ក្រុមបាល់ទាត់អ្នកសារព័ត៌មានកម្ពុជា នឹងត្រូវប្រកួតមិត្តភាពជាមួយក្រុមបាល់ទាត់ក្រសួងសេដ្ឋកិច្ច និងហិរញ្ញវត្ថុ នៅថ្ងៃសុក្រ ទី១៨ ខែកញ្ញានេះ

(ភ្នំពេញ)៖ ក្រុមបាល់ទាត់អ្នកសារព័ត៌មានកម្ពុជា (Cambodia Media Football) និងក្រុមបាល់ទាត់របស់ក្រសួងសេដ្ឋកិច្ច និងហិរញ្ញវត្ថុ នឹងត្រូវជួបគ្នាក្នុងជំនួបមិត្តភាព នៅលើវាលស្មៅនៃតារាងបាល់ទាត់ NBC Sports ជាលើកដំបូង នាម៉ោង ៦ដល់ម៉ោង៨យប់ នាថ្ងៃទី១៨ ខែកញ្ញា ឆ្នាំ២០២៦ ដើម្បីរួមចំណែកលើកស្ទួយវិស័យកីឡានៅកម្ពុជា ជាពិសេសរឹតចំណងមិត្តភាពរវាងវិស័យព័ត៌មាន និងក្រសួងសេដ្ឋកិច្ច និងហិរញ្ញវត្ថុ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្រុមបាល់ទាត់អ្នកសារព័ត៌មាន ដឹកនាំដោយលោក លឹម ជាវុត្ថា អគ្គនាយកបណ្តាញព័ត៌មាន Fresh News ហើយមានការចូលរួមពីថ្នាក់ដឹកនាំស្ថាប័នព័ត៌មាន និងអ្នកសារព័ត៌មានជាច្រើនទៀតរួមមាន អង្គភាពអ្នកនាំពាក្យរាជរដ្ឋាភិបាល, អង្គភាពព័ត៌មាន និងប្រតិកម្មរហ័ស, ទូរទស្សន៍ជាតិកម្ពុជា (TVK) , ទីភ្នាក់ងារព័ត៌មានជាតិ (AKP), សារព័ត៌មានភ្នំពេញប៉ុស្តិ៍, សារព័ត៌មាន AMS, ទូរទស្សន៍ CNC, សារព័ត៌មាន KiriPost, សារព័ត៌មាន KhmerTime, សារព័ត៌មានកម្ពុជាថ្មី, សារព័ត៌មាន CCTimes, សារព័ត៌មាន Camboja, សារព័ត៌មានថ្មីៗ និងសារព័ត៌មានឧកញ៉ា News ។

សូមជម្រាបថា នេះជាការប្រកួតមិត្តភាពលើកទី៣ របស់ក្រុមសារព័ត៌មានកម្ពុជា បន្ទាប់ពីប្រកួតមិត្តភាពចំនួនពីរលើកជាមួយ ក្រុមបាល់ទាត់សមាគមធនាគារនៅកម្ពុជា។ ដូចលើកមុនៗដែរការប្រកួតមិត្តភាពនេះ មិនផ្តោតខ្លាំងទៅលើលទ្ធផលនោះទេ ប៉ុន្តែការជួបគ្នានៅលើវាលស្មៅ ដើម្បីរឹតចំណងមិត្តភាពរវាងវិស័យព័ត៌មាន និងក្រសួងសេដ្ឋកិច្ច និងហិរញ្ញវត្ថុ ឱ្យកាន់តែស៊ីជម្រៅថែមទៀត បន្ថែមទៅលើទំនាក់ទំនងតាមរយៈការបំពេញការងារកន្លងមក។

ក្រុមបាល់ទាត់អ្នកសារព័ត៌មានកម្ពុជា សូមថ្លែងអំណរគុណដល់ធនាគារអភិវឌ្ឍន៍ជនបទ និងកសិកម្ម (ARDB) ដែលតែងតែចូលរួមឧបត្ថម្ភ ក្នុងការទ្រទ្រង់សកម្មភាពនៃការប្រកួតនានា របស់ក្រុមបាល់ទាត់អ្នកសារព័ត៌មានកម្ពុជា៕

អត្ថបទទាក់ទង

សម្តេចធិបតី ហ៊ុន ម៉ាណែត បើកកិច្ចប្រជុំប្រចាំឆមាស លើកទី៥ នៃឧត្តមប្រឹក្សាពិគ្រោះ និងផ្ដល់យោបល់

ព្រឹទ្ធសភា ឯកភាពទាំងស្រុងលើសេចក្តីព្រាងច្បាប់ស្តីពី ប្រព័ន្ធទឹកខ្វក់

២ខែ ឆ្នាំ២០២៦៖ ចិន នៅតែជាដៃគូពាណិជ្ជកម្មឈានមុខគេរបស់កម្ពុជា