វៀតណាមជំរុញឱ្យប្រជាជនធ្វើការពីផ្ទះដើម្បីសន្សំសំចៃប្រេង ខណៈសង្គ្រាមអ៊ីរ៉ង់រំខានដល់ការផ្គត់ផ្គង់

ក្រសួងពាណិជ្ជកម្មវៀតណាម បានអំពាវនាវដល់អាជីវកម្មក្នុងស្រុកឱ្យលើកទឹកចិត្តបុគ្គលិករបស់ពួកគេឱ្យធ្វើការពីផ្ទះ ដែលជាផ្នែកមួយដើម្បីសន្សំសំចៃប្រេងឥន្ធនៈ ចំពេលមានការរំខានដល់ការផ្គត់ផ្គង់ និងការកើនឡើងនៃតម្លៃដែលបង្កឡើងដោយសង្គ្រាមអ៊ីរ៉ង់។ នេះបើយោងតាមអង្គភាពរ៉យទ័រចេញផ្សាយនៅថ្ងៃទី១០ ខែមីនា។

វៀតណាម គឺជាប្រទេសមួយក្នុងចំណោមប្រទេសដែលរងផលប៉ះពាល់ខ្លាំងបំផុតលើប្រេងឥន្ធនៈចាប់តាំងពីសង្គ្រាមអាម៉េរិក-អ៊ីស្រាអែលលើអ៊ីរ៉ង់បានចាប់ផ្តើម ដោយពឹងផ្អែកយ៉ាងខ្លាំងលើការនាំចូលថាមពលពីមជ្ឈិមបូព៌ា៕