(វៀតណាម)៖ ជនជាតិឥណ្ឌាដែលជាបុគ្គលិលផ្នែកអគ្គិសនី ដែលបម្រើការងារលើកប៉ាល់នៅឆ្នេរសមុទ្រ Ba Ria – Vung Tau (ឆ្ងាយពីទីក្រុងហូជីមិញ ២,៥ ម៉ោង) បានគាំងបេះដូងនៅកណ្តាលសមុទ្រ តែសំណាងល្អគាត់ត្រូវបានវេជ្ជបណ្ឌិតនៅមន្ទីរពេទ្យ FV សង្គ្រោះជីវិតភ្លាមៗ។
ក្នុងម៉ោងធ្វើការជនជាតិឥណ្ឌារូបណេះស្រាប់តែពិបាកដកដង្ហើម ហើយដួលសន្លប់។ ក្រោយការសង្គ្រោះបឋមមិនបានជោគជ័យ ក្រុមនាវិកបាននាំគាត់ទៅកាន់មន្ទីរពេទ្យក្នុងតំបន់។ បន្ទាប់មក អ្នកជំងឺត្រូវបានបញ្ជូនទៅកាន់មន្ទីរពេទ្យ FV ភ្លាមៗ ក្នុងស្ថានភាពសាច់ដុំបេះដូងស្លាប់ស្រួចស្រាវ ដោយមានការឆក់បេះដូង និងគាំងបេះដូង។ ក្នុងរយៈពេលតិចជាង ៣០នាទីនៃការសង្គ្រោះបន្ទាន់នៅក្នុង Cathlab គ្រូពេទ្យឯកទេសជំងឺបេះដូង FV បានសង្រ្គោះជីវិតអ្នកជំងឺបានវិញ។
យោងតាមស្ថិតិ អត្រានៃការផ្ទេរមន្ទីរពេទ្យសង្គ្រោះបន្ទាន់សរសៃឈាមបេះដូងនៅ FV កើនឡើង ៣០%ក្នុងមួយឆ្នាំ ព្រោះនេះគឺជាមជ្ឈមណ្ឌលអន្តរាគមន៍សរសៃឈាមបេះដូងឈានមុខគេមួយនៅក្នុងប្រទេសវៀតណាម។ មន្ទីរពេទ្យបានរក្សាក្រុមសង្គ្រោះបន្ទាន់សាច់ដុំបេះដូងស្លាប់ស្រួចស្រាវម៉ោងមាស 24/7 ជាមួយដំណើរការ «៧០ នាទី»ដែលជួយអ្នកជំងឺឱ្យរួចផុតពីស្ថានភាពធ្ងន់ធ្ងរ សង្គ្រោះទាន់ពេល និងកាត់បន្ថយហានិភ័យនៃផលវិបាក។
ស្រាប់តែដួលសន្លប់ដោយសារជំងឺបេះដូងក្នុងម៉ោងធ្វើការក្រៅឆ្នេរសមុទ្រ
ក្រុមគ្រូពេទ្យនៅមន្ទីរពេទ្យ FV បានកត់ត្រាថា នៅរសៀលថ្ងៃទី២៩ ខែសីហា ខណៈកំពុងធ្វើការនៅលើកប៉ាល់ លោក P.A អាយុ ៤៩ឆ្នាំ ជាជាងអគ្គិសនី សញ្ជាតិឥណ្ឌា ស្រាប់តែឈឺទ្រូងធ្ងន់ធ្ងរ ពិបាកដកដង្ហើម និងដួលសន្លប់។ បុគ្គលិកពេទ្យនៅលើកប៉ាល់បានព្យាយាមជួយសង្គ្រោះគាត់ដោយធ្វើការម៉ាស្សាបេះដូង ឆក់ចរន្តអគ្គិសនីជាច្រើនដង និងការបញ្ចូលបំពង់ខ្យល់។ ទោះជាយ៉ាងនេះក្តី ស្ថានភាពធ្ងន់ធ្ងររបស់គាត់បានបង្ខំត្រូវនាំយកមកលើគោក និងព្យាបាលនៅមន្ទីរពេទ្យក្នុងស្រុក។
គ្រូពេទ្យបានកំណត់ថាគាត់គាំងបេះដូង ហើយបានទាក់ទងភ្លាមៗដើម្បីបញ្ជូនគាត់ដោយផ្ទាល់ទៅកាន់មន្ទីរពេទ្យ FV កន្លែងដែលមានបន្ទប់ Cathlab ជាមួយនឹងឧបករណ៍ពេញលេញដើម្បីព្យាបាលករណីសរសៃឈាមបេះដូងស្មុគស្មាញ។
ក្រោយពីធ្វើចលនា និងសង្គ្រោះបានជាង៣ម៉ោង លោក P.A ត្រូវបានបញ្ជូនទៅកាន់មន្ទីរពេទ្យ FV នៅម៉ោងប្រមាណ៩យប់ថ្ងៃនោះ។ លទ្ធផលនៃអ៊ុលត្រាសោនរហ័សនៅលើគ្រែ បានបង្ហាញថាអ្នកជំងឺស្ថិតក្នុងស្ថានភាពធ្ងន់ធ្ងរគឺ សាច់ដុំបេះដូងស្លាប់ស្រួចស្រាវ ដោយមានការឆក់បេះដូង និងគាំងបេះដូង។
បណ្ឌិតវេជ្ជបណ្ឌិត ហូមិញទ្វឹន ប្រធាននាយកដ្ឋានជំងឺសរសៃឈាមបេះដូង និងអន្តរាគមន៍សរសៃឈាមបេះដូង បានពន្យល់ថា ការឆក់បេះដូងគឺជាស្ថានភាពដែលបេះដូងបាត់បង់សមត្ថភាពក្នុងការកន្ត្រាក់ ធ្វើឱ្យឈាមកកនៅក្នុងសួត បង្ខំឱ្យចាក់បញ្ចូលខ្យល់ ឬផ្តល់អុកស៊ីហ្សែនខ្ពស់ដល់អ្នកជំងឺ។
* ជាង ២០ នាទីនៅក្នុងបន្ទប់ Cathlab៖ ចងចង្វាក់បេះដូងឡើងវិញ
ក្រុមការងាររបស់បណ្ឌិតវេជ្ជបណ្ឌិត ហូមិញទ្វឹន បានធ្វើអន្តរាគមន៍ផ្នែកសរសៃឈាមបេះដូងជាបន្ទាន់ ដោយមានការគាំទ្រពីប្រព័ន្ធម៉ាស៊ីនថតរូបភាព DSA និង រូបភាពក្នុងសរសៃឈាម OCT, IVUS។ បំពង់បូមត្រូវបានបញ្ចូលពីដៃរបស់អ្នកជំងឺទៅតំបន់បេះដូង ដើម្បីកំណត់ទីតាំងពិតប្រាកដនៃសរសៃឈាមបេះដូងដែលស្ទះ។
លោកបណ្ឌិត ទ្វឹន បានដាក់ stent យ៉ាងរហ័សនៅក្នុងតំបន់ដែលស្ទះ។ ភ្លាមៗនោះលំហូរឈាមទៅកាន់បេះដូងត្រូវបានស្តារឡើងវិញ អេឡិចត្រូតបេះដូង និងសម្ពាធឈាមរបស់អ្នកជំងឺមានស្ថេរភាពបន្តិចម្តងៗ។ នីតិវិធីទាំងមូលនៅក្នុង Cathlab ចំណាយពេលតែជាង ២០ នាទី។
បន្ទាប់ពីប្រើប្រាស់វិធីសាស្រ្តព្យាបាលនេះ អ្នកជំងឺត្រូវបានថែទាំយ៉ាងល្អ។ នៅថ្ងៃបន្ទាប់គាត់ត្រូវបានដកបំពង់ខ្យល់។ ដប់ថ្ងៃក្រោយមក គាត់បានចេញពីមន្ទីរពេទ្យដោយមានសុខភាពល្អ ហើយបានត្រលប់មកផ្ទះវិញដោយជើងហោះហើរស៊ីវិល ដោយមិនមានជំនួយផ្នែកវេជ្ជសាស្ត្របន្ថែម។ លោកវេជ្ជបណ្ឌិត ទ្វឹន បាននិយាយថា មុខងារបេះដូងរបស់អ្នកជំងឺបានប្រសើរឡើងវិញក្នុងកម្រិតធម្មតា។
«គ្រូពេទ្យ FV ពូកែណាស់! ខ្ញុំបានគិលានុបដ្ឋាយិកាមើលថែយ៉ាងល្អ។ សម្រាប់ខ្ញុំ មន្ទីរពេទ្យ FV គឺលេខ 1!» – លោក P.A និយាយទាំងអារម្មណ៍រីករាយ។
* សង្គ្រោះបន្ទាន់ជាច្រើនករណីជំងឺសាច់ដុំបេះដូងស្លាប់ស្រួចស្រាវដោយជោគជ័យ ដោយសារដំណើរការ «៧០ នាទីមាស»
សាច់ដុំបេះដូងស្លាប់ស្រួចស្រាវគឺជាជំងឺដែលមានអត្រាមរណភាពខ្ពស់នៅលើពិភពលោក។ តាម WHO នៅឆ្នាំ២០២២ មនុស្សប្រហែល ១៩.៨ លាននាក់នឹងស្លាប់ដោយសារជំងឺសរសៃឈាមបេះដូងដែលស្មើនឹងប្រហែល ៣២% នៃការស្លាប់ទូទាំងពិភពលោក។ ក្នុងចំណោមនោះប្រហែល ៨៥% ទាក់ទងនឹងជំងឺដាច់សរសៃឈាមខួរក្បាល និងសាច់ដុំបេះដូងស្លាប់ស្រួចស្រាវ។
ការស្តារឡើងវិញយ៉ាងខ្លាំងរបស់អ្នកជំងឺគាំងបេះដូងធ្ងន់ធ្ងរដូចលោក P.A. គឺដោយសារដំណើរការឆ្លើយតបយ៉ាងរហ័សជាមួយក្រុមសង្គ្រោះបន្ទាន់សាច់ដុំបេះដូងស្លាប់ស្រួចស្រាវម៉ោងមាស ត្រៀមខ្លួនដើម្បីឆ្លើយតប 24/7 ជាមួយនឹងដំណើរការ «៧០ នាទីមាស»។
នៅក្នុងការសង្គ្រោះបន្ទាន់សរសៃឈាមបេះដូង ពេលវេលាធ្វើអន្តរាគមន៍គឺមានសារៈសំខាន់ខ្លាំងណាស់ ដែលកំណត់សមត្ថភាពក្នុងការជួយសង្គ្រោះជីវិត ក៏ដូចជាការសង្គ្រោះ និងកាត់បន្ថយផលវិបាកសម្រាប់អ្នកជំងឺ។ យោងតាមអនុសាសន៍របស់សមាគមបេះដូងអាមេរិក និងអឺរ៉ុប ពេលវេលាមាសក្នុងការសង្គ្រោះបន្ទាន់សរសៃឈាមបេះដូង (ពេលវេលាពីការចូលបន្ទប់សង្គ្រោះបន្ទាន់រហូតដល់គ្រូពេទ្យជម្រះសរសៃឈាមដែលស្ទះ) គឺ ៩០ នាទី។
លោកវេជ្ជបណ្ឌិត ទ្វឹន បានពន្យល់ផងដែរថា«នៅ FV យើងកាត់បន្ថយពេលវេលាសង្គ្រោះបន្ទាន់ដើម្បីស្តារលំហូរឈាមអតិបរមាទៅកាន់បេះដូងចុះ ៧០ នាទី។ ក្នុងករណីដែលអ្នកជំងឺត្រូវបានផ្ទេរទៅមន្ទីរពេទ្យផ្សេងមកដោយមានការជូនដំណឹងជាមុន នីតិវិធីត្រូវបានអនុវត្តក្នុងរយៈពេលត្រឹមតែ ២៥-៣០ នាទីប៉ុណ្ណោះ»។
ជាមួយនឹងភាពរឹងមាំនៃការត្រួសត្រាយផ្នែកបច្ចេកវិទ្យា និងជាមជ្ឈមណ្ឌលសរសៃឈាមបេះដូងដ៏ធំបំផុតមួយនៅក្នុងប្រទេសវៀតណាម FV តែងតែទទួលករណីសង្គ្រោះបន្ទាន់ដែលត្រូវបានផ្ទេរពីគ្លីនិក និងមន្ទីរពេទ្យក្នុងទីក្រុងហូជីមិញ និងខេត្តជិតខាង។
«ចំនួនអ្នកជំងឺដែលត្រូវបានបញ្ជូនពីគ្លីនិកខាងក្រៅ និងមន្ទីរពេទ្យទៅកាន់នាយកដ្ឋានជំងឺបេះដូង FV កើនឡើង ១៥% ជារៀងរាល់ឆ្នាំ ដោយមានអន្តរាគមន៍សម្រាប់ជំងឺខ្សោយបេះដូង និងការឆក់ បេះដូង កើនឡើង ៣០%។ វេជ្ជបណ្ឌិតនៅមជ្ឈមណ្ឌលវេជ្ជសាស្ត្រជិតខាងមានការយល់ដឹងយ៉ាងស៊ីជម្រៅអំពីបច្ចេកទេសអន្តរាគមន៍សរសៃឈាមបេះដូងដែល FV អាចអនុវត្តបាន ជំនាញនៃក្រុមសង្គ្រោះបន្ទាន់ FV ក៏ដូចជាសមត្ថភាពក្នុងការថែទាំ និងសង្គ្រោះអ្នកជំងឺ ដូច្នេះនៅពេលមានអាសន្នកើតឡើង ពួកគេនឹងផ្ទេរអ្នកជំងឺដោយស្វ័យប្រវត្តិទៅ FV ដើម្បីជួយបង្កើនប្រសិទ្ធភាពនៃការថែទាំ និងការព្យាបាលសង្គ្រោះបន្ទាន់។» បណ្ឌិតវេជ្ជបណ្ឌិត ហូមិញទ្វឹន បានឱ្យដឹងបន្ថែម។
ដើម្បីធ្វើការណាត់ជួបពិនិត្យ និងព្យាបាល សូមទាក់ទងការិយាល័យតំណាងមន្ទីរពេទ្យ FV នៅទីក្រុងភ្នំពេញ ប្រទេសកម្ពុជា តាមរយៈទូរស័ព្ទ (+855) 23 211 777 ឬ ខ្សែទូរស័ព្ទ (+855)89999345៕
