហាហិរញ្ញវត្ថុសំខាន់ៗមួយចំនួន ខណ:លោក Hanggodo បានស្នើសុំថវិកាបន្ថែមចំនួន ១៤,៨៧ទ្រីលានរូពៀ (៩៣៧លានដុល្លារអាមេរិក) ដើម្បីផ្តល់មូលនិធិដល់ការសាងសង់ហេដ្ឋារចនាសម្ព័ន្ធសំខាន់ៗដូចជាផ្លូវថ្នល់ សាលារៀន និងមន្ទីរពេទ្យ ជាដើម។

កន្លងមក រដ្ឋមន្ត្រីសម្របសម្រួលកិច្ចការសមុទ្រ និងការវិនិយោគ លោក Airlangga Hartarto បានបញ្ជាក់ថា ទោះបីជាប្រធានាធិបតីអាណត្តិថ្មី លោក Prabowo Subianto បានបញ្ជាក់ថាលោកនឹងបន្តអនុវត្តលើគម្រោងរដ្ឋធានីថ្មី Nusantara ក៏ដោយ ប៉ុន្តែវាអាចនឹងមានការកែសម្រួលមួយចំនួននៅក្នុងយុទ្ធសាស្ត្រនៃការអភិវឌ្ឍន៍ឲ្យសមស្របនឹងស្ថានភាពជាក់ស្តែងបច្ចុប្បន្ន៕

The post ឥណ្ឌូណេស៊ី ​ប្រកាស​ពី​ពេលវេលាជាក់លាក់ ជុំវិញការ​ផ្លាស់​ប្តូរ​ការិយាល័យ​ប្រធានាធិបតី​ទៅ​កាន់រដ្ឋធានី​ថ្មី appeared first on .

ទន្ទឹងនឹងនេះ លោក Basuki Hadimuljono រដ្ឋមន្ត្រីក្រសួងសាធារណការ និងលំនៅឋានឥណ្ឌូណេស៊ី បានប្រាប់ទៅកាន់អ្នកយកព័ត៌មានថា៖ ” យើងកំពុង​ក្រាល​កម្រាលព្រំក្រហមសម្រាប់ទទួល​ស្វាគមន៍​អ្នកវិនិយោគ។ ហើយយើងមិនចង់ឲ្យពួកគេត្រូវប្រឈមមុខនឹងដំណើរការស្មុគស្មាញណាមួយ​ក្នុងការមកវិនិយោគនៅទីនេះទេ”។

លោក Basuki បានបន្ថែមឲ្យដឹងទៀតថា ៖”យើងកំពុងសម្រួលលើដំណើរការរដ្ឋបាល ដើម្បីទាក់ទាញអ្នកវិនិយោគកាន់តែច្រើន មកកាន់រដ្ឋធានីថ្មីរបស់យើង”។

គួរឲ្យដឹងថាប្រទេសឥណ្ឌូណេស៊ី គ្រោងនឹងផ្លាស់ប្តូររដ្ឋធានីរបស់ខ្លួន ទៅកាន់ Nusantara ដែលជាទីក្រុងទើបសាងសង់ថ្មី ដោយពឹងផ្អែកលើការវិនិយោគបរទេសសម្រាប់គម្រោងតម្លៃជិត ៣០ពាន់លានដុល្លារ។

ជម្រាបជូនថា កន្លងមករដ្ឋាភិបាលកណ្តាល បានដាក់ចេញនូវផែនការលើកទឹកចិត្តផ្សេងៗ ដើម្បីទាក់ទាញការវិនិយោគ រួមទាំងការលើកលែងពន្ធលើប្រាក់ចំណូល ក៏ដូចជាការលើកលែងពន្ធនាំចូល និងការអនុញ្ញាតប្រើប្រាស់ដីធ្លីរយៈពេលវែង ផងដែរ៕

The post ឥណ្ឌូណេស៊ី ប្រកាសផ្តល់សិទ្ធិប្រើប្រាស់ដីធ្លីរយ:ពេល ៨០ឆ្នាំ សម្រាប់វិនិយោគិន នៅរដ្ឋធានីថ្មីរបស់ខ្លួន appeared first on .

បើតាមរដ្ឋមន្ត្រីក្រសួងសាធារណការ និងលំនៅឋាន លោក Basuki Hadimuljono បានបង្ហើបប្រាប់ឲ្យដឹងកាលពីថ្ងៃចន្ទ ទី៣ ខែមិថុនា ថា លោក វីដូដូ នឹងផ្លាស់ប្តូរកន្លែងធ្វើការរបស់លោក ទៅកាន់ការិយាល័យរដ្ឋាភិបាល នៅក្នុងរដ្ឋធានីថ្មី នៅពេលដែលប្រព័ន្ធទឹកស្អាតត្រូវបានតភ្ជាប់រួចរាល់។

គួរឲ្យដឹងផងដែរថា ការប្រកាសផ្លាស់ប្តូរទីតាំងធ្វើការរបស់ប្រធានាធិបតីរូបនេះ បានកើតឡើង ចំពេលមានការលាលែងពីតំណែងរបស់លោក Bambang Susantono ដែលជាប្រធានគម្រោងរដ្ឋធានីថ្មី និងអនុប្រធានគម្រោង លោក Dhony Rahajoe ។

ប៉ុន្តែទោះជាយ៉ាងណាក៏ដោយ លោក វីដូដូ បានធ្វើការបញ្ជាក់យ៉ាងច្បាស់ថា ការអភិវឌ្ឍរបស់រដ្ឋធានី Nusantara នឹងមិនត្រូវបានបញ្ឈប់នោះឡើយ បើទោះបីជាប្រធានាធិបតីរូបនេះ នៅមិនទាន់បានលើកឡើងអំពីមូលហេតុច្បាស់លាស់នៃការចាកចេញរបស់ លោក Bambang ឬ Dhony ជុំវិញស្ថានភាពនៃគម្រោងរដ្ឋធានីថ្មីដែលមានតម្លៃប្រមាណ ៣២ពាន់លានដុល្លារអាមេរិក នេះក៏ដោយ។

ជម្រាបជូនផងដែរថា លោក វីដូដូ បានធ្វើដំណើរទៅកាន់ទីក្រុង Nusantara នៅថ្ងៃទី៤ ខែមិថុនានេះ ដើម្បីសម្ពោធគម្រោងជាច្រើន រួមទាំងសាលារៀន ខណៈការប្រារព្ធពិធីបុណ្យឯករាជ្យរបស់ប្រទេសឥណ្ឌូណេស៊ី ក៏ត្រូវបានគ្រោងទុកថាធ្វើឡើងទីក្រុងនេះ នាថ្ងៃទី១៧ ខែសីហាខាងមុខផងដែរ៕

The post ប្រធានាធិបតីឥណ្ឌូណេស៊ី គ្រោងប្តូរទៅធ្វើការនៅរដ្ឋធានីថ្មី​ មុនដាច់ខែនេះ appeared first on .

លោក Bambang Susantono ប្រធានអាជ្ញាធររដ្ឋធានី Nusantara បានបង្ហាញការជឿជាក់ថា ចំនួនទឹកប្រាក់ដ៏ច្រើននេះ បានឆ្លុះបញ្ចាំងពីទំនុកចិត្តដ៏រឹងមាំរបស់ក្រុមអ្នកវិនិយោគ មកលើទស្សនវិស័យអភិវឌ្ឍរដ្ឋធានី Nusantara ។ ហើយជាមួយនឹងការចាប់ផ្តើមនៃដំណាក់កាលទី៣ នៃគម្រោងបង្កើតរដ្ឋធានីថ្មីនេះ លោក Bambang មានសុទិដ្ឋិនិយមកាន់តែខ្លាំងថាការប្តេជ្ញាចិត្តរបស់ក្រុមអ្នកវិនិយោគនិងនៅតែបន្តកើនឡើងថែមទៀត។

គួរឲ្យដឹងថា រហូតមកដល់ពេលនេះរដ្ឋធានី Nusantara បានទទួលលិខិតស្នើសុំវិនិយោគ (LOI) ចំនួន ៣៣០ រួចមកហើយ ដោយក្នុងនោះ ៥៥% ជាអ្នកវិនិយោគក្នុងស្រុក ស្របពេលសិង្ហបុរី ជប៉ុន ចិន និងម៉ាឡេស៊ី គឺជាប្រទេសដែលបានដាក់លិខិតស្នើសុំវិនិយោគច្រើនជាងគេ ។

ជម្រាបជូនទៀតថា បច្ចុប្បន្ននេះ រដ្ឋាភិបាលឥណ្ឌូណេស៊ី កំពុងផ្តល់ជូនក្រុមហ៊ុនដែលចាប់អារម្មណ៍ក្នុងការវិនិយោគនៅក្នុងរដ្ឋធានីថ្មីនេះ នូវការលើកទឹកចិត្តជាច្រើន ដែលរួមមានការលើកលែងពន្ធលើប្រាក់ចំណូលសាជីវកម្មទាំងស្រុង ក៏ដូចជាពន្ធលើតម្លៃបន្ថែមសម្រាប់ទំនិញនាំចូល ពន្ធប្រើប្រាស់ពិសេស ពន្ធដីធ្លី និងថ្លៃសំណង់ ក្នុងរយ:ពេលមួយទសវត្សរ៍៕

The post គិតមកទល់ពេលនេះ ឥណ្ឌូនេស៊ី ទទួលបានការវិនិយោគសរុបជិត ៣ពាន់លានដុល្លារ ក្នុងរដ្ឋធានីថ្មីរបស់ខ្លួន appeared first on .

លោក Listyo បានបន្ថែមឲ្យដឹងទៀតថា ការផ្ទេរមន្ត្រីរបស់ Polri ទៅកាន់រដ្ឋធានីថ្មីរបស់ប្រទេសឥណ្ឌូនេស៊ីនេះ ត្រូវធ្វើឡើងជាបួនដំណាក់កាលផ្សេងៗគ្នា។

នៅក្នុងដំណាក់កាលដំបូង Polri នឹងបញ្ជូនមន្ត្រីរបស់ខ្លួនចំនួន ១ ៦៦៧ នាក់ ទៅកាន់រដ្ឋធានី Nusantara និងដំណាក់កាលទី២ នឹងបន្តបញ្ជូនមន្ត្រីចំនួន ៩ ៤៨៤ នាក់ បន្ទាប់មក ៩ ៦៨៥ នាក់សម្រាប់ដំណាក់កាលទី៣ និងចុងក្រោយ ៩ ៦៧៨ នាក់សម្រាប់ដំណាក់កាលទី៤។

ទន្ទឹមនឹងនេះ លោក Listyo បានបញ្ជាក់ទៀតថា ការសាងសង់ទីស្នាក់ការនគរបាលជាតិ នៅទីក្រុង Nusantara គ្រោងនឹងចាប់ផ្តើមនៅឆ្នាំក្រោយ ខណ:ម្រោង​នេះ​ត្រូវ​បាន​គេ​រំពឹង​ថា​នឹង​បញ្ចប់​ទាំងស្រុង នៅ​ខែ​វិច្ឆិកា ឆ្នាំ​២០២៤។

ជម្រាបជូនផងដែរថា ចាប់តាំងពីពាក់កណ្តាលឆ្នាំ២០២២ មក ឥណ្ឌូនេស៊ីបានចាប់ផ្តើមសាងសង់រដ្ឋធានីថ្មីដែលមានចម្ងាយប្រមាណ ២ ០០០ គីឡូម៉ែត្រពីទីក្រុងហ្សាកាតា​ ដោយរដ្ឋធានី​ Nusantara ត្រូវបានរចនាឡើងជាទីក្រុងបៃតង និងជាទីក្រុងអព្យាក្រឹតកាបូនដំបូងគេបង្អស់នៅក្នុងប្រទេសផងដែរ។ ហើយរដ្ឋធានីថ្មីរបស់ប្រទេសឥណ្ឌូនេស៊ីនេះ ត្រូវបានចាត់ទុកថាជា​កន្លែង​អប់រំ និង​វេជ្ជសាស្ត្រ​ដ៏ទំនើបបំផុតលំដាប់​ពិភពលោក៕

The post មន្ត្រីប៉ូលីសឥណ្ឌូនេស៊ី ចំនួនជាង ៣ ម៉ឺននាក់ គ្រោងនឹងត្រូវបញ្ជូនទៅកាន់រដ្ឋធានីថ្មី Nusantara appeared first on .

យោងតាមការចុះផ្សាយពីសារព័ត៌មាន Forbes បានបង្ហាញថា កាលពីខែមិថុនាកន្លងទៅ ប្រធានាធិបតី ចូកូ វីដូដូ បានប្រាប់ទៅកាន់វិនិយោគិនជនជាតិសិង្ហបុរីថា គម្រោងការរដ្ឋធានី Nusantara គឺជាឱកាសមាស ក្នុងការបណ្ដាក់ទុន ដ្បិតផែនការសាងសង់ទីក្រុងថ្មីនេះ គឺមានកញ្ចប់ចំណាយរហូតដល់ ៣២ពាន់លានដុល្លារឯណោះ។

ជាមួយគ្នា មហាសេដ្ឋីឥណ្ឌូណេស៊ីច្រើនរូប សុទ្ធតែបង្ហាញពីចំណាប់អារម្មណ៍ក្នុងការវិនិយោគ​នៅទីនោះ តួយ៉ាងកាលពីខែកក្កដា គ្រួសារត្រកូល Ciputra បានប្រកាសពីផែនការវិនិយោគ​លើផ្ទៃដីប្រមាណ ៣០០ហិកតានៅរដ្ឋធានីថ្មី សម្រាប់ការសាងសង់លំនៅឋាន សណ្ឋាគារ អគារប្រជុំ កន្លែងលេងកូនហ្គោលជាដើម ប៉ុន្តែមិនបញ្ជាក់ពីកញ្ចប់ចំណាយនៅឡើយទេ។

បន្ថែមពីនោះ កាលពីខែកញ្ញា ប្រធានាធិបតីឥណ្ឌូណេស៊ីក៏ធ្លាប់ប្រកាសដែរថា ក្រុមមហាសេដ្ឋី​ឥណ្ឌូណេស៊ី យល់ព្រមបណ្ដាក់ទុនប្រមាណ ១,៣ពាន់លានដុល្លារ សម្រាប់សំណើ​អភិវឌ្ឍន៍​ការប្រើប្រាស់ចម្រុះ ដែលស្នើឡើងដោយរដ្ឋាភិបាល។

រដ្ឋាភិបាលឥណ្ឌូណេស៊ី ក៏បានបញ្ជាក់ទៀតថា បច្ចុប្បន្នមានប្រហែល ៣០០ក្រុមហ៊ុនទូទាំង​ពិភពលោក កំពុង​បង្ហាញចំណាប់អារម្មណ៍ក្នុងការបណ្ដាក់ទុននៅរដ្ឋធានីថ្មី ប៉ុន្តែកិច្ចព្រមព្រៀង​ផ្លូវការ​នៅមិនទាន់សម្រេចនៅឡើយទេ។

ជម្រាបបន្ថែមថា រដ្ឋធានីថ្មីរបស់ឥណ្ឌូណេស៊ី Nusantara គឺមានគម្រោងចំណាយ ៣២ពាន់លានដុល្លារ និងបែងចែកការសាងសង់ជា ៥ដំណាក់កាល ខណៈដំណាក់កាលទីមួយ​ចាប់ផ្ដើមកាលពីឆ្នាំ២០២២ គ្រោងបញ្ចប់នាឆ្នាំក្រោយ ស្របពេលគម្រោងការខ្នាតយក្សមួយនេះ គ្រោងបញ្ចប់ជាស្ថាពរក្នុងឆ្នាំ២០៤៥៕

The post រដ្ឋធានីថ្មីរបស់ឥណ្ឌូណេស៊ី កំពុងអូសទាញវិនិយោគិនទាំងក្នុងស្រុក និងក្រៅប្រទេស appeared first on .

នៅក្នុងព្រឹត្តិការណ៍នេះដែរ លោកប្រធានាធិបតី វីដូដូ បាននិយាយថា ការសាងសង់អាកាសយានដ្ឋានថ្មីនេះ គឺមានសារៈសំខាន់ខ្លាំងណាស់ ចំពេលតម្រូវការដឹកជញ្ជូនទៅវិញទៅមកពីរដ្ឋធានីថ្មី Nusantara កំពុងតែកើនឡើង ។

លោក វីដូដូ ក៏បានគូសបញ្ជាក់ទៀតថា អាកាសយានដ្ឋានថ្មីនេះ នឹងជួយលើកកម្ពស់ក្នុងការផ្តល់ភាពងាយស្រួល និងការតភ្ជាប់ក្នុងតំបន់ ក៏ដូចជាជួយកែលម្អការប្រកួតប្រជែង និង​ជំរុញ​ដល់​កំណើន​សេដ្ឋកិច្ច រួមទាំង​ការ​អភិវឌ្ឍ​ឥន្ធនៈ ​នៅរដ្ឋធានី Nusantara ផងដែរ។

ជម្រាបជូនផងដែរថា ដោយសាងសង់ឡើងក្នុងតម្លៃសរុបប្រមាន ៤,៣ទី្រលានរូពី (២៧០,៦ លានដុល្លារអាមេរិក) ប្រលានយន្តហោះថ្មីនេះ ត្រូវបានគេរំពឹងថានឹងអាចដាក់ឱ្យដំណើរការបាន នៅពាក់កណ្តាលឆ្នាំ ២០២៤៕

The post ឥណ្ឌូនេស៊ី បើកការដ្ឋានសាងសង់ប្រលានយន្តហោះតម្លៃជាង ២៧០លានដុល្លារ នៅរដ្ឋធានីថ្មី appeared first on .

ចំពោះការលើកទឹកចិត្តនេះ ត្រូវបានប្រកាសដោយអនុប្រធានផ្នែកហិរញ្ញវត្ថុ និងការវិនិយោគ ស្ថិតក្រោមអាជ្ញាធររដ្ឋធានី Nusantara លោក Agung Wicaksono ក្នុងអំឡុងវេទិកាធុរកិច្ច ២០២៣ ស្តីពីឱកាសវិនិយោគនៅ Nusantara រដ្ឋធានីថ្មីរបស់ឥណ្ឌូនេស៊ី ។

លោក Wicaksono បាននិយាយទៀតថា ទីក្រុង Nusantara នឹងក្លាយជារដ្ឋធានីរដ្ឋបាលរបស់ប្រទេស និងជាចំណុចកណ្តាលសម្រាប់កំណើនសេដ្ឋកិច្ចសម្រាប់ឥណ្ឌូនេស៊ី និងតំបន់អាស៊ីអាគ្នេយ៍ កាន់តែទូលំទូលាយ។

ដោយជំរុញឱ្យអ្នកវិនិយោគថៃ ចូលរួមជាមួយក្រុមហ៊ុនមកពីប្រទេសជប៉ុន ម៉ាឡេស៊ី និងសិង្ហបុរីក្នុងការអភិវឌ្ឍទីក្រុងថ្មីនេះ លោក Wicaksono សង្កត់ធ្ងន់ទៀតថា យើងនឹងចាប់ផ្តើមសាងសង់ការិយាល័យរដ្ឋាភិបាលក្នុងពេលឆាប់ៗនេះ ហើយយើងនឹងធ្វើឱ្យវាក្លាយជាទីក្រុងឆ្លាតវៃ និងមាននិរន្តរភាព ។​

នៅចន្លោះឆ្នាំ ២០១៧ ដល់ឆ្នាំ ២០២២ អ្នកវិនិយោគថៃ បានចាក់បញ្ចូលទឹកប្រាក់ចំនួន ១,៥២ពាន់លានដុល្លារអាមេរិក នៅក្នុងគម្រោងប្រហែល ១​ ៥០០​ នៅទូទាំងប្រទេសឥណ្ឌូនេស៊ី។

គិតមកទល់ពេលនេះ មានក្រុមហ៊ុនចំនួន ២៨៤ បានបង្ហាញពីចំណាប់អារម្មណ៍ ក្នុងការវិនិយោគនៅក្នុងរដ្ឋធានីថ្មីនេះ រួមទាំង ២៧ ក្រុមហ៊ុន មកពីប្រទេសសិង្ហបុរី ២៥ ក្រុមហ៊ុន មកពីប្រទេសជប៉ុន និង ១៩ ក្រុមហ៊ុន មកពីប្រទេសម៉ាឡេស៊ី៕

The post រដ្ឋាភិបាលឥណ្ឌូនេស៊ី គ្រោងទាក់ទាញបណ្តាក្រុមហ៊ុនថៃ ឱ្យមកបណ្តាក់ទុនក្នុងរដ្ឋធានីថ្មី appeared first on .

បើយោងតាមការចុះផ្សាយពីសារព័ត៌មាន VNA បានបង្ហាញថា ក្រុមហ៊ុនវិនិយោគធំៗចំនួន ២ របស់ប្រទេសសិង្ហបុរី បានឈានដល់ការចុះហត្ថលេខាលើកិច្ចព្រមព្រៀង ដែលមិនបានបង្ហាញព័ត៌មានលម្អិតមួយ (NDA) ជាមួយរដ្ឋាភិបាលឥណ្ឌូនេស៊ី សម្រាប់ការមកបោះទុនវិនិយោគ នៅរដ្ឋធានីថ្មីមួយនេះ ។

គួរឱ្យដឹងថា វិនិយោគិនសិង្ហបុរី ដែលទើបនឹងចុះហត្ថលេខាលើកិច្ចព្រមព្រៀង NDA នេះ រួមមានសាជីវកម្មវិនិយោគថាមពលរបស់រដ្ឋ (SPIC) និងក្រុមហ៊ុនថាមពល JOE Green Pte Ltd ដោយពួកគេ នឹងត្រូវមកចូលរួម ក្នុងការវិនិយោគលើវិស័យថាមពលកកើតឡើងវិញ និងការគ្រប់គ្រងកាកសំណល់ ។

យ៉ាងណាមិញ ក្រុមហ៊ុនទាំងពីរនេះ គឺស្ថិតនៅក្នុងចំណោមក្រុមហ៊ុន ដែលបានបង្ហាញការគាទ្រយ៉ាងខ្លាំង ចំពោះគម្រោងអភិវឌ្ឍរដ្ឋធានីថ្មី Nusantara របស់ឥណ្ឌូនេស៊ី តាំងពីដើមមក បន្ទាប់ពីបានមើលឃើញពីការប្តេជ្ញាចិត្តរបស់រដ្ឋាភិបាលប្រទេសនេះ ក្នុងការបង្កើតថាមពលកកើតឡើងវិញ រហូតដល់ ៧,១៦ ជីហ្គាវ៉ាត់ ដើម្បីបំពេញតម្រូវការរបស់ប្រជាជនចំនួន ១,៩ ពាន់លាននាក់ នៅក្នុងឆ្នាម ២០៤៥ ខាងមុខ ។

ជម្រាបជូនផងដែរថា រដ្ឋធានីថ្មីនេះ មានចម្ងាយប្រហែល ២ ០០០ គីឡូម៉េត្រពីភាគឦសានទីក្រុងហ្សាកាតា។ ហើយបើទោះបីជារដ្ឋធានី នឹងត្រូវបានផ្លាស់ប្តូរទៅ Nusantara វិញក៏ដោយ ប៉ុន្តែទីក្រុងហ្សាកាតា នឹងនៅតែជាមជ្ឈមណ្ឌលហិរញ្ញវត្ថុ និងពាណិជ្ជកម្មរបស់ប្រទេសឥណ្ឌូនេស៊ី ដដែល ៕

The post ក្រុមហ៊ុនសិង្ហបុរី ២ ឈានដល់ការចុះកិច្ចព្រមព្រៀងវិនិយោគ នៅក្នុងរដ្ឋធានីថ្មី របស់ឥណ្ឌូនេស៊ី appeared first on .