សារព័ត៌មាន VN Express បានបង្ហាញថា ស្ថាបនិក Nvidia បានរួមដំណើរជាមួយលោកនាយករដ្ឋមន្ត្រីវៀតណាម ជាមួយនឹងការស្លៀកពាក់អាវយឺតសាមញ្ញៗ ដើរតាមដងផ្លូវ គ្រវីដៃដើម្បីជាការឆ្លើយតបនឹងការស្វាគមន៍យ៉ាងកក់ក្តៅពីអ្នកស្រុក ខណៈនេះក៏មិនមែនជាលើកទីមួយនោះដែរសម្រាប់លោក Huang ក្នុងការទៅហូបអាហារនៅតាមដងផ្លូវឯទីក្រុងហាណូយ ដោយកាលពីខែធ្នូកន្លងទៅ លោកបានធ្វើដំណើរកម្សាន្ត ហើយហូបអាហារជាច្រើនមុខតួយ៉ាង ហ្វឺ ខ្យង និងស្រាបៀរផងដែរ។

គួរឲ្យដឹងថា ចាប់តាំងពីបច្ចេកវិទ្យា AI មានការរីកចម្រើន ក្នុងឆ្នាំ២០២២ តំរូវការបន្ទះឈីបពីក្រុមហ៊ុន Nvidia របស់លោក កំពុងត្រូវប៉ាន់ខ្លាំង ដោយបានជំរុញឲ្យតម្លៃទីផ្សាររបស់ក្រុមហ៊ុនមានចំនួនលើសពី ៣,៥ទ្រីលានដុល្លារ ហើយកំពុងក្លាយជាដៃគូប្រកួតប្រជែងដ៏ស្វិតស្វាញជាមួយក្រុមហ៊ុន Apple ដើម្បីទៅដណ្តើមតំណែងជាក្រុមហ៊ុនមានតម្លៃថ្លៃបំផុតលើលោក។

សូមជម្រាបជូនទៀតថា លោក Jensen Huang បច្ចុប្បន្នមានវ័យ ៦១ឆ្នាំ កំពុងកាន់កាប់ទ្រព្យសម្បត្តិយ៉ាងច្រើនមហាសាលជាង ១២៦ពាន់លានដុល្លារ ខណៈប្រភពចំណូលភាគច្រើនរបស់លោក គឺបានមកពីភាគហ៊ុនក្នុងក្រុមហ៊ុន Nvidia ដែលជាក្រុមហ៊ុនផលិតបន្ទះឈីប AI ឈានមុខគេមួយរបស់ពិភពលោក៕

The post នាយករដ្ឋមន្ត្រីវៀតណាម និងមហាសេដ្ឋីផលិតឈីប ជប់លៀងជុំគ្នាតាមដងផ្លូវ ក្រោយសម្រេចបានការវិនិយោគចំនួនពីរ appeared first on .

សារព័ត៌មាន The Times of India បានចុះផ្សាយថា មេដឹកនាំនៃប្រទេសទាំងពីរ ក៏បានធ្វើជាសាក្សីក្នុងការផ្លាស់ប្តូរកិច្ចព្រមព្រៀងផ្សេងៗ រួមមានទាំងការចុះអនុស្សារណៈយោគយល់ (MoU) លើវិស័យស្រាវជាវ និងអប់រំកសិកម្ម ច្បាប់ ផ្សព្វផ្សាយ និងឱសថជាដើម។ បន្ថែមពីនោះ នាយករដ្ឋមន្ត្រីទាំងពីរក៏បានសម្តែងនូវឆន្ទៈ ក្នុងការពង្រឹងកិច្ចសហប្រតិបត្តិការលើវិស័យការពារជាតិ និងវិស័យផ្សេងៗទៀតរួមមានបច្ចេកវិទ្យា «Semiconductor» បច្ចេកវិទ្យា​​បៃតង​​​ បញ្ញាសិប្បនិម្មិត សេវាកម្ម​​ផ្ទុក​ទិន្នន័យ (Cloud) និង​វិធានការ​អាកាសធាតុផងដែរ។

មិនត្រឹមតែប៉ុណ្ណោះ ថ្នាក់ដឹកនាំ និងប្រតិភូនៃប្រទេសទាំងពីរ ក៏បានសម្ពោធដាក់ឲ្យប្រើប្រាស់នូវកន្លែងអប់រំមួយមានឈ្មោះថា «Army Software Park» ដែលជាកន្លែងផ្តល់នូវចំណេះដឹង និងបណ្តុះបណ្តាលទាហានវៀតណាមស្តីពីជំនាញឌីជីថល ក្រោមថវិការសាងសង់ពីប្រទេសឥណ្ឌា។

គួរជម្រាបថា កាលពីក្នុងឆ្នាំ២០២២ ពាណិជ្ជកម្មទ្វេភាគីរវាងប្រទេសទាំងពីរមានកំណើនគួរឲ្យកត់សំគាល់ ពោលរហូតដល់ទៅ២៧% ឈានដល់តម្លៃសរុប ១៤,១៤ពាន់លានដុល្លារ។ យោងតាមរបាយការណ៍ពីក្រសួងកិច្ចការបរទេស បានឲ្យដឹងដែរថា ការនាំចេញរបស់ឥណ្ឌាទៅកាន់ប្រទេសវៀតណាមមានចំនួន ៦,៧ពាន់លានដុល្លារ ខណៈដែលការនាំចូលពីវៀតណាមវិញមានចំនួន ៧,៤៤ពាន់លានដុល្លារនៅអំឡុងរយៈពេលដូចគ្នា។

ជាពិសេសទៀតនោះ ការវិនិយោគពីសំណាក់វិនិយោគិនឥណ្ឌា ទៅក្នុងប្រទេសវៀតណាមមានចំនួនប្រមាណ ១,៩ពាន់លានដុល្លារ ដោយផ្តោតជាសំខាន់លើវិស័យជាច្រើនដូចជាថាមពល ការរុករករ៉ែ កសិកម្ម បច្ចេកវិទ្យាព័ត៌មាន និងវិស័យផ្សេងៗទៀត។ ផ្ទុយទៅវិញ ការវិនិយោគរបស់វៀតណាមក្នុងប្រទេសឥណ្ឌាមានចំនួនជាង ២៨,៥៥លានដុល្លារ ដោយផ្តោតជាសំខាន់លើវិស័យឧស្សាហកម្មដូចជា ឱសថ បច្ចេកវិទ្យាព័ត៌មាន គីមី និងសម្ភារៈសំណង់ជាដើម៕

The post វៀតណាមខ្ចីលុយចំនួន ៣០០លានដុល្លារពីឥណ្ឌា ក្រោមផែនការពង្រឹងដែនសមុទ្រ appeared first on .

មេដឹកនាំកំពូលចិនបានបន្ថែមថា ប្រទេសចិន និងវៀតណាម គួរតែព្យាយាមបង្កើនកិច្ចសហប្រតិបត្តិការ លើការធ្វើពាណិជ្ជកម្មទ្វេភាគី ហើយបញ្ហាជម្លោះសមុទ្រចិនខាងត្បូង ត្រូវដោះស្រាយបែបសន្តិវិធី។

សូមជម្រាបដែរថា ជំនួបរវាងមេដឹកនាំចិន និងវៀតណាម ធ្វើឡើងអំឡុងពេលនាយករដ្ឋមន្ត្រី Pham Minh Chinh ធ្វើដំណើរទស្សនកិច្ចនៅចិន ដោយចូលរួមវេទិកាសេដ្ឋកិច្ចពិភពលោក ធ្វើឡើងនៅទីក្រុង Dalian ក្នុងសប្ដាហ៍នេះ។

គួររំលឹកបន្តិចថា មួយរយៈចុងក្រោយនេះ វៀតណាមហាក់កំពុងក្លាយជាគោលដៅពេញនិយម សម្រាប់មេដឹកនាំពិភពលោកធំៗ តួយ៉ាងបន្ទាប់ពីប្រធានាធិបតីរុស្ស៊ី វ៉្លាឌីមៀ ពូទីន បញ្ចប់ដំណើរទស្សនកិច្ចនៅទីនោះមិនបានប៉ុន្មានផង សហរដ្ឋអាមេរិកក៏បានអំពាវនាវឲ្យមានការរឹតចំណងមិត្តភាពជាមួយវៀតណាម ស្របពេលថ្មីៗនេះចិនក៏ចង់ក្រសោបវៀតណាម ជាដៃគូពាណិជ្ជកម្មសំខាន់មួយក្នុងតំបន់អាស៊ានថែមទៀត៕

The post បុរសខ្លាំងរដ្ឋចិន ប្រាប់នាយករដ្ឋមន្ត្រីវៀតណាមថា ចិន និងវៀតណាមត្រូវតែពង្រឹងទំនាក់ទំនងទ្វេភាគី appeared first on .

យោងតាមការចុះផ្សាយពីសារព័ត៌មាន VNExpress បានបង្ហាញថា អំឡុងពេលជួបប្រជុំជាមួយប្រធានក្រុមហ៊ុនរបស់រដ្ឋ ចំនួន ១៥០រូប មេដឹកនាំវៀតណាមបាននិយាយថា ការអភិវឌ្ឍធនធានមនុស្ស គឺជាកូនសោសំខាន់បំផុត ក្នុងគម្រោងការអភិវឌ្ឍនៃប្រទេសវៀតណាម។

ទន្ទឹមនឹងនោះ លោក Pham Minh Chinh ក៏បានជំរុញឱ្យសហគ្រាសរដ្ឋ កែសម្រួលប្រាក់បៀវត្សរ៍ និងគោលនយោបាយប្រាក់បៀវត្សរ៍ ដើម្បីទាក់ទាញធនធានមនុស្សប្រកបដោយគុណភាពខ្ពស់ ខណៈដែលអាជីវកម្មភាគច្រើនដែលគ្រប់គ្រងក្នុងស្រុកបង្ហាញពីសមត្ថភាពមានកម្រិត និងប្រសិទ្ធភាពអាជីវកម្មទាប។

សូមជម្រាបដែរថា សហគ្រាសរដ្ឋ គឺបានជួយដល់ការអភិវឌ្ឍនៃប្រទេសវៀតណាមជាខ្លាំង ពោលកាលពីឆ្នាំទៅ ប្រាក់ចំណូលបានមកពីសហគ្រាសរដ្ឋទាំងអស់ គឺសម្រេចបានរហូតដល់ ៦៧ពាន់លានដុល្លារឯណោះ៕

The post នាយករដ្ឋមន្ត្រីវៀតណាម គ្រោងជួលជនបរទេសមកគ្រប់គ្រងក្រុមហ៊ុនរបស់រដ្ឋ appeared first on .

ការផ្តល់ប្រាក់កម្ចីរបស់ធនាគារពិភពលោកដូច្នេះ កើតឡើងបន្ទាប់ពីលោកនាយករដ្ឋមន្ត្រី Pham Minh Chinh បានស្នើប្រាក់កម្ចីដើម្បីយកទៅអភិវឌ្ឍទៅលើគម្រោងធំៗ ព្រមទាំងផ្លាស់ប្តូររថភ្លើងក្រោមដីរបស់ទីក្រុងហាណូយ, ផ្លូវរថភ្លើង Can Tho, រោងចក្រថាមពលស្អាត និងគំនិតផ្តួចផ្តើមស្រូវគុណភាពខ្ពស់មួយលានហិកតាផងដែរ។

លើសពីនោះ លោកនាយករដ្ឋមន្ត្រីក៏បានចាត់ឲ្យឧបនាយករដ្ឋមន្ត្រីម្នាក់ មើលការខុសត្រូវដោយផ្ទាល់ និងតាមដានការវិវត្ត៍គ្រប់ជំហានរបស់គម្រោងជាប្រចាំខែ ស្របពេល លោកស្រី Manuela Ferro (ម៉ានូអែឡា ហ្វេរ៉ូ) អនុប្រធានធនាគារពិភពលោក ក៏បានលើកឡើងយ៉ាងដូច្នេះថា “ប្រាក់កម្ចីគួរតែប្រើប្រាស់ទៅលើគម្រោងធំៗ និងឲ្យមានប្រសិទ្ធភាពខ្ពស់”។

គួរជម្រាបផងដែរថា នៅរយៈពេលប៉ុន្មានឆ្នាំចុងក្រោយនេះ ធនាគារពិភពលោកបានផ្តល់ប្រាក់ប្រហែល ២៥ពាន់លានដុល្លាររួចមកហើយដល់ប្រទេសវៀតណាម សម្រាប់គម្រោងដើម្បីអភិវឌ្ឍសេដ្ឋកិច្ច-សង្គម៕

The post ធនាគារពិភពលោកផ្តល់ប្រាក់កម្ចី ១១ពាន់លានដុល្លារដល់ប្រទេសវៀតណាម appeared first on .

សារព័ត៌មាន Tuoi Tre បានចុះផ្សាយថា ក្នុងពិធីអំពាវនាវឲ្យចុះឈ្មោះបរិច្ចាគជាលិកា និងសរីរាង្គនៅមន្ទីរពេទ្យសាកលវិទ្យាល័យ Viet Duc ក្នុងទីក្រុងហាណូយនោះ លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា សរីរាង្គ និងជាលិកាគឺជាអំណោយដ៏មានតម្លៃវិសេសវិសាលបំផុត ដែលមនុស្សអាចផ្តល់ដល់អ្នកដទៃបាន ហើយអំណោយបែបនេះបានជួយសង្គ្រោះមនុស្សរាប់ពាន់នាក់។

លើសពីនោះ លោក Chinh ក៏បានបង្ហាញការដឹងគុណយ៉ាងស្មោះស្ម័គ្រចំពោះអ្នកបរិច្ចាគសរីរាង្គ និងជាលិកា និងក្រុមគ្រួសាររបស់ពួកគេដែលបានផ្តល់ជីវិតដល់មនុស្សផ្សេងៗទៀត។ ម្យ៉ាងវិញទៀត លោកថាពិតជារីករាយណាស់ ដែលបានចូលរួមព្រឹត្តិការណ៍ដ៏មានអត្ថន័យ និងមនុស្សធម៌ ក្នុងឱកាសខួបលើកទី១៣៤ នៃថ្ងៃកំណើតលោក ហូជីមិញ។

សូមជម្រាបថា ចាប់តាំងពីការវះកាត់ប្តូរក្រលៀន ដោយជោគជ័យលើកដំបូងនៅវៀតណាមកាលពី ៣២ឆ្នាំមុនមក ប្រទេសមួយនេះបានក្លាយជាអ្នកជំនាញក្នុងការវះកាត់ប្តូរសរីរាង្គគ្រប់ប្រភេទ។ មិនត្រឹមតែប៉ុណ្ណោះ វៀតណាមក៏ជាប្រទេសនាំមុខគេនៅអាស៊ីអាគ្នេយ៍ផងដែរ លើការប្តូរសរីរាង្គមនុស្ស ជាមួយនឹងចំនួនវះកាត់ប្រចាំឆ្នាំជាងមួយពាន់លើកឯណោះ៕

The post នាយករដ្ឋមន្ត្រីវៀតណាមចុះឈ្មោះបរិច្ចាគជាលិកា និងសរីរាង្គ ក្រោយពេលដែលលោកស្លាប់ទៅ appeared first on .

រដ្ឋាភិបាលវៀតណាម បានលើកឡើងថា វិស័យដែលវៀតណាមចង់ឲ្យវិនិយោគិនចិន បន្ថែមការវិនិយោគនោះគឺមានដូចជា វិស័យច្នៃប្រឌិត ឌីជីថល ថាមពលកកើតឡើងវិញ ទីក្រុងឆ្លាតវៃ ការផលិត និងហេដ្ឋារចនាសម្ព័ន្ធដឹកជញ្ជូនជាដើម។

គួររំលឹកបន្តិចថា ទំហំពាណិជ្ជកម្មរវាងចិន និងវៀតណាម មានកំណើនរហូតដល់ ៤ដងក្នុងរយៈពេល ១០ឆ្នាំចុងក្រោយ ដោយសម្រេចបាន ១៧២ពាន់លានដុល្លារកាលពីឆ្នាំទៅ។

ជម្រាបបន្ថែមថា បច្ចុប្បន្ននេះ ចិនគឺជាដៃគូវិនិយោគបរទេសធំបំផុតរបស់វៀតណាមទី០៦ ដោយបានបណ្ដាក់ទុនប្រហែល ២៧,៦ពាន់លានដុល្លារ ក្នុងគម្រោងវិនិយោគប្រមាណ ៤ ៤០០កន្លែងនៅប្រទេសវៀតណាម៕

The post នាយករដ្ឋមន្ត្រីវៀតណាម ទទូចសុំឲ្យវិនិយោគិនចិន បន្ថែមការបណ្ដាក់ទុនក្នុងស្រុក appeared first on .

ធនាគារកណ្តាលបាននិយាយនៅក្នុងសេចក្តីថ្លែងការណ៍ថា មាសចំនួន ១៦ ៨០០តម្លឹងនឹងដាក់ដេញថ្លៃនាព្រឹកថ្ងៃទី២៣ ខែមេសា បន្ទាប់ពីពន្យាពេលមួយថ្ងៃដ្បិតអីអាជីវកម្មដែលចូលរួមមានចំនួនតិចតួចពេក ខណៈរហូតមកដល់ពេលនេះអាជីវកម្មចំនួន១៥ ត្រូវបានផ្តល់ការអនុញ្ញាតឲ្យធ្វើការដេញថ្លៃ តែតម្រូវឲ្យបញ្ជាក់ពីបរិមាណ និងតម្លៃ ព្រមទាំងដាក់ប្រាក់បញ្ញើចំនួន១០% ផងដែរ ។

ក្នុងនោះ នាយករដ្ឋមន្ត្រីវៀតណាមលោក Pham Minh Chinh បាននឹងកំពុងជំរុញឲ្យធនាគារកណ្តាលមានវិធានការ ដើម្បីរក្សាស្ថិរភាពទីផ្សារក្នុងស្រុក ដោយនៅខែនេះលោកក៏ធ្លាប់បានលើកឡើងថា គម្លាតរវាងតម្លៃក្នុងស្រុក និងអន្តរជាតិត្រូវតែរួមតូចមកវិញ ដើម្បីជៀសវាងការវិវឌ្ឍន៍មិនល្អណាមួយជាយថាហេតុ។

សូមជម្រាបបន្ថែមថា មាសកំពុងតែកើនឡើងតម្លៃជាបន្តបន្ទាប់នៅឆ្នាំ២០២៤ នេះ ដោយសារតែភាពតឹងតឹងនៃវិវាទនយោបាយ ក៏ដូចជាបញ្ហាសង្គ្រាមនៅមជ្ឈឹមបូព៌ា និងការវាយប្រហារគ្នារបស់រុស្ស៊ីទៅលើប្រទេសអ៊ុយក្រែនជាដើម សុទ្ធសឹងតែជាកត្តាលីករជំរុញឲ្យមាសក្លាយជាវត្ថុដ៏មានសារៈសំខាន់បំផុតនាពេលបច្ចុប្បន្ន៕

The post ធនាគារកណ្តាលវៀតណាមដាក់ដេញថ្លៃមាសជិត ១៧ពាន់តម្លឹង ដើម្បីរក្សាតម្លៃក្នុងស្រុក appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា តម្លៃមាសនៅប្រទេសវៀតណាម មានការហក់ឡើងខ្ពស់ខ្លាំងនៅក្នុងខែនេះ ដោយកើនដល់ចំណុចខ្ពស់បំផុត ៨០លានដុង ឬប្រមាណ ៣ ២៩២,៨៦ដុល្លារក្នុងមួយអោន កាលពីថ្ងៃអង្គារ កើនឡើងជិត ២០% បើធៀបនឹងដើមឆ្នាំនេះ។

“ទីផ្សារមាសទាំងក្នុងស្រុក និងអន្តរជាតិ មានសកម្មភាពរញ៉េរញ៉ៃខ្លាំង ដោយតម្លៃមាសនៅក្នុងស្រុក មានការកើនឡើងជាបន្តបន្ទាប់ ដែលវាប៉ះពាល់ខ្លាំងដល់ទីផ្សារហិរញ្ញវត្ថុ”។ នេះបើតាមការលើកឡើងរបស់នាយករដ្ឋមន្ត្រីវៀតណាម។

សូមជម្រាបដែរថា ប្រជាជនវៀតណាមមានទំនោរទិញ និងសន្សំមាសទុក ពេលតម្លៃវាឡើងថ្លៃ ដែលអាចបង្កឲ្យកើតមានជាវិបត្តិអតិផរណា ដូច្នេះទើបថ្នាក់ដឹកនាំប្រទេស ត្រៀមវិធីសាស្ត្រទប់ស្កាត់ការឡើងថ្លៃដ៏សំបើមរបស់មាសនៅក្នុងស្រុក៕

The post នាយករដ្ឋមន្ត្រីវៀតណាម បញ្ជាឲ្យធនាគារកណ្ដាលទប់ស្កាត់ការឡើងថ្លៃមាសក្នុងស្រុក appeared first on .

ក្នុងជំនួបនេះ លោក ផាម មិញជិញ នាយករដ្ឋមន្រ្តីវៀតណាម បានគូសបញ្ជាក់ថា តាមរយៈដំណើរទស្សនកិច្ចរបស់ សម្តេចធិបតី ហ៊ុន ម៉ាណែត នាឱកាសនេះ ទំនាក់ទំនងទ្វេភាគីកម្ពុជា-វៀតណាម នឹងកាន់តែរីកចម្រើនរឹងមាំ ស្របតាមស្មារតីនៃភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុយជ្រោយ និងស្ថិរភាពយូរអង្វែង។

ជាងនេះទៀត លោកក៏បានសម្តែងនូវការជឿជាក់ផងដែរថា ក្រោមការដឹកនាំប្រកបដោយកិត្តិបណ្ឌិតរបស់ សម្តេចនាយករដ្ឋមន្ត្រី នោះនាវាកម្ពុជានឹងកាន់តែអភិវឌ្ឍខ្លាំងក្លាទៅមុខបន្ថែមទៀត ឆ្ពោះទៅសម្រេចបាននូវចក្ខុវិស័យកម្ពុជាឆ្នាំ២០៣០ និង២០៥០ ជាក់ជាមិនខាន។

ជាការឆ្លើយតប សម្តេចធិបតី បានសម្តែងនូវក្តីរីករាយចំពោះជំនួបពិភាក្សាការងារទ្វេភាគីនេះ និងបានថ្លែងអំណរគុណនាយករដ្ឋមន្ត្រីវៀតណាម ដែលបានទទួលបដិសណ្ឋារកិច្ចស្វាគមន៍យ៉ាងកក់ក្តៅចំពោះដំណើរទស្សនកិច្ចផ្លូវការលើកទី១ របស់សម្តេចធិបតី ក្នុងនាមជានាយករដ្ឋមន្ត្រីនាឱកាសនេះ។

ក្នុងជំនួបដដែលនេះ សមភាគីទាំងពីរ បានជម្រាបជូនគ្នាទៅវិញទៅមកអំពីស្ថានភាពនៃប្រទេសទាំងពីរ ពាក់ព័ន្ធនឹងទិដ្ឋភាពនយោបាយ សង្គម និងសេដ្ឋកិច្ច ក៏ដូចជាបានធ្វើការពិភាក្សា និងវាយតម្លៃលើលទ្ធផលនៃកិច្ចសហប្រតិបត្តិការទ្វេភាគី ក្នុងរយៈកាលកន្លងមក ព្រមជាមួយនឹងការដាក់ចេញនូវទិសដៅក្នុងការបន្តពង្រឹង និងពង្រីកកិច្ចសហប្រតិបត្តិការលើគ្រប់វិស័យ ឱ្យទទួលបានលទ្ធផលជាផ្លែផ្កាបន្ថែមទៀត ដើម្បីផលប្រយោជន៍ទៅវិញទៅមក សម្រាប់ជាតិ និងប្រជាជនទាំងពីរ ជាពិសេសវិស័យនយោបាយ, ពាណិជ្ជកម្ម, វិនិយោគ, ទេសចរណ៍, សុខាភិបាល, អប់រំ, ការតភ្ជាប់, ការពារជាតិ, សន្តិសុខ, ការងារខណ្ឌសីមា និងការបោះបង្គោលព្រំដែន។

ទន្ទឹមគ្នានេះ សមភាគីទាំងពីរ ក៏បានផ្លាស់ប្តូរយោបល់ផងដែរអំពីកិច្ចការតំបន់ និងសាកល ដោយបានបង្ហាញនូវការពេញចិត្តចំពោះការគាំទ្រគ្នាទៅវិញទៅមកនៅលើវេទិកាអន្តរជាតិនានា ដូចជា ក្របខ័ណ្ឌអង្គការសហប្រជាជាតិ, អាស៊ាន និងអនុតំបន់មេគង្គ ជាដើម ៕

The post លោក ផាម មិញជិញ៖ ដំណើរទស្សនកិច្ចសម្តេចធិបតី ហ៊ុន ម៉ាណែត ទំនាក់ទំនងទ្វេភាគីកម្ពុជា-វៀតណាម នឹងកាន់តែរីកចម្រើនរឹងមាំ appeared first on .