Yuri Milner

គិតមកទល់ពេលនេះ មានមហាសេដ្ឋី ៥ នាក់សុខចិត្តបោះបង់សញ្ជាតិរុស្ស៊ីចោល

ឧកញ៉ាសំពៅ — Tue, 01 Nov 2022 07:45:27 +0000

សង្គ្រាមរវាងរុស្ស៊ី និងអ៊ុយក្រែន បានធ្វើឲ្យប្រជាពលរដ្ឋជាច្រើនបង្ហាញការមិនពេញចិត្តជាមួយរដ្ឋាភិបាលរុស្ស៊ីជាខ្លាំង រហូតដល់ប្រជាជនរុស្ស៊ីមួយចំនួនក៏មិនពេញចិត្តជាមួយនឹងទង្វើបែបនេះដូចគ្នា។

យោងតាមការចុះផ្សាយពី Themoscowtimes បានបង្ហាញថា សូម្បីតែមហាសេដ្ឋីកូនកាត់រុស្ស៊ីខ្លះ ក៏លះបង់សញ្ជាតិរុស្ស៊ីចោលដែរ ដើម្បីបង្ហាញពីការមិនពេញចិត្តចំពោះការធ្វើសង្គ្រាមបែបនេះ។

ថ្មីៗនេះ មហាសេដ្ឋី Nik Stroronsky ដែលមានសញ្ជាតិ ២ គឺរុស្ស៊ី និងអង់គ្លេស បានប្រកាសក្ដែងៗ សុំឲ្យសារព័ត៌មាន Forbes ឈប់ចាត់ទុកលោកជាជនជាតិរុស្ស៊ីទៀត ដោយសារលោកផ្ទាល់ក៏មិនពេញចិត្តជាមួយការឈ្លានពានរបស់រុស្ស៊ី លើអ៊ុយក្រែនដែរ។

សូមជម្រាបដែរថា ក្រៅពីមហាសេដ្ឋីមានទ្រព្យជាង ៧ ពាន់លានដុល្លារខាងលើ ក៏មានមហាសេដ្ឋី ៣ រូបផ្សេងទៀតដែលបានប្រកាស បោះបង់សញ្ជាតិរុស្ស៊ីរបស់ពួកគេដូចជា Yury Milner, Timur Turlov, Ruben Vardanyan និង Oleg Tinkov៕

The post គិតមកទល់ពេលនេះ មានមហាសេដ្ឋី ៥ នាក់សុខចិត្តបោះបង់សញ្ជាតិរុស្ស៊ីចោល appeared first on .

ចាកចេញពីប្រទេស ៨ ឆ្នាំ មហាសេដ្ឋីម្នាក់ប្រកាសបោះបង់សញ្ជាតិរុស្សីជាផ្លូវការ

ឧកញ៉ាសំពៅ — Tue, 11 Oct 2022 09:55:00 +0000

កាលពីពេលថ្មីៗនេះ មហាសេដ្ឋី Yuri Milner កូនកាត់អ៊ីស្រាអែល-រុស្ស៊ី បានប្រកាសថា លោកបានបោះបង់សញ្ជាតិរុស្ស៊ីជាផ្លូវការ បន្ទាប់ពីចាកចេញពីទីនោះតាំងពីឆ្នាំ ២០១៤។ នេះបើតាមការចុះផ្សាយពី Reuters។

“ខ្ញុំ និងក្រុមគ្រួសារបានចាកចេញពីរុស្ស៊ី តាំងពីឆ្នាំ ២០១៤ ក្រោយពេលរុស្ស៊ីសម្រេចកាត់បញ្ចូលតំបន់គ្រីមៀ ចូលជាឧបសម្ពន្ធ ហើយនៅក្នុងរដូវក្ដៅនេះ ពួកយើងបានសម្រេចក្នុងការបោះបង់សញ្ជាតិរុស្ស៊ីជាផ្លូវការ”។ នេះបើតាមសារដែលបានបង្ហោះនៅលើ Twitter ដោយមហាសេដ្ឋី Milner។

សូមជម្រាបដែរថា លោក Milner ទទួលបានសញ្ជាតិអ៊ីស្រាអែលនៅក្នុងឆ្នាំ ១៩៩៩ ហើយតាំងពីចាកចេញពីរុស្ស៊ីនៅឆ្នាំ ២០១៤ លោកមិនដែលបានឈានជើងចូលស្រុកកំណើតសូម្បីតែម្ដង ហើយបុរសរូបនេះក៏មិនមានទ្រព្យសម្បត្តិនៅរុស្ស៊ីឡើយ។

លោក Yuri Milner គឺជាស្ថាបនិកក្រុមហ៊ុន DST Global ដែលផ្ដល់សេវាកម្មវិនិយោគតាមបណ្ដាញអ៊ីនធឺណិត ហើយទ្រព្យសម្បត្តិរបស់លោកបច្ចុប្បន្នមានប្រមាណ ៧,៣ ពាន់លានដុល្លារ៕

The post ចាកចេញពីប្រទេស ៨ ឆ្នាំ មហាសេដ្ឋីម្នាក់ប្រកាសបោះបង់សញ្ជាតិរុស្សីជាផ្លូវការ appeared first on .

មហាសេដ្ឋីកូនកាត់រុស្ស៊ីបរិច្ចាគទឹកប្រាក់ ១០០ លានដុល្លារដល់ជនភៀសខ្លួនអ៊ុយក្រែន

ឧកញ៉ាសំពៅ — Fri, 29 Apr 2022 07:49:05 +0000

សង្គ្រាមរវាងប្រទេសរុស្ស៊ី និងអ៊ុយក្រែន គឺកំពុងបន្តកើតមានឡើងនៅឡើយ ដោយបច្ចុប្បន្ននៅមិនទាន់មានសញ្ញាបញ្ជាក់ពីការបញ្ចប់នៃសង្គ្រាមមួយនេះឆាប់ៗនោះទេ។

ងាកទៅមើលប្រជាជនអ៊ុយក្រែនដែលកំពុងរត់ភៀសខ្លួនពីសង្គ្រាមមួយនេះវិញ គឺកំពុងមានភាពលំបាកខ្លាំង ដោយសារត្រូវរស់នៅក្នុងនាមជាជនអន្តោប្រវេសន៍នៅប្រទេសដទៃ ហើយមិនមានសិទ្ធិគ្រប់គ្រាន់ក្នុងការស្វែងរកប្រភពចំណូលចិញ្ចឹមជីវិតស្រួលឡើយ។

ហេតុដូច្នេះហើយ ទើបមានមូលនិធិមួយចំនួនកំពុងរៃអង្គាសថវិកាទូទាំងពិភពលោក ដើម្បីជួយដល់ជនភៀសខ្លួនទាំងនោះ ឲ្យបានរួចផុតពីទុក្ខលំបាកមួយនេះ ស្របពេលមហាសេដ្ឋីកូនកាត់ជ្វីព្វ-រុស្ស៊ី Yuri Milner បានបញ្ចេញថវិកាផ្ទាល់ខ្លួនប្រមាណ ១០០ លានដុល្លារបរិច្ចាគជូនពួកគេ។

លោក Yuri Milner គឺជាមហាសេដ្ឋីរុស្ស៊ីម្នាក់ក្នុងចំណោមមហាសេដ្ឋីរុស្ស៊ីតិចតួចបំផុតដែលមិនត្រូវបានទទួលរងទណ្ឌកម្មសេដ្ឋកិច្ចពីប្រទេសលោកខាងលិច ហើយការបរិច្ចាគថវិការយលានដុល្លារទៅកាន់ជនភៀសខ្លួនអ៊ុយក្រែនសារនេះទៀត រឹតតែធ្វើឲ្យរូបលោកលែងស្ថិតក្នុងរ៉ាដារបស់ប្រទេសមហាអំណាចលោកខាងលិចហើយ។

បញ្ជាក់ដែរថា ទ្រព្យសម្បត្តិសរុបរបស់មហាសេដ្ឋីកូនកាត់រុស្ស៊ីខាងលើគឺមានប្រមាណ ៧,៣ ពាន់លានដុល្លារ ហើយបច្ចុប្បន្នលោក និងគ្រួសារកំពុងរស់នៅរដ្ឋ California សហរដ្ឋអាមេរិក៕

ប្រភព: Jpost

The post មហាសេដ្ឋីកូនកាត់រុស្ស៊ីបរិច្ចាគទឹកប្រាក់ ១០០ លានដុល្លារដល់ជនភៀសខ្លួនអ៊ុយក្រែន appeared first on .

Yuri Milner

គិតមកទល់ពេលនេះ មានមហាសេដ្ឋី ៥ នាក់សុខចិត្តបោះបង់សញ្ជាតិរុស្ស៊ីចោល

ចាកចេញពីប្រទេស ៨ ឆ្នាំ មហាសេដ្ឋីម្នាក់ប្រកាសបោះបង់សញ្ជាតិរុស្សីជាផ្លូវការ

មហាសេដ្ឋី​​កូនកាត់​រុស្ស៊ី​​បរិច្ចាគ​ទឹកប្រាក់ ១០០ លាន​ដុល្លារ​ដល់​ជនភៀសខ្លួន​អ៊ុយក្រែន

មហាសេដ្ឋីកូនកាត់រុស្ស៊ីបរិច្ចាគទឹកប្រាក់ ១០០ លានដុល្លារដល់ជនភៀសខ្លួនអ៊ុយក្រែន