ទស្សនវិស័យមុខរបរ និងការងារ៖ តម្រូវការជំនាញ និងការងារសម្រាប់យុវជន របស់ក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ការជ្រើសរើសអាជីព និងតម្រូវការនៃកម្លាំងពលកម្មកំពុងរីកចម្រើន ខណៈវិស័យ និងមុខតំណែងដែលមានតម្រូវការខ្ពស់ សម្រាប់យុវជន។

ប្រភពខាងលើបានគូសបញ្ជាក់ថា មុខតំណែងមានតម្រូវការខ្ពស់នៅកម្ពុជា ដែលត្រូវបានស្វែងរកច្រើនបំផុតក្នុងចំណោមអ្នកស្វែងរកការងារជាយុវជន ពេលស្វែងរកការងារជាលើកដំបូង មាន២០ ដូចជា៖

១, គណនេយ្យករកម្រិតខ្ពស់ ឬសវនករ ២, គ្រូបង្រៀននៅសកលវិទ្យាល័យឬឧត្តមសិក្សា ៣, វិស្វករឧស្សាហកម្ម និងផលិតកម្ម ៤, គ្រូបង្រៀននៅថ្នាក់មធ្យមសិក្សា ៥, អ្នកតំណាងលក់ផ្នែកពាណិជ្ជកម្ម ៦, វិស្វករសំណង់ស៊ីវិល ៧, ចុងភៅ ៨, បុគ្គលិកឬជំនួយការផ្នែកធនធានមនុស្ស ៩, វិជ្ជាជីវៈខាងទំនាក់ទំនងសាធារណៈ ១០, អ្នកបច្ចេកទេសគាំទ្រដល់អ្នកប្រើប្រាស់នូវបច្ចេកវិទ្យាគមនាគមន៍ព័ត៌មាន ១១, វិជ្ជាជីវៈខាងគិលានុបដ្ឋាយិកា ១២, វិស្វករអគ្គិសនី ១៣, អ្នកបច្ចេកទេសខាងវិស្វកម្មអេឡិចត្រូនិក ១៤, បុគ្គលិកទូទៅផ្នែកកត់ត្រាគណនេយ្យ និងបញ្ជី ១៥, ភ្នាក់ងារខាងមូលបត្រ និងហិរញ្ញវត្ថុ ១៦, គ្រូបង្រៀនអប់រំវិជ្ជាជីវៈ ១៧, បុគ្គលិកផ្គត់ផ្គង់ ឬលទ្ធកម្ម ១៨, អ្នកបច្ចេកទេសគ្រឿងម៉ាស៊ីន ១៩, អ្នកទទួលភ្ញៀវក្នុងសណ្ឋាគារ ២០, អ្នកក្រឡុកស្រា។

សូមជម្រាបជូនផងដែរថា ខណៈសេដ្ឋកិច្ចរបស់ប្រទេសកម្ពុជា ត្រូវបានរំពឹងថានឹងកើនឡើងជាមួយនឹងអត្រាប្រចាំឆ្នាំជាមធ្យមរង្វង់៦% នៅចន្លោះឆ្នាំ២០២៤ ដល់ឆ្នាំ២០២៥ កំណើននេះត្រូវបានមើលឃើញថា នឹងបង្កើតឱកាសការងារជាច្រើននៅក្នុងវិស័យចម្បងរបស់កម្ពុជា ដូចជាវិស័យសេវាកម្ម និងឧស្សាហកម្ម ខណៈចំនួនការងារក្នុងវិស័យកសិកម្មនៅរក្សានិន្នាការថយចុះ។ ក្នុងនោះចំនួនការងារត្រូវបានព្យាករថាកើនពី៩,៨លានាក់ នៅក្នុងឆ្នាំ២០២៣ ដល់១០,១លាននាក់ នៅក្នុងឆ្នាំ២០២៥ ជាពិសេស វិស័យសេវាកម្ម និងឧស្សាហកម្ម៕

The post មកស្គាល់មុខតំណែងមានតម្រូវការខ្ពស់ទាំង២០ ដែលយុវជនស្វែងរកការងារដំបូងច្រើនបំផុតនៅកម្ពុជា appeared first on .

ទស្សនវិស័យមុខរបរ និងការងារ តម្រូវការជំនាញ និងការងារសម្រាប់យុវជន បានឱ្យដឹងថា ការព្យាករកំណើនការងារ បានបង្ហាញពីភាពសុទិដ្ឋិនិយម ដោយចំនួនការងារសរុបកើនពី៩,៨លានាក់ នៅក្នុងឆ្នាំ២០២៣ ដល់១០,១លាននាក់ នៅក្នុងឆ្នាំ២០២៥ ជាពិសេស វិស័យសេវាកម្ម និងឧស្សាហកម្ម។

ប្រភពខាងលើបន្តថា ការព្យាករកំណើនការងារក្នុងវិស័យសេវាកម្ម បានបង្ហាញពីសន្ទុះមួយគួរឱ្យកត់សម្គាល់ និងមមានកំណើនខ្ពស់ជាងវិស័យកសិកម្ម និងឧស្សាហកម្ម។ ក្នុងនោះអត្រាកំណើនការងារអាចកើនជាមធ្យមក្នុងរង្វង់% ពីឆ្នាំ២០២៣ ដល់ឆ្នាំ២០២៥ គាំទ្រដោយអនុវិស័យស្នាក់នៅ និងភោជនីយដ្ឋាន អប់រំ ហិរញ្ញវត្ថុ និងធានារ៉ាប់រង សុខាភិបាល បច្ចេកវិទ្យាគមនាគមន៍ និងព័ត៌មានវិទ្យា ដឹកជញ្ចូន ឃ្លាំង និងភស្តុភារ។

ចំណែកឯវិស័យឧស្សាហកម្ម ត្រូវបានគេរំពឹងថានឹងមានការកើនឡើងជាលំដាប់ ដោយអត្រាកំណើនការងារអាចកើនឡើងជា មធ្យមក្នុងរង្វង់ ២,៦% ពីឆ្នាំ២០២៣ ដល់ឆ្នាំ២០២៥ ។

សូមបញ្ជាក់ថា បើយោងតាមរយៈទិន្នន័យពីក្រុមប្រឹក្សាអភិវឌ្ឍន៍កម្ពុជា (CDC) បានបង្ហាញថា គម្រោងវិនិយោគថ្មីដែលបានអនុម័ត (QIPs) បង្ហាញពីសក្តានុពលក្នុងការជំរុញកំណើនសេដ្ឋកិច្ច និងការបង្កើតឱកាសការងារបន្ថែម ដោយកំណើននៃចំនួនគម្រោងវិនិយោគកើនឡើង ៥២.១% ក្នុងឆ្នាំ២០២៣ បើធៀបនឹងឆ្នាំ២០២២ និងអាចផ្តល់ឱកាសការងារបន្ថែមប្រមាណ ២៤០ពាន់កន្លែងក្នុងឆ្នាំ២០២៤ (ចំនួននៃឱកាសការងារ បន្ថែមក្នុងឆ្នាំ២០២៤ គឺផ្អែកលើចំនួនគម្រោងវិនិយោគនៅក្នុងឆ្នាំ២០២៣)៕

The post តម្រូវការងារនៅកម្ពុជាត្រូវបានព្យាករថានឹងកើនដល់១០,១លាននាក់ នៅឆ្នាំ២០២៥ appeared first on .

ព្រឹត្តិបត្រព័ត៌មានទីផ្សារការងារដែលជាទស្សនវិស័យសេដ្ឋកិច្ចទីផ្សារការងារកម្ពុជាឆ្នាំ២០២៤ បានបង្ហាញកាលពីថ្ងៃទី០៨ ខែកុម្ភៈ ថាចំនួនអ្នកមានការងារនៅកម្ពុជាឆ្នាំ២០២៤ត្រូវបានព្យាករថានឹងបន្តរក្សាបានកំណើនប្រមាណជា ២,៣% ឬកើនឡើងបន្ថែមប្រមាណ ២២ម៉ឺននាក់។ក្នុងនោះ វិស័យកសិកម្មត្រូវបានព្យាករថាថយចុះក្នុងអត្រា-៣,៩% ឬថយចុះប្រមាណ ១១,២ ម៉ឺននាក់។

ចំណែកវិស័យឧស្សាហកម្មត្រូវបានព្យាករថានឹងកើនឡើង ៥,៣% ឬកើនឡើងប្រមាណ ១៤,៧ម៉ឺននាក់ និងវិស័យសេវាកម្មត្រូវបានព្យាករថានឹងកើនឡើង ៤,៩% ឬកើនឡើងប្រមាណ ១៨,១ម៉ឺននាក់។

បើតាមប្រភពដដែលបានគូសបញ្ជាក់ថា ចន្លោះឆ្នាំ២០២៤-២០២៦ ខាងមុខ កម្ពុជាក៏បានព្យាករថានឹងអាចបង្កើតការងារបន្ថែមជូនប្រជាពលរដ្ឋប្រមាណ ២៣,៥ម៉ឺននាក់ក្នុងមួយឆ្នាំ។ កំណើនការងារជាមធ្យមប្រមាណ ២,៥% ក្នុងមួយឆ្នាំនឹងធ្វើឱ្យចំនួនអ្នកមានការងារសរុបកើន ឡើងដល់ប្រមាណ ១០,២លាននាក់ នៅឆ្នាំ២០២៦ផងដែរ៕

The post ឆ្នាំ២០២៤ ចំនួនអ្នកមានការងារនៅកម្ពុជាត្រូវបានព្យាករថានឹងបន្តរក្សាបានកំណើនប្រមាណ ២,៣% appeared first on .

ការលើកយកប្រធានបទរបស់អង្គការអន្តរជាតិខាងការងារនាឆ្នាំនេះ សំដៅជំរុញដល់រដ្ឋជាសមាជិកយកចិត្តទុកដាក់ ក្នុងការលើកកម្ពស់បរិយាការងារ ប្រកបដោយសុវត្ថិភាព និងសុខភាពការងារនៅកន្លែងធ្វើការបន្ថែមទៀត ជាពិសេសការអនុវត្តលើអនុសញ្ញាស្នូលពាក់ព័ន្ធនឹងសុវត្ថិភាព និងសុខភាពការងារ។

ក្នុងពិធីប្រារព្ធទិវាពិភពលោកដើម្បីសុវត្ថិភាព និងសុខភាពការងារឆ្នាំ២០២៣ នៅថ្ងៃទី២៨ ខែមេសានេះ លោក ផេង សុខាំ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ទិវាពិភពលោកដើម្បីសុវត្ថិភាព និងសុខភាពការងារ គឺជាយុទ្ធនាការអន្តរជាតិដែលបានរៀបចំឡើងជារៀងរាល់ឆ្នាំ ដោយរដ្ឋាភិបាល សមាគមនិយោជក និងសហជីព នៃបណ្តាប្រទេសសមាជិកអង្គការអន្តរជាតិខាងការងារ (ILO) នៅលើសកលលោក ដើម្បីរំលឹកដល់កម្មករនិយោជិតដែលបានបាត់បង់ជីវិត និងរងគ្រោះដោយសារគ្រោះថ្នាក់ការងារ និងជំងឺវិជ្ជាជីវៈនៅកន្លែងធ្វើការ និងដើម្បីលើកកម្ពស់ការយល់ដឹងស្តីពីការងារសមរម្យ ប្រកបដោយសុវត្ថិភាព និងសុខភាពការងារ។

ក្នុងឱកាសនោះដែរ,លោក Justin Kevin Whyatt ឯកអគ្គរដ្ឋទូតអូស្រ្តាលីប្រចាំកម្ពុជាបានលើកឡើងថា ចាប់តាំងពីដើមទសវត្សឆ្នាំ១៩៨០ ជនជាតិអូស្ត្រាលីជាង១ម៉ឺននាក់ ត្រូវបានគេប៉ាន់ស្មានថាបានស្លាប់ដោយសារជំងឺ Mesothelioma។ យោងតាមអ្នកជំនាញខាងជំងឺមហារីក ការស្លាប់បន្ថែម ២៥០០០នាក់ ត្រូវបានគេរំពឹងទុកក្នុងរយៈពេល៤ទសវត្សរ៍ខាងមុខ។ នេះជំរុញឱ្យរដ្ឋាភិបាលអូស្ត្រាលីលើកកម្ពស់ការការពារសុខភាពការងារ និងសុវត្ថិភាពការងារដ៏រឹងមាំនៅជុំវិញពិភពលោក៕

អត្ថបទ៖សារេត

The post អត្រាអ្នករងគ្រោះថ្នាក់​ដោយសារការងារនៅកម្ពុជា​បានកើនឡើងជាង២៩%​នៅឆ្នំា២០២២ appeared first on .