ពិធីប្រគល់ឯកសារនេះត្រូវបានធ្វើឡើងកាលពីថ្ងៃទី១៨ ខែកុម្ភៈ ដោយមានការចូលរួមពីលោក To Lam អគ្គលេខាធិការ និងតំណាងថ្នាក់ដឹកនាំវៀតណាម និងសហរដ្ឋអាមារិក ក្នុងអំឡុងពេលធ្វើដំណើរទស្សនកិច្ចទៅកាន់ទីក្រុងវ៉ាស៊ីនតោន ដើម្បីចូលរួមកិច្ចប្រជុំបើកក្រុមប្រឹក្សាសន្តិភាពរបស់លោក ដូណាល់ ត្រាំ។

ក្រុមហ៊ុន Vietjet និងក្រុមហ៊ុន Pratt & Whitney ជាបុត្រសម្ព័ន្ធរបស់ក្រុមហ៊ុន RTX Group ដែលជាក្រុមហ៊ុនផលិតម៉ាស៊ីនយន្តហោះឈានមុខគេនៅលើពិភពលោក របស់សហរដ្ឋអាមេរិក បានចុះហត្ថលេខាលើកិច្ចសន្យាសម្រាប់ការផ្គត់ផ្គង់ម៉ាស៊ីន GTF និងកញ្ចប់សេវាកម្មថែទាំ សម្រាប់យន្តហោះ A321XLR ចំនួន ៤៤ គ្រឿងដែលមានតម្លៃសរុបប្រហែល ៥,៤ពាន់លានដុល្លារ។

យោងតាមកិច្ចព្រមព្រៀងនេះ Pratt & Whitney នឹងបំពាក់ម៉ាស៊ីនជំនាន់ក្រោយដល់យន្តហោះរបស់ Vietjet ដោយបង្កើនប្រសិទ្ធភាពប្រតិបត្តិការ កាត់បន្ថយថ្លៃដើមប្រតិបត្តិការ និងកាត់បន្ថយការបំភាយឧស្ម័ន ស្របតាមយុទ្ធសាស្ត្រអភិវឌ្ឍប្រកបដោយចីរភាព និងការផ្លាស់ប្តូរបៃតងរបស់ Vietjet។

មិនតែប៉ុណ្ណោះ នៅក្នុងក្របខ័ណ្ឌនៃព្រឹត្តិការណ៍នេះ Vietjet ក៏បានចុះហត្ថលេខាលើកិច្ចព្រមព្រៀងហិរញ្ញប្បទានយន្តហោះជាមួយស្ថាប័នអន្តរជាតិ Griffin Global Asset Management ដោយផ្តល់ហិរញ្ញប្បទានសម្រាប់បញ្ជាទិញយន្តហោះ Boeing 737-8 ចំនួន ៦ គ្រឿង ដែលមានតម្លៃប្រហែល ៩៦៥លានដុល្លារ៕​

The post ក្រុមហ៊ុន Vietjet វៀតណាម ចុះកិច្ចព្រមព្រៀងតម្លៃជាង ៦ពាន់លានដុល្លារជាមួយក្រុមហ៊ុនដៃគូអាមេរិក appeared first on .

ក្រុមហ៊ុន Vietjet បាននិយាយថា សម្រាប់កិច្ចព្រមព្រៀងចុងក្រោយនេះ នឹងនាំមកនូវការបញ្ជាទិញយន្តហោះ A330neo សរុបកើនឡើងដល់ចំនួន ៤០ គ្រឿង បន្ទាប់ពីមានកិច្ចព្រមព្រៀងមួយដែលត្រូវបានចុះហត្ថលេខាកាលពីឆ្នាំមុន សម្រាប់ការបញ្ជាទិញយន្តហោះចំនួន A330neo ចំនួន ២០ គ្រឿងរួចម្តងហើយ។

យ៉ាងណាក៏ដោយ ក្រុមហ៊ុនហាក់មិនបានទម្លាយឲ្យដឹងអំពីការចំណាយ ឬព័ត៌មានលម្អិតផ្សេងទៀតអំពីកាលវិភាគនៃការដឹកជញ្ជូននោះទេ ប៉ុន្តែបាននិយាយថា ការបញ្ជាទិញថ្មីនេះ នឹងនាំឲ្យនូវការគាំទ្រដល់ការពង្រីកយុទ្ធសាស្ត្រនៃជើងហោះហើររបស់ក្រុមហ៊ុន ក្នុង​ទសវត្ស​ក្រោយ។

គួរឲ្យដឹងថាកិច្ចព្រមព្រៀងថ្មីផងដែរនេះ ត្រូវបានចុះហត្ថលេខាដោយប្រធានក្រុមហ៊ុន VietJet លោកស្រី Nguyen Thi Phuong Thao និងលោក Wouter van Wersch នាយកប្រតិបត្តិជាន់ខ្ពស់របស់ក្រុមហ៊ុន Airbus ។

ជាមួយគ្នានេះ លោកស្រី Thao បាននិយាយថា ការបញ្ជាទិញថ្មីនេះ នឹងបន្តគាំទ្រដល់ការពង្រីកបណ្តាញជើងហោះហើរជាសាកលរបស់ VietJet ខណៈដែលក្រុមហ៊ុន មានគម្រោងជំរុញការហោះហើរនៅទូទាំងតំបន់អាស៊ីប៉ាស៊ីហ្វិក និងអាចផ្តោតទៅលើសេវាកម្មហោះហើរផ្លូវឆ្ងាយទៅកាន់អឺរ៉ុប នាពេលអនាគត។

ជម្រាបជូនផងដែរថា ការប្រកាសនេះ ត្រូវបានធ្វើឡើង ក្នុងអំឡុងពេលប្រធានាធិបតីបារាំង លោក Emmanuel Macron កំពុងចាប់ផ្តើមបំពេញទស្សនកិច្ចនៅក្នុងប្រទេសវៀតណាម ជាមួយក្តីសង្ឃឹមថា នឹងចុះហត្ថលេខាលើកិច្ចព្រមព្រៀងសំខាន់ៗចំនួន៣០ ក្នុងគោលបំណងជំរុញកិច្ចសហប្រតិបត្តិការក្នុងវិស័យជាច្រើនរួមមាន អាកាសចរណ៍ ថាមពលនុយក្លេអ៊ែរ ផ្លូវដែក ការកកើតឡើងវិញ ស្រាវជ្រាវ ផ្កាយរណប និង​វិស័យ​ការពារ​ជាតិ ជាដើម៕

The post ក្រុមហ៊ុនអាកាសចរណ៍ VietJet បញ្ជាទិញយន្តហោះ Airbus ២០ គ្រឿងបន្ថែម​ ចំពេលមានដំណើរទស្សនកិច្ចរបស់លោក Macron appeared first on .

ក្រុមហ៊ុន VietJet កំពុងត្រៀមថវិកា ៥,៩ពាន់លានដុល្លារ ដើម្បីទិញយន្តហោះប្រភេទ A330-900 ពីក្រុមហ៊ុន Airbus ចំនួន ២០គ្រឿង ដើម្បីជំនួសយន្តហោះម៉ូដែលចាស់ A330-300 របស់ខ្លួន។

ដោយឡែក ក្រុមហ៊ុន Airbus ក៏បានចេញមុខបង្ហើបថា កិច្ចព្រមព្រៀងរវាងក្រុមហ៊ុនទាំង២ កំពុងស្ថិតនៅក្នុងការចរចា ក៏ប៉ុន្តែវាគ្រោងនឹងសម្រេចជាផ្លូវការនាពេលប៉ុន្មានសប្ដាហ៍ខាងមុខ ហើយការដឹកជញ្ជូនយន្តហោះដំបូងពីក្រុមហ៊ុនអឺរ៉ុប មកកាន់ក្រុមហ៊ុនវៀតណាម នឹងធ្វើឡើងនៅឆ្នាំ២០២៦។

សូមជម្រាបដែរថា បើសិនជាកិច្ចព្រមព្រៀងមួយនេះជោគជ័យ វានឹងក្លាយជាការទិញយន្តហោះធំបំផុតរបស់ក្រុមហ៊ុន VietJet ខណៈបច្ចុប្បន្ននេះ ក្រុមហ៊ុនមានយន្តហោះប្រមាណ ១១០គ្រឿង កំពុងចរាចរនៅលើផ្លូវអាកាសអន្តរជាតិចំនួន ៣០ខ្សែ៕

The post មហាសេដ្ឋីវៀតណាមគ្រោងចាយជិត ៦ពាន់លានដុល្លារ ទិញយន្តហោះបន្ថែម ២០គ្រឿង appeared first on .

បើតាមការចុះផ្សាយពីសារព័ត៌មាន VNA បានបង្ហាញឱ្យដឹងថា ជាមួយនឹងភាពវិជ្ជមានចាប់តាំងពីខែដំបូងឆ្នាំនេះមក ក្រុមហ៊ុន Vietjet បានដំណើរការជើងហោះហើរសរុបរបស់ខ្លួន បានចំនួន ៣១ ២៦០ ជើង ជាមួយនឹងអ្នកដំណើរចំនួន ៥,៤ លាននាក់ និងទទួលបានប្រាក់ចំណូលចំនួន ១២,៦ទ្រីលានដុង (៥៣៧,៣លានដុល្លារ) នៅក្នុងត្រីមាសទី១ ។

គួរឱ្យដឹងថា ចាប់តាំងពីជំងឺរាតត្បាតកូវីដ-១៩ ត្រូវបានគ្រប់គ្រងកាលពីឆ្នាំមុនមក ក្រុមហ៊ុន Vietjet មិនត្រឹមតែបានបន្ថែមបណ្តាញហោះហើរក្នុងស្រុកតែប៉ុណ្ណោះទេ ខណ:ពួកគេក៏បានត្រួសត្រាយផ្លូវ ក្នុងការធ្វើអាជីវកម្មបើកផ្លូវហោះហើរអន្តរជាតិថ្មីៗ ទៅកាន់តំបន់អាស៊ី និងអឺរ៉ុប ហើយក៏បានបើកផ្លូវហោះហើរដំបូង ទៅកាន់តំបន់អូសេអានី ផងដែរ ។

ជម្រាបជូនផងដែរថា ក្រៅពីបានបើកផ្លូវហោះហើរថ្មីៗហើយ ក្រុមហ៊ុន Vietjet ក៏បានដាក់ចេញនូវប្រូម៉ូសិនសំបុត្រដ៏ទាក់ទាញជាច្រើន ព្រមទាំងបានផ្តល់ជូននូវផលិតផល និងសេវាកម្មថ្មីៗ ដើម្បីជួយឱ្យអ្នកដំណើរ ទទួលបានបទពិសោធកាន់តែច្រើន នៅលើជើងហោះហើររបស់ខ្លួន ថែមទៀតផង៕

The post ក្រុមហ៊ុនអាកាសចរណ៍ Vietjet Air ប្រកាសកើបប្រាក់ចំណូលជាង ៥០០លានដុល្លារ ត្រឹមត្រីមាសទី១ appeared first on .

កាលពីឆ្នាំមុន ក្រុមហ៊ុនអាកាសចរណ៍ខ្នាតយក្សរបស់វៀតណាមមួយនេះ បានដឹកជញ្ជូនអ្នកដំណើរចំនួន ២០​,៥ លាននាក់ នៅលើជើងហោះហើរសរុបចំនួន ១១៦ ០០០ ឯណោះ ដែលក្នុងនោះ ការដឹកជញ្ជូនអ្នកដំណើរក្នុងស្រុងបានកើនឡើង ២០% បើធៀបទៅនឹងឆ្នាំ ២០១៩ ដែលជាពេលកូវីដ-១៩ មិនទាន់ផ្ទុះឡើង ។

មិនតែប៉ុណ្ណោះ ក្រុមហ៊ុន Vietjet បានបន្ថែមផ្លូវហោះហើរថ្មីៗជាង ២០ នៅឆ្នាំ ២០២២ កន្លងទៅ ដែលភាគច្រើនផ្តោតទៅលើទីផ្សារឥណ្ឌា។ ហើយគិតត្រឹមថ្ងៃទី ៣១ ខែធ្នូ ឆ្នាំ ២០២២ ក្រុមហ៊ុន Vietjet បានដំណើរការផ្លូវហោះហើរសរុបរបស់ខ្លួនដល់ ១០៣ ។

ដោយឡែកសម្រាប់ឆ្នាំ ២០២៣ ក្រុមហ៊ុន Vietjet រំពឹងថានឹងទទួលបានកំណើនប្រាក់ចំណូលខ្ពស់ជាងឆ្នាំមុន ដោយសារតែចិនបានបើក​ប្រទេសឡើងវិញ និងរួមទាំងការបង្កើតជើងហោះហើរទៅកាន់ទីផ្សារអន្តរជាតិធំៗ ដូចជាឥណ្ឌា សាធារណរដ្ឋកូរ៉េ ជប៉ុន និងអូស្តា្រលីជាដើម ខណ:កាលពីឆ្នាំ ២០២២ កន្លងទៅ ប្រាក់ចំណូលសរុបរបស់ក្រុមហ៊ុន ទទួលបាន ៣២,៥ ទ្រីលានដុង ៕

The post ត្រីមាសចុងក្រោយឆ្នាំ ២០២២ ក្រុមហ៊ុន Vietjet កើបប្រាក់ចំណេញជាង ៣៨ លានដុល្លារ appeared first on .

ពិធីចុះហត្ថលេខានេះ ធ្វើឡើងក្រោមវត្តមាននាយករដ្ឋមន្ត្រីវៀតណាម លោក Pham Minh Chinh រួមទាំងឥស្សរជនជាន់ខ្ពស់របស់វៀតណាម និងចក្រភពអង់គ្លេស អំឡុងពេលចូលរួមនៅក្នុងកិច្ចប្រជុំ COP26 ដែលជាសន្និសីទស្តីពីការប្រែប្រួលអាកាសធាតុលើកទី ២៦ របស់អង្គការសហប្រជាជាតិ។

បើតាមលោក Ewen McDonald ប្រធានផ្នែកអតិថិជននៃក្រុមហ៊ុន Rolls-Royce Civil Aerospace បាននិយាយថា ៖ ” យើងមានសេចក្តីរំភើបរីករាយ ដែលក្រុមហ៊ុន Vietjet បានជ្រើសរើសយកម៉ាស៊ីនប្រភេទ Trent 700 របស់យើង ដើម្បីគាំទ្រដល់ការអភិវឌ្ឍទៅលើវិស័យហោះហើររបស់ពួកគេ ” ។

លោកបន្តថា ៖ ” Trent 700 គឺជាប្រភេទម៉ាស៊ីន ដែលស៊ីសាំងតិចបំផុត និងជួយសន្សំសំចៃ សម្រាប់ប្រភេទយន្តហោះដែលបានបំពាក់វា ។ លើសពីនេះសេវាកម្ម TotalCare របស់យើង និងជួយដល់ Vietjet បង្កើនការហោះហើររបស់ពួកគេឲ្យកាន់តែមានភាពប្រសើឡើងបន្ថែមទៀត។ យើងកំពុងទន្ទឹងរង់ចាំ ធ្វើការជាមួយ Vietjet នៅពេលដែលពួកគេ អាចពង្រីកទីតាំងភូមិសាស្រ្តក្នុងការហោះហើរបន្ថែមទៀត ” ។

គួរបញ្ជាក់ផងដែរថា Trent 700 គឺជាម៉ាស៊ីនតែមួយគត់ ដែលត្រូវបានរចនាឡើង ជាពិសេសសម្រាប់យន្តហោះដែលមានតួខ្លួនធំទូលាយ ហើយវាត្រូវបានទទួលស្គាល់យ៉ាងទូលំទូលាយ ទៅលើប្រសិទ្ធភាព និងភាពជឿជាក់។ ហើយចាប់តាំងពីដាក់ឲ្យដំណើរការនៅឆ្នាំ ១៩៩៥ មក Trent 700 បានផ្តល់សេវាកម្មហោះហើរ ជាង ៦០ លានម៉ោងរួចមកហើយ ៕​

ប្រភព: Asianaviation

The post ក្រុមហ៊ុនវៀតណាម ចុះកិច្ចព្រមព្រៀងទិញម៉ាស៊ីនយន្តហោះ ពី Rolls-Royce ក្នុងតម្លៃ ៤០០ លានដុល្លារ appeared first on .