ថ្ងៃស្អែកក្រសួងដាក់ដំណើរការប្រព័ន្ធស្កេន «QR Code» បណ្ណចាក់វ៉ាក់សាំងកូវីដឌីជីថល ស្របនឹងលក្ខខណ្ឌបន្ធូរបន្ថយធ្វើចត្តាឡីស័ក

នៅថ្ងៃចន្ទ ទី១៨ ស្អែកនេះ ក្រសួងប្រៃសណីយ៍និងទូរគនាគមន៍នឹងប្រកាសដាក់ឱ្យដំណើរប្រើប្រាស់នូវប្រព័ន្ធស្កេន «QR Code» «បណ្ណចាក់វ៉ាក់សាំងឌីជីថល StopCovidQR Vaccine» ដោយតភ្ជាប់ប្រព័ន្ធ «ទប់ស្កាត់ជំងឺកូវីដ១៩ Stop Covid» ទៅនឹងប្រព័ន្ធទិន្នន័យចាក់វ៉ាក់សាំងរបស់រដ្ឋាភិបាល។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ប្រព័ន្ធស្កេន QR Code ថ្មីនេះ បង្កើតឡើងក្រោមកិច្ចសហការរវាងក្រសួងប្រៃសនីយ៍និងទូរគមនាគមន៍និងក្រុមការងារបច្ចេកទេសនៃគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេស និងអនុគណៈកម្មការអន្តរក្រសួងប្រយុទ្ធនឹងជំងឺកូវីដ១៩។

ក្រសួងបានបញ្ជាក់ថា ការបង្កើតប្រព័ន្ធស្កេននេះ ធ្វើឡើងដើម្បីជួយសម្រួលដល់ការស្រាវជ្រាវរកអ្នកពាក់ព័ន្ធនឹងជំងឺកូវីដ១៩ គ្រប់គ្រងការធ្វើចត្តាឡីស័ក និងបង្ហាញព័ត៌មានអំពីការចាក់វ៉ាក់សាំងកូវីដ-១៩ របស់បុគ្គលម្នាក់ៗ។ បន្ថែមពីនេះ ប្រព័ន្ធស្កេន QR Code ថ្មីនេះ ក៏ជួយបញ្ចៀសហានិភ័យនៃការចម្លងនូវជំងឺកូវីដ១៩ តាមរយៈការកាត់បន្ថយការប៉ះពាល់ដោយផ្ទាល់ក្នុងការត្រួតពិនិត្យបណ្ណចាក់វ៉ាក់សាំង ដោយមិនចាំបាច់តម្រូវយកបណ្ណចាក់វ៉ាក់សាំងតាមខ្លួនគ្រប់ពេល ឬភ័យខ្លាចពីការបាត់បណ្ណ និងខូតខាតបណ្ណនោះទេ។ និងចុងក្រោយ វាអាចកាត់បន្ថយហានិភ័យពីការក្លែងបន្លំលើបណ្ណចាក់វ៉ាក់សាំងជាដើម។

ស្របពេលជាមួយគ្នា ក្រសួងសុខាភិបាល នៅថ្ងៃទី១៨ស្អែក ក៏សម្រេចបន្ថូរបន្ថយលក្ខខណ្ឌនៃការធ្វើចត្តាឡីស័ក សម្រាប់អ្នកដំណើរចូលមកកម្ពុជា។

ក្រសួងសុខាភិបាលគូសបញ្ជាក់ថា ការកាត់បន្ថយចំនួនថ្ងៃធ្វើចត្តាឡីស័កនេះ ដោយសារតែកម្ពុជាមានអត្រាអ្នកចាក់វ៉ាក់សាំងលើសគោលដៅដែលបានគ្រោងទុក។ ជាមួយនឹងមោទនៈភាពនេះ កម្ពុជាសម្រេចបើកប្រទេសឡើងវិញជាបណ្តើរៗ និងតាមដំណាក់កាលដោយមានការប្រយ័ត្នប្រយែង តាមគន្លងប្រក្រតីភាពថ្មី។

សម្រាប់វិនិយោគិន បុគ្គលិកជំនាញបច្ចេកទេសទាំងជនជាតិខ្មែរ និងបរទេស មន្ត្រីការទូត មន្ត្រីអនុវត្តគម្រោងសហប្រតិបត្តិការផ្លូវការ និងមន្ត្រីរាជការរបស់រដ្ឋាភិបាល ដែលត្រលប់មកពីក្រៅប្រទេស ពេលមកដល់កម្ពុជា ការធ្វើចត្តាឡីស័ក ត្រូវបានកាត់បន្ថយមកនៅត្រឹមរយៈពេលតែ៣ថ្ងៃប៉ុណ្ណោះ ប្រសិនបើអ្នកទាំងនោះ មិនមានកូវីដ១៩។ នេះក៏រួមបញ្ចូលផងដែរ ក្រុមគ្រួសាររបស់ក្រុម អាទិភាពទាំងនេះ។

ដោយឡែក សម្រាប់អ្នកដំណើរទូទៅទាំងជនជាតិខ្មែរ និងបរទេស ដែលបានចាក់វ៉ាក់សាំងបង្ការជំងឺកូវីដ១៩រួចរាល់ ការធ្វើចត្តាឡីស័កគឺត្រូវបានកាត់បន្ថយមកនៅត្រឹមតែរយៈពេល៧ថ្ងៃប៉ុណ្ណោះ។ ប៉ុន្តែត្រូវអនុវត្តរបបចត្តាឡីស័កចំនួន១៤ថ្ងៃ ចំពោះអ្នកដំណើរគ្រប់ប្រភេទដែលមិនបានចាក់វ៉ាក់សាំងការពារកូវីដ១៩ ឬមិនទាន់បានចាក់វ៉ាក់សាំងដូសមូលដ្ឋានបានពេញលេញ៕

អត្ថបទទាក់ទង

តើសម្តេចតេជោ ហ៊ុន សែន ជជែករឿងអ្វីខ្លះជាមួយអតីតនាយករដ្ឋថៃលោក ថាក់ស៊ីន ស៊ីណាវ៉ាត្រា

វ៉ាក់សាំងកូវីដ១៩ ស៊ីណូវ៉ាក់ ៥០ម៉ឺនដូស ដែលរដ្ឋាភិបាលបញ្ជាទិញបានដឹកមកដល់កម្ពុជាហើយ