យោងតាមការចុះផ្សាយពីសារព័ត៌មាន Wall Street Journal បានបង្ហាញថា ស្ថាបនិកក្រុមហ៊ុនជួញដូរគ្រីបតូ FTX ត្រូវបានតុលាការកាត់ទោស ឲ្យជាប់ពន្ធនាគាររយៈពេល ២៥ឆ្នាំ ជុំវិញករណីឆបោកទឹកប្រាក់ ៨ពាន់លានដុល្លារ ពីក្រុមវិនិយោគិន។

បន្ថែមពីនោះ តុលាការក៏បានរកឃើញថា លោក Sam គឺមានប្រព្រឹត្តបទល្មើសឆបោក ៧ករណី ដែលបង្កឲ្យក្រុមហ៊ុន FTX ឈានដល់ការប្រកាសក្ស័យធន ហើយករណីមួយនេះគឺត្រូវបាន​ចាត់ទុកថា ជាការឆបោកហរិញ្ញវត្ថុធំបំផុតមួយនៅអាមេរិក។

សូមជម្រាបដែរថា បច្ចុប្បន្ននេះ លោក Sam Bankman-Fried គឺកំពុងត្រៀមខ្លួនដាក់ពាក្យបណ្ដឹងឧទ្ធរណ៍ ទៅកាន់តុលាការ ដើម្បីទាមទារការសម្រាលទោសខ្លះ៕

The post អតីតមហាសេដ្ឋីវ័យក្មេង Sam Bankman-Fried ត្រូវបានបញ្ជូនខ្លួនទៅពន្ធនាគារថ្មី appeared first on .

មូលហេតុដែលក្រុមអ្នកមានលុយចាយមិនអស់ រៀបចំខ្លួនសាមញ្ញៗបែបនេះ គឺអាចនិយាយបានថា មានហេតុផលមួយចំនួន ដែលយើងនឹកស្មានមិនដល់។

យោងតាមការបកស្រាយពីហ្វេសប៊ុកផេក Project Nightfall បានបញ្ជាក់ច្បាស់ៗថា មានហេតុផល ៥ចំណុចធំៗ នៅពីក្រោយការរៀបចំខ្លួនសាមញ្ញៗ របស់ក្រុមមហាសេដ្ឋីទាំងនេះ ដូចជា៖

១/ ធ្វើខ្លួនសាមញ្ញ ដើម្បីងាយស្រួលធ្វើទីផ្សារ

ក្រុមមហាសេដ្ឋីទាំងនេះ សុទ្ធតែជាអ្នកជំនួញមានទេពកោសល្យ ហើយតាមការស្រាវជ្រាវ​បានបង្ហាញថា មនុស្សចូលចិត្តទិញផលិតផលណាមួយ ដែលមិនមានភាពសាំញាំ ហើយបើសិនជាម្ចាស់ផលិតខ្លួន ធ្វើខ្លួនធម្មតាៗ នោះអតិថិជនកាន់តែអាម្មណ៍ស្និទ្ធស្នាល ក្នុងការទិញផលិតផលទាំងនោះ។

២/ ដើម្បីធ្វើឲ្យវិនិយោគិនមានទំនុកចិត្តលើពួកគេ

តើអ្នកនៅចាំអតីតមហាសេដ្ឋី Sam Bankman Fried ដែរទេ? គេបច្ចុប្បន្នគឺជាអ្នកទោសឆបោក​ដ៏ធំបំផុតមួយនៅអាមេរិក ដោយបានប្រើប្រាសមធ្យោបាយមួយនេះ ដើម្បីធ្វើឲ្យវិនិយោគិនទុកចិត្ត រួចហើយក៏លួចលុយវិនិយោគិនរាប់ពាន់លានដុល្លារ។

Sam តែងតែបង្ហាញខ្លួនជាមួយនឹងអាវយឺត ខោខ្លី ហើយតែងតែនិយាយថា គេមិនខ្វល់ខ្វាយពី​រឿងតែងខ្លួនឡើយ ដែលធ្វើឲ្យវិនិយោគិនជឿថា Sam ជាមនុស្សដែលងប់ងល់ នឹងការងារ។

៣/ ជាយុទ្ធសាស្ត្រទីផ្សារដ៏ធំ

ចំណុចមួយនេះ គឺស្រដៀងគ្នានឹងមូលហេតុទី២ ដែរ ដោយមនុស្សគ្រប់គ្នា មានទំនោរជឿទុកចិត្ត លើបុគ្គលដែលមិនសូវខ្វាយខ្វល់ ជាមួយសម្ភារៈនិយម និងផ្ដោតលើការងារ តួយ៉ាងបើយើងមើលលោក Warren Buffett គឺដូចជាឃើញជីតាម្នាក់ ដែលមានសំណាងក្នុងការវិនិយោគអញ្ចឹង។

Warren Buffett មិនខ្វល់សូម្បីតែរឿងហូបចុក ពោលគឺលោកឧស្សាហ៍ញាំបឺហ្គឺ ដែលមានតម្លៃធូរថ្លៃ ជាជាងចូលហាងថ្លៃៗខ្លាំងណាស់ សូម្បីតែភរិយារបស់លោកក៏ចាយវាយ​រិះថាំផងដែរ។

៤/ ធ្វើខ្លួនសាមញ្ញៗ ដើម្បីគេចពីក្រសែភ្នែកមហាជន

ចំណុចមួយនេះ គឺដើម្បីការពារសុវត្ថិភាពរបស់ពួកគេ ដ្បិតថាការរៀបចំខ្លួនធម្មតាៗ គឺដើម្បីគេច​ពីក្រសែភ្នែកមហាជន ក៏ដូចជាការលួចប្លន់ផ្សេងៗជាដើម។

៥/ ពួកគេគ្មានអ្វីដែលត្រូវអួតអាងទៀត

ចំណុចមួយនេះ គឺដូចជាពាក្យស្លោកអង់គ្លេសមួយនិយាយថា Money Talk, Wealth Whisper ដែលមានន័យថា អ្នកមានល្មមៗខំប្រឹងសំញែង តែអ្នកមានពិតប្រាកដគ្មានអីត្រូវអួតអាងទៀត​ទេ។

អ្នកមានដល់កំពូល កាន់តែធ្វើខ្លួនសាមញ្ញៗ ពោលមិនសូវខ្វាយខ្វល់រឿងសម្ភារៈនិយមឡើយ តែយកពេលវេលា ផ្ដោតលើការពង្រឹងក្រុមហ៊ុន ដែលជាប្រភពចំណូលដ៏ធំរបស់ពួកគេទៅវិញ។

តួយ៉ាងមនុស្សមួយចំនួនព្យាយាមប្រើប្រាស់សម្ភារៈនិយម ដើម្បីអួតអាងពីទ្រព្យធន តែការព្យាយាមសំញែងរបស់ទាំងនោះ វាកាន់តែធ្វើឲ្យម្ចាស់ផលិតផល កាន់តែកើនទ្រព្យសម្បត្តិ៕

The post មានលុយចាយមិនអស់ តែក្រុមមហាសេដ្ឋីរៀបចំខ្លួនសាមញ្ញ ដោយសារមូលហេតុទាំងនេះ appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ចៅក្រម Lewis Kaplan បានសម្រេចដាក់ទោសស្ថាបនិកក្រុមហ៊ុន FTX ក្រោយអតីតមហាសេដ្ឋីរូបនេះ បាននិយាយកុហកតុលាការថា អតិថិជនរបស់ FTX មិនបានខាតបង់ទឹកប្រាក់ឡើយ តែការពិត​រូបគេបានលួចប្រាក់ប្រហែល ៨ពាន់លានដុល្លារឯណោះពីអតិថិជន។

ក្រៅពីនោះ តុលាការក៏បានចោទប្រកាន់បុរសវ័យ ៣២ឆ្នាំរូបនេះថា មានជាប់ពាក់ព័ន្ធនឹងករណីឆបោក ៧ករណីបន្ថែមទៀត និងបានធ្វើឲ្យក្រុមហ៊ុន FTX ក្ស័យធន បណ្ដាលឲ្យវិនិយោគិន និងអតិថិជនរាប់រយនាក់ ទទួលរងការខាតបង់ជាខ្លាំង។

សូមជម្រាបដែរថា ករណីឆបោកនេះ ត្រូវបានចាត់ទុកថា ជាការឆបោកទឹកប្រាក់ធំបំផុតមួយនៅអាមេរិក ហើយកន្លងមកព្រះរាជអាជ្ញាបានទាមទារឲ្យ​កាត់ទោសលោក Sam រហូតដល់ ៥០ឆ្នាំ ស្របពេលមេធាវីការពារក្ដីតវ៉ាឲ្យមានការជាប់ទោសត្រឹម ៦ឆ្នាំកន្លះ តែជាលទ្ធផលតុលាការសម្រេចដាក់ទោស ២៥ឆ្នាំ៕

The post អតីតមហាសេដ្ឋីវ័យក្មេងមួយរូប ត្រូវកាត់ទោសឲ្យជាប់ពន្ធនាគារ ២៥ឆ្នាំ appeared first on .

យោងតាមការចុះផ្សាយពីទីភ្នាក់ងារសារព័ត៌មាន AP បានបង្ហាញថា អតីម្ចាស់ក្រុមហ៊ុន FTX ត្រូវបានចោទប្រកាន់ពីបទឆបោក កាលពីខែវិច្ឆិកាឆ្នាំមុន ហើយនាថ្ងៃទី២៨ ខែមីនានេះ គឺកំពុងស្ថិតនៅតុលាការរង់ចាំការកាត់ទោស។

ក្នុងនោះ ព្រះរាជអាជ្ញាបានដាក់សំណើឲ្យមានការកាត់ទោស អតីតមហាសេដ្ឋីវ័យក្មេងម្នាក់នេះ ជាប់ពន្ធនាគារចន្លោះពី ៤០ ទៅ ៥០ឆ្នាំ ក៏ប៉ុន្តែមេធាវីការពារក្ដីរបស់លោក បានទាមទារឲ្យមាន​ការកាត់ទោសត្រឹម ៦ឆ្នាំកន្លះប៉ុណ្ណោះ។

រំលឹកបន្តិចថា តុលាការបានរកឃើញថា លោក Sam បានយកលុយវិនិយោគនៅក្នុងក្រុមហ៊ុន FTX ដែលជាវេទិកាជួញដូរកាក់គ្រីបតូដ៏ធំមួយ មកប្រើប្រាស់ទិញសម្ភារៈនិយមផ្ទាល់ខ្លួន និងទិញអចលនទ្រព្យធំៗមួយចំនួន រហូតគ្មានលទ្ធភាពបង្វិលប្រាក់ចូលក្រុមហ៊ុនវិញទាន់ពេល និងបានបណ្ដាលឲ្យក្រុមហ៊ុនមួយនេះក្ស័យធន ក៏ដូចជាវិនិយោគិន និងអតិថិជនរាប់ពាន់នាក់ ទទួលការខាតបង់ទឹកប្រាក់ជាច្រើន៕

The post អតីតមហាសេដ្ឋីវ័យក្មេងមួយរូប ប្រឈមមុខនឹងការជាប់ពន្ធនាគាររាប់សិបឆ្នាំ appeared first on .

យោងតាមការចុះផ្សាយពី Forbes បានបង្ហាញថា ស្ថាបនិកក្រុមហ៊ុន Binance លោក Changpeng Zhao នៅតែជាអ្នកមានដាច់គេលើវិស័យមួយនេះ បើទោះជារបូតទ្រព្យសម្បត្តិប្រមាណជិត ៥៥ពាន់លានដុល្លារក្ដី ពោលកាលពីឆ្នាំទៅមាន ៦៥ពាន់លានដុល្លារ ខណៈឆ្នាំនេះមានតែ ១០,៥ពាន់លានដុល្លារប៉ុណ្ណោះ។

តំណែងលេង ២វិញ បានទៅលើសហស្ថាបនិកកាក់ Ripple មានឈ្មោះ Jed McCaleb ដែលមាន​ទ្រព្យសម្បត្តិប្រមាណ ២,៤ពាន់លានដុល្លារ បន្ទាប់ពីប្រកាសលក់កាក់ XRP របស់លោក ខណៈ​តំណែងលេខ៣ គឺ Brian Armstrong នាយកប្រតិបត្តិ Coinbase ដែលមានទ្រព្យសម្បត្តិ ២,២ពាន់លានដុល្លារ តិចជាងឆ្នាំទៅដែលធ្លាប់មាន ៦,៦ពាន់លានដុល្លារ។

សូមជម្រាបដែរថា រឿងអាស្រូវធំបំផុតក្នុងវិស័យមួយនេះដែលបណ្ដាលឲ្យខូចខាតធ្ងន់ធ្ងរ គឺបន្ទាប់​ពី​ការ​ប្រកាសក្ស័យធន​របស់ក្រុមហ៊ុន FTX ដែលមាន Sam Bankman-Fried ជាស្ថាបនិក និងមានជាប់ពាក់ព័ន្ធនឹងករណីឆបោក ខណៈអតីតមហាសេដ្ឋីម្នាក់នេះ​ក៏​ប្រឈមនឹង​ការជាប់ពន្ធនាគារមួយជីវិត ដ្បិត​បច្ចុប្បន្ន​កំពុង​រង់ចាំការកាត់ក្ដីដែលនឹងធ្វើឡើងនៅខែតុលាខាងមុខ៕

The post មហាសេដ្ឋី Crypto ខាតបង់ទឹកប្រាក់ ១១០ពាន់លានដុល្លារ កាលពីឆ្នាំទៅ appeared first on .

យោងតាម​ការ​ចុះផ្សាយ​ពី Forbes បានទម្លាយថា ទឹកប្រាក់ប្រហែល ១១៦ ពាន់​លាន​ដុល្លារ ត្រូវបាន​បាត់បង់​ពី​ទីផ្សារ​គ្រីបតូ គិត​ចាប់តាំងពីខែមីនា រហូតដល់​ពេលបច្ចុប្បន្ន។

ទឹកប្រាក់​ដែល​បាត់បង់​នោះ គិត​ចំពោះ​តែ​បុគ្គល​មាន​ទ្រព្យច្រើន​បំផុត​ក្នុងវិស័យ​មួយ​នេះ​តែ ១៧ នាក់​ប៉ុណ្ណោះ ខណៈ ១៥ នាក់​គឺ​ខាតបង់​លុយ​អស់​ជាងពាក់កណ្ដាល ស្របពេល ១០ រូប​ត្រូវបាន​បាត់បង់​ងារ​ជា​មហាសេដ្ឋី​ថែមទៀត។

ក្នុងនោះផងដែរ បុគ្គលដែលរបូតលុយច្រើនបំផុត​គឺ ស្ថាបនិក Binance លោក Changpeng Zhao ដែល​ធ្លាប់​មាន​លុយជាង ៦៥ ពាន់​លាន​ដុល្លារ តែបច្ចុប្បន្ន​នៅសល់តែ ៤,៥ ពាន់​លាន​ដុល្លារ​ប៉ុណ្ណោះ ស្របពេល​សហស្ថាបនិក Sam Bankman-Fried ដែលធ្លាប់​ទទួល​ងារជា​មហាសេដ្ឋី​វ័យក្មេង ធ្លាក់ខ្លួន​ពី ២៤ ពាន់​លាន​ដុល្លារ រហូតដល់​គ្មាន​អ្វីសោះ​កាលពី​ពេលថ្មីៗនេះ៕

The post ៩ខែចុងក្រោយ វិនិយោគិនរបូតលុយជាង ១០០ ពាន់លានដុល្លារ ​ក្នុងវិស័យរូបិយប័ណ្ណឌីជីថល appeared first on .

យោងតាម​របាយការណ៍​ផ្សាយ​ដោយ CNA បាន​ឲ្យដឹងថា ការចាប់ខ្លួន​បុរស​ម្នាក់នេះ​ធ្វើឡើង​តាម​ការ​បញ្ជា​ពី​ព្រះរាជអាជ្ញា​នៃ​សហរដ្ឋអាមេរិក និង​ត្រៀម​ធ្វើ​បត្យាប័ន Sam ទៅកាន់​សហរដ្ឋអាមេរិក​ដើម្បី​កាត់​ទោស​ទៀតផង។

យ៉ាងណា ការិយាល័យមេធាវី​នៅ​ Bahamas បាន​ទម្លាយថា ពួកគេ​ធ្វើតាម​ការ​ណែនាំ​ពី​សហរដ្ឋអាមេរិក​ប៉ុណ្ណោះ ហើយ​ក៏​មិនដឹងដែរ​ពីមូលហេតុ​នៃ​ការ​ចាប់ខ្លួន​នេះ ដ្បិត​ខាងអាមេរិក​មិនបាន​បញ្ជាក់​ច្បាស់ៗ​ជុំវិញ​បញ្ហា​នេះឡើយ។

“កាលពីល្ងាចមិញនេះ អាជ្ញាធរ Bahamian បានចាប់ខ្លួន Samuel Bankman-Fried តាមសំណើរបស់រដ្ឋាភិបាលសហរដ្ឋអាមេរិក ដោយផ្អែកលើការចោទប្រកាន់ដែលបានបិទត្រាដោយការិយាល័យមេធាវីសហរដ្ឋអាមេរិកសម្រាប់សង្កាត់ភាគខាងត្បូងនៃទីក្រុងញូវយ៉ក”។ នេះ​បើតាម​សម្ដី​របស់​ព្រះរាជអាជ្ញា Damian Williams បាន​និយាយ៕

The post ចាប់ខ្លួនអតីតមហាសេដ្ឋីគ្រីបតូម្នាក់ដោយគ្មានមូលហេតុច្បាស់លាស់ និងត្រៀមធ្វើបត្យាប័នទៅអាមេរិក appeared first on .

មិនទាន់​សម្រេច​ពាក្យ​សន្យា​ផង Sam ស្រាប់តែ​ជួប​រឿង​ស៊យ​បំផុត​មួយ គឺ​ទ្រព្យសម្បត្តិ​របស់​គេ​បាន​រលាយ​ត្រឹម​មួយ​ប៉ប្រិច​ភ្នែក ក្រោយ​ក្រុមហ៊ុន FTX ជាក្រុមហ៊ុន​ជួញដូរ​រូបិយវត្ថុ​ឌីជីថល​ធំ​បំផុត​មួយ ប្រកាស​ក្ស័យធន​កាលពីពេលថ្មីៗ។

យោងតាម​ការចុះផ្សាយពី Legit បាន​បង្ហាញ​ថា ត្រឹម​រយៈពេល ៨ ខែប៉ុណ្ណោះ ដែលទ្រព្យសម្បត្តិ​របស់​បុរស​វ័យ ៣០ ឆ្នាំ របូត​ពីជាង ២៦ ពាន់​លាន​ដុល្លារ មកដល់​ចំណុចសូន្យ​គិត​ត្រឹម​ថ្ងៃទី ១១ ​វិច្ឆិកា ២០២២។

សូមជម្រាបដែរថា ការប្រកាសក្ស័យធន​របស់ FTX ធ្វើឡើង បន្ទាប់​ពី​ Sam ប្រកាស​ចុះចេញ​ពី​តំណែងជា CEO ហើយ​បច្ចុប្បន្ន​នេះ​ទាំង Forbes និង Bloomberg បានដក​ឈ្មោះ​របស់​គេ​ចេញ​ពី​បញ្ជី​មហាសេដ្ឋី​ពិភពលោក​ទៀតផង៕

The post ពីមហាសេដ្ឋីវ័យក្មេងបំផុត Sam Bankman-Fried ធ្លាក់ខ្លួនដល់ចំណុចសូន្យត្រឹមមួយប៉ប្រិចភ្នែក appeared first on .