បើតាមរដ្ឋបាលខេត្តកំពង់ចាម បានឱ្យដឹងថា ពិធី​បុណ្យ​កាន់​បិណ្ឌ​វេនទី​១៣​ នេះ​ ក៏មានការ​អញ្ជើញ​ចូលរួម​ពី​ ឯកឧត្តម​ អ៊ុន​ ចាន់​ដា​ ​ អភិបាល​ខេត្ត​កំពង់ចាម​ រួមទាំង​ស្នងការ​ខេត្ត​ និង​មន្ត្រី​អ្នកមុខអ្នកការ​ជាច្រើន​នាក់​ទៀត​។ ក្នុងពិធីនោះដែរ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត និងសហការី បានអញ្ជើញចូលរួមក្នុងពិធីពិធីប័ង្សុកូល ឧទ្ទិសកុសលជូនដួងវិញ្ញាណក្ខន្ធ សម្តេចឧត្តមទេពញាណ ហ៊ុន ណេង ព្រមទាំងបុព្វការីជន មានមាតា បិតា ញាតិការទាំងប្រាំពីរសន្តាន និងញាតិសាច់សារលោហិតជិតឆ្ងាយទាំងអស់ ដែលបានបែកកាយរំលាយខ័ន្ធទៅកាន់លោកខាងមុខហើយនោះ រួមនឹងវីរយុទ្ធជនស្នេហាជាតិ ដែលបានពលីក្នុងបុព្វហេតុជាតិមាតុភូមិ។

សូមជម្រាបថា ពិធីប័ង្សុកូល ឧទ្ទិសកុសលជូនដួងវិញ្ញាណក្ខន្ធ សម្តេចឧត្តមទេពញាណ ហ៊ុន ណេង បានប្រព្រឹត្តិទៅនៅមហាចេតិយសម្តេចឧត្តមទេពញាណ ស្ថិតក្នុងភូមិអណ្តូងច្រុះ ឃុំអំពិល ស្រុកកំពង់សៀម ខេត្តកំពង់ចាម តាមទំនៀមទំលាប់ ប្រពៃណីបុរាណខ្មែរ និងតាមគន្លងនៃព្រះពុទ្ធសាសនា៕

The post ថ្ងៃបិណ្ឌវេនទី១៣! អ្នកឧកញ៉ា​ ហ៊ុន​ តូ និងលោកជំទាវ បាននាំយកទេយ្យទានប្រគេនព្រះសង្ឃក្នុងវត្ត សុវណ្ណ​គីរី​រតនៈ​ ភ្នំ​ប្រុស ខេត្តកំពង់ចាម ដើម្បីឧទ្ទិសកុសលជូនដួងវិញ្ញាណក្ខន្ធ សម្ដេច​ឧត្ដមទេពញាន​ ហ៊ុន​ ណេង appeared first on .

ក្នុងបទសម្ភាសន៍មួយកាលពីពេលថ្មីៗនេះ លោកឧកញ៉ា បានគូសបញ្ជាក់ថា មែនទែនទៅទំនិញដែលកម្ពុជានាំចូលពីថៃនោះ មិនមែនជារបស់ថៃនោះទេ គឺជាផលិតផល ដែលក្រុមហ៊ុនអន្ដរជាតិ បានដាក់មូលដ្ឋានផលិតនៅប្រទេសថៃ។

គួរបញ្ជាក់ថា ការធ្វើពាណិជ្ជកម្មរវាងកម្ពុជា និងថៃ ក្នុងរយៈពេល៩ខែ ឆ្នាំ២០២៦នេះ សម្រេចបានទឹកប្រាក់ ២ ០៨១លានដុល្លារ ថយចុះចំនួន២៨.៤៦% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ដែលមានទឹកប្រាក់ ២ ៩០៩លានដុល្លារអាមេរិក។

របាយការណ៍របស់ក្រសួងពាណិជ្ជកម្ម បានបង្ហាញថា ការនាំចេញរបស់កម្ពុជា ទៅកាន់ប្រទេសថៃ មានតម្លៃជាង ៥៣៨លានដុល្លារអាមេរិក ថយចុះ៦.៥២%។ ចំណែកឯការនាំចេញរបស់ថៃ មកកាន់កម្ពុជាវិញ មានការធ្លាក់ចុះ គួរឱ្យកត់សម្គាល់ផងដែរ មានទឹកប្រាក់ ១ ៥៤២លានដុល្លារអាមេរិក ថយចុះ ៣៣.៨៨%។

សូមជម្រាបថា ការធ្លាក់ចុះនៃទំហំពាណិជ្ជកម្មរវាងប្រទេសទាំងពីរនេះ គឺបន្ទាប់ពីមានជម្លោះព្រំដែនជាមួយគ្នា ចាប់តាំងពីពាក់កណ្តាលឆ្នាំ២០២៥មក និងបានឈានទៅបិទព្រំដែនគោក ទាំងស្រុង។ ជាមួយគ្នានេះ ប្រមុខរដ្ឋាភិបាលកម្ពុជា បានសម្រេចបានហាមការនាំចូលទំនិញមួយចំនួនពីថៃ ដូចជាឧស្ម័ន ប្រេងឥន្ធនៈ បន្លែ និងផ្លែឈើផងដែរ៕

The post ឧកញ៉ាបណ្ឌិត ស៊ិន ចន្ធី៖ “តាំងពីកម្ពុជា មានបញ្ហាជាមួយថៃ ហើយថៃបានបិទព្រំដែនផ្លូវគោក នៅមានការដឹកជញ្ជូនខ្លះ តាមផ្លូវទឹក និងផ្លូវអាកាស តែមិនមែនជាផលិតផលថៃ” appeared first on .

កិច្ចប្រជុំនេះក៏មានការចូលរួមផងដែរពីសំណាក់ កម្មវិធីជំនួបអាហារពេលព្រឹកធុរកិច្ចលើកទី៤ នេះ មានការអញ្ជើញចូលរួមពី សំណាក់តំណាងក្រសួង ស្ថាប័នដែលជាសហប្រធានក្រុមការងារតាមវិស័យនៃយន្តការវេទិការាជរដ្ឋាភិបាល-ផ្នែកឯកជន, ព្រមទាំងតំណាងអង្គទូត ដៃគូអភិវឌ្ឍន៍រួមមាន តំណាង ADB, World Bank, UN, GIZ ជាដើម, និងសភាពាណិជ្ជកម្មនៃប្រទេសចិន, សហភាពអឺរ៉ុប, ជប៉ុន, កូរ៉េ, និង សហរដ្ឋអាម៉េរិក សរុបប្រមាណ៩០រូប។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណងដើម្បី៖

១. ពិភាក្សា និងផ្លាស់ប្តូរយោបល់ដោយស្មោះត្រង់លើការកាត់បន្ថយនីតិវិធីរដ្ឋបាលស្មុគស្មាញ (Red Tape) និងការសម្រួលឯកសារធុរកិច្ច ដើម្បីកាត់បន្ថយការចំណាយ និងបង្កើនភាពទាក់ទាញនៃការវិនិយោគ

២. ដោះស្រាយបញ្ហាប្រឈមចំពោះមុខលើប្រព័ន្ធឌីជីថលដែលនៅដាច់ដោយឡែកពីគ្នា និងលើកកម្ពស់ការប្រកួតប្រជែងដោយស្មើភាព (Level Playing Field) សម្រាប់ក្រុមហ៊ុនដែលអនុវត្តអនុលោមភាពត្រឹមត្រូវ

៣. ពង្រឹងទំនុកចិត្តវិនិយោគិន ត្រៀមលក្ខណៈសម្រាប់ការចាកចេញពីឋានៈប្រទេសអភិវឌ្ឍន៍តិចតួច (LDC) និងរៀបចំយន្តការសហការរវាងរដ្ឋ និងឯកជន ឆ្ពោះទៅកាន់វេទិការាជរដ្ឋាភិបាល-ផ្នែកឯកជន (G-PSDF) លើកទី២០។

សូមជម្រាបជូនថា នៅក្នុងកិច្ចប្រជុំនេះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានគូសបញ្ជាក់ពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាល ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការជំរុញការកែទម្រង់មុតស្រួចជាកញ្ចប់។

ទន្ទឹមនឹងនេះ ឯកឧត្តមឧបនាយករដ្ឋមន្ត្រី ក៏បានស្នើឱ្យផ្នែកឯកជន និងសភាពាណិជ្ជកម្មទាំងអស់ សហការរៀបចំទម្រង់ថ្មីសម្រាប់វេទិកា G-PSDF លើកទី២០ ដោយបង្វែរទិសដៅពីការលើកឡើងត្រឹមបញ្ហាប្រឈមដាច់ដោយឡែក មកជាការរួមគ្នាបង្កើតផែនទីបង្ហាញផ្លូវ និងយុទ្ធសាស្ត្រអភិវឌ្ឍន៍វិស័យដែលមានតម្លៃបន្ថែមខ្ពស់ (ដូចជា គ្រឿងអេឡិចត្រូនិច យានយន្ត និងកែច្នៃចំណីអាហារ) ដើម្បីជំរុញកម្ពុជាឱ្យសម្រេចបានចក្ខុវិស័យឆ្នាំ២០៣០ និង២០៥០។

The post ឧកញ៉ា គួច ផេង តំណាងអ្នកឧកញ៉ា គិត ម៉េង ចូលរួមកិច្ចប្រជុំអាហារពេលព្រឹកពិភាក្សាការងាររវាងរដ្ឋ និងផ្នែកឯកជន លើកទី៤ ក្រោមប្រធានបទ «កម្មវិធីកិច្ចសម្រួលបទប្បញ្ញត្តិរវាង ក្រុមប្រឹក្សាអភិវឌ្ឍន៍កម្ពុជា និង សភាពាណិជ្ជកម្មអឺរ៉ុបនៅកម្ពុជា» appeared first on .

មន្ទីរពេទ្យគន្ធបុប្ផា ត្រូវបានដាក់ឈ្មោះតាមព្រះនាមព្រះអង្គម្ចាស់ក្សត្រីយ៍ នរោត្ដម គន្ធបុប្ផា ដែលជាព្រះរាជធីតាទី៨ របស់ព្រះករុណា ព្រះបាទសម្ដេចព្រះ នរោត្ដម សីហនុ។ មន្ទីរពេទ្យគន្ធបុប្ផាទី១ ត្រូវបានសាងសង់ឡើងនៅឆ្នាំ១៩៦៣ ក្រោមព្រះរាជបញ្ជាពីព្រះបាទសម្ដេចព្រះ នរោត្ដម សីហនុ។ បន្ទាប់ពីសង្គ្រាម លោកបណ្ឌិត បេអាត រិចឆ្នឺ (Beat Richner) ត្រូវបានរដ្ឋាភិបាលកម្ពុជាស្នើសុំឱ្យជួយជួសជុលមន្ទីរពេទ្យដែលរងការបំផ្លិចបំផ្លាញ ហើយលោកបានបង្កើតមូលនិធិគន្ធបុប្ផា នៅប្រទេសស្វីសនៅឆ្នាំ១៩៩២ ដើម្បីជួសជុល និងដាក់ឱ្យដំណើរការមន្ទីរពេទ្យឡើងវិញនៅឆ្នាំ១៩៩១។ មន្ទីរពេទ្យគន្ធបុប្ផា គឺជាមន្ទីរពេទ្យសប្បុរសធម៌ និងជាមន្ទីរពេទ្យកុមារថ្នាក់ជាតិដ៏ធំមួយនៅកម្ពុជា ដែលផ្ដល់សេវាពិនិត្យ និងព្យាបាលជំងឺជូនទារក កុមារ និងស្ត្រីមានផ្ទៃពោះ ដោយឥតគិតថ្លៃ និងមិនមានការរើសអើង។

សូមជម្រាបថា លោកអ្នកឧកញ៉ា លាង ឃុន ជានិច្ចកាលតែងតែបរិច្ចាគថវិកា និងធនធានផ្ទាល់ខ្លួនជួយ​ដល់​សង្គម​ជាហូរហែ។ ជាក់ស្តែង កាលថ្ងៃទី១៣ ខែមិថុនា ឆ្នាំ២០២៦ លោកអ្នកឧកញ៉ា ក៏បានចូលរួមនាំយកថវិកាបរិច្ចាគ ចំនួន ១លានដុល្លារអាមេរិក របស់ក្រុមហ៊ុន ជីប ម៉ុង ប្រគល់ជូនមន្ទីរពេទ្យគន្ធបុប្ផា ក្រោមអធិបតីភាព លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផងដែរ៕

The post លោកអ្នកឧកញ៉ា លាង ឃុន ឧបត្ថម្ភគ្រែសង្គ្រោះបន្ទាន់កុមារ ចំនួន៥គ្រែ សរុបថវិកា ១០,០០០ដុល្លារ ជូនដល់មន្ទីរពេទ្យគន្ធបុប្ផា appeared first on .

កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម លោកជំទាវរដ្ឋមន្ត្រីតំណាងក្រសួង ស្ថាប័នពាក់ព័ន្ធ, សហប្រធានក្រុមការងារផ្នែកឯកជន ក្រុមការងារលេខាធិការដ្ឋានទាំងផ្នែករដ្ឋាភិបាល និងផ្នែកឯកជន ក្រុមការងារ CAPRED និងអ្នកពាក់ព័ន្ធជាច្រើនផងដែរ។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណងដើម្បី៖

១. ពិនិត្យ ពិភាក្សាលើសេចក្តីព្រាងរបាយការណ៍ស្តីពីវឌ្ឍនភាពការងារប្រចាំឆមាសទី១ ឆ្នាំ២០២៦

២. ពិភាក្សាលើដំណើរការនៃការត្រៀមរៀបចំវេទិការាជរដ្ឋាភិបាល-ផ្នែកឯកជន លើកទី២០

៣. ការងារពាក់ព័ន្ធផ្សេងៗ។

សូមជម្រាបជូនថា គិតត្រឹមដំណាច់ឆមាសទី១ ឆ្នាំ២០២៦ ការអនុវត្តវិធានការកែទម្រង់មុតស្រួចជាកញ្ចប់ ដែលបានដាក់ចេញក្នុងវេទិកា G-PSF លើកទី១៩ កំពុងឈានទៅសម្រេចពេញលេញ ១០០% ដោយវិធានការសម្រេចពេញលេញបានកើនដល់១៧៣ ស្មើនឹង ៩៦,៦% នៃវិធានការសរុប ខណៈវិធានការកំពុងត្រូវបានអនុវត្តទាំង៦ ស្មើនឹង៣,៤% នៃវិធានការសរុប សម្រេចបានវឌ្ឍនភាព សំខាន់ៗ ដែលស្ថិតក្នុងបង្គោលចរទី២ (៤ វិធានការ) និងទី៣ (២ វិធានការ)។

ដោយឡែកសម្រាប់ការដោះស្រាយបញ្ហានៅក្រុមការងារតាមវិស័យក្រោយវេទិកា G-PSF លើកទី១៩ វិញ គិតត្រឹមឆមាសទី១ ឆ្នាំ២០២៦ ត្រូវបានសង្កេតឃើញថាមានភាពល្អប្រសើរ ដោយក្នុងបញ្ហាសរុបចំនួន២៤០ មាន២២ កំពុងត្រូវបានដោះស្រាយ ហើយក្នុង ចំណោមបញ្ហាទាំង២៤០នេះ មានបញ្ហាថ្មីចំនួន៤២ ត្រូវបានលើកឡើងក្នុងឆមាសទី១ ឆ្នាំ២០២៦ ដែលក្នុងនោះ៣៩ ត្រូវបានដោះស្រាយរួចរាល់ ខណៈ៣ កំពុងត្រូវបានដោះស្រាយ៕

The post អ្នកឧកញ៉ា លឹម ហេង តំណាងអ្នកឧកញ៉ា គិត ម៉េង ចូលរួមកិច្ចប្រជុំអន្តរក្រសួងដើម្បីពិនិត្យលើសេចក្តីព្រាងរបាយការណ៍ស្តីពីវឌ្ឍនភាពការងារ ប្រចាំឆមាសទី១ ឆ្នាំ២០២៦ នៃយន្តការវេទិការាជរដ្ឋាភិបាល-ផ្នែកឯកជន appeared first on .

មន្ទីរពេទ្យគន្ធបុប្ផា ត្រូវបានដាក់ឈ្មោះតាមព្រះនាមព្រះអង្គម្ចាស់ក្សត្រីយ៍ នរោត្ដម គន្ធបុប្ផា ដែលជាព្រះរាជធីតាទី៨ របស់ព្រះករុណា ព្រះបាទសម្ដេចព្រះ នរោត្ដម សីហនុ។ មន្ទីរពេទ្យគន្ធបុប្ផាទី១ ត្រូវបានសាងសង់ឡើងនៅឆ្នាំ១៩៦៣ ក្រោមព្រះរាជបញ្ជាពីព្រះបាទសម្ដេចព្រះ នរោត្ដម សីហនុ។ បន្ទាប់ពីសង្គ្រាម លោកបណ្ឌិត បេអាត រិចឆ្នឺ (Beat Richner) ត្រូវបានរដ្ឋាភិបាលកម្ពុជាស្នើសុំឱ្យជួយជួសជុលមន្ទីរពេទ្យដែលរងការបំផ្លិចបំផ្លាញ ហើយលោកបានបង្កើតមូលនិធិគន្ធបុប្ផា នៅប្រទេសស្វីសនៅឆ្នាំ១៩៩២ ដើម្បីជួសជុល និងដាក់ឱ្យដំណើរការមន្ទីរពេទ្យឡើងវិញនៅឆ្នាំ១៩៩១។ មន្ទីរពេទ្យគន្ធបុប្ផា គឺជាមន្ទីរពេទ្យសប្បុរសធម៌ និងជាមន្ទីរពេទ្យកុមារថ្នាក់ជាតិដ៏ធំមួយនៅកម្ពុជា ដែលផ្ដល់សេវាពិនិត្យ និងព្យាបាលជំងឺជូនទារក កុមារ និងស្ត្រីមានផ្ទៃពោះ ដោយឥតគិតថ្លៃ និងមិនមានការរើសអើង។

គួររំឭកថា កាលថ្ងៃទី២៩ ខែកក្កដា ឆ្នាំ២០២៦ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋាន​កម្ពុជា ក៏បានដឹកនាំសមាជិក-សមាជិកា យកថវិកាបរិច្ចាគឧបត្ថម្ភជូន មូលនិធិគន្ធបុប្ផាកម្ពុជា ក្រោមយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ ដែលជាគំនិតផ្តួចផ្តើមដ៏មានអត្ថន័យ និងពោរពេញដោយស្មារតីសប្បុរសធម៌ ដែល លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាប្រធានកិត្តិយសនៃមូលនិធិគន្ធបុប្ផាកម្ពុជា។

លោកអ្នកឧកញ៉ា លី ហួរ បានមានប្រសាសន៍ថា មន្ទីរពេទ្យគន្ធបុប្ផា បានដើរតួនាទីយ៉ាងសំខាន់ក្នុងការសង្គ្រោះ​អាយុជីវិត និងថែទាំសុខភាពកុមារកម្ពុជា រាប់លាននាក់ អស់រយៈពេលជាច្រើនទសវត្សរ៍មកហើយ ដូច្នេះការចូលរួម​របស់យើងម្នាក់ បន្តិចៗ នឹងក្លាយជាកម្លាំងដ៏ធំមួយ ដើម្បីធានាថា មន្ទីរពេទ្យនៅតែអាចបន្តបេសកកម្ម​ដ៏ឧត្តុង្គឧត្តម​នេះបាន។ ការចូលបរិច្ចាគថវិកាតិចឬច្រើន បានបង្ហាញឱ្យឃើញថា ការចែករំលែកមិនស្ថិតនៅលើទំហំទឹក​ប្រាក់​នោះទេ ប៉ុន្តែស្ថិតនៅលើទឹកចិត្ត និងការចូលរួមរបស់មនុស្សគ្រប់រូប៕

The post លោកអ្នកឧកញ៉ា លី ហួរ ឧបត្ថម្ភគ្រែសង្គ្រោះបន្ទាន់កុមារ ចំនួន៥គ្រែ សរុបថវិកា ១០,០០០ដុល្លារ ជូនដល់មន្ទីរពេទ្យគន្ធបុប្ផា appeared first on .

ពិធីនេះត្រូវបានធ្វើឡើងនៅថ្ងៃទី៦ ខែតុលា ឆ្នាំ២០២៦ នៅសណ្ឋាគារកាំបូឌីយ៉ាណា ដោយមានការអញ្ជើញចូលរួមដ៏ខ្ពង់ខ្ពស់ពីលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ, អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធាននៃក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា, ចាស់ព្រឹទ្ធាចារ្យ វីរសិល្បកររៀមច្បង និងបងប្អូនសិល្បករ សិល្បការិនី។

អ្នកឧកញ៉ាប្រធាន បានសម្តែងនូវក្តីសោមនស្សរីករាយ និងកិត្តិយសក្រៃលែង ដែលបានរៀបចំកម្មវិធីជួបជុំជាមួយវីរសិល្បករ និងសិល្បកររៀមច្បងជាថ្មីម្តងទៀត តាមការសន្យា ពិសេសស្របគ្នានឹងឱកាសនៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីដ៏មានអត្ថន័យជ្រាលជ្រៅសម្រាប់ប្រជាជនខ្មែរ។ បុណ្យភ្ជុំបិណ្ឌ គឺជាពេលវេលាដែលកូនខ្មែរជួបជុំគ្នា ដើម្បីរំឭកគុណ និងធ្វើបុណ្យឧទ្ទិសកុសលជូនដល់បុព្វការីជន និងអ្នកមានគុណដែលបានចែកឋានទៅ។ ប៉ុន្តែការជួបជុំនៅថ្ងៃនេះ គឺជាឱកាសសម្រាប់យើងទាំងអស់គ្នារំឭកគុណចំពោះអ្នកមានគុណក្នុងវិស័យសិល្បៈ និងវប្បធម៌ខ្មែរ ដែលនៅមានជីវិត និងកំពុងអង្គុយជួបជុំគ្នានៅទីនេះយ៉ាងរីករាយ។

អ្នកឧកញ៉ា ម៉ៅ ចំណាន គិតម៉េង មានប្រសាសន៍ថា បុព្វបុរសបានបន្សល់ទុកមរតកឱ្យយើង ហើយវីរសិល្បករ និងសិល្បកររៀមច្បង គឺជាអ្នកបន្តទទួលមរតកនោះ បន្តថែរក្សា បន្តសម្តែង បន្តបង្រៀន និងបន្តប្រគល់មកឱ្យយើងជាអ្នកបន្តជំនាន់។ ដូច្នេះ នៅថ្ងៃនេះ យើងមិនត្រឹមតែជួបគ្នាដើម្បីសួរសុខទុក្ខទេ ប៉ុន្តែយើងមកដើម្បីនិយាយពាក្យថា៖ «សូមអរគុណ!» សូមអរគុណចំពោះការលះបង់គ្រប់យ៉ាង ដើម្បីសិល្បៈ និងវប្បធម៌ខ្មែរ។ សូមអរគុណចំពោះបទពិសោធន៍ ចំណេះដឹង និងស្នាដៃដែលបានបន្សល់ទុក។ ហើយសូមអរគុណជាពិសេសចំពោះការថែរក្សា ការពារអត្តសញ្ញាណសិល្បៈ និងវប្បធម៌ខ្មែរ ឱ្យបន្តរស់រានរហូតមកដល់ជំនាន់ក្រោយ។

ក្នុងនាមសមាគមសិល្បករខ្មែរ អ្នកឧកញ៉ា ម៉ៅ ចំណាន គិតម៉េង សូមប្តេជ្ញាថា នឹងដើរតាមមាគ៌ាដ៏ប្រពៃរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន, សម្តេចធិបតី ហ៊ុន ម៉ាណែត និងលោកជំទាវបណ្ឌិត ចំពោះការគាំពារដល់វីរសិល្បករ និងសិល្បកររៀមច្បង ដែលបានលះបង់កម្លាំងកាយចិត្តក្នុងការបម្រើ និងថែរក្សាវប្បធម៌ជាតិ។ សម្តេចតែងជួយសម្រាលទុក្ខលំបាក ផ្តល់ក្តីសង្ឃឹម និងការគាំទ្រផ្នែកជីវភាពដល់សិល្បករចាស់ៗ ដែលបាត់បង់លទ្ធភាពសម្តែង ឬបម្រើវិស័យសិល្បៈ៕

The post អ្នកឧកញ៉ា ម៉ៅ ចំណាន គិតម៉េង រៀបចំកម្មវិធីសំណេះសំណាល និងពិសាអាហារសាមគ្គីជាមួយវីរសិល្បករ និងសិល្បកររៀមច្បង ដើម្បីរំឭកគុណ ក្នុងឱកាសបុណ្យភ្ជុំបិណ្ឌ appeared first on .

នៅលើបណ្តាញសង្គម កាលពីថ្ងៃទី២៩ ខែកញ្ញា ឆ្នាំ២០២៦ អ្នកឧកញ៉ាប្រធាន បានលើកឡើងថា លោកពិតជាមានមោទនភាពក្នុងការអបអរសាទរសមិទ្ធផលដ៏សំខាន់មួយទៀត ក្នុងឱកាសដែលក្រុមហ៊ុន សែលកាត ប្រារព្ធខួប៣០ឆ្នាំនៃការបម្រើអតិថិជននៅកម្ពុជា ជាមួយនឹងការចុះហត្ថលេខាលើអនុស្សរណៈនៃការយោគយល់គ្នាជាយុទ្ធសាស្ត្រ ជាមួយក្រុមហ៊ុន Huawei ដោយប្តេជ្ញាវិនិយោគបន្ថែមក្នុងទំហំទឹកប្រាក់ ៣០០លានដុល្លារអាម៉េរិក ដើម្បីចូលរួមកសាងអនាគតឌីជីថលរបស់កម្ពុជា។

អ្នកឧកញ៉ា បន្តបែបនេះថា៖ នៅក្រុមហ៊ុន រ៉ូយ៉ាល់ គ្រុប ខ្ញុំតែងតែជឿជាក់យ៉ាងមុតមាំលើសក្តានុពលរបស់ធុរកិច្ចកម្ពុជាក្នុងការរីកចម្រើន ប្រកួតប្រជែងលើឆាកអន្តរជាតិ និងចូលរួមចំណែកយ៉ាងសំខាន់ក្នុងការអភិវឌ្ឍប្រទេសជាតិ​របស់​យើង។ ការវិនិយោគថ្មីនេះគឺជាការបន្តពង្រឹងភាពជាដៃគូដ៏យូរអង្វែងជាមួយក្រុមហ៊ុន Huawei ដែលបានចាប់ផ្តើមតាំងពីឆ្នាំ១៩៩៩ ហើយនឹងផ្តោតលើការពង្រីកបណ្តាញ៥Gជំនាន់ថ្មី ការជំរុញការអភិវឌ្ឍបច្ចេកវិទ្យាបញ្ញាសិប្បនិម្មិត(AI) និងបច្ចេកវិទ្យា Cloud ការធ្វើទំនើបកម្មមជ្ឈមណ្ឌលទិន្នន័យឌីជីថល ព្រមទាំងការពង្រឹងហេដ្ឋារចនាសម្ព័ន្ធទូរគមនាគមន៍នៅទូទាំងប្រទេស”។

រយៈពេលបីទសវត្សរ៍មកនេះ ក្រុមហ៊ុន សែលកាត បានវិនិយោគទឹកប្រាក់សរុបប្រមាណ ៥,៦ប៊ីលានដុល្លារអាម៉េរិកនៅកម្ពុជា ដោយបានចូលរួមតភ្ជាប់សហគមន៍ បង្កើតឱកាសការងារ គាំទ្រដល់ការរីកចម្រើនរបស់ធុរកិច្ចក្នុងស្រុក និងរួមចំណែកអភិវឌ្ឍសេដ្ឋកិច្ចឌីជីថលរបស់ប្រទេសកម្ពុជា។

សម្រាប់អ្នកឧកញ៉ា សមិទ្ធផលដ៏សំខាន់នេះមិនមែនគ្រាន់តែជាការវិនិយោគលើបច្ចេកវិទ្យា ឬតួលេខទឹកប្រាក់វិនិយោគប៉ុណ្ណោះទេ ប៉ុន្តែក៏ជាសក្ខីភាពដែលបង្ហាញពីសមត្ថភាពរបស់ក្រុមហ៊ុនខ្មែរមួយ ក្នុងការសម្រេចបាននូវសមិទ្ធផលធំៗ តាមរយៈចក្ខុវិស័យវែងឆ្ងាយ ការប្តេជ្ញាចិត្ត និងកិច្ចសហប្រតិបត្តិការជាមួយដៃគូអន្តរជាតិ។ ក្នុងនាមជាបុត្រសម្ព័ន្ធរបស់ក្រុមហ៊ុន រ៉ូយ៉ាល់ គ្រុប ក្រុមហ៊ុន សែលកាត បានឆ្លុះបញ្ចាំងពីការប្តេជ្ញាចិត្តរបស់យើងក្នុងការកសាងធុរកិច្ចកម្ពុជាឱ្យកាន់តែរឹងមាំ តាមរយៈការនាំយកបច្ចេកវិទ្យាលំដាប់ពិភពលោក និងការបង្កើតឱកាសថ្មីៗជូនប្រជាជនកម្ពុជា។

“ខ្ញុំក៏សូមកោតសរសើរ និងអរគុណរាជរដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត ចំពោះកិច្ចខិតខំប្រឹងប្រែងឥតឈប់ឈរក្នុងការពង្រឹងបរិយាកាសវិនិយោគនៅកម្ពុជា និងជំរុញការធ្វើបរិវត្តកម្មឌីជីថលរបស់ប្រទេសជាតិយើង។ ក្នុងឱកាសអបអរសាទរខួប៣០ឆ្នាំនេះ មហិច្ឆតា និងការប្តេជ្ញាចិត្តរបស់យើងនៅតែមិនផ្លាស់ប្តូរទ្បើយ គឺយើងបន្តវិនិយោគនៅកម្ពុជា ដោយបង្កើនសមត្ថភាព និងបង្កើតឱកាសដើម្បីប្រជាជនយើង ព្រមទាំងកសាងមូលដ្ឋានគ្រឹះឌីជីថលឱ្យកាន់តែរឹងមាំសម្រាប់មនុស្សជំនាន់ក្រោយ”។ អ្នកឧកញ៉ា បានបន្ថែម។

អ្នកឧកញ៉ា គិត ម៉េង បានគូសបញ្ជាក់ទៀតថា ឫសគល់ និងអត្តសញ្ញាណរបស់យើងជាខ្មែរ។ មហិច្ឆតារបស់យើងគឺឈានទៅកាន់ឆាកអន្តរជាតិ។ ការប្តេជ្ញាចិត្តរបស់យើងដើម្បីកម្ពុជា នៅតែមុតមាំឥតប្រែប្រួល។ មោទនភាពជាតិខ្មែរ៕

The post អ្នកឧកញ៉ា គិត ម៉េង ប្រកាសពង្រីកហេដ្ឋារចនាសម្ព័ន្ធទូរគមនាគមន៍នៅទូទាំងប្រទេសកម្ពុជា ក្រោយក្រុមហ៊ុន សែលកាត ចុះ MoU ជាមួយ Huawei appeared first on .

កិច្ចប្រជុំនេះប្រព្រត្តឹទៅក្រោមអធិបតីភាព របស់ ឯកឧត្តមបណ្ឌិតសភាចារ្យ ជូ វិជិត្ត រដ្ឋលេខាធិការប្រចាំការនៃក្រសួងសេដ្ឋកិច្ច និងហិរញ្ញវត្ថុ និងដោយមានការចូលរួមផងដែរពីសំណាក់តំណាងក្រសួងស្ថាប័នពាក់ព័ន្ធរាជរដ្ឋាភិបាល តំណាងគ្រឹះស្ថាន សមាគម ក្រុមហ៊ុន សហគ្រាសធុនតូច និងមធ្យម និងអ្នកពាក់ព័ន្ធជាច្រើនផងដែរ។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណងដើម្បីពិគ្រោះ ពិភាក្សា និងទទួលធាតុចូលពីវិស័យ​ឯកជនពាក់ព័ន្ធការរៀបចំសេចក្តីព្រាងអនុក្រឹត្យទាំងពីរខាងលើ តបតាមការចង្អុលបង្ហាញក្នុង “យុទ្ធសាស្រ្តជាតិស្តីពីការអភិវឌ្ឍន៍សហគ្រាស ធុនមីក្រូ តូច និងមធ្យម ឆ្នាំ២០២៦-២០៣០” ដោយតម្រូវឱ្យមានការធ្វើបច្ចុប្បន្នភាពបទប្បញ្ញត្តិ ដើម្បីសម្រួលដល់ប្រតិបត្តិការរបស់សហគ្រាសធុនមីក្រូ តូច និងមធ្យមនៅកម្ពុជា។ 

សូមជម្រាបជូនថា សេចក្តីព្រាងអនុក្រឹត្យស្តីពីការលើកទឹកចិត្តដល់សហគ្រាសធុនតូច និងមធ្យម មានគោលបំណងកំណត់អំពីគោលការណ៍ លក្ខខណ្ឌ និងយន្តការសម្រាប់ការផ្តល់ការលើកទឹកចិត្តផ្នែកសារពើពន្ធ និងមិនមែនសារពើពន្ធ ដល់សហគ្រាសពាណិជ្ជកម្ម ដែលត្រូវបានចាត់ថ្នាក់ជាសហគ្រាសធុនតូច និងមធ្យម (ដែលសរសេរអក្សរកាត់ថា ស.ត.ម.) ដូចបានកំណត់ក្នុងអនុក្រឹត្យស្ដីពីការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម ដើម្បីចូលរួមចំណែកក្នុងការជំរុញផលិតកម្មក្នុងស្រុក និងការតភ្ជាប់ ស.ត.ម. ជាមួយនឹងសហគ្រាសមានប្រភពទុនវិនិយោគផ្ទាល់ពីបរទេស បង្កើតការងារ និងលើកកម្ពស់ភាពប្រកួតប្រជែងនៃសេដ្ឋកិច្ចជាតិ។

សេចក្តីព្រាងអនុក្រឹត្យស្តីពីការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម ត្រូវបានកំណត់បែបបទ និងនីតិវិធីនៃការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម ដែលគិតចាប់ ពីការចាប់ផ្ដើមអាជីវកម្ម ការធ្វើប្រតិបត្តិការអាជីវកម្ម រហូតដល់ការបិទអាជីវកម្ម ដែល សរសេរអក្សរកាត់ថា ស.ត.ម. ដើម្បីផ្ដល់ស្ថានភាពស្របច្បាប់ និងសម្រួលដល់ការធ្វើអាជីវកម្ម ឱ្យបានជាអតិបរមា សំដៅចូល រួមជំរុញការអភិវឌ្ឍ ស.ត.ម. ឱ្យក្លាយជាមូលដ្ឋានគ្រឹះដ៏រឹងមាំនៃសេដ្ឋកិច្ចជាតិ។

The post ឧកញ៉ា តាន់ មុនីវណ្ណ តំណាង អ្នកឧកញ៉ា គិត ម៉េង ចូលរួមកិច្ចប្រជុំពិគ្រោះយោបល់ជាមួយវិស័យឯកជនលើសេចក្តីព្រាង “អនុក្រឹត្យស្តីពីការលើកទឹកចិត្តដល់សហគ្រាសធុនតូច និងមធ្យម” និង “អនុក្រឹត្យស្តីពីការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម” appeared first on .

នៅលើបណ្តាញសង្គមហ្វេសប៊ុក នាពេលថ្មីៗនេះ លោកជំទាវអ្នកឧកញ៉ា បានលើកឡើងថា នៅពេលនិយាយដល់ប្រទេសកម្ពុជា មានពុកម៉ែបងប្អូនជាច្រើនប្រហែលជានឹកឃើញមុនគេដល់ប្រាសាទដ៏អស្ចារ្យ និងវប្បធម៌ដ៏សម្បូរបែបរបស់យើង ប៉ុន្តែកម្ពុជានៅមានភាពស្រស់ស្អាតមួយជ្រុងទៀត ដែលលោកជំទាវចង់ឱ្យមនុស្សកាន់តែច្រើនបានទៅស្គាល់ និងទទួលយកបទពិសោធន៍ នោះគឺឆ្នេរសមុទ្រ និងកោះដ៏ស្រស់ស្អាតរបស់យើង ដែលមានខ្សាច់ស ទឹកសមុទ្រថ្លា និងទេសភាពដ៏ស្ងប់ស្ងាត់។

សម្រាប់លោកជំទាវ កោះរ៉ុងគឺជាកន្លែងមួយដែលលោកជំទាវចូលចិត្តទៅសម្រាក និងបន្ថយភាពមមាញឹកពីជីវិតប្រចាំថ្ងៃ។ នៅពេលមានឱកាស លោកជំទាវចូលចិត្តចំណាយថ្ងៃសម្រាកបែបស្ងប់ស្ងាត់នៅ The Royal Sands Koh Rong ដើរលេងតាមឆ្នេរ គយគន់សមុទ្រ ចំណាយពេលជាមួយគ្រួសារ និងអនុញ្ញាតឱ្យខ្លួនឯងបានសម្រាកពីការងារបន្តិច។ វាតែងរំឭកលោកជំទាវថា ពេលខ្លះយើងធ្វើដំណើរទៅឆ្ងាយ ដើម្បីស្វែងរកកន្លែងស្រស់ស្អាតជុំវិញពិភពលោក ទាំងដែលយើងមានកន្លែងដ៏ពិសេសបែបនេះនៅក្នុងប្រទេសរបស់យើងស្រាប់។

លោកជំទាវសង្ឃឹមថា ពុកម៉ែបងប្អូនខ្មែរកាន់តែច្រើននឹងចំណាយពេលស្វែងយល់ និងធ្វើដំណើរទៅកាន់តំបន់ផ្សេងៗក្នុងប្រទេសរបស់យើង រួមទាំងឆ្នេរសមុទ្រ និងកោះនានាផងដែរ។ លោកជំទាវក៏សង្ឃឹមថា ភ្ញៀវទេសចរមកពីជុំវិញពិភពលោកនឹងបានឃើញថា កម្ពុជាមានបទពិសោធន៍ជាច្រើនសម្រាប់ពួកគេបានស្វែងយល់ ចាប់ពីប្រវត្តិសាស្ត្រ និងវប្បធម៌ រហូតដល់សម្រស់ធម្មជាតិនៃតំបន់ឆ្នេរ។

លោកជំទាវអ្នកឧកញ៉ា បានគូសបញ្ជាក់បន្ថែមថា នៅពេលយើងបានស្គាល់ប្រទេសរបស់ខ្លួនឯងកាន់តែច្បាស់ យើងកាន់តែរកឃើញហេតុផលជាច្រើនដើម្បីស្រឡាញ់ និងឱ្យតម្លៃវា។ ហើយពេលខ្លះ វិធីដ៏ល្អបំផុតក្នុងការស្វែងយល់ពីកម្ពុជាឡើងវិញ គឺគ្រាន់តែបន្ថយភាពមមាញឹក សម្រាកបន្តិច និងរីករាយជាមួយអ្វីដែលមាននៅក្បែរយើងស្រាប់។

សូមជម្រាបថា The Royal Sands Koh Rong គឺជារីស៊តលំដាប់ផ្កាយ ៥ ដំបូងគេបង្អស់នៅលើកោះរ៉ុង ដែលមានទីតាំងស្ថិតនៅភូមិសុខសាន្ត សង្កាត់កោះរ៉ុង ខេត្តព្រះសីហនុ។ រីស៊តនេះត្រូវបានវិនិយោគដោយ អ្នកឧកញ៉ា គិត ម៉េង ក្នុងទឹកប្រាក់រាប់សិបលានដុល្លារអាមេរិក សម្រាប់ដំណាក់កាលទី១។ រីស៊តនេះបានបើកសម្ពោធដាក់ឲ្យដំណើរការជាផ្លូវការ នៅថ្ងៃទី២៣ ខែមេសា ឆ្នាំ២០១៨ ក្រោមអធិបតីភាពសម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា៕

The post ក្រៅពីប្រាសាទបុរាណ លោកជំទាវអ្នកឧកញ៉ា ម៉ៅ ចំណាន គិតម៉េង ណែនាំទីកន្លែងស្រស់ស្អាតមួយជ្រុងទៀត​នៅលើកោះមួយ appeared first on .