យោងតាមការចុះផ្សាយពីសារព័ត៌មាន Bloomberg បានរាយការណ៍ថា ការហក់ឡើងខ្ពស់នៃទ្រព្យសម្បត្តិរបស់លោក Pichai ត្រូវបានជំរុញដោយការកើនឡើងនៃភាគហ៊ុន នាពេលថ្មីៗនេះ របស់ក្រុមហ៊ុន Alphabet ។

ភាគហ៊ុនរបស់ Alphabet បានកើនឡើងដល់ ៤,១% នៅក្នុងការជួញដូចចុងក្រោយកាលពីសប្តាហ៍មុន បន្ទាប់ពីក្រុមហ៊ុនបានរាយការណ៍ពីការកើនឡើងនូវប្រាក់ចំណូល និងប្រាក់ចំណេញល្អប្រសើរជាងការរំពឹងទុក សម្រាប់ត្រីមាសទីពីរ។

គួរឲ្យដឹងថា លោក Pichai កាន់កាប់ភាគហ៊ុនប្រមាណ ០,០២% នៅក្នុង Alphabet ដែលមានតម្លៃសរុបប្រហែល ៤៤០លានដុល្លារ។ តែទោះជាយ៉ាងណាក៏ដោយ ប្រភពចំណូលជាចម្បងរបស់លោក ភាគច្រើនទទួលបានពីការលក់ភាគហ៊ុន និងប្រាក់បៀវត្សរ៍ផ្អែកលើលទ្ធផលដែលលោកទទួលបានពីការដឹកនាំក្រុមហ៊ុន នៅក្នុងរយ:ពេលជិត ១០ឆ្នាំកន្លងមក។

ជម្រាបជូនផងដែរថា លោក Pichai បានចូលរួមជាមួយ Google ក្នុងឆ្នាំ២០០៤ ។ លោក​បាន​ឡើង​កាន់​តំណែង​ជា​នាយក​ប្រតិបត្តិ​របស់ក្រុមហ៊ុន នៅក្នុង​ឆ្នាំ២០១៥ ខណៈ​ដែល​ក្រុមហ៊ុន​បាន​រៀបចំ​រចនាសម្ព័ន្ធ​ឡើង​វិញ​ដើម្បី​ក្លាយ​ជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុន​ Alphabet ដែល​ទើប​បង្កើត​ថ្មី៕

The post ទីបំផុត CEO ក្រុមហ៊ុនមេ Google ឡើងងារជាមហាសេដ្ឋី ក្រោយដឹកនាំក្រុមហ៊ុនជិត ១០ឆ្នាំ appeared first on .