បន្ថែមពីនោះ លោក Wang ក៏បានជួបជាមួយសម្ព័ន្ធមិត្តត្បូងពេជ្ររុស្ស៊ី ដោយបាន​បើកកិច្ចប្រជុំ​ទ្វេភាគី​ក្រៅផ្លូវការ​ ជាមួយ​រដ្ឋមន្ត្រីការបរទេសរុស្ស៊ី លោក Sergei Lavrov ថែមទៀតផង។ នេះបើតាមការចុះផ្សាយពី​សារព័ត៌មាន CNA។​

នៅក្នុងកិច្ចប្រជុំរវាង​ប្រមុខការទូតចិន និងរដ្ឋមន្ត្រីការបរទេសរុស្ស៊ី ក្រសួងការបរទេសចិនបាន​បញ្ជាក់ថា៖ ភាគីទាំងសងខាងបានគោរពតាមការឯកភាពសំខាន់ៗ ដែលប្រមុខរដ្ឋទាំង ២សម្រេចបាន ដូចជារក្សាការផ្លាស់ប្តូរកម្រិតខ្ពស់ ពង្រឹងទំនាក់ទំនងយុទ្ធសាស្ត្រ និងការសម្របសម្រួលនានា។

សូមជម្រាបដែរថា ក្នុងនាមជា​អ្នកតំណាងឲ្យប្រទេសចិនក្នុងកិច្ចប្រជុំរដ្ឋមន្ត្រីការបរទេសអាស៊ាន ប្រមុខការទូត Wang Yi បានជួបជាមួយនឹង​អ្នកតំណាង​ប្រទេសដៃគូធំៗជាច្រើនដូចជា អាមេរិក រុស្ស៊ី អូស្ត្រាលី ជប៉ុន និងឥណ្ឌាជាដើម៕

The post ប្រមុខការទូតចិន ជួបជាមួយសម្ព័ន្ធមិត្តត្បូងពេជ្ររុស្ស៊ី ក្នុងវេទិកាកិច្ចប្រជុំនៅអាស៊ាន appeared first on .

យោងតាម​ការចុះផ្សាយពីសារព័ត៌មាន CNA បានបង្ហាញថា កាលពីខែមេសា ឆ្នាំ ២០២១ មេដឹកនាំ​អាស៊ាន​ទាំងអស់ បានជំនុំគ្នានៅទីក្រុងហ្សាកាតា ដើម្បីស្វែងរកដំណោះស្រាយ​ចំពោះ​បញ្ហា​ដែល​កើតមាននៅមីយ៉ាន់ម៉ា ហើយ​ក្រោយកិច្ចប្រជុំមួយនោះ​បញ្ចប់ អាស៊ាន​ក៏​ឯកភាព​គ្នា​លើ​គោលការណ៍​ ៥ ចំណុច។

គោលការណ៍​ ៥ចំណុចនោះមានដូចជា៖

ទី១៖ ត្រូវតែ​បញ្ឈប់​ជាបន្ទាន់​នូវ​អំពើ​ហិង្សា​នៅ​មី​យ៉ាន់​ម៉ា ហើយ​ភាគី​ទាំងអស់​ត្រូវ​អត់ធ្មត់​ជា​អតិបរមា​។

ទី​២៖ ការ​សន្ទនា​ក្នុង​ន័យ​ស្ថាបនា​រវាង​គ្រប់​ភាគី​ពាក់ព័ន្ធ​ត្រូវ​ចាប់ផ្តើម​ ដើម្បី​ស្វែងរក​ដំណោះស្រាយ​ដោយ​សន្តិវិធី​ដើម្បី​ផលប្រយោជន៍​ប្រជាពលរដ្ឋ។

ទី៣៖ បេសកជនពិសេសរបស់ប្រធានអាស៊ាន ត្រូវជួយសម្រួលដល់ការសម្របសម្រួលនៃដំណើរការសន្ទនា ដោយមានជំនួយពីអគ្គលេខាធិការអាស៊ាន។

ទី​៤៖ អាស៊ាន​ត្រូវ​ផ្តល់​ជំនួយ​មនុស្សធម៌​តាមរយៈ​មជ្ឈមណ្ឌលសម្របសម្រួលអាស៊ាន សម្រាប់ជំនួយមនុស្សធម៌ ហៅកាត់ AHA ។

ទី​៥៖ បេសកជន​ពិសេស និង​គណៈប្រតិភូ​នឹង​ទៅ​បំពេញ​ទស្សនកិច្ច​នៅ​មី​យ៉ាន់​ម៉ា ដើម្បី​ជួប​ជាមួយ​គ្រប់​ភាគី​ពាក់ព័ន្ធ​។

សូមជម្រាបដែរថា កិច្ចប្រជុំកំពូលអាស៊ាន​ដែល​ធ្វើឡើងកាលពីឆ្នាំមុន នៅទីក្រុងភ្នំពេញ ប្រទេសកម្ពុជា ក៏បានសង្កត់ធ្ងន់ដែរថា សមាជិកអាស៊ានទាំងអស់ត្រូវតែព្យាយាម គ្រប់សកម្មភាព​ ដើម្បីទ្រទ្រង់ និងគោរព​តាម​គោលការណ៍ ៥ចំណុចខាងលើ៕

The post រដ្ឋមន្ត្រីការបរទេសឥណ្ឌូណេស៊ី៖ ទោះមានរឿងអ្វីក៏ដោយ អាស៊ានត្រូវតែគោរពតាមគោលការណ៍ ៥ចំណុច appeared first on .

ប្រភពដដែលបន្ថែមថា កិច្ចប្រជុំមួយនេះ នឹងធ្វើឡើងនៅទីក្រុងហ្សាកាតាពីថ្ងៃទី ១១ ដល់ថ្ងៃទី ១៤ ខែកក្កដា ខណៈប្រធានបទដែលនឹងត្រូវមកជជែកគ្នាគឺ បញ្ហាដែលកំពុងតែយ៉ាប់យ៉ឺន​នៅមីយ៉ាន់ម៉ា។

គួរជម្រាបដែរថា កិច្ចប្រជុំមួយនេះកើតមានឡើង ដោយសារតែអាស៊ាន​ទទួលបាន​ការរិះគន់​ខ្លាំង ជុំវិញបញ្ហានៅមីយ៉ាន់ម៉ា ដូចជា​មានការរិះគន់ថា មិនអាចរកដំណោះស្រាយឲ្យសមាជិក​មួយនេះ​បាន ខណៈ​បញ្ហានយោបាយនៅប្រទេសមួយនេះ កាន់តែធ្លាក់ក្នុងសភាពយ៉ាប់យ៉ឺន។

រំលឹកបន្ថែមទៀតថា ក្រុមអ្នកសង្កេតការណ៍​រំពឹងថា ហ្សាកាតានឹងអាចដោះស្រាយបញ្ហា​នៅ​មីយ៉ាន់ម៉ា​បាន ជាពិសេសគឺនៅពេលឥណ្ឌូណេស៊ីទទួលបាន​សិទ្ធជាប្រធានអាស៊ី ដែលរ៉ាប់រងតួ​នាទី ដោះស្រាយបញ្ហានយោបាយក្នុងតំបន់៕

The post រដ្ឋមន្ត្រីការបរទេសអាស៊ាន គ្រោងបើកកិច្ចប្រជុំនាសប្ដាហ៍នេះ ដោះស្រាយបញ្ហានៅមីយ៉ាន់ម៉ា appeared first on .

យ៉ាងណា ក៏មានកិច្ចប្រជុំបូកមួយចំនួន លោក ប្រាក់ សុខុន បញ្ជាក់ថាមិនបានចូលរួម ក៏ព្រោះតែកិច្ចប្រជុំខ្លះធ្វើឡើងជាន់គ្នា ប៉ុន្តែលោកតែងតែវាយតម្លៃខ្ពស់ចំពោះការគាំទ្រ និងការចូលរួមជាហូរហែពីដៃគូរបស់អាស៊ានទាំងអស់នោះ ដល់សហគមន៍អាស៊ាន ក៏ដូចជាតំបន់ទាំងមូល។

លោក ប្រាក់ សុខុន ថ្លែងថា៖ «ដៃគូរបស់យើងនៅតែបន្តជាតួអង្គសំខាន់ចំពោះចក្ខុវិស័យ និងគោលបំណងស្នូលរបស់អាស៊ាន។ ទោះបីជាមានការយល់ឃើញខុសគ្នាខ្លះក៏ដោយ យើងសង្ឃឹមថាដៃគូទាំងឡាយនឹងផ្តល់អាទិភាពដល់ផលប្រយោជន៍រួម សន្តិភាពយូរអង្វែង និងវិបុលភាពកាន់តែធំធេង»។

លោកបន្តថា៖ «ប្រហែលជាកំណត់ត្រាថ្មីសម្រាប់ខ្ញុំហើយ ដែលមានកិច្ចប្រជុំទ្វេភាគីជាង ១៥ប្រជុំ ក្នុងរយៈពេល៥ថ្ងៃ ក្នុងអំឡុងកិច្ចប្រជុំធំៗប្រចាំឆ្នាំ សប្តាហ៍នេះហត់នឿយបន្តិច ប៉ុន្តែការប្រឹងប្រែងនេះមានសារៈសំខាន់មិនអាចកាត់ថ្លៃបាន»។

បើតាមប្រមុខការទូតកម្ពុជា នៅក្នុងយុគសម័យនៃជំងឺរាតត្បាត ពិតជាពិបាកជួប និងប្រាស្រ័យទាក់ទងគ្នា ប៉ុន្តែលោករីករាយដែលភាពស៊ាំនឹងជំងឺនេះបាននិងកំពុងកើនឡើងជាលំដាប់ ជាពិសេសនៅក្នុងតំបន់។ យ៉ាងណាមិញ លោកសង្កត់ធ្ងន់ថា សមរភូមិមួយនេះគឺមិនទាន់ចប់នៅឡើយ ហើយត្រូវតែបន្តប្រយុទ្ធប្រឆាំងនឹងវិបត្តិសុខភាពពិភពលោកដោយសារកូវីដ-១៩ ឬជំងឺរាតត្បាតផ្សេងៗក្តី។

សម្រាប់លោក ប្រាក់ សុខុន បានគូសបញ្ជាក់ថា លោកតែងតែត្រៀមខ្លួនរួចជាស្រេចក្នុងការធ្វើការកាន់តែជិតស្និទ្ធជាមួយសមភាគីទាំងអស់ដើម្បីផលប្រយោជន៍រួម ហើយសង្ឃឹមថានឹងជួបរដ្ឋមន្រ្តី មន្រ្តីការទូតទាំងអស់នោះម្តងទៀតក្នុងពេលឆាប់ៗ។

ទន្ទឹមនឹងនោះ លោក ប្រាក់ សុខុន ក៏បានបង្ហាញពីតួនាទីរបស់លោក គឺលោកស្រី ខេង សំវ៉ាដា បានដឹកនាំគណៈប្រតិភូជាភរិយា និងស្វាមី នៃបណ្តារដ្ឋមន្ត្រីការបរទេសអាស៊ាន ដែលបានចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ ដើម្បីទៅទស្សនារមនីយដ្ឋានទេសចរណ៍នានា។

លោកបន្ថែមថា៖ «ខណៈពេលដែលខ្ញុំ និងសមភាគី កំពុងរវល់ កាន់ប៊ិច ក្រដាស និងសុន្ទរកថា មមាញឹក ជាមួយកិច្ចប្រជុំ និងជំនួបជាច្រើន យើងមិនមើលរំលងអត្ថប្រយោជន៍នៃការផ្លាស់ប្តូរវប្បធម៌ និងការតភ្ជាប់ទំនាក់ទំនងរវាងមនុស្សនិងមនុស្សឡើយ»។

លោកបន្ថែមទៀត៖ «ខ្ញុំសូមអរគុណភរិយារបស់ខ្ញុំដែលបានបង្ហាញ ភរិយាស្វាមីរបស់គណៈប្រតិភូដែលចូលរួមកិច្ចប្រជុំ ពីទីតាំងជាច្រើនរបស់កម្ពុជាដូចក្នុងកម្រងរូបភាពទាំងអស់នេះ រួមមានដូចជាព្រះបរមរាជវាំង សារមន្ទីរជាតិ ការតាំងពិពណ៌ផលិតផលខ្មែរ និងហាងលក់វត្ថុអនុស្សាវរីយ៍ ហើយជាពិសេសទស្សនកិច្ចទៅទីតាំងប្រវត្តិសាស្ត្រអង្គរដ៏ល្បីរបស់យើងនៅខេត្តសៀមរាប»៕

The post កំណត់ត្រាថ្មីសម្រាប់លោក ប្រាក់ សុខុន ដែលមានកិច្ចប្រជុំទ្វេភាគីជាង ១៥ប្រជុំ ក្នុងរយៈពេល៥ថ្ងៃ appeared first on .

ថ្លែងក្នុងពិធីនោះ សម្ដេចតេជោ ហ៊ុន សែន បានលើកឡើងថា អ្វីដែលអាចឱ្យកម្ពុជាអាចរៀបចំបាននោះគឺកត្តាសន្ដិភាព និងការគ្រប់គ្រងជំងឺកូវីដ-១៩ បានល្អរបស់កម្ពុជា​ ព្រោះថា កត្តាសន្ដិភាព ដែលនាំឱ្យមានស្ថេរភាព និងសន្ដិសុខធ្វើឱ្យថ្នាក់មន្ត្រីជាន់ខ្ពស់របស់ប្រទេសអាស៊ាន និងប្រទេសជាមិត្តអាចធ្វើដំណើរមកចូលរួមកិច្ចប្រជុំ និងកម្សាន្តបានយ៉ាងល្អគ្មានបញ្ហាកើតឡើង។

សម្ដេច បានលើកឡើងបន្ថែមថា កត្តាសំខាន់មួយទៀតដែលឱ្យកម្ពុជាអាចរៀបចំបាននោះគឺ ការគ្រប់គ្រងជំងឺកូវីដ-១៩ បានល្អដែលបានបើកសង្គមសេដ្ឋកិច្ច និងទេសចរណ៍ ជាពិសេសគឺគ្មានមនុស្សស្លាប់ដោយសារជំងឺនេះ ព្រោះថាបើសិនជាយើងសំបូរមនុស្សស្លាប់យើងក៏គ្មានលទ្ធភាពក្នុងការរៀបចំកិច្ចប្រជុំ ហើយប្រទេសនានាក៏គេខ្លាចមិនមកដែរ។

ជាមួយគ្នានេះដែរ សម្តេច ក៏បានបង្ហើបដូច្នេះថា«ខណៈដែលពិភពលោកកំពុងមានជម្លោះ សូម្បីតែការរៀបចំកៅអី សម្រាប់រដ្ឋមន្រ្តីការបរទេស មកប្រជុំអាស៊ាន ក៏មានការលំបាកដែរ ដោយសារតែអ្នកខ្លះមិនចង់អង្គុយជិតគ្នា»។

សូមបញ្ជាក់ដែរថា កម្ពុជា គឺកំពុងដឹកនាំកិច្ចប្រជុំរដ្ឋមន្ត្រីអាស៊ាន និងកិច្ចប្រជុំពាក់ព័ន្ធដែលបានចាប់ផ្ដើមតាំងពីទី២៩ ខែសីហា។ រដ្ឋមន្ត្រីការបរទេសនៃបណ្ដាប្រទេសអាស៊ាន និងរដ្ឋមន្ត្រីការបរទេសដៃគូរបានធ្វើដំណើរចូលរួមកិច្ចប្រជុំបានដោយរលូននិងជោគជ័យ និងទទួលបានផ្លែផ្កាជាច្រើនគួរជាទីកត់សំគាល់ផងដែរ។

យ៉ាងណា សម្តេច ហ៊ុន សែន ក៏បានសុំការយោគយល់ពីប្រជាពលរដ្ឋនៅរាជធានីភ្នំពេញ ដោយសារតែមានការបិទផ្លូវមួយចំនួន សម្រាប់គណៈប្រតិភូ មកចូលរួមកិច្ចប្រជុំរដ្ឋមន្រ្តីការបរទេសអាស៊ាននៅកម្ពុជាផងដែរ៕ អត្ថបទ៖ រង្សី

The post សម្ដេចតេជោ៖«មានភាពជោគជ័យធំៗ២ ដែលធ្វើឱ្យកម្ពុជាអាចរៀបចំកិច្ចប្រជុំអាស៊ានបាន» appeared first on .

កិច្ចប្រជុំកំពូលអាស៉ី-បូព៌ា (EAS) មានសមាជិកចំនួន ១៨ប្រទេស រួមមាន៖ សមាជិកអាស៊ានទាំង ១០ (ASEAN Countries) អូស្រា្តលី ចិន ឥណ្ឌា ជប៉ុន ណូវែលហ្សេឡង់ សាធារណដ្ឋកូរ៉េ (កូរ៉េខាងត្បូង) រុស្ស៉ី និងអាមេរិក។

នេះជារូបភាពក្រៅឆាករបស់រដ្ឋមន្រ្តីការបរទេស មុនចាប់ផ្តើមកិច្ចប្រជុំផ្លូវការ៖

The post រូបភាពក្រៅឆាក រដ្ឋមន្រ្តីការបរទេសមហាអំណាចធំៗ ជួបតទល់ក្នុងកិច្ចប្រជុំកំពូលអាស៉ី-បូព៌ា នៅភ្នំពេញ appeared first on .

រដ្ឋមន្រ្តីការបរទេសទាំង ៧រូបនោះរួមមាន៖ លោក Nanaia Mahuta រដ្ឋមន្ត្រីការបរទេសនៃប្រទេសនូវែលហ្សេឡង់ លោក Subrahmanyam Jaishankar រដ្ឋមន្ត្រីការបរទេសនៃសាធារណរដ្ឋឥណ្ឌា លោក Amanda Anne Milling រដ្ឋមន្ត្រីទទួលបន្ទុកកិច្ចការអាស៊ី និងមជ្ឈឹមបូព៌ានៃចក្រភពអង់គ្លេស លោក Ali Sabry រដ្ឋមន្រ្តីការបរទេសស្រីលង្កា លោក Yoshimasa Hayashi រដ្ឋមន្ត្រីការបរទេសជប៉ុន លោក Sergei Lavrov រដ្ឋមន្ត្រីការបរទេសសហព័ន្ធរុស្ស៊ី និងលោក Antony Blinken រដ្ឋមន្ត្រីការបរទេសសហរដ្ឋអាមេរិក ។

បើតាមសម្តេចតេជោបង្ហើបឲ្យក្នុងបណ្តាញសង្គមតេឡេក្រាម នៅមានរដ្ឋមន្រ្តីការបរទេសនៃប្រទេសមួយចំនួនទៀតនឹងមកដល់កម្ពុជានៅថ្ងៃស្អែកជាបន្តបន្ទាប់៕

The post គិតត្រឹមម៉ោងនេះ មានរដ្ឋមន្រ្តីការបរទេសចំនួន ៧រូបទៀតហើយបានមកដល់កម្ពុជា appeared first on .

ប្រមុខរដ្ឋកម្ពុជា សម្ដេចតេជោ ថ្លែងថា៖ “ ដំណើរការនៃការចូលជាសមាជិកអាស៊ានរបស់ទីម័រឡេស្តេ កំពុងមានវឌ្ឍនភាពយ៉ាងល្អ ហើយខ្ញុំមានសុទិដ្ឋិនិយមថា យើងនឹងអាច ស្វាគមន៍ប្រទេសនេះមកកាន់គ្រួសារអាស៊ានបានយ៉ាងយូរនៅត្រឹមឆ្នាំក្រោយ”។

សាធារណរដ្ឋប្រជាធិបតេយ្យទីម័រខាងកើត បានដាក់ស្នើសុំចូលជាសមាជិកភាពរបស់អាស៊ានតាំងពីឆ្នាំ ២០១១ មកម៉្លេះ ហើយសមាជិកភាពប្រទេសអាស៊ានទាំងអស់ ក៏បាននឹងកំពុងពិភាក្សា និងរងចាំការសម្រេចរួម។  

ទីម័រឡេស្តេ មានផ្ទៃ ក្រឡាសរុប ១៥,៤១០គីឡូម៉ែត្រ និងប្រជាជន ១,១៦៧,២៤២នាក់ (តួលេខឆ្នាំ២០១៥) ព្រមទាំងមានរដ្ឋធានីឈ្មោះ ឌីលី៕

The post សម្ដេចតេជោ៖ ខ្ញុំមានសុទិដ្ឋិនិយមថា យើងនឹងអាចស្វាគមន៍ទីម័រឡេស្តេ មកកាន់គ្រួសារអាស៊ាននៅឆ្នាំក្រោយ appeared first on .

ត្រឹមរសៀលថ្ងៃនេះ មានរដ្ឋមន្ត្រីការបរទេស និងមន្ត្រីជាន់ខ្ពស់ការបរទេស ព្រមទាំងភ្ញៀវដែលកម្ពុជាអញ្ជើញមកចូលរួមកិច្ចប្រជុំដោយផ្ទាល់ចំនួន ៦រូប បានអញ្ជើញមកដល់ ក្នុងនោះរួមមាន៖

១.រដ្ឋមន្រ្តីការបរទេស និងសហប្រតិបត្តិការនៃប្រទេសទីម័រខាងកើត លោកស្រី អាដាល់ជីហ្សា អាល់ប៊ែរទីណា ហ្សាវីយេ រៃយ៍ ម៉ាកណូ

២.លោក ដាតូ អ៉ីរីវ៉ាន់ ពើហ៊ីន យូស៊ូហ៍ រដ្ឋមន្ត្រីការបរទេសទី២ របស់ព្រុយណេដារ៉ូស្សាឡាម

៣.លោក ប៊ូយ ថាញ់សឺន រដ្ឋមន្រ្តីការបរទេសវៀតណាម

៤.លោក Nikolaos Dendias រដ្ឋមន្រ្តីការបរទេសក្រិក

៥.លោក វីវៀន បាឡាគ្រីស្ហ្សណាន់ រដ្ឋមន្រ្តីការបរទេសសឹង្ហបុរី

៦.លោកស្រី រ៉េតណូ អិល.ភី. ម៉ារស៊ូឌី រដ្ឋមន្រ្តីការបរទេសឥណ្ឌូនេស៊ី

ជាមួយគ្នានេះ លោក លឹម ចុក ហ៊ុយ អគ្គលេខាធិការអាស៊ាន ក៏បានអញ្ជើញមកដល់ផងដែរ កាលពីរសៀលថ្ងៃទី០១ ខែសីហា។

គួររម្លឹកថា រដ្ឋមន្ត្រីការបរទេស និងមន្ត្រីជាន់ខ្ពស់ការបរទេសនៃប្រទេសចំនួន៣៨ ត្រូវបានអញ្ជើញចូលរួម​ក្នុង​កិច្ច​​ប្រជុំ​រដ្ឋមន្រ្តី​​ការ​បរទេសអាស៊ាន លើកទី៥៥ និងកិច្ចប្រជុំពាក់ព័ន្ធ ដែលកម្ពុជា ធ្វើជាម្ចាស់ផ្ទះចាប់ពីថ្ងៃទី ២៩ ខែកក្កដា ដល់​ថ្ងៃទី៥ ខែសីហា ឆ្នាំ២០២២។ ប្រទេសទាំងនោះ មានដូចជា៖ សមាជិកអាស៊ានទាំង១០ប្រទេស អូស្ត្រា លី ប៉ាគីស្ថាន សហ​​ភាព​អារ៉ាប់អីមីរ៉េត ម៉ារ៉ុក ចិន ជប៉ុន សាធារណរដ្ឋកូរ៉េ (កូរ៉េខាងត្បូង) សាធារណរដ្ឋប្រជាធិបតេយ្យប្រជាមានិតកូរ៉េ​​(កូរ៉េខាងជើង) សហភាពអឺរ៉ុប សហរដ្ឋអាម៉េរិក ចក្រភពអង់គ្លេស ឥណ្ឌា សហព័ន្ធរុស្ស៊ី ជាដើម៕

The post រដ្ឋមន្រ្តីការបរទេសចំនួន ៦ប្រទេសមកដល់ទឹកដីកម្ពុជាត្រៀមប្រជុំថ្ងៃស្អែកនៅសណ្ឋាគារអ្នកឧកញ៉ា សុខ គង់ appeared first on .