ការកាត់បន្ថយចំនួនបុគ្គលិកលើកចុងក្រោយនេះ បានកើតឡើង បន្ទាប់ពីក្រុមហ៊ុន Garmex Saigon បានធ្វើការបញ្ឈប់បុគ្គលិករបស់ខ្លួន ចំនួន ១ ៨២៨ នាក់ រួចមកហើយ ក្នុងឆ្នាំ២០២២ ដែលនេះនាំឲ្យចំនួនបុគ្គលិកដែលត្រូវបញ្ឈប់សរុបទាំងអស់កើនឡើងដល់ ៣ ៧៧៥ នាក់ នៅក្នុងរយ:ពេលពីរឆ្នាំចុងក្រោយនេះ។

គួរឲ្យដឹងថា Garmex Saigon ដែល​បាន​ដំណើរការអាជីវកម្មរបស់ខ្លួន​អស់​រយៈ​ពេល​ពីរ​ទសវត្សរ៍​មកនេះ បាន​មើលឃើញ​ថា​ប្រាក់​ចំណូល​របស់ខ្លួន បាន​ធ្លាក់​ចុះដល់ ៣៥ដង​ មក​នៅ​ត្រឹមចំនួន ៨,៦ពាន់​លាន​ដុង (៣៥៣ ១៨៣ដុល្លារ) ប៉ុណ្ណោះ កាល​ពី​ឆ្នាំ​មុន ដោយសារតែ​តម្រូវការធ្លាក់ចុះខ្លាំង។

ចំពោះវិបត្តិចម្បងដែលធ្វើឲ្យក្រុមហ៊ុន Garmex Saigon ធ្លាក់ចុះខ្លាំងបែបនេះ ដោយសារតែអ្នកទិញមកពីតំបន់អឺរ៉ុប និងសហរដ្ឋអាមេរិក បានកាត់បន្ថយការបញ្ជាទិញរបស់ពួកគេ ហើយរហូតទល់នឹងពេលនេះ វានៅតែមិនច្បាស់ថាពួកគេនឹងបន្តការទិញទៀតនៅពេលណានោះឡើយ។

ជម្រាបជូនផងដែរថា Garmex Saigon មានរោងចក្រចំនួនប្រាំនៅទីក្រុងហូជីមិញ និងនៅក្នុងខេត្ត Ba Ria – Vung Tau និងខេត្ត Quang Nam ខណ:នៅក្នុងឆ្នាំ២០១៩ ក្រុមហ៊ុននេះបានជួលបុគ្គលិកសរុបចំនួន ៤ ០០០ នាក់ និងបានកត់ត្រាប្រាក់ចំណេញចំនួនប្រមាណ ១០០ពាន់លានដុង៕

The post ក្រុមហ៊ុនកាត់ដេរខ្នាតយក្សវៀតណាមមួយ កាត់បន្ថយបុគ្គលិករាប់ពាន់នាក់ ដោយសារតម្រូវការទាប appeared first on .

លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា បានឱ្យដឹងថា ការបញ្ជាទិញពីទីផ្សារអន្តរជាតិ ធំៗនៅអឺរ៉ុបនិងសហរដ្ឋអាមេរិកជាដើមនេះគឺមានរយៈពេល៣ខែ ៦ខែ ១ឆ្នាំ ឬ២ឆ្នាំទៅតាមរយៈពេលកំណត់ដែលយើងធ្លាប់សិក្សាឬពិភាក្សាគ្នា។តែប៉ុន្មានឆ្នាំចុងក្រោយនេះការបញ្ជាទិញពីទីផ្សារក្រៅលែងមានរយៈពេលដល់២ឆ្នាំ​ទៀតហើយ មានត្រឹមតែ៣ខែ ៦ខែនិង១ឆ្នំាប៉ុណ្ណោះ។ការបញ្ជាទិញដែលមានរយៈពេលខ្លីវាមិនមែនមានន័យថាវាផ្តល់ភាពងាយស្រួលសម្រាប់អ្នកផ្គត់ផ្គង់ទេឬអ្នកបញ្ជាទិញខ្លួនឯងនោះទេ ដោយសារវាគ្មានជម្រើសដោយសារវាមានហានិភ័យ។

លោក អាត់ ធន់ លើកឡើងថា«យើងមើលឃើញនៅក្នុងឆមាសទីមួយដើមឆ្នាំ២០២២កន្លងមកគឺមានការបញ្ជាទិញឥវ៉ាន់មានច្រើន តែមកដល់ចុងឆ្នំា២០២២ការកំម្ម៉ង់ទំនិញមានការធ្លាក់ចុះហើយមកដល់ដើមឆ្នាំ២០២៣នេះការកំម្ម៉ង់ក៏មានមិនច្រើនដែរ បើយើងប្រៀបធៀបទៅនិងឆមាសទី១ដើមឆ្នាំ២០២២អាចមានការថមថយពី១០ទៅ២០% ហើយការបញ្ជាទំនិញនៅឆ្នាំ២០២៣នេះអាចមានភាពប្រហាក់ប្រហែលទៅនិងការកំម្ម៉ង់កាលឆមាសទីពីរឆ្នាំ២០២២»។

បើតាមប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាថាការបញ្ជាទិញឬការកំម្ម៉ង់ពីទីផ្សារខាងក្រៅមានធ្លាក់ចុះដោយសារកត្តាGSPនៅអាមេរិកមិនទាន់ផ្តល់ឱ្យតំាងពីដើមឆ្នំា២០២០។ កត្តាEBAនៅខាងអឺរ៉ុបភាពអនុគ្រោះ២០%ត្រូវបានកាត់ផ្តាច់ហើយប៉ុន្មាន%ផ្សេងទៀតអាចនិងមានបញ្ហាដែរ,បញ្ហាសង្គ្រាមរវាងរុស្ស៊ីនិងអ៊ុយ។ លើសពីនេះគួបផ្សំជាមួយកម្ពុជារៀបចំការបោះឆ្នោតថ្នាក់ជាតិផងនោះ ធ្វើឱ្យអ្នកបញ្ជាទិញមានការប្រយ័ត្នប្រយែង បើទោះបីនៅពេលធម្មតាមានការបញ្ជាទិញច្រើនគេអាចមានការកាត់បន្ថយឬបញ្ជាទិញក្នុងរយៈពេលខ្លី។

សូមជម្រាបជូនថា នៅក្នុងឆ្នាំ២០២២កន្លងទៅ ការនាំចេញ​នៅក្នុង​វិស័យ​វាយនភណ្ឌ​ (​សម្លៀក​បំពាក់ ស្បែកជើង ផលិតផល​ធ្វើ​ដំណើរ​) ​មានតម្លៃ ២២ប៊ីលានដុល្លារ បើធៀបនឹងឆ្នាំ២០២១ កើតឡើង ១៦% ក្នុងនោះតម្លៃនៃការនាំចេញស្បែកជើងមាន ១.៧ ពាន់លានដុល្លារ ធៀបនឹង២០២១ កើនឡើង ៧.៧.%៕ អត្ថបទ ឧកញ៉ា សារេត

The post ឆ្នាំ២០២៣នេះផលិតផលក្នុងវិស័យវាយនភណ្ឌកាត់ដេរសម្លៀកបំពាក់និងស្បែកជើងមានការបញ្ជាទិញធ្លាក់ចុះ២០% appeared first on .

យីហោសម្លៀកបំពាក់ តស៊ូ គឺជាកម្មសិទ្ធិរបស់ជនជាតិខ្មែរ ១០០% និងជាយីហោសម្លៀកបំពាក់ប្រកបដោយនិរន្តរភាព និងសីលធម៌ដំបូងគេក្នុងប្រទេសកម្ពុជា ដែលត្រូវបានដាក់លក់នៅហាងទំនិញ Myer ក្នុងប្រទេសអូស្ត្រាលី។ ក្រុមហ៊ុនសម្លៀកបំពាក់យីហោ តស៊ូ ក៏បានផ្គត់ផ្គង់សម្លៀកបំពាក់ដល់ក្រុមហ៊ុនបច្ចេកវិទ្យាដ៏ធំបំផុតមួយរបស់អូស្ត្រាលី ដែលមានថាឈ្មោះ Atlassian អស់រយៈពេលជាច្រើនឆ្នាំផងដែរ។

ស្ថានទូតអូស្រ្តាលីបានបន្តថា«យើងមានស្ទូឌីយោសម្លៀកបំពាក់សម្រាប់លក់រាយតូចមួយនៅភ្នំពេញ ដែលការផលិតសម្លៀកបំពាក់របស់យើងធ្វើឡើងនៅខេត្តកំពត និងទទួលការបញ្ជាទិញតាមប្រព័ន្ធអ៊ីនធឺណិតពីទីតាំងចែកចាយធំរបស់យើងនៅឯទីក្រុង Torquay (ប្រទេសអូស្ត្រាលី)»។

ការរចនាសម្លៀកបំពាក់ផលិតពីក្រណាត់សាច់អំបោះរបស់ តស៊ូ ត្រូវបានផលិតចេញពីក្រណាត់ដែលនៅសេសសល់ពីឧស្សាហកម្មកាត់ដេរធំៗនៅក្នុងប្រទេសកម្ពុជា។ ក្រុមហ៊ុនសម្លៀកបំពាក់យីហោ តស៊ូ មិនប្រើសារធាតុគីមីពុលក្នុងការផលិតទេ ហើយស្ទូឌីយោផលិតកម្មដំណើរការជាចម្បងផ្អែកលើទឹកភ្លៀងដែលរក្សាទុកក្នុងធុង។នេះបើតាមការបញ្ជាក់បន្ថែមពីស្ថានទូតអូស្រ្តាលីប្រចាំកម្ពុជា។

គួរបញ្ជាក់ដែរថា ក្រុមហ៊ុនសម្លៀកបំពាក់យីហោ «តស៊ូ»នេះ ក៏បានបង្ហាញក្តីជឿជាក់ថា ការផលិតសម្លៀកបំពាក់គួរតែទទួលជ្រើសរើស និងគាំទ្របុគ្គលិកដោយផ្តល់នូវលក្ខខណ្ឌការងារសមរម្យ។

ជាមួយនឹងក្រុមការងារផ្នែកគ្រប់គ្រងដែលមានជនជាតិខ្មែរ ៨០% និងមានស្ត្រី ៨០% ក្រុមហ៊ុនសម្លៀកបំពាក់យីហោ តស៊ូ បានប្តេជ្ញាចិត្តក្នុងការលើកកម្ពស់វប្បធម៌នៃភាពចម្រុះ សមធម៌ ប្រកបដោយបរិយាបន្ន។ លក្ខខណ្ឌការងាររបស់ពួកគេរួមមាន៖ ធ្វើការ ៤០ម៉ោង ក្នុងមួយសប្តាហ៍ ប្រាក់ឈ្នួលសមរម្យ កិច្ចសន្យាធានា ការបណ្តុះបណ្តាលទាក់ទងនឹងសុវត្ថិភាព និងច្បាប់ឈប់សម្រាកការងារផ្សេងៗ រួមទាំងការឈប់សម្រាកលំហែមាតុភាពថែមទៀត៕ អត្ថបទ៖ រង្សី

The post យីហោសម្លៀកបំពាក់ផលិតដោយដៃខ្មែរ« តស៊ូ» កំពុងទទួលបានការគាំទ្រខ្លាំងពីប្រទេសអូស្រ្តាលី appeared first on .

ការលើកឡើងរបស់លោកឧកញ៉ា បែបនេះបានធ្វើឡើងនៅក្នុងឳកាស​ដឹកនាំសមាជិក​របស់​ សមាគមរោងចក្រកាត់ដេរនៅកម្ពុជា(GMAC)  ចូលជួបពិភាក្សាការងារមួយចំនួន និងទទួល​ការណែនាំខ្លះៗ លើទិសដៅនៃការរក្សានិរន្តរភាពការងារនៃកំណើន ដើម្បីបន្ត​ជួយទ្រទ្រង់​សេដ្ឋកិច្ចកម្ពុជា  ជាមួយរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃទី៣ ខែមីនា ឆ្នាំ២០២២ នៅទីស្តីការក្រសួង។

លោកឧកញ៉ា គង់ សាង បានបន្ថែមថា ក្នុងឆ្នាំ២០២១កន្លងទៅ ការនំាចេញផលិតផល​កាត់ដេរ​មា​នចំនួន ១១,៣៨៩.៦លានដុល្លារអាមេរិក កើនឡើងប្រមាណ ១,៥០៥លា​ន​ដុល្លារ​អាមេរិក ស្មើនឹង ១៥.២ភាគរយ ។ ក្នុងនោះសម្លៀកបំពាក់មានចំនួន ៨,០១៧លាន ស្បែក​ជើង ១,៣​៩​០​​លាន និងផលិតផលធ្វើដំណើរ ១,៤៩០លាន ក្រៅពីនេះគឺផលិតផល​វាយ​នភ័ណ្ឌ​ផ្សេង​ៗទៀ​ត​ ។ បច្ចុប្បន្នសមាគមមានសមាជិកជារោងចក្រកាត់ដេរសម្លៀកបំពាក់ចំនួន ៤៦២ ផលិត​ស្បែក​ជើង​ចំនួន១៣ និងផលិតផលធ្វើដំណើរចំនួន៩២។

ជាមួយគ្នានេះ លោក អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ក៏បាន​លើក​ឡើងថា ចំពោះវិធានការអន្តរាគមន៍​នានារបស់រាជរដ្ឋាភិបាល ជាមួយ​ក្របខណ្ឌយុទ្ធ​សា​ស្ត្រ និងកម្មវិធីស្តារ និងជំរុញ កំណើន​សេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាម​ប្រក្រតី​ភាពថ្មី សម្រាប់ឆ្នាំ២០២១-២០២៣ ដែលក្នុងនោះវិស័យការងារ និងបណ្តុះ​បណ្តាល​វិជ្ជាជីវៈ ត្រូវបានចាត់​ទុកជាវិស័យ​អាទិភាព ដែលតម្រូវឲ្យមាននូវ ការដាក់ចេញនូវយុទ្ធសាស្ត្រ​អភិវឌ្ឍន៍​វិស័យកាត់ដេរ ផលិត​ស្បែកជើង និងកាបូបកម្ពុជា ឆ្នាំ២០២១-២០២៤ ដែលផែនការយុទ្ធសាស្ត្រនេះ នឹងធានាបា​ននូវនិរន្តរ​ភាពរយៈពេលយូរ បន្តរីកចម្រើនទៅមុខ ហើយក៏អាចទាក់ទាញអ្នកវិនិយោគ​មកបណ្តាក់ទុននៅកម្ពុជាកាន់តែច្រើនថែមទៀត។

លោករដ្ឋមន្ត្រី បានបន្តថា ដោយសារតែមានករណីកើនឡើងនូវជំងឺកូវីដ-១៩ បំប្លែងខ្លួនថ្មី ប្រភេទ​អូមីក្រុង ដូច្នេះទាមទារឲ្យខាងសមាជិករបស់សមាគម ដែលមានរោងចក្រ សហគ្រាស កំពុង​ដំណើរការអាជីវកម្មសព្វថ្ងៃនេះ អនុវ​ត្តន៍​ឲ្យបានល្អនូវគោលការណ៍ ប្រតិបត្តិស្តង់ដារ (SOP) របស់ក្រសួងឲ្យបានខ្ជាប់ខ្ជួន ក្នុងការរក្សាបាននូវដំណើរការចង្វាក់ផលិតកម្ម ព្រមទាំង​រក្សាការងារជូនកម្មករនិយោជិត ៕

The post សមាគម​រោងច​ក្រកាត់​ដេរ​កម្ពុជា ថាគោលនយោបាយចាក់​វ៉ាក់សាំង បាន​ធានា​​ស្ថេរភាព​​ផលិតកម្ម និងកំណើន​នៃ​ការ​នាំ​ចេញ​ appeared first on .