Salt Bae

ភោជនីយដ្ឋានចុងភៅល្បីឈ្មោះ Salt Bae ខាតបង់ជាង ៧លានដុល្លារ ខណៈកំពុងបិទអាជីវកម្មបន្តបន្ទាប់

ឧកញ៉ាសាមញ្ញ — Wed, 08 Oct 2025 08:57:02 +0000

ភោជនីយដ្ឋានរបស់មេចុងភៅដ៏ល្បីល្បាញ Salt Bae នៅក្នុងចក្រភពអង់គ្លេស ត្រូវបានគេរាយការណ៍ថា បានខាតបង់ទឹកប្រាក់អស់ប្រមាណ ៥,៥លានផោន ឬស្មើទៅនឹងជាង ៧,៣លានដុល្លារ ដោយសារតែការចំណាយកើនពាក់ព័ន្ធទៅនឹងការបិទហាងជាបន្តបន្ទាប់។ នេះបើតាមការចុះផ្សាយពីសារព័ត៌មាន Daily Mail។

ភោជនីយដ្ឋាន Nusret UK របស់ចុងភៅជនជាតិទួរគី Salt Bae និងមានឈ្មោះពិតប្រាកដថា Nusret Gokce ត្រូវបានរាយការណ៍ថា អាជីវកម្មរបស់ខ្លួននៅទីក្រុងឡូងដ៏មួយនេះ ទទួលបានប្រាក់ចំណូលសរុបត្រឹម ១០លានផោនប៉ុណ្ណោះ គិតត្រឹមថ្ងៃទី៣១ ខែធ្នូ ឆ្នាំ២០២៤។

ប៉ុន្តែទោះជាយ៉ាងណាក៏ដោយ ក្រុមហ៊ុននេះ ទទួលរងនូវការខាតបង់ដល់ទៅ ៥,៥លានផោន បើធៀបទៅនឹងប្រាក់ចំណេញដែលទទួលបាន ១,៧លានផោន នៅក្នុងឆ្នាំ២០២៣។

យ៉ាងណាមិញ ជុំវិញការខាតបង់ដ៏ធំនេះ បានកើតឡើងដោយសរតែ ការចំណាយដ៏ច្រើនរហូតដល់ទៅ ៦,៦លានផោន ពាក់ព័ន្ធទៅនឹងការបិទហាងជាបន្តបន្ទាប់ នៅក្នុងទឹកដីសហរដ្ឋអាមេរិក ដែលជាទីផ្សារដ៏ធំមួយរបស់ខ្លួន។

ជម្រាបជូនថា នៅក្នុងពេលចុងក្រោយនេះ ដោយសារតែទប់ទល់ទៅនឹងការចំណាយលែងជាប់ Salt Bae បានសម្រេចចិត្តបិទហាងជាច្រើនរបស់ខ្លួននៅអាមេរិក ក្នុងនោះរួមទាំងហាងទីក្រុង Dallas , Las Vegas , Boston , New York និង Beverly Hills ជាដើម៕

The post ភោជនីយដ្ឋានចុងភៅល្បីឈ្មោះ Salt Bae ខាតបង់ជាង ៧លានដុល្លារ ខណៈកំពុងបិទអាជីវកម្មបន្តបន្ទាប់ appeared first on .

ចូលទៅហាងអាហារថ្លៃមួយពេល រដ្ឋមន្រ្តីវៀតណាមរងការខឹងសម្បាពីពលរដ្ឋទូទាំំងប្រទេស

ឧកញ៉ាសំពៅ — Mon, 08 Nov 2021 10:27:56 +0000

កាលពីពេលកន្លងទៅ វីដេអូរដ្ឋមន្ត្រីមួយរូបប្រចាំប្រទេសវៀតណាមកំពុងទទួលទានអាហារនៅភោជនីយដ្ឋានល្បីឈ្មោះមួយកន្លែង ដែលភាគច្រើនគ្រប់គ្នាស្គាល់ថាជា ហាងរបស់ចុងភៅល្បីឈ្មោះ Salt Bae។

លោក To Lam ដែលជារដ្ឋមន្ត្រីសន្តិសុខសាធារណៈត្រូវបានគេប្រទះឃើញកំពុងទទួលទានអាហារយ៉ាងឆ្ងាញ់ពិសារ ខណៈវីដេអូនោះគឺត្រូវបានបង្ហោះទៅលើបណ្ដាញសង្គមដោយហាងផ្ទាល់ តែក៏ត្រូវបានលុបវិញក្រោយបង្ហោះមិនបានប៉ុន្មាន។

យ៉ាងណា ទោះព្យាយាមលុបបែបណា ក៏វីដេអូមួយនោះបានចែកចាយពាសពេញបណ្ដាញសង្គម Facebook និង TikTok របស់វៀតណាមយ៉ាងទូលំទូលាយទៅហើយកាលពីថ្ងៃទី ០៥ វិច្ឆិកាកន្លងទៅ។

វីដេអូមួយនោះផងដែរ បានធ្វើឲ្យប្រជាជនមួយចំនួនធំមានការខឹងសម្បារ និងបង្ហាញការមិនពេញចិត្តជាមួយរដ្ឋមន្ត្រីរូបនេះ ដែលកំពុងសប្បាយជាមួយជីវិតស៊ីវិល័យដោយទទួលទានអាហារថ្លៃៗនៅភោជនីយដ្ឋានល្បីៗឈ្មោះ ខណៈប្រជាជនរបស់ខ្លួនមានចំណូលទាបសឹងមិនស្មើការហូបចុករបស់មន្ត្រីរូបនេះម្ដង។

“ខណៈពេលគ្រប់គ្នាកំពុងជួបបញ្ហាហិរញ្ញវត្ថុដោយសារវិបត្តិកូវីដ ១៩ តែរដ្ឋមន្ត្រីមួយចំនួនបែរជាកំពុងសប្បាយជាមួយនឹងការចាយវាយហ៊ឺហារទៅវិញ”។ នេះបើតាមការបញ្ចេញមតិរបស់ប្រជាពលរដ្ឋម្នាក់។

បើតាមរបាយការណ៍ពីការិយាល័យស្ថិតិទូទៅប្រចាំប្រទេសគឺ ជាមធ្យមប្រជាជនវៀតណាមមានចំណូលប្រចាំខែប្រមាណ ១៨៤$ នៅក្នុងឆ្នាំ ២០២០ ខណៈបើគិតមើលទៅវាស្មើនឹងម្ហូបប្រហែលមួយចាននៅអាហារដ្ឋានល្បីៗនៅតំបន់អឺរ៉ុប។

បញ្ជាក់ដែរថា រឿងរ៉ាវបែបនេះមិនមែនទើបកើតឡើងលើមន្ត្រីធំៗឡើយ ជាក់ស្ដែងកាលពី ៣ ឆ្នាំមុន ប្រធានាធិបតីវេណេស៊ុយអេឡា Nicolas Maduro ក៏ទទួលរងការរិះគន់ខ្លាំងផងដែរ ពេលលោកកំពុងទទួលទានអាហារនៅហាងរបស់ Salt Bae ដូចគ្នា ខណៈពេលនោះវេណេស៊ុយអេឡាកំពុងជួបវិបត្តិសេដ្ឋកិច្ចធ្ងន់ធ្ងរ៕

ប្រភព: CNA

The post ចូលទៅហាងអាហារថ្លៃមួយពេល រដ្ឋមន្រ្តីវៀតណាមរងការខឹងសម្បាពីពលរដ្ឋទូទាំំងប្រទេស appeared first on .

បុរសរហ័សនាមរោយអំបិលលើសាច់គោ ល្បីតែប៉ុន្មានឆ្នាំសោះ សល់លុយក្លាយជាសេដ្ឋី

ឧកញ៉ាសំពៅ — Mon, 19 Jul 2021 04:44:35 +0000

ជឿថា ភាគច្រើនអ្នកដែលប្រើប្រាស់បណ្ដាញសង្គម Facebook ធ្លាប់អូសប៉ះវីដេអូបុរសម្នាក់ដែលមានសិល្បៈនៃការហាន់សាច់គោខុសពីចុងភៅដទៃទៀត ពោលគឺគេតែងរោយអំបិលដោយកាយវិការប្លែកៗ ហើយបុរសម្នាក់នោះគឺ មានរហស្សនាមថា Salt Bae។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

តាមពិតទៅ Salt Bae គឺមានឈ្មោះពិត Nusret Gokce ដែលលោកគឺជាជនជាតិតួកគី ហើយបច្ចុប្បន្នលោកមានវ័យ ៣៧ ឆ្នាំ។ លោកមានឈ្មោះល្បីល្បាញ គឺដោយសារយុទ្ធសាស្ត្រនៃការចម្អិនអាហារ ដែលមានភាពខុសប្លែកពីចុងភៅដទៃ ហើយវាក៏បានទាក់ទាញចំណាប់អារម្មណ៍តារាលំដាប់កំពូលៗជាច្រើនរូប មកពិសារភោជនីយាហារនៅអាហារដ្ឋានរបស់លោកជាហូរហែ។

យ៉ាងណាមិញ មុននឹងឈានមកដល់ចំណុចនេះ Salt Bae មានប្រវត្តិតស៊ូមិនធម្មតា ដោយលោកធ្លាប់ចេញរកប្រាក់ផ្គត់ផ្គង់គ្រួសារតាំងតែពីនៅវ័យក្មេង ខណៈគ្រានោះលោករៀនមិនទាំងចប់ថ្នាក់ទី ៥ ផង ដោយសារគ្រួសារជួបវិបត្តិហិរញ្ញវត្ថុ។

ដោយសារការខិតខំប្រឹងប្រែងពីក្មេង គួបផ្សំទេពកោសល្យនៃការចំអិនអាហារផង បច្ចុប្បន្ន បុរសវ័យ ៣៧ ឆ្នាំ គឺជាម្ចាស់ភោជនីយដ្ឋាន Nusr-Et ដែលមានសាខាដល់ទៅ ៦ ប្រទេសធំៗ ដែលមាននៅទីក្រុងធំៗ ដូចជានៅទីក្រុងអាប៊ូដាប៊ី និងឌូបៃនៃសហព័ន្ធអារ៉ាប់រួម ទីក្រុងដូហានៃប្រទេសកាតារ ទីក្រុងអង់ការ៉ា បូឌុមរ៉ម អ៊ីស្តង់ប៊ុល និងម៉ាម៉ារីសនៃប្រទេសតួកគី ទីក្រុងជេដានៃប្រទេសអារ៉ាប់ប៊ីសាអូឌីត ទីក្រុងម៉ៃអាមី ញូវយ៉កនៃសហរដ្ឋអាមេរិក និងទីក្រុងឡុងដ៍នៃចក្រភពអង់គ្លេសជាដើម។

មិនត្រឹមតែប៉ុណ្ណោះ ទ្រព្យសម្បត្តិសរុបរបស់ Salt Bae នៅក្នុងឆ្នាំ ២០២១ ត្រូវបានគេប៉ាន់ប្រមាណថាស្ថិតនៅខ្ទង់ ៧០ លានដុល្លារ ខណៈបុរសកម្ពស់ ១៦៨ cm ក៏មាននូវឧទ្ធម្ភាគចក្រផ្ទាល់ខ្លួនមួយគ្រឿង ឡានទំនើបជាច្រើនគ្រឿង ក៏ដូចជាកន្លែងកម្សាន្តជាហូរហែផងដែរ។

បើទោះជាកំពុងរស់នៅជាមួយជីវិតស៊ីវិល័យក្ដី ក៏ Salt Bae បែរជាទម្លាយប្រាប់ថាមិនចង់ឲ្យគ្រប់គ្នាដើរតាមគន្លងលោកឡើយ ដ្បិតទម្រាំមានបានដូចសព្វថ្ងៃនេះ លោកត្រូវចាកចេញពីផ្ទះសម្បែង និងខ្វះភាពកក់ក្ដៅពីក្រុមគ្រួសារតាំងពីតូចក្រូចឆ្មារម៉្លេះ៕ ប្រភព: mddailyrecord

The post បុរសរហ័សនាមរោយអំបិលលើសាច់គោ ល្បីតែប៉ុន្មានឆ្នាំសោះ សល់លុយក្លាយជាសេដ្ឋី appeared first on .

Salt Bae

ភោជនីយដ្ឋានចុងភៅល្បីឈ្មោះ Salt Bae ខាតបង់ជាង ៧លានដុល្លារ ខណៈកំពុងបិទអាជីវកម្មបន្តបន្ទាប់

ចូលទៅហាងអាហារថ្លៃមួយ​ពេល​ រដ្ឋមន្រ្តី​វៀតណា​ម​រង​ការ​ខឹង​សម្បាពីពលរដ្ឋ​ទូទាំំងប្រទេស​

បុរស​រហ័ស​​នាម​រោយអំបិល​លើ​សាច់​គោ ល្បី​តែ​ប៉ុន្មាន​ឆ្នាំ​សោះ សល់​លុយ​ក្លាយ​ជា​សេដ្ឋី

ចូលទៅហាងអាហារថ្លៃមួយពេល រដ្ឋមន្រ្តីវៀតណាមរងការខឹងសម្បាពីពលរដ្ឋទូទាំំងប្រទេស

បុរសរហ័សនាមរោយអំបិលលើសាច់គោ ល្បីតែប៉ុន្មានឆ្នាំសោះ សល់លុយក្លាយជាសេដ្ឋី