ប្រទេសដីកោះនេះ មានគោលបំណងក្នុងការនាំចូលអគ្គិសនីកម្រិតកាបូនទាប ចំនួន ៦ ជីហ្គាវ៉ាត់ (GW) នៅឆ្នាំ២០៣៥ បន្ទាប់ពីបានផ្តល់ការយល់ព្រមតាមលក្ខខណ្ឌ សម្រាប់គម្រោងធំៗចំនួន១០ នៅក្នុងប្រទេសអូស្ត្រាលី កម្ពុជា ឥណ្ឌូណេស៊ី និងវៀតណាម។

ទន្ទឹមនឹងនេះ លោក Puah Kok Keong នាយកប្រតិបត្តិនៃអាជ្ញាធរទីផ្សារថាមពល បាននិយាយក្នុងអំឡុងវេទិកាសប្តាហ៍ថាមពលអន្តរជាតិសិង្ហបុរីថា វាអាចនឹងចំណាយទឹកប្រាក់ដល់រាប់ពាន់លានដុល្លារ ក្នុងការនាំចូលថាមពលស្អាត ដើម្បីផ្គត់ផ្គង់អគ្គិសនីតាមតម្រូវការ។ ហើយការតភ្ជាប់បណ្តាញថាមពលរវាង​សិង្ហបុរី​ ជាមួយ​ប្រទេស​ផ្សេង​ទៀត ​ក៏​នឹង​ត្រូវ​ចំណាយ​ប្រាក់​ច្រើន​ផង​ដែរ។

លើសពីនេះ លោក Puah បានសង្ក់ងធ្ងន់ថា ភាគីសិង្ហបុរី ត្រៀមខ្លួនរួចហើយ ដើម្បីរៀបចំផ្តល់ជូនអាជ្ញាប័ណ្ណនាំចូលរយៈពេលវែងសមរម្យមួយ ដល់ ៣០ឆ្នាំ សម្រាប់ក្រុមហ៊ុនដែលបានវិនិយោគក្នុងគម្រោងនេះ ពីព្រោះយើងយល់ពីការវិនិយោគដែលនឹងត្រូវចំណាយច្រើន និងពេលវេលាដែលត្រូវការ ដើម្បីទាញយកផលចំណេញត្រលប់មកវិញ៕

The post សិង្ហបុរី​ គ្រោង​ផ្តល់​អាជ្ញាប័ណ្ណ​រយៈពេល ​៣០​ឆ្នាំ​សម្រាប់​ការ​នាំ​ចូល​ថាមពល​កម្រិតកាបូន​ទាប appeared first on .

ប្រទេសដែលមានសេដ្ឋកិច្ចធំបំផុតទីពីររបស់ពិភពលោកមួយនេះ ត្រូវបានគេចាត់ទុកថាជាអ្នកបញ្ចេញឧស្ម័នពុលច្រើនជាងគេបំផុត ដែលជំរុញឲ្យមានការប្រែប្រួលអាកាសធាតុ។ ហេតុដូចនេះហើយ ទើបរដ្ឋាភិបាលចិន បានប្តេជ្ញាថានឹងសម្រេចគោលដៅបញ្ចេញឧស្ម័នកាបូនក្នុងកម្រិតទាបបំផុត នៅត្រឹមឆ្នាំ២០៣០ និងដល់កម្រិតសូន្យ នៅឆ្នាំ២០៦០។

ជាមួយនឹងផែនការផ្តោតលើថាមពលស្អាតនេះ បច្ចុប្បន្ន​ប្រទេស​ចិន​ មាន​សមត្ថភាព​ផលិតអគ្គិសនីពីប្រភពកកើតឡើងវិញ​សរុប​ចំនួន ៣៣៩ ជីហ្គាវ៉ាត់ (GW) ដែល​ក្នុង​នោះ​ថាមពលពី​កម្លាំង​ខ្យល់ចំនួន ១៥៩ GW និង​ថាមពលពី​ពន្លឺព្រះអាទិត្យចំនួន ១៨០ GW ។

ចំនួននេះ គឺច្រើនជាងជិត​ពីរ​ដង​ច្រើន​នៃបណ្តាប្រទេសទាំងអស់លើពិភពលោក​រួម​បញ្ចូល​គ្នា។ នេះ​បើ​តាម​ការ​សិក្សា​របស់ Global Energy Monitor ដែល​ជា​អង្គការ​មិន​មែន​រដ្ឋាភិបាល ​មាន​មូលដ្ឋាន​នៅ​សហរដ្ឋ​អាមេរិក។

ប្រភពដដែលនេះ បានបង្ហាញឲ្យដឹងទៀតថា តួលេខនេះគឺច្រើនលើសលប់ បើប្រៀបធៀបទៅនឹង​សហរដ្ឋ​អាមេរិក​ដែលជាប់ចំណាត់ថ្នាក់លេខពីរលើពិភពលោក ​កំពុង​ផលិតថាមពលពី​ខ្យល់ និងពន្លឺព្រះអាទិត្យ សរុប​ត្រឹម​តែ ៤០ GW ប៉ុណ្ណោះ៕

The post ចិន ជាប្រទេសផលិតអគ្គិសនី ពីកម្លាំងខ្យល់ និងព្រះអាទិត្យ ច្រើនជាងប្រទេសនានាលើពិភពលោករួមបញ្ចូលគ្នា appeared first on .

នេះបើតាមជំនួបពិភាក្សាការងាររវាងលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ជាមួយគណៈប្រតិភូក្រុមហ៊ុនកូរ៉េ HYUCKJIN ENERGY PLANT ENGINEERING និងក្រុមហ៊ុន Defytime ដែលដឹកនាំដោយលោកតាបណ្ឌិត កុល ផេង នៅថ្ងៃទី១៣ ខែឧសភា ឆ្នាំ២០២៤។

នៅក្នុងជំនួបនោះ ក្រុមហ៊ុនកូរ៉េ HYUCKJIN ENERGY PLANT ENGINEERING បានធ្វើបទបង្ហាញជូនលោកឧបនាយករដ្ឋមន្ត្រី អំពី គម្រោងស្នើសុំវិនិយោគរបស់ក្រុមហ៊ុនលើការផលិតថាមពលអគ្គិសនី តាមរយៈការកែច្នៃសំរាមនៅកម្ពុជា។

ដោយក្រុមហ៊ុនបានអះអាងថា បច្ចេកវិទ្យាដែលខ្លួននឹងប្រើប្រាស់ ក្នុងមួយថ្ងៃអាចបង្កើតថាមពលអគ្គិសនីយ៉ាងតិចបំផុត ២៤គីឡូវ៉ាត់ ដោយការដុតសំរាមប្រមាណ ១០០តោន។

ឆ្លៀតក្នុងឱកាសនោះ ក្រុមហ៊ុនក៏បានស្នើសុំគោលការណ៍ណែនាំបន្ថែមពីលោកឧបនាយករដ្ឋមន្ត្រី ចំពោះគម្រោងវិនិយោគរបស់ខ្លួនផងដែរ។

ឆ្លើយតបក្នុងអង្គប្រជុំ លោក ស៊ុន ចាន់ថុល បានបង្ហាញការស្វាគមន៍ជូនដល់ក្រុមហ៊ុន និងវិនិយោគិនទាំងអស់ ចំពោះគម្រោងវិនិយោគលើការទាញយកថាមពលអគ្គិសនី តាមរយៈការកែច្នៃសំរាមនេះ និងស្នើសុំឱ្យក្រុមហ៊ុនផ្ញើជូនព័ត៌មានលម្អិតទាំងស្រុងនៃគម្រោង មកក្រុមប្រឹក្សាអភិវឌ្ឍន៍កម្ពុជា ដើម្បីអាចឱ្យស្ថាប័នរដ្ឋាភិបាលសម្របសម្រួលអនុវត្តនីតិវិធីបន្ត៕

The post ក្រុមហ៊ុនកូរ៉េ ស្នើសុំវិនិយោគលើការផលិតថាមពលអគ្គិសនី តាមរយៈការកែច្នៃសំរាមនៅកម្ពុជា appeared first on .