រដ្ឋាភិបាល​បាននិយាយថា ថ្លៃចំណាយ​លើ​កងអង្គរក្ស​នឹង​កើនឡើង​ដល់ ៨០០ លាន​យ៉េន ខណៈ​ការ​ស្វាគមន៍​គណប្រតិភូ​បរទេស​ដែល​នឹង​ចូលរួម​ពិធីបុណ្យសព នឹង​កើនដល់​ ៦០០ លាន​យ៉េន។ នេះបើតាមប្រធាន​ខុទ្ទកាល័យ​លោក Hirokazu Matsuno បាន​ប្រកាស។

សូមជម្រាបដែរ​ថា ​ភ្ញៀវប្រហែល ៦ ០០០ នាក់ រួមទាំងឥស្សរជនបរទេសផង ត្រូវបានគេរំពឹងថានឹងចូលរួមក្នុងពិធីមួយនេះដែលនឹងប្រព្រឹត្តទៅនៅថ្ងៃទី ២៧ ខែកញ្ញានៅសាល Nippon Budokan ទីក្រុងតូក្យូ៕

The post ជប៉ុន គ្រោងចំណាយជាង ១២លានដុល្លារ រៀបចំបុណ្យសពអតីតនាយករដ្ឋមន្រ្តី ស៊ិនហ្សូ អាបេ appeared first on .

លោក Abe ត្រូវបានគេដឹកតាមឧទ្ធម្ភាគចក្រ ទៅកាន់មន្ទីពពេទ្យភ្លាមៗ ក្រោយពីបានដួលនៅហ្នឹងកន្លែង បន្ទាប់ពីទទួលរងការប្រហារ ប៉ុន្តែបើទោះបីជាក្រុមគ្រូពេទ្យជំនាញ បានព្យាយាមព្យាបាលលោក អស់រយ:ពេល ៦ ម៉ោងក៏ដោយ តែគួរឱ្យសោកស្តាយ នៅតែមិនអាចជួយសង្រ្គោះលោក ឱ្យបន្តរស់រានមានជីវិតបាននោះឡើយ ។

ក្រឡេកទៅមើលជីវិតផ្ទាល់ខ្លួនបន្តិច លោក Shinzo Abe បានរៀបការនៅក្នុងឆ្នាំ ១៩៨៧ ជាមួយលោកស្រី Akie Matsuzaki ដែលជាបុគ្គលិកសង្គម និងជាអ្នកនិយាយវិទ្យុ ប៉ុន្តែលោក Abe និងភរិយាមិនមានកូននោះទេ បើទោះបីជាបានឆ្លងកាត់ការព្យាបាលជាច្រើនលើក ចង់ឱ្យមានក្តី ។

បើនិយាយអំពីទំហំទ្រព្យសម្បត្តិរបស់លោក Abe វិញ យោងតាមរបាយការណ៍របស់ HighIncomeSource បានបង្ហាញថា លោកមានទ្រព្យសម្បត្តិសរុបប្រហែល ១០ លានដុល្លារ ដោយប្រាក់ខែជាមធ្យមរបស់គាត់ អាចរកបានប្រហែល ៧ ម៉ឺនដុល្លារ ខណ:បើគិតពីប្រាក់ចំណូលប្រចាំឆ្នាំវិញ លោកទទួលបានប្រហែល ១ លានដុល្លារ ។

លើសពីនេះ បើយោងតាមរបាយការណ៍ស្តីពីប្រាក់បៀវត្សរ៍របស់មេដឹកនាំពិភពលោកធំៗទាំង ១៣ ក្នុងឆ្នាំ ២០១៥ ដែលចេញផ្សាយដោយ Business Insider បានបង្ហាញថា លោក Abe ឈរនៅចន្លោះ រវាងអតីតនាយករដ្ឋមន្ត្រីអង់គ្លេស លោក David Cameron និងប្រធានាធិបតីតួគីបច្ចុប្បន្ន លោក Recep Tayyip Erdogan ក្នុងនាមជាមេដឹកនាំអាចរកចំណូលបានច្រើនបំផុត ។

គួរបញ្ជាក់ផងដែរថា​ លោក Shinzo Abe បានក្លាយជានយករដ្ឋមន្ត្រីជប៉ុនជាលើកដំបូងនៅថ្ងៃទី ២៦ ខែកញ្ញា ឆ្នាំ ២០០៦ ក្នុងវ័យ ៥២ ឆ្នាំ ហើយលោកត្រូវបានចាត់ទុកថាជានាយរដ្ឋមន្ត្រីកាន់តំណែងយូរបំផុត ក្នុងប្រវត្តិសាស្រ្តប្រទេសជប៉ុន ពោលគឺជិត ៩ ឆ្នាំ ដោយចូលកាន់តំណែងពីរលើក នៅឆ្នាំ ២០០៦ ដល់ ២០០៧ និង ២០១២ ដល់ឆ្នាំ ២០២០ ៕

The post មកដឹងពីទំហំទ្រព្យសម្បត្តិរបស់អតីតនាយករដ្ឋមន្ត្រីជប៉ុន Shinzo Abe មុនត្រូវគេធ្វើឃាត appeared first on .

ភ្លាមៗ លោកត្រូវបានឧទ្ធម្ភាចក្រមកដឹកយកទៅសង្គ្រោះបន្ទាន់ប៉ុន្តែជាអកុសល លោក Abe ស្ថិតក្នុងស្ថានភាពលំបាក ដោយបេះដូងរបស់គាត់បានឈប់ដំណើរការអំឡុងពេលសង្រ្គោះយកឡើងឧទ្ធម្ភាគចក្រ។

ជនសង្ស័យអាយុ៤១ឆ្នាំ ធ្លាប់បម្រើការងាររយៈពេល៣ឆ្នាំនៅក្នុងកងកម្លាំងស្វ័យការពារដែនសមុទ្ររបស់ប្រទេសជប៉ុនត្រូវបានចាប់ខ្លួន។ ប៉ូលីសបាននិយាយថា ជនសង្ស័យបានប្រាប់ពួកគេថា គាត់មិនពេញចិត្តនឹង Abe ហើយចង់សម្លាប់គាត់។

លោក Abe អាយុ៦៧ឆ្នាំ ជានាយករដ្ឋមន្ត្រីដែលកាន់តំណែងយូរជាងគេនៅប្រទេសជប៉ុន។ គាត់បានលាលែងពីតំណែងក្នុងខែកញ្ញា ឆ្នាំ២០២០ ដោយសារបញ្ហាសុខភាព។ យើងសូមបិទបញ្ចប់ប៉ុណ្ណេះសិន ដោយណែនាំប្រិយមិត្តមកស្គាល់ភរិយាអតីតនាយករដ្ឋមន្ត្រីល្បីឈ្មោះ Abe វិញម្តង។

តើស្រ្តីមេម៉ាយ (ភរិយាលោក Shinzo Abe) ជានរណា?

លោកស្រី Akie Abe អាយុ៦០ឆ្នាំ បានកើត​ក្នុង​ត្រកូលគ្រួសារ​អ្នកមាន​មួយនៅប្រទេសជប៉ុន។ ឪពុកគាត់ជាប្រធានក្រុមហ៊ុនធ្វើនំ Morinaga & Co.។ លោកស្រី បានសិក្សានៅសាលាឯកជនមួយសម្រាប់តែសិស្សស្រី ហើយក្រោយមកបានធ្វើការឱ្យក្រុមហ៊ុនផ្សាយពាណិជ្ជកម្មមួយមុនពេលនាងរៀបការជាមួយលោក Abe ក្នុងឆ្នាំ១៩៨៧។ នេះបើតាមលោក ពុយ គា អ្នកឆ្លើយឆ្លងព័ត៌មានឱ្យទីភ្នាក់ងារសារព័ត៌មានជប៉ុន ក្យូដូ។

លោកស្រី Akie ធ្លាប់ធ្វើការជាឌីជេឱ្យវិទ្យុមួយនៅប្រទេសជប៉ុនក្នុងទសវត្សរ៍ឆ្នាំ១៩៩០នៅក្នុងទីក្រុងកំណើតរបស់លោក Abe ហើយទទួលបានប្រជាប្រិយភាពក្នុងចំណោមអ្នកស្តាប់តាមរយៈឈ្មោះហៅក្រៅរបស់គាត់ថា “Akky”។

នៅខែមីនា ឆ្នាំ២០១១ លោកស្រីបានបញ្ចប់ថ្នាក់បរិញ្ញាបត្រ អនុបណ្ឌិតរដ្ឋបាលជំនាញផ្នែករចនាសង្គម។ លោក អាបេ និង​ភរិយា​មិន​មាន​កូន​ទេ ទោះបីជាបាន​ឆ្លងកាត់​នីតិវិធីពេទ្យ​ជា​ច្រើន​លើកចង់ឱ្យមាន​កូន​ក្តី៕

The post អតីតនាយករដ្ឋមន្ត្រីជប៉ុន Abe មិនមានកូននោះទេ មរណភាពលោកបន្សល់ទុកភរិយាមេម៉ាយម្នាក់ឯង appeared first on .

តាមរយៈសារជាសំឡេងនៅព្រឹកថ្ងៃទី៩ កក្កដានេះ សម្តេចតេជោ ហ៊ុន សែន បានចាត់ទុក មរណភាពរបស់លោក អាបេ ស៊ិនហ្សូ មិនត្រឹមតែជាការបាត់ប្រកបដោយភាពសោកស្តាយ តក់ស្លុត រន្ធត់ និងអាឡោះអាល័យសម្រាប់តែប្រជាពលរដ្ឋជប៉ុនប៉ុណ្ណោះ តែសម្រាប់ប្រជាពលរដ្ឋនៅលើពិភពលោក រួមទាំងប្រជាពលរដ្ឋកម្ពុជាផងដែរ។

សម្តេចបញ្ជាក់ថា ក្នុងការកាន់តំណែងជានាយករដ្ឋមន្ត្រីជប៉ុនទាំងពីរលើកលោក អាបេ ស៊ិនហ្សូ បានប្រឹងប្រែងយ៉ាងខ្លាំងដល់ការជំរុញទំនាក់ទំនងរវាងជប៉ុន និងកម្ពុជា រហូតក្លាយទៅជាដៃគូយុទ្ធសាស្ត្រនៅឆ្នាំ២០១៣។ បន្ថែមពីលើនោះ លោក អាបេ ក៏បានជំរុញនូវការផ្តល់ជំនួយគាំទ្រដល់ការអភិវឌ្ឍគ្រប់វិស័យនៅកម្ពុជា រួមទាំងហេដ្ឋារចនាសម្ព័ន្ធផងដែរ។ លោក អាបេ ក៏ជានាយករដ្ឋមន្ត្រី ដែលបានជំរុញដល់ទំនាក់ទំនងរវាងអាស៊ាន និងជប៉ុន និងជំរុញដល់ទំនាក់ទំនងមេគង្គ-ជប៉ុនផងដែរ។

សម្តេចតេជោនាយករដ្ឋមន្ត្រី ថ្លែងបញ្ជាក់ថា ដើម្បីសម្តែងនូវការដឹងគុណចំពោះមនោសញ្ចេតនាការស្រឡាញ់ដ៏ស្មោះត្រង់របស់លោក អាបេ ស៊ិនហ្សូ បានសម្រេចឱ្យមានការកាន់មរណទុក្ខនៅទូទាំងប្រទេសមួយថ្ងៃ គឺនៅថ្ងៃអាទិត្យ ទី១០ ខែកក្កដា ឆ្នាំ២០២២។

ទន្ទឹមនឹងនោះ សម្តេចតេជោ ហ៊ុន សែន បានណែនាំដល់គណៈកម្មាធិការបុណ្យជាតិ និងអន្តរជាតិ ឱ្យយកចិត្តទុកដាក់រៀបចំការកាន់មរណទុក្ខនេះ ដោយតម្រូវឱ្យមានការបង្ហូតទង់ជាតិនៅពាក់កណ្តាលដង នៅតាមសាលារៀន និងតាមក្រសួង ស្ថាប័ននានារបស់ជាតិ៕

The post មេដឹកនាំកម្ពុជា ប្រកាសឱ្យពលរដ្ឋចូលរួមកាន់ទុក្ខទូទាំងប្រទេស ចំពោះមរណភាពអតីតនាយករដ្ឋមន្ត្រីជប៉ុន appeared first on .

ក្នុង​អំឡុងពេល​កំពុង​ថ្លែង​សន្ទរកថា គេ​មាន​លឺ​សូរ​សំលេង​ផ្ទុះ​ដូច​គ្រាប់​កាំភ្លើង ២ ដង រួចហើយ​ស្រាប់តែ​លោក​ អាបេ ដេក​ដួល​សន្លប់​នៅ​នឹង​កន្លែង ខណៈ​ជនសង្ស័យ​ត្រូវ​បាន​ចាប់ខ្លួន​ភ្លាមៗ។

បើ​ទោះ​ជា​បាន​បញ្ជូន​ទៅ​កាន់​មន្ទីរពេទ្យ​ភ្លាមៗ​ក្ដី ប៉ុន្តែ​ក្រុម​គ្រូពេទ្យ​មិន​អាច​សង្គ្រោះ​លោក​ អាបេ បាន​ទាន់​ពេល​វេលា​ឡើយ ដោយសារ​តែ​របួស​នៅ​កន្លែង​សំខាន់ៗ​ដូចជា គ្រាប់​កាំភ្លើង​បាន​ទម្លុះ​ដើមទ្រូង​របស់​លោក​។

លោក ស៊ីនហ្សូ អាបេ បាន​ទទួល​មរណភាព​នៅ​អាយុ ៦៧ ឆ្នាំ ដោយសារ​ការ​បាញ់​ប្រហារ​ពី​បុរស​អំឡុងពេល​ឃោសនា​រក​សន្លឹកឆ្នោត សម្រាប់​ការ​បោះឆ្នោត​សភា​ជាន់ខ្ពស់។ លោក​ធ្លាប់​បាន​កាន់តំណែង​ជា​នាយករដ្ឋមន្ត្រី​ជប៉ុន​ពីឆ្នាំ ២០០៦ ដល់ ២០០៧ និង​ពី ២០១២ ដល់ ២០២០៕

The post BREAKING NEWS: អតីត​នាយករដ្ឋមន្ត្រី​ជប៉ុន​ទទួល​មរណភាព​ នៅ​អាយុ ៦៧ ឆ្នាំ appeared first on .

បើ​ទោះ​ជា​អតីត​នាយករដ្ឋមន្ត្រី​ខាងលើ ត្រូវ​បាន​បញ្ជូន​ទៅ​កាន់​មន្ទីរពេទ្យ​ភ្លាមៗ​ក៏​ពិត​មែន ប៉ុន្តែ​ស្ថានការណ៍​បច្ចុប្បន្ន​របស់​លោក​គឺ​នៅ​ធ្ងន់ធ្ងរ​ខ្លាំង ខណៈ​ក្រុម​គ្រូពេទ្យ​កំពុង​ព្យាយាម​ធ្វើការ​សង្គ្រោះបន្ទាន់។

ដោយឡែក ជន​សង្ស័យ​ក៏​ត្រូវ​បាន​ឃាត់ខ្លួន​ភ្លាមៗ​ពី​ក្រុមប៉ូលិស​នៅ​ទីនោះ​ផងដែរ និង​បាន​កំណត់​អត្តសញ្ញាណ​របស់​គេ ដោយ​មាន​ឈ្មោះ​ថា Tetsuya Yamagami ដែល​មាន​វ័យ ៤១ ឆ្នាំ ហើយ​បើ​តាម​ចម្លើយ​សារភាព​ គេ​អះអាង​ថា មិន​ពេញ​ចិត្ត​ជាមួយ​លោក​អាបេ ដូច្នេះ​ទើប​ចង់​សម្លាប់​ចោល។

សូម​ជម្រាប​ដែរ​ថា ជនសង្ស័យ​ខាងលើ​គឺ​ត្រូវបាន​គេ​រាយការណ៍​មក​ថា ធ្លាប់​ជា​សមាជិក​នៃ​ក្រុម​ការពារ​ដែន​ទឹក​របស់​ជប៉ុន ឬ​គេ​និយម​ហៅ​ថា​ក្រុម Navy ជប៉ុន។

មកទល់​នឹង​ពេលនេះ ​មិនមាន​ព័ត៌មាន​ជាក់លាក់​ណា​ស្ដី​ពី​ស្ថានភាព​របស់​លោក​អាបេ​នៅឡើយ ស្របពេល​ថ្នាក់ដឹកនាំ និង​ប្រជាជន​ទូទាំង​ពិភពលោក កំពុង​បន់ស្រន់​សូម​ឲ្យ​អតីត​នាយករដ្ឋមន្ត្រី​ជប៉ុន​ អាច​ឆ្លង​ផុត​ពី​គ្រោះ​ដ៏​អាក្រក់​មួយ​នេះ​ចុះ៕

The post ជនសង្ស័យ​បាញ់​អតីត​នាយករដ្ឋមន្ត្រី​ជប៉ុន ធ្លាប់​បម្រើការ​នៅ​អង្គភាព​ពិសេស​មួយ​របស់​រដ្ឋាភិបាល appeared first on .

គួរឱ្យដឹងថា លោក Abe មានជំងឺរលាកពោះវៀនធំ ដែលជាជំងឺពោះវៀន មិនអាចព្យាបាលឱ្យជាដាច់បានឡើយ ខណ:នេះក៏ជាកត្តាមួយផងដែរ ដែលធ្វើឱ្យលោកសម្រេចចិត្តលាលែងពីតំណែងជានាយករដ្ឋមន្ត្រីជប៉ុន នៅក្នុងឆ្នាំ ២០០៧ ក្រោយពេលបញ្ចប់អាណត្តិជាដំបូងរបស់គាត់ បន្ទាប់ពីឡើងកាន់តំណែងបានជាងមួយឆ្នាំ ។

រំលឹងថា អាណត្តិដំបូងរបស់លោក Abe បានប្រឈមមុខជាមួយនឹងបញ្ហា​ចម្រូងចម្រាស​ជាច្រើន រួមទាំងស្ថានភាពសុខភាពរបស់លោក កាន់តែអាក្រក់ទៅផងដែរ ប៉ុន្តែយ៉ាងណា នៅទីបំផុត លោកក៏បានវិលត្រលប់មកកាន់តំណែងជាថ្មីម្តងទៀត នៅឆ្នាំ ២០១២ ។

ហើយបន្ទាប់ពីការវិលត្រលប់មកក្លាយជាមេដឹកនាំជប៉ុនជាលើកទី ២ នេះ លោក Abe បានក្លាយជាមនុស្សដ៏មានភាពលេចធ្លោបំផុត នៅក្នុងឆាកនយោបាយជប៉ុន ដោយបន្តឈ្នះអាណត្តិទីបី ៣ នៅក្នុងឆ្នាំ ២០១៧ និងទី ៤ នៅឆ្នាំ ២០១៩ ។

យ៉ាងណាជុំវិញភាពលេចធ្លោ នៅក្នុងនាមជាអ្នកដឹកនាំជប៉ុនដ៏មាន​ឥទ្ធិពល​នេះ យើងមកដឹងអំពីប្រវត្តិខ្លះៗរបស់លោក Abe ដូចតទៅ ៖

លោក Shinzo Abe កើតនៅថ្ងៃទី ២១ ខែកញ្ញា ឆ្នាំ ១៩៥៤ នៅឯទីក្រុងតូក្យូ ប្រទេសជប៉ុន ខណ:លោកគឺជាសមាជិកនៃគ្រួសារ ដែលប្រឡូកក្នុងឆាកនយោបាយដ៏លេចធ្លោបំផុតមួយ ដោយមានជីតា ធ្លាប់បម្រើការជានាយករដ្ឋមន្ត្រីជប៉ុន ពីឆ្នាំ ១៩៥៧ ដល់ ឆ្នាំ ១៩៧២ ស្របពេលពូរបស់លោកវិញ បានកាន់មុខតំណែងដូចគ្នានេះផងដែរ ពីឆ្នាំ ១៩៦៤ ដល់ ១៩៧២ ។

បន្ទាប់ពីបានបញ្ចប់កាសិក្សាពីសាកលវិទ្យាល័យ Seikei ក្នុងទីក្រុងតូក្យូ នៅឆ្នាំ ១៩៧៧ លោក Abe បានផ្លាស់ទៅសហរដ្ឋអាមេរិក ជាកន្លែងដែលលោក បានសិក្សាលើមុខវិជ្ជា វិទ្យាសាស្រ្តនយោបាយ នៅសាកលវិទ្យាល័យ University of Southern California រដ្ឋ Los Angeles ។

នៅឆ្នាំ ១៩៧៩ លោកបានវិលត្រលប់មកកាន់ប្រទេសជប៉ុនវិញ នឹងចាប់ផ្តើមប្រឡូកក្នុងនយោបាយដំបូង ជាមួយនឹងការចូលរួមក្នុងគណបក្ស Liberal-Democratic Party (LDP) ហើយលុះដល់ឆ្នាំ ១៩៨២ លោក បានចាប់ផ្តើមធ្វើការជាលេខាឪពុករបស់ខ្លួន គឺលោក Abe Shintaro ដែលជារដ្ឋមន្ត្រីការបរទេស របស់ប្រទេសជប៉ុន។

រហូតដល់ឆ្នាំ ២០០៣ លោក Abe ត្រូវបានតែងតាំងជាអគ្គលេខាធិការរបស់បក្ស LDP ហើយបានបន្តស្នងតំណែងរបស់មេដឹកនាំបក្ស LDP និងជានាយករដ្ឋមន្ត្រីជាជប៉ុន លោក Koizumi Junichiro ដែលត្រូវបានបង្ខំឱ្យចាកចេញពីតំណែង នៅក្នុងឆ្នាំ ២០០៦ ក្រោយផុតអាណត្តិ ។

ពេលនោះហើយ ដែលលោក Abe បានក្លាយជានាយករដ្ឋមន្ត្រីដំបូងរបស់ប្រទេស និងជាមេដឹកនាំវ័យក្មេងជាងគេបំផុត ចាប់តាំងពីមានសង្គ្រាមលោកមក ។

គួរឱ្យដឹងថា លោក Abe ត្រូវបានគេស្គាល់យ៉ាងទូលំទូលាយថាជាអ្នកជាតិនិយម និងមាន​ទំនោរ​ទៅខាងស្តាំនិយម ខណ:អាណត្តិរបស់លោក អំឡុងពេលជានាយករដ្ឋមន្ត្រីជប៉ុន ត្រូវបានគេស្គាល់ជាអន្តជាតិ លើប្រព័ន្ធគោលនយោបាយសេដ្ឋកិច្ចដ៏ខ្លាំងក្លាមួយ ដែលជំរុញទៅលើសារពើពន្ធ ការបន្ធូរបន្ថយរូបិយវត្ថុ និងកំណែទម្រង់រចនាសម្ព័ន្ធនៅក្នុងប្រទេស ៕

The post ស៊ីនហ្សូ អាបេ មាន​ឈាមជ័រ​ជា​អ្នកនយោបាយដ៏មានឥទ្ធិពល appeared first on .

មុននេះបន្តិច អ្នកយកការណ៍នៃ​ប្រភព​ដដែល​បាន​ឲ្យ​ដឹងថា លោក Abe ត្រូវបាន​បញ្ជូន​ទៅ​កាន់​មន្ទីរពេទ្យភ្លាមៗ ក្រោយ​រងរបួសពីការបាញ់ប្រហារ ប៉ុន្តែទៅដល់​មន្ទីរពេទ្យមិនបានប៉ុន្មានផង លោកក៏ធ្លាក់​នៅក្នុង​សភាពកាន់តែយ៉ាប់យ៉ឺន ពោល​គឺ​ចង្វាក់បេះដូងលែងដំណើរការ និង​កំពុងស្ថិតក្នុងដំណាក់កាលសង្គ្រោះបន្ទាន់។

ព័ត៌មានលំអិត នឹង​ផ្សាយជូននាពេលបន្តិចទៀតនេះ៕

The post Update: អតីតនាយករដ្ឋមន្ត្រីជប៉ុន កំពុងស្ថិតក្នុង​ដំណាក់កាលសង្គ្រោះបន្ទាន់ ក្រោយចង្វាក់បេះដូង​លែងដំណើរការ appeared first on .

ប្រភព​ដដែល​បន្ថែម​ថា គេ​បាន​លឺ​សម្លេង​ផ្ទុះ​ដូច​ជា​ការ​បាញ់​កាំភ្លើង ហើយ​ភ្លាមៗ​នោះ​ក៏​ប្រទះ​ឃើញ​អតីត​នាយក​រដ្ឋមន្ត្រី​ជប៉ុន​ដួល​សន្លប់​នៅ​កន្លែង​តែ​ម្ដង។

យោង​តាម​ការ​ឲ្យ​ដឹង​ពី​អ្នកស្រាវជ្រាវ​នៅ​កន្លែង​កើតហេតុ​បាន​ឲ្យ​ដឹងថា​ ប៉ូលិស​បាន​ឃាត់​ខ្លួន​ជនសង្ស័យ​ភេទ​ប្រុស​ម្នាក់ ខណៈ​ក្រៅពី​លោក Abe ក៏​មាន​មនុស្ស​មួយ​ចំនួន​ទៀត​រង​របួស​ផង​ដែរនៅក្នុង​ហេតុការណ៍​មួយ​នេះ៕

The post BREAKING News: អតីត​នាយក​រដ្ឋមន្ត្រី​ជប៉ុន Abe ត្រូវបាន​គេ​បាញ់​ អំឡុងពេល​ថ្លែង​សន្ទរកថា appeared first on .