ថ្លែងនៅក្នុងឱកាស អញ្ជើញជាអធិបតីក្នុងពិធីប្រគល់សញ្ញាបត្រជូនសិស្ស-និស្សិតជ័យលាភីវិទ្យាស្ថានពហុបច្ចេកទេសភូមិភាគតេជោសែនកំពត កាលពីថ្ងៃទី១៨ ខែកក្កដា ឆ្នាំ២០២៦ លោក ហេង សួរ បានលើកឡើងអបអរសាទរចំពោះសិស្ស-និស្សិតដែលទទួលជ័យលាភី ដែលជោគជ័យនេះកើតចេញពីការសម្រេចចិត្តដ៏ត្រឹមត្រូវក្នុងការចាប់យកការអប់រំបណ្តុះបណ្តាលបច្ចេកទេសនិងវិជ្ជាជីវៈ (ធីវេត “TVET”) ធ្វើជា ស្ពានចម្លង សម្រាប់កសាងអនាគតដ៏ត្រឹមត្រូវ។

លោករដ្ឋមន្រ្ដីបានលើកយកប្រសាសន៍សម្តេចធិបតី ហ៊ុន ម៉ាណែត បញ្ជាក់ថា TVET មិនមែនជាការសិក្សាកម្រិតទី២ ឬមានតម្លៃទាបជាងការអប់រំទូទៅនោះទេ។ ជំនាញ TVET មានគុណតម្លៃស្មើនឹងជំនាញផ្សេងៗ និងឆ្លើយតបតម្រូវការទីផ្សារការងារព្រមទាំងជួយកសាងអនាគតរបស់បុគ្គល គ្រួសារ និងសង្គមជាតិ។

លោករដ្ឋមន្រ្ដីបន្ដថា ការចាប់យកការសិក្សាជំនាញ TVET ជាការវិនិយោគលើមូលធនមនុស្សដ៏មានតម្លៃ និងជាកម្លាំងស្នូលសម្រាប់ការអភិវឌ្ឍសេដ្ឋកិច្ចជាតិ។ ជាក់ស្តែង សិស្ស-និស្សិតដែលបញ្ចប់ការសិក្សាពីវិទ្យាស្ថានមានអត្រាទទួលបានការងារធ្វើប្រមាណ ៩០% ដែលបង្ហាញពីគុណភាពនៃការបណ្តុះបណ្តាល និងការឆ្លើយតបនឹងតម្រូវការទីផ្សារការងារ។

លោក ហេង សួរ បានជំរុញឱ្យសិស្ស-និស្សិតបន្តរៀនសូត្រពេញមួយជីវិត ជាពិសេសពង្រឹងជំនាញទន់ បង្កើនជំនាញនិងផ្លាស់ប្តូរជំនាញ ព្រមទាំងប្រើប្រាស់បច្ចេកវិទ្យាទំនើប និងបញ្ញាសិប្បនិម្មិត ដើម្បីបង្កើនសមត្ថភាពប្រកួតប្រជែង និងឱកាសរីកចម្រើនក្នុងអាជីពការងារ។ ទន្ទឹមនេះ លោកក៏បានលើកទឹកចិត្តឱ្យអាណាព្យាបាលបន្តគាំទ្រកូនចៅឱ្យជ្រើសរើសការសិក្សាជំនាញ TVET សម្រាប់កសាងអនាគត និងលើកកម្ពស់ជីវភាពគ្រួសារ។

លោក ហេង សួរ ក៏បានណែនាំដល់ថ្នាក់ដឹកនាំវិទ្យាស្ថាន និងលោកគ្រូ អ្នកគ្រូ បន្តពង្រឹងគុណភាពបណ្តុះបណ្តាល ពង្រីកកិច្ចសហប្រតិបត្តិការជាមួយវិស័យឯកជន និងធ្វើបច្ចុប្បន្នភាពកម្មវិធីសិក្សាឱ្យស្របតាមតម្រូវការទីផ្សារការងារ ដើម្បីសម្រេចគោលដៅ «ពលរដ្ឋម្នាក់មានជំនាញមួយយ៉ាងតិចប្រចាំជីវិត» និង «រៀនឱ្យចប់ ឱ្យចេះ ឱ្យមានការងារ» ខណៈខេត្តកំពតកំពុងមានសក្តានុពលទាក់ទាញការវិនិយោគ និងត្រូវការកម្លាំងពលកម្មជំនាញកាន់តែច្រើន៕

The post រដ្ឋមន្រ្ដីក្រសួងការងារ លើកទឹកចិត្តយុវជនជ្រើសរើសជំនាញ TVET ដើម្បីមានជំនាញឆ្លើយតបតម្រូវការទីផ្សារការងារ appeared first on .

គួរឱ្យដឹងថា គោលដៅរបស់​សម្តេចធិបតី នាយករដ្ឋមន្រ្តីកម្ពុជា គឺកូនខ្មែរគ្រប់រូបត្រូវមាន​ចំណេះជំនាញមួយយ៉ាងតិចក្នុងជីវិត។

សូមជម្រាបថា សម្តេចធិបតី ធ្លាប់បានមានប្រសាសន៍កន្លងទៅថា ការបណ្តុះបណ្តាលបច្ចេកទេស និងវិជ្ជាជីវៈ ១លាន​ ៥សែននាក់ គឺជាកម្មវិធីពិសេសមួយរបស់រាជរដ្ឋាភិបាលអាណត្តិទី៧ ក្នុងការកៀរគរយុវជនដែលបានបោះបង់ការសិក្សាកន្លងមក និងយុវជន ដែលពុំមានជំនាញឱ្យចូលរៀនជំនាញវិជ្ជាជីវៈ និងបច្ចេកទេស ដើម្បីឱ្យពួកគេមានជំនាញមួយសម្រាប់ជីវិត។

កម្មវិធីបណ្តុះបណ្តាលជំនាញ TVET ១,៥លាននាក់ បានដើរតួនាទីយ៉ាងសំខាន់ក្នុងការបណ្តុះបណ្តាលជំនាញបច្ចេកទេសដល់កម្លាំងពលកម្មនៅកម្ពុជា ដោយចាប់ពីដើមឆ្នាំ២០២៤ មកដល់ត្រីមាសទី១ ឆ្នាំ២០២៦នេះ ប្រជាពលរដ្ឋប្រមាណជាង២៧ម៉ឺននាក់ បានទទួលការបណ្តុះបណ្តាល ដែលជាចំនួនដ៏ធំមួយហើយក្នុងនោះ ប្រមាណ៨០% ទទួលបានឱកាសការងារ ខណៈមួយចំនួនទៀតបានបង្កើតមុខរបរដោយខ្លួនឯង៕

The post យុវជនប្រមាណ ២៧ម៉ឺននាក់ បានទទួលការបណ្តុះបណ្តាលវិជ្ជាជីវៈ ក្នុងគោលដៅ ១.៥លាននាក់ appeared first on .

ការអំពាវនាវនេះ បានធ្វើឡើងនៅក្នុងទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៥ ក្រោមប្រធានបទ «TVET បង្កើនផលិតភាពការងារ និងការប្រកួត ប្រជែងខ្ពស់»ដែលបានប្រារព្ធ​​នាថ្ងៃទី១៥ ខែមិថុនា ឆ្នាំ២០២២ នៅអគារ​​ពិព័រ​​ណ៍ពាណិជ្ជកម្មកោះ ពេជ្រ។

លោករដ្ឋមន្ត្រីបន្តថា មុនដំណាច់ឆ្នាំ២០២០ ក្រសួង ក៏បានដាក់ចេញនូវផែនការមេ សម្រាប់​អភិវឌ្ឍគ្រឹះ​ស្ថានអប់រំ​បណ្តុះ​​បណ្តា​​​លបច្ចេកទេស​និង​វិជ្ជាជីវៈ រយៈពេល៥ឆ្នាំ ពីឆ្នាំ២០២១ ដល់ឆ្នាំ២០២៥ ដែល​​គ្រោងចំណាយថវិកាប្រមាណចំនួន ៤៩៣ លានដុល្លា ដោយផ្តោតលើយុទ្ធសាស្ត្រចំនួន ៤ ។

លោករដ្ឋមន្ត្រី បន្តទៀតថា យុទ្ធសាស្ត្រចំនួន ៤ នោះរួមមាន​១)ការកសាងនិងកែលម្អហេដ្ឋារចនា​​សម្ព័ន្ធរូបវ័ន្តរបស់​​គ្រឹះ​​ស្ថានអប់រំបណ្តុះបណ្តាលបច្ចេកទេសនិងវិជ្ជាជីវៈ ២)-ការបំពាក់ឧបករណ៍ បរិក្ខារ និង​សម្ភារបណ្តុះបណ្តាល ៣)-ការ​​ពង្រឹងសមត្ថភាពអ្នកដឹកនាំ គ្រប់គ្រង មន្រ្តីជំនាញ និងគ្រូបច្ចេកទេស និង៤)-ការបង្កើនបរិមាណ និងគុណភាព ជំនាញ​បច្ចេកទេស និងវិជ្ជាជីវៈប្រកបដោយបរិយា​ប័ន្នយេន​ឌ័រ។

គួរបញ្ជាក់ថា ទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ លើកទី៥ ឆ្នាំ២០២២ ប្រារព្ធឡើង​ក្រោមប្រធានបទ “ធីវែត​​(TVET) បង្កើនផលិតភាពការងារនិងភាពប្រកួតប្រជែងខ្ពស់” ដែលរៀបចំ​ធ្វើឡើងដោយ ក្រសួងការងារ​និង​បណ្តុះ​​បណ្តាល​វិជ្ជាជីវៈ និងមានការចូលរួមសហការគាំទ្រពីក្រសួង-ស្ថាប័ន ក្រុមហ៊ុន សហគ្រាស គ្រឹះស្ថានអប់រំបណ្តុះបណ្តាល​សាធារណៈ ឯកជន អង្គការក្រៅ​រដ្ឋាភិបាល និងដៃគូអភិវឌ្ឍន៍នានា។

ទិវាជាតិនេះធ្វើឡើងក្នុងគោលបំណង ដើម្បីលើកកម្ពស់ការអប់រំបណ្តុះបណ្តាលបច្ចេកទេសនិងវិជ្ជាជីវៈ និងផ្សព្វផ្សាយ​ទៅដល់សិស្សានុសិស្ស យុវជន មាតាបិតា អាណាព្យាបាល និងផ្នែកឯកជនឱ្យបាន​យល់ដឹងអំពី សារសំខាន់នៃការអប់​រំបណ្តុះ​បណ្តាលបច្ចេកទេស និងវិជ្ជាជីវៈ​​ក្នុងការជំរុញការអភិវឌ្ឍ​កម្លាំង​ពលកម្មជំនាញប្រកបដោយគុណភាព និងប្រសិទ្ធ​​ភាព ឱ្យឆ្លើយតបទៅ​នឹងតម្រូវការទីផ្សារការ​ងារក្នុងនិងក្រៅស្រុក៕

The post រដ្ឋមន្ត្រីក្រសួងការងារ ​អំពាវ​នាវដល់វិស័យឯកជន ​វិនិ​យោគបន្ថែម​ទៀត ដើម្បីអភិវឌ្ឍ​​​កម្លាំង​​​ពលកម្ម​ជំ​​​នាញ​នៅកម្ពុជា appeared first on .