ថ្លែងក្នុងពិធីដាក់សម្ពោធឲ្យប្រើប្រាស់ប្រព័ន្ធថ្មីនេះ ទេសាភិបាលធនាគារកណ្តាលឡាវ លោក Bounleua Sinxayvoravong បានមានប្រសាសន៍ថា ការអនុវត្តការទូទាត់តាម QR ឆ្លងប្រទេស គឺជាជំហានដ៏សំខាន់បំផុតមួយ នៅក្នុងការអភិវឌ្ឍឧស្សាហកម្មហិរញ្ញវត្ថុឡាវ ដោយសារតែថៃជាដៃគូពាណិជ្ជកម្មលំដាប់លេខ១ របស់ប្រទេសខ្លួន។

ជុំវិញការដាក់ឲ្យដំណើរការប្រព័ន្ធទូទាត់សាច់ប្រាក់នេះ មិនត្រឹមតែជួយសម្រួលដល់ប្រតិបត្តិការហិរញ្ញវត្ថុឆ្លងប្រទេស ជាពិសេសសហគ្រាសធុនតូច និងមធ្យម (MSMEs) និងអ្នកប្រើប្រាស់ប្រកបដោយសុវត្ថិភាព ប្រសិទ្ធភាព និងតម្លៃទាបប៉ុណ្ណោះទេ ប៉ុន្តែវាថែមទាំងបានជួយដល់ពលករដែលកំពុងធ្វើការនៅក្នុងប្រទេសទាំងពីរ ដើម្បីងាយស្រួលផ្ទេរប្រាក់ត្រឡប់ទៅផ្ទះវិញផងដែរ។

ជម្រាបជូនផងដែរថា ក្រៅតែពីប្រទេសថៃ កាលពីពេលកន្លងទៅនេះ ឡាវក៏មានកិច្ចសហប្រតិបត្តិការទូទាត់សាច់ប្រាក់តាមរយ:ប្រព័ន្ធ QR កូដ ឆ្លងដែនជាមួយនឹងប្រទេសកម្ពុជា ផងដែរ៕

The post ឡាវ-ថៃ ឈានដល់ការបើកដាក់ឲ្យដំណើរការប្រព័ន្ធទូទាត់ប្រាក់ឆ្លងដែន តាមរយ: QR Code​ appeared first on .

តាមការចុះផ្សាយពីសារព័ត៌មាន Reuters បានបង្ហាញឱ្យដឹងថា ទាំង Bank Indonesia (BI) និងអាជ្ញាធររូបិយវត្ថុសិង្ហបុរី (MAS) រំពឹងថានឹងចាប់ផ្តើមដាក់ឱ្យដំណើរការសេវាកម្មថ្មីនេះ ឱ្យបានមុនដំណាច់ឆ្នាំ ២០២៣ នេះ។

ការតភ្ជាប់ប្រព័ន្ធទូទាត់នេះ គឺមានគោលបំណងធំក្នុងការអនុញ្ញាតឱ្យបុគ្គល និងម្ចាស់អាជីវកម្ម ជាពិសេសសហគ្រាសធុនតូច និងមធ្យម អាចធ្វើពាណិជ្ជកម្មឆ្លងដែន រួមទាំងពាណិជ្ជកម្មតាមប្រព័ន្ធអេឡិចត្រូវនិក និងសកម្មភាពហិរញ្ញវត្ថុ ឱ្យកាន់តែមានភាពឆាប់រហ័ស និងសុវត្ថិភាពខ្ពស់។

ជាងនេះទៅទៀត វាក៏ជួយគាំទ្រដល់កំណើនទេសចរណ៍រវាងប្រទេសទាំងពីរ ផងដែរ នៅពេលដែលការធ្វើដំណើរអន្តរជាតិ បានបើកដំណើរការពេញលេញឡើងវិញ ក្រោយជំងឺរាតត្បាតកូវីដ-១៩ ដោយក្នុងនោះបានមើលឃើញថា អ្នកដំណើរចំនួន ១,៩ លាននាក់ បានមកដល់ប្រទេសឥណ្ឌូនេស៊ី ពីសិង្ហបុរី និង ៣,១ លាននាក់ មកដល់សិង្ហបុរី ពីប្រទេសឥណ្ឌូនេស៊ី ៕

The post ឥណ្ឌូនេស៊ី និងសិង្ហបុរី គ្រោងដាក់ចេញប្រព័ន្ធ QRកូដ ដើម្បីសម្រួលការទូទាត់រវាងប្រទេសទាំងពីរ appeared first on .

ទេសាភិបាលធនាគារឡាវ លោកបណ្ឌិត Bounleua Sinzayvoravong បានមានប្រសាសន៍ថា ការប្រើប្រាស់ប្រព័ន្ធប្រតិបត្តិការ QRកូដ នឹងជួយសម្រួលដល់ការផ្ទេរប្រាក់ និងការទូទាត់ សម្រាប់ពលករ និងភ្ញៀវទេសចរឡាវ នៅក្នុងប្រទេសទាំងបីខាងលើ ហើយក៏អាចទូទាត់ត្រលប់មកវិញបាន ផងដែរ ។

គួរឱ្យដឹងថា បច្ចុប្បន្ននេះ ជនជាតិឡាវចំនួន ៣០៣ ៣៩១ នាក់ កំពុងធ្វើការនៅបរទេស ដោយបានបញ្ជូនប្រាក់ត្រលប់មកកាន់ប្រទេសវិញ ក្នុងចំនួនប្រមាណ ៤២៦លានដុល្លារ ក្នុងមួយឆ្នាំ ដែលវាបានរួមចំណែកយ៉ាងច្រើន ដល់សេដ្ឋកិច្ចឡាវ និងប្រាក់ចំណូលរូបិយប័ណ្ណបរទេស ថែមទៀតផង ។

មិនតែប៉ុណ្ណោះ លោកបណ្ឌិត Sinzayvoravong បានបញ្ជាក់ទៀតថា ធនាគារកណ្តាលនៃប្រទេស ដែលពាក់ព័ន្ធកំពុងធ្វើការជាមួយធនាគារពាណិជ្ជរបស់ឡាវ ដើម្បីភ្ជាប់ប្រព័ន្ធប្រតិបត្តិការ ដែលបានស្នើឡើងនោះ។

យ៉ាងណាមិញ នៅពេលដែលប្រព័ន្ធប្រតិបត្តិការ QRកូដ ត្រូវបានដាក់ឱ្យដំណើរការ នោះវានឹងអាចឱ្យជនជាតិឡាវ នៅក្នុងប្រទេសផ្សេងទៀត អាចធ្វើការផ្ទេរប្រាក់តាមរយៈប្រព័ន្ធធនាគារ និងអាចសន្សំសំចៃថ្លៃសេវា ហើយទន្ទឹមនឹងនោះ ក៏អាចជៀសវាងហានិភ័យ ដែលអាចកើតមានឡើងតាមរយៈការប្រើប្រាស់ប្រព័ន្ធផ្សេងទៀត បានផងដែរ។

លើសពីនេះទៅទៀត កម្មវិធីទូទាត់តាមប្រព័ន្ធ QRកូដ នេះ នឹងធ្វើឱ្យអ្នកទេសចរ វៀតណាម ថៃ និងកម្ពុជា កាន់តែមានភាពងាយស្រួល ក្នុងការធ្វើប្រតិបត្តិការទូទាត់ អំឡុងពេលស្នាក់នៅប្រទេសឡាវបានថែមទៀតផង ៕

The post ឡាវ គ្រោងនឹងបង្កើតប្រព័ន្ធ QRកូដ ដើម្បីសម្រួលការផ្ទេរប្រាក់ជាមួយវៀតណាម កម្ពុជា និងថៃ appeared first on .

ប្រព័ន្ធ​ស្កេន QR Code ថ្មី​នេះ បង្កើត​ឡើង​ក្រោមកិច្ចសហការរវាងក្រសួងប្រៃសនីយ៍និងទូរគមនាគមន៍និងក្រុមការងារបច្ចេកទេសនៃគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេស និងអនុគណៈកម្មការអន្តរក្រសួងប្រយុទ្ធនឹងជំងឺកូវីដ១៩។

ក្រសួងបានបញ្ជាក់​ថា ​ការបង្កើតប្រព័ន្ធស្កេននេះ ធ្វើ​ឡើង​ដើម្បីជួយសម្រួលដល់ការស្រាវជ្រាវរកអ្នកពាក់ព័ន្ធនឹងជំងឺកូវីដ១៩ គ្រប់គ្រងការធ្វើចត្តាឡីស័ក និងបង្ហាញព័ត៌មានអំពីការចាក់វ៉ាក់សាំងកូវីដ-១៩ របស់បុគ្គលម្នាក់ៗ។ បន្ថែមពីនេះ ប្រព័ន្ធស្កេន QR Code ថ្មីនេះ ក៏ជួយបញ្ចៀសហានិភ័យនៃ​ការចម្លងនូវជំងឺកូវីដ១៩ តាមរយៈការកាត់បន្ថយការប៉ះពាល់ដោយផ្ទាល់ក្នុងការត្រួតពិនិត្យបណ្ណចាក់វ៉ាក់សាំង ដោយមិនចាំបាច់តម្រូវយកបណ្ណចាក់វ៉ាក់សាំងតាមខ្លួនគ្រប់ពេល ឬភ័យខ្លាចពីការបាត់បណ្ណ និងខូតខាតបណ្ណនោះទេ។ និងចុងក្រោយ វា​អាចកាត់បន្ថយហានិភ័យពីការក្លែងបន្លំលើបណ្ណចាក់វ៉ាក់សាំងជាដើម។

ស្របពេលជាមួយគ្នា ក្រសួងសុខាភិបាល នៅថ្ងៃទី១៨ស្អែក ក៏សម្រេចបន្ថូរបន្ថយ​លក្ខខណ្ឌ​នៃការ​ធ្វើ​ចត្តាឡីស័ក សម្រាប់អ្នកដំណើរ​ចូលមកកម្ពុជា។

ក្រសួងសុខាភិបាលគូសបញ្ជាក់ថា ការ​កាត់​បន្ថយចំនួន​ថ្ងៃ​ធ្វើ​ចត្តាឡីស័ក​នេះ ​ដោយសារតែ​កម្ពុជា​មាន​អត្រា​អ្នក​ចាក់​វ៉ាក់សាំង​លើសគោលដៅដែលបាន​គ្រោងទុក។ ជាមួយនឹងមោទនៈភាព​នេះ កម្ពុជា​សម្រេច​បើក​ប្រទេសឡើងវិញជាបណ្តើរៗ​ និង​តាមដំណាក់​កាល​ដោយមានការ​ប្រយ័ត្នប្រយែង​ តាម​គន្លង​ប្រក្រតីភាពថ្មី។

សម្រាប់វិនិយោគិន បុគ្គលិកជំនាញបច្ចេកទេសទាំងជនជាតិខ្មែរ និងបរទេស មន្ត្រីការទូត មន្ត្រីអនុវត្តគម្រោងសហប្រតិបត្តិការផ្លូវការ និងមន្ត្រីរាជការរបស់រដ្ឋាភិបាល ដែលត្រលប់មកពីក្រៅប្រទេស ពេលមកដល់​កម្ពុជា ការ​ធ្វើ​ចត្តាឡីស័ក ត្រូវបានកាត់​បន្ថយមកនៅត្រឹមរយៈពេលតែ៣ថ្ងៃប៉ុណ្ណោះ ប្រសិនបើអ្នកទាំងនោះ មិនមានកូវីដ១៩។ នេះក៏រួមបញ្ចូលផងដែរ ក្រុមគ្រួសាររបស់ក្រុម អាទិភាពទាំងនេះ។

ដោយឡែក សម្រាប់អ្នកដំណើរទូទៅទាំងជនជាតិខ្មែរ និងបរទេស ដែល​បាន​ចាក់​វ៉ាក់សាំង​បង្ការ​ជំងឺ​កូវីដ​១៩​រួច​រាល់ ការ​ធ្វើ​ចត្តាឡីស័ក​គឺត្រូវបាន​កាត់​បន្ថយ​មកនៅត្រឹម​តែរយៈ​ពេល​៧ថ្ងៃប៉ុណ្ណោះ។ ប៉ុន្តែត្រូវអនុវត្តរបបចត្តាឡីស័កចំនួន១៤ថ្ងៃ ចំពោះអ្នកដំណើរគ្រប់ប្រភេទដែលមិនបានចាក់វ៉ាក់សាំងការពារកូវីដ១៩ ឬមិនទាន់បានចាក់វ៉ាក់សាំងដូសមូលដ្ឋាន​បានពេញលេញ៕

The post ថ្ងៃស្អែកក្រសួងដាក់ដំណើរការប្រព័ន្ធស្កេន «QR Code» បណ្ណចាក់វ៉ាក់សាំងកូវីដឌីជីថល ស្របនឹងលក្ខខណ្ឌ​​បន្ធូរបន្ថយ​ធ្វើ​ចត្តាឡីស័ក appeared first on .