ប្រភពដដែលបានបង្ហាញឲ្យដឹងថាទៀតថា ក្រុមហ៊ុន Volvo បានជូនដំណឹងដល់ម្ចាស់រថយន្តម៉ូដែល EX30 Single Motor Extended Range ចំនួន៥៨ គ្រឿងដែលត្រូវរងផលប៉ះពាល់ដោយសារតែបញ្ហានេះ បន្ទាប់ពីម្ចាស់រថយន្តចំនួន១៣៦ ត្រូវបានជូនដំណឹងដូចគ្នា កាលពីក្នុងខែមករា។

យ៉ាងណាមិញ អ្នកនាំពាក្យរបស់ក្រុមហ៊ុន Wearnes Automotive ដែលជាអ្នកចែកចាយរបស់ Volvo នៅក្នុងប្រទេសសិង្ហបុរី បានបញ្ជាក់ថា ម្ចាស់រថយន្តដែលរងផលប៉ះពាល់ទាំងអស់ត្រូវបានជូនដំណឹង អំពីបញ្ហាដែលអាចកើតមាននៅក្នុងអាគុយវ៉ុលខ្ពស់របស់រថយន្ត ដែលអាចបណ្តាលឱ្យឡើងកំដៅខ្លាំង ប្រសិនបើសាកលើសពីកម្រិត ៧០% ហើយវាអាចបណ្តាលឱ្យមានអគ្គីភ័យ នៅក្នុងករណីដ៏អាក្រក់បំផុត។

ជម្រាបជូនផងដែរថា ក្រុមហ៊ុន Volvo កន្លងមកបានបង្ហោះការជូនដំណឹងអំពីការប្រមូលរថយន្តឡើងវិញទៅកាន់ប្រព័ន្ធប្រមូលរថយន្តអេឡិចត្រូនិចរបស់អាជ្ញាធរដឹកជញ្ជូនផ្លូវគោក ស្របតាមករណីស្រដៀងគ្នាដែលកំពុងកើតឡើងនៅទូទាំងពិភពលោក។ ទាំងនេះរួមមានយានយន្តចំនួន ១០ ៤៤០ គ្រឿងនៅចក្រភពអង់គ្លេស ២ ៨១៥ គ្រឿងនៅអូស្ត្រាលី និង ៤០ គ្រឿងនៅសហរដ្ឋអាមេរិក៕​

The post ក្រុមហ៊ុន Volvo ប្រកាសប្រមូលរថយន្តជិត ២០០ គ្រឿងនៅសិង្ហបុរី ដោយសារបញ្ហាអាគុយ appeared first on .

ក្រៅពីនោះ ក្រុមហ៊ុនដែលមានចំណែកគ្រប់គ្រងធំដោយក្រុមហ៊ុនចិន Geely Holdings ក៏បានបន្ថែមថា រថយន្តអគ្គិសនីគឺទទួលបានការគាំទ្រខ្លាំង ដោយមានកំណើនលក់រហូតដល់ ៤៣% ថែមទៀត។

សូមជម្រាបបន្ថែមថា ក្រុមហ៊ុនរថយន្ត Volvo គឺមានប្រភពចំណូលដ៏ធំនៅលើទីផ្សារអឺរ៉ុប ដោយមានកំណើនទីផ្សាររហូតដល់ ៣៣% ស្របពេលការលក់រថយន្តអគ្គិសនីនៅទីនោះ ក៏កើនឡើងរហូតដល់ ៦៦% បើធៀបនឹងឆ្នាំទៅផងដែរ។

គួសរំលឹកបន្តិចថា ក្រុមហ៊ុន Volvo Car គឺជាក្រុមហ៊ុនផលិតរថយន្តមានតម្លៃថ្លៃបំផុតលើលោកទី២៩ ជាមួយតម្លៃមូលធនទីផ្សារប្រហែល ១១,៣៧ពាន់លានដុល្លារ៕

The post ក្រុមហ៊ុនVolvo ប្រកាសពីកំណើនលក់រថយន្តបំបែកកំណត់ត្រា ក្នុងខែមីនា appeared first on .

យោងតាម​របាយការណ៍​ចុះផ្សាយ​ដោយ Testndrive បាន​ឲ្យ​ដឹងថា ក្រុមហ៊ុន​ដែល​រកចំណូល​បាន​ច្រើន​បំផុត​ គិត​ត្រឹម​ខែឧសភា ២០២២ គឺ​ក្រុមហ៊ុន​ជប៉ុន Toyota ឯណោះ​ទេ ខណៈ​ក្រុមហ៊ុន​គ្រប់គ្រង​ដោយ Elon Musk ស្ថិតនៅលេខរៀង​ទី ៦។

ខាងក្រោម​នេះ​គឺជា​បញ្ជី​ឈ្មោះ​ក្រុមហ៊ុន​ផលិត​រថយន្ត​ទាំង ១០ ដែល​រក​ចំណូល​បាន​ច្រើន​បំផុត​គិត​ត្រឹម​ខែឧសភា​ ២០២២ ផ្អែក​តាម​ទិន្នន័យ​ចុះផ្សាយ​ដោយ Testndrive៖

1/ Toyota រកចំណូល​បាន​ប្រហែល ៥៩,៤៧ ពាន់​លាន​ដុល្លារ

2/ Mercedes Benz រកចំណូល​បាន​ប្រហែល ៥៨,២ ពាន់​លាន​ដុល្លារ

3/ Volkswagen រកចំណូល​បាន​ប្រហែល ៤៧,០២ ពាន់​លាន​ដុល្លារ

4/ BMW រកចំណូល​បាន​ប្រហែល ៤០,៤៤ ពាន់​លាន​ដុល្លារ

5/ Porche រកចំណូល​បាន​ប្រហែល ៣៤,៣២ ពាន់​លាន​ដុល្លារ

6/ Tesla រកចំណូល​បាន​ប្រហែល ៣១,៩៨ ពាន់​លាន​ដុល្លារ

7/ Honda រកចំណូល​បាន​ប្រហែល ៣១,៣៦ ពាន់​លាន​ដុល្លារ

8/ Ford រកចំណូល​បាន​ប្រហែល ២២,៦៧ ពាន់​លាន​ដុល្លារ

9/ Volvo រកចំណូល​បាន​ប្រហែល ១៧,៧៥ ពាន់​លាន​ដុល្លារ

10/ Audi រកចំណូល​បាន​ប្រហែល ១៧,១៨ ពាន់​លាន​ដុល្លារ៕

The post ណែនាំឲ្យស្គាល់ក្រុមហ៊ុនផលិតរថយន្តរកចំណូលបានច្រើនបំផុតលើលោក សម្រាប់ឆ្នាំ ២០២២ appeared first on .

នេះបើយោងតាមជំនួបលោក ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម ជាមួយលោក BJÖRN HÄGGMARK ឯកអគ្គរាជទូតស៊ុយអែតប្រចាំកម្ពុជា ដើម្បីពិភាក្សាការងារ និងជម្រាបលា ខណៈដែលលោកបានបញ្ចប់អាណត្តិបេសកកម្មការទូតនៅកម្ពុជា នៅថ្ងៃទី១៥ ខែមិថុនា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោករដ្ឋមន្រ្តី បានសំណូមពរ ឱ្យរាជរដ្ឋាភិបាលស៊ុយអែត និងសហភាពអឺរ៉ុបបន្តជួយសម្របសម្រួលជំរុញធុរជន និងវិនិយោគិនស៊ុយអែតសំខាន់ៗ ដូចជា៖ ក្រុមហ៊ុនគ្រឿងសង្ហារឹម IKEA និងក្រុមហ៊ុនផលិតរថយន្ត Volvo មកស្វែងរកឱកាសធុរកិច្ច ខណៈដែលការកែច្នៃគ្រឿងសង្ហារឹម និងការផលិតគ្រឿងបង្គំនិងបន្លាស់យានយន្តកំពុងមានកំណើនខ្លាំងនៅកម្ពុជា និងការវិនិយោគលើវិស័យដទៃរួមមាន៖ ការកែច្នៃចំណីអាហារ និងផ្លែឈើតំបន់ត្រូពិច។

ទន្ទឹមនឹងនោះ លោក BJÖRN HÄGGMARK បានកត់សម្គាល់ពីកំណើនសេដ្ឋកិច្ចកម្ពុជានាពេលកន្លងមក និងការធ្វើសមាហរណកម្មសេដ្ឋកិច្ច ដោយប្រកាន់ខ្ជាប់នូវប្រព័ន្ធពហុភាគីនិយម ព្រមទាំងវឌ្ឍនភាពនៃការបង្កើតបទបញ្ញត្តិ ដែលបម្រើដល់វិស័យឯកជន និងវិនិយោគិនបរទេសនៅកម្ពុជា។

លោកបានបង្ហាញនូវសារៈសំខាន់នៃការចូលរួមអភិវឌ្ឍន៍សេដ្ឋកិច្ចប្រកបដោយបរិយាប័ន្ន តម្លាភាព និងការគិតគូអំពីបញ្ហាបរិស្ថាន តាមរយៈការប្រើបា្រស់ថាមពលដែលអាចកកើតឡើងវិញ។ លោកជឿជាក់ថា ស្ថានទូតស៊ុយអែតប្រចាំកម្ពុជាដែលមាននិវេសនដ្ឋាននៅទីក្រុងបាងកក នឹងបន្តកិច្ចសហប្រតិបត្តិការល្អជាមួយក្រសួងពាណិជ្ជកម្ម ក្នុងគោលបំណងលើកកម្ពស់កិច្ចសន្ទនា និងទំនាក់ទំនងពាណិជ្ជកម្មកម្ពុជា-ស៊ុយអែត។

គួរបញ្ជាក់ផងដែរថា ទំហំពាណិជ្ជកម្មកម្ពុជា-ស៊ុយអែត នៅឆ្នាំ២០២០ មានចំនួន ៦៤ លានដុល្លារអាមេរិក ខណៈដែលរយៈពេល៥ខែ នៅឆ្នាំ២០២១ មានចំនួន ២៣ លានដុល្លារអាមេរិក៕

The post រដ្ឋមន្រ្តីពាណិជ្ជកម្មស្នើឲ្យក្រុមហ៊ុនផលិតរថយន្ត Volvo មកវិនិយោគ ខណៈទំហំពាណិជ្ជកម្មកម្ពុជា-ស៊ុយអែតនៅឆ្នាំ២០២១ មានចំនួន ២៣លានដុល្លារ appeared first on .