នាវាចម្បាំងអាម៉េរិកផ្ទុកកងកម្លាំងជាង ២ពាន់នាក់ចេញពីជប៉ុន ឆ្ពោះទៅសមរភូមសង្គ្រាមអ៊ឺរ៉ង់

នាវាអាម៉េរិកដ៏ធំរបស់សហរដ្ឋអាម៉េរិក USS Tripoli កំពុងដឹកជញ្ជូនកងកម្លាំងម៉ារីន (Marines) និងនាវិក (Sailors) ជាង ២,២០០ នាក់ ចេញពីមូលដ្ឋានទ័ពនៅកោះអូគីណាវ៉ា ប្រទេសជប៉ុន ឆ្ពោះទៅកាន់តំបន់មជ្ឈិមបូព៌ា។ ប្រតិបត្តិការនេះ ធ្វើឡើងដើម្បីពង្រឹងសមត្ថភាពឆ្លើយតបរហ័ស ចំពេលមានភាពតានតឹងខ្លាំងជាមួយប្រទេសអ៊ីរ៉ង់។ នេះបើយោងតាមកាសែតអន្តរជាតិ CNN បានចេញផ្សាយនៅថ្ងៃ១៧មីនានេះ។

នាវាវាយប្រហារដ៏ធំ USS Tripoli បានមកដល់ក្បែរច្រកសមុទ្រម៉ាឡាកា ក្បែរប្រទេសសឹង្ហបុរីហើយ ដើម្បីឆ្ពោះទៅកាន់មជ្ឈិមបូព៌ា។ នាវានេះកំពុងដឹកជញ្ជូនកងកម្លាំងម៉ារីនប្រតិកម្មរហ័សទី៣១ (31st MEU) ចេញពីមូលដ្ឋានទ័ពនៅអូគីណាវ៉ា ប្រទេសជប៉ុន ដើម្បីទៅពង្រឹងកម្លាំងដែលមានស្រាប់ប្រមាណ ៥០,០០០ នាក់ ក្នុងតំបន់ ចំពេលមានភាពតានតឹងខ្លាំងជាមួយអ៊ីរ៉ង់។

នាវា USS Tripoli គឺជាប្រភេទនាវាដឹកយន្តហោះខ្នាតតូច ដែលអាចផ្ទុកយន្តហោះចម្បាំងបំបាំងកាយ F-35B និងយន្តហោះដឹកជញ្ជូន MV-22 Osprey។ យ៉ាងក៏ដោយ មន្ទីរបញ្ចកោណមិនទាន់បានបង្ហាញពីទីតាំងជាក់លាក់ ឬបេសកកម្មដែលពួកគេត្រូវបំពេញនៅឡើយទេ៕