ថ្លែងប្រាប់សារព័ត៌មានឧកញ៉ាញូស៍ប្រភពដែលជឿទុកម្នាក់បានបង្ហើបឲ្យដឹងថា កញ្ញា ប្រាក់ សេងហុង គាត់ជាស្ត្រីដែលបានជាប់ឈ្មោះទៅរៀនថ្នាក់អនុបណ្ឌិតនៅប្រជាមានិតចិន ហើយជាស្ត្រីមួយរូបជាប់និទ្ទេសល្អក្នុងចំណោមនិសិត្សយោធាគ្រប់បណ្តាប្រទេស។ ប្រភពដដែលបន្តថា «ការការពារសារណាជាប់ដោយជោគជ័យ និងទទួលបាននិទ្ទេសល្អថ្នាក់អនុបណ្ឌិតវិទ្យាសាស្រ្តយោធានៅចិននេះ គាត់ទទួលបានការសរសើពីថ្នាក់ដឹកនាំរួមទាំងមិត្តបណ្តាលប្រទេសផ្សេងៗដែលបានមកចូលរៀននៅថ្ងៃបញ្ចប់សារការពារសារណា»។

យោងតាមប័ណ្ណជីវប្រវត្តិសង្ខេបរបស់និស្សិតយោធាកម្ពុជា ប្រាក់ សេងហុងបានឲ្យដឹងថា កញ្ញា ប្រាក់ សេងហុង កើតថ្ងៃទី១០ ខែកញ្ញា​ ឆ្នាំ១៩៩៦ នៅភូមិពេជ្រចង្វា ឃុំបឹងក្រាញ់ខាងកើត ស្រុកសំរោង ខេត្តតាកែវ។ កញ្ញាមានបងប្អូនបង្កើតចំនួន ៧នាក់ក្នុងនោះកញ្ញាជាកូនទី៤ ក្នុងគ្រួសារ ដែលជាកូនកសិករ និងឪពុកជាអតីតនាយទាហាន។

បច្ចុប្បន្នកញ្ញា ប្រាក់ សេងហុង មានឋានន្តរស័ក្តិ «វរសេនីយ៍ត្រី» នៃកងយោធពលខេមរភូមិន្ទក្រសួងការពារជាតិ ដែលចូលបំរើការងារកាលពីថ្ងៃទី២ ខែមីនា ឆ្នាំ២០១៥។ មុនពេលចូលបំរើកងទ័ពកញ្ញាជានិស្សិតនៅសាកលវិទ្យាល័យមួយនៅរាជធានីភ្នំពេញ។ ពេលលាក្រុមគ្រួសារឡើងមកបន្តការសិក្សានៅភ្នំពេញ ក្នុងឆ្នាំ២០១៣ កញ្ញាបានជួលបន្ទប់ស្នាក់នៅជាមួយបងស្រីដោយរៀនបណ្តើធ្វើការបណ្តើជាអ្នករត់តុក្នុងព្រលានយន្តហោះអន្តរជាតិភ្នំពេញ។

កញ្ញា ប្រាក់ សេងហុង បានប្រលងជាប់នៅសាលានាយទាហានសកម្មជំនាន់ទី១៩ ឆ្នាំ ២០១៥ ដែលធ្វើការហ្វឹកហាត់រយៈពេល ៤ឆ្នាំ។ កញ្ញាទទួលបានការហ្វឹកហាត់វគ្គឆត្រ័យោង ឆ្នាំ២០១៨ និងបរិញ្ញាបត្រយោធា ឆ្នាំ២០១៩ ព្រមទាំងធ្លាប់បានចេញទៅហ្វឹកហាត់រយៈពេល ១១ខែក្នុងវគ្គបញ្ជាការសេនាធិការកងទ័ពជើងគោកនៃមហាវិទ្យាល័យកងទ័ពជើងគោកប្រទេសចិន។

មុនចេញទៅរៀនបន្តយកថ្នាក់អនុបណ្ឌិតវិសាស្រ្តយោធានៅចិន កញ្ញា ប្រាក់ សេងហុង បានចូលបម្រើការជាជំនួយការ ឯកឧត្តមនាយឧត្តមសេនីយ៍ នាង ផាត ឆ្នាំ២០១៩ ដល់ឆ្នាំ២០២៣ ហើយថ្ងៃទី២៤ខែមករានេះ កញ្ញា សេងហុក បាននាំភាពជោគជ័យយ៉ាងត្រចេះត្រចង់ជូនជាតិមាតុភូមិ​ គឺជាស្រ្តីទី១ដំបូងគេដែលបានបញ្ចប់ថ្នាក់អនុបណ្ឌិតវិទ្យាសាស្រ្តយោធានៅប្រទេសមហាអំណាចិន៕

The post ផ្តើមចេញពីកូនកសិករតស៊ូររហូតបានបញ្ចប់ថ្នាក់អនុបណ្ឌិតវិទ្យាសាស្ត្រយោធានៅប្រទេសចិន appeared first on .

ដោយឡែក មនុស្សជំនិតពូទីនម្នាក់នេះបាននិយាយថា៖ យោងតាមរបាយការណ៍ពី​ក្រសួងការពារជាតិបានបង្ហាញថា ពីខែមករា ដល់ថ្ងៃទី ០៤ កក្កដារ​នេះ មានមនុស្សច្រើនជាង ១៨៥ ០០០នាក់ ត្រូវបានទទួលចូលជួរនៃកងកម្លាំងប្រដាប់អាវុធ ដែលក្នុងនោះប្រហែល ១០៩ ០០០នាក់ស្ថិតនៅក្នុងបម្រុងនៅឡើយ។

គួររំលឹកដែរថា កាលពីឆ្នាំទៅរុស្ស៊ី​ធ្លាប់បង្ហើបពីគម្រោង​បង្កើន​ចំនួនកងទ័ព​របស់ខ្លួន ឲ្យបាន​ច្រើនជាង ៣០% ពោល​គ្រោង​បង្កើន​ចំនួនកងប្រដាប់អាវុធ​ឲ្យដល់ ១,៥លាននាក់ ដើម្បី​ប្រយុទ្ធប្រឆាំងជាមួយ​កងទាហានអ៊ុយក្រែន។

គួររំលឹកដែរថា កាលពីខែមុន សមាជិកសភាជាន់ខ្ពស់ម្នាក់បានស្នើឲ្យ​រដ្ឋាភិបាល​រុស្ស៊ី ព្យាយាម​បង្កើនចំនួន​កងទ័ពឲ្យដល់ ៧លាននាក់ បន្ទាប់ពីពួកគេ​ជួប​ប្រទះ​ការបះបោរ​យ៉ាងធំ​មួយ ក៏ដូចជា​លើកហេតុផលថា រុស្ស៊ី​មិនគួរជួល​ទាហាន​ស៊ីឈ្នួល មក​ធ្វើការ​ក្នុងជួរ​កងទ័ពឡើយ៕

The post អតីតប្រធានាធិបតីរុស្ស៊ី៖ តាំងពីដើមឆ្នាំមកទល់ពេលនេះ រុស្ស៊ីមានកងទ័ពថ្មី ១៨៥ ០០០នាក់ appeared first on .

រំលឹកបន្តិចថា បច្ចុប្បន្នរុស្ស៊ី​កំពុង​ជាប់នៅក្នុង​ចំណាត់ថ្នាក់លេខ ៥ ជាប្រទេសមាន​កម្លាំងយោធា​ធំ​បំផុតលើលោក ខណៈ​ចិន​នៅ​កំពូលតារាង ស្របពេល​អាមេរិក​នៅចំណាត់ថ្នាក់លេខ ៣។

យោងតាមរបាយការណ៍ពីគេហទំព័រ World Population Review បានបង្ហាញថា ប្រទេសចិន​មាន​ចំនួន​កងទ័ពសកម្ម​ច្រើន​បំផុតលើលោក ប្រមាណជាង ២លាននាក់ ខណៈឥណ្ឌាឈរនៅលេខ ២ អាមេរិកនៅលេខរៀងទី ៣ និងកូរ៉េខាងជើងនៅលេខរៀងទី ៥។

ខាងក្រោមនេះគឺជាបញ្ជីឈ្មោះ​ប្រទេសទាំង ១០ ដែលមាន​កម្លាំងយោធាច្រើន​បំផុតលើលោក គិតត្រឹមខែមិថុនា ឆ្នាំ ២០២៣៖

1/ប្រទេសចិន មានចំនួនកងទ័ពសកម្ម ២ ១៨៥ ០០០ នាក់

2/ប្រទេសឥណ្ឌា មានចំនួនកងទ័ពសកម្ម ១ ៤៥៥ ៥៥០ នាក់

3/សហរដ្ឋអាមេរិក មានចំនួនកងទ័ពសកម្ម ១ ៣៨៨ ១០០ នាក់

4/ប្រទេសកូរ៉េខាងជើង មានចំនួនកងទ័ពសកម្ម ១ ២៨០ ០០០ នាក់

5/ប្រទេសរុស្ស៊ី មានចំនួនកងទ័ពសកម្ម ១ ០១៤ ០០០ នាក់

6/ប្រទេសប៉ាគីស្ថាន មានចំនួនកងទ័ពសកម្ម ៦៥៤ ០០០ នាក់

7/ប្រទេសអ៊ីរ៉ង់ មានចំនួនកងទ័ពសកម្ម ៦១០ ០០០ នាក់

8/ប្រទេសកូរ៉េខាងជើង មានចំនួនកងទ័ពសកម្ម ៥៩៩ ០០០ នាក់

9/ប្រទេសវៀតណាម មានចំនួនកងទ័ពសកម្ម ៤៨២ ០០០ នាក់

10/ប្រទេសអេហ្ស៊ីប មានចំនួនកងទ័ពសកម្ម ៤៣៨ ៥០០ នាក់

គួរជម្រាបដែរថា ទិន្នន័យកងទ័ពរបស់រុស្ស៊ីអាចនឹង​មាន​ការប្រែប្រួល ព្រោះការធ្វើសង្គ្រាម​ជាមួយអ៊ុយក្រែននៅតែបន្តអូសបន្លាយនៅឡើយ៕

The post រុស្ស៊ីជាប់លេខ ៥ ជាប្រទេសមានកម្លាំងយោធា ខណៈចិននៅកំពូលតារាង appeared first on .

រំលឹកបន្តិចថា មុននេះប៉ុន្មានថ្ងៃ​មាន​ការបះបោរ​មួយកើតឡើងនៅប្រទេសរុស្ស៊ី គឺ​ក្រុមហ៊ុន​ទាហាន​ស៊ីឈ្នួល Wagner ដឹកនាំដោយលោក Yevgeny Prigozhin ដែលបាន​គ្រប់គ្រង​លើ​ការបញ្ជា​ទ័ព និងបានសម្រុកចូលទីក្រុងមូស្គូ ប៉ុន្តែ​បានបោះបង់​បេសកកម្ម​មួយនេះភ្លាមៗ។

ដូច្នេះហើយ លោក Leonid ដែលរ៉ាប់រង​បន្ទុកចរចាជាមួយ​ប្រទេសអ៊ុយក្រែនបាននិយាយថា រុស្ស៊ី​ត្រូវការ​ទាហាន​យ៉ាងហោចណាស់ ៧លាននាក់ ជា​យោធា​និង​ជន​ស៊ីវិល​នៅ​លើ​កង​ទ័ព​សឹក​រង​បច្ចុប្បន្ន ដើម្បីបង្ការ​ការបះបោរ​ដែលអាចកើតមាននាពេលក្រោយទៀត។

“​ប្រទេសមួយនេះមិនត្រូវការក្រុមហ៊ុនយោធាឯកជន (PMC) ឡើយ ព្រោះបញ្ហាដែលមាននៅក្នុង​ជួរកងទ័ព ក្រុមទាហានស៊ីឈ្នួលមិនអាចដោះស្រាយទេ”។ នេះបើតាមសម្ដីរបស់លោក Leonid បាននិយាយ។

សូមជម្រាបថា បច្ចុប្បន្ន​រុស្ស៊ីគឺជាប្រទេស​ដែលមាន​ទាហានសកម្ម​ចំនួន​ជាង ១លាននាក់ និងជា​ប្រទេសមានកម្លាំងយោធា​ធំបំផុតទី ៥ ប្រចាំពិភពលោក ហើយបើសិនជា​រុស្ស៊ី​ចង់បាន​ទាហាន​រហូតដល់ ៧លាននាក់ នោះពួកគេ​នឹងក្លាយជា​ប្រទេសមាន​កម្លាំងយោធា​ធំបំផុតលើលោក ប៉ុន្តែជាមួយគ្នានោះ ក៏ត្រូវចំណាយ​ថវិកា​អស់​មិនតិចពាន់លានដុល្លារ​ឡើយ សម្រាប់​ប្រាក់បៀវត្សរ៍​​​របស់ក្រុមទាហាន​រាប់លាននាក់៕

The post សភាជាន់ខ្ពស់រុស្ស៊ី អំពាវនាវឲ្យមានការបង្កើនកងទ័ព ៧លាននាក់ ក្រោយជួបបទពិសោធន៍ការបះបោរ appeared first on .

ភ្ជាប់ជាមួយរូបភាពរបស់ខ្លួនដែលលោតចុះពីលើឧទ្ធម្ភាគចក្រដោយប្រើខ្សែពួរ ក្នុងការហ្វឹកហ្វឺនកាលពីជាង១០ឆ្នាំមុន នាយឧត្តមសេនីយ៍ ហ៊ុន ម៉ាណែត បានសរសេររៀបរាប់ថា ការទម្លាក់ទ័ពតាមឧទ្ធម្ភាគចក្រ គឺជាយុទ្ធវិធីមួយក្នុងការបញ្ជូនទ័ពដោយរហ័សចូលទៅក្នុងតំបន់ណា មួយនៅលើសមរភូមិ ដែលផ្តល់អំណោយផលអោយកម្លាំងក្នុងការចាប់យកប្រៀបប្រយុទ្ធ។

ចំពោះសំនួរដែលសួរថា តើការលោតចុះពីលើឧទ្ធម្ភាគចក្រដែលមានរយៈកំពស់ខ្ពស់ពីដីដោយពឹងលើខ្សែពួរមួយខ្សែ ជាពិសេសក្នុងតំបន់គ្រោះថ្នាក់ មានហានិភ័យទេ? នាយឧត្តមសេនីយ៍ ហ៊ុន ម៉ាណែត ឆ្លើយថាប្រាកដណាស់គឺមាន ប៉ុន្តែមិនអាចយកហានិភ័យនោះធ្វើជាឧបសគ្គ ហើយមិនហ៊ានលោតចុះដោយរហ័សនោះទេ ជាពិសេសនៅពេលដែលយើងជាមនុស្សទីមួយដែលត្រូវលោតចុះ ព្រោះ ១) ជាភារកិច្ចនិងការទទួលខុសត្រូវរបស់យើងដែលត្រូវតែធ្វើ ២) សុវត្ថិភាពរបស់អ្នកផ្សេងដែលនៅក្នុងឧទ្ធម្ភាគចក្រ គឺត្រូវពឹងផ្អែកលើការសម្រេចចិត្តរបស់យើង (បើយើងមិនហ៊ានលោត ត្រូវធ្វើអោយស្ទះបេសកកម្មរបស់អ្នកផ្សេងនិងរបស់ក្រុមទាំងមូល ហើយបើនៅកាន់តែយូរ នឹងបង្កហារនិភ័យកាន់តែខ្ពស់ដល់អ្នកទាំងអស់គ្នា ព្រោះអាចក្លាយជាផ្ទាំងស៊ីបដ៏ធំមួយនៅលើអាកាស) ៣) ភាពជោគជ័យរបស់បេសកកម្មរួមរបស់ក្រុមយើង គឺពឹងផ្អែកទាំងស្រុងលើការធ្វើប្រតិបត្តិការប្រកបដោយភាពក្លាហាន មុះមុត ឯកភាពគ្នា ប្រកបដោយការទទួលខុសត្រូវខ្ពស់របស់សមាជិកគ្រប់រូប រួមទាំងខ្លួនយើងផង៕

The post នាយឧត្តមសេនីយ៍ ហ៊ុន ម៉ាណែត ចែករំលែកបទពិសោធន៍និងទ្រឹស្តីនៃការទម្លាក់ទ័ពតាមឧទ្ធម្ភាគចក្រ appeared first on .

ក្នុងពិធីប្រគល់វិញ្ញាបនបត្របញ្ចប់វគ្គបណ្តុះបណ្តាល នៅវិទ្យាស្ថានជាតិពហុបច្ចេកទេសកម្ពុជា នាព្រឹកថ្ងៃទី១០ ខែកុម្ភៈ ឆ្នាំ២០២៣ លោក ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា នាយទាហាន នាយទាហានរង និងពលទាហាន ដែលបានបញ្ចប់ជំនាញវិទ្យុទាក់ទង និងដំឡើង ប្រព័ន្ធអង់តែន នឹងប្រើប្រាស់ជាប្រយោជន៍ ក្នុងកងអង្គភាពរបស់ខ្លួន។

ក្នុងឱកាសនោះ លោក ហេង សួរ បានកោតសរសើរដល់សិក្ខាកាមទាំងអស់ដែលបានខិតខំរៀន សូត្ររហូតដល់ចប់វគ្គ ហើយទទួលបាននូវជំនាញបច្ចេកទេសវិទ្យុទាក់ទង និងដំឡើងប្រព័ន្ធអង់តែន ដែលជាវគ្គពិសេសមួយរៀបចំឡើងដោយមហាវិទ្យាល័យអេឡិចត្រូនិក និងដេប៉ាតឺម៉ងទូរគមនាគមន៍ នៃវិទ្យាស្ថានជាតិពហុបច្ចេកទេសកម្ពុជា។

ជាមួយគ្នានោះ រដ្ឋលេខាធិការក្រសួងការងារ ជឿជាក់ថា សិក្ខាកាមដែលបានមកទទួលការបណ្តុះ បណ្តាលនេះ ពិតជាបានទទួលនូវចំណេះដឹងថ្មីបន្ថែម និងចំណេះធ្វើមួយពិតប្រាកដ និងជាក់លាក់ លើការងារជំនាញវិទ្យុទាក់ទង និងដំទ្បើងប្រព័ន្ធអង់តែន ដើម្បីយកទៅប្រើប្រាស់ជាប្រយោជន៍រួមក្នុង ការបំពេញ តួនាទី ក៏ដូចជាចែករំលែកនូវចំណេះដឹង និងជំនាញទាំងនេះ ជាមួយសហការីនៅតាម មូលដ្ឋាន កងទ័ពរបស់ខ្លួន។
ក្រៅពីវគ្គបណ្តុះបណ្តាល ដែលបានបិទវគ្គបញ្ចប់ថ្ងៃនេះ ក៏មានការបណ្តុះបណ្តាលលើមុខជំនាញ ផ្សេងៗទៀតជូនដល់កងទ័ព តាមវិទ្យាស្ថានក្រោមឱវាទក្រសួងការងារ និងបណ្តុះបណ្តាលវិជ្ជាជីវៈ ទូទាំងប្រទេស ដែលបច្ចុប្បន្ន ក្រសួងការងារ និងបណ្តុះបណ្តាលវិជ្ជាជីវៈ មាន ៣៧ គ្រឹះស្ថានសិក្សា ផងដែរ។

ទន្ទឹមនឹងនោះ លោក ហេង សួរ បានគូសបញ្ជាក់ថា ក្រសួងការងារ និងបណ្តុះបណ្តាលវិជ្ជាជីវៈ ពិតជារីករាយក្នុងការចូលរួមសហការជាមួយបណ្តាអង្គភាពកងទ័ព ដើម្បីចូលរួមអនុវត្តជាដំណាក់ៗ ឱ្យបានជោគជ័យទៅតាមគំនិតផ្តួចផ្តើមដ៏ខ្ពង់ខ្ពស់របស់ លោកបណ្ឌិត ឧត្តមសេនីយ៍ឯក ហ៊ុន ម៉ាណែត ៕

The post កងទ័ព៧៤រូប បានបញ្ចប់វគ្គសិក្សាជំនាញវិទ្យុទាក់ទង និងដំឡើងប្រព័ន្ធអង់តែន appeared first on .

ក្នុងដំណើរទស្សនផ្លូវរដ្ឋទៅកាន់ឥណ្ឌាលើកនេះ គឺជាដំណើរទស្សនកិច្ចផ្លូវការលើកដំបូងបង្អស់របស់មេបញ្ជាការកងទ័ពជើងគោកកម្ពុជា ក្រោមគំនិតផ្តួចផ្តើមរបស់ប្រមុខថ្នាក់ដឹកនាំនៃប្រទេសទាំងពីរ ដើម្បីជាការអបអរសាទរខួបលើកទី៧០ នៃការបង្កើតចំណងការទូតផ្លូវការចាប់តាំងពីឆ្នាំ១៩៥២ មក។ ក្នុងនោះឧត្តមសេនីយ៍ឯក ហ៊ុន ម៉ាណែត ចូលជួបសម្តែងការគួរសមជាមួយនឹងលោក ចាក់ឌីប ថាំងកា អនុប្រធានាធិបតីនៃសាធារណរដ្ឋឥណ្ឌា នៅរដ្ឋធានីញ៉ូដេលី។

ក្នុងជំនួបនេះ លោក ចាក់ឌីប ថាំងកា បានរំឭកអំពីទំនាក់ទំនងជាប្រវត្តិសាស្ត្រដ៏យូរលង់រវាងកម្ពុជា និងឥណ្ឌា និងបានសម្តែងនូវការពេញចិត្តចំពោះចំណងមិត្តភាពជាប្រពៃណី ដែលត្រូវបានថែរក្សារឹងមាំរហូតមកដល់ពេលបច្ចុប្បន្ន ជាពិសេសការរីកចម្រើនទៅមុខនៃកិច្ចសហប្រតិបត្តិការជិតស្និទ្ធលើវិស័យនយោបាយ សេដ្ឋកិច្ច អប់រំ និងវប្បធម៌។ ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានលើកឡើងថា សម្រាប់អនាគត ទំនាក់ទំនងដ៏ល្អនេះក៏នឹងត្រូវបានថែរក្សាពូនជ្រំ និងពង្រឹងឥតឈប់ឈរទៅមុខលើគ្រប់វិស័យ រួមទាំងទំនាក់ទំនងរវាងប្រជាជន និងប្រជាជន។

ជំនួបដាច់ដោយឡែក នៅចំពោះមុខមេបញ្ជាការកងទ័ពជើងគោកកម្ពុជា រដ្ឋមន្ត្រីការពារជាតិឥណ្ឌា រចនា ស៊ីង (Rajnath Singh) បង្ហាញទស្សនៈថា ឧត្តមសេនីយ៍ឯក ហ៊ុន ម៉ាណែត គឺជាថ្នាក់ដឹកនាំវ័យក្មេងប្រកបដោយថាមភាពមួយរូប ដែលមានសារៈសំខាន់សម្រាប់អនាគតរបស់ប្រទេសកម្ពុជា។ ទន្ទឹមនឹងនេះ រដ្ឋមន្ត្រីការពារជាតិឥណ្ឌា ក៏បានកត់សម្គាល់ផងដែរអំពីកំណើនសេដ្ឋកិច្ចដ៏ឆាប់រហ័សរបស់កម្ពុជា ព្រមជាមួយនឹងការកោតសរសើរអំពីជោគជ័យរបស់កម្ពុជាក្នុងយុទ្ធនាការប្រយុទ្ធនឹងជំងឺកូវីដ-១៩ ក្រោមការដឹកនាំដ៏ប៉ិនប្រសប់របស់ សម្តេចតេជោ ហ៊ុន សែន នាយករដ្ឋមន្ត្រី។

ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានជម្រាបជូនលោក រចនា ស៊ីង អំពីលទ្ធផល និងទិសដៅសហប្រតិបត្តិការមួយចំនួនដែលគ្រោងនឹងលើកឡើងពិភាក្សាជាមួយនឹងមេបញ្ជាការកងទ័ពជើងគោកឥណ្ឌា ជាពិសេសគម្រោងនៃការចុះហត្ថលេខាលើឯកសារលក្ខខណ្ឌស្តីពីកិច្ចសហប្រតិបត្តិការ (TOR) រវាងកងទ័ពជើងគោកនៃប្រទេសទាំងពីរ ដែលជាជំហានថ្មីមួយទៀតក្នុងការភ្ជាប់ទំនាក់ទំនងក្នុងកម្រិតកងទ័ពជើងគោក និងជាការបើកច្រកឱ្យមានកិច្ចសហប្រតិបត្តិការជាក់ស្តែងរវាងអង្គភាព និងអង្គភាពថ្នាក់យុទ្ធវិធី។

ជាមួយគ្នានោះ នារសៀលថ្ងៃទី០៣ ខែកុម្ភៈ ឆ្នាំ២០២៣ ឧត្តមសេនីយ៍ឯក ហ៊ុន ម៉ាណែត ក៏បានចូលជួបសម្តែងការគួរសម ជាមួយនឹង លោក ស៊ុប្រាម៉ានៀម ជែស្យាងការ រដ្ឋមន្ត្រីការបរទេសឥណ្ឌា ហើយក្នុងជំនួបនោះ លោក ស៊ុប្រាម៉ានៀម ជែស្យាងការ បានលើកឡើងអំពីការទន្ទឹងរង់ចាំដំណើរទស្សនកិច្ចនេះជាយូរមកហើយ ដែលជាទស្សនកិច្ចផ្លូវការលើកដំបូងបង្អស់របស់មេបញ្ជាការកងទ័ពជើងគោកកម្ពុជា មកកាន់ឥណ្ឌា និងបានកត់សម្គាល់ដោយការពេញចិត្តចំពោះវឌ្ឍនភាពនៃកិច្ចសហប្រតិបត្តិការរវាងប្រទេសទាំងពីរ ព្រមជាមួយនឹងការគូសបញ្ជាក់អំពីការប្តេជ្ញាចិត្តរបស់ប្រទេសឥណ្ឌាក្នុងការបន្តពង្រឹង និងពង្រីកទំនាក់ទំនងជាមួយប្រទេសកម្ពុជា ដែលជាដៃគូដ៏ល្អរបស់ឥណ្ឌាទាំងក្នុងក្របខ័ណ្ឌទ្វេភាគី និងពហុភាគី ដើម្បីផលប្រយោជន៍ទៅវិញទៅមក ក៏ដូចជាដើម្បីសន្តិភាព ស្ថិរភាព និងការអភិវឌ្ឍនៅក្នុងតំបន់។

ក្នុងជំនួបដដែលនោះ ឧត្តមសេនីយ៍ឯក ហ៊ុន ម៉ាណែត បានធ្វើការវាយតម្លៃខ្ពស់ចំពោះចំណងសាមគ្គីភាព មិត្តភាព ការជឿទុកចិត្តគ្នា និងកិច្ចសហប្រតិបត្តិការល្អរវាងប្រទេសទាំងពីរកម្ពុជា-ឥណ្ឌា តាំងពីអតីតកាលរហូតមកដល់បច្ចុប្បន្ន ជាពិសេសក្នុងគ្រប់កាលៈទេសៈដែលកម្ពុជាជួបប្រទះការលំបាក និងដោយបានបញ្ជាក់ផងដែរអំពីការឯកភាពលើទិសដៅនៃការភ្ជាប់ទំនាក់ទំនងឱ្យបានច្រើនវិស័យបន្ថែមទៀតសម្រាប់ពេលខាងមុខ។ លោកឧត្តមសេនីយ៍ឯក ក៏បានយកឱកាសនេះ ថ្លែងអំណរគុណចំពោះប្រទេសឥណ្ឌា ដែលបានគាំទ្រភាពជាប្រធានអាស៊ានរបស់កម្ពុជាកាលពីឆ្នាំ២០២២ កន្លងទៅ រួមទាំងវិធានការនានាដែលកម្ពុជាបានខិតខំអនុវត្តដើម្បីចូលរួមចំណែកដោះស្រាយវិបត្តិនៅក្នុងប្រទេសមីយ៉ាន់ម៉ា។

ស្ថិតនៅក្នុងប្រទេសឥណ្ឌា នារសៀលថ្ងៃទី៣កុម្ភៈនោះ មេបញ្ជាការកងទ័ពជើងគោកកម្ពុជា បានចូលជួបសម្តែងការគួរសម ជាមួយនឹងលោក វីក្រម មីស្រ៊ី ទីប្រឹក្សារងសន្តិសុខជាតិឥណ្ឌា។ ទន្ទឹងនឹងនោះ ទីប្រឹក្សារងសន្តិសុខជាតិឥណ្ឌា បានបញ្ជាក់អំពីការគាំទ្ររបស់ប្រទេសឥណ្ឌាចំពោះទិសដៅនៃការបង្កើនកិច្ចសហប្រតិបត្តិការទ្វេភាគី និងការផ្សារភ្ជាប់ទំនាក់ទំនងឱ្យកាន់តែជិតស្និទ្ធក្នុងវិស័យសេដ្ឋកិច្ច, វប្បធម៌, បច្ចេកវិទ្យាឌីជីថល និងការពារជាតិ។ សម្រាប់ ឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះការឧបត្ថម្ភគាំទ្ររបស់ប្រទេសឥណ្ឌាក្នុងរយៈកាលកន្លងមក ជាពិសេសក្នុងគ្រាលំបាក ដែលពិតជាបានឆ្លុះបញ្ចាំងអំពីមិត្តភាពដ៏ស្មោះត្រង់ដោយមិនអាចបំភ្លេចបាន។

ជាមួយគ្នានោះ នៅក្នុងជំនួបដាច់ដោយឡែកផ្សេងទៀត រវាងឧត្តមសេនីយ៍ឯក ហ៊ុន ម៉ាណែត និងអគ្គលេខាធិការនៃក្រសួងការពារជាតិឥណ្ឌា លោក ជីរីដា អារ៉ាម៉ានី ក៏បានវាយតម្លៃខ្ពស់ចំពោះទំនាក់ទំនងយោធាទ្វេភាគី ដែលបានបោះជំហានរីកចម្រើនទៅមុខ។ ក្រៅពីនេះ ថ្នាក់ដឹកនាំទាំងពីរក៏បានផ្លាស់ប្តូរមតិលើបញ្ហាតំបន់ និងអន្តរជាតិមួយចំនួន ដោយបានគូសបញ្ជាក់អំពីសារៈសំខាន់នៃការកសាងទំនុកចិត្តទៅវិញទៅមក ព្រមជាមួយនឹងសុឆន្ទៈនៃការពង្រឹងកិច្ចសហប្រតិបត្តិការទ្វេភាគី និងពហុភាគី សំដៅធានាបាននូវសន្តិភាព ស្ថិរភាព និងការអភិវឌ្ឍ ដែលជាគោលបំណងរួម។

បន្ថែមទៅទៀតនោះ នៅរដ្ឋធានីញូវដែលី សាធារណរដ្ឋឥណ្ឌា ឧត្តមសេនីយ៍ឯក ហ៊ុន ម៉ាណែត និងនាយឧត្តមសេនីយ៍ ម៉ាណូច ប៉ាន់ដេ មេបញ្ជាការកងទ័ពជើងគោកឥណ្ឌា បានជួបពិភាក្សាការងារទ្វេភាគី និងសម្រេចចុះហត្ថលេខាលើឯកសារលក្ខខណ្ឌស្តីពីកិច្ចសហប្រតិបត្តិការរវាងកងទ័ពជើងគោកនៃប្រទេសទាំងពីរ ក្នុងគោលបំណងដើម្បីពង្រឹង និងពង្រីកចំណងមិត្តភាពឱ្យកាន់តែជិតស្និទ្ធ, យូរអង្វែង និងប្រកបដោយទំនុកចិត្ត ហើយព្រឹត្តិការណ៍នេះ ក៏អាចត្រូវបានចាត់ទុកថាជាជំហានថ្មីមួយទៀតក្នុងការ ជំរុញសកម្មភាពកិច្ចសហប្រតិបត្តិការជាក់ស្តែងឱ្យកាន់តែសកម្មរស់រវើក ជាពិសេសតាមរយៈការបើកច្រកឱ្យមានទំនាក់ទំនងផ្ទាល់រវាងអង្គភាព និងអង្គភាពចំណុះកងទ័ពជើងគោកទាំងពីរ ដើម្បីឈានទៅសម្រេចបាននូវសមិទ្ធផលផ្លែផ្កាបន្ថែមទៀត។

នៅថ្ងៃទី០៤ ខែកុម្ភៈ ឆ្នាំ២០២៣ ឧត្តមសេនីយ៍ឯក ហ៊ុន ម៉ាណែត ចូលជួបសម្តែងការគួរសម និងពិភាក្សាការងារជាមួយនឹងលោក នាយឧត្តមសេនីយ៍ អានីល ចូហាន អគ្គមេបញ្ជាការកងទ័ពឥណ្ឌា។ ក្នុងជំនួបនេះ ឧត្តមសេនីយ៍ឯក ហ៊ុន ម៉ាណែត បានរាយការណ៍អំពីលទ្ធផល និងទិសដៅកិច្ចសហប្រតិបត្តិការដែលកងទ័ពជើងគោកទាំងពីរបានឯកភាពគ្នា ដោយរួមមានទាំងការយកចិត្តទុកដាក់ជំរុញអនុវត្តឯកសារលក្ខខណ្ឌស្តីពីកិច្ចសហប្រតិបត្តិការ (TOR) ដែលទើបត្រូវបានចុះហត្ថលេខារួច ឱ្យមានប្រសិទ្ធភាព និងប្រសិទ្ធផលខ្ពស់។

ជាការឆ្លើយតប អគ្គមេបញ្ជាការកងទ័ពឥណ្ឌា បានវាយតម្លៃខ្ពស់ចំពោះកិច្ចខិតខំប្រឹងប្រែង និងការប្តេជ្ញាចិត្តរួមរបស់កងទ័ពជើងគោកទាំងពីរ ក្នុងការពង្រឹងចំណងមិត្តភាព និងជំរុញកិច្ចសហប្រតិបត្តិការឱ្យមានលក្ខណៈផ្លូវការរឹងមាំលើមូលដ្ឋាននៃឯកសារ TOR និងបានបង្ហាញនូវការគាំទ្រលើទិសដៅសហប្រតិបត្តិការនានាដែលកងទ័ពជើងគោកទាំងពីរបានឯកភាពគ្នាសម្រាប់ពេលបន្តខាងមុខ។

សូមជម្រាបជូនថា ក្រៅតែពីអញ្ជើញចូលជួបសម្តែងការគួរសម និងពិភាក្សាការងារជាមួយនឹងមន្រ្តីជាន់ខ្ពស់ឥណ្ឌា ឧត្តមសេនីយ៍ឯក ហ៊ុន ម៉ាណែត ក៏បានដឹកនាំគណៈប្រតិភូកងទ័ពកម្ពុជា អញ្ជេីញដាក់កម្រងផ្កានៅ​ National War Memorial នារដ្ឋធានីញ៉ូដេលី​ និងទស្សនកិច្ចនៅសារមន្ទី​រ​ Rajaputana Rifle Regiment Center ផងដែរ៕

The post តើកូនប្រុសច្បងសម្តេច ហ៊ុន សែន ទស្សនកិច្ចផ្លូវការលើកដំបូងនៅឥណ្ឌា ជួបឥស្សរជនរូបណា និងពិភាក្សាការងារអ្វីខ្លះ? appeared first on .

ការការដ្ឋានសាងសង់រោងជាងជួសជុលនាវា ផែសំចត និងស្តារឃ្លងនេះ គឺជាជំនួយឥតសំណងរបស់រដ្ឋាភិបាលចិន ដល់កងទ័ពជើងទឹកកម្ពុជា ផ្ដោតលើចំណុចសំខាន់ៗដូចខាងក្រោម៖

ទី១៖ រៀបចំស្តារទីតាំងរបស់កងទ័ពជើងទឹក នៅមូលដ្ឋានរាមសំដៅធ្វើឱ្យមានលទ្ធភាពគ្រប់គ្រងពិតប្រាកដលើទីតាំងភូមិ​សាស្ត្រដែលមានស្រាប់ ឱ្យមានជំរុំបន្ទាយដែលមានអគារទីបញ្ជាការ, អគារបំពេញការងារគ្រប់ផ្នែកដូចជា៖ អគារសាល​ប្រជុំ, អគារឃ្លាំង, អគារកម្សាន្ត, អាហារដ្ឋាន, ទីលានកីឡា, អគារទទួលភ្ញៀវជាតិ-អន្តរជាតិស្តង់ដារកម្រិតខ្ពស់, ការ​​កសាង​ប្រព័ន្ធអគ្គិសនី, ប្រព័ន្ធទឹកស្អាត, ប្រព័ន្ធលូបង្ហូរទឹក។ល។

ទី២៖ ជួយជួសជុលនាវាចាស់ៗ ដែលអស់ពេលវេលាប្រើប្រាស់ ដែលកងទ័ពជើងទឹកភាគីកម្ពុជា ពុំមានលទ្ធភាពជួសជុល ចំនួន០៨គ្រឿង យកទៅជួសជុលនៅប្រទេសចិន និងដុកបណ្តែតចំនួន ០២គ្រឿង (០១គ្រឿង ចំណុះ ៦០០តោន ជួសជុល​នៅប្រទេសចិន និង ០១គ្រឿងទៀត ចំណុះ ៧០០តោន ជួសជុលនៅប្រទេសកម្ពុជា) និងជួយបំពេញបន្ថែមនូវនាវា​​សម្រាប់​​បម្រើការបច្ចេកទេសដូចជា៖ នាវាអូសសណ្ដោងចំនួន ០២គ្រឿង (ទំហំផ្ទុក ១០០តោន ចំនួន០១គ្រឿង និង៥០តោន ចំនួន​​០១គ្រឿង) នាវាដឹកស្បៀងគ្រឿងបរិក្ខារ ចំនួន ០១គ្រឿង និងត្រៀមលើកគម្រោងសម្ភារៈ ឧបករណ៍ផ្សេងៗទៀត តាម​ការខ្វះខាតជាក់ស្តែង។

ទី៣៖ ជួយកសាង និងពង្រីកបន្ថែមមន្ទីរពេទ្យ ០១កន្លែង សម្រាប់បម្រើការងារផ្ទៃក្នុងរបស់កងទ័ពជើងទឹក និងប្រជាជន​ដែលរស់នៅក្បែរខាងក្នុងតំបន់

ទី៤៖ ជួយកសាងរោងជាងជួសជុលនាវា អ៊ូ (Drydock) និងរ៉ៃ (Slipway) សម្រាប់បម្រើឱ្យការជួសជុលនាវាគ្រប់ប្រភេទ​ដែលកងទ័ពជើងទឹកកម្ពុជា កំពុងប្រើប្រាស់កាត់បន្ថយការបញ្ជូនទៅជួសជុលនៅក្រៅប្រទេស និងបន្ថយការចំណាយ​ថវិកាជាតិខ្ជះខ្ជាយ លើកកម្ពស់ការបង្ហាត់បង្រៀនអ្នកឯកទេសគ្រប់ផ្នែក ទាំងគ្រឿងបំពាក់ ដែលមានលើនាវាដោយខ្លួនឯង រៀន​បើកបរ ជួសជុលថែទាំ និងសិក្សាស្រាវជ្រាវ លើកកម្រិតសមត្ថភាពជាអ្នកឯកទេស អាចជួសជុល ឬរៀបតម្លើង​នាវាធុន​​មធ្យមល្មមៗ ដោយខ្លួនឯង សិក្សាច្បាប់ទម្លាប់ វិស័យផ្ទៃសមុទ្រ សម្រាប់ជាតិ និងអន្តរជាតិដើម្បីពង្រីកកិច្ចសហ​​ប្រតិបត្តិការជាមួយបណ្តាប្រទេសក្នុងតំបន់ និងពិភពលោក។

ទី៥៖ ជួយកសាងផសំចតចំនួន០២កន្លែង បើកទូលាយសម្រាប់សំចតនាវាធុនស្រាល និងមធ្យម។

ទី៦៖ ជួយស្ដារឃ្លងមានស្រាប់ ដែលជម្រៅទឹកនៅរាក់នៅឡើយ ឱ្យមានលទ្ធភាពទូលំទូលាយសម្រាប់នាវាធុនមធ្យម​​ចរាចរចេញចូលបានដោយរលូន។

ទី៧៖ បានផ្តល់នូវឯកសណ្ឋានយោធាសម្រាប់កងទ័ពជើងទឹកកម្ពុជាប្រើប្រាស់ មានចំនួន០៧ប្រភេទ ស្មើនឹង ៣៦,៩០០កំប្លេ។

គួរបញ្ជាក់ដែរថា ក្រៅពីបើកការដ្ឋានសាងសង់នៅសមិទ្ធិផលសំខាន់ៗជាច្រើនខាងលើនេះ គណៈកម្មការ នៃប្រទេសទាំងពីរ ក៏កំពុងបន្តសិក្សាស្វែងយល់អំពីការបំពេញតម្រូវការផ្សេងៗមួយចំនួនទៀត សម្រាប់ហ្វឹកហាត់ជំនាញរបស់កងទ័ពជើង​​ទឹក​ឱ្យមានសមត្ថភាពបំពេញភារកិច្ចការពារសន្តិសុខ ស្ថេរភាព សណ្តាប់ធ្នាប់ ការជួយសង្គ្រោះគ្រោះមហន្តរាយ អំពើភេវរ​​កម្មហិង្សា ការជួញដូរអាវុធ គ្រឿងញៀនខុសច្បាប់ ទប់ស្កាត់រាល់បាតុភាពដែលអាចកើតឡើងដោយសហការជាមួយ​​ប្រទេស​ក្នុងតំបន់ និងអន្តរជាតិ៕ អត្ថបទ៖រង្សី

The post សមិទ្ធផលសំខាន់ៗដែល​​បាន​​បើក​ការដ្ឋាន​សាង​​សង់​​​ ក្នុង មូល​ដ្ឋាន​​​សមុទ្រ​រាម appeared first on .

តាមសេចក្តីប្រកាសព័ត៌មានរបស់បញ្ជាការដ្ឋានកងទ័ពជើងគោកកម្ពុជា ថា អនុស្សារណៈ​នៃការ​យោគយល់​ស្តីពីកិច្ចសហប្រតិបត្តិការរវាងកង​ទ័ព​ទាំងពីរប្រទេស ធ្វើឡើងក្នុង​គោលបំណង​​ដើម្បី​ពង្រឹងកិច្ច​សហប្រតិបត្តិការ និងទំនាក់ទំនងជិតស្និទ្ធយូរអង្វែងរវាងកង​ទ័ពជើងគោកទាំង​ពីរ ដោយឈរលើមូលដ្ឋានសមភាព និងផលប្រយោជន៍ទៅវិញទៅមក។

អនុស្សារណៈ​នៃការ​យោគយល់​នេះ​គឺជាមូលដ្ឋានមួយដ៏សំខាន់នៅក្នុងការត្រួសត្រាយផ្លូវដើម្បី​ឈានទៅលើកកម្ពស់កិច្ចសហប្រតិបត្តិការលើវិស័យសំខាន់ៗ ឱ្យមានកម្រិតកាន់តែខ្ពស់​ឡើង​បន្ថែម​ទៀត ហើយព្រឹត្តិ​ការណ៍​នេះ អាចចាត់ទុកថាជាការបើកទំព័រប្រវត្តិសាស្ត្រថ្មី​មួយទៀតនៃ​កិច្ច​ទំនាក់​ទំនង​រវាង​កងទ័ព​ជើងគោកទាំងពីរផងដែរ ។

សេចក្តីប្រកាសព័ត៌មានដដែលបានអោយដឹងទៀតថា ក្នុងជំនួបតាមប្រព័ន្ធ Online នោះ​ ភាគី​ទាំងពីរ​បានសម្តែងនូវមោទកភាព ចំពោះទំនាក់ទំនង មិត្តភាពប្រកបដោយ ការជឿទុកចិត្ត និងការ​គោរពគ្នាទៅវិញទៅមក រួមជាមួយនឹងកិច្ចសហប្រតិបត្តិការ ជិតស្និទ្ធលើ​គ្រប់ វិស័យរវាង​ប្រទេស និងប្រជាជនទាំងពីរ កម្ពុជា-ចិន ដែលនាំមកនូវផលប្រយោជន៍ទៅវិញ​ទៅមក ការអ​ភិវឌ្ឍ​​រីក​ចម្រើនរួមគ្នា និងការរួមសុខរួមទុក្ខ លើមូលដ្ឋាននៃភាពជាដៃគូយុទ្ធ​សាស្ត្រ​​គ្រប់ជ្រុង​ជ្រោយ មិត្តភាពដែកថែប និងការកសាងសហគមន៍វាសនារួមកម្ពុជា-ចិន ដូចដែល​ស្តែងឡើង​តាមរយៈ កិច្ចខិតខំប្រឹងប្រែងជួយគ្នា និងឧបត្ថម្ភគាំទ្រគ្នាទៅវិញទៅមក ក្នុងកាលៈទេសៈនៃការ​រាតត្បាតសាកលនៃជំងឺកូវីដ-១៩ កន្លងមកនេះ ។

ភាគីទាំងពីរ បានធ្វើការវាយតម្លៃខ្ពស់ចំពោះកិច្ចសហប្រតិបត្តិការយោធា កម្ពុជា-ចិន និយាយ​ជារួម និងនិយាយដោយឡែក កិច្ចសហប្រតិបត្តិការរវាងកងទ័ពជើងគោក នៃប្រទេសទាំងពីរ  ដែលបានដំណើរការបោះជំហានរីកចម្រើនទៅមុខ និងសម្រេចបានលទ្ធផលផ្លែផ្កាជា​ច្រើនគួរជាទី​មោទនៈ ។

ភាគីទាំងពីរ ក៏បានគូសបញ្ជាក់ផងដែរអំពីសារៈសំខាន់នៃកិច្ចសហប្រតិបត្តិការទ្វេភាគីរវាង​កងទ័ពជើងគោកទាំងពីរ ដែលនឹងចូលរួមចំណែកយ៉ាងសំខាន់នៅក្នុងការគាំទ្រដល់ដំណើរការ​ទៅ​មុខនៃភាពជាដៃគូយុទ្ធសាស្ត្រគ្រប់ជ្រុងជ្រោយ ក៏ដូចជាការកសាងសហគមន៍វាសនា​រួម​កម្ពុជា-ចិន ឱ្យកាន់តែរឹងមាំ និងទទួលបានសមិទ្ធផលថ្មីៗបន្ថែមទៀត ។

នៅក្នុងឱកាសនោះផងដែរ ភាគីទាំងពីរក៏បានផ្លាស់ប្តូរទស្សនៈគ្នាទៅវិញទៅមកលើបញ្ហាសន្តិ​សុខ​សាកល និងតំបន់ ដែលកំពុងកើតមានឡើង និងបានបង្ហាញឆន្ទៈក្នុងការគាំទ្រ ជំរុញ និង​លើកកម្ពស់ដល់កិច្ចសហប្រតិបត្តិការរវាងកងទ័ពជើងគោកនៃប្រទេសទាំងពីរ ដើម្បីបន្ត​ចូលរួម​ចំ​ណែកថែរក្សាសន្តិភាព សន្តិសុខ ស្ថិរភាព និងវិបុលភាពសម្រាប់ទាំងអស់គ្នា ៕ អត្ថបទ៖ ពុធិកា

The post កងទ័ពកម្ពុជា-ចិន ចុះ​​អនុស្សារណៈ​យោគយល់គ្នា ដើម្បីពង្រឹងកិច្ច​សហប្រតិបត្តិការ និងទំនាក់ទំនងយូរអង្វែង appeared first on .

ឆ្លងតាមរបាយការណ៍បូកសរុបលទ្ធផលកិច្ចសហប្រតិបត្តិការឆ្នាំ២០២១ កន្លងទៅ កងទ័ព​ជើងគោកកម្ពុជា និង បញ្ជា​ការដ្ឋានយោធភូមិភាគទី៩ នៃកងទ័ពប្រជាជនវៀតណាម យោធ​ភូមិភាគទី៩វៀតណាម បានធ្វើការវាយតម្លៃខ្ពស់ចំពោះសមិទ្ធផលការងារដែលសម្រេចបាន និងបានដាក់ចេញនូវកំណត់ទិសដៅអនុវត្តបន្តសម្រាប់ឆ្នាំ២០២២ ដោយផ្តោតសំខាន់​លើការ​ពង្រឹង និងពង្រីកកិច្ចសហប្រតិបត្តិការឱ្យកាន់តែជិតសិ្នទ្ធ សំដៅថែរក្សាសន្តិភាព សន្តិសុខ និងសណ្តាប់ធ្នាប់របៀបរៀបរយឱ្យបានល្អ នៅតាមតំបន់ព្រំដែន ជាពិសេសការរួមគ្នាទប់ស្កាត់ និងប្រយុទ្ធប្រឆាំងបទល្មើសឆ្លងដែនគ្រប់ប្រភេទ។

ជាមួយគ្នានេះ ភាគីទាំងពីរក៏បានឯកភាពគ្នាបន្តសហការ​បង្កលក្ខណៈអំណោយផល​ដល់​ប្រជាជន​នៃប្រទេស​ទាំងពីរ អាចធ្វើការផ្លាស់ប្តូរសេដ្ឋកិច្ច និងប្រកបរបររកស៊ីទៅវិញទៅមក ដើម្បីរួមចំណែកកាត់បន្ថយភាពក្រីក្រជូនប្រជាជននៃប្រទេសទាំងពីរ កម្ពុជា-វៀតណាម។

ភាគីទាំងពីរ ក៏បានសម្តែងនូវមោទនភាពចំពោះភាពរីកចម្រើន​នៃ​ទំនាក់​ទំនងមិត្តភាព និងកិច្ច​សហប្រតិបត្តិការគ្រប់ជ្រុងជ្រោយរវាងប្រទេសទាំងពីរ កម្ពុជា-វៀតណាម និងបានគាំទ្រ​លើ​ទិសដៅ​កិ​ច្ចសហប្រតិបត្តិការសំខាន់ៗ ដែលរដ្ឋាភិបាល និងក្រសួង​ការពារ​ជាតិ​នៃ​ប្រទេស​ទាំងពីរបានកំណត់យក នៅក្នុងស្មារតីគោរពឯករាជ្យ អធិប​តេយ្យ បូរណភាព​ទឹកដី ច្បាប់ជាតិ ច្បាប់អន្តរជាតិ អត្តសញ្ញាណជាតិនៃប្រទេសទាំងពីរ និងដោយឈរលើគោល​ការណ៍​ស្មើភាព រក្សាផលប្រយោជន៍គ្នាទៅវិញទៅមក និងការមិនជ្រៀតជ្រែកកិច្ចការ​ផ្ទៃក្នុង​រវាងគ្នា ជាពិសេសការបន្តពង្រឹង និងលើក​កម្ពស់​ទំនាក់ទំនងទ្វេភាគី ស្របទៅតាមពាក្យស្លោក “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរ​ភាពយូរអង្វែង”។

នៅក្នុងកិច្ចប្រជុំនោះដែរ ឯកឧត្តម ឧត្តមសេនីយ៍ឯក ខឹមជា សាឃឿន បានថ្លែងអំណរគុណ ឯកឧត្តម ឧត្តមសេនីយ៍ត្រី ង្វៀន មិញជៀវ មេបញ្ជាការរងយោធភូមិភាគទី៩ នៃកងទ័ព​ប្រជា​ជនវៀតណាម ដែលបាន​ទទួល​រៀបចំធ្វើជាម្ចាស់ផ្ទះសម្រាប់កិច្ចប្រជុំឆ្នាំនេះ និងបាន​ទទួល​ស្វាគមន៍យ៉ាងកក់ក្តៅ ព្រម​ទាំងបង្កលក្ខណៈដល់គណៈប្រតិភូកងទ័ពជើងគោក​នៃកង​យោធពលខេមរភូមិន្ទ បានមកចូលរួមកិច្ចប្រជុំដ៏សំខាន់នេះ។

ដោយឡែក ឯកឧត្តម ឧត្តមសេនីយ៍ត្រី ង្វៀន មិញជៀវ មេបញ្ជាការរងយោធភូមិភាគទី៩ នៃកងទ័ព​ប្រជា​ជន​វៀតណាម បានថ្លែងអបអរសាទរចំពោះជោគជ័យរបស់កម្ពុជា ក្នុងការ​ប្រយុទ្ធ​ប្រឆាំង​នឹង​ជំងឺកូវីដ-១៩ ក៏ដូចជាប្រតិបត្តិការទប់ស្កាត់ និងគ្រប់គ្រងការរីករាលដាល​នៃជំងឺនេះ ជា​ពិសេស​ជោគជ័យលើយុទ្ធនាការជាតិចាក់វ៉ាក់សាំង ដោយតាមរបាយការណ៍​វាយតម្លៃ កម្ពុជាគឺជា​ប្រទេស​មួយក្នុងចំណោមប្រទេសដែលបានចាក់វ៉ាក់សាំង​ជូន​ប្រជាជន​របស់​ខ្លួន​បានច្រើន​ជាងគេ​ក្នុងពិភពលោក ដោយក្នុងនោះកងទ័ពជើងគោកនៃកងយោធពល​ខេមរភូមិន្ទ​​ក៏ជា​ប្រតិបត្តិករ​ដ៏សំខាន់មួយផងដែរ៕

The post កង​ទ័ព​​ជើង​​គោក​​កម្ពុជា និង​​យោធ​ភូមិ​ភាគ​ទី៩​ វៀត​ណា​ម កំណត់ទិស​ដៅ​រួមគ្នា​​​ទប់ស្កា​ត់​​​បទល្មើស​​​ឆ្លងដែន​គ្រប់​​​ប្រភេទ​​ appeared first on .