នៅក្នុងជំនួបនោះ ភាគីទាំងពីរ បានពិភាក្សាស្វែងរកយន្តការជាក់ស្តែងរួមថ្មីៗ ដើម្បីជំរុញទំហំពាណិជ្ជកម្ម និងការវិនិយោគទ្វេភាគីឱ្យសម្រេចបានដល់ ២០ពាន់លានដុល្លារ នាពេលខាងមុខ។ ថ្នាក់ដឹកនាំទាំងពីរក៏បានផ្លាស់ប្តូរយោបល់គ្នាក្នុងការត្រៀមរៀបចំព្រឹត្តិការណ៍ និងកម្មវិធីរួមគ្នា ដើម្បីអបអរសាទរខួបលើកទី៦០ នៃការបង្កើតទំនាក់ទំនងការទូតរវាងកម្ពុជា និងវៀតណាម ដែលនឹងឈានចូលមកដល់ក្នុងឆ្នាំ២០២៧ ខាងមុខនេះផងដែរ។

ជាមួយគ្នានេះ សម្តេចប្រធានរដ្ឋសភា បានវាយតម្លៃខ្ពស់ចំពោះទំនាក់ទំនងរវាងប្រទេសទាំងពីរ ដែលបានចាក់ឫសយ៉ាងជ្រៅ និងមានភាពធន់ ដោយតម្កល់ផលប្រយោជន៍ប្រជាជនជាស្នូល ខណៈសម្តេចក៏អបអរសាទរចំពោះជោគជ័យដ៏ត្រចះត្រចង់នៃមហាសន្និបាតបក្សកុម្មុយនីស្តវៀតណាម ដែលទើបបញ្ចប់កាលពីខែមករា ឆ្នាំ២០២៦ កន្លងទៅ។ សម្តេចបន្តថា ក្រោមមគ្គទេសក៍ដឹកនាំរបស់ លោក តូ ឡាំ (Tô Lâm) វៀតណាមនឹងមានសន្ទុះសេដ្ឋកិច្ចដ៏ខ្លាំងក្លា ឈានទៅសម្រេចបាននូវចក្ខុវិស័យរបស់ខ្លួនកា្លយជាប្រទេសអភិវឌ្ឍន៍នៅឆ្នាំ២០៤៥ ខាងមុខ។

ជាការឆ្លើយតប លោក ត្រឹន កឹមទូ បានបង្ហាញជំនឿចិត្តយ៉ាងមុតមាំលើការដឹកនាំរបស់ សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត នឹងបន្តនាំប្រទេស និងប្រជាជនកម្ពុជាឆ្ពោះទៅរកការរីកចម្រើនកាន់តែខ្លាំងក្លាថែមទៀត។ លោកបានស្នើឱ្យប្រទេសទាំងពីរបន្តពង្រឹងជំនឿទុកចិត្តផ្នែកនយោបាយ តាមរយៈការផ្លាស់ប្តូរទស្សនកិច្ចគ្រប់កម្រិត ព្រមទាំងបង្កើនកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម អប់រំ វិនិយោគ ទេសចរណ៍ និងការធានាសន្តិសុខតាមព្រំដែន។

តាមរយៈជំនួបនោះ ភាគីទាំងពីរ នឹងបន្តចែករំលែកបទពិសោធន៍លើការងារនីតិកម្ម ការងារកែទម្រង់ស្ថាប័ន និងការធ្វើទំនើបកម្មទៅជាសភាឌីជីថល ដើម្បីបម្រើផលប្រយោជន៍រួមនៃប្រទេសទាំងពីរ ព្រមទាំងរួមចំណែកដល់សុខសន្តិភាព និងស្ថិរភាពនៅក្នុងតំបន់៕អត្ថបទ៖ហ្សាលីន

The post កម្ពុជា-វៀតណាម ប្តេជ្ញាពង្រឹងកិច្ចសហប្រតិបត្តិការគ្រប់ជ្រុងជ្រោយ និងឱ្យកាន់តែស៊ីជម្រៅថែមទៀត appeared first on .

ក្នុងកម្មវិធីដ៏អធិកអធមនេះ ក៏បានទទួលកិត្តិយសយ៉ាងខ្ពង់ខ្ពស់ដោយមានការអញ្ជើញចូលរួមពីសំណាក់ លោកឧកញ៉ា  លោក លោកស្រី និងភ្ញៀវកិត្តិយសដ៏ឧត្តុង្គឧត្តមជាច្រើនរូប ដោយអស់លោកបានធ្វើដំណើរទស្សនកិច្ចសាលបដិសណ្ឋារកិច្ចលំដាប់ខ្ពស់របស់ ឡិច ស៊ឺស ពោរពេញដោយក្ដីសោមនស្ស។ សាលបដិសណ្ឋារកិច្ចលំដាប់ខ្ពស់នេះ មិនត្រឹមតែជាកន្លែងសម្រាប់ទទួលស្វាគមន៍ភ្ញៀវជាតិ និងអន្តរជាតិប៉ុណ្ណោះទេ គោលបំណងចម្បងនោះគឺដើម្បីពន្លេចឱ្យឃើញពីរចនាបថបែបទំនើបដែលឆ្លុះបញ្ចាំងពីឧត្តមភាព​ ​ប្រណីតភាព និងសិល្បៈហត្ថកម្មដ៏ល្អឯក  ដែលមានការបំផុសគំនិតពីផ្ការំដួល ដែលជាផ្កាតំណាងជាតិខ្មែរ និងជាពិសេស គឺដើម្បីជួយផ្សព្វផ្សាយអត្តសញ្ញាណដ៏ល្អផូរផង់របស់ខ្មែរឱ្យកាន់តែមានវិសាលភាពឥតដែនកំណត់។​

លោក Kensuke Tsuchiya អគ្គនាយក ឡិច ស៊ឺស ខេមបូឌា បានមានប្រសាសន៍ថា៖ «ឡិច ស៊ឺស ជឿជាក់ថា ភាពប្រណីតពិតប្រាកដ គឺស្ថិតនៅលើនវានុវត្តន៍ដែលផ្តោតលើការគិតគូរយ៉ាងល្អិតល្អន់»។ លោកបានបន្ថែមថា ការបង្កើតសាលបដិសណ្ឋារកិច្ចលំដាប់ខ្ពស់នៅអាកាសយានដ្ឋានអន្តរជាតិតេជោនេះ គឺជាការបង្ហាញពីចក្ខុវិស័យរបស់ ឡិច ស៊ឺស ក្នុងការលើកកម្ពស់កម្រិតជីវភាពបែបស៊ីវីល័យ និងការផ្តល់នូវផាសុកភាពខ្ពស់បំផុតសម្រាប់អតិថិជន។

លើសពីនេះទៅទៀត លោកឧកញ៉ា Charles Vann អគ្គនាយកនៃក្រុមហ៊ុន Cambodia Airport Investment Co., Ltd. (CAIC) បានមានប្រសាសន៍ថា៖ «ការដាក់ឱ្យដំណើរការនូវ Lexus Gallery Lounge គឺជាជំហានដ៏សំខាន់មួយក្នុងការបង្កើនបទពិសោធរបស់អ្នកដំណើរនៅអាកាសយានដ្ឋានអន្តរជាតិតេជោ។ តាមរយៈកិច្ចសហការជាមួយ Lexus យើងមានគោលបំណងលើកកម្ពស់បរិយាកាសព្រលានយន្តហោះ ដោយផ្តល់ជូននូវសាលដ៏ល្អឯក និងប្រណីត ដែលឆ្លុះបញ្ចាំងពីផាសុកភាព នវានុវត្តន៍ និងបដិសណ្ឋារកិច្ចលំដាប់ខ្ពស់»។

លោកបានបន្ថែមថា៖ «គំនិតផ្តួចផ្តើមនេះ គាំទ្រដល់ចក្ខុវិស័យរបស់យើងក្នុងការធ្វើឱ្យអាកាសយានដ្ឋានអន្តរជាតិតេជោ ក្លាយជាច្រកទ្វារអន្តរជាតិដ៏ទំនើប និងលំដាប់ពិភពលោក ដែលឆ្លើយតបទៅនឹងការរំពឹងទុករបស់អ្នកដំណើរមកពីជុំវិញពិភពលោក និងភ្ញៀវកិត្តិយសដ៏ឧត្តុង្គឧត្តម»។

ក្រៅពីបរិយាកាសដ៏ប្រណីត ភ្ញៀវកិត្តិយសក៏បានទទួលនូវបទពិសោធដ៏ប្លែកភ្នែកជាមួយការដាក់បង្ហាញនូវរថយន្តLexus ម៉ូដែល LM និង LX ដែលជានិមិត្តរូបនៃភាពថ្លៃថ្នូរ ប្រណីតភាព ភាពអស្ចារ្យ និងឧត្តមភាព។ ជាពិសេស ភ្ញៀវកិត្តិយសទាំងអស់ក៏បានរីករាយជាមួយការទទួលស្វាគមន៍យ៉ាងកក់ក្តៅ អមដោយការរៀបចំភេសជ្ជៈ និងអាហារសម្រន់ដែលសម្រិតសម្រាំងយ៉ាងពិសេស។

ការបើកសម្ពោធសាលបដិសណ្ឋារកិច្ចលំដាប់ខ្ពស់របស់ ឡិច ស៊ឺស នៅអាកាសយានដ្ឋានអន្តរជាតិតេជោនាពេលនេះ គឺជាជំហានដ៏សំខាន់មួយទៀតរបស់ ឡិច ស៊ឺស ខេមបូឌា ក្នុងការបន្តដំណើរឆ្ពោះទៅមុខជាមួយឧត្តមភាព និងការផ្តល់ជូននូវតម្លៃពិតប្រាកដនៃភាពប្រណីតជូនដល់អតិថិជនរបស់ខ្លួននៅក្នុងប្រទេសកម្ពុជា។

The post ឡិច ស៊ឺស ខេមបូឌា ប្រកាសបើកសម្ពោធជាផ្លូវការនូវ “សាលបដិសណ្ឋារកិច្ចលំដាប់ខ្ពស់” នៅអាកាសយានដ្ឋានអន្តរជាតិតេជោ ដោយបានផ្សារភ្ជាប់ជាមួយរចនាបថផ្ការំដួលដ៏ល្អឯក appeared first on .

1.បច្ចេកវិទ្យា AI Composition: ជាមួយបច្ចេកវិទ្យា AI Composition ដែលប្រៀបដូចជា Professional AI Cameraman វានឹងជួយរៀបចំប្លង់ (Frame), មុំថត (Angle) និងទីតាំងរបស់មនុស្សឱ្យបានត្រឹមត្រូវបំផុតតាមក្បួនថតរូបអាជីពក្នុងពេល Real-time ហើយប្លង់ថតទាំងនគឺបានសិក្សាររួមបញ្ចូលប្លង់រូបភាពជាង 50ម៉ឺន រូប ដើម្បីអោយ AI ដំណើរការមិនចាំបាច់មាន Internet. រាល់រូបភាព Capture ចេញមកគឺបាន Applied Photography Composition ដោយ AI Composition Technology!

2.ពណ៌ធម្មជាតិ True-to-Colour: មិនត្រឹមតែប្លង់ស្អាតទេ បច្ចេកវិទ្យា True-to-Colour Camera ចាប់យកពណ៌ច្បាស់ដូចភ្នែកយើងមើលឃើញផ្ទាល់។ ការបញ្ចូលគ្នារវាង AI Composition និង True-to-Colour ធ្វើឲ្យការថតរូបរបស់អ្នកទៅកាន់កម្រិតថ្មីមួយទៀតដែលមិនធ្លាប់មាន។

3.ភាពធន់ និងសមត្ថភាពខ្លាំង (Durability & Performance): HUAWEI Mate 80 Pro ត្រូវបានឌីហ្សាញថ្មី New Dual Ring Design បង្ហាញពីភាពប្រណីត ថ្លៃថ្នូរ ពេលចាប់កាន់ក្នុងដៃ។ មិនតែស្អាតនោះទេ Mate 80 Pro ក៏ធន់តាន់ បំពាក់កញ្ចក់ Kunlun Glass ជំនាន់ទី2 ធន់នឹងការធ្លាក់បែកជាងមុន 20ដង និងបំពាក់អាវក្រោះការពារទឹកកម្រិត IP68 និង IP69។

4.កម្មវិធីប្រើប្រាស់ Google និង AI: ហើយ Mate 80 Pro ប្រើប្រាស់ Google Apps បានទាំងអស់ដូចជា YouTube, Maps និង Gmail បានយ៉ាងរលូនចេញពី Huawei AppGallery ផ្ទាល់តែម្តង។ ថែមទាំងប្រើ AI រហ័សទាន់ចិត្តដូចជា Gemini, ChatGPT, ដោយគ្រាន់តែប៉ះពីរដងលើ AI Button

ជាមួយគ្នាដែរ សម្រាប់អ្នកចូលចិត្តហាត់កីឡាដើម្បីសុខភាព និង Lifestyle, ក្រុមហ៊ុន Huawei ក៏បានដាក់សម្ពោធ HUAWEI Band 11 Series មុខងារ Smartwatch All in one ទាំងសុខភាព និង កីឡា, ប្រើអក្សរខ្មែរពេញលេញ 100%, អេក្រង់ធំ, ធានារយៈពេល១ឆ្នាំ, តម្លៃល្អបំផុតចាប់ពី $39 ។

HUAWEI Mate 80 Pro រចនាបទថ្មី ធន់រឹងមាំ និងឆ្លាតវៃជាមួយ AI Camera ចាប់ប្លង់រូបដោយស្វ័យប្រវត្តិដូចអ្នកអាជីព ទទួលកុម៉្មុង់ទុកមុននៅគ្រប់ហាងលក់ទូរស័ព្ទដៃទំនើប និង HUAWEI Showroom គ្រប់សាខាទូទាំងប្រទេសកម្ពុជាចាប់ពីថ្ងៃនេះ ដល់ថ្ងៃទី 5 មេសា 2026 ។

The post កំពូលស្មាតហ្វូន ត្រកូល Mate ត្រលប់មកវិញហើយជាមួយសមត្ថភាព AI ​​​​Camera ចាប់ប្លង់រូបដោយស្វ័យប្រវត្តិដូចអ្នកអាជីព, ប្រើប្រាស់ Google ពេលលេញពី Huawei Apps Gallery ។ appeared first on .

ហៃយ៉ាត់ រីជិនស៊ី ភ្នំពេញ មានកិត្តិយសប្រកាសបើកដំណើរការ The Magic Table ដោយអញ្ជើញភ្ញៀវឱ្យចូលទៅកាន់ពិភពមួយ ដែលការទទួលទានអាហារត្រូវបានបំលែងទៅជាការសម្តែងលើឆាក។

The Magic Table មិនមែនជាអាហារពេលល្ងាចធម្មតាទេ ប៉ុន្តែជាបទពិសោធន៍ 3D ដ៏អស្ចារ្យ ដែលវេទមន្តក្លាយជាការពិត។ អស់រយៈពេលជាច្រើនសតវត្សរ៍ អ្នកវេទមន្តជំនាញល្បីៗរបស់ពិភពលោកតែងតែជួបជុំគ្នានៅជុំវិញតុនេះ ដើម្បីការពារអាថ៌កំបាំងរបស់ពួកគេ ហើយឥឡូវនេះ លោកអ្នកក៏បានអង្គុយនៅតុនេះ និងបានទទួលបទពិសោធន៍វេទមន្តនេះដោយផ្ទាល់ផងដែរ។

លោកអ្នកនឹងទទួលបានបទពិសោធន៍អាហារចំនួនប្រាំមុខ (Five-Course Menu) ដែលតុវេទមន្តនឹងក្លាយជាអ្នកនិទានរឿង បង្កើតការភ្ញាក់ផ្អើល និងនាំភ្ញៀវឆ្លងកាត់ដំណាក់កាលថ្មីៗនៃរឿងរ៉ាវ។ មុខម្ហូបនីមួយៗបញ្ចូលគ្នារវាងការសម្តែងវេទមន្ត និងរូបភាព 3D ដ៏រស់រវើក។

• Premium Magical Feast Menu: ២០០ ដុល្លារ ក្នុងម្នាក់
• Magical Feast Menu: ១៣០ ដុល្លារ ក្នុងម្នាក់
• The Enchanted Garden – Vegetarian Menu: ៨៥ ដុល្លារ ក្នុងម្នាក់
• Young Magician – Kids Menu: ៨២ ដុល្លារ ក្នុងកុមារ

ប្រវត្តិនៃ The Magic Table

អស់រយៈពេលជាច្រើនសតវត្សរ៍ វេទមន្តល្បីៗបំផុតរបស់ពិភពលោកតែងតែជួបជុំគ្នា ដោយត្រូវបានទាក់ទាញដោយការចង់ដឹង ការស្រមើស្រមៃ និងជំនឿលើអ្វីដែលហាក់ដូចជាមិនអាចកើតមាន។ មានការនិយាយថា អ្នកលេងវេទមន្តល្បីៗដូចជា Kellar និង Howard Thurston បានបង្កើតវេទមន្តដ៏អស្ចារ្យដំបូងរបស់ពួកគេនៅទីនេះ។ សូម្បីតែ Harry Houdini ដែលធ្លាប់អនុញ្ញាតឱ្យគេដាក់ច្រវាក់ខ្លួនគាត់នៅលើតុនេះ ក៏មិនធ្លាប់បរាជ័យក្នុងការគេចខ្លួនឡើយ។

លើសពីវត្ថុបុរាណមួយ The Magic Table គឺជាកន្លែងសម្ងាត់នៃការរកឃើញ និងការបង្កើត ជាទីស្នាក់សម្រាប់វេទមន្ត ដែលពួកគេចែករំលែកចំណេះដឹង រកឃើញបាតុភូតថ្មីៗ និងការពារអាថ៌កំបាំងពីពិភពខាងក្រៅ។ ថ្ងៃនេះ ភ្ញៀវរបស់សណ្ឋាគារ ហៃយ៉ាត់ រីជិនស៊ី ត្រូវបានអញ្ជើញឱ្យក្លាយជាផ្នែកមួយនៃរឿងរ៉ាវដ៏រស់រវើកនេះ។ នៅពេលរឿងរ៉ាវបន្ត ភ្ញៀវនឹងអាចស្គាល់វេទមន្តដោយផ្ទាល់ ហើយគេ ជឿថា មានតែអ្នកដែលជឿពិតប្រាកដប៉ុណ្ណោះ ទើបអាចបើកសោអាថ៌កំបាំងលើតុនេះបាន។

ដំណើរនេះត្រូវបានណែនាំដោយ The Clairvoyants ដែលបង្ហាញខ្លួនតាមរយៈវីដេអូ សំឡេងពន្យល់ និងការបញ្ចាំងរូបភាព។ ការចូលរួមរបស់ពួកគេផ្តល់នូវការណែនាំ ការយល់ដឹង និងពេលវេលាដ៏មានអត្ថន័យ ដែលនាំភ្ញៀវឆ្លងកាត់ជំពូកវេទមន្តនីមួយៗ។

បើកដំណើរការ​រៀងរាល់ថ្ងៃអង្គារ ដល់ថ្ងៃអាទិត្យ ពីម៉ោង ៦ ល្ងាច ដល់ ៨ យប់។ តម្រូវឱ្យធ្វើការកក់ជាមុនយ៉ាងហោចណាស់ ២–៣ ម៉ោង មុនពេលមកដល់។ សូមណែនាំឱ្យកក់ជាមុន ព្រោះចំនួនកន្លែងមានកំណត់។

កក់តុរបស់លោកអ្នកឥឡូវនេះ
https://themagictable.com/phnompenh​​

The post សណ្ឋាគារ Hyatt Regency Phnom Penh ប្រកាសបើកដំណើរការ The Magic Table បទពិសោធន៍ទទួលទានអាហារដូចវេទមន្ត ប្រើបច្ចេកវិទ្យាទំនើប សិល្បៈអាហារ 3D លំដាប់ពិភពលោក appeared first on .

ជាមួយនិងវត្តមានជាលើកដំបូងរបស់ម៉ូដែលថ្មីស្ថិតក្នុងត្រកូល X របស់ JETOUR CAMBODIA នៅក្នុងកម្មវិធីពិព័រណ៍រថយន្តនេះ គឺបានឆក់យកនូវការចាប់អារម្មណ៍យ៉ាងខ្លាំងពីសំណាក់អ្នកស្រឡាញ់រថយន្ត និងអតិថិជនគ្រួសារ ហើយអ្នកជំនួញ ក៏ដូចជាបណ្តាសារព័ត៌មានក្នុងស្រុក ដែលបានបង្កើតជាទស្សនីយភាពថ្មីប្លែកសម្រាប់ព្រឹត្តិការណ៍តាំងពិព័រណ៍ រថយន្តក្នុង ឆ្នាំ 2026 នេះ។

នៅព្រឹត្តិការណ៌ដ៏មហោឡារឹកនេះ ក៏មានការអញ្ជើញចូលរួមជាអធិបតី ពីសំណាក់ លោក អុឹង មុយហ្គេច ប្រធានាយកប្រតិបត្តិ អាជីវកម្ម ផ្នែករថយន្ត ក្រុមហ៊ុន KNN CAMBODIA និងលោកស្រី Jessica Ji ដែលជានាយកប្រតិបត្តិ Jetour International ប្រចាំតំបន់អាស៊ី ប៉ាស៊ីហ្វិកផងដែរ រួមជាមួយនិងបុគ្គលិកក្រុមហ៊ុន JETOUR CAMBODIA ក៏ដូចជាអ្នកផលិតមាតិការថយន្តល្បីៗនៅកម្ពុជា អ្នកសារព័ត៌មាន និង KOLs ជាច្រើនរូបផងដែរ។

នៅក្នុងឱកាសនោះ លោកស្រី Jessica Ji បានថ្លែងនូវការកោតសរសើរយ៉ាងខ្លាំងទៅលើការផ្តល់សេវាកម្មដ៏ល្អរបស់ JETOUR Cambodia។

សូមជំរាបថា JETOUR X70E ត្រូវបានក្រុមហ៊ុន ដាក់លក់ក្នុងតម្លៃពិសេសត្រឹមតែ $27,500 ប៉ុណ្ណោះ ដែលតម្លៃនេះ អតិថិជននឹងទទួលបាននូវរថយន្តប្រណិត SUV 7 កៅអី ក្លាយជាជម្រើស ដ៏ល្អសម្រាប់គ្រួសារដែលកំពុងស្វែងរករថយន្តមានភាពធំទូលាយ និងតម្លៃសមរម្យ។ និយាយបីលក្ខណៈពិសេសសំខាន់ៗនៅលើរថយន្តនេះវិញ គឺមានដូចជា៖

ផ្នែកខាងក្រៅមានការការរចនាឡើង ជាមួយរចនាបថចំណិតពេជ្រ អមជាមួយអំពូល LED ជំនាន់ចុងក្រោយ។

ទៅលើតួខ្លួននៃរថយន្តវិញ គឺមានទំហំធំ ដោយមានបណ្តោយតួប្រវែង 4,7m និងទទឹង 1,9m កម្ពស់ 1,7m ហើយនិងមកជាមួយនឹងយ៉ាន់កង់ទំហំធំដល់ទៅ 20 អុីង។

ហើយបើមើលទៅលើការរចនាផ្នែកខាងក្នុងវិញ គឺមានកៅអីស្បែកពណ៌ឈើរី និងពណ៌ខ្មៅ មានដៃចង្កូតរាងអក្សរ D រួមនិងរន្ធសាកថ្មមុខក្រោយ ក៏ដូចជា Cold Box ម៉ាស៊ីនត្រជាក់មុខក្រោយ ផងដែរ។ ជាពិសេស គឺមានភ្លើង Ambient Light និងមានដំបូលកញ្ចក់ Panoramic Sunroof។ នៅផ្នែកខាងក្នុងនៃ រថយន្ត Jetour 7កៅអីនេះ មានអេក្រង់ទំហំ 10.25 អុីង ភ្ជាប់ជាមួយ Apple CarPlay និង Android Auto និងឃ្លុបក្រោយបិទបើកអូតូ។

និយាយពីប្រព័ន្ធជំនួយការបើកបរនៅលើ JETOUR X70E នេះ ក៏មាន កាមេរ៉ា 360 ដឺក្រេ, ប្រព័ន្ធជំនួយការបើកបរ, ប្រព័ន្ធហ្វ្រាំងដៃអេឡិចត្រូនិច, មុខងារផ្តល់ដំណឹងការវ៉ាជែង, មុខងារផ្តល់ដំណឹងល្មើសល្បឿនបើ កបរ និងប្រព័ន្ធជំនួយចុះចំណោតផងដែរ។

ចំពោះសមត្ថភាពនៃការប្រើប្រាស់ គឺម៉ាស៊ីន 4ស៊ីឡាំង (1.5T) មានកម្លាំងសេះ 150សេះ និងកម្លាំងរមួល 210nm ជាមួយនឹងកម្រិតស៊ីសាំងត្រឹមតែ 5.5L សម្រាប់ផ្លូវលាត និង 7-8L នៅលើផ្លូវស្ទះ។

គួរបញ្ជាក់ផងដែរ តាមរយៈនៃការដាក់សម្ពោធ X70E នេះ គឺបានស្តែងឱ្យឃើញពីភាពជោគជ័យមួយកម្រិតទៀតរបស់ JETOUR CAMBODIA បន្ទាប់ពីភាពជោគជ័យនៃម៉ូដែល រថយន្ត Jetour ជាច្រើនកន្លងមក។

JETOUR គឺជាម៉ាកយីហោរថយន្តដែលមាន ការទទួលស្គាល់ពីទីផ្សារធំៗនៃសកលលោក និងការទទួលស្គាល់គុណភាពពីស្ថាប័នវាយតម្លៃគុណភាពកម្រិតពិភពលោក។ នៅកម្ពុជា ម៉ាករថយន្ត JETOUR ត្រូវបានទទួលសិទ្ធិនាំចូល និងចែកចាយផ្តាច់មុខ តែមួយគត់ ដោយ KNN Cambodia ក្នុងការផ្តល់ជូនសេវាកម្មលក់ បន្ទាប់ពីលក់ និងគ្រឿងបន្លាស់ស្តង់ដារអន្តរជាតិ ជាពិសេសការការធានាទៅលេីគុណភាពរថយន្តជូនអតិថិជន។

សម្រាប់ព័ត៌មានបន្ថែមលម្អិតបន្ថែមពីរថយន្ត JETOUR X70E ទើបសម្ពោធថ្មី និងរថយន្ត JETOUR ម៉ូឌែលផ្សេងៗទៀត សូមទំនាក់ទំនងលេខទូរស័ព្ទ៖ 017 713 713

The post ក្រុមហ៊ុន JETOUR CAMBODIA សម្ពោធជាផ្លូវការរថយន្តប្រណិត JETOUR X70E រថយន្ត SUV 7កៅអី ដ៏ទូលាយ តម្លៃល្អបំផុត លើទីផ្សារកម្ពុជា ក្នុងព្រឹត្តិការណ៍ Auto Show 2026 appeared first on .

ក្រោមការបំផុសគំនិតពីសិល្បៈ Tazuna របស់ប្រទេសជប៉ុន បានឆ្លុះបញ្ចាំងពីភាពស្វាហាប់ មោះមុត និងការឆ្ពោះទៅរកភាពជោគជ័យឥតឈប់ឈរ តាមរយៈទស្សនវិជ្ជានៃប្រណីតភាពដ៏ល្អឥតខ្ចោះ។

ឡិច ស៊ឺស ខេមបូឌា សូមគោរពអញ្ជើញឧត្តមបុគ្គលគ្រប់រូប ទទួលយកបទពិសោធន៍ឆ្នាំថ្មី ប្រកបដោយកម្លាំងនៃភាពអស្ចារ្យ និងការប្តេជ្ញាចិត្តឈានទៅមុខជាមួយប្រណីតភាពពិតប្រាកដ ចាប់ពីថ្ងៃទី៣០ ខែមករា ដល់ ថ្ងៃទី០១ ខែកុម្ភៈ ឆ្នាំ២០២៦ នៅផ្សារទំនើប ជីប ម៉ុង ២៧១ មេហ្គាម៉ល។

ក្នុងឱកាសថ្ងៃកម្មវិធីដ៏ពិសេសនេះ សម្រាប់ម្ចាស់ រថយន្ត ឡិច ស៊ឺស គ្រប់រូប ដែលនាំយករថយន្តរបស់ខ្លួនមកកាន់ផ្សារទំនើប ជីប ម៉ុង ២៧១ មេហ្គាម៉ល នឹងទទួលបានការត្រួតពិនិត្យ (check up) ចំនួន ១៥ចំណុច ដោយឥតគិតថ្លៃ ដោយក្រុមហ៊ុនមានជាងបច្ចេកទេសរថយន្តជាន់ខ្ពស់ រង់ចាំត្រួតពិនិត្យជូន។ ជាមួយគ្នានេះដែរ រាល់ការចុះឈ្មោះបើកបរសាកល្បង លោកអ្នកនឹងទទួលបាន Vouchers លាងរថយន្តចំនួន ៣ ដោយឥតគិតថ្លៃនៅអគារតាំងបង្ហាញរថយន្ត ឡិច សុឺស ខេមបូឌាដែលមានទីតាំងនៅផ្លូវ 60m។

សូមជម្រាបថា កម្មវិធី GREETING TO A NEW MARK OF GREAT MOMENTUM ខាងលើនេះ ឡិច ស៊ឺស ខេមបូឌា នឹងមានការតាំងបង្ហាញជូនរថយន្តទំនើបៗដូចជា ម៉ូដែល LM350h, LX700h និង NX350h ផងដែរ៕

អំពី ឡិច សុឺស
ឡិចស៊ឺស បានដំណើរការដំបូងនៅក្នុងឆ្នាំ១៩៨៩ ជាមួយរថយន្ត Sedan ដែលបានជួយកែប្រែប្រណីតភាពក្នុងឧស្សាហកម្មយានយន្ត។ ក្នុងឆ្នាំ១៩៩៨ ឡិចស៊ឺស បង្កើតនូវប្រភេទរយន្តតួខ្ពស់ប្រណីត ជាមួយការប្រកាសចេញនូវរថយន្តម៉ូដែល RX។ ក្នុងនាមជាក្រុមហ៊ុនឈានមុខលើការលក់រថយន្ត Hybrid ប្រណីត ឡិចស៊ឺស បានប្រកាសចេញរថយន្ត Hybrid ប្រណីតដំបូងគេ ហើយត្រឹមខែសីហា ឆ្នាំ២០២៣ ក្រុមហ៊ុនអាចលក់រថយន្ត Hybrid បានសរុបជាង ២,៦៦លានគ្រឿង រួមមានប្រភេទ HEV, PHEV និង BEV។ ក្នុងតំណែងជាម៉ាករថយន្តប្រណីតលំដាប់សកលលោក ជាមួយការប្ដេជ្ញាដ៏មុះមុតលើភាពអង់អាច ការឌីហ្សាញដ៏លេចធ្លោ គុណភាពខ្ពស់ និងសមត្ថភាពដ៏ខ្លាំងក្លា ក្រុមហ៊ុន ឡិចស៊ឺស បានអភិវឌ្ឍន៍សែស្រឡាយរថយន្តរបស់ខ្លួនដើម្បីបំពេញទៅតាមតម្រូវការនៃអតិថិជនប្រណីតជំនាន់ថ្មីលើសកលលោក ហើយបច្ចុប្បន្នកំពុងតែមានវត្តមាននៅក្នុងប្រទេស និងតំបន់ជាង ៩០ ទូទាំងពិភពលោក។ ក្រុមការងារ ឡិចស៊ឺស នៅជុំវិញពិភពលោក មានការប្ដេជ្ញាខ្ពស់លើការផ្ដល់ជូនបទពិសោធន៍ដ៏អស្ចារ្យដែលមានតែនៅ ឡិចស៊ឺស ហើយពិតជារំភើបរីករាយក្នុងការចូលរួមផ្លាស់ប្ដូរពិភពលោក។
ទំនាក់ទំនងលេខ ៖ +855 17 888 727

The post ឡិច ស៊ឺស ខេមបូឌា រៀបចំកម្មវិធីស្វាគមន៍ទំព័រថ្មីនៃភាពរឹងមាំពិតប្រាកដ រយៈពេល៣ថ្ងៃ នៅផ្សារទំនើប ជីប ម៉ុង ២៧១ មេហ្គាម៉ល appeared first on .

បើមើលតាមភូមិសាស្ត្រទីតាំងនៃគម្រោងដ៏ថ្មីសន្លាងទាំង 2 នេះ យើងអាចមើលឃើញពីវិសាលភាពផ្ទៃដីគម្រោងក៏មិនធម្មតាដែរ ដែលនឹងក្លាយជាតំបន់ដ៏មានសក្ដានុពលថ្មីមួយទៀត។

ក្នុងឱកាសខួប 20 ឆ្នាំរបស់បុរី ប៉េង ហួត ឆ្នាំ 2026 នេះនឹងមានអ្វីកាន់តែពិសេស កាន់កែកក្រើកប្លែកបន្ថែមទៀតដល់អតិថិជន។ ហើយគម្រោង ភូមិនិម្មិត និងព្រែកអម្រឹត នេះ ជាគម្រោងដែលមានឈ្មោះខ្មែរទី3 របស់បុរី ប៉េង ហួត ប៉ុន្តែស្ថិតនៅក្នុងតំបន់ពីរផ្សេងគ្នា គឺតំបន់ 60 ម៉ែត្រ និងតំបន់ច្បារអំពៅ ដែលសុទ្ធតែជាតំបន់មានសក្ដានុពលខ្លាំង។

គម្រោងថ្មីនេះនឹងធ្វើឱ្យតំបន់បឹងស្នោ ខណ្ឌច្បារអំពៅកាន់តែមានសក្ដានុពលបន្ថែមទៀត ក្រោយពីបុរី ប៉េង ហួត សម្ងំអភិវឌ្ឍឥតឈប់ឈរ និងបញ្ចេញសម្មិទ្ធផលថ្មីនាដើមឆ្នាំតែម្ដង។

រង់ចាំតាមដានការបង្ហាញពេញលេញនៃព័ត៌មានគម្រោង ភូមិនិម្មិត ក្នុងពេលឆាប់ៗនេះ។សូមទំនាក់ទំនងសួរព័ត៌មានបឋម អំពីគម្រោងនេះជាមួយបុរី ប៉េង ហួត តាមរយៈលេខ 016/017 59 6789 ឬមកកាន់ការិយាល័យលក់ផ្ទះរបស់បុរី ប៉េង ហួត ដែលស្ថិតនៅជិតលោកអ្នកបំផុត។

The post ស្ងាត់ៗ បុរី ប៉េង ហួត ប្រកាសបុកគ្រឹះគម្រោងថ្មី ពង្រីកសក្ដានុពលតំបន់បឹងស្នោម្ដង 2 គម្រោង appeared first on .

ការប្រមូលមកវិញទាំងនេះអាចមកពីវត្ថុធាតុដើម ឬសារធាតុផ្សំដែលមានបញ្ហាណាមួយដែលរងការគំរាមកំហែងអាចរីករាលដាលពាសពេញ អាហារូបត្ថម្ភទារកដែលមានការគ្រប់គ្រងយ៉ាងតឹងរ៉ឹង ដែលបង្កឱ្យមានការប្រមូលជាបន្ទាន់ ដោយប្រតិកម្មពីក្រសួងពាក់ព័ន្ធ និងក្រុមហ៊ុនដែលចង់ជៀសវាងការប៉ះពាល់ដល់កេរ្តិ៍ឈ្មោះ និងការពារចំណែកទីផ្សារនៅក្នុងតំបន់ដែលមានផលចំណេញដូចជាប្រទេសចិនជាដើម។

ក្រុមហ៊ុន Nestle បានប្រមូលមកវិញនូវផលិតផលអាហារូបត្ថម្ភទារកតាមលេខសង្វាក់ផលិតកម្ម​(Batch Number)នៅក្នុងប្រទេសរាប់សិបកាលពីដើមខែនេះ ដោយសារតែការបំពុលដែលអាចកើតមានជាមួយ cereulide ដែលជាជាតិពុលដែលអាចបណ្តាលឱ្យចង្អោរ និងក្អួត។

ការស៊ើបអង្កេតតាមផ្លូវតុលាការនៅប្រទេសបារាំងកំពុងដំណើរការដើម្បីស្វែងយល់ថាតើមានទំនាក់ទំនងរវាងការស្លាប់របស់ទារក និងទឹកដោះគោ Nestle ដែរឬទេ។ ក្រសួងកសិកម្មបាននិយាយថា លទ្ធផលត្រូវបានគេរំពឹងទុកក្នុងរយៈពេលប្រហែល 10 ថ្ងៃ។ កាលពីថ្ងៃសៅរ៍ ទីភ្នាក់ងារស្បៀងអាហារសិង្ហបុរីបានបញ្ជាឱ្យប្រមូលផលិតផលទឹកដោះគោ Dumex Dulac 1 ដើមកំណើតនៅប្រទេសថៃរបស់ក្រុមហ៊ុន Danone និងផលិតផលទឹកដោះគោ NAN HA1 SupremePro ដើមកំណើតនៅប្រទេសស្វីសរបស់ក្រុមហ៊ុន Nestle មកវិញ បន្ទាប់ពីបានរកឃើញសារធាតុ cereulide។

ក្រុមហ៊ុន Lactalis ដែលជាក្រុមហ៊ុនឯកជនបាននិយាយកាលពីថ្ងៃពុធថា អង្គភាពអាហារូបត្ថម្ភរបស់ខ្លួនកំពុងប្រមូលផលិតផលទឹកដោះគោទារកមួយចំនួននៅក្នុងប្រទេសចំនួន 18 ដោយសារតែវត្តមានសារធាតុ cereulide នៅក្នុងគ្រឿងផ្សំដែលមានប្រភពមកពីអ្នកផ្គត់ផ្គង់។

មន្ត្រីក្រសួងកសិកម្មម្នាក់បានប្រាប់រ៉យទ័រថា “ក្រុមហ៊ុនផលិតទឹកដោះគោទារកទាំងអស់នៅប្រទេសបារាំង និងនៅលើឆាកអន្តរជាតិទំនងជារងផលប៉ះពាល់ដោយការដឹកជញ្ជូនវត្ថុធាតុដើមដែលមិនអនុលោមតាមស្តង់ដារពីក្រុមហ៊ុនផលិតដូចគ្នា ដែលនាំឱ្យមានការប្រមូលផលិតផលឡើងវិញដោយក្រុមហ៊ុន Nestle និង Lactalis”។

អ្នកនាំពាក្យរបស់ Lactalis បានប្រាប់ Reuters  ថា អ្នកផ្គត់ផ្គង់អាស៊ីត arachidonic ដែលមានមេរោគ ឬ ARA គឺជាជនជាតិហូឡង់ ប៉ុន្តែបានច្រានចោលថា វាជាក្រុមហ៊ុនផលិតដែលបានចុះបញ្ជីនៅទីក្រុង Amsterdam គឺ dsm-firmenich (DSFIR.AS)។

វាត្រូវបានលក់ដោយក្រុមហ៊ុនហូឡង់មួយ ប៉ុន្តែមកពីប្រទេសចិន មន្ត្រីក្រសួងកសិកម្មបារាំងបាននិយាយដោយឡែកពីគ្នា ដោយបដិសេធមិនផ្តល់ឈ្មោះក្រុមហ៊ុនណាមួយឡើយ។

ក្រុមហ៊ុន Nestle ក៏បានកំណត់អត្តសញ្ញាណកង្វល់អំពីគុណភាពនៅរោងចក្រមួយរបស់ខ្លួននៅក្នុងប្រទេសហូឡង់ ហើយបានផ្អាកការស្វែងរកប្រេង ARA ពីអ្នកផ្គត់ផ្គង់ដែលពាក់ព័ន្ធ។

ក្រុមហ៊ុន dsm-firmenich បាននិយាយថា គ្មានផលិតផលណាមួយរបស់ខ្លួនត្រូវបានរងផលប៉ះពាល់ដោយការប្រមូលមកវិញរបស់ Nestle នោះទេ។

Source:

https://www.reuters.com/business/healthcare-pharmaceuticals/danone-says-it-blocked-batch-infant-formula-request-singapore-regulator-2026-01-21/

The post ក្រុមហ៊ុន​ផលិត​ទឹកដោះគោ​ធំៗប្រញាប់ប្រញាល់​ប្រមូល​ម្សៅ​ទឹកដោះគោ​ទារក​វិញ បន្ទាប់ពី​មាន​ការភ័យខ្លាច​អំពី​ការបំពុល​ appeared first on .

* ហានិភ័យនឹងការបាត់បង់ជើង អ្នកជំងឺបានមកមន្ទីរពេទ្យ FV ដើម្បីស្វែងរកក្តីសង្ឃឹមចុងក្រោយ

ក្រោយពី​គ្រោះថ្នាក់ចរាចរណ៍ដោយសារ​ម៉ូតូបុក ​ពេល​ធ្វើ​ដំណើរ​ទៅ​ធ្វើ​ការ ​ជើង​ឆ្វេង​របស់​លោកសារឿនបាក់ខ្ទិច។ គាត់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យក្នុងស្រុក ប៉ុន្តែរបួសមិនអាចគ្រប់គ្រងបានល្អ ទើបក្រុមគ្រួសាររបស់គាត់សម្រេចចិត្តនាំគាត់ទៅព្យាបាលនៅប្រទេសវៀតណាម។

ប៉ុន្តែ ការឆ្លងមេរោគកាន់តែអាក្រក់ទៅៗ។ ការឆ្លងរាលដាល និងកាន់តែជ្រៅ ហើយម្រាមជើងចាប់ផ្តើមរលួយ។ វេជ្ជបណ្ឌិតបាននិយាយថា អវយវៈត្រូវតែកាត់ចោល បើមិនដូច្នេះទេ ការឆ្លងនឹងក្លាយទៅជាការគំរាមកំហែងដល់អាយុជីវិត។

លោក សារឿន និង​ក្រុម​គ្រួសារ​មាន​ការ​ភ្ញាក់ផ្អើល​ជា​ខ្លាំង​ពេល​ទទួល​បាន​ដំណឹង​អាក្រក់​នេះ។ ដោយ​គិត​ពី​អនាគត​ដែល​គាត់​នឹង​ពិការ និង​មិន​អាច​ចិញ្ចឹម​គ្រួសារ​បាន បេះដូង​គាត់​មាន​អារម្មណ៍​ដូចមាន​គេ​ច្របាច់។ លោក សារឿន បាននិយាយថា «នៅពេលដែលគ្រូពេទ្យប្រាប់ថាជើងរបស់ខ្ញុំត្រូវកាត់ចេញ ខ្ញុំភ័យខ្លាច និងបាក់ទឹកចិត្តណាស់។ ប៉ុន្តែក្នុងចិត្ត ខ្ញុំនៅតែសង្ឃឹមថាជើងរបស់ខ្ញុំអាចសង្គ្រោះបាន»។

តាមការណែនាំរបស់មិត្តភ័ក្តិ គ្រួសាររបស់គាត់បានសម្រេចចិត្តនាំគាត់ទៅទីក្រុងហូជីមិញ ដើម្បីស្វែងរកក្តីសង្ឃឹម​ព្យាបាលនៅមន្ទីរពេទ្យ FV។ លោក សារឿន ត្រូវ​បាន​ពិនិត្យ​ដោយ​លោកវេជ្ជបណ្ឌិតឯកទេសII ត្រឿង ហ្វាងវិញឃៀម នាយកដ្ឋានផ្នែករបួសសារ៉េឆ្អឹង។ វេជ្ជបណ្ឌិត ឃៀម  បាន​កំណត់​ថា នេះ​គឺ​ជា​ការ​បាក់​ឆ្អឹង​ដ៏​ស្មុគស្មាញ​ដែល​មាន​ការ​ឆ្លង​មេរោគ​ឆ្អឹង​ និងរលួយ​ដុំសាច់​ទន់ធ្ងន់ធ្ងរ។

លោកវេជ្ជបណ្ឌិត ឃៀម បានវិភាគយ៉ាងដូច្នេះថា«ការឆ្លងមេរោគលើឆ្អឹងគឺជាបញ្ហាប្រឈមដ៏ធំបំផុតមួយសម្រាប់អ្នកព្យាបាលសារ៉េឆ្អឹង។ ឆ្អឹងមានការផ្គត់ផ្គង់ឈាមតិចតួច និងមានភាពធន់នឹងការឆ្លងមេរោគមិនល្អ។ ប្រសិនបើ​មិន​បាន​ព្យាបាល​ឱ្យបាន​ហ្មត់ចត់​ទេ អ្នកជំងឺ​នឹងត្រូវ​បង្ខំចិត្ត​កាត់​អវយវៈ​ចេញ​។ ករណីរបស់អ្នកជំងឺ សារឿន កាន់តែស្មុគស្មាញ ដោយសារគាត់មានជំងឺទឹកនោមផ្អែម ដែលមិនអាចគ្រប់គ្រងបាន ដែលធ្វើឱ្យដំណើរការព្យាបាលមានភាពយឺតយ៉ាវខ្លាំង»។    

ក្នុង​នាម​ជា​អ្នក​ជំនាញ​ក្នុង​ការ​ព្យាបាល​ការ​ឆ្លង​មេរោគរលួយធ្ងន់ធ្ងរ​ជា​ច្រើន​ករណី លោក​វេជ្ជបណ្ឌិត ឃៀម​ បាន​មាន​ប្រសាសន៍​ថា នៅ​មាន​សង្ឃឹម ប៉ុន្តែ​ដំណើរ​ការ​ព្យាបាល​នឹង​មាន​រយៈពេល​យូរ​ណាស់។ ក្រឡេកមើលទៅក្នុងកែវភ្នែកដែលព្រួយបារម្ភ ប៉ុន្តែមានក្តីសង្ឃឹមរបស់អ្នកជំងឺ លោកវេជ្ជបណ្ឌិត ឃៀម បានធានាជាមួយលោក សារឿន ថា លោកនឹងព្យាយាមឱ្យអស់ពីសមត្ថភាពដើម្បីសង្គ្រោះជើងឆ្វេងឱ្យគាត់។

* ៧ដងវះកាត់ មួយជំហានៗដើម្បីសង្គ្រោះជើង

ផែនការព្យាបាលឱ្យលោក សារឿន បានចាប់ផ្តើមជាមួយនឹងការគ្រប់គ្រងការឆ្លង។ បន្ទាប់មក លោកបណ្ឌិត ឃៀម បានដាក់ឧបករណ៍ជួសជុលខាងក្រៅ ដើម្បីរក្សាលំនឹងអ័ក្សឆ្អឹង ដែលអនុញ្ញាតឱ្យជាលិកាទន់មានលំនឹងបន្តិចម្តងៗ។

បន្ទាប់​មក​មាន​ការ​វះ​កាត់​ដ៏​ល្អិតល្អន់​ជា​បន្តបន្ទាប់​ដូចជា កាត់​ជាលិការលួយច្រើនដង​ដើម្បី​សម្អាត​មុខ​របួស ការ​បង្វិល​សំបក​ស្បែក​ដើម្បី​បិទ​បាំងកន្លែង​ខូច​ខាត និង​ការ​ផ្សាំ​ស្បែក​ដើម្បី​ស្ដារ​ស្រទាប់​ការពារ។ សរុបមក គាត់បានទទួលការវះកាត់ចំនួនប្រាំពីរដង។

ក្រោយ​ការ​តស៊ូ​អស់​រយៈពេល​ជាង​២​ខែ របួស​បាន​ជា​សះស្បើយ ហើយ​ឆ្អឹង​ក៏​ចាប់​ផ្តើម​ជា​សះស្បើយ។ អ្នកជំងឺ​បាន​បន្ត​ទទួល​ការ​ព្យាបាល​ក្រៅមន្ទីរពេទ្យ​រយៈពេល​ជាង១ ខែ។ ទីបំផុត ភាពរីករាយបានមករកគាត់គឺ ជើងឆ្វេងរបស់គាត់បានជាសះស្បើយ។

លោក សារឿន បាន​និយាយថា «ពេល​ខ្ញុំ​បាន​ជួប​លោក​បណ្ឌិត ឃៀម លើក​ដំបូង ខ្ញុំ​សប្បាយ​ចិត្ត​ណាស់​ពេល​គាត់​និយាយ​ថា​គាត់​នឹង​ព្យាយាម​ឲ្យ​អស់​ពី​សមត្ថភាព​ដើម្បី​សង្គ្រោះ​ជើង​ខ្ញុំ។ ខ្ញុំ​ទុក​ចិត្ត​ទាំង​អស់​ទៅ​លើ​គាត់។ ទោះ​បី​ជា​ដំណើរ​ការ​ព្យាបាល​មាន​ការ​លំបាក​និង​ចំណាយ​ប្រាក់​ច្រើន​ក៏​ដោយ ក៏​ខ្ញុំ​សប្បាយ​ចិត្ត​ដែល​បាន​រក្សា​ជើង​របស់​ខ្ញុំ»។

* ជោគជ័យ​ដោយសារ​តែ​ការ​សម្របសម្រួល​ពី​ជំនាញ​ជាច្រើន

តាមលោកវេជ្ជបណ្ឌិត ឃៀម ជោគជ័យលើករណីអ្នកជំងឺ សារឿន មិនមែនកើតចេញពីការវះកាត់តែមួយមុខនោះទេ គឺជាការខិតខំប្រឹងប្រែងរួមគ្នារបស់អ្នកឯកទេសជាច្រើន។ នៅក្នុងនេះ គ្រូពេទ្យផ្នែកខាងក្នុងសម្របសម្រួលការគ្រប់គ្រងជំងឺទឹកនោ​មផ្អែម បង្កើនប្រសិទ្ធភាពព្យាបាលមុខរបួស។ អ្នកជំងឺត្រូវបានថែទាំដោយរបបអាហារូបត្ថម្ភឯកទេស។ ក្រុមគិលានុបដ្ឋាយិកាតាមដានយ៉ាងដិតដល់ 24/7 យកចិត្តទុកដាក់ ផ្លាស់ប្តូរបង់រុំ ការពារការឆ្លងម្តងទៀត និងលើកទឹកចិត្តអ្នកជំងឺ។

លោកស្រី ហ្វាងធីហាយវឹន ប្រធានគិលានុបដ្ឋាយិកានៃនាយកដ្ឋានវះកាត់ខាងលិច បាននិយាយថា «គិលានុបដ្ឋាយិកា FV តែងតែមើលអ្នកជំងឺដូចគ្រួសារ។​ ជាមួយ​នឹង​ករណី​ស្មុគស្មាញ​ដូច​លោក សារឿន យើង​ត្រូវ​កែសម្រួល​បុគ្គលិក​ថែទាំ សម្របសម្រួល​យ៉ាង​ជិតស្និទ្ធ​ជាមួយ​វេជ្ជបណ្ឌិត និង​លើកទឹកចិត្ត​អ្នកជំងឺ​ឱ្យ​មាន​ទំនុកចិត្ត​ក្នុង​ពេល​ព្យាបាល​»​។

នៅ​ថ្ងៃ​ចេញពីមន្ទីរពេទ្យ លោក សារឿន អាច​ក្រោក​ឈរ ហើយ​ដើរ​យឺតៗដោយជើងរបស់គាត់។ គាត់បាននិយាយទាំងរំជួលចិត្តថា«ដោយសារគ្រូពេទ្យ និងអ្នកទាំងអស់គ្នានៅ FV ខ្ញុំនៅតែមានជើងរបស់ខ្ញុំ។ ខ្ញុំដឹងគុណចំពោះរឿងនោះច្រើនជាងអ្វីទាំងអស់»។

នៅ FV អ្នកជំងឺជាច្រើនដែលមានការឆ្លងមេរោគធ្ងន់ធ្ងរដែលហាក់ដូចជាអស់សង្ឃឹមបានជាសះស្បើយដូចអព្ភូតហេតុ ដោយសារការសម្របសម្រួលពហុជំនាញ និងការខិតខំប្រឹងប្រែងដោយមិនចេះនឿយហត់របស់ក្រុមគ្រូពេទ្យ។

ដើម្បីធ្វើការណាត់ជួបពិនិត្យ និងព្យាបាល សូមទាក់ទងការិយាល័យតំណាងមន្ទីរពេទ្យ FV នៅទីក្រុងភ្នំពេញ ប្រទេសកម្ពុជា តាមរយៈលេខទូរស័ព្ទ (+855) 23 211 777 ឬខ្សែទូរស័ព្ទ (+855) 89 999 345៕

The post បុរសម្នាក់បានបាក់ជើងដោយគ្រោះថ្នាក់ចរាចរណ៍ ​តែជាសំណាងល្អ​អាច​រក្សា​ទុក​បានជើងទាំងពីរដោយគ្រូពេទ្យជំនាញនៅមន្ទីរពេទ្យ FV appeared first on .

សូមអញ្ជើញលោកអ្នកចូលរួមពិធីបើកសម្ពោធជាផ្លូវការ ដែលនឹងមានការសម្តែងពិសេសរបស់កុមារសាលាអន្តរជាតិកូរ៉េ នៅថ្ងៃច័ន្ទ ទី១៩ ខែមករា ឆ្នាំ២០២៦។​​ សំបុត្រ៖ ២៥ដុល្លារ++ ក្នុងម្នាក់ (រួមបញ្ចូលភេសជ្ជៈ និងអាហារសម្រន់ រយៈពេលពីរម៉ោង)។ ម៉ោង ៦:០០ល្ងាច – ៨:០០យប់។

ជាផ្នែកមួយនៃការប្តេជ្ញាចិត្តជាបន្តបន្ទាប់របស់ ហៃយ៉ាត់ ចំពោះសហគមន៍ ថវិការទទួលបានពីការតាំងពិព័រណ៍នេះនឹងត្រូវបរិច្ចាគទៅ សាលាអន្តរជាតិកូរ៉េនៃរាជធានីភ្នំពេញ។ ស្នាដៃរបស់លោកស្រី Euna Kwon ត្រូវបានបង្កើតឡើងដោយការធ្វើដំណើរ និងបទពិសោធន៍ទូទាំងពិភពលោករបស់លោកស្រី​នឹងនៅក្នុងប្រទេសកម្ពុជា ដោយស្វែងយល់ពីចំណុចប្រសព្វនៃប្រពៃណី អត្តសញ្ញាណ និងភាពទំនើប។ វានឹងបង្ហាញពីសិល្បៈសហសម័យកូរ៉េដ៏សម្បូរបែប ដែលរួមបញ្ចូលការបញ្ចេញមតិទាំងអស់។

ការតាំងពិព័រណ៍នេះនឹងដំណើរការចាប់ពីថ្ងៃទី២០ ដល់ថ្ងៃទី៣១ ខែមករា ឆ្នាំ២០២៦ សម្រាប់សាធារណជនទស្សនាដោយសេរី។

កក់ឥឡូវនេះ សំបុត្រមានកំណត់!
ទូរស័ព្ទដៃ/តេឡេក្រាម៖ +855 97 350 1234

The post សណ្ឋាគារ ហៃយ៉ាត់ រីជិនស៊ី ភ្នំពេញ តាំងបង្ហាញសិល្បៈកូរ៉េ ជាមួយវិចិត្រករ​កូរ៉េ លោកស្រី Euna Kwon ស្ថាបនិក Studioeka appeared first on .