ជំងឺកូវីដបាននិងកំពុងរីករាលដាលចូលក្នុងសហគមន៍នៃប្រទេសកម្ពុជាបណ្តាលឲ្យរងផលប៉ះពាល់យ៉ាងខ្លាំងដល់ប្រជាពលរដ្ឋ ខណៈរាជរដ្ឋាភិបាលចាត់វិធានការបិទទ្ទប់តំបន់ដែលមានការឆ្លងខ្លាំងជាបន្តបន្ទាប់ដើម្បីកាត់ផ្តាច់នៃការឆ្លងជំងឺដ៏កាចសាហាវមួយនេះ។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
ជំនួយសប្បុរធម៌ពីសំណាក់ អ្នកឧកញ៉ា លោកឧកញ៉ា លោកជំទាវ និងសប្បុរជនជាច្រើននាក់ ក៏បានជួយឧបត្ថម្ភដល់ជនរងគ្រោះ និងតំបន់ដែលទទួលរងនូវការរាតត្បាតមួយចំនួន ដើម្បីរួមចំណែកជាមួយរាជរដ្ឋាភិបាល ក្រសួងសុខាភិបាល និងអាជ្ញាធរនៅតាមមូលដ្ឋាន ឱ្យបានទាន់ពេលវេលា។
ជាក់ស្តែងនៅថ្ងៃទី៣ខែឧសភា ឆ្នាំ២០២១នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចេញលិខិតថ្លែងអំណរគុណជូនចំពោះ អ្នកឧកញ៉ា លោកឧកញ៉ា និងលោកជំទាវឧកញ៉ា ៧៤រូបដែលបានចូលរួមបរិច្ចាគនូវថវិកាចំនួន ៣០២.២៥០ ដុល្លារអាមេរិក តាមរយៈរដ្ឋបាលរាជធានីភ្នំពេញ ដើម្បីជួយដល់ប្រជាពលរដ្ឋដែលកំពុងជួបការលំបាកដោយសារការរាតត្បាតនៃជំងឺកូវីដ១៩ក្នុងសហគមន៍ ២០កុម្ភៈ និងវិធានការបិទទ្ទប់ក្នុងរាជធានីភ្នំពេញ និងក្រុងតាខ្មៅ នៃខេត្តកណ្តាល៕
