មេដឹកនាំកម្ពុជា-ឡាវ-វៀតណាម ជួបពិភាក្សាក្នុងជំនួបអាហារពេលព្រឹក នៅប្រទេសហ្វីលីពីន ដើម្បី បន្តអនុវត្តប្រពៃណីអាហារពេលព្រឹកការងារត្រីភាគី ដើម្បីបង្កើនទំនាក់ទំនងប្រទេសទាំងបីកាន់តែជិតស្និទថែមទៀត។
ជំនួបអាហារពេលព្រឹកការងារត្រីភាគី បានធ្វើឡើងនៅប្រទេសហ្វីលីពីន កាលថ្ងៃទី៨ ឧសភា ២០២៦ រវាងសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ឯកឧត្តម សនសៃ ស៊ីផាន់ដន (Sonexay Siphandone) នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ និង ឯកឧត្តម ឡេ មិញហ៊ឹង (Le Minh Hung) នាយករដ្ឋមន្រ្តីនៃសាធារណរដ្ឋសង្គមនិយមវៀតណាម។
សូមជម្រាបដែរថា ជំនួបអាហារពេលព្រឹកនេះ បានធ្វើឡើងក្នុងឱកាសនៃការអញ្ជើញចូលរួមកិច្ចប្រជុំកំពូលអាស៊ានលើកទី៤៨ នៅកោះសេប៊ូ សាធារណរដ្ឋហ្វីលីពីន ដែលប្រព្រឹត្តទៅនៅថ្ងៃទី៧-៨ ខែឧសភា ឆ្នាំ២០២៦។ ជំនួបនេះ បានធ្វើឡើងដើម្បីពង្រឹងកិច្ចសហប្រតិបត្តិការ មិត្តភាព និងការអភិវឌ្ឍរួមនៅក្នុងតំបន់។ ជំនួបនេះ ក៏បានបង្ហាញពីទំនាក់ទំនងដ៏ជិតស្និទ្ធ និងសាមគ្គីភាពរវាងប្រទេសទាំងបី ក្នុងការជំរុញសន្តិភាព ស្ថិរភាព និងវិបុលភាពសម្រាប់ប្រជាជននៃតំបន់ឥណ្ឌូចិន៕ អត្ថបទ៖ហ្សាលីន
