សេដ្ឋី​ប្រាក់​វាល់​លាន​ដុល្លារ បដិសេធ​មិន​បរិច្ចាគ​លុយ​កន្លះ​លាន​ផោន បើ Boris Johnson គ្មាន​ឈ្មោះ​បោះឆ្នោត

អន្តរជាតិ

បច្ចុប្បន្ន​ ការ​បោះឆ្នោត​ជ្រើសរើស​នាយករដ្ឋមន្ត្រី​ថ្មី​នៃ​ចក្រភព​អង់គ្លេស​កំពុង​ប្រព្រឹត្ត​ឡើង បន្ទាប់​ពី​លោក Boris Johnson ប្រកាស​ថា នឹង​ចុះចេញ​ពី​តំណែង ក្រោយ​មាន​បញ្ហា​រកាំរកូស​ក្នុង​ជួររដ្ឋាភិបាល ក៏​ដូចជា​រឿង​អាស្រូវ​ជា​ច្រើន។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ទាក់ទង​នឹង​ការ​ជ្រើស​នាយករដ្ឋមន្ត្រី​ថ្មី​នៃ​ចក្រភព​អង់គ្លេស​នេះ​ផងដែរ សេដ្ឋី​ប្រាក់​វាល់​លាន​ដុល្លារ Peter Cruddas បាន​ទម្លាយ​ឲ្យ​ដឹងថា លោក​មាន​បំណង​បរិច្ចាគ​ទឹកប្រាក់​ប្រមាណ ៥០០ ០០០ ផោន ប៉ុន្តែ​គម្រោង​អាច​នឹង​ប្រែប្រួល ដោយសារ​លោក Johnson លែង​កាន់​តំណែង។

ប្រាប់​ទៅ​កាន់ Sunday Times ស្ដេចត្រាញ់​នៃ​ទីក្រុង​ឡុង​បាន​និយាយ៖ “ខ្ញុំ​មាន​បំណង​ចង់​បរិច្ចាគ​ទឹកប្រាក់ ៥០០ ០០០ ផោន​នៅ​ឆ្នាំ​នេះ ប៉ុន្តែ​វា​អាច​នឹង​មិន​កើតឡើង លុះត្រាតែ​ពួកគេ​ផ្ដល់ឱកាស​ឲ្យ Boris ឈរ​ឈ្មោះ​ជា​បេក្ខភាព​បោះឆ្នោត​នាយករដ្ឋមន្ត្រី”។

សូមជម្រាប​ដែរ​ថា Boris Johnson និង Peter Cruddas គឺ​មាន​ទំនាក់ទំនង​មិន​ធម្មតា ដោយសារ​កាលពី​ឆ្នាំទៅ​នាយករដ្ឋមន្ត្រី​រូបនេះ បាន​តែងតាំង​សេដ្ឋី​អង់គ្លេស​ជា​សមាជិក​សភា​ទី ២ នៃ​ជួរ​រដ្ឋាភិបាល ដែល​ទទួល​បាន​គោរមងារ “Lords” បើ​ទោះ​ជា​មាន​ការ​ជំទាស់​ពី​គណៈកម្មការ​តែងតាំង​តំណែង​ក្ដី៕