យោងតាមការចុះផ្សាយពីទីភ្នាក់ងារសារព័ត៌មាន Reuters បានបង្ហាញឲ្យដឹងថា ពាក្យបណ្តឹងនេះ បានចោទប្រកាន់លើក្រុមហ៊ុន Samsung ដែលបានបង្ហាញរូបភាព ស្ថិតក្រោមការរក្សាសិទ្ធរបស់តារាចម្រៀងប៉ុបរូបនេះ នៅលើផ្នែកខាងមុខនៃប្រអប់្រកដាសកាតុងដាក់ទូរទស្សន៍ សម្រាប់លក់រាយ។

ប៉ុន្តែទោះជាយ៉ាងណាក៏ដោយ អ្នកនាំពាក្យរបស់ក្រុមហ៊ុន Samsung Electronics បានបដិសេធមិនធ្វើអត្ថាធិប្បាយចំពោះរឿងនេះទេ ដោយនិយាយថាពួកគេកំពុងពិនិត្យមើលយ៉ាងដិតដល់ ខណៈពេលដែលមេធាវីរបស់ Dua Lipa ក៏មិនបានឆ្លើយតបភ្លាមៗចំពោះសំណើសុំធ្វើអត្ថាធិប្បាយលើករណីនេះ ផងដែរ។

គួរជម្រាបជូនផងដែរថា ក្រៅពីការរំលោភសិទ្ធិអ្នកនិពន្ធ និងសិទ្ធិពាណិជ្ជសញ្ញា Dua Lipa ក៏បានចោទប្រកាន់ក្រុមហ៊ុន Samsung Electronics ថាបានរំលោភសិទ្ធិផ្សព្វផ្សាយ ថែមទៀតផង៕​

The post តារាចម្រៀងកំពូល Dua Lipa ប្តឹងក្រុមហ៊ុន Samsung ទារសំណង ១៥លានដុល្លារ ពីបទប្រើរូបភាពនាងដើម្បីលក់ទូរស្សន៍ appeared first on .

នៅពេលបើកវគ្គជួញដូរ នៅថ្ងៃទី៦ ខែឧសភា ភាគហ៊ុនរបស់ក្រុមហ៊ុន Samsung Electronics បានកើនឡើង ១២% ដែលជំរុញឲ្យតម្លៃមូលធនទីផ្សាររបស់ពួកគេ កើនឡើងដល់ ១,៦៥ទ្រីលានវ៉ុន (១,១ទ្រីលានដុល្លារ។ ពួកគេគឺជាក្រុមហ៊ុនអាស៊ីទីពីរ បន្ទាប់ពីក្រុមហ៊ុនផលិតបន្ទះឈីប TSMC ដែលឈានដល់តម្លៃទីផ្សារដ៏ខ្ពស់បែបនេះ។

បច្ចុប្បន្នក្រុមហ៊ុន Samsung Electronics គឺជាក្រុមហ៊ុនផលិតបន្ទះឈីបអង្គចងចាំធំជាងគេបំផុតរបស់ពិភពលោក។ ការកើនឡើងនៃតម្រូវការសម្រាប់បន្ទះឈីបដែលប្រើក្នុងបញ្ញាសិប្បនិម្មិតបានជួយឲ្យតម្លៃភាគហ៊ុនរបស់ក្រុមហ៊ុនខ្នាតយក្សកូរ៉េខាងត្បូងមួយនេះ កើនឡើងបួនដង ក្នុងរយៈពេលមួយឆ្នាំកន្លងមក។

គួរជម្រាបជូនថា អាស៊ីគឺជាមូលដ្ឋានគ្រឹះនៃប្រព័ន្ធអេកូឡូស៊ី AI សកល ដោយរួមបញ្ចូលគ្នានូវភាពលេចធ្លោក្នុងការផលិតបន្ទះឈីប ជាមួយនឹងការពង្រីកហេដ្ឋារចនាសម្ព័ន្ធទិន្នន័យ។ ភាគហ៊ុនរបស់ក្រុមហ៊ុន SK Hynix និង TSMC ក៏បានឈានដល់កម្រិតខ្ពស់បំផុតក្នុងខែនេះផងដែរ ខណៈពេលដែលវិនិយោគិន កំពុងដាក់ក្តីរំពឹងកាន់តែច្រើនលើការអភិវឌ្ឍសម្រាប់បន្ទះឈីបទំនើប៕​

The post Samsung Electronics ក្លាយជាក្រុមហ៊ុនមានមូលធនទីផ្សារដល់ ១ទ្រីលានដុល្លារជាលើកដំបូង appeared first on .

នៅថ្ងៃទី៤ មេសា ឆ្នាំ២០២៥ ក្រុមហ៊ុនសាមសុង និង ក្រុមហ៊ុនស៊ុនស៊ីម៉ិចកូ បានប្រកាស​ជាផ្លូវ​ការ នូវកិច្ចសហការរួមគ្នាដោយមានការចូលរួមពីសំណាក់អ្នកគ្រប់គ្រងពីក្រុមហ៊ុន សាម​សុង និងគណៈគ្រប់គ្រងក្រុមហ៊ុនស៊ុនស៊ីម៉ិចកូ Influencers ល្បីៗប្រចាំប្រទេសកម្ពុជា និង​អ្នកសារព័ត៌មានជាច្រើនមកទស្សនា និងធ្វើការតេស្តផលិតផលដោយផ្ទាល់​ដែលមាន​ទីតាំងនៅស៊ុនស៊ីមិចកូ សាខាបូកគោ។

គោល​បំណងនៃកិច្ចសហការនេះ គឺដើម្បីឱ្យអតិថិជនសាមសុង មានភាពងាយស្រួលជាង មុន ដោយអតិថិជនគ្រាន់តែអញ្ជើញទៅតែមួយកន្លែង គឺអាចរកទិញបានគ្រប់ផលិតផល ទាំងអស់របស់សាមសុង ដែលមានដូចជាទូរសព្ទដៃគ្រប់ម៉ូឌែល ថេប្លេត ម៉ាស៊ីន​បោកគក់​សម្លៀក​បំពាក់ ម៉ាស៊ីនត្រជាក់ ទូទឹកកក ទូរទស្សន៍ និងគ្រឿង​អេឡិច​ត្រូនិក​ផ្សេងទៀតជាច្រើន គឺសុទ្ធសឹងតែមានលក់នៅក្នុងហាងស៊ុនស៊ីមិចកូ គ្រប់សាខាទាំងអស់។ លើសពីនេះ អតិថិជនក៏អាចអញ្ជើញទៅទស្សនា និងតេស្ដដោយផ្ទាល់​ដៃនូវ​ផលិត​ផល​ដែល​លោកអ្នកកំពុងតែត្រូវការបានផងដែរ។

បន្ថែមពីនេះ នៅក្នុងកម្មវិធីក៏មានការធ្វើបទបង្ហាញអំពីផលិតផលទាំងអស់របស់សាមសុង ដោយ​ផលិតផលនីមួយៗសុទ្ធសឹងតែបំពាក់មកជាមួយនូវបច្ចេកវិទ្យា AI មិនថា គ្រឿង​អេឡិចត្រូនិក ឬ ទូរសព្ទនោះទេ។

សូមបញ្ជាក់ថា ក្រុមហ៊ុនសាមសុង តែងតែនាំមុខគេលើវិស័យបច្ចេកវិទ្យា ទាំង​សម្ភារៈ​ប្រើ​ប្រាស់​ក្នុងគេហដ្ឋាន និងទូរសព្ទដៃ សុទ្ធតែទំនើបៗបំផុត ដោយបំពាក់នូវប្រព័ន្ធ AI ដែល​អាច​បញ្ជាបានតាមទូរសព្ទ។

ឆ្លៀតក្នុងឱកាសដ៏ពិសេសនេះ ក៏មានការផ្ដល់ជូននូវប្រូម៉ូសិនដ៏រំភើបរីករាយដល់អតិថិជន ដែល​អញ្ជើញទៅទិញដល់ហាងដោយផ្ទាល់ដែលចំណាយអស់ចាប់ពី 500$ នឹង​ទទួល​បាន​សន្លឹក​ឆ្នោត 01 សន្លឹក និងមានឱកាសឈ្នះរង្វាន់ជាច្រើនផងដែរ។ ដូចនេះ ប្រញាប់​រួសរាន់​ឱ្យ​ទាន់ប្រូម៉ូសិនណ៎ា!!

បញ្ជាក់! សូមអតិថិជនធ្វើការបញ្ជាទិញផលិតផលដែលមានបង់ពន្ធត្រឹមត្រូវដើម្បី​សុវត្ថិភាព​ក្នុង​ការប្រើប្រាស់។ កុំភ្លេចបញ្ជាទិញផលិតផលដែលមានប័ណ្ណធានាត្រឹមត្រូវ។

សម្រាប់ព័ត៌មានលម្អិតបន្ថែម សូមអញ្ជើញមកទស្សនាផលិតផលដោយផ្ទាល់ ឬ តេស្ត ដោយផ្ទាល់ដៃនៅតាមសាខាស៊ុនស៊ីម៉ិចកូ ដែលនៅជិតលោកអ្នកបំផុត។

លក្ខខណ្ឌផ្សេងៗត្រូវបានអនុវត្ត!

The post កាន់តែងាយស្រួល ទៅមួយកន្លែងទិញបានច្រើនមុខ! ឥឡូវនេះ ផលិតផលសាមសុងគ្រប់ប្រភេទមានដាក់លក់នៅសាខាធំៗរបស់ស៊ុនស៊ីម៉ិចកូ appeared first on .

ប្រាក់ចំណេញប្រតិបត្តិការបឋមរបស់ Samsung បានកើនឡើងដល់ចំនួន ៩,១ទ្រីលានវ៉ុន (៦,៧ពាន់លានដុល្លារ) ក្នុងត្រីមាសទីបី ដែលរាប់ចាប់ពីខែកក្កដា ដល់ខែកញ្ញា ពោលកើនឡើងដល់ទៅ២៧៤,៥% បើធៀបនឹងត្រីមាសទីបីដូចគ្នាកាលពីឆ្នាំមុន។ យ៉ាងណាក៏ដោយ ប្រាក់ចំណេញនេះគឺខុសពីក្តីរំពឹងទុករបស់ទីផ្សារ ដែលធ្លាប់បានព្យាការណ៍ថានឹងទទួលបានចំនួន ៧,៧ពាន់លានដុល្លារ។

សូមជម្រាបថា Samsung គឺជាក្រុមហ៊ុនផលិតអង្គចងចាំ (Memory Chip) ឈានមុខគេនៅលើពិភពលោក ដែលត្រូវបានគេយកទៅប្រើប្រាស់ក្នុងឧបករណ៍ជាច្រើនដូចជា កុំព្យូទ័រ, Servers និងឧបករណ៍ប្រើប្រាស់ជាច្រើនទៀត ខណៈក្រុមហ៊ុនមួយនេះក៏ត្រូវបានគេស្គាល់ថា ជាក្រុមហ៊ុនផលិតទូរសព្ទស្មាតហ្វូនដ៏ធំបំផុតលំដាប់ទីពីរនៅលើពិភពលោកផងដែរ៕

The post Samsung រំពឹងកើបប្រាក់ចំណេញបានជិត ៧ពាន់លានដុល្លារក្នុងអំឡុងត្រីមាសទីបី appeared first on .

គេហទំព័រ Yahoo Finance បានរាយការណ៍ថា ក្រុមហ៊ុនផលិតអង្គចងចាំ និងស្មាតហ្វូនដ៏ធំជាងគេបំផុតរបស់ពិភពលោក Samsung Electronics បានប្រកាសអំពីប្រាក់ចំណូលរបស់ខ្លួន មានការកើនឡើងរហូតដល់ទៅប្រាំមួយដងឯណោះ ពោលមានចំនួន ៩,៦៤ទ្រីលានវ៉ុន (៦,៩៦ពាន់លានដុល្លារ) នៅក្នុងត្រីមាសខែមិថុនា។ បើក្រឡេកនៅដើមខែកក្កដានេះ ប្រាក់ចំណេញប្រតិបត្តិការបឋមរបស់ក្រុមហ៊ុន មានការកើនឡើងរហូតដល់ទៅ ១៥ដង រីឯប្រាក់ចំណូលវិញក៏មានការកើនឡើង២៣% ផងដែរ។

គួរបញ្ជាក់ដែរថា ការកើនឡើងយ៉ាងឆាប់រហ័សនៃប្រាក់ចំណេញ ភាគច្រើនគឺដោយសារតែមានការរួមចំណែកពីផលិតផល Semiconductor ពោលក្រុមហ៊ុន រកប្រាក់ចំណេញប្រតិបត្តិការបានចំនួន ៦,៤៥ទ្រីលានវ៉ុន ដ្បិតអតិថិជនកំពុងមានតម្រូវការយ៉ាងរឹងមាំចំពោះផលិតផលបន្ទះឈីប និងការកើនឡើងថ្លៃនៃតម្លៃអង្គចងចាំ៕

The post ប្រាក់ចំណូលត្រីមាសទី២ របស់ក្រុមហ៊ុន Samsung កើនឡើងលឿនបំផុត រយៈពេល ១៤ឆ្នាំចុងក្រោយ appeared first on .

ក្រុមហ៊ុនបច្ចេកវិទ្យាខ្នាតយក្សមួយនេះបានបង្ហាញថា ប្រាក់ចំណេញប្រចាំត្រីមាសទី៤ ទទួលបានត្រឹម ២,៨ទ្រីលានវ៉ុន ឬប្រហែល ២,១៣ទ្រីលានដុល្លារ សម្រាប់រយៈពេលពីខែតុលា ដល់ខែធ្នូ ឆ្នាំ២០២៣ ដែលវាបានថយចុះពី ៤,៣១ទ្រីលានវ៉ុន បើធៀបនឹងឆ្នាំ២០២២។

ការថយចុះនៃប្រាក់ចំណេញប្រចាំត្រីមាសរបស់ Samsung គឺច្រើនជាងការរំពឹងទុកពីវិទ្យាស្ថាន LSEG SmartEstimate ដែលជំនាញលើការព្យាករណ៍ ពោលពួកគេព្យាករទុកថា Samsung នឹងមានការថយចុះនៃប្រាក់ចំណេញមែន តែថយនៅត្រឹម ៣,៧ទ្រីលានវ៉ុនប៉ុណ្ណោះ។

ជម្រាបបន្ថែមថា ប្រាក់ចំណេញត្រីមាសទី៤ សារនេះ គឺជាការចំណេញទាបបំផុតរបស់ក្រុមហ៊ុន Samsung សម្រាប់ ៥ត្រីមាសចុងក្រោយ បន្ទាប់ពីធ្លាប់ប្រកាសពីការថយចុះដ៏សំបើមកាលពីត្រីមាសទី៣ ក្នុងឆ្នាំ២០២២ ដែលមានការថយចុះ ៣១% ដោយសារកង្វះខាតការផ្គត់ផ្គង់បន្ទះឈីប បណ្ដាលឲ្យសង្វាក់ផលិតកម្មមានការយឺតយ៉ាវនាពេលនោះ៕

The post ក្រុមហ៊ុនខ្នាតយក្ស Samsung សម្លឹងឃើញប្រាក់ចំណេញត្រីមាសទី៤ ថយចុះយ៉ាងគំហុក appeared first on .

ក្រុមហ៊ុនបច្ចេកវិទ្យាខ្នាតយក្សរបស់កូរ៉េខាងត្បូងមួយនេះ បាននិយាយនៅក្នុងឯកសារមួយថា ប្រាក់ចំណេញប្រតិបត្តិការ ចាប់ពីខែមេសាដល់ខែមិថុនា ត្រូវបានរំពឹងថានឹងធ្លាក់ចុះដល់ ៩៥,៧% មកនៅត្រឹមចំនួន ៦០០ពាន់លានវ៉ុន (៤៥៨លានដុល្លារ) ប៉ុណ្ណោះ។

ហើយសម្រាប់ចំនួននេះ នឹងក្លាយជាប្រាក់ចំណេញទាបបំផុតរបស់ពួកគេ មិនធ្លាប់មានចាប់តាំងពីត្រីមាសទី ១ ឆ្នាំ ២០០៩ មក នៅពេលដែលខ្លួនទទួលបានប្រាក់ចំណេញចំនួន ៥៩០ពាន់លានវ៉ុន អំឡុងពេលនោះ។ នេះបើតាមអ្នកនាំពាក្យរបស់ក្រុមហ៊ុន Samsung បានប្រាប់ទៅកាន់ AFP ។

ជម្រាបជូនផងដែរថា ក្រុមហ៊ុនផលិតបន្ទះឈីប Samsung Electronics ដែលស្ថិតនៅក្រោមការគ្រប់គ្រងដោយក្រុមហ៊ុនមេ Samsung Group មួយនេះ បានជួបប្រទះនូវផលវិបាកយ៉ាងខ្លាំង ក្នុងរយ:ពេលប៉ុន្មានឆ្នាំថ្មីៗនេះ ដោយសារតែតម្លៃដើមនៃការផលិតបានកើនឡើងខ្ពស់ នៅចំពេលសេដ្ឋកិច្ចពិភពលោកបន្តធ្លាក់ចុះ ដែលជាហេតុធ្វើឱ្យប៉ះពាល់ដល់ការលក់បន្ទះឈីបអង្គចងចាំរបស់ខ្លួន៕

The post Samsung Electronics ប្រកាសថាប្រាក់ចំណេញរបស់ខ្លួនអាចបន្តធ្លាក់ចុះជាង ៩៥% នៅត្រីមាសទី២ appeared first on .