យោងតាមនាយកដ្ឋានគយវៀតណាម បានបង្ហាញឲ្យដឹងថា ការនាំចេញផ្លែឈើ និងបន្លែ ទៅកាន់ប្រទេសចិន បានបន្តកើនឡើងយ៉ាងខ្លាំង ដោយឈានដល់ជិត ១,១ពាន់លានដុល្លារ នៅក្នុងខែកញ្ញា ដែលជាកម្រិតខ្ពស់បំផុតប្រចាំងខែមិនធ្លាប់មាន។ នេះបើតាមការចុះផ្សាយពីសារព័ត៌មាន VN Express។
បើធៀបទៅនឹងរយៈពេលដូចគ្នាកាលពីឆ្នាំមុន ការនាំចេញនៅក្នុងខែកញ្ញា បានកើនឡើងដល់ ៥០%។ ហើយបើគិតក្នុងរយៈពេល ៩ខែដំបូងនៃឆ្នាំនេះ ប្រទេសចិន បានចំណាយទឹកប្រាក់ជាង ៣,៨ពាន់លានដុល្លារ ដើម្បីទិញបន្លែ និងផ្លែឈើរបស់វៀតណាម ពោលគឺកើនឡើង ២% បើធៀបទៅនឹងឆ្នាំមុន។
យ៉ាងណាមិញ ចំពោះកត្តាជំរុញសំខាន់បំផុត គឺទទួលបានពីការនាំចេញផ្លែទុរេន ជាមួយនឹងប្រាក់ចំណូលប៉ាន់ស្មានសរុប ចន្លោះពី ២,៥-២,៦ពាន់លានដុល្លារ ក្នុងរយៈពេល ៩ខែដំបូងនេះ។
ជម្រាបជូនថា មិនត្រឹមតែផ្លែឈើស្រស់ប៉ុណ្ណោះទេ ផលិតផលក្លាសេ និងកែច្នៃកាន់តែច្រើនឡើងពីប្រទេសវៀតណាម ត្រូវបានអនុញ្ញាតឲ្យនាំចូលទៅកាន់ប្រទេសចិន ដែលជួយឱ្យចំណូលក្នុងប៉ុន្មានខែចុងក្រោយនៃឆ្នាំនេះ បន្តកើនឡើងយ៉ាងខ្លាំង៕
