លោក ពូទីន ដែលទើបតែចូលស្បថកាន់តំណែងជាប្រធានាធិបតីរុស្ស៊ីអាណត្តិទីប្រាំកាលពីដើមសប្តាហ៍មុន បានដកតំណែងលោក Shoigu ពីរដ្ឋមន្ត្រីការពារជាតិ តែបានស្នើឲ្យលោកទៅកាន់តំណែងជាប្រធានក្រុមប្រឹក្សាសន្តិសុខដ៏មានឥទ្ធិពលរបស់រុស្ស៊ី។

ទន្ទឹមនឹងនោះ វិមានក្រឹមឡាំងបានប្រកាសនៅក្នុងសេចក្តីថ្លែងការណ៍ដ៏គួរឲ្យភ្ញាក់ផ្អើលមួយថា លោក Andrei Belousov អតីតឧបនាយករដ្ឋមន្ត្រី ដែលមានជំនាញខាងសេដ្ឋកិច្ច គ្មានបទពិសោធន៍ខាងយោធា នឹងទៅកាន់តំណែងជារដ្ឋមន្ត្រីការពារជាតិ។

សូមជម្រាបថា លោក Sergei Shoigu គឺជារដ្ឋមន្ត្រីកាន់តំណែងយូរជាងគេបង្អស់របស់រុស្ស៊ី ដោយមានឱកាសបានដឹកនាំក្រសួងការពារជាតិចាប់តាំងពីអំឡុងឆ្នាំ២០១២ បន្ទាប់ពីកាន់តួនាទីជារដ្ឋមន្ត្រីសេវាសង្គ្រោះបន្ទាន់។ យ៉ាងណាក៏ដោយ នារយៈពេលចុងក្រោយ លោកបានទទួលរងនូវការិះគន់យ៉ាងខ្លាំង ចំពោះការធ្លាក់ចុះនូវសមត្ថភាពផ្នែកយោធា ក្នុងសង្គ្រាមជាមួយអ៊ុយក្រែន ព្រមទាំងអសមត្ថភាពលុបបំបាត់អំពើពុករលួយ ដែលបន្តរាលដាលញាំញីក្នុងជួរកងទ័ព៕

The post លោក ពូទីន ដកតំណែងរដ្ឋមន្ត្រីការពារជាតិ អំឡុងជាប់ដៃធ្វើសង្គ្រាមជាមួយអ៊ុយក្រែន appeared first on .

រដ្ឋមន្ត្រីការពារជាតិរុស្ស៊ីម្នាក់នេះ ក៏បានបញ្ជាក់ទៀតថា ហេតុផលចំបងដែលរុស្ស៊ី​ទទួលបានជោគជ័យធំធេងមួយនេះ គឺដោយសារការបង្កើតបាននូវប្រព័ន្ធការពារដ៏មានប្រសិទ្ធភាព សមត្ថភាពកម្រិតខ្ពស់នៅគ្រប់កងកម្លាំង និងសព្វាវុធដ៏មានឥទ្ធិពលរបស់រុស្ស៊ី។

បន្ថែមពីនោះ លោក Shoigu ក៏បានអះអាងទៀតថា បច្ចុប្បន្នរុស្ស៊ីកំពុងមានប្រៀបខ្លាំងលើអ៊ុយក្រែន ដោយបានពង្រីកការកាន់កាប់ទឹកដីនៅគ្រប់គោលដៅថែមទៀត។

រំលឹកបន្តិចថា ប៉ុន្មានខែចុងក្រោយនេះ អ៊ុយក្រែនបានព្យាយាមធ្វើការវាយបកខ្លាំងលើរុស្ស៊ី ប៉ុន្តែមិនទទួលបានលទ្ធផលជាដុំកំភួនឡើយ ពោលអ៊ុយក្រែនបាត់បង់កងទ័ព ១២៥ ០០០នាក់ និងសព្វាវុធខ្នាតធំប្រហែល ១៦ ០០០គ្រឿង ដោយសារបរាជ័យក្នុងការវាយបកលើរុស្ស៊ី។ នេះបើតាមការសន្និដ្ឋានពីរដ្ឋាភិបាលរុស្ស៊ី។

គូសបញ្ជាក់ផងដែរថា លោក Sergey Shoigu ក៏បានសង្កត់ធ្ងន់ទៀតថា កងទ័ពរុស្ស៊ីកំពុងបោះជំហានកាន់តែកៀកមែនទែនហើយ ក្នុងការសម្រេចបាននូវគោលដៅ​ធំមួយទៀត គឺបញ្ចប់ប្រតិបត្តិការពិសេសនៅប្រទេសអ៊ុយក្រែននាពេលឆាប់ៗខាងមុខ៕

The post រដ្ឋមន្ត្រីការពារជាតិ៖ រុស្ស៊ីសម្រេចបានគោលដៅធំហើយ នៅក្នុងឆ្នាំ២០២៣នេះ appeared first on .