យោងតាមការចុះផ្សាយពីគេហទំព័រ CarToq បានបង្ហាញថា រថយន្តម៉ាក Rang Rover SDV8 សេរីឆ្នាំ២០១៦ របស់អតីតម្ចាស់ក្សត្រីចក្រភពអង់គ្លេស ត្រូវបានបង្ហាញវត្តមាននៅក្នុង​កម្មវិធីដេញថ្លៃរថយន្តមួយ ក្នុងតម្លៃដេញថ្លៃចាប់ពីជាង ២សែនដុល្លារ ក៏ប៉ុន្តែមហាសេដ្ឋីឥណ្ឌា Poonawalla បានក្លាយជាម្ចាស់រថយន្តមួយនេះ ដោយមិនបង្ហាញពីទំហំចំណាយដើម្បី​ឈ្នះការដេញថ្លៃឡើយ។

អ្នកជំនួញខ្នាតយក្សរូបនេះ បានប្រាប់បណ្ដាញសារព័ត៌មានថា ចំណុចពិសេសរបស់រថយន្ត Rang Rover មួយគ្រឿងនេះ គឺស្លាកលេខរបស់វា ដ្បិតគ្រប់រថយន្តដែលប្រើនៅក្នុងរាជវាំង តម្រូវឲ្យផ្លាស់ប្ដូរស្លាកលេខ ក៏ប៉ុន្តែ Rang Rover មួយគ្រឿងនេះបំពាក់ស្លាកលេខ OU16 X V H គ្រប់ពេលដែលម្ចាស់ក្សត្រីប្រើប្រាស់វា។

ចំណុចពិសេសផ្សេងទៀត ដែលរថយន្តមួយគ្រឿងនេះមានលក្ខណៈខុសប្លែកពីគេគឺ ការកែច្នៃសឹងតែពេញមួយតួរថយន្ត ដើម្បីស្របតាមតម្រូវការរបស់ម្ចាស់ក្សត្រី Queen Elizabeth II ដូចជា ការផ្លាស់ប្ដូរចង្កៀងខាងមុខ ការបំពាក់បន្ថែមនូវឈ្នាន់ និងបង្កាន់ដៃ ដើម្បីផ្ដល់ភាពងាយស្រួលដល់ការឡើងចុះរថយន្ត ក៏ដូចជាភ្លើងសារ៉ែនដែលមាននៅក្នុងរថយន្តជាដើម។

សូមជម្រាបបន្ថែមថា លោក Poonawalla បានបញ្ជាក់ប្រាប់ថា លោកគ្មានបំណងប្រើប្រាស់រថយន្ត Rang Rover មួយគ្រឿងនេះទេ ដោយចង់បានវាមកដាក់តាំងបង្ហាញ ជាមួយរថយន្តប្រណីតៗផ្សេងទៀត ដែលមានស្រាប់ក្នុងផ្ទះ ហើយម្យ៉ាងទៀតវាធ្លាប់ជាយានជំនិះរបស់ម្ចាស់ក្សត្រីថែមទៀត ដូច្នេះការដែលទិញរបស់មាន​តម្លៃបែបនេះបាន វាគឺជារឿងកម្រខ្លាំងណាស់៕

The post មហាសេដ្ឋីឥណ្ឌា ទិញរថយន្ត Rang Rover របស់អតីតម្ចាស់ក្សត្រី Queen Elizabeth II appeared first on .

ក្រោយ​ការ​ចូលទិវង្គត​របស់​ទ្រង់ ​ព្រះ​អង្គម្ចាស់ Charles ត្រូវបាន​តែងតាំង​ជា​ស្ដេច​គ្រប់គ្រង​ចក្រភព​អង់គ្លេស​បន្ត​ពី​ព្រះមាតា​មួយ​រំពេច និង​ត្រូវ​បាន​ប្រគល់​ងារ​ជា King Charles III។

ដោយសារ​ការ​តែងតាំង​ធ្វើ​ឡើង​ទាំង​ប្រញាប់ប្រញាល់ King Charles III ដែល​ធ្លាប់​ជា​ព្រះអង្គម្ចាស់​នៃ​ប្រទេស​វែល បាន​ប្រកាស​ប្រគល់​តំណែង​មួយ​នេះ​ទៅ​កាន់​បុត្រា William និង​ថែម​ទាំង​បាន​តែងតាំង​ព្រះសុណិសា Kate Middleton ជាព្រះនាង​នៃ​ប្រទេស​វែល​ថែម​ទៀត ខណៈ​តំណែង​មួយ​នេះ​មិនធ្លាប់​ត្រូវបាន​ប្រគល់​ជូន​បុគ្គល​ណា​តាំងពី​ឆ្នាំ ១៩៩៧ មក​ម៉្លេះ។

គោរមងារ​ថ្មី​ដែល​ព្រះអង្គម្ចាស់ William និង​ព្រះមហេសី​ទទួល​បាន​នេះ ក៏​នាំមក​ជាមួយ​នូវ​ទ្រព្យសម្បត្តិ​មហាសាល​ផង​ដែរ ពោល​បាន​ធ្វើ​ឲ្យ​អ្នកទាំង ២ ក្លាយ​ជា​មហាសេដ្ឋី​ត្រឹម​មួយប៉ប្រិចភ្នែក​។

យោង​តាម​ការ​ចុះផ្សាយ​ពី Dailystar ទ្រព្យសម្បត្តិ​របស់​ព្រះអង្គម្ចាស់ William មាន​ប្រមាណ ៣៤ លាន​ផោន​មុន​ការ​ក្លាយជា​ព្រះអង្គម្ចាស់​នៃ​ប្រទេស​វែល ប៉ុន្តែ​ក្រោយ​ការ​តែងតាំង​ទ្រព្យសម្បត្តិ​របស់​ទ្រង់​បាន​កើនឡើង​ដល់ ១,១ ពាន់​លាន​ផោន ឬ ១,៣ ពាន់​លាន​ដុល្លារ។

ក្រៅពី​ការកើនទ្រព្យ​សម្បត្តិ​ដ៏​អស្ចារ្យ ប្រភព​សារព័ត៌មាន​អន្តរជាតិ​ជាច្រើន​សុទ្ធតែ​អះអាង​ថា ព្រះអង្គម្ចាស់ និង​ព្រះនាង​ប្រទេស​វែល​ បច្ចុប្បន្ន​មាន​ដីធ្លី​ក្នុង​កម្មសិទ្ធ​ប្រមាណ ៥១ ៨០០ ហិកតា​នៅ​ជុំវិញ​ប្រទេស​អង់គ្លេស និង​វែល​ថែមទៀត៕

The post ព្រះអង្គម្ចាស់ William ក្លាយជាមហាសេដ្ឋីមួយរំពេច ក្រោយការចូលទិវង្គតនៃម្ចាស់ក្សត្រី Elizabeth II appeared first on .

យោង​តាម​ការ​ចុះផ្សាយ​ពី CNN បានឲ្យ​ដឹង​ថា ក្រដាសប្រាក់​ច្រើនជាង ៤,៧ លាន​សន្លឹក​ដែល​មាន​រូប​ម្ចាស់ក្សត្រី Elizabeth II កំពុង​មាន​ចរាចរ​នៅ​អង់គ្លេស ដែល​គិត​ជា​ទឹកប្រាក់​គឺ​ប្រហែល ៨២ ពាន់​លាន​ផោន ឬ​ប្រមាណ ៩៥ ពាន់​លាន​ដុល្លារ។

ក្រៅពី​ក្រដាសប្រាក់ ក៏​នៅ​មាន​ដូចជា​កាក់​ដែល​មាន​រូបទ្រង់​ទៀត​ផង ហើយ​បើតាម​ទិន្នន័យ​ផ្ដល់​ឲ្យ​ដោយ​ធនាគារកណ្ដាល​បាន​បញ្ជាក់​ថា មាន​កាក់​ប្រមាណ ២៩ ពាន់​លាន​កាក់​ដែល​មាន​រូប​របស់​ម្ចាស់ក្សត្រី Elizabeth II។

សារព័ត៌មាន​ខាងលើ​បាន​អះអាង​ថា ក្រដាសប្រាក់​ថ្មី​នឹង​ត្រូវ​ណែនាំ​ក្រោយ​ចប់​ពិធី​កាន់ទុក្ខ​ម្ចាស់ក្សត្រី ស្របពេល​ធនាគារកណ្ដាល​បង្ហើប​ថា ក្រដាសប្រាក់​ចាស់​នឹង​អនុញ្ញាត​ឲ្យ​ប្រើប្រាស់​ត្រឹម​រយៈពេល​កំណត់​មួយ។

សូមជម្រាបដែរ​ថា មិនមែន​មានតែ​ក្រដាសប្រាក់​នៅ​អង់គ្លេស​ឡើយ​ដែល​មាន​រូប​ម្ចាស់ក្សត្រី Elizabeth II ពោល​នៅ​ប្រទេស​ផ្សេងៗ​ដែល​ធ្លាប់​ស្ថិត​នៅ​ក្រោម​អាណានិគម​អង់គ្លេស​ក៏​បាន​ប្រើប្រាស់​លុយ​ដែល​មាន​រូប​ទ្រង់​ដូចគ្នា តួយ៉ាង​ដូចជា កាណាដា និងអូស្ត្រាលី​ជាដើម៕

The post ក្រដាសប្រាក់ជិត ៥ លានសន្លឹកដែលមានរូបម្ចាស់ក្សត្រី Elizabeth II នឹងត្រូវផ្លាស់ប្ដូររូបភាព appeared first on .

ព្រះមហាក្សត្រិយ៍ Elizbeth II ត្រូវបានគេស្គាល់យ៉ាងទូលំទូលាយថា ជាប្រមុខនៃប្រជាជាតិ Commonwealth របស់ចក្រភពអង់គ្លេស ហើយក៏ជាមហាក្សត្រិយ៍នៃរដ្ឋឯករាជ្យចំនួន ១៥ និងជាប្រធានព្រះវិហារ Anglican រួមជា​មេបញ្ជាការ​កំពូលនៃកងកម្លាំងប្រដាប់អាវុធអង់គ្លេស ផងដែរ ។

យោងតាមជីវប្រវត្តិផ្លូវការ បានបង្ហាញថា ព្រះមហាក្សត្រិយ៍ Elizabeth II បានប្រសូត នៅថ្ងៃទី ២១ ខែមេសា ឆ្នាំ ១៩២៦ នៅទីក្រុងឡុងដ៏ ប្រទេសអង់គ្លេស មាន​ព្រះបិតា​ ព្រះនាម George VI និងព្រះមាតា Elizabeth Bowes-Lyon ។

ព្រះមហាក្សត្រិយ៍ Elizabeth II បានរាជាភិសេកកាលពីខែ​វិច្ឆិកា​ ឆ្នាំ ១៩៤៧ ជាមួយព្រះអង្គម្ចាស់ Philip Mountbatten ហើយទ្រង់បានផ្តល់កំណើតឱ្យព្រះរាជបុត្រា បុត្រីចំនួន ៤ ព្រះអង្គ ។

ព្រះមហាក្សត្រិយ៍ Elizabeth II បានឡើងគ្រងរាជនៅក្នុង​កាល:ទេស:​មិនធម្មតាមួយ នៅពេលដែលព្រះបិតារបស់ទ្រង់ បានចូលទិវង្គត នៅថ្ងៃទី ៦ ខែកុម្ភ:ឆ្នាំ ១៩៥២ អំឡុងពេលនោះ ទ្រង់កំពុងធ្វើវិស្សមកាលជាមួយព្រះស្វាមី នៅប្រទេសកេនយ៉ា ហើយក៏ត្រូវបានប្រកាសថានឹងស្នងតំណែងបន្តជា ​មហាក្សត្រិយ៍​នៃចក្រភពអង់គ្លេស នៅក្នុងព្រះជន្មទើប ២៥ វស្សា។

ព្រះមហាក្សត្រិយ៍ ត្រូវបានចាត់ទុកថា​មហាក្សត្រ​ ដែលគ្រងរាជបានយូរជាងគេបង្អស់នៅក្នុងប្រវត្តិសាស្រ្តនៃចក្រភពអង់គ្លេស រួមទាំង​មហាក្សត្របច្ចុប្បន្នផ្សេងទៀត នៅជុំវិញពិភពលោក ពោលគឺមានរយ:ពេលគ្រងរាជរហូតដល់ទៅ ៧០ ឆ្នាំ ។

កាលពីនៅវ័យជំទង់ព្រះហាក្សត្រិយ៍ បានកសាងសា្មព្រះហស្តជាច្រើន ដោយអំឡុងសង្គ្រាមលោកលើកទី ២ ទ្រង់បានក្លាយជាស្រ្តីជាប់ខ្សែស្រឡាយរាជវង្សដំបូង ដែលបានស្ម័គ្រចូលរួមបម្រើនៅក្នុងជួរកងទ័ព។ នៅខែកុម្ភ:ឆ្នាំ ១៩៤៥ ព្រះមហាក្សត្រិយ៍ Elizabeth II បានចូលរួមជាផ្នែកមួយនៃ ” សេវាកម្មដែនដីជំនួយ” នៃអង្គស្វ័យការពាររបស់ស្ត្រី ហើយត្រូវបានបណ្តុះបណ្តាលជាអ្នកបើកបររថយន្តសង្គ្រោះ និងទទួលបានឋាន:ជាអនុសនីយ៍ឯក ។

ក្នុងអំឡុងពេលគ្រងរាជ ព្រះមហាក្សត្រិយ៍ Elizabeth II បានជួបជាមួយប្រមុខថ្នាក់ដឹកនាំនៃប្រទេសជាច្រើន រួមទាំងសម្តេចប៉ាបនៃព្រះសាសនារហូតដល់ទៅ ៧ អង្គ។ បន្ថែមពីនេះ ព្រះមហាក្សត្រិយ៍ក៏បានទទួលស្វាគមន៍ប្រធានាធិបតីរបស់សហរដ្ឋអាមេរិករហូតដល់ទៅ ១៤ រូបផងដែរ ដោយលើកចុងក្រោយគឺបានជួបផ្ទាល់ជាមួយលោក Donald Trump ។ ហើយមិនតែប៉ុណ្ណោះ ក្នុងរាជ្យរបស់ទ្រង់ បានឆ្លងកាត់ នាយករដ្ឋមន្ត្រីអង់គ្លេសរហូតដល់ទៅ ១៥ រូបផងដែរ ។

គួរបញ្ជាកឱ្យដឹងផងដែរថា ក្រោយការចូលសោយទិវង្គតរបស់ព្រះមហាក្សត្រិយ៍ Elizabeth II ព្រះអង្គម្ចាស់ Charles ដែលជាព្រះរាជបុត្រច្បង នឹងត្រូវឡើងសោយរាជ្យបន្តជាព្រះមហាក្សត្រអង់គ្លេស ហើយការប្រកាសជាផ្លូវការ ត្រូវគេរំពឹងថា នឹងធ្វើឡើងនៅថ្ងៃសៅរ៍ចុងសប្តាហ៍នេះ ៕

The post មកស្គាល់ពីស្នាព្រះហស្តត្រួសៗ របស់មហាក្សត្រិយ៍គ្រងរាជយូរបំផុតនៅអង់គ្លេស appeared first on .

បើ​តាម​របាយ​ការណ៍​ពី​ The Sun បាន​ឲ្យ​ដឹង​ថា រថយន្ត​មួយ​គ្រឿង​នេះ ត្រូវ​បាន​ប្រើប្រាស់​ជា​មធ្យោបាយ​ធ្វើ​ដំណើរ​របស់​ម្ចាស់ក្សត្រី​ចន្លោះ​ពី​ឆ្នាំ ២០១៣ ដល់ ២០១៥ ហើយ​ចាប់តាំងពី​ពេល​នោះ​មក រថយន្ត​មួយ​នេះ​ក៏​ទុកចោល​ឈប់​ប្រើប្រាស់ ខណៈ​វា​រត់​បាន​ត្រឹម​តែ ៣២១៨​ គ.ម​ប៉ុណ្ណោះ។

ដោយឡែក​បើ​តាម​ការ​ប្រកាស​របស់​សារព័ត៌មាន​ The New York Post បាន​លើក​ឡើង​ថា៖ “​វា​គឺ​ជា​កិត្តិយស​ខ្លាំង​ណាស់ ដែល​ពួក​យើង​អាច​មាន​ឱកាស​បង្ហាញ​គ្រប់គ្នា​អំពី​វត្ថុ​មាន​តម្លៃ​មួយ​គឺ Bentley Mulsanne ដែល​យានយន្ត​មួយ​គ្រឿង​នេះ​គឺ​ជា​កម្មសិទ្ធិ​របស់​ម្ចាស់ក្សត្រី Elizabeth II និង​ត្រូវ​ដាក់​ឲ្យ​ប្រើប្រាស់​សម្រាប់​ខ្សែ​រាជវង្ស​ចន្លោះ​ពី​ឆ្នាំ​ ២០១៣ ដល់ ២០១៥ ហើយ​មាន​មុខងារ​តែ​មួយ​គត់​គឺ ​ប្រើ​សម្រាប់​តែ​ជា​មធ្យោបាយ​ធ្វើ​ដំណើរ​របស់​ទ្រង់​ផ្ដាច់​មុខ​តែម្ដង​”។

យ៉ាងណាមិញ គ្រាន់​តែ​ដាក់​ប្រកាស​លក់ភ្លាម មិនទាន់បាន​ប៉ុន្មាន​ថ្ងៃផង រថយន្តផលិតនៅក្នុងឆ្នាំ ២០១៣ មួយ​នេះ ក៏​រកបាន​ម្ចាស់ថ្មីភ្លាម បើទោះ​ជាតម្លៃ​របស់វាហាក់រាងថ្លៃជាងបន្តិច បើធៀបនឹងម៉ូដែលដូចគ្នា​ដែល​ផលិតក្នុងឆ្នាំតែមួយ៕

ប្រភព: therichest

The post ដាក់​ឲ្យ​ដេញថ្លៃ​រថយន្ត​ប្រណិត​​ម្ចាស់ក្សត្រី Elizabeth ​ចាប់​ពី​តម្លៃ ២៥ ម៉ឺន​ឡើង​ទៅ appeared first on .