អនុស្សរណៈនៃការយោគយល់គ្នា (MoU)នេះ ត្រូវបានធ្វើឡើងកាលថ្ងៃទី២៧ ខែកញ្ញា ឆ្នាំ២០២៦ ដោយលោក ហួត ហាក់ រដ្ឋមន្ត្រីក្រសួងទេសចរណ៍ ជាមួយក្រសួងទេសចរណ៍នៃសាធារណរដ្ឋគុយបា តំណាងដោយលោកស្រី Milena Caridad Zaldívar Piedra ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋគុយបាប្រចាំព្រះរាជាណាចក្រកម្ពុជា នៅខេត្តសៀមរាប។

បើតាមក្រសួងទេចរណ៍ អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការនេះ គឺជាជំហានសំខាន់ក្នុងការបង្កើតក្របខណ្ឌកិច្ចសហប្រតិបត្តិការរវាងក្រសួងទេសចរណ៍នៃប្រទេសទាំងពីរ ដើម្បីជំរុញការអភិវឌ្ឍវិស័យទេសចរណ៍ និងការផ្លាស់ប្តូរបទពិសោធន៍ទៅវិញទៅមក ការធ្វើពិពិធកម្មទីផ្សារទេសចរណ៍កម្ពុជាទៅដល់ទ្វីបអាមេរិកឡាទីន ដោយឈរលើមូលដ្ឋានសមភាព និងផលប្រយោជន៍រួម។

សូមបញ្ជាក់ជូនដែរថា កម្ពុជា និងគុយបា គឺជាមួយប្រទេសដែលមានទំនាក់ទំនងការទូតចាប់តាំងពីឆ្នាំ១៩៦០ ដោយគិតត្រឹមឆ្នាំ២០២៦ នេះ ពោលគិតដល់ពេលនេះ គឺមានរយៈពេល៦៦ឆ្នាំ មកហើយ៕ អត្ថបទ៖ហ្សាលីន

The post កម្ពុជា-គុយបា ចុះ MoU រួមគ្នាពង្រីកកិច្ចសហប្រតិបត្តិការលើវិស័យទេសចរណ៍ទ្វេភាគីបន្ថែមទៀត appeared first on .

នាជំនួបនោះ លោកស្រីឯកអគ្គរដ្ឋទូត បានវាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសទាំងពីរលើវិស័យជាច្រើន នាពេលកន្លងមក។ លោកស្រី បានបន្តថា កម្ពុជា គឺជាមិត្តដ៏ល្អរបស់គុយបា ដែលតែងជួយគ្នាគ្រប់ពេល និងគ្រប់កាលៈទេសៈ។ ជាមួយគ្នានេះ, លោកជំទាវ ប្ដេជ្ញាបន្តពង្រឹង និងពង្រីកកិច្ចសហប្រតិបត្តិការទ្វេភាគី ឱ្យកាន់តែស្អិតរមួត និងស៊ីជម្រៅបន្ថែមទៀត។

ជាការឆ្លើយតប, សម្ដេចធិបតី បានវាយតម្លៃខ្ពស់ចំពោះទំនាក់ទំនងជាប្រវត្តិសាស្រ្តរវាងប្រទេសទាំងពីរ ក្នុងកាលៈទេសៈដ៏លំបាកបំផុតរបស់កម្ពុជា នៅក្រោយការរំដោះចេញពីរបបប្រល័យពូជសាសន៍ប៉ុលពត ហើយទំនាក់ទំនងដ៏ល្អនេះ បានបន្តរហូតមកដល់បច្ចុប្បន្ន និងកំពុងបន្តពង្រឹង និងពង្រីកបន្ថែមទៀត។ សម្ដេចធិបតីបានបង្ហាញសុទិដ្ឋិនិយមថា កិច្ចសហប្រតិបត្តិការរវាងប្រទេសទាំងពីរនឹងបន្តពង្រីកទៅកាន់វិស័យសក្កានុពលផ្សេងៗទៀត មានជាអាទិ៍ វិស័យកសិកម្ម និងសុខាភិបាល។

តាមរយៈជំនួបខាងលើ សម្ដេចធិបតី និងលោកជំទាវឯកអគ្គរដ្ឋទូត ក៏បានបន្តពិភាក្សា និងផ្លាស់ប្ដូរយោបល់អំពីកិច្ចសហប្រតិបត្តិការក្នុងវិស័យអប់រំ, កសិកម្ម, វប្បធម៌, ទេសចរណ៍, និងការគាំទ្រគ្នាទៅវិញទៅមកលើវេទិកាអន្តរជាតិ។ សម្ដេចធិបតីក៏បានលើកទឹកចិត្តឯកអគ្គរដ្ឋទូត បន្តផ្សារភ្ជាប់ទំនាក់ទំនង និងពិភាក្សា ជាមួយក្រសួងស្ថាប័នពាក់ព័ន្ធ ដើម្បីស្វែងរកកាលានុវត្តភាពសម្រាប់ពង្រីកកិច្ចសហប្រតិបត្តិការបន្ថែមលើវិស័យសក្កានុពលនានា៕ អត្ថបទ៖ ហ្សាលីន

The post កម្ពុជា-គុយបា នឹងពង្រីកកិច្ចសហការលើវិស័យសក្កានុពល ពិសេសវិស័យកសិកម្ម និងសុខាភិបាល appeared first on .

នៅក្នុងជំនួបពិភាក្សាការងារ រវាងលោកស្រី Milena Caridad Zaldívar Piedra ឯក អគ្គរដ្ឋទូតនៃសាធារណៈរដ្ឋគុយបាប្រចាំព្រះរាជាណាចក្រកម្ពុជា ជាមួយលោកស្រី ឡោក ខេង ប្រធានគណៈកម្មការទី៨ នៃរដ្ឋសភា កាលពីថ្ងៃទី១៨ ខែកញ្ញា ឆ្នាំ២០២៦ បានបង្ហាញពីការប្តេជ្ញាចិត្តរួមគ្នារវាងកម្ពុជា-គុយបា ក្នុងការផ្លាស់ប្តូរបទពិសោធអ្នកជំនាញទៅវិញទៅមក ដើម្បីពង្រឹងវិស័យសុខាភិបាលឱ្យកាន់តែរឹងមាំ ខណៈគុយបាត្រូវបានទទួលស្គាល់ថាជាប្រទេសដែលមានការអភិវឌ្ឍជឿនលឿនខ្លាំងលើវិស័យនេះ។

ក្នុងឱកាសនោះ លោកស្រី ឡោក ខេង បានមានប្រសាសន៍ថា គុយបាតែង តែជួយ ជ្រោមជ្រែង កម្ពុជាលើវិស័យសុខាភិបាលយ៉ាងសកម្ម ហើយជាង៤ទសវត្សរ៍កន្លងមកនេះ ប្រទេសគុយបាបានបន្តផ្តល់អាហារូបករណ៍ដល់និស្សិត និងពលរដ្ឋកម្ពុជាជាហូរហែ។

លោកស្រីសង្ឃឹមថា ភាគីទាំងពីរនឹងបន្តពង្រឹងកិច្ចសហប្រតិបត្តិការការទូតសភា ឱ្យកាន់តែស៊ីជម្រៅដើម្បីភ្ជាប់ទំនាក់ទំនងលើគ្រប់វិស័យដោយយកប្រជាជនជាស្នូលព្រោះ ការទូតដើរតួនាទីយ៉ាងសំខាន់ក្នុងការជំរុញ និងការពារផលប្រយោជន៍ជាតិ ព្រមទាំងរក្សា សន្តិភាព និងស្ថិរភាពអន្តរជាតិ។

លោកស្រីប្រធានគណៈកម្មការទី៨ ក៏បានរំលេចពីជម្រើសផ្លូវការទូតក្នុង ការចរចាបញ្ចប់សង្គ្រាមជាមួយប្រទេសថៃ ជាពិសេសបញ្ហាតំបន់សមុទ្រត្រួតស៊ីគ្នា តាមរយៈ យន្តការផ្សះផ្សាដោយបង្ខំ (UNCLOS) ដោយលោកជំទាវបានសង្កត់ធ្ងន់ថា «សង្គ្រាមមាន តែចាញ់និងចាញ់ប៉ុណ្ណោះ» ហើយអ្នកដែលរងផលប៉ះពាល់ផ្ទាល់គឺប្រជាពលរដ្ឋ ដែលក្នុងនោះ ពលរដ្ឋភៀសសឹកកម្ពុជាជាង ២ម៉ឺននាក់ បានប៉ះពាល់យ៉ាងធ្ងន់ធ្ងរដល់ជីវភាព និងសុខភាព។

ជាការឆ្លើយតប ភាគីគុយបាក៏បានបង្ហាញឆន្ទៈយ៉ាងមុតមាំ ក្នុងការបន្តគាំទ្រកម្ពុជាលើវិស័យសុខាភិបាល និងបង្កើនទំនាក់ទំនងការទូតរវាងប្រទេស ទាំងពីរ។ លោកស្រីក៏បានកោតសរសើរ និងវាយតម្លៃខ្ពស់ចំពោះកម្ពុជា ទោះបីជាទទួលរងការឈ្លានពានពីប្រទេសថៃយ៉ាងណាក្តីក៏នៅតែអាចរក្សាបាននូវលំនឹង សេដ្ឋកិច្ច ការផលិតក្នុងស្រុក និងជាពិសេសគឺស្មារតីសាមគ្គីភាពយ៉ាងរឹងមាំរវាងប្រជាពលរដ្ឋ និងរាជរដ្ឋាភិបាល៕

The post កម្ពុជា និងគុយបាប្តេជ្ញាបន្តពង្រឹង និងពង្រីកកិច្ចសហប្រតិបត្តិការទ្វេភាគី លើវិស័យសុខាភិបាល និងការទូត appeared first on .

នេះបើយោងតាមលទ្ធផលនៃជំនួបពិភាក្សាការងាររវាង លោកស្រី និន សាផុន ប្រធានគណៈកម្មការសាធារណការដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា (គណៈកម្មការទី៩) និងជាប្រធានក្រុមមិត្តភាពរដ្ឋសភាកម្ពុជា-គុយបា ជាមួយ លោកស្រី Milena Caridad Zaldivar Piedra ឯកអគ្គរដ្ឋទូតនៃសាធារណរដ្ឋគុយបា ប្រចាំកម្ពុជា កាលទីថ្ងៃទី០២ ខែមិថុនា ឆ្នាំ២០២៦។

នៅក្នុងជំនួបនោះ ឯកអគ្គរដ្ឋទូតគុយបា បានចែករំលែកនូវបច្ចុប្បន្នភាពថ្មីៗនៃស្ថានការណ៍នៅក្នុងប្រទេសគុយបា និងបានអះអាងពីជំហរគាំទ្រកម្ពុជាក្នុងនាមជាមិត្តដ៏ស្មោះត្រង់។ លោកស្រីបានបញ្ជាក់ថា គុយបាប្តេជ្ញានឹងបន្តពង្រឹងពង្រីកចំណងមិត្តភាព និងកិច្ចសហប្រតិបត្តិការជាប្រវត្តិសាស្ត្រនេះឱ្យកាន់តែសកម្ម និងរឹងមាំថែមទៀត ដើម្បីបម្រើដល់ផលប្រយោជន៍រួមនៃប្រជាជាតិទាំងពីរ។

លោកស្រី និន សាផុន ក៏បានវាយតម្លៃខ្ពស់ចំពោះទំនាក់ទំនងការទូត និងសាមគ្គីភាពជាប្រពៃណីរវាងកម្ពុជា-គុយបា ដែលបានពូនជ្រំជាបន្តបន្ទាប់។ លោកស្រីបានសង្កត់ធ្ងន់ថា ទំនាក់ទំនងដ៏ល្អរវាងប្រទេសទាំងពីរ មិនត្រឹមតែផ្តល់គុណប្រយោជន៍សម្រាប់ការអភិវឌ្ឍប្រកបដោយចីរភាពប៉ុណ្ណោះទេ ប៉ុន្តែថែមទាំងរួមចំណែកដល់ស្ថិរភាពនៅក្នុងតំបន់ និងលើពិភពលោក ដោយប្រទេសទាំងពីរនឹងបន្តថែរក្សា ក៏ដូចជាជួយគាំទ្រគ្នាទៅវិញទៅមកក្នុងគ្រប់កាលៈទេសៈទាំងអស់៕

The post កម្ពុជា-គុយបា ប្រកាសបន្តគាំទ្រគ្នាទៅវិញទៅមកលើឆាកអន្តរជាតិ និងប្ដេជ្ញាពង្រឹងពង្រីកកិច្ចសហប្រតិបត្តិការជាប្រវត្តិសាស្ត្រ appeared first on .

កាលពីរសៀលថ្ងៃទី២១ ខែមេសា ឆ្នាំ២០២៦ ពិធីពិព័រណ៍រូបថត អបអរសាទរខួបអនុស្សាវរីយ៍លើកទី៦៥ នៃទំនាក់ទំនងការទូត រវាងព្រះរាជាណាចក្រកម្ពុជា និងសាធារណរដ្ឋគុយបា បានរៀបចំឡើង ដោយ លោកស្រី អុឹង កន្ថាផាវី រដ្ឋមន្ត្រីក្រសួងកិច្ចការនារី លោក នេត្រ ភក្រ្តា រដ្ឋមន្រ្តីក្រសួងព័ត៌មាន លោក ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៍ ព្រមទាំងរដ្ឋមន្រ្តី មន្រ្តី ក្រសួងស្ថាប័នពាក់ព័ន្ធមួយចំនួនទៀតក៏បានអញ្ជើញចូលរួមជាភ្ញៀវកិត្តិយសក្នុង ពិធីពិព័រណ៍នេះផងដែរ។

រូបថតចំនួន ៣១សន្លឹក ដែលបានដាក់តាំងបង្ហាញនាឱកាសនេះ គឺជាសក្ខីភាពដែលឆ្លុះបញ្ចាំងពី៖ (១) ការបង្កើតទំនាក់ទំនងការទូត កិច្ចសហប្រតិបត្តិការទ្វេភាគី និងព្រឹត្តិការណ៍ប្រវត្តិសាស្ត្រសំខាន់ៗ (២) ជំនួយមនុស្សធម៌របស់គុយបា នៅចុងទសវត្សរ៍ឆ្នាំ១៩៧០ និងទសវត្សរ៍ឆ្នាំ១៩៨០ និង (៣) ទស្សនកិច្ចផ្លូវការនានារបស់ថ្នាក់ដឹកនាំជាន់ខ្ពស់នៃប្រទេសទាំងពីរ។

លោកស្រី Milena Caridad Zaldívar Piedra ឯកអគ្គរដ្ឋទូតនៃសាធារណរដ្ឋគុយបា ប្រចាំព្រះរាជាណាចក្រកម្ពុជា ក៏បានឱ្យដឹងថា ការតាំងពិព័រណ៍នេះបានបង្ហាញឱ្យឃើញពីឫសគល់ដ៏រឹងមាំនៃទំនាក់ទំនង ដែលកសាងឡើងនៅលើឆន្ទៈនយោបាយ ការគោរព និងការយោគយល់គ្នាទៅវិញទៅមក ព្រមទាំងការប្រកាន់ខ្ជាប់នូវគោលការណ៍មិនចូលបក្សសម្ព័ន្ធ និងកិច្ចសហប្រតិបត្តិការដើម្បីការអភិវឌ្ឍទៅវិញទៅមក៕

The post រូបថតចំនួន ៣១សន្លឹក បានបង្ហាញក្នុងពិធីខួបអនុស្សាវរីយ៍លើកទី៦៥ នៃទំនាក់ទំនងការទូត រវាងកម្ពុជា និងគុយបា appeared first on .

ការប្ដេជ្ញាចិត្ដនេះ ធ្វើឡើងនៅក្នុងឱកាសដែលលោក មាស គឹមហេង ទទួលជំនួបសម្តែងការគួរសម និងពិភាក្សាការងារជាមួយ លោកជំទាវ Milena Caridad Zaldivar Piedra នៅទីស្តីការក្រសួងការបរទេស កាលពីថ្ងៃទី៩ ខែមីនា ឆ្នាំ២០២៦។

នាឱកាសនោះភាគីទាំងពីរបានស្វាគមន៍ចំពោះវឌ្ឍនភាពនៃទំនាក់ទំនងកម្ពុជា-គុយបា ព្រមទាំងបានផ្លាស់ប្តូរទស្សនៈអំពីការវិវត្តថ្មីៗទាក់ទងនឹងជម្លោះព្រំដែនកម្ពុជា-ថៃ និងបញ្ហាតំបន់ និងអន្តរជាតិ ដែលជាកង្វល់រួម៕

The post កម្ពុជា-គុយបា អះអាងការប្តេជ្ញាចិត្តជាថ្មីក្នុងការពង្រឹងកិច្ចសហប្រតិបត្តិការ ជាពិសេសលើវិស័យសំខាន់ៗចំនួន៤ appeared first on .

ក្នុងជំនួបនោះ លោកស្រី មីឡេនណា ការីដាដ ហ្សាឌីវ៉ា ពាដ្រា (Milena Caridad Zaldívar Piedra) ឯកអគ្គរដ្ឋទូតវិសាមញ្ញនិងពេញសមត្ថភាព នៃ​សាធា​រណរដ្ឋគុយបា ប្រចាំនៅព្រះរាជាណាចក្រកម្ពុជា បានបង្ហាញពីបច្ចុប្បន្នភាពថ្មីៗនៃស្ថានការណ៍​នៅក្នុងប្រទេស​ទាំង​ពីរ កម្ពុជា-គុយបា និងការពង្រឹងពង្រីកចំណងមិត្តភាព កិច្ចសហប្រតិបត្តិការជាប្រវត្តិសាស្ត្រ នៃប្រទេសទាំងពីរ ឱ្យ​កាន់​តែរឹងមាំ និងសកម្មឡើង ដើម្បីបម្រើដល់ផលប្រយោជន៍នៃប្រទេសទាំងពីរ។

លោកស្រីឯកអគ្គរដ្ឋទូតគុយបា បានសម្តែងនូវការអរគុណ និងសុំឱ្យរដ្ឋសភាកម្ពុជា និងក្រុមមិត្តភាពរដ្ឋសភា​កម្ពុជា-​គុយបា ជួយគាំទ្រក្នុងបេសកកម្មការទូតរបស់លោកជំទាវនៅកម្ពុជា។   ជាមួយគ្នានេះ លោកជំទាវក៏បាន​ស្នើសុំឱ្យរដ្ឋសភាកម្ពុជា បន្តចំណងមិត្តភាព បង្ហាញការគាំទ្រគ្នានៅលើឆាកអន្តរជាតិ ពង្រឹងពង្រីកកិច្ចសហ​ប្រតិ​បត្តិការរវាងប្រទេសទាំង២។

ជាការឆ្លើយតប លោកស្រី និន សាផុន បានវាយតម្លៃខ្ពស់ចំពោះចំណងការទូតសាមគ្គីភាពជាប្រពៃណី និងកិច្ច​សហ​ប្រតិបត្តិការរវាងប្រទេសទាំងពីរ ដែលបាននឹងកំពុងពូនជ្រំជាបន្តបន្ទាប់ ដើម្បីជាគុណប្រយោជន៍​នៃការ​អភិ​វឌ្ឍប្រទេសប្រកបដោយចីរភាព ស្ថិរភាពក្នុងតំបន់ និងលើពិភពលោក និងបន្តថែរក្សា ជួយគាំទ្រគ្នាទៅវិញ​ទៅមក​ក្នុង​គ្រប់កាលៈទេសៈ។

គួរបញ្ជាក់ដែរថា ក្នុងជំនួបខាងលើភាគីទាំងពីរ ក៏បានផ្លាស់ប្ដូរបទពិសោធន៍ គ្នាលើការងារវិនិយោគ កសិកម្ម អប់រំ ទេសចរណ៍ សុខាភិបាល កិច្ចការនារី និងពាណិជ្ជកម្ម ផងដែរ៕

The post ឯកអគ្គរដ្ឋទូតគុយបា ស្នើសុំរដ្ឋសភាកម្ពុជាបន្តរឹតចំណងមិត្តភាព គាំទ្រគ្នានៅលើឆាកអន្តរជាតិ appeared first on .

នេះបើតាមជំនួបពិភាក្សាការងារ រវាង លោក ហួត ហាក់ រដ្ឋមន្រ្តីក្រសួងទេសចរណ៍ ជាមួយ លោក Adalberto Venero Lemus អនុរដ្ឋមន្ត្រីក្រសួងទេសចរណ៍នៃសាធារណរដ្ឋគុយបា ក្នុងឱកាសបំពេញទស្សនកិច្ចការងាររយៈពេល២ថ្ងៃនៅកម្ពុជា កាលពីថ្ងៃទី១០ ខែកុម្ភៈ​ ឆ្នាំ២០២៦។

ក្នុងជំនួបនោះ លោក ហួត ហាក់ បានលើកឡើងពីទំនាក់ទំនងការទូតដ៏ល្អរវាងកម្ពុជា និងគុយបាតាំងពីឆ្នាំ១៩៦០ ដោយគិតត្រឹមឆ្នាំ២០២៦ នេះ គឺមានរយៈពេល៦៦ឆ្នាំ។ ទំនាក់ទំនងមិត្តភាពនេះ ត្រូវបានពង្រឹងពង្រីកពូនជ្រុំដោយថ្នាក់ដឹកនាំកំពូលរបស់ប្រទេសទាំងពីរជាបន្តបន្ទាប់ ដែលជាមូលដ្ឋានគ្រឹះសម្រាប់ពង្រឹង និងពង្រីកកិច្ចសហប្រតិបត្តិការលើគ្រប់វិស័យ ពិសេសលើវិស័យទេសចរណ៍ដែលប្រទេសទំាងពីរសុទ្ធតែមានសក្តានុពលទេសចរណ៍ដ៏សម្បូរបែប និងភាពរួសរាយរាក់ទាក់ បដិសណ្ឋារកិច្ចដ៏កក់ក្តៅរបស់ប្រជាជននៃប្រទេសទាំងពីរ។

ជាមួយគ្នានោះ អនុរដ្ឋមន្ត្រីក្រសួងទេសចរណ៍នៃសាធារណរដ្ឋគុយបា ក៏បានបញ្ជាក់ពីចំណាប់អារម្មណ៍លើការអភិវឌ្ឍលើគ្រប់វិស័យនៃប្រទេសកម្ពុជាក្នុងកំឡុងពេលទស្សនកិច្ចការងាររយៈពេល២ថ្ងៃកន្លងមក និងសូមថ្លែងអំណរគុណដល់ក្រសួងទេសចរណ៍ដែលបានជួយសម្របសម្រួលឱ្យមានជំនួបជាមួយសមាគមទេសចរណ៍កម្ពុជា ធំៗ ដើម្បីផ្សព្វផ្សាយពីសក្តានុពលទេសចរណ៍គុយបា។

លោកក៏បានប្រាប់ពីគោលបំណងចម្បងៗ នៃទស្សនកិច្ចការងារនៅកម្ពុជានាពេលនេះ រួមមានសំណើចុះអនុស្សរណៈនៃការយោគយល់គ្នា (MoU) លើកិច្ចសហប្រតិបត្តិការទេសចរណ៍រវាងក្រសួងទេសចរណ៍នៃប្រទេសទាំងពីរ ដែលគ្រោងនឹងធ្វើឡើងក្នុងព្រឹត្តិការណ៍ពិព័រណ៍ទេសចរណ៍អន្តរជាតិនៃប្រទេសគុយបានាពេលខាងមុខ និងការរៀបចំ FAM Trip ទៅវិញមករវាងប្រទេសទាំងពីរ ដើម្បីសហការជម្រុញវិស័យទេសចរណ៍ ពិពិធកម្មសេដ្ឋកិច្ច និងទីផ្សារទេសចរណ៍ ស្របពេលដែលការធ្វើដំណើរទៅមករវាងប្រទេសទាំងពីរមានភាពងាយស្រួលតាមរយៈជើងហោះហើររបស់ក្រុមហ៊ុនអាកាសចរណ៍តួកគី (Turkish Airlines) ពីរាជធានីភ្នំពេញ និងរដ្ឋធានីឡាហាវ៉ាណា ដោយឆ្លងកាត់តាមទីក្រុងអ៊ីស្តាន់ប៊ុល នៃសាធារណរដ្ឋតួកគីយ៉េ៕

The post កម្ពុជា-គុយបា ឯកភាពគ្នាសហការបន្ថែមលើវិស័យទេសចរណ៍ appeared first on .

ក្នុងជំនួបនោះ  លោក ហួត ហាក់ បានលើកឡើងថា កម្ពុជា និងគុយបាមានទំនាក់ទំនងការទូតតាំងពីឆ្នាំ១៩៦០ ដោយគិតត្រឹមឆ្នាំ២០២៦ នេះ គឺមានរយៈពេល៦៦ឆ្នាំ មកហើយ។

លោកក៏បានបន្តថា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកវិស័យទេសចរណ៍ ជាវិស័យអាទិភាព១ និងជាឆ្អឹងខ្នងសេដ្ឋកិច្ចជាតិដ៏សំខាន់ ក្នុងការរួមចំណែកក្នុងការអភិវឌ្ឍសេដ្ឋកិច្ច សង្គម។

ទន្ទឹមនឹងនេះ លោកស្រីឯកអគ្គរដ្ឋទូតគុយបា ក៏បានបង្ហាញពីចំណាប់អារម្មណ៍ក្នុងការអភិវឌ្ឍកិច្ចសហប្រតិបត្តិការទ្វេភាគីរវាងកម្ពុជា-គុយបាតាមរយៈ ១) ស្នើឱ្យមាននូវការពិភាក្សា និងរៀបចំ FAM Trip ទៅវិញមករវាងប្រទេសទាំងពីរ ដើម្បីលើកកម្ពស់ និងផ្សព្វផ្សាយគោលដៅទេសចរណ៍ ២) ស្នើសុំចុះអនុស្សរណៈនៃការយោគយល់គ្នា (MoU) រវាងក្រសួងទេសចរណ៍នៃប្រទេសទាំងពីរ នៅក្នុងព្រឹត្តិការណ៍ពិព័រណ៍ទេសចរណ៍អន្តរជាតិនៃប្រទេសគុយបានាពេលខាងមុខ និង៣) ស្នើសុំឱ្យក្រសួងជួយសម្របសម្រួល ដើម្បីឱ្យមានជំនួបពិភាក្សាជាមួយនឹងសមាគមក្នុងវិស័យទេសចរណ៍នៅកម្ពុជា អំឡុងពេលដែលគណប្រតិភូក្រសួងទេសចរណ៍គុយបា អញ្ជើញមកទស្សនកិច្ចនៅកម្ពុជា នាពេលខាងមុខនេះ។

គួរបញ្ជាក់ថា ជាការឆ្លើយតបនឹងចំណាប់អារម្មណ៍ខាងលើនេះ លោករដ្ឋមន្រ្តីក្រសួងទេសចរន៍ ក៏បានឯកភាពតាមការស្នើសុំ និងគាំទ្រឱ្យមានការរៀបចំជា FAM Trip ទៅវិញទៅមក ក៏ដូចជាការចុះអនុស្សរណៈនៃការយោគយល់គ្នា (MoU) រវាងក្រសួងទេសចរណ៍នៃប្រទេសទាំងពីរ៕

The post គុយបា ប្តេជ្ញាពង្រឹងកិច្ចសហប្រតិបត្តិការលើវិស័យទេសចរណ៍ជាមួយកម្ពុជា appeared first on .

 កិច្ចពិភាក្សានេះ បានធ្វើឡើងកាលព្រឹកថ្ងៃទី២ ខែមករា ឆ្នាំ២០២៥ រវាងឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោកស្រី Milena Caridad Zaldívar Piedra ឯកអគ្គរដ្ឋទូតនៃសាធារណរដ្ឋគុយបា ប្រចាំកម្ពុជា ។

នាឱកាសនោះ លោកឧបនាយករដ្ឋមន្ត្រី ប្រាក់ សុខុន និងលោកស្រី Milena បានពិភាក្សាគ្នាប្រកបដោយផ្លែផ្កាលើវិស័យផ្សេងៗនៃកិច្ចសហប្រតិបត្តិការ រួមមាន កសិកម្ម កីឡា និងសុខភាព ខណៈភាគីទាំងពីរក៏បានសន្យាពង្រីកកិច្ចសហប្រតិបត្តិការទាំងនេះបន្ថែមទៀត នៅពេលដែលកម្ពុជា និងគុយបាប្រារព្ធខួបលើកទី៦៥ នៃទំនាក់ទំនងការទូត នៅឆ្នាំនេះផងដែរ។

សូមរម្លឹកដែរថា ក្នុងអំឡុងការប្រកួតកីឡាស៊ីហ្គេមលើកទី៣២ នៅកម្ពុជា គុយបា បានលើកទឹកចិត្តឱ្យមានការអនុវត្ត​ពេញលេញនូវកិច្ចព្រមព្រៀងស្តីពីកិច្ចសហប្រតិបត្តិការក្នុង​វិស័យវប្បធម៌អប់រំកាយ និងកីឡា ដែលបានចុះហត្ថលេខា​នៅឆ្នាំ២០២២ រវាងក្រសួងអប់រំ យុវជន និងកីឡាកម្ពុជា និងវិទ្យាស្ថានជាតិកីឡា អប់រំកាយ និងការលេង​កំសាន្តរបស់គុយបា។

ជាងនេះទៀត នៅក្នុងដំណើរទស្សនកិច្ចផ្លូវការរបស់ សម្តេច ហ៊ុន សែន អតីតនាយករដ្ឋមន្ត្រីកម្ពុជា នៅសាធារណរដ្ឋគុយបា កាលពីខែកញ្ញា ឆ្នាំ២០២២ ភាគីទាំងពីរ បានចុះអនុស្សរណៈនៃការយោគយល់គ្នា លើវិស័យជាច្រើន ដូចជា កសិកម្ម សុខាភិបាល អប់រំ និងកីឡាជាដើម។ហេតុនេះ រដ្ឋមន្រ្តីក្រសួងការបរទេស និងឯកអគ្គរដ្ឋទូតនៃសាធារណរដ្ឋគុយបា រំពឹងថា កិច្ចពិភាក្សានេះ នឹងឆ្លើយតបដល់អនុស្សរណៈនៃការយោគយល់គ្នារវាងប្រទេសទាំងពីរ៕ អត្ថបទ៖ ហ្សាលីន

The post កម្ពុជា-គុយបា បើកកិច្ចពិភាក្សាជំរុញកិច្ចសហប្រតិបត្តិការលើវិស័យកសិកម្ម កីឡា និងសុខភាព appeared first on .