ជុំវិញការប្រកាសនេះត្រូវបានធ្វើឡើងក្នុងអំឡុងពេលកិច្ចប្រជុំមួយនៅឯសេតវិមាន ដែលមានការចូលរួមពីរដ្ឋមន្ត្រីក្រសួងរតនាគារ លោក Scott Bessent រដ្ឋមន្ត្រីក្រសួងកសិកម្ម លោក Brooke Rollins សមាជិកសភា និងរួមទាំងអ្នកតំណាងកសិករជាច្រើនទៀត។

មិនតែប៉ុណ្ណោះ លោក ត្រាំ បាននិយាយនៅក្នុងអំឡុងកិច្ចប្រជុំនោះថា ៖” ផែនការនេះផ្តល់នូវស្ថិរភាពដែលត្រូវការយ៉ាងខ្លាំងសម្រាប់កសិករ ដោយជួយពួកគេបន្តបញ្ចុះតម្លៃអាហារសម្រាប់គ្រួសារអាមេរិកទាំងមូល”។

យ៉ាងណាមិញ បើតាមលោក Rollins បាននិយាយថា ថវិកាដំបូងចំនួន ១១ពាន់លានដុល្លារ នឹងត្រូវចំណាយមិនឲ្យលើសពីថ្ងៃទី២៩ ខែកុម្ភៈឡើយ ខណៈថវិកាដែលនៅសេសសល់ផ្សេងទៀត នឹងត្រូវចែកចាយនៅពេលក្រោយ។

ជម្រាបជូនថា នៅឆ្នាំនេះ កសិករអាមេរិកប្រឈមមុខនឹងការចំណាយខ្ពស់ដោយសារតែតម្លៃកើនឡើងសម្រាប់ធាតុនាំចូលដូចជាគ្រាប់ពូជ និងជី។ យោងតាមសមាគមសណ្តែកសៀងអាមេរិក បានបង្ហាញថាកសិករកំពុងព្យាករពីការខាតបង់ឆ្នាំទីបីជាប់ៗគ្នារបស់ពួកគេ ដោយតែចិនផ្អាកការទិញ ជុំវិញផែនការពន្ធគយខ្ពស់របស់លោក ត្រាំ៕​

The post លោក ត្រាំ គ្រោងនឹងបញ្ចេញថវិកា ១២ពាន់លានដុល្លារ ដើម្បីជួយសង្គ្រោះកសិករអាមេរិក appeared first on .

ប្រភពដដែលនេះ បានរាយការណ៍ឲ្យដឹងទៀតថា កញ្ចប់ថវិកាសង្គ្រោះដំបូង នឹងមានចំនួនប្រហែល ១៥ពាន់លានដុល្លារ ដែលនេះត្រូវបានចាត់ទុកថាជាចំនួនហិរញ្ញវត្ថុចាំបាច់បំផុត សម្រាប់ជួយដល់កសិករឲ្យឆ្លងផុតរដូវកាលច្រូតកាត់។ ហើយរដ្ឋាភិបាល ក៏អាចនឹងផ្តល់ការគាំទ្របន្ថែមនៅពេលក្រោយទៀត ផងដែរ។

ប៉ុន្តែផែនការនេះអាចនឹងមានបញ្ហា ដោយសារតែការបិទរដ្ឋាភិបាលបានរារាំងសភាពីការចាត់វិធានការចាំបាច់ ដើម្បីអនុម័តវិក័យប័ត្រចំណាយដ៏ធំបែបនេះ ហើយមូលនិធិដែលមានស្រាប់ កំពុងមានភាពខ្វះខាតយ៉ាងខ្លាំង។

គួរឲ្យដឹងផងដែរថា កសិករភាគច្រើននៅតែបន្តគាំទ្រលើប្រធានាធីបតី លោក ដូណាល់ ត្រាំ ប៉ុន្តែពួកគេក៏កំពុងជំរុញឲ្យមានកិច្ចព្រមព្រៀងពាណិជ្ជកម្មបន្ថែមទៀត ខណៈពេលដែលប្រទេសចិន ដែលជាទីផ្សារដ៏ធំបំផុត បានបញ្ឈប់ការទីញយកសណ្តែងសៀងរបស់អាមេរិក ក្នុងពេលប៉ុន្មានខែថ្មីៗនេះ។

ទន្ទឹមនឹងនេះ យោងតាមអ្នកនាំពាក្យក្រសួងកសិកម្មសហរដ្ឋអាមេរិក (USDA) បាននិយាយថា ប្រធានាធីបតីលោក ត្រាំ បានបញ្ជាក់យ៉ាងច្បាស់ថាលោក នឹងមិនបោះបង់ចោលកសិករទេ។ ដូច្នេះ USDA នឹងបន្តតាមដានស្ថានភាព និងពិចារណាពីតម្រូវការសម្រាប់ជំនួយបន្ថែម។

ជម្រាបជូនថា នៅឆ្នាំនេះ កសិករអាមេរិកត្រូវបានគេរំពឹងថានឹងទទួលបានជំនួយជាង ៤០ពាន់លានដុល្លារ ដែលភាគច្រើនទទួលបានមកពីជំនួយសង្គ្រោះគ្រោះមហន្តរាយ និងកម្មវិធីសេដ្ឋកិច្ចដែលអនុម័តដោយសភាកាលពីឆ្នាំមុន៕​

The post អាមេរិក គ្រោងបញ្ចេញថវិកា ១៥ពាន់លានដុល្លារ ដើម្បីជួយសង្គ្រាះកសិករ appeared first on .

លោក Chantanon Wannakejohn អគ្គលេខាធិការនៃការិយាល័យសេដ្ឋកិច្ចកសិកម្ម បានមានប្រសាសន៍កាលពីថ្ងៃទី១៤ ខែកុម្ភៈកន្លងទៅថា ក្រសួងកំពុងស្វែងរកការបែងចែកទឹកប្រាក់ក្នុងចំនួនដ៏ច្រើននេះ សម្រាប់ផែនការរយៈពេលខ្លី មធ្យម និងរយៈពេលវែងរបស់ខ្លួន ដើម្បីបង្កើនប្រាក់ចំណូលរបស់កសិករ ដោយសារតែពួកគេជា​កម្លាំង​ចលករ​សំខាន់ជាងគេ នៅក្នុងប្រទេស។

លោក Chantanon បាននិយាយទៀតថា ទឹកប្រាក់បន្ថែមចំនួន ១,៤ពាន់លានបាត នឹងត្រូវការជាចាំបាច់សម្រាប់ផែនការរយៈពេលមធ្យម ដែលត្រូវបានរៀបចំឡើងដើម្បីណែនាំពីការប្រើប្រាស់បច្ចេកវិទ្យាកសិកម្មតាមបែបទំនើប ក៏ដូចជាប្រព័ន្ធកសិកម្មដែលមានភាពច្បាស់លាស់។

រដ្ឋមន្ត្រីរូបនេះ បានកត់សម្គាល់ទៀតថា សម្រាប់ការគ្រប់គ្រងកិច្ចពិភាក្សាលើកិច្ចព្រមព្រៀងពាណិជ្ជកម្មសេរីជាមួយដៃគូអន្តរជាតិពិតជាសំខាន់ ក្នុងការគាំទ្រដល់ការដាំដុះដំណាំដែលសមស្របនឹងបរិស្ថាន សេដ្ឋកិច្ច និងជំនួយដល់ការកែច្នៃដំណាំទាំងនោះ ផងដែរ។

ទន្ទឹមនឹងនេះ ថវិកាចំនួន ៣០១ពាន់លានបាតផ្សេងទៀត នឹងត្រូវការជាចាំបាច់សម្រាប់ផែនការរយៈពេលវែង ដែលត្រូវបែងចែកសម្រាប់ការកែលម្អការគ្រប់គ្រងទឹក ផលិតកម្មដំណាំ និងការធ្វើឲ្យមានភាពប្រសើរឡើងនូវប័ណ្ណកម្មសិទ្ធិសម្រាប់កសិករ។

ជម្រាបជូនផងដែរថា ថវិកាសារពើពន្ធឆ្នាំនេះដែលមានចំនួន ១២០,៦ពាន់លានបាត នឹងត្រូវបានប្រកាសនៅក្នុងរាជសារនាខែមេសាខាងមុខ ខណៈពេលដែលថវិកាសារពើពន្ធសម្រាប់ឆ្នាំ២០២៥ នឹងត្រូវបញ្ជូនទៅការិយាល័យថវិកាជាតិ និងគណៈរដ្ឋមន្ត្រីដើម្បីធ្វើការពិចារណា។ នេះបើតាមការបញ្ជាក់ពី លោក Chantanon Wannakejohn ៕

The post រដ្ឋាភិបាលថៃ រៀបចំផែនការបង្កើនចំណូលជូនដល់កសិករឲ្យបានបីដង ក្នុងពេល ៤ឆ្នាំខាងមុខ  appeared first on .

បើតាមការចុះផ្សាយពីសារព័ត៌មាន BBC ប៉ូលីសក្នុងរដ្ឋ Haryana ដែលមានព្រំប្រទល់ជាប់នឹងទីក្រុងញូវដេលី កាលពីថ្ងៃអង្គារ បានបាញ់ឧស្ម័នបង្ហូរទឹកភ្នែកទៅលើក្រុមកសិករ និងការដាក់រនាំងលួសបន្លា រនាំងដែក និងប្លុកស៊ីម៉ងត៍ ដើម្បីរារាំងពួកគេពីការចូលទៅកាន់រដ្ឋធានី តាមរយ:ត្រាក់ទ័រ និងឡានដឹកទំនិញ ដែលផ្ទុកទៅដោយស្បៀង និងសម្ភារ:ប្រើប្រាស់យ៉ាងច្រើនសន្ធឹកសន្ធាប់។

តាមប្រភពព័ត៌មាននានា ការធ្វើបាតុកម្មជាថ្មីម្តងទៀតរបស់ក្រុមកសិកររបស់ប្រទេសឥណ្ឌា បន្ទាប់ពីពួកគេធ្លាប់បានធ្វើបាតុកម្មម្តងរួចទៅហើយ ក្នុងការប្រឆាំងទៅនឹងកំណែទម្រង់វិស័យកសិកម្ម កាលពីខែវិច្ឆិកា ឆ្នាំ២០២០ កន្លងទៅ ដោយក្រុមកសិករឥណ្ឌា បានមកបោះទីតាំងតវ៉ា នៅក្នុងរដ្ឋធានីអស់រយ:ពេលជាងមួយឆ្នាំ និងស្លាប់មនុស្សជាច្រើននាក់ ដោយសារតែអាកាសធាតុក្តៅ ត្រជាក់ និងឆ្លងជំងឺកូវីដ-១៩ ទម្រាំព្រមដកថយទៅវិញ។

រំលឹកផងដែរថា ក្នុងការតវ៉ាឆ្នាំ២០២០ ដល់ឆ្នាំ២០២១ នោះ កសិករឥណ្ឌា បានបង្ខំឲ្យរដ្ឋាភិបាលលុបចោលច្បាប់កសិដ្ឋានចំនួន៣ ដើម្បីជាការផ្តល់អត្ថប្រយោជន៍ដល់សាជីវកម្ម និងការចំណាយរបស់ពួកគេ។ប៉ុន្តែកសិករបានចោទប្រកាន់រដ្ឋាភិបាលរបស់លោក Modi ថាមិនបានបំពេញតាមការសន្យារបស់ខ្លួន ចំពោះកសិករចាប់តាំងពីពេលនោះមក រួមទាំងបានបង្កើនការចំណាយរបស់ពួកគេទ្វេដង ថែមទៀតផង។

សូមជម្រាបជូនថា កសិករឥណ្ឌា ទទួលបន្ទុកយ៉ាងខ្លាំង ដោយសារនយោបាយ និងច្បាប់ធូររលុងនៅក្នុងវិស័យកសិកម្ម ដោយជាហេតុធ្វើឲ្យកសិករឥណ្ឌារាប់ពាន់នាក់បានសម្លាប់ខ្លួន ដោយសារភាពក្រីក្រ ជាប់បំណុល និងទិន្នផលដែលទទួលបានតម្លៃទាបខ្លាំង៕

The post កសិករឥណ្ឌា បន្តចូលក្រុងធ្វើបាតុកម្មទ្រង់ទ្រាយធំទាមទារឲ្យរដ្ឋាភិបាលដោះស្រាយបញ្ហាលើតម្លៃទិន្នផល appeared first on .

ប្រធានសមាគមកសិករអាល្លឺម៉ង់ លោក Joachim Rukwied បានពិពណ៌នាអំពីការសម្រេចចិត្តរបស់រដ្ឋាភិបាល ថាជាការប្រកាសសង្គ្រាមប្រឆាំងនឹងកសិករ ហើយថែមទាំងបាននិយាយថា ពួកគេនឹងមិនទទួលយកវាទេ។ ម្យ៉ាងវិញទៀត កសិករនឹងធ្វើការតវ៉ានៅទូទាំងប្រទេសនាខែក្រោយ ប្រសិនបើផែនការនេះមិនត្រូវបានដោះស្រាយចេញទេនោះ។

ជាមួយគ្នា លោកបាននិយាយក្នុងសេចក្តីថ្លែងការណ៍មួយថា៖ ចាប់ពីថ្ងៃទី៨ ខែមករាខាងមុខ យើងនឹងមានវត្តមាននៅគ្រប់ទីកន្លែង ក្នុងរបៀបដែលប្រទេសនេះមិនធ្លាប់មានពីមុនមក។
មិនត្រឹមតែប៉ុណ្ណោះ សមាគមកសិកម្មអាឡឺម៉ង់បានព្រមានថា ការកាត់បន្ថយការឧបត្ថម្ភធននឹងធ្វើឲ្យអាហារកាន់តែឡើងថ្លៃនៅឆ្នាំក្រោយ ខណៈដែលថ្លៃដឹកជញ្ជូន និងថាមពលក៏ត្រូវបានគេរំពឹងថា នឹងកើនឡើងនៅឆ្នាំ២០២៤ ដូចគ្នា។

គួរជម្រាបថា កាលពីថ្ងៃពុធសប្តាហ៍មុន អធិការបតី Olaf Scholz បាននិយាយនៅក្នុងសន្និសីទសារព័ត៌មានមួយថា រដ្ឋាភិបាលត្រូវបានគេរំពឹងថានឹងសន្សំប្រាក់ឲ្យបានប្រមាណ ១៧ពាន់លានអឺរ៉ូ (១៨,៣៣ ពាន់លានដុល្លារ) នៅក្នុងថវិកាស្នូលរបស់ខ្លួនឆ្នាំ២០២៤ ដោយតម្រូវឲ្យប្រើប្រាស់វិធានការបញ្ចប់ការឧបត្ថម្ភធនដែលបំផ្លាញអាកាសធាតុ ក៏ដូចជាការកាត់បន្ថយការចំណាយ។

នៅក្រោមគ្រោងការណ៍នេះហើយ ដែលនាំឲ្យកសិករអាល្លឺម៉ង់នឹងលែងទទួលបានការបន្ធូរបន្ថយពន្ធចំពោះប្រេងម៉ាស៊ូត ព្រមទាំងលែងទទួលបានការលើកលែងពន្ធលើយានយន្តកសិកម្មទៀតផងដែរ ជាហេតុនាំឲ្យមានការបាតុកម្មយ៉ាងដូច្នេះ៕

The post កសិករអាឡឺម៉ង់ បើកត្រាក់ទ័ររាប់រយគ្រឿងសម្រុកទៅធ្វើបាតុកម្ម នៅទីក្រុងប៊ែរឡាំង appeared first on .

អនុរដ្ឋមន្ត្រីក្រសួងហិរញ្ញវត្ថុ លោក Julapun Amornvivat បាននិយាយប្រាប់ទៅកាន់អ្នកសារព័ត៌មានថា ការផ្អាកយកបំណុលពីកសិករនេះ នឹងមានរយ:ពេល ៣ ឆ្នាំ ហើយវានឹងធ្វើឱ្យរដ្ឋាភិបាល ខាតបង់ថវិកាដល់ទៅ ១១ពាន់លានបាត ឬជាង ៣០០លានដុល្លារឯណោះ ចំពោះផែនការថ្មីនេះ ។

ជុំវិញផែនការផ្អាកយកបំណុលនេះ នឹងត្រូវចាប់ផ្តើមនៅថ្ងៃទី១ ខែតុលា តទៅ ខណ:ពេលដែលលោក Julapun បានបញ្ជាក់បន្ថែមទៀតថា កសិករក៏នឹងនៅតែអាចបន្តអនុញ្ញាតឱ្យខ្ចីប្រាក់បន្ថែម រហូតដល់ទៅ ១០០ ០០០បាត ក្នុងម្នាក់ ពីធនាគរកសិកម្ម និងសហករណ៍កសិកម្ម (BAAC) ផងដែរ។

ជម្រាបជូនផងដែរថា រដ្ឋាភិបាលថ្មី ដែលទើបចូលកាន់តំណែងកាលពីខែមុន បានរៀបចំគោលនយោបាយថ្មីៗជាច្រើន ដើម្បីជំរុញសេដ្ឋកិច្ចដែលទន់ខ្សោយ ដោយសារតែការធ្លាក់ចុះនៃការនាំចេញ និងទំនុកចិត្តរបស់វិនិយោគិន ៕

The post រដ្ឋាភិបាលថៃខាតលុយជាង ៣០០លានដុល្លារ លើផែនការព្យួរបំណុលកសិករ appeared first on .

ប្រភពពីក្រសួងខាងលើ បានបង្ហាញឱ្យដឹងថា កសិករខ្នាតតូច សហគ្រាសធុនតូច និងមធ្យម មានប្រហែល ៩០% នៃកូនបំណុលសរុបទាំងអស់ ដែលបានជំពាក់ស្ថាប័នហិរញ្ញវត្ថុរបស់រដ្ឋ។​

ជុំវិញផែនការនេះ ក្រសួងគ្រោងនឹងស្នើសុំទៅកាន់នាកយរដ្ឋមន្ត្រីថ្មី លោក Srettha Thavisin ដើម្បីពិចារណានៅថ្ងៃទី១១ ខែកញ្ញានេះ ហើយនឹងត្រូវលើកយកមកពិភាក្សានៅក្នុងកិច្ចប្រជុំគណ:រដ្ឋមន្ត្រី នៅថ្ងៃទី១៣ ខែកញ្ញា ដើម្បីធ្វើការអនុម័ត ។

គួរឱ្យដឹងថា វិធានការសង្គ្រោះនេះ នឹងរួមមានការព្យួរទាំងប្រាក់ដើម និងការប្រាក់ ដោយរំពឹងថាអាចនឹងជួយបន្ធូរបន្ថយបន្ទុកបំណុល សម្រាប់កសិករ សហគ្រាសធុនតូច និងមធ្យម ដែលរងផលប៉ះពាល់ខ្លាំង ដោយសារតែជំងឺរាតត្បាតកូវីដ-១៩ នាពេលកន្លងមក។

បន្ថែមពីនេះ រដ្ឋាភិបាល ក៏ចង់ឱ្យក្រសួងយកចិត្តទុកដាក់បន្ថែមទៅលើប្រភេទកូនបំណុលផ្សេងទៀត រួមមាន សហករណ៍កសិកម្ម គ្រូបង្រៀន មន្ត្រីនគរបាល និងអ្នកខ្ចីបំណុលក្រៅផ្លូវការ តាមរយៈកម្មវិធីរៀបចំរចនាសម្ព័ន្ធបំណុល នៅគ្រឹះស្ថានហិរញ្ញវត្ថុរបស់រដ្ឋ៕

The post រដ្ឋាភិបាលថៃ គ្រោងនឹងដាក់ចេញវិធានការព្យួរបំណុលសម្រាប់កសិករ រយ:ពេល ៣ ឆ្នាំ appeared first on .

យោងតាមប្រធានមន្ទីរកសិកម្ម រុក្ខាប្រមាញ់និងនេសាទខេត្តព្រះវិហារ លោក ពឹង ទ្រីដា កម្មវិធីចុះកិច្ចសន្យានេះរួមមាន(១) ក្រុមហ៊ុន Golden Rice នឹងទទួលទិញស្រូវសរីរាង្គចំនួន១.២០០ តោន ពីសហគមន៍កសិកម្មចំនួន៧ ដែលមានអ្នកផលិត ១,០០០ គ្រួសារ និង (២)ក្រុមហ៊ុន AMRU Rice Cambodia នឹងទទួលទិញស្រូវសរីរាង្គប្រភេទស្រូវសចំនួនប្រមាណ ១.៥០០ តោន ពីសហគមន៍កសិកម្មចំនួន៥ ដែលមានអ្នកផលិត៥០០ គ្រួសារ ដែលជាកិច្ចសន្យាទិញបន្ថែមលើបរិមាណដែលក្រុមហ៊ុនបាន ចុះហត្ថលេខា កាលពីខែមិថុនាកន្លងមកថ្មីៗនេះ។

លោក កាន់ គន្ធី អគ្គនាយករងក្រុមហ៊ុន AMRU Rice Cambodiaមានប្រសាសន៍ថា «ការចុះហត្ថលេខាទទួលទិញស្រូវសរីរាង្គពីកសិករនៅខេត្តព្រះវិហារនៅថ្ងៃទី២៤ខែសីហានេះគឺជាការចុះហត្ថលេខាទទួលទិញស្រូវសិរីរាង្គពីកសិករលើកទី២ ខណៈលើកទី១ធ្វើឡើងនៅថ្ងៃទី២៣ខែមិថុនាកន្លងទៅនេះយើងបានចុះហត្ថលេខាទទួលទិញស្រូវសរីរាង្គចំនួន១,៦ម៉ឺនតោនពីកសិករ ចំនួន២១សហគមន៍ដែលមានសមាជិកប្រហែល៣ពាន់គ្រួសារនៅខេត្តព្រះវិហារ»។

អគ្គនាយករងក្រុមហ៊ុន AMRU Rice Cambodia លើកឡើងថាដោយមានការឧបត្ថមពីគម្រោងគាំទ្រពាណិជ្ជូបនីយកម្មស្រូវ-អង្ករកម្ពុជា តាំងឆ្នាំ២០១៣ ក្រុមហ៊ុនអេមរុរ៉ាយស៍បានចាប់ផ្តើមបង្កើតភាពជាដៃគូរជាមួយសហគមន៍កសកម្ម ចំនួន ៨ក្នុងខេត្តព្រះវិហារ។ ចុងឆ្នាំ ២០១៤ កិច្ចព្រមព្រៀងផលិតកម្ម កិច្ចសន្យាត្រូវបានចុះហត្ថលេខាជាមួយសហគមន៍ទាំង៨នោះនិងបានយល់ព្រមការ ផ្គត់ផ្គង់ស្រូវដល់ក្រុមហ៊ុន អេមរុរ៉ាយស៍ចំនួនជិត ១៥០០តោនជាមួយបរិមាណផ្គត់ផ្គង់បានតិចតួចដោយសារគុណភាពផលិតផលមិនទាន់ឆ្លើយតបនិងតម្រូវការក្រុមហ៊ុន យើងបានជំរុញនិងបណ្ដុះបណ្ដាលបន្ថែមនៅចំណេះដឹងនិងជំនាញពីការគ្រប់គ្រងក្រោយប្រមូលផលរហូតដល់អាចឆ្លើយតបទៅនឹងគុណភាពតម្រូវការរបស់ក្រុមហ៊ុ ឆ្នាំ២០១៨ ក្រុមហ៊ុនបុត្រសម្ព័ន្ធអេមរុរ៉ាយស៍គឺក្រុមហ៊ុនសាជីវកម្មសហគមន៍កសិកម្មកម្ពុជាហៅថា ស៊ីអេស៊ីស៊ី បានចាប់ផ្កើមធ្វើការជាមួយសគមន៍កសិកម្មចំនួន៨ក្នុងការអនុវត្តន៍កិច្ចសន្យាផលិតនិងលក់ដំឡូងមីសរីរាង្គបន្ថែមទៀត។

ដើម្បីជំរុញឱ្យកិច្ចសន្យាទាំងនេះអាចដំណើរការទៅបានដោយរលូននិងមានប្រសិទ្ធភាពគឺបានការគាំទ្រយ៉ាងពេញទំហឹងពីមន្ទីរកសិកម្មរុក្ខាប្រមាញ់ និងនេសាទ និងមន្ទីរពាណិជ្ជកម្មខេត្តព្រះវិហាររួមទាំងការគាំទ្រពីគម្រោង និងអង្គការនានាដូចជាគម្រោងគាំទ្រពាណិជ្ជូបនីយកម្មស្រូវអង្ករកម្ពុជា កម្មវិធី ASPIRE អង្គការ AVSF អង្គការ IVY អង្គការ DPA អង្គការ World Vision និងអង្គការ HEKS។

លោក កាន់ គន្ធី សង្កត់ធ្ងន់ថា«កិច្ចសន្យាទាំងពីរផលិតផលខាងលើគឺបានជួយជម្រុញអោយមានការប្រសើរឡើងនូវចំណូលនិងសេដ្ឋកិច្ចគ្រួសារទៅដល់កសិករដែលជាអ្នកដាំដុះនិងផលិតដោយផ្ទាល់សម្រាប់ស្រុកគោលដៅទាំង៧រួមមាន រវៀង ជ័យសែន ឆែប ត្បែងមានជ័យ គូលែន ជាំក្សាន្ត និងសង្គមថ្មី។ ក្រៅពីនេះកសិករដែលមិនមែនជាសមាជិកផលិតក៏ទទួលបានផលជះនៃការកើនឡើងតំលៃទីផ្សារសម្រាប់កសិកផលរបស់ពួកគាត់ផងដែរ»៕

អត្ថបទ៖សារេត

The post កសិករក្នុងខេត្តព្រះវិហារ សន្យាផ្គត់ផ្គង់ស្រូវសរីរាង្គជិត៣ពាន់តោនដល់ក្រុមហ៊ុនកែច្នៃនាំចេញអង្ករចំនួន២ appeared first on .

សម្តេចតេជោ ហ៊ុន សែន នាយករដេ្ឋមន្ត្រីមានប្រសាសន៍ថា ក្រសួងកសិកម្ម រុក្ខាប្រមាញ់ និងនេសាទ បានធ្វើរបាយការណ៍អំពីល្បឿននៃការបង្កបង្កើនផល ហើយមកដល់ពេលនេះតម្រូវឱ្យក្រសួងកសិកម្មរាយការណ៍ឱ្យនាយករដ្ឋមន្ត្រីប្រចំាសប្តាហ៍។ក្នុងរបាយការណ៍បង្ហាញថាការភ្ជួររាស់បាន១លាន២សែន ហិកតា ក្នុងនោះភ្ជួរដោយសត្វគោ ក្របីមានជាង៤០០ហិកតា។

សម្តេចតេជោ បន្តថា នេះបង្ហាញថាការប្រើប្រាស់គ្រឿងយន្តនៅក្នុងវិស័យកសិកម្មនេះ បានឆ្ពោះទៅមុខ ហើយរហូតមកដល់ពេលនេះពូ(..)ចាប់ផ្តើមភ័យក្រែងកសិករនាំគ្នាប្រើគោយន្តអស់ទៅ ឈប់ប្រើកំលំាងសត្វសម្រាប់ភ្ជួររាស់អាចធ្វើឱ្យមានវិបត្តិដែរ។តែទោះជាយ៉ាងនេះក្តី ក្រសួងកសិកម្មបានរាយការណ៍ចំនួនគោ ក្របី នៅក្នុងប្រទេសមិនមានការថមថយគួរឱ្យបារម្ភនោះទេ គ្រាន់តែប្រជាពលរដ្ឋមិនប្រើប្រាស់ក្នុងការភ្ជួររាស់ដូចកាលពីពេលមុន គាត់ប្រើគ្រឿងយន្តនៅក្នុងវិស័យកសិកម្ម។

នៅក្នុងវិស័យកសិម្មនាពេលបច្ចុប្បន្ នសម្តេចតេជោ ហ៊ុន សែន បានមើលឃើញថា ការដកស្ទូងកសិករលែងស្ទូងសំណាបទៀតហើយ កសិករងាកព្រោះគ្រាប់ពូជជំនួសវិញ, បើស្ទូងប្រើម៉ាស៊ីន ហើយដល់ពេលច្រូកកសិករចាប់ផ្តើមប្រើម៉ាស៊ីនច្រូតជំនួសកំលំាងមនុស្ស។

សម្តេចតេជោ ហ៊ុនសែន សង្កត់ធ្ងន់ថា«កសិកម្មរបស់យើងនៅសល់ត្រឹមតែ២១,៥%គ្របដណ្តប់ទៅលើផលិតផលសរុប នៅក្នុងពេលឧស្សាហកម្មបានកើនឡើង៣៨% ហើយឧស្សាហកម្មមាននិន្នាការកើនឡើងជាមួយសេវាកម្ម ក្នុងពេលដែលវិស័យកសិកម្មធ្លាក់ចុះ។ការធ្លាក់ចុះនេះ មិនមែនធ្លាក់ចុះអំពីសមត្ថភាពនៃការចិញ្ចឹមនោះទេ គ្រាន់តែធ្លាក់ចុះនៃចំណែកនៃការកើនឡើងផ្នែកសេដ្ឋកិច្ច ដោយទំហំនៃផ្នែកឧស្សាហកម្ម និងសេវាកម្មកាន់តែធំ»។

សម្តេចលើកឡើងថា កាលពីមុនវិស័យកសិកម្មគ្របដណ្តប់ជាង៨០% ប៉ុន្តែយើងខ្វះអង្ករទទួលទាន តែឥលូវកសិកម្មយើងនៅសល់តែជាង២១% ប៉ុន្តែយើងនៅសល់អង្ករជាង៤លានតោន សម្រាប់ធ្វើការនាំចេញទៅ៧៣ប្រទេស បានន័យថាដូចជានៅប្រទេសជប៉ុនកសិកម្មមានមិនដល់១%ទេ ប៉ុន្តែជប៉ុនមិនគ្រាន់តែចិញ្ចឹមប្រជាពលរដ្ឋខ្លួនឯងបានទេ តែជប៉ុនបាននាំចេញផលិតផលកសិកម្មរបស់ខ្លួនមាននៅទូទំាងពិភពលោក៕

អត្ថបទ៖សារេត

The post កសិករប្រើប្រាស់គ្រឿងយន្តកាន់តែច្រើន ជំនួសឱ្យកម្លាំងគោក្របី នៅក្នុងវិស័យកសិកម្ម appeared first on .

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មើលឃើញថា ចំពោះវិស័យចិញ្ចឹមសត្វនេះយើងឃើញតាមសារព័ត៌មានក៏ដូចការសិក្សាស្រាវជ្រាវរបស់អ្នកស្រាវជ្រាវយើងឃើញថាការចិញ្ចឹមជ្រូកប្រឈមជាមួយនិងការខាតបង់ខណៈពេលដែលក្រសួងកសិកម្មរុក្ខាប្រមាញ់និងនេសាទតែងតែលើកឡើងថាការចិញ្ចឹមសត្វនៅក្នុងប្រទេសជោគជ័យរហូតដល់យើងនាំជ្រូកចូលពីក្រៅប្រទេស យើងផលិតចិញ្ចឹមជ្រូករហូតដល់សល់សាច់ជ្រូកទៅទៀត ហើយនេះគឺអ្វីដែលខ្ញុំបានទទួលពីក្រសួងកសិកម្ម។

លោកបណ្ឌិត គី សេរីវឌ្ឍន៍ មានប្រសាសន៍ថា«តែទោះជាយ៉ាងណាក៏ដោយវិស័យចិញ្ចឹមសត្វនៅក្នុងប្រទេសកម្ពុជានៅតែមានហានិភ័យដោយសារតែកសិកររបស់យើងគាត់ប្រើប្រាស់ចំណីសត្វទិញពីក្រៅប្រទេសមកនៅពេលដែលយើងមិនទាន់មានលទ្ធភាពផលិតចំណីសត្វដោយខ្លួនង។ខ្ញុំចង់សំដៅទៅលើកសិករខ្លួនឯង អីចឹងថ្លៃដើមផលិតនៃកាចិញ្ចឹមសត្វនេះវាប្រាកដជាខ្ពស់ ហើយប្រសិនបើគេមិនចង់ឱ្យកសិករយើងលក់សាច់សត្វបាន គេតម្លើងថ្លៃចំណីនិងថ្នំាផ្សេងៗ វានិងធ្វើឱ្យប៉ះពាល់ទៅដល់កសិករ»។ 

លោកបណ្ឌិតលើកឡើងថា សម្រាប់កសិករវិញគឺគាត់មិនមែនជាអ្នកមានលុយច្រើនដើម្បីធ្វើអាជីវកម្មទេ ដូច្នេះគាត់ត្រូវតែខ្ចីលុយពីខាងធនាគារឬមីក្រូហិរញ្ញវត្ថុដើម្បីជំរុញអាជីវកម្មក៏ប៉ុន្តែនៅពេលអាជីវកម្មត្រូវបានខាតបង់និងបានបិទទ្វានោះការលំបាកនិងផលប៉ះពាល់មកលើសេដ្ឋកិច្ចគ្រួសាររបស់ពួកគាត់នឹងកើតមាន ហើយនៅពេលកើតមានបញ្ហាទំាងអស់នេះពួកគាត់លែងផលិតលែងចិញ្ចឹមអ្វីបន្តទៀត ដោយមើលទៅឃើញថាខ្លួនឯង អត់មាននិស័យនៅក្នុងការចិញ្ចឹមសត្វ អីចឹងគាត់នឹងងាកទៅរកការដំាដុះដំណំាអ្វីផ្សេងដើម្បីដោះស្រាយជីវភាពគ្រួសារ។ កត្តាទាំងនេះយូរនិងឆាប់វានិងធ្វើឱ្យធ្លាក់ខ្លះនូវបរិមាណផលិតឬការផ្គត់ផ្គង់សាច់សត្វនៅក្នុងទីផ្សារប្រទេសកម្ពុជា ហើយនិងធ្វើឱ្យមានឱកាសដល់ឈ្មួញធំៗឬក្រុមហ៊ុនធំអាចនាំចូលឬពួកគាត់លក់មានភាពងាយស្រួល។

លោកបណ្ឌិតសង្កត់ធ្ងន់ថា«ដូច្នេះខ្ញុំមើលឃើញថាសមាគមអ្នកចិញ្ចឹមសត្វកម្ពុជាបានបង្កើតឡើង តែសមាគមនេះហាក់ដូចជានៅឆ្ងាយ បើទោះនៅក្នុងមានលោកឧកញ៉ាម៉ុងឬទ្ធីនៅក្នុងនោះក៏ដោយក៏នៅតែមិនអាចជួយជំរុញឱ្យការចិញ្ចឹមជ្រូកនៅក្នុងប្រទេសកម្ពុជាមានកំណើននិងទទួលបានភាពជោគជ័យនៅឡើយទេ»។

ពាក់ព័ន្ធការចិញ្ចឹមជ្រូកក៏ដូចជាតម្លៃជ្រូករស់នៅលើទីផ្សារនៅដើមឆ្នំា២០២៣នេះ។ លោក អាន ឬទ្ធី ជាកសិករចិញ្ចឹមជ្រូកនៅភូមិស្នាសង្គ្រាម ឃុំបាល្ល័ង ស្រុកប្រាសាទបាគង ខេត្តសៀមរាមនៅពេលបច្ចុប្បន្នកំពុងចិញ្ចឹមជ្រូកប្រហែល១ពាន់ក្បាលបានឱ្យដឹងថា គិតមកដល់ដើមខែកុម្ភៈឆ្នំា២០២៣នេះខ្ញុំអាចនិយាយបានថាប្រជាកសិករមិនតិចជាង៤០ទៅ៥០%នោះទេដែលគាត់បោះបង់ឈប់ចិញ្ចឹមជ្រូកជាស្ថាពរ។ខ្ញុំអាចធានាថាតួលេខនេះពិតប្រាកដ ព្រោះខ្ញុំក៏ជាអ្នកធ្វើការនៅក្នុងសហគមន៍ដែរ គឺគាត់មិនអាចទប់ទល់ទៀតបានទេ ។

លោកគូសបញ្ជាក់ថា«សូម្បីតែខ្ញុំខ្លួនឯងនិយាយប្រាប់ដោយស្មោះថាមកដល់ម៉ោងនេះខ្ញុំទប់ទល់លែងរួចហើយ។ខ្ញុំក៏កំពុងតែពិចារណាឆ្ពោះទៅរកការបិទកសិដ្ឋានចិញ្ចឹមជ្រូករបស់ខ្ញុំដែរខណៈពេលនេះខ្ញុំកំពុងតែពង្រីកមុខរបរថ្មីគឺការដំាបន្លែប្រភេទបន្លែសេរីរាង្គនិងបន្លែសុវត្ថិភាព។នៅពេលយើងបាត់បង់ចំណូល មិនត្រឹមតែរូបខ្ញុំទេ»។ 

លោក សួង វាសនា ជាកសិករចិញ្ចឹមជ្រូកនៅស្រុករលាប្អៀរ ខេត្តកំង់ឆ្នាំង មានប្រសាសន៍ថា«នៅពេលតម្លៃជ្រូករស់ឡើងមិនទាន់ដល់តម្លៃដើមផលិតនេះ ខ្ញុំនិយាយយ៉ាងច្រើន៣ខែទៀតកសិករនិងក្រុមហ៊ុននឹងដួលរំលំទំាងអស់ព្រោះការចំណាយលើការចិញ្ចឹមជ្រូកមានលក្ខណៈដូចគ្នា ព្រោះថ្លៃដើមផលិតចំណាយអស់៩៥០០រៀល តែមកលក់ជ្រូកបានតែ៧៥០០រៀលក្នុងមួយគីឡូក្រាម។ដូចនេះបើតម្លៃជ្រូករស់នៅតែបែបនឹងទៀត ៣ខែទៀតកសិករយើងម្នាក់ៗវណ្ឌកររួមទំាងខ្ញុំដែរ»។

អ្នកស្រី ម៉ែន មុនី ជាកសិករចិញ្ចឹមជ្រូកនៅភូមិភ្នំដិល ឃុំតាំងក្រាំង ស្រុកបាធាយ ខេត្តកំពង់ចាម បានបញ្ជាក់ថា«កូនរបស់ខ្ញុំសព្វថ្ងៃបានទៅរៀនខ្វៃជ្រូកនិងបើកកន្លែងអាហារដ្ឋានដើម្បីយកសាច់នៅសល់ពីការលក់នៅលើទីផ្សារកែច្នៃធ្វើជាមុខម្ហូបលក់នៅកន្លែងរបស់ខ្លួន។មុខរបរកាប់សាច់ជ្រូកលក់ដោយខ្លួនឯងនេះ ខ្ញុំមានបទពិសោធន៍ម្តងរួចមកហើយកាលពី ឆ្នំា២០១៨ បន្ទាប់ពី តម្លៃជ្រូករស់បានធ្លាក់ថ្លៃនៅឆ្នំា២០១៦និង២០១៧ ដូចនាពេលសព្វថ្ងៃនេះ ហើយការរំពឹងរបស់ខ្ញុំទៅលើជម្រើសចុងក្រោយនេះវាប្រហែលជាអាចព្រោះការងារនេះខ្ញុំធ្លាប់មានបទពិសោធន៍ម្តងរួចទៅហើយនៅឆ្នាំ២០១៨ ខ្ញុំបានបង់អាជីវកម្មធ្វើសត្វត្តឃាត ខ្ញុំលក់សាច់ជ្រូកនៅលើទីផ្សារមួយថ្ងៃកាប់ជ្រូកលក់មួយក្បាលជាប្រចំា»៕ អត្ថបទ៖សារេត

The post អ្នកសេដ្ឋកិច្ច៖ វិស័យចិញ្ចឹមសត្វក្នុងប្រទេសកម្ពុជានៅតែមានហានិភ័យសម្រាប់ប្រជាកសិករ appeared first on .