មេដឹកនាំរបស់ប្រទេសថៃរូបនេះ បានស្នើឲ្យក្រសួងសុខាភិបាល ធ្វើវិសោធនកម្មការចុះបញ្ជីជាថ្មីម្តងទៀត ដើម្បីដាក់រួមបញ្ចូលកញ្ឆា និងចេញច្បាប់ថ្មី ដើម្បីអនុញ្ញាតឲ្យប្រើវាសម្រាប់គោលបំណងព្យាបាលតែប៉ុណ្ណោះ។

ទន្ទឹមនឹងនេះ លោក Srettha ក៏បានបញ្ចេញមតិប្រឆាំងចំពោះការប្រើប្រាស់កញ្ឆាជាលក្ខណៈកម្សាន្ត ចាប់តាំងពីលោកបានចូលកាន់តំណែងជានាយករដ្ឋមន្រ្តីកាលពីឆ្នាំមុន ដោយលើកហេតុផលថា វាអាចធ្វើឲ្យបញ្ហាគ្រឿងញៀនដែលមានស្រាប់នៅក្នុងប្រទេសថៃ កាន់តែធ្ងន់ធ្ងរទៅៗ។

ជម្រាបជូនផងដែរថា រដ្ឋាភិបាលថៃ បានសម្រេចដាក់បញ្ចូលកញ្ឆាឲ្យប្រើប្រាស់ក្នុងផ្នែកវេជ្ជសាស្រ្តជាលើកដំបូង នៅឆ្នាំ២០១៨ និងបន្តឲ្យប្រើប្រាស់ក្នុងការកម្សាន្តនៅឆ្នាំ២០២២ អំឡុងស្ថិតក្រោមការដឹកនាំដោយរដ្ឋាភិបាលមុន ដែលនាំឲ្យមានការរីកលូតលាស់យ៉ាងឆាប់រហ័សនៃអាជីវកម្មខ្នាតតូចដែលលក់ផលិតផលកញ្ឆា នៅទូទាំងប្រទេស៕

The post រដ្ឋាភិបាលថៃ គ្រោងចុះបញ្ជី​កញ្ឆ​ជាគ្រឿងញៀនខុសច្បាប់ឡើងវិញ នៅត្រឹមចុងឆ្នាំនេះ appeared first on .

បច្ចុបន្នក្នុងប្រទេសជប៉ុន ថ្នាំដែលផលិតពីរុក្ខជាតិកញ្ឆា គឺត្រូវបានអនុញ្ញាតត្រឹមតែការប្រើប្រាស់នៅក្នុងការពិសោធន៍តែប៉ុណ្ណោះ ប៉ុន្តែក្រុមអ្នកជំងឺបានអំពាវនាវទៅកាន់រដ្ឋាភិបាល ដើម្បីអាចប្រើប្រាស់ថ្នាំ Cannabidiol ដែលមានធាតុផ្សំពីរុក្ខជាតិកញ្ឆា ដោយស្របច្បាប់បាននៅក្នុងប្រទេស ក៏ព្រោះថាវាត្រូវបានអនុម័តប្រើប្រាស់រួចហើយនៅក្នុងទ្វីបអឺរ៉ុប និងសហរដ្ឋអាមេរិក។

នៅក្រោមការកែសម្រួលច្បាប់ ដែលនឹងចូលជាធរមានក្នុងរយៈពេលមួយឆ្នាំចាប់ពីថ្ងៃប្រកាសឱ្យប្រើ កញ្ឆា និង Tetrahydrocannabinol (THC) ដែលជាសារធាតុគីមីផ្លូវចិត្តដែលមាននៅក្នុងរុក្ខជាតិ ត្រូវបានកំណត់ថាជាសារធាតុញៀនដែលត្រូវគ្រប់គ្រង។

តែទោះជាយ៉ាងណាក៏ដោយ ការកាន់កាប់ និងការចែកចាយត្រូវបានហាមឃាត់រួចហើយនៅក្នុងប្រទេសជប៉ុន ជាមួយគ្នានោះ ប្រទេសនេះនឹងហាមឃាត់ការប្រើប្រាស់ក្នុងគោលបំណងសប្បាយ ដោយកំណត់ថានឹងត្រូវជាប់ពន្ធនាគាររហូតដល់ប្រាំពីរឆ្នាំ សម្រាប់ជនណាដែលបំពាន។

បើរំលឹកទៅកាលពីមុន ប្រទេសជប៉ុនមិនបានដាក់ពិន័យលើការប្រើប្រាស់កញ្ឆានោះទេ ដោយហេតុថាកសិករនៅពេលដាំដុះតែងតែស្រូបយកសារធាតុនេះទាំងចៃដន្យ និងមិនដឹងខ្លួន ក៏ប៉ុន្តែកង្វះនៃការហាមប្រាមការប្រើប្រាស់ទាំងនេះ បានធ្វើឲ្យមានការផ្លាស់ប្តូរគោលជំហររបស់ខ្លួន ចំពេលមានការព្រួយបារម្ភកាន់តែខ្លាំងឡើងថា វាកំពុងលើកកម្ពស់ឲ្យយុវជនលួចបន្លំប្រើប្រាស់សារធាតុញៀន៕

The post ជប៉ុន សម្រេចកែប្រែច្បាប់លើផលិតផលវេជ្ជសាស្ត្រ ដែលផលិតចេញពីកញ្ឆា appeared first on .