RMA Cambodia

កុំភ្លេចណា! ព្រឹត្តិការណ៍ពិព័រណ៍រថយន្តលើកទីមួយមិនធ្លាប់មាននៅកម្ពុជា នឹងរៀបចំឡើងនាថ្ងៃទី២៧ និង២៨ ខែមេសាខាងមុខ

monyokn — Tue, 23 Apr 2024 06:24:23 +0000

ចូលរួមដោយសេរី ពិព័រណ៍រថយន្តធំបំផុតមិនធ្លាប់មាននៅកម្ពុជា Auto Show 2024 នឹងធ្វើឡើងរយៈពេលពីរថ្ងៃ ពោលពីថ្ងៃទី២៧ និងទី២៨ ខែមេសា ឆ្នាំ២០២៤ ខាងមុខ រួមជាមួយនឹងការដាក់តាំងបង្ហាញនូវម៉ូឌែលរថយន្តខ្លាញ់គោថ្មីៗ ព្រមទាំងមានការប្រគំតន្ត្រីពីតារាល្បីៗប្រចាំប្រទេសកម្ពុជា។

មុនឈានដល់ថ្ងៃតាំងពិព័រណ៍រថយន្តជាផ្លូវការ ក្នុងនោះក៏មានការរៀបចំសន្និសីទសារព័ត៌មានមួយនាថ្ងៃទី២២ ខែមេសាផងដែរ ដើម្បីបកស្រាយនូវសំណួរផ្សេងៗរបស់ក្រុមអ្នកសារព័ត៌មានដែលបានអញ្ជើញចូលរួម ខណៈដែលលោក មីលី ហ្គុជមែន ប្រធានគ្រប់គ្រងជាន់ខ្ពស់ផ្នែករថយន្ត Ford នៃក្រុមហ៊ុន RMA Cambodia បានលើកឡើងដូច្នេះថា គោលបំណងចម្បងដែលរៀបចំពិធីពិព័រណ៍រថយន្តនេះឡើង គឺមានទិសដៅចង់ឲ្យក្រុមហ៊ុនផលិតរថយន្តម៉ាកល្បីៗទាំងអស់ បានចូលរួមក្នុងការផ្សព្វផ្សាយដាក់តាំងបង្ហាញនូវផលិតផល និងសេវាកម្មរបស់ខ្លួន។

លើសពីនោះ លោកបានបន្ថែមថា ព្រឹត្តិការណ៍ដ៏ធំបំផុតមិនធ្លាប់មាននេះ គឺមានគោលបំណងដើម្បីផ្តល់ភាពងាយស្រួលចំពោះក្រុមហ៊ុនក្រៅប្រទេស ឬក្នុងប្រទេស និងអ្នកចែកចាយរថយន្តផ្សេងៗ ដើម្បីបង្កើតទំនាក់ទំនងជិតស្និទ្ធរវាងក្រុមហ៊ុនផលិត និងអតិថិជនដែលជាអ្នកប្រើប្រាស់។ ហើយមិនត្រឹមតែប៉ុណ្ណោះ គឺចង់បង្កើនការទាក់ទាញដល់អតិថិជនឲ្យងាកមកប្រើប្រាស់រថយន្តថ្មីៗ ជំនួសរថយន្តមួយតឹក ហើយចង់បង្ហាញពីភាពយល់ដឹង និងការរីកចម្រើនលូតលាស់របស់ប្រជាពលរដ្ឋកម្ពុជា សម្រាប់ការជាវរថយន្តថ្មីៗទំនើបៗ យកមកប្រើប្រាស់ ដើម្បីឲ្យមានភាពច្បាស់លាស់អំពីសេវាកម្មថែទាំ ទាំងគុណភាព សុវត្ថិភាព និងតំលៃនៅលើទីផ្សារ។

គួរបញ្ជាក់បន្ថែមថា កម្មវិធីតាំងពិព័រណ៍រថយន្ត Auto Show 2024 នឹងប្រារព្ធធ្វើឡើងនៅទីតាំងអាគារមង្គលការ ដឹ ព្រេមៀ សេនធ័រ សែនសុខ នាថ្ងៃទី២៧ និង២៨ ខែមេសាខាងមុខ ក្រោមអធិបតីភាពដ៏ខ្ពង់ខ្ពស់ពី ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ និងលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម៕

The post កុំភ្លេចណា! ព្រឹត្តិការណ៍ពិព័រណ៍រថយន្តលើកទីមួយមិនធ្លាប់មាននៅកម្ពុជា នឹងរៀបចំឡើងនាថ្ងៃទី២៧ និង២៨ ខែមេសាខាងមុខ appeared first on .

ភ្ញៀវលំដាប់ VIP ចូលរួមបង្ហាញជាផ្លូវការនូវរូបរាងកំពូលរថយន្ត The New Range Rover សេរីថ្មី

ឧកញ៉ាកោះក្របី — Wed, 17 Aug 2022 01:11:04 +0000

ក្រុមហ៊ុន RMA Cambodia បានបង្ហាញជាផ្លូវការនូវរូបរាងនៃរថយន្ត The New Range Rover សេរីថ្មី ដល់ភ្ញៀវកិត្តិយសលំដាប់អភិជន នៅក្នុងកម្មវិធី Private Preview ដែលប្រារព្ធឡើងនៅទីតាំង អគារតាំងបង្ហាញរថយន្ត Jaguar Land Rover Cambodia កាលពីថ្ងៃសៅរ៍ សប្តាហរ៍មុន។

កម្មវិធីនេះ ត្រូវបានរៀបចំឡើងដោយក្រុមហ៊ុន Jaguar Land Rover Cambodia ដើម្បីពាំនាំវត្តមាន នៃរថយន្តសេរីថ្មី The New Range Rover ជំនាន់ទី៥ ចូលមកក្នុងប្រទេសកម្ពុជា ព្រមទាំផ្តល់់នូវទស្សនីយភាពជាផ្លូវការ និងដំបូងគេបង្អស់ នៃរថយន្តសេរីថ្មីជំនាន់ទី៥នេះ ដល់ភ្ញៀវកិត្តិយស និងអ្នកចូលរួមផងដែរ។

កំពូលរថយន្តប្រណិតសេរីថ្មី The New Rang Rover ជំនាន់ទី៥នេះ ត្រូវបានគេឱ្យឈ្មោះថា ជាកំពូលរថយន្តនៃប្រណិតភាព ទាន់សម័យ និងថ្លៃថ្នូរ ផ្តល់នូវផាសុកភាពលំដាប់ First-Class ជូនអ្នកប្រើប្រាស់គ្រប់វិស័យ។

គួបញ្ជាក់ថា Jaguar Land Rover Cambodia គឺជាក្រុមហ៊ុននាំចូលរថយន្តម៉ាក Jaguar និង Land Rover ពីចក្រភពអង់គ្លេស ដែលមានការនាំចូល និងចែកចាយផ្តាច់មុខដោយក្រុមហ៊ុន RMA Cambodia ។ Jaguar Land Rover Cambodia មានទីតាំងស្ថិតនៅ តាមបណ្តោយមហាវិថី សហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ៕

The post ភ្ញៀវលំដាប់ VIP ចូលរួមបង្ហាញជាផ្លូវការនូវរូបរាងកំពូលរថយន្ត The New Range Rover សេរីថ្មី appeared first on .

ទិញភ្លាមបានភ្លាម! ក្លាយជាម្ចាស់រថយន្ត Ford Next-Generation XLT 2023 បង់ប្រចាំខែតែជាង ៣០០ ដុល្លារ

ឧកញ៉ាសំពៅ — Fri, 15 Jul 2022 08:06:50 +0000

រថយន្ត Ford Ranger Next-Generation XLT 2023 បានលេចចេញនូវរូបរាងថ្មីទាំងស្រុង តាំងពីមុខមាត់ពីមុខដល់ក្រោយ ពីក្រៅដល់ក្នុងដើម្បីផ្តល់នូវប្រណិតភាព ឧត្តមភាព ភាពរឹងមាំ ឆ្លាតវៃលើសពីអ្វីដែលអ្នករំពឹងទុក។

បើនិយាយពីរូបរាងពីខាងក្រៅ មើលទៅកាន់តែមានស្រស់ស្អាត អំណាច ស័ក្តិសមមែនទែនសម្រាប់បំពេញនូវគ្រប់តម្រូវការរបស់អតិថិជន ដែលប្រាថ្នាចង់បាននូវបទពិសោធន៍រថយន្តថ្មី មានភាពធន់ រឹងមាំ និងបើកបរបានគ្រប់ស្ថានភាពផ្លូវ រួមជាមួយបច្ចេកវិទ្យាទំនើបៗចុងក្រោយបំផុត។

Ford Next-Generation XLT 2023 មាន ២ ជម្រើសសម្រាប់ជ្រើសរើស គឺម៉ាស៊ីនចំណុះ ២ លីត្រ Bi-Turbo ជាមួយប្រអប់លេខ ១០ វគ្គអូតូ និងម៉ាស៊ីន ២ លីត្រ Bi-Turbo ជាមួយប្រអប់លេខ ៦ វគ្គអូតូ ខណៈតម្លៃវិញគឺចន្លោះពី ៤៤ ៥០០ ដល់ ៤៦ ៥០០ ដុល្លារ។

ប្រសិនបើលោកអ្នកចាប់អារម្មណ៍ចង់បានរថយន្តទាំង ២ ម៉ូដែលខាងលើ លោកអ្នកអាចរកជាវបាននៅក្រុមហ៊ុន RMA Cambodia ជាមួយនឹងលក្ខខណ្ឌបង់រំលោះច្រើនជំរើសដូចជា បង់ប្រាក់មុន ៨ ៩០០ដុល្លារ ឬបង់ប្រាក់មុន ៥០% នៃតម្លៃរថយន្តរួចបង់ប្រចាំខែ ៣៨៧ ដុល្លាររយៈពេល ៧ ឆ្នាំ៕

The post ទិញភ្លាមបានភ្លាម! ក្លាយជាម្ចាស់រថយន្ត Ford Next-Generation XLT 2023 បង់ប្រចាំខែតែជាង ៣០០ ដុល្លារ appeared first on .

ដឹងច្បាស់សាវតាររថយន្ត Ford ជិះរថភ្លើងមួយខ្សែ

ឧកញ៉ាសំពៅ — Tue, 12 Jul 2022 05:54:59 +0000

កាលពីប៉ុន្មានថ្ងៃមុន មានការផ្ទុះវីដេអូអំពីការដឹករថយន្ត Ford Ranger ជាច្រើនគ្រឿងតាមរយៈរថភ្លើង ដែលធ្វើឲ្យប្រជាពលរដ្ឋមានការងឿងឆ្ងល់ជាខ្លាំង តើរថយន្តទាំងនោះនាំចូលពីណា?

ជាការឆ្លើយតបនឹងចម្ងល់ខាងលើ ហ្វេសប៊ុកផេកផ្លូវការរបស់ Royal Railway Cambodia បានបង្ហោះវីដេអូនៃការដឹករថយន្តតាមរយៈរថភ្លើង ដោយភ្ជាប់ជាមួយសារដែលមានអត្ថន័យថា បើកទំព័រខែកក្កដា ក្រុមហ៊ុន Royal Railway បានសហការជាមួយនឹងក្រុមហ៊ុន Ford Cambodia ក្នុងការដឹកជញ្ជូនរថយន្ត Ford Pickup Truck ចំនួន 75 គ្រឿងពីក្រុងប៉ោយប៉ែត មកកាន់រាជធានីភ្នំពេញ។

ទន្ទឹមនឹងនោះ ប្រភពពីខាង Ford ក៏បានទម្លាយដែរថា នៅពេលរោងចក្រតំឡើងរថយន្តនៅពោធិ៍សាត់តំឡើងពេញសមត្ថភាព នឹងអាចផ្ដល់ជូនឱកាសការងារដល់បុគ្គលិកប្រមាណ ៥០០ កន្លែង ខណៈការផលិតអាចហក់ដល់ ៩ ០០០ គ្រឿងបើសិនជាផលិតពេញសមត្ថភាព។

គួសរំលឹកដែរថា រោងចក្រតំឡើងរថយន្ត Ford នៅខេត្តពោធិ៍សាត់ អាចតំឡើងរថយន្តបានតែប្រភេទ XLT, Wildtrak និង Ford Everest ប៉ុណ្ណោះ សម្រាប់ដំណាក់កាលដំបូង ហើយនៅក្នុងឆ្នាំតំបូងនោះទៀតសោត អគ្គនាយកនៃក្រុមហ៊ុន RMA Group Cambodia ធ្លាប់បានទម្លាយថា ចង់តំឡើងរថយន្តសរុប ៤ ៥០០ គ្រឿង ស្មើនឹងការនាំចូលពាក់កណ្ដាលពីបរទេស៕

The post ដឹងច្បាស់សាវតាររថយន្ត Ford ជិះរថភ្លើងមួយខ្សែ appeared first on .

ដំណឹងល្អសម្រាប់ហ្វេន Ford Raptor ដ្បិតរថយន្តដ៏ទំនើបនេះនឹងបង្ហាញខ្លួននៅរយៈពេលដ៏ខ្លីខាងមុខ

ឧកញ៉ាសំពៅ — Fri, 01 Jul 2022 07:44:30 +0000

បើលោកអ្នកជាអ្នកស្រឡាញ់រថយន្តបែប Pick Up នោះច្បាស់ណាស់ អ្នកប្រាកដជាស្គាល់ Ford Ranger Raptor ជាមិនខាន ដោយសាររថយន្តមួយប្រភេទនេះគឺជាអធិរាជនៃសែស្រឡាយ Pick Up។

Next-Generation Ranger Raptor 2023រចនាមកកាន់តែកាចជាងមុន ទាំងផ្នែកខាងក្នុង និងរូបរាងខាងក្រៅពោរពេញដោយអំណាច និងអានុភាពដ៏អង់អាច ផ្ដល់ទំនុកចិត្តដល់ការបើកបរ។

ក្រឡេកទៅមើលពីលក្ខណៈពិសេសរបស់បងធំជំនាន់ Next-Generation Ranger ដែលត្រូវបានផ្លាស់ប្ដូរថ្មីវិញមានដូចជា ម៉ាស៊ីនសាំង ៣ លីត្រ Twin Turbo Nano GTDi អាចផលិតកម្លាំងដល់ 392 PS និងមានកម្លាំងរមួលកង់ 583 Nm។

ផ្នែកខាងក្នុងបំពាក់មកជាមួយនូវអេក្រង់ធំបញ្ឈរចំកណ្ដាលទំហំ ១២ អ៊ីញ ប្រព័ន្ធកាមេរ៉ា ៣៦០ កម្រិតខ្ពស់ កុងទ័រឌីជីថលថ្មីស្រឡាងទំហំ ១២,៤ អ៊ីញ បច្ចេកវិទ្យា SYNC4A ជំនាន់ថ្មីអាចភ្ជាប់ជាមួយនឹង Apple Car Play និង Android Auto ឥតខ្សែ។

រថយន្តទំនើបតម្លៃខ្ទង់ម៉ឺនដុល្លារនេះក៏មិនភ្លេចបំពាក់ជាមួយនឹងប្រព័ន្ធសាកថ្មទូរស័ព្ទឥតខ្សែផងដែរ និងមានប្រព័ន្ធគ្រប់គ្រងការបើកបរគ្រប់ស្ថានភាពផ្លូវរហូតដល់ ៧ ជម្រើស។ ប្រអប់លេខអេឡិចត្រូនិកជំនាន់ថ្មី ១០ វគ្គអូតូ ប្រព័ន្ធហ្វ្រាំងដៃអេឡិចត្រូនិក។

កៅអីក្ដោបបែបស្ព័រយ៉ាងស៊ីវិល័យ អាចបញ្ជាបាន ១០ របៀប ប្រព័ន្ធគ្រប់គ្រងប៉ុងរថយន្តអេឡិចត្រូនិកជំនាន់ថ្មី (2H, 4H, 4L, 4A) បំពាក់នូវបូមម៉ាក FOX ជំនាន់ថ្មីទំហំ ២,៥ អ៊ីញ Live Value Internal Bypass Shock Absorbers និងមានខែលដែកថែបពិសេសកម្រាស់ ២,៣mm ការពារផ្ទៃផ្នែកខាងក្រោមផងដែរ។

ងាកមកដឹងពីតម្លៃអធិរាជរថយន្តប្រភេទ Pick Up មួយនេះវិញ គឺមានតម្លៃប្រហែល ៧៩ ៩០០ ដុល្លារ និងមានជម្រើសពណ៌ជាច្រើនសម្រាប់ជ្រើសរើសដូចជា ពណ៌ស ពណ៌ទឹកក្រូច ពណ៌ខ្មៅ ពណ៌ខៀវ ពណ៌កណ្ដុរប្រមេះ ពណ៌ប្រផេះ ពណ៌ទឹកប្រាក់ និងពណ៌ Sedona Orange។

ដោយឡែក សម្រាប់កាលបរិច្ឆេទនៃការបង្ហាញខ្លួនលើទឹកដីកម្ពុជាវិញ Next-Generation Ranger Raptor នឹងលេចវត្តមាននៅខែសីហាខាងមុខ ហើយលោកអ្នកក៏អាចធ្វើការកក់រថយន្តកំពូលមួយនេះជាមួយក្រុមហ៊ុន RMA Cambodia ផងដែរ ជាមួយនឹងមធ្យោបាយបង់ប្រាក់ច្រើនជម្រើស៕

The post ដំណឹងល្អសម្រាប់ហ្វេន Ford Raptor ដ្បិតរថយន្តដ៏ទំនើបនេះនឹងបង្ហាញខ្លួននៅរយៈពេលដ៏ខ្លីខាងមុខ appeared first on .

មកដឹងមូលហេតុចំបង ២ ដែលរោងចក្រ Ford នៅពោធិ៍សាត់ អាចតំឡើងបានតែរថយន្តប្រភេទ XLT, Wildtrak និង Ford Everest

ឧកញ៉ាសំពៅ — Sat, 18 Jun 2022 03:59:51 +0000

នៅថ្ងៃទី ១៦ មិថុនា ២០២២ រោងចក្របង្គំ និងតំឡើងរថយន្ត Ford បានសម្ពោធជាផ្លូវការលើទឹកដីប្រទេសកម្ពុជា ដែលមានទីតាំងនៅភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ ខណៈរោងចក្រមួយនេះមានតម្លៃប្រមាណ ២១ លានដុល្លារ។

គួសរំលឹកដែរថា រោងចក្រតំឡើងរថយន្ត Ford នៅខេត្តពោធិ៍សាត់ អាចតំឡើងរថយន្តបានតែប្រភេទ XLT, Wildtrak និង Ford Everest ប៉ុណ្ណោះ សម្រាប់ដំណាក់កាលដំបូង។

ទាក់ទងនឹងការតំឡើងរថយន្តបានតែប៉ុន្មានម៉ូដែលខាងលើ អគ្គនាយកក្រុមហ៊ុន RMA Group Cambodia លោក ងន សាំង បានទម្លាយប្រាប់នៅក្នុងកិច្ចសម្ភាសន៍មួយកាលពីចុងឆ្នាំ ២០២១ ថា ដោយសារម៉ូដែលទាំងប៉ុន្មានខាងលើ គឺកំពុងត្រូវប៉ាន់ខ្លាំងលើទីផ្សាររថយន្តកម្ពុជា ហើយក្រុមហ៊ុនមេ FORD ក៏អនុញ្ញាតឲ្យតំឡើងតែរថយន្ត ៣ ម៉ូដែលនោះសិន សម្រាប់ដំណាក់កាលដំបូងនេះ។

ក្រឡេកទៅមើលលទ្ធភាពនៃការតំឡើងរថយន្តវិញ អគ្គនាយកខាងលើក៏បានបន្ថែមទៀតថា សម្រាប់ឆ្នាំតំបូងនេះ ក្រុមហ៊ុនមានបំណងចង់តំឡើងឲ្យបានប្រមាណ ៤ ៥០០ គ្រឿងសរុប ខណៈចំនួនមួយនេះគឺស្មើនឹងការនាំចូលពាក់កណ្ដាលពីបរទេស។

ដោយឡែក សម្រាប់តម្លៃនៃរថយន្តតំឡើងក្នុងស្រុកវិញ លោក ងន សាំងបានបង្ហើបឲ្យដឹងទៀតថា វាអាចនឹងមានតម្លៃធូរជាងរថយន្តនាំចូល ប៉ុន្តែវាក៏ស៊ីសងទៅលើការអនុគ្រោះពីរដ្ឋាភិបាល លើការយកពន្ធទៅលើគ្រឿងបង្គំនាំចូលពីបរទេសផងដែរ៕

The post មកដឹងមូលហេតុចំបង ២ ដែលរោងចក្រ Ford នៅពោធិ៍សាត់ អាចតំឡើងបានតែរថយន្តប្រភេទ XLT, Wildtrak និង Ford Everest appeared first on .

មកស្គាល់ក្រុមហ៊ុនចំណុះ RMA Cambodia សុទ្ធតែក្រុមហ៊ុនធំៗនៅប្រទេសកម្ពុជា

ឧកញ៉ាមហាសម្បត្តិ — Thu, 16 Jun 2022 10:59:24 +0000

ក្រុមហ៊ុន RMA CAMBODIA ដំណើរការអាជីវកម្មនៅក្នុងប្រទេសកម្ពុជាចាប់តាំងពីឆ្នាំ១៩៩២ ក្នុងនាមជាអ្នកផ្ដល់ និងចែកចាយផ្តាច់មុខនូវដំណោះស្រាយក្នុងវិស័យហេដ្ឋារចនាសម្ព័ន្ធ ថាមពល និងដឹកជញ្ជូនសម្រាប់សហគ្រាសពាណិជ្ជកម្ម និងមិនមែនពាណិជ្ជកម្ម។

ទន្ទឹមនឹងការរីកចម្រើនរបស់ប្រទេសកម្ពុជា ក្រុមហ៊ុនបានពង្រីកអាជីវកម្មលើវិស័យយានយន្ត, កសិកម្ម, ឧបករណ៍ធុនធ្ងន់, ដំណោះស្រាយឧស្សាហកម្ម, សេវាកម្មហិរញ្ញវត្ថុ, សេវាកម្មជួលរថយន្ត, និងអាជីវកម្មម្ហូបអាហារ។

ក្រុមហ៊ុន RMA Cambodia ដែលមានលោកងន សាំង ជាអគ្គនាយក មានក្រុមហ៊ុនចម្រុះវិស័យស្ថិតនៅក្រោមបុត្រសម្ព័ន្ធរបស់ខ្លួនមានដូចជា៖

-ក្រុមហ៊ុនដែលនាំចូលផ្តាច់មុខរថយន្តម៉ាក FORD, JAGUAR LAND ROVER, CHANGAN, រថយន្តធុនធ្ងន់ម៉ាក FUSO, គ្រឿងយន្តកសិកម្មម៉ាក JOHN DEERE, គ្រឿងចក្រឧស្សាហកម្មម៉ាក JCB, រថយន្ត និងឧបករណ៍សម្អាតម៉ាក HAKO, ឧបករណ៍លើកដាក់ទំនិញម៉ាក TCM
-ក្រុមហ៊ុន COMIN KHMERE ដែលជាក្រុមហ៊ុនផ្ដល់ដំណោះស្រាយផ្នែកវិស្វកម្ម
-ក្រុមហ៊ុនជួលរថយន្តម៉ាក AVIS និង Budget
-ក្រុមហ៊ុនកង់បីអ៊ីតាលីម៉ាក Piaggio
-ក្រុមហ៊ុនចំណីអាហារ EFG ដែលមានក្រុមហ៊ុន The Pizza Company, Swensen’s, Dairy Queen, Krispy Kreme, Bar B Q Plaza, The Coffee Club និងកម្មវិធីបញ្ជាទិញអាហារ។

គួរបញ្ជាក់ថា ថ្មីៗនេះក្រុមហ៊ុន RMA Cambodia បានបោះទុនរាប់លានដុល្លារ ក្នុងការបង្កើតរោងចក្រដំឡើងរថយន្ត FORD នៅខេត្តពោធិ៍សាត់។ នេះគឺជាគំរូរបស់ក្រុមហ៊ុន RMA ដែលនឹងដើរតួនាទីជាអ្នកត្រួសត្រាយផ្លូវ ដល់ការវិនិយោគដល់ឧស្សាហកម្មធុនធំក្នុងប្រទេសកម្ពុជា៕

The post មកស្គាល់ក្រុមហ៊ុនចំណុះ RMA Cambodia សុទ្ធតែក្រុមហ៊ុនធំៗនៅប្រទេសកម្ពុជា appeared first on .

ប្លែកយ៉ាងណាខ្លះ តោះ! មកទស្សនាខាងក្នុងរោងចក្រដំឡើងរថយន្ត Ford ទើបសម្ពោធនៅព្រឹកនេះ

ជំទាវឧកញ៉ាស្រីទីន — Thu, 16 Jun 2022 07:22:03 +0000

រោងចក្រដំឡេីងរថយន្ត Ford តម្លៃជាង ២០ លានដុល្លារ ស្ថិតនៅខេត្តពោធិ៍សាតិ៍ បានបើកដំណើរការសង្វាក់ផលិតកម្មនាព្រឹកមិញនេះ។ ក្រោយសាងសង់ជាងមួយឆ្នាំ ការបើករោងចក្រដំឡើងរថយន្តរបស់ Ford ជាការវិនិយោគដ៏ធំផ្នែកឧស្សាហកម្មយានយន្តរបស់ក្រុមហ៊ុនអាមេរិកនៅទឹកដីប្រទេសកម្ពុជា។

ប្រភពក្រុមហ៊ុនបានឲ្យដឹងថា នៅឆ្នាំដំបូងក្រុមហ៊ុនគ្រោងដំឡេីងរថយន្តពីរម៉ូដែលគឺម៉ាក Ford Ranger និង Ford Everest ចំនួន ៤ ០០០ គ្រឿង ទៅ ៦ ០០០ គ្រឿងក្នុងមួយឆ្នាំ។

ឥលូវ មកទស្សនាសកម្មភាពខាងក្នុងរោងចក្រដំឡើងរថយន្ត FORD មានអីខ្លះ?

The post ប្លែកយ៉ាងណាខ្លះ តោះ! មកទស្សនាខាងក្នុងរោងចក្រដំឡើងរថយន្ត Ford ទើបសម្ពោធនៅព្រឹកនេះ appeared first on .

រោងចក្រដំឡើងរថយន្ត Ford តម្លៃ ២១ លានដុល្លារ ប្រកាសបើកសម្ពោធជាផ្លូវការនៅស្អែកនេះ

ឧកញ៉ាមហាសម្បត្តិ — Wed, 15 Jun 2022 09:02:31 +0000

ព្រឹកស្អែកនេះ ពោលគឺថ្ងៃទី១៦ ខែមិថុនា ឆ្នាំ២០២២ រោងចក្របង្គុំ និងតម្លើងរថយន្ត Ford ប្រភេទ Ford Renger និង Ford Everest របស់ក្រុមហ៊ុន RMA AUTOMOTIVE (CAMBODIA) CO.,LTD. តម្លៃប្រមាណ២១លានដុល្លារ ដែលសាងសង់ឡើងនៅខេត្តពោធិ៍សាត់ នឹងត្រូវធ្វើពិធីសម្ពោធដាក់ឱ្យដំណើរការខ្សែចង្វាក់ផលិតកម្មហើយ។

ពិធីសម្ពោធដាក់ឱ្យដំណើរការជាផ្លូវការ រោងចក្របង្គុំ និងតម្លើងរថយន្តFordខាងលើនេះ ធ្វើឡើងនៅទីតាំងរោងចក្រ ដែលស្ថិតក្នុងភូមិសារវ័ន ឃុំស្នាអន្សា ស្រុកក្រគរ។

បើតាមប្រភពរដ្ឋបាលខេត្តពោធិ៍សាត់បានបញ្ជាក់ថា ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក តំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងចូលរួមពិធីសម្ពោធរោងចក្រដំឡើងរថយន្ត Ford របស់អាមេរិកនេះ។

The post រោងចក្រដំឡើងរថយន្ត Ford តម្លៃ ២១ លានដុល្លារ ប្រកាសបើកសម្ពោធជាផ្លូវការនៅស្អែកនេះ appeared first on .

លក្ខណៈពិសេស ១០ ចំណុច ស្ទូច Ford Ranger Wildtrak 2023 ឲ្យក្លាយជា Superstar ប្រចាំឆ្នាំ

ឧកញ៉ាសំពៅ — Thu, 09 Jun 2022 08:56:43 +0000

Superstar ប្រចាំឆ្នាំរបស់ក្រុមហ៊ុន Ford ឆ្នាំនេះ ទំនោរជាធ្លាក់ទៅលើម៉ូដែល Ford Ranger Wildtrak 2023 ហើយ ដោយសាររូបរាងដ៏កាច និងបច្ចេកវិទ្យាដ៏ទំនើបឆ្លាតវៃចុងក្រោយបង្អស់។

ម៉ូដែល Wildtrak ឆ្នាំនេះផលិតឡើយយ៉ាងផ្ចិតផ្ចង់ ផ្ដោតសំខាន់លើគុណភាព និងសុវត្ថិភាពអ្នកប្រើប្រាស់ ហើយអ្វីកាន់តែពិសេសគឺមានពណ៌ជាច្រើនសម្រាប់ជ្រើសរើសដូចជា ពណ៌ស ខ្មៅ ទឹកក្រូច ទឹកប្រាក់ ក្រហមចាស់ និងប្រផេះជាដើម ខណៈតម្លៃរបស់វាគឺ ៥៨ ៥០០ ដុល្លារ។

ក្រឡេកទៅមើលលក្ខណៈពិសេស ១០ ចំណុចដែលភ្នាក់ងារលក់រថយន្ត Ford បានបង្ហើបឲ្យដឹងវិញមានដូចជា៖

ប្រព័ន្ធកាមេរ៉ា ៣៦០ ដឺក្រេ ងាយស្រួលដល់ការចូលចត
កុងទ័រឌីជីថលសេរីថ្មី និងមានទំហំធំដល់ទៅ ៨ អ៊ីញ ផ្ដល់រូបភាពច្បាស់ត្រជាក់ភ្នែក
ប្រព័ន្ធគ្រប់គ្រងប៉ុង និងប្រព័ន្ធគ្រប់គ្រងការបើកបរគ្រប់ស្ថានភាពផ្លូវ
អេក្រង់ Touch Screen ទំហំ ១២ អ៊ីញ និងបច្ចេកវិទ្យា Sync 4 ជំនាន់ថ្មី
ភ្លើងខាងក្នុងរថយន្តជាប្រភេទ LED ភ្លឺច្បាស់ជាងមុន
ម៉ាស៊ីនត្រជាក់ខាងក្រោយកាន់តែផ្ដល់ផាសុកភាពដល់អ្នករួមដំណើរ
មានប្រព័ន្ធសាកថ្មទូរស័ព្ទឥតខ្សែ Wireless Charger
ផ្នែកខាងក្រោយបំពាក់មកជាមួយឈ្នាន់នៅចំហៀង ងាយស្រួលដល់ការឡើងចុះ
ប្រព័ន្ធជើងក្រោមរថយន្តធ្វើពីដែកថែបរឹងមាំ បើកបរបានគ្រប់ស្ថានភាពផ្លូវ
មានពោងសុវត្ថិភាពដល់ទៅ ៧ គ្រាប់ បន្ថែមការការពារកាន់តែប្រសើរ

បន្ទាប់ពីអានចប់ចំណុចពិសេសៗខាងលើហើយ តើប្រិយមិត្តយល់យ៉ាងណាដែរចំពោះ Options ទាំងនេះ ហើយវាសមល្មមអាចឲ្យ Wildtrak 2023 ក្លាយជា Superstar ប្រចាំឆ្នាំនេះដែរឬយ៉ាងណា?

The post លក្ខណៈពិសេស ១០ ចំណុច ស្ទូច Ford Ranger Wildtrak 2023 ឲ្យក្លាយជា Superstar ប្រចាំឆ្នាំ appeared first on .

RMA Cambodia

ភ្ញៀវលំដាប់ VIP ចូលរួមបង្ហាញជាផ្លូវការនូវរូបរាងកំពូលរថយន្ត The New Range Rover សេរីថ្មី

ទិញភ្លាម​បាន​ភ្លាម! ក្លាយជា​ម្ចាស់​រថយន្ត Ford Next-Generation XLT 2023 បង់​ប្រចាំខែ​តែ​ជាង ៣០០ ដុល្លារ

ដឹង​ច្បាស់​សាវតារ​រថយន្ត Ford ជិះ​រថភ្លើង​មួយ​ខ្សែ​

ដំណឹង​ល្អ​សម្រាប់​ហ្វេន Ford Raptor ដ្បិត​រថយន្ត​ដ៏​ទំនើប​នេះ​នឹង​បង្ហាញ​ខ្លួន​នៅ​រយៈពេល​ដ៏​ខ្លី​ខាងមុខ

មក​ដឹង​មូលហេតុ​ចំបង ២ ដែល​រោងចក្រ​ Ford នៅ​ពោធិ៍សាត់ អាច​តំឡើង​បាន​តែ​រថយន្ត​ប្រភេទ XLT, Wildtrak និង Ford Everest

មកស្គាល់​ក្រុមហ៊ុនចំណុះ RMA Cambodia សុទ្ធតែ​ក្រុមហ៊ុនធំៗ​នៅប្រទេស​កម្ពុជា

ប្លែក​យ៉ាងណា​ខ្លះ តោះ​! មក​ទស្សនាខាង​ក្នុងរោងចក្រ​ដំឡើង​រថយន្ត Ford ទើប​សម្ពោធនៅ​ព្រឹកនេះ

រោងចក្រដំឡើង​រថយន្ត Ford តម្លៃ ២១ លាន​ដុល្លារ ប្រកាស​បើក​សម្ពោធ​ជា​ផ្លូវការនៅ​​ស្អែកនេះ

លក្ខណៈ​ពិសេស ១០ ចំណុច​ ស្ទូច Ford Ranger Wildtrak 2023 ឲ្យ​ក្លាយ​ជា​ Superstar ប្រចាំ​ឆ្នាំ