សម្តេចធិបតី ហ៊ុន ម៉ាណែត ចេញអនុក្រឹត្យតែងតាំងប្រធានមន្ទីរព័ត៌មាន ២រូប នៅខេត្តតាកែវ និងខេត្តស្វាយរៀង

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី១៧ ខែមេសា ឆ្នាំ២០២៦ បានចេញ​អនុក្រឹត្យតែងតាំង និងប្រគល់ភារកិច្ច ជូនដល់ប្រធានមន្ទីរព័ត៌មាន នៃក្រសួងព័ត៌មាន ២រូប នៅខេត្តតាកែវ និងខេត្តស្វាយរៀង។

តាមរយៈអនុក្រឹត្យលេខ ៣៤៣ អនក្រ.តត បានសម្រេចតែងតាំង និងប្រគល់ភារកិច្ចជូនមន្ត្រីរាជការចំនួន ០២ រូប ជាប្រធានមន្ទីរព័ត៌មាន នៃក្រសួងព័ត៌មាន ដូចមានរាយនាមខាងក្រោម៖

១.លោក ពៅ សុខន អត្តលេខ ១៦៨២១០០១៩៣ ឋានន្តរស័ក្តិវរមន្ត្រី ថ្នាក់លេខ ២ នៃក្របខ័ណ្ឌមន្ត្រីគ្រប់គ្រង​រដ្ឋបាល ជាប្រធានមន្ទីរព័ត៌មានខេត្តតាកែវ។

២.លោក ដាំ ឃុនពិសី អត្តលេខ ១៨៦២០០០២០៧ ឋានន្តរស័ក្តិក្រមការដើមខ្សែ ថ្នាក់លេខ ៣ នៃក្របខ័ណ្ឌ​មន្ត្រីក្រមការ ប្រគល់ភារកិច្ចឱ្យបំពេញមុខងារ ជាប្រធានមន្ទីរព័ត៌មានខេត្តស្វាយរៀង។