ក្រុមហ៊ុនតៃវ៉ាន់ TSMC បង្ហាញកិច្ចព្រមព្រៀងគម្រោងសាងសង់រោងចក្រផលិតបន្ទះឈីបនៅអឺរ៉ុប

monyokn — Wed, 09 Aug 2023 07:19:48 +0000

កាលពីថ្ងៃអង្គារកន្លងទៅ ក្រុមហ៊ុន Taiwan Semiconductor Manufacturing Co. បានបង្ហាញពីកិច្ចព្រមព្រៀងស្តីពីគម្រោងសាងសង់រោងចក្រផលិតបន្ទះឈីបដំបូងរបស់ខ្លួននាទឹកដីអឺរ៉ុបក្នុងទីក្រុង Dresden ប្រទេសអាឡឺម៉ង់។ នេះបើតាមការចុះផ្សាយដោយសារព័ត៌មាន Nikkei Asia ។

ក្រុមហ៊ុនបាននិយាយថា ខ្លួននឹងដាក់ទុនប្រមាណ ៣,៨៨ពាន់លានដុល្លារ ឬស្មើរនឹង ៧០%នៃភាគហ៊ុនរបស់ក្រុមហ៊ុន European Semiconductor Manufacturing Co.។

ក្នុងនោះដែរ ដៃគូបណ្តាក់ទុនវិនិយោគចំនួន ៣ទៀត រួមមានក្រុមហ៊ុន Infineon Technologies, ក្រុមហ៊ុន Robert Bosch និងក្រុមហ៊ុន NXP Semiconductors នឹងកាន់កាប់ភាគហ៊ុន ១០%រៀងគ្នាផងដែរ។

ជាមួយគ្នានោះ ការវិនិយោគសរុបនៅក្នុងគម្រោងនេះ ត្រូវបានគេរំពឹងថានឹងលើសពី ១០ពាន់លានដុល្លារ ក្រោមការគាំទ្រពីសហភាពអឺរ៉ុប និងរដ្ឋាភិបាលប្រទេសអាឡឺម៉ង់។

ដោយឡែក ការសាង់សង់រោងចក្រនេះគ្រោងនឹងចាប់ផ្តើមនៅពាក់កណ្តាលឆ្នាំ ២០២៤ និងអាចបង្កើតការងារបានចំនួន ២០០០កន្លែង ខណៈដែលការផលិតវិញនឹងចាប់ផ្តើមនៅចុងឆ្នាំ ២០២៧ឯណោះ៕

The post ក្រុមហ៊ុនតៃវ៉ាន់ TSMC បង្ហាញកិច្ចព្រមព្រៀងគម្រោងសាងសង់រោងចក្រផលិតបន្ទះឈីបនៅអឺរ៉ុប appeared first on .

ណែនាំឲ្យស្គាល់ក្រុមហ៊ុន ១០ ដែលមានទ្រព្យធនច្រើនបំផុតនៅឆ្នាំ២០២១ នេះ

ឧកញ៉ាសំពៅ — Thu, 30 Sep 2021 07:10:29 +0000

បើនិយាយដល់ក្រុមហ៊ុនលំដាប់ពិភពលោកជឿថាប្រិយមិត្តប្រាកដជានឹកឃើញដល់ក្រុមហ៊ុន Amazon ឬក៏ Microsoft មុនគេជាមិនខាន ក៏ព្រោះតែស្ថាបនិកនៃក្រុមហ៊ុនទាំង ២ នេះ គឺសុទ្ធតែជាប់ឈ្មោះជាមហាសេដ្ឋីមានបំផុតក្នុងលោកនាពេលបច្ចុប្បន្ន។

យ៉ាងណា ថ្វីបើក្រុមហ៊ុនទាំង ២ ជាក្រុមហ៊ុនមានលំដាប់ពិភពលោកក៏ពិតមែន តែវាមិនមែនជាក្រុមហ៊ុនមានដាច់គេឡើយ ខណៈបើផ្អែកតាមមូលធនទីផ្សារនាខែសីហា បានបង្ហាញថា APPLE Inc ទៅវិញទេ ទើបជាក្រុមហ៊ុនមានបំផុតលើលោក។

បញ្ជីឈ្មោះក្រុមហ៊ុនមានបំផុតលើលោកនាពេលបច្ចុប្បន្ន៖

1/ Apple Inc មានមូលធនទីផ្សារប្រមាណ ២,៤ ទ្រីលានដុល្លារ

2/ Microsoft មានមូលធនទីផ្សារប្រមាណ ២,១៤ ទ្រីលានដុល្លារ

3/ Saudi Aramco មានមូលធនទីផ្សារប្រមាណ ១,៨៦ ទ្រីលានដុល្លារ

4/ Alphabet មានមូលធនទីផ្សារប្រមាណ ១,៨ ទ្រីលានដុល្លារ

5/ Amazon មានមូលធនទីផ្សារប្រមាណ ១,៦៨ ទ្រីលានដុល្លារ

6/ Facebook មានមូលធនទីផ្សារប្រមាណ ៩៩២ ពាន់លានដុល្លារ

7/ Tesla មានមូលធនទីផ្សារប្រមាណ ៧០៣ ពាន់លានដុល្លារ

8/ Berkshire Hathaway មានមូលធនទីផ្សារប្រមាណ ៦៣៦ ពាន់លានដុល្លារ

9/ Taiwan Semiconductor មានមូលធនទីផ្សារប្រមាណ ៦០៦ ពាន់លានដុល្លារ

10/ Tencent Holdings មានមូលធនទីផ្សារប្រមាណ ៥៩២ ពាន់លានដុល្លារ

បញ្ជាក់ ទិន្នន័យខាងលើនេះគឺគិតត្រឹមខែសីហា ២០២១ ប៉ុណ្ណោះ៕

ប្រភព: thetealmango

The post ណែនាំឲ្យស្គាល់ក្រុមហ៊ុន ១០ ដែលមានទ្រព្យធនច្រើនបំផុតនៅឆ្នាំ២០២១ នេះ appeared first on .

Taiwan Semiconductor

ក្រុមហ៊ុនតៃវ៉ាន់ TSMC បង្ហាញកិច្ចព្រមព្រៀងគម្រោងសាងសង់រោងចក្រផលិតបន្ទះឈីបនៅអឺរ៉ុប

​​ណែនាំ​ឲ្យ​ស្គាល់​ក្រុមហ៊ុន​​​ ១០ ដែល​មានទ្រព្យ​ធន​ច្រើន​បំផុត​​នៅ​ឆ្នាំ​២០២១ នេះ

ណែនាំឲ្យស្គាល់ក្រុមហ៊ុន ១០ ដែលមានទ្រព្យធនច្រើនបំផុតនៅឆ្នាំ២០២១ នេះ