ក្រុមហ៊ុន Stellantis ក៏បានបង្ហាញឲ្យដឹងទៀតថា សម្រាប់ប្រាក់ចំណូលសរុបរបស់ខ្លួន សម្រាប់ឆមាសទី១ នេះ អាចមានចំនួនសរុបប្រមាណ ៧៤,៣ពាន់លានអឺរ៉ូ ពោលគឺបានធ្លាក់ចុះ ១២,៦% បើធៀបទៅនឹងឆ្នាំមុន ខណ:ពេលដែលការនាំចេញសរុប ក្នុងត្រីមាសទី២ បានធ្លាក់ចុះ ៦% មកនៅត្រឹមចំនួន ១,៤ លានគ្រឿងប៉ុណ្ណោះ។

យ៉ាងណាមិញ ក្រុមហ៊ុនដែលផលិតរថយន្តលំដាប់កំពូលដូចជា Jeep, Citroen , Ram , Dodge, Chrysler និង Peugeot បានបង្ហាញថាការខាតបង់ដ៏ច្រើននេះ គឺត្រូវបានកើតឡើង ដោយសារតែការចំណាយលើការរៀបចំរចនាសម្ព័ន្ធឡើងវិញ ក៏ដូចជាការលក់ចុះខ្សោយ និងការរងប៉ះពាល់ដោយសារតែវិធានការពន្ធគយរបស់សហរដ្ឋអាមេរិក ផងដែរ។

ក្រុមហ៊ុន Stellantis បាននិយាយផងដែរថា ខ្លួនបានទទួលយកការសម្រេចចិត្តដែលលំបាកបំផុតមិនធ្លាប់មានពីមុនមក ដើម្បីបង្ហាញពីទិន្នន័យហិរញ្ញវត្ថុបឋមរបស់ខ្លួន សម្រាប់ឆមាសទីមួយ ឆ្នាំនេះ ដើម្បីដោះស្រាយគម្លាតរវាងការព្យាកររបស់អ្នកវិភាគ និងការអនុវត្តរបស់ក្រុមហ៊ុន សម្រាប់រយៈពេលនេះ៕​

The post ក្រុមហ៊ុនផលិតរថយន្តខ្នាតយក្ស Stellantis ទំនងខាតបង់សរុប ២,៧ពាន់លានដុល្លារ នៅក្នុងឆមាសទី១ appeared first on .

ជុំវិញការចាកចេញពីតំណែងរបស់លោក Tevares នេះ បានកើតឡើង ក្រោយក្រុមហ៊ុន Stellantis បានរាយការណ៍ពីការធ្លាក់ចុះយ៉ាងខ្លាំងនៃការលក់ រួមទាំងការការបញ្ឈប់បុគ្គលិកនៅរោងចក្រជាច្រើនរបស់ខ្លួន ស្របពេលមានការអំពាវនាវឲ្យចុះចេញពីតំណែង ពីសំណាក់សហជីព United Auto Workers (UAW) ដែលជាស្ថាប័នតំណាងឲ្យក្រុមកម្មករនៅសហរដ្ឋអាមេរិក។

គួរឲ្យដឹងផងដែរថា លោក Tavares បច្ចុប្បន្នវ័យ ៦៦ឆ្នាំ ជាពាណិជ្ជករជនជាតិព័រទុយហ្គាល់ ដែលបានចូលរួមជាផ្នែកដ៏សំខាន់ក្នុងការច្របាច់បញ្ចូលគ្នា រវាងក្រុមហ៊ុនផលិតរថយន្តរបស់បារាំង PSA Group និងក្រុមហ៊ុនផលិតរថយន្តអឺរ៉ុប-អាមេរិក Fiat-Chrysler ឲ្យក្លាយទៅជាក្រុមហ៊ុនតែមួយ និងបានប្តូរឈ្មោះទៅជា Stellantis ។

ហើយយ៉ាងណាមិញ ចំពោះការចុះចេញពីតំណែងនេះ មានន័យថាលោក Tavares នឹងត្រូវបញ្ចប់តួនាទីរបស់ខ្លួនភ្លាមៗ មុនពេលកិច្ចសន្យាបច្ចុប្បន្នដែលនឹងត្រូវបញ្ចប់ នៅដើមឆ្នាំ២០២៦។

នៅក្នុងត្រីមាសទី៣ Stellantis បានប្រកាសថាប្រាក់ចំណូលសុទ្ធរបស់ខ្លួនមានចំនួនត្រឹម ៣៣ពាន់លានអឺរ៉ូ (ប្រហែល ៣៦ពាន់លានដុល្លារ) ប៉ុណ្ណោះ ពោលគឺធ្លាក់ចុះពី ៤៥ពាន់លានអឺរ៉ូ ក្នុងរយៈពេលដូចគ្នាកាលពីឆ្នាំមុន ដោយសារភាពចន្លោះប្រហោងក្នុងការចេញលក់ផលិតផលថ្មី និងសកម្មភាពកាត់បន្ថយការនាំចេញរថយន្តនៅទូទាំងពិភពលោក ២០% ផងដែរ។

ជម្រាបជូនផងដែរថា Stellantis បច្ចុប្បន្នជាក្រុមហ៊ុនផលិតរថយន្តធំជាងគេបំផុតទីបួន នៅលើពិភពលោក ដោយតាមពីក្រោយ Toyota, Volkswagen Group និង Hyundai Motor Group៕

The post នាយកប្រតិបត្តិក្រុមហ៊ុនផលិតរថយន្តលំដាប់កំពូល Stellantis ប្រកាសលាលែងចេញពីតំណែង appeared first on .

​ការព្រមានបែបនេះ ត្រូវបានធ្វើឡើង អំឡុងការជួប​ជុំ​ដ៏ធំមួយរបស់លោក ត្រាំ ​ក្នុង​រដ្ឋ Michigan ខណ:ពេលដែលមានរបាយការណ៍ថា ក្រុមហ៊ុន Stellantis ​កំពុង​បញ្ជូន​រថយន្ត​ម៉ូដែល ​Chrysler ដ៏ពេញនិយមរបស់ខ្លួន ទៅផលិតនៅក្នុងប្រទេស​ម៉ិកស៊ិកវិញ។

យ៉ាងណាមិញ លោក ត្រាំ បាននិយាយថា ៖”យើងនឹងប្រាប់ទៅកាន់ Stellantis ថាប្រសិនបើពួកគេមានគម្រោងផ្លាស់ប្តូរទីតាំងផលិតរបស់ពួកគេ យើងនឹងគិតថ្លៃពន្ធ ១០០% លើគ្រប់រថយន្តទាំងអស់ ហើយពួកគេនឹងមិនអាចផ្លាស់ទីទៅណាបាននោះទេ” ។

គួរឲ្យដឹងថា ការលើកឡើងរបស់លោក ត្រាំ បែបនេះ បានកើតឡើង ស្របពេលជាមួយនឹងការសម្រេចចិត្តនាពេលថ្មីៗនេះរបស់ក្រុមហ៊ុន Stellantis ក្នុងការពង្រីករោងចក្រដំឡើងរថយន្ត Saltillo Truck Assembly (STAP) របស់ខ្លួន នៅក្នុងប្រទេសម៉ិកស៊ិក ដែលជាសកម្មភាពមួយ​បង្ក​មានការជជែកដេញដោល ក្នុងចំណោមកម្មករ និងអ្នកនយោបាយអាមេរិក។

ប៉ុន្តែទោះជាយ៉ាងណានាយកប្រតិបត្តិក្រុមហ៊ុនផលិតរថយន្ត Chrysler និងប្រភេទភីកអាប់ Ram លោក Chris Feuell បានពន្យល់ពីហេតុផលនៅពីក្រោយការពង្រីកនេះថា វាគ្រាន់តែផែនការសន្ទះសង្គ្រោះចាំបាច់មួយប៉ុណ្ណោះ សម្រាប់រោងចក្រ Sterling Heights Assembly Plant (SHAP) នៅរដ្ឋ Michigan ដែលជិតដល់កម្រិតសមត្ថភាពផលិតរបស់វា៕

The post លោក ត្រាំ ​ព្រមាន​យកពន្ធ ១០០% លើក្រុមហ៊ុនផលិតរថយន្តខ្នាតយក្ស Stellantis បើហ៊ានប្តូរទីតាំងទៅប្រទេសម៉ិកស៊ិក appeared first on .