ក្រុមហ៊ុន វិរៈ ប៊ុនថាំ ហ្វ៊ូដ របស់អ្នកឧកញ៉ាបណ្ឌិត សួរ វីរៈ ត្រៀមចេញផលិតផលថ្មី​ត្រីខ ២មុខទៀត

ជុំវិញ​ឧកញ៉ា

ក្រុមហ៊ុន វិរៈប៊ុនថាំ ហ្វ៊ូដ របស់អ្នកឧកញ៉ាបណ្ឌិត សួរ វីរៈ ត្រៀមចេញផលិតផលថ្មី ប្រភេទត្រីខ ២មុខទៀត គឺត្រីធូណាជាមួយ​ប្រេងបន្លែ និងត្រីសាឌីនជាមួយប្រេងបន្លែរស់ជាតិហិរ ដែលមានការវេចខ្ចប់ដោយម៉ាស៊ីនស្តង់ដា​គុណភាពអនាម័យខ្ពស់ និងរស់ជាតិឈ្ងុយឆ្ងាញ់។ 

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

«ត្រីសាឌីន» ជាមួយប្រេងបន្លែរស់ជាតិហិរ គឺជាធាតុផ្សំសំខាន់នៃផលិតផល វាជាត្រីទឹកប្រៃ ដែលគេស្គាល់ថា​មាន​ប្រូតេអ៊ីនខ្ពស់ និងអាស៊ីតខ្លាញ់អូមេហ្គា៣។ ចំពោះត្រីខ «ត្រីសាឌីន» (Sardine) មួយកំប៉ុងមានចំនួន ១២៥ក្រាម ដោយក្នុងមួយកេសមានចំនួន ៥០កំប៉ុង។

រីឯ «ត្រីធូណា» (Tuna) ជាមួយ​ប្រេងបន្លែ គឺជាធាតុផ្សំសំខាន់នៃផលិតផល។ វាជាត្រីទឹកប្រៃដែលគេស្គាល់ថា​មាន​ប្រូតេអ៊ីនខ្ពស់ និងអាស៊ីតខ្លាញ់អូមេហ្គា៣។ ត្រីខ ត្រីធូណា ប្រើប្រាស់គ្រឿងផ្សំដូចជា ត្រីធូណា ទឹក ប្រេងបន្លែ និងអំបិល ដោយមានការវេចខ្ចប់ប្រើកំប៉ុងចំនួន ២០០ក្រាម អាចបើកញ៉ាំបានភ្លាមៗ និងល្អបំផុត​សម្រាប់​សាឡាដ នំសាំងវិច ប៉ាស្តា ឬសម្រាប់ធ្វើម្ហូបផងដែរ។

សូមជម្រាបថា កាលខែមីនា ឆ្នាំ២០២៦ លោក ហេង ផាន អគ្គនាយក វិរៈ ប៊ុនថាំ ហ្វ៊ូដ បានប្រកាសចេញនូវ​ផលិតផលត្រីខខ្មែរម៉ាក «ត្រីខយើង» របស់ក្រុមហ៊ុន វិរៈ ប៊ុនថាំ ហ្វ៊ូដ សម្រាប់បំពេញតម្រូវកា​ររបស់ប្រជាជន​កម្ពុជា។ គ្រប់ផលិតផលត្រីខ របស់ វិរៈ ប៊ុនថាំ ហ្វ៊ូដ គឺប្រើប្រាស់ម៉ាស៊ីនទំនើបដែលវេចខ្ចប់ស្រាប់ៗ ជាមួយស្តង់ដា​អនាម័យខ្ពស់បំផុត៕