Pope Francis

មកស្គាល់ពីប្រវត្តិខ្លះៗរបស់សម្តេច Pope Francis បុគ្គលមានឥទ្ធិពលបំផុតលើលោក

ឧកញ៉ាសំពៅ — Mon, 21 Apr 2025 09:05:00 +0000

យោងតាមបុរីវ៉ាទីកង់ បានប្រកាសជាផ្លូវការ នៅថ្ងៃទី២១ ខែមេសា ឆ្នាំ២០២៥នេះថា សម្តេចប៉ាប ហ្វ្រង់ស៊ីស (Pope Francis) បានទទួលមរណភាពហើយ ក្នុងជន្មាយុ ៨៨វស្សា ដោយសារឆ្លងជំងឺរលាកសួតធ្ងន់ធ្ងរ។ នេះបើតាមការចុះផ្សាយពីសារព័ត៌មានធំៗជាច្រើន។

លោកឪ Pope Francis ត្រូវបានចាត់ទុកថាជាបុគ្គលមានឥទ្ធិពលបំផុតមួយរូបលើពិភពលោក ហើយសារព័ត៌មាន Forbes បានចុះផ្សាយកាលពីឆ្នាំ២០១៨ ថា សម្ដេចគឺជា បុគ្គលមានឥទ្ធិពលបំផុតលើលោកទី ៦ ក្នុងចំណោមបុគ្គល ១០ រូប និងមានអ្នកគាំទ្រដល់ទៅ ១,៣ ពាន់លាននាក់ឯណោះ។

តើបុគ្គលដែលមានឥទ្ធិពលដ៏អស្ចារ្យរូបនេះ មានប្រវត្តិយ៉ាងណាខ្លះ?

សម្ដេចប៉ាប ហ្វ្រង់ស៊ីស មានឈ្មោះដើម Jorge Mario Bergoglio កើតនៅថ្ងៃទី១៧ ខែធ្នូ ឆ្នាំ១៩៣៦ នៅទីក្រុង Buenos Aires ប្រទេសអាហ្សង់ទីន និងមានឪពុកម្ដាយជាជនភៀសខ្លួនពីប្រទេសអ៊ីតាលី។

ក្រោយបញ្ចប់ការសិក្សាថ្នាក់វិទ្យាល័យ លោកមានបំណងចង់ក្លាយជាអ្នកជំនាញគីមី និងបានធ្វើការមួយរយៈខ្លី នៅវិស័យចំណីអាហារ ប៉ុន្តែនៅអាយុ ២១ ឆ្នាំ លោកមានជំងឺរលាកសួតធ្ងន់ធ្ងរ ដែលតម្រូវឲ្យលោកត្រូវកាត់សួតផ្នែកខាងស្ដាំចេញ។

នៅឆ្នាំ ១៩៥៨ លោកបានចូលរួមជាមួយក្រុម Jesuit (ក្រុមអ្នកស្រលាញ់ និងកាន់សាសនាយេស៊ូ) និងបានចូលរៀនផ្នែកមនុស្សសាស្ត្រនៅទីក្រុង Santiago ប្រទេសឈីលី និងទទួលបានសញ្ញាប័ណ្ណមានតម្លៃស្នើនឹងថ្នាក់អនុបណ្ឌិតផ្នែកទស្សនវិជ្ជានៅទីក្រុង Buenos Aires។

ក្រោយបញ្ចប់ការសិក្សា លោកក៏បានចូលបង្រៀនផ្នែកអក្សរសិល្ប៍ និងផ្នែកទស្សនវិជ្ជានៅវិទ្យាល័យមួយ រហូតដល់ឆ្នាំ ១៩៦៩ លោកក៏ត្រូវបានតែងតាំងជាអាចារ្យ និងបានចូលស្បថស្បែនៅឆ្នាំ ១៩៧៣ ដោយបានក្លាយជាប្រមុខនៃក្រុមគាំទ្រ Jesuit នៅអាហ្សង់ទីនពីឆ្នាំ ១៩៧៣ ដល់ ១៩៧៩។

លុះដល់អំឡុងទសវត្សឆ្នាំ ១៩៨០ លោក Bergoglio បានបម្រើការជាគ្រូបង្រៀនថ្នាក់សិក្ខាសាលា និងជាសកលវិទ្យាធិការ ក្នុងពេលកំពុងសិក្សាថ្នាក់ទ្រឹស្តីបទនៅអាល្លឺម៉ង់ និងនៅឆ្នាំ ១៩៩២ លោកត្រូវបានតែងតាំងជាជំនួយការអ្នកដឹកនាំសាសនា (Bishop) នៅ Buenos Aires។

កាន់តួនាទីជាជំនួយការបាន ៦ ឆ្នាំ លោកក៏ត្រូវបានតំឡើងតំណែងជាអ្នកដឹកនាំសាសនាជាន់ខ្ពស់ (Archbishop) នៅឆ្នាំ ១៩៩៨។ ក្នុងអំឡុងពេលវិបត្តិសេដ្ឋកិច្ចនៅអាហ្សង់ទីនដែលបានចាប់ផ្ដើមនៅចុងទសវត្សឆ្នាំ ១៩៩០ Bergoglio បានទទួលកេរ្តិ៍ឈ្មោះល្បីរន្ទឺអំពីភាពដាក់ខ្លួនរបស់លោក ដោយរស់នៅបន្ទប់តូចសាមញ្ញ ជាជាងភូមិគ្រឹះរបស់អ្នកដឹកនាំជាន់ខ្ពស់ និងធ្វើដំណើរតាមឡានក្រុងសាធារណៈ ជាជាងជិះឡានទំនើបមានតៃកុងផ្ទាល់ខ្លួន។

ឆ្នាំ ២០១៣ នៅពេលដែលសម្ដេច Pope Benedict XVI បានលាលែងតំណែង ក្រោមហេតុផលវ័យចាស់ជរា និងមានបញ្ហាសុខភាព ហើយលោក Bergoglio បានជ្រើសរើសជាអ្នកស្នងតំណែង ដោយបានសម្រេចយកឈ្មោះ Francis ដើម្បីរំលឹកដល់ St. Francis of Assisi នៃប្រទេសអ៊ីតាលី ដែលមានភាពចែករំលែកទៅកាន់ប្រជាជនក្រីក្រ ក៏ដូចជាឈ្មោះរបស់ St. Francis Xavier ដែលជាសមាជិកស្ថាបនិកក្រុម Jesuits ផងដែរ។

សម្រេច ហ្វ្រង់ស៊ីស បានគ្រប់គ្រងវិហារកាតូលិក Roman Catholics ដែលជាវិហារសាសនាធំបំផុតមួយលើលោក និងមានប្រជាជនប្រមាណ ១/៦ នៃប្រជាជនពិភពលោក ដែលគោរពបូជានៅទីនោះ។

សម្រាប់ការបង្ហាញខ្លួនជាសាធារណៈតំបូង សម្ដេច ហ្វ្រង់ស៊ីស បានអំពាវនាវ និងអធិដ្ឋានសុំឲ្យមានការយកចិត្តទុកដាក់បន្ថែមលើប្រជាជនក្រីក្រ ហើយសម្ដេចក៏បានស្នើឲ្យមានការយកចិត្តទុកដាក់បន្ថែមលើជនរងគ្រោះដែលត្រូវបានរំលោភបំពានផ្លូវភេទ ជាពិសេសគឺស្ត្រី។

តួយ៉ាងនៅចុងឆ្នាំ ២០១៣ អំឡុងពេលធ្វើទស្សនកិច្ចនៅហូឡង់ សម្ដេចហ្វ្រង់ស៊ីស បានជួបជាមួយអ្នកដឹកនាំសាសនានៅទីនោះ និងបានសុំឲ្យពួកគេទាក់ទងទៅកាន់ជនរងគ្រោះពីករណីរំលោភបំពានផ្លូវភេទ ដើម្បីផ្គត់ផ្គង់ជំនួយ។

នៅឆ្នាំ ២០១៥ សម្ដេចហ្វ្រង់ស៊ីស បានធ្វើទស្សនកិច្ចទៅកាន់សហរដ្ឋអាមេរិក និងបានសុំឲ្យមហាសន្និបាតអង្គការសហប្រជាជាតិយកចិត្តទុកដាក់លើការការពារសន្តិសុខពិភពលោក។ នៅឆ្នាំ ២០១៦ លោក និង Kirill I អយ្យកោនៃទីក្រុងមូស្គូ និងរុស្ស៊ីទាំងមូល បានជួបសំណេះសំណាលជាលើកដំបូងក្នុងប្រវត្តិសាស្ត្រ រវាងមេដឹកនាំ Roman Catholic និងវិហារ Orthodox របស់រុស្ស៊ី។

នៅឆ្នាំ ២០១៩ សម្ដេចហ្វ្រង់ស៊ីស បានក្លាយជាសម្ដេចនៃសាសនាកាតូលិកតំបូងដែលបានទស្សនកិច្ចទៅកាន់ Arabian Peninsula ជាកន្លែងកំណើតនៃសាសនាអ៊ីស្លាម ជាមួយគោលបំណងលើកកម្ពស់ភាតរភាពសាសនា និងសន្តិភាព។

សូមជម្រាបដែរថា គិតមកទល់នឹងពេលនេះ សម្ដេចហ្វ្រង់ស៊ីសបានកាន់តួនាទីជាអ្នកដឹកនាំសាសនាកាតូលិកអស់រយៈពេលជិត ១ទសវត្សមកហើយ។

The post មកស្គាល់ពីប្រវត្តិខ្លះៗរបស់សម្តេច Pope Francis បុគ្គលមានឥទ្ធិពលបំផុតលើលោក appeared first on .

សម្តេច Pope Francis នៃបុរីវ៉ាទីកង់ សោយទិវង្គតហើយ ក្នុងព្រះជន្ម ៨៨វស្សា

ឧកញ៉ាសាមញ្ញ — Mon, 21 Apr 2025 08:42:01 +0000

យោងតាមបុរីវ៉ាទីកង់ បានប្រកាសជាផ្លូវការថា សម្តេចប៉ាប ហ្វ្រង់ស៊ីស (Pope Francis) ដែលត្រូវបានចាត់ទុកថាជាបុគ្គលដ៏មានឥទ្ធិពល និងកាន់តួនាទីជាអ្នកដឹកនាំសាសនាកាតូលិកធំជាងគេបំផុតលើពិភពលោកនោះ បានទទួលមរណភាពហើយ ក្នុងជន្មាយុ ៨៨វស្សា។ នេះបើតាមការចុះផ្សាយពីសារព័ត៌មានធំៗជាច្រើន។

នៅក្នុងសេចក្តីថ្លែងការមួយរបស់បុរីវ៉ាទីកង់ បានបញ្ជាក់យ៉ាងច្បាស់ថា ៖” បងប្អូនជាទីគោរព យើងពិតជាមានសេចក្តីសោកស្តាយជាខ្លាំង ដែលត្រូវតែប្រកាសពីការសោយទិវង្គតរបស់សម្តេចប៉ាប”។

គួរឲ្យដឹងដែរថា សម្តេចប៉ាប បានទទួលមរណភាពត្រឹមតែមួយថ្ងៃប៉ុណ្ណោះ បន្ទាប់ពីសម្តេច បានបង្ហាញខ្លួនជាសាធារណ: នៅលើរថយន្ត Popemobile ដែលបានបើកដង្ហែឆ្លងកាត់ទីលាន St. Peter’s ខណៈពេលដែលអ្នកធ្វើធម្មយាត្រារាប់ម៉ឺននាក់ បានមកប្រមូលផ្តុំគ្នានៅឯបុរីវ៉ាទីកង់ សម្រាប់ពិធីបុណ្យ Easter ។ នេះគឺជាការបង្ហាញខ្លួនជាសាធារណៈលើកដំបូងរបស់សម្តេច ពោលគឺចាប់តាំងពីសម្តេច ចាកចេញពីមន្ទីរពេទ្យ កាលពីចុងខែមីនាមក។

ជម្រាបជូនថា សម្តេច ប៉ាប ហ្វ្រង់ស៊ីស មានព្រះជន្ម ៨៨ព្រះវស្សា ជិតមរណភាពពីរដងរួចមកហើយកាលពីដើមឆ្នាំនេះ បន្ទាប់ពីឆ្លងជំងឺរលាកសួតធ្ងន់ធ្ងរ។ សម្តេចបានចំណាយពេលដល់ទៅ ៥សប្តាហ៍ឯណោះនៅក្នុងមន្ទីរពេទ្យ Gemelli នៃទីក្រុងរ៉ូម មុនពេលត្រូវបញ្ជូនចេញ នៅថ្ងៃទី២៣ ខែមីនា៕

The post សម្តេច Pope Francis នៃបុរីវ៉ាទីកង់ សោយទិវង្គតហើយ ក្នុងព្រះជន្ម ៨៨វស្សា appeared first on .

សម្ដេច ប៉ាប ហ្វ្រង់ស៊ីស ខកខានកិច្ចប្រជុំកំពូល COP28 នៅទីក្រុងឌូបៃ

ឧកញ៉ាសំពៅ — Thu, 30 Nov 2023 05:59:00 +0000

កិច្ចប្រជុំកំពូល COP28 ធ្វើឡើងនៅទីក្រុងឌូបៃ កំពុងចាប់ផ្ដើម ក្រោមវត្តមានពីមេដឹកនាំកំពូលៗលើពិភពលោក ច្រើនជាង ១៦០ប្រទេស និងធុរកិច្ចជនល្បីឈ្មោះជាច្រើនរូប ប៉ុន្តែសម្ដេច ប៉ាប ហ្វ្រង់ស៊ីស បែរជាខកខានកិច្ចប្រជុំមួយនេះទៅវិញ។

យោងតាមការចុះផ្សាយពីសារព័ត៌មាន SkyNews បានបង្ហាញថា មូលហេតុដែលធ្វើឲ្យសម្ដេច មិនអាចចូលរួមកិច្ចប្រជុំនៅទីក្រុងឌូបៃបាន ដោយសារបញ្ហាសុខភាព ដែលក្រុមគ្រូពេទ្យផ្ដល់យោបល់ឲ្យលោកសម្រាកឲ្យបានច្រើន។

ទោះជាយ៉ាងណា ព្រះវិហារកាតូលិក Holy See បានបង្ហើបឲ្យដឹងថា សម្ដេច ប៉ាប នៅតែមានកូនចិត្តចង់ចូលរួមកិច្ចប្រជុំមួយនេះ តាមវិធីសាស្ត្រផ្សេង បើទោះជាមិនអាចចូលរួមបានដោយផ្ទាល់ក្ដី។

សូមជម្រាបដែរថា សម្ដេច ប៉ាប ហ្វ្រង់ស៊ីស តែងតែបង្ហាញមុខជាញឹកញាប់ ចំពោះការរកដំណោះស្រាយ ជុំវិញបញ្ហាបម្រែបម្រួលអាកាសធាតុ និងតែងអំពាវនាវឲ្យមហាអំណាចធំៗ គិតគូរពីបញ្ហាមួយនេះឲ្យបានស៊ីជម្រៅ៕

The post សម្ដេច ប៉ាប ហ្វ្រង់ស៊ីស ខកខានកិច្ចប្រជុំកំពូល COP28 នៅទីក្រុងឌូបៃ appeared first on .

សម្ដេច ប៉ាប ហ្វ្រង់ស៊ីស៖ អត្រាកំណើតមានហានិភ័យ ដ្បិតការចិញ្ចឹមកូននៅអ៊ីតាលីត្រូវចំណាយច្រើន

ឧកញ៉ាសំពៅ — Fri, 12 May 2023 09:27:20 +0000

អត្រាកំណើតនៅប្រទេសអ៊ីតាលីបានធ្លាក់ចុះមកទាបជាង ៤០០ ០០០ ជាលើកដំបូងកាលពីឆ្នាំ ២០២២ ខណៈវាគឺជាការធ្លាក់ចុះ ១៤ឆ្នាំជាប់ៗគ្នា ស្របពេលចំនួនប្រជាជនបានធ្លាក់ចុះប្រមាណ ១៧៩ ០០០ នាក់ មកនៅត្រឹម ៥៨,៨៥លាននាក់។

ទាក់ទងនឹងហានិភ័យនៃអត្រាកំណើតនេះ សម្ដេច ប៉ាប ហ្វ្រង់ស៊ីស បានលើកឡើងថា ដោយសារការចិញ្ចឹមកូនមានភាពលំបាក ដោយត្រូវចំណាយច្រើន ហើយយុវជនជំនាន់ក្រោយកំពុងមានភាពលំបាកក្នុងការស្វែងរកការងារធ្វើ។

“ផលលំបាកក្នុងការស្វែងរកការងារ និងភាពលំបាកក្នុងការរក្សាការងារនោះ គឺជាហេតុផលធំដែលបង្កឲ្យអត្រាកំណើតមានតិច ស្របពេលតម្លៃផ្ទះជួល និងប្រាក់ចំណូលមិនមានសមភាពនឹងគ្នា”។ នេះបើតាមសម្ដីរបស់សម្ដេច ហ្វ្រង់ស៊ីស បាននិយាយ។

បុគ្គលដ៏មានឥទ្ធិពលបំផុតម្នាក់នេះក៏បានសង្កត់ធ្ងន់ថា ដើម្បីអាចចិញ្ចឹមកុមារនៅអ៊ីតាលីបាន ត្រូវមានការចំណាយខ្ពស់ណាស់ ស្របពេលនារីវ័យក្មេងជាច្រើនរូបត្រូវពិចារណាត្រង់ចំណុចមួយនេះ រវាងការធ្វើការសន្សំប្រាក់ និងយកកូន ដែលបណ្ដាលឲ្យអត្រាកំណើតមានការធ្លាក់ចុះ៕

The post សម្ដេច ប៉ាប ហ្វ្រង់ស៊ីស៖ អត្រាកំណើតមានហានិភ័យ ដ្បិតការចិញ្ចឹមកូននៅអ៊ីតាលីត្រូវចំណាយច្រើន appeared first on .

នាយករដ្ឋមន្ត្រីអ៊ុយក្រែន អញ្ជើញសម្ដេច Pope Francis បំពេញទស្សនកិច្ចនៅអ៊ុយក្រែន

ឧកញ៉ាសំពៅ — Fri, 28 Apr 2023 04:54:00 +0000

កាលពីថ្ងៃទី ២៧ មេសាកន្លងទៅ នាយករដ្ឋមន្ត្រី Denys Shmyhal បានអញ្ជើញសម្ដេច Pope Francis ទៅបំពេញទស្សនកិច្ចនៅប្រទេសអ៊ុយក្រែន និងសុំឲ្យបុគ្គលមានឥទ្ធិពលបំផុតលើលោក ដោះស្រាយបញ្ហាក្មេងៗដែលរុស្ស៊ីបានជម្លៀសចេញពីអ៊ុយក្រែន។

យោងតាមការចុះផ្សាយពី CNA បានបង្ហាញថា កុមារអ៊ុយក្រែនច្រើនជាង ១៦ ០០០នាក់ ត្រូវបានជម្លៀសទៅកាន់ប្រទេសរុស្ស៊ី តាំងពីផ្ទុះសង្គ្រាមកាលពីចុងខែកុម្ភៈ ឆ្នាំទៅ ខណៈក្មេងៗទាំងនោះភាគច្រើនត្រូវបានដាក់ឲ្យរស់នៅមណ្ឌលថែទាំកុមារ ឬក៏វិទ្យាស្ថានទំនេរៗ។

យ៉ាងណា រុស្ស៊ីបានច្រានចោលការចោទប្រកាន់ខាងលើ និងបកស្រាយថា ពួកគេធ្វើបែបនេះគឺដើម្បីជួយក្មេងៗទាំងនោះ កុំឲ្យមានភាពភ័យខ្លាចដោយសារសង្គ្រាមប៉ុណ្ណោះ។

ដោយឡែក នាយករដ្ឋមន្ត្រីអ៊ុយក្រែនបាននិយាយថា លោកចូលជួបសំណេះសំណាលជាមួយសម្ដេច Pope អំពីគម្រោងបញ្ចប់សង្គ្រាមដោយសន្តិភាព ដែលស្នើដោយប្រធានាធិបតីអ៊ុយក្រែនកាលពីឆ្នាំទៅ។

សូមជម្រាបដែរថា កន្លងមកសម្ដេច Pope តែងតែព្យាយាមឲ្យភាគីទាំងសងខាងដោះស្រាយបញ្ហាដោយសន្តិវិធី ហើយបើទោះជាខាងវិហារ Vatican លូកដៃសម្របសម្រួលប៉ុណ្ណា ប៉ុន្តែវាហាក់មិនទទួលបានផ្លែផ្កាទាល់តែសោះ៕