ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសមាគមមូលនិធិសម្ដេចតេជោ និងជាប្រធាន FASMEC និងឧកញ៉ា ស៊ីន ឃីម អនុប្រធានក្រុមប្រឹក្សាភិបាល នៃសមាគមមូលនិធិសម្ដេចតេជោ បានរៀបចំពិធីជួបជុំ ពិសារអាហារសាមគ្គី ជាមួយសមាជិក សមាជិកាSME នៅស្រុកកំរៀង ខេត្តបាត់ដំបង។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ការរៀបចំពិធីជួបជុំ អាហារសាមគ្គីនេះគឺជាការជួបជុំមុនឱកាសចូលឆ្នាំថ្មីប្រពៃណីជាតិខ្មែរដែលនឹងមកដល់នាពេលខាងមុខនេះ ប្រកបដោយក្ដីរីករាយ និងភាតរភាព ជាមួយសមាជិក សមាជិការបស់SME កាលពីថ្ងៃទី៣១ ខែមីនា ឆ្នាំ២០២៤។
សូមជម្រាបជូនថា សមាគមមូលនិធិសម្ដេចតេជោ និងសម្ព័ន្ធសមាគមសហគ្រាសធុនតូច និងមធ្យមកម្ពុជា តែងតែយកចិត្តទុកដាក់ជាមួយសមាជិក សមាជិកា តាមរយៈការរៀបចំសិក្ខាសាលាផ្សេងៗ ជួបជុំពិសារអាហារសាមគ្គី ដើម្បីធ្វើយ៉ាងណាផ្សារភ្ជាប់ទំនាក់ទំនង ការចែករំលែកចំណេះដឹងថ្មីៗ និងចំណុចខ្វះខាតដល់សមាជិកទូទាំងប្រទេស៕
