យោងតាមរបាយការណ៍របស់ធនាគារវិនិយោគ Hong Leong ដោយផ្នែកលើទិន្នន័យពីអង្គការសន្តិសុខសង្គម បានបង្ហាញឲ្យដឹងថា ចំនួននៃការបាត់បង់ការងារបានកើនឡើងខ្ពស់បំផុត នៅក្នុងខែមករា ដោយមានការបញ្ឈប់ប្រហែល ១០ ៧០០ ករណី មុនពេលថយចុះមកនៅត្រឹម ៧ ៥០០ ករណី​ នៅក្នុងខែកុម្ភៈ និង ៥ ៩០០ ករណី នៅក្នុងខែមីនា។

គួរឲ្យដឹងថា វិស័យផលិតកម្មគឺជាផ្នែកដែលងាយរងគ្រោះបំផុត ជុំវិញការកាត់បន្ថយកម្លាំងពលកម្មនេះ ដោយសារតែការពឹងផ្អែកយ៉ាងខ្លាំងទៅលើពាណិជ្ជកម្មសកល និងតម្រូវការខាងក្រៅ ខណៈវិស័យលក់ដុំ និងលក់រាយ ក៏ដូចជាវិស័យទាក់ទងនឹងភស្តុភារ ក៏មើលឃើញពីផលប៉ះពាល់ខ្លាំងផងដែរ។

ធនាគារ Hong Leong ក៏បានបង្ហាញឲ្យដឹងទៀតផងដែរថា ជុំវិញការកើនឡើងនៃការបញ្ឈប់ការងារទាំងនេះ ត្រូវបានជំរុញដោយផ្នែកមួយដោយភាពមិនប្រាកដប្រជានៃសេដ្ឋកិច្ចពិភពលោក និងភាពតានតឹងខាងភូមិសាស្ត្រនយោបាយ ដែលបានបង្ខំឱ្យអាជីវកម្មនានាសម្របខ្លួនទៅនឹងបរិយាកាសប្រតិបត្តិការដែលមានការប្រែប្រួលកាន់តែខ្លាំងឡើង៕

The post អត្រាបញ្ឈប់ការងារនៅម៉ាឡេស៊ី កើនឡើងជិត ៥០% ក្នុងត្រីមាសទី១ ឆ្នាំនេះ appeared first on .

លោកស្រី Reeves បាននិយាយទៀតថា រដ្ឋាភិបាលការងារ នឹងប្រកាន់ខ្ជាប់នូវផែនការរបស់ខ្លួនក្នុងការបង្កើនការចំណាយជាក់ស្តែងរៀងរាល់ឆ្នាំនៅក្នុងសភា ប៉ុន្តែត្រូវកំណត់អាទិភាពចំពោះកន្លែងណាដែលទឹកប្រាក់ទាំងនេះត្រូវបានបែងចែក ខណ:ពេលដែលនាយកដ្ឋាន រំពឹងទុកថាការប្រើប្រាស់បច្ចេកវិទ្យាកាន់តែប្រសើរឡើងដូចជា បញ្ញាសិប្បនិម្មិត អាចជួយឲ្យការសន្សំសំចៃរបស់រដ្ឋាភិបាលកាន់តែមានប្រសិទ្ធភាពបន្ថែមទៀត។

នៅក្នុងបទសម្ភាសជាមួយ Sky News លោកស្រី Reeves បានបន្ថែមឲ្យដឹងថា៖ “ខ្ញុំមានទំនុកចិត្តថាយើងអាចកាត់បន្ថយចំនួនមន្រ្តីរាជការឲ្យបានចំនួន ១ម៉ឺននាក់។ ក្នុងអំឡុងពេលជំងឺរាតត្បាត យើងឃើញថាមានការកើនឡើងយ៉ាងខ្លាំងនៃចំនួនមនុស្សដែលធ្វើការក្នុងមុខងារស៊ីវិល នោះជារឿងត្រឹមត្រូវដែលយើងត្រូវធ្វើ ដើម្បីជាការឆ្លើយតបទៅនឹងបញ្ហាប្រឈមទាំងនោះ ប៉ុន្តែវាមិនត្រឹមត្រូវទេដែលយើងគ្រាន់តែរក្សាចំនួនបុគ្គលិកយ៉ាងច្រើនឲ្យនៅទីនោះ ជារៀងរហូតនោះ”។

ជម្រាបជូនផងដែរថា រដ្ឋាភិបាល​អង់គ្លេស មាន​បុគ្គលិក​ក្របខ័ណ្ឌ​រដ្ឋ​សរុបប្រមាណ ៥០០ ០០០ នាក់​។ បើតាមការចុះផ្សាយពីសារព័ត៌មាន BBC ​​ រដ្ឋមន្ត្រី​ហិរញ្ញវត្ថុ​អង់គ្លេស លោកស្រី Reeves ​​មាន​ជំនឿជាក់ថា​នឹង​អាច​កាត់បន្ថយ​ចំនួន​មន្ត្រី​រដ្ឋបាល​ ឲ្យ​បាន​យ៉ាងហោច ១ ម៉ឺននាក់​ ហើយការ​ធ្វើ​ដូច្នេះនឹង​ធ្វើ​ឲ្យ​រដ្ឋាភិបាល​អង់គ្លេស អាច​សន្សំ​សំចៃ​ថវិកា​ជាតិ ចំនួន ២,២ពាន់លានផោន ឬស្មើនឹងប្រមាណ ២,៦ពាន់លានដុល្លារ ​នៅត្រឹមឆ្នាំ ២០៣០ ខាងមុខ៕

The post អង់គ្លេស គ្រោងកាត់បន្ថយបុគ្គលិករដ្ឋរហូតដល់ទៅ ១ ម៉ឺននាក់ ដើម្បីសម្រួលដល់ការចំណាយ appeared first on .

អ្នកនាំពាក្យរងរដ្ឋាភិបាល លោកស្រី Trisulee Trisaranakul បានដកស្រង់របាយការណ៍ចេញពីការិយាល័យស្ថិតិជាតិ (NSO) មកបង្ហាញឱ្យដឹងថា អត្រាអ្នកអត់ការងារធ្វើ នៅចុងខែកុម្ភ: បានធ្លាក់ចុះមកនៅត្រឹម ០,៩% ធៀបនឹង ១% កាលពីចុងឆ្នាំមុន ។

លោកស្រី បានបន្ថែមឱ្យដឹងទៀតថា ពេលវេលាចុងក្រោយ ដែលអត្រាអ្នកអត់ការងារធ្វើ ធ្លាក់ចុះក្រោម ១% គឺត្រូវបានកត់ត្រា នៅក្នុងខែតុលា ឆ្នាំ ២០១៩ នៅពេលដែលប្រទេសថៃ កំពុងទទួលបានកំណើនសេដ្ឋកិច្ចធម្មតា រួមទាំងវិស័យទេសចរណ៍មានភាពរឹងមាំខ្លាំង មុនពេលត្រូវទទួលរងគ្រោះ ដោយសារតែវិបត្តិជំងឺកូវីដ-១៩ នៅដើមឆ្នាំ ២០២០ ។

លើសពីនេះ របាយកាណ៍ពី NSO បានបង្ហាញឱ្យដឹងទៀតថា ប្រជាជនថៃចំនួន ៤០,៤៩ លាននាក់ ក្នុងចំណោម ៥៨,៨១ លាននាក់ ដែលមានអាយុលើសពី ១៥ ឆ្នាំ បានចូលបម្រើការងារ ខណ:ចំនួននៅសល់ ១៨,៣២ លាននាក់ មិនត្រូវបានរាប់បញ្ចូលក្នុងកម្លាំងពលកម្មនោះឡើយ រួមទាំងសិស្ស ស្រី្តមេផ្ទះ និង​ជន​ពិការ​ ៕

The post អត្រាអ្នកគ្មានការងារធ្វើ នៅក្នុងប្រទេសថៃ ធ្លាក់ចុះក្រោម ១% ជាលើកដំបូង appeared first on .

លើសពីនេះ ទីភ្នាក់ងារផែនការរដ្ឋ បាននិយាយនៅក្នុងសេចក្តីថ្លែងការណ៍មួយថា កម្រិតការងារបានកើនឡើង ១,៥% គិតចាប់ពីខែតុលា ដល់ខែធ្នូ ឆ្នាំ ២០២២ ប៉ុន្តែអត្រានេះ ក៏បានធ្លាក់ចុះពីកម្រិត ២,១% គិតនៅក្នុងត្រីមាសខែកញ្ញា ដោយសារតែការងារ នៅក្នុងវិស័យសេវាកម្មនាកើនឡើង ប៉ុន្តែសម្រាប់ការរងារនៅក្នុងវិស័យកសិកម្មវិញ បានធ្លាក់ចុះ ។

មិនតែប៉ុណ្ណោះ លោក Danucha Pichayanan ប្រធាន NESDC បាននិយាយប្រាប់ទៅកាន់សន្និសីទសារព័ត៌មានថា វិស័យទេសចរណ៍នៅក្នុងប្រទេសថៃ នៅតែខ្វះកម្មករគ្រប់គ្រាន់ ខណ:ពេលដែលភ្ញៀវទេសចរបរទេស កំពុងមានការកើនឡើងខ្ពស់ ហើយត្រូវបានរំពឹងទុកថាអាចឈានដល់ ២៨ លាននាក់ នៅឆ្នាំនេះ ។

លោក Danucha បានប្រាប់ឱ្យដឹងទៀតថា ទោះបីជាយ៉ាងណាក៏ដោយ វិស័យនាំចេញ បានបង្ហាញពីសញ្ញាថមថយបន្ថែមទៀត ហើយរដ្ឋាភិបាលគួរតែបន្តកិច្ចខិតខំប្រឹងប្រែង ដើម្បីជួយគាំទ្រដល់ការនាំចេញ និងរក្សាការងារ នៅក្នុងវិស័យនេះ ។

ជម្រាបជូនឱ្យដឹងផងដែរថា នៅក្នុងឆ្នាំ ២០២២ ប្រទេសថៃ មានកម្លាំងការងារចំនួន ៣៩ លាននាក់ ជាមួយនឹងអត្រាអ្នកគ្មានការងារធ្វើ ស្ថិតនៅក្នុងកម្រិត ១,៣២% ។ នេះបើតាមរបាយការណ៍ទទួលបានពីទីភ្នាក់ងារខាងលើ ៕

The post អត្រាអ្នកអត់ការងារធ្វើនៅប្រទេសថៃ ធ្លាក់ចុះមកត្រឹម ១,១៥% ក្នុងត្រីមាសទី ៤ ឆ្នាំមុន appeared first on .

ថ្លែងក្នុងពិធីបើកសន្និបាតបូកសរុបលទ្ធផលការងារ ឆ្នាំ២០២២ និងលើកទិសដៅការងារឆ្នាំ២០២៣ នៃការអនុវត្តផែនយុទ្ធសាស្រ្តអភិវឌ្ឍន៍វិស័យការងារ និងបណ្តុះបណ្តាលវិជ្ជាជីវៈ ឆ្នាំ២០១៩-២០២៣ កាលពីថ្ងៃទី២២ ខែកុម្ភៈ ឆ្នាំ២០២៣ លោក អ៊ិត សំហេង គូសបញ្ជាក់ថា«ជោគជ័យទាំងនេះ បានបង្ហាញតាមរយ:ការធានាបាននូវការអភិវឌ្ឍទីផ្សារការងារដែលមានភាពធន់ និងមានប្រាក់ចំណូលខ្ពស់សម្រាប់ប្រជាពលរដ្ឋ, មានលក្ខខណ្ឌការងារល្អប្រសើរ ដោយផ្តោតលើការលើកកម្ពស់សុខុមាលភាពកម្មករនិយោជិតទាំងក្នុង និងក្រៅប្រព័ន្ធ សំដៅលើកកម្ពស់ជីវភាពរស់នៅរបស់ប្រជាពលរដ្ឋ និងលើកកម្ពស់សកម្មភាពធុរកិច្ចប្រកបដោយភាពរស់រវើក និងការវិនិយោគប្រកបដោយចីរភាព ដើម្បីឆ្លើយតបទៅនឹងការអភិវឌ្ឍសេដ្ឋកិច្ច-សង្គម និងទីផ្សារការងារ»។

បើតាមរដ្ឋមន្រ្តីក្រសួងការងារ  ការខិតខំអនុវត្តបានយ៉ាងល្អតាម ផែនការយុទ្ធសាស្ត្រអភិវឌ្ឍជាតិដ៏ជាក់លាក់របស់រាជរដ្ឋាភិបាល ដើម្បីធ្វើការអភិវឌ្ឍមូលធន មនុស្សដែលជាធនធាន ជន្ទល់គាំទ្រឱ្យការរីកចំរើននៃសង្គមសេដ្ឋកិច្ចជាតិក្នុងរយៈពេលខ្លី មធ្យម និងវែង ដោយ ១-ជំរុញឱ្យប្រជាពលរដ្ឋមានការងារសមរម្យ និងកម្រិតជីវភាពកាន់តែប្រសើរឡើង ២-លើកកម្ពស់សេចក្តីថ្លៃថ្នូររបស់ប្រជាពលរដ្ឋ ៣-បង្កើនបាននូវកម្លាំងពលកម្ម ឬធនធានមនុស្សកម្ពុជាប្រកបដោយចំណេះដឹង សមត្ថភាព ជំនាញឥរិយាបថការងារ ផលិតភាពខ្ពស់ និងមានលក្ខណៈប្រកួតប្រជែងសម្រាប់ការងារពេញមួយជីវិត និង ៤-ធានាថា “ប្រជាពលរដ្ឋម្នាក់មានជំនាញមួយយ៉ាងតិចប្រចំាជីវិត”។ 

ក្រសួងបាននិងកំពុងអនុវត្តផែនការមេសម្រាប់អភិវឌ្ឍគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ ២០២១-២០២៥ ដោយផ្តោតលើយុទ្ធសាស្ត្រចំនួន ៤ គឺ ១) ការកសាង និងកែលម្អហេដ្ឋារចនាសម្ព័ន្ធ រូបវន្តរបស់គ្រឹះស្ថានសិក្សា ២) ការបំពាក់ឧបករណ៍ បរិក្ខារ និងសម្ភារបណ្តុះបណ្តាល ៣) ការពង្រឹងសមត្ថភាព អ្នកដឹកនាំគ្រប់គ្រង មន្រ្តីជំនាញ និងគ្រូបច្ចេកទេស និង៤) ការបង្កើនបរិមាណ និងគុណភាពជំនាញបច្ចេក ទេស និងវិជ្ជាជីវៈប្រកបដោយបរិយាប័ន្នយេនឌ័រ។ រៀបចំទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ (TVET-DAY) នៅថ្ងៃទី១៥ ខែមិថុនា ជារៀងរាល់ឆ្នាំ ដើម្បីលើកកម្ពស់ និងផ្សព្វផ្សាយពីសារៈសំខាន់ពីវិស័យនេះ ដល់គ្រប់ភាគីភាព ពាក់ព័ន្ធជាពិសេស ដល់គ្រប់មូលដ្ឋានសហគមន៍ គ្រួសារ សិស្សានុសិស្ស យុវជន និងជនងាយរងគ្រោះ។

លោករដ្ឋមន្រ្តី បានបញ្ជាក់ថា ក្រសួងបានត្រៀមរៀបចំ ផែនការបណ្តុះបណ្តាលជំនាញវិជ្ជាជីវៈដល់យុវជននៅគ្រួសារក្រីក្រ និងងាយរងគ្រោះ ទូទាំងប្រទេសចំនួន ១លាន ៥សែននាក់ តាមអនុសាសន៍ដ៏ខ្ពង់ខ្ពស់របស់ សម្តេចតេជោនាយករដ្ឋមន្ត្រី ដោយរដ្ឋធានាផ្តល់ប្រាក់ឧបត្ថម្ភ ចាប់ពីឆ្នាំ២០២៣ នេះតទៅឱ្យ មានប្រសិទ្ធភាពខ្ពស់៕ អត្ថបទ៖សារេត

The post លោក អ៊ិត សំហេង ចាត់ទុកការអនុវត្តផែនការយុទ្ធសាស្ត្រអភិវឌ្ឍន៍វិស័យការងារនិងបណ្តុះបណ្តាលវិជ្ជាជីវៈក្នុងឆ្នាំ២០២២ទទួលបានលទ្ធផលជាទីមោទនៈ appeared first on .

“លក្ខណៈរបស់មនុស្សពូកែគឺ ពូកែបង្កើត និងច្នៃការងារបានឲ្យល្អ បើទោះបីស្ថិតក្នុងកាលៈទេសៈណាក៏ដោយ ព្រោះមនុស្សសាងការងារ ការងារសាងមនុស្ស” នេះជាការលើកឡើងនៃអតីតនិស្សិតមកពីប្រទេសឥណ្ឌា និងជាសាស្រ្តាចារ្យ ឧកញ៉ា ផន វណ្ណិត ស្ថាបនិកក្រុមហ៊ុន រាជសន្តុសិត ដែលជាក្រុមហ៊ុនវិនិយោគលើវិស័យអចលនទ្រព្យ និងគម្រោងបុរី រីសតដ៏ល្បី។

លោកឧកញ៉ាថ្លែងបន្តថា ដោយគ្រាន់តែចាប់ផ្តើមកាន់ការងារភ្លាមជួបឧបសគ្គ យើងខ្លាចឧបសគ្គបាត់ទៅហើយ ចុះធ្វើដូចម្តេចទើបជីវិតយើងជោគជ័យ។ ឧបសគ្គ គឺសម្រាប់ឲ្យយើងមានការព្យាយាម មិនមែនសម្រាប់ឲ្យយើងចុះចាញ់ទេ។ ការខ្វះសេចក្ដីអត់ធន់ ខ្វះការតស៊ូ មានសេចក្តីប្រមាថ ហើយរវល់តែរឿងស្នេហាទៀត គឺយើងប្រាកដជាកាន់ការងារធំមិនបានទេ ហើយបរាជ័យជាក់ជាមិនខាន។

មនុស្សយើងចាប់ផ្តើមសាងការងារ ឬក៏ធ្វើការងារ ត្រូវធ្វើដោយយកចិត្តទុកដាក់បំផុត មើលថែការងារនោះឲ្យបានល្អគ្រប់ជ្រុងជ្រោយ ព្រោះការងារមានសារៈសំខាន់ណាស់សម្រាប់មនុស្ស បើមិនដូច្នោះទេ ការងារនិងបរាជ័យ មនុស្សក៏អាប់ឱន បាត់បង់ភាពថ្លៃថ្នូររបស់ខ្លួន។ ផ្ទុយទៅវិញការងារ ដែលយើងមើលថែបានល្អអាចផ្តល់ឲ្យយើងវិញ នូវភាពល្អប្រសើរ ថ្កុំថ្កើង រុងរឿង ថែមទាំងធ្វើឲ្យយើងកាន់តែក្លាហាន និងរឹងមាំទៀតផង។ អ្នកជំនួញអចលនទ្រព្យ និងជាអនុប្រធានសមាគមអ្នកអភិវឌ្ឍន៍ដីឡូតិ៏កម្ពុជា ឧកញ៉ា ផន វណ្ណិត បញ្ជាក់បន្ថែម។

អតីតអ្នកបួសជាង ២០វស្សា ដែលមានចំណេះដឹងជ្រៅជ្រះក្នុងផ្លូវព្រះពុទ្ធសាសនារូបនេះ បានបង្ហើបក្បួនដើម្បីឆ្នៃការងារឲ្យបានល្អត្រូវអនុវត្តនូវចំណុចទាំង ៨ នេះ និងធ្វើឲ្យការងារយើងកាន់តែមានភាពល្អប្រសើរ ជោគជ័យ រឹងមាំកាន់តែខ្លាំង។ រួមទាំងមានគំនិតឆ្នៃប្រឌិត បច្ចេកទេស និងយុទ្ធវិធីជាច្រើនទៀត ដែលយន្តការធ្វើឲ្យការងារប្រព្រឹត្តទៅបានយ៉ាងល្អប្រសើរ៖
១.ភាពជឿជាក់
២.ហ៊ានសាកល្បង ហ៊ានចាប់ផ្ដើម
៣.តស៊ូព្យាយាម មិនលះបង់
៤.មានប្រាជ្ញាឆ្លាតវាងវៃ
៥.មានទំនាក់ទំនងល្អ
៦.ការងារហ្មត់ចត់
៧.ពិចារណាល្អិតល្អន់មុនធ្វើ
៨.មានស្មារតីរឹងមាំ

លោកឧកញ៉ាបានលើកយកទ្រឹស្តីព្រះសម្ពុទ្ធជាបរមគ្រូ ដែលជាកំពូលមនុស្ស បានសម្តែងថា គ្រប់ការងារទាំងអស់សម្រេចទៅបានដោយសារសេចក្តីព្យាយាម បន្ទាប់ពីសាងការងារបានល្អហើយត្រូវចេះចែករំដល់អ្នកដ៏ទៃទៀត ក្នុងនាមជាមនុស្សរួមសង្គមជាមួយគ្នា ហេតុផលទាំងនេះហើយ ដែលយើងហៅថា មនុស្សសាងការងារ ការងារសាងមនុស្ស៕

The post សម័យកូវីដ ឧកញ៉ា ផន វណ្ណិត បង្ហើបក្បួន ៨ចំណុចផ្តល់ឋាមពលដើម្បីធ្វើការងារឲ្យមានភាពជោគជ័យ រឹងមាំកាន់តែខ្លាំង appeared first on .

The post អ្នក​ចង់​ធ្វើការ​រដ្ឋ មក​ដឹង​ព័ត៌មាន​ឲ្យ​ហើយ មានការ​ជ្រើសរើសក្របខណ្ឌ​ណា​ខ្លះឆ្នាំ​ ២០២១? appeared first on .

ដូច​នេះ ប្រសិន​បើ​លោក​អ្នក​​មាន​​បំណង​ចង់​ធ្វើ​ការ​ជា​មួយ ក្រុម​ហ៊ុន​លោក​ឧកញ៉ា​អាច​ទាក់​ទង​មក ការិយាល័យ​បុរី​ឡេង ណាវ់ាត្រា​ដោយ​ផ្ទាល់​ឬ តាម​រយៈ​លេខ 011​ 513 203/096 524 6852។

The post ដំណឹង​ល្អ ! ឧកញ៉ា ឡេង ណាវ៉ាត្រា ជ្រើសរើស​បុគ្គលិក​១០០​នាក់ ​ប្រាក់​ខែ​ចាប់​ពី… appeared first on .