ការិយាល័យប្រធានាធិបតីតៃវ៉ាន់បាន​ចេញសេចក្ដីថ្លែងការណ៍ថា លោកស្រី Tsai មាន​អាការៈ​មិនសូវ​ស្រួលខ្លួន និងធ្វើតេស្តឃើញវិជ្ជមានកូវីដ ១៩ តាមរយៈ​ការធ្វើតេស្តរហ័ស។ នេះបើតាមការចុះផ្សាយពីសារព័ត៌មាន CNA។

“ប្រធានាធិបតី Tsai កំពុងបង្ហាញរោគសញ្ញាស្រាលៗ ហើយបច្ចុប្បន្ន​កំពុង​ស្ថិតក្រោម​ការ​យកចិត្តទុកដាក់ពីក្រុមគ្រូពេទ្យ”។ នេះបើតាម​អត្ថន័យសេចក្ដីថ្លែងការ​ចេញដោយ​ការិយាល័យ​ប្រធានាធិបតី។

សេចក្តីថ្លែងការណ៍នោះក៏បានបញ្ជាក់ដែរថា ថ្នាក់ដឹកនាំតៃវ៉ាន់ បានជំរុញឱ្យនាយករដ្ឋមន្ត្រី Chen Chien-jen ធ្វើការយ៉ាងជិតស្និទ្ធជាមួយរដ្ឋបាល ដើម្បីបង្កើនការត្រៀមលក្ខណៈ ខណៈដែលព្យុះទីហ្វុង Doksuri ត្រូវបានគេរំពឹងថា នឹងបោកបក់កាត់ភាគខាងត្បូងតៃវ៉ាន់ ដោយនាំមកនូវខ្យល់បក់ខ្លាំង និងភ្លៀងធ្លាក់ជោគជាំ៕

The post ប្រធានាធិបតីតៃវ៉ាន់ ធ្វើតេស្តឃើញវិជ្ជមានកូវីដ ១៩ appeared first on .

សម្ដេចតេជោ ហ៊ុន សែន មានប្រសាសន៍ថា យើងនៅសល់វ៉ាក់សាំង ដូច្នេះយើងត្រូវជូនទៅដល់មិត្តភ័ក្តិដែលមានតម្រូវការ ហើយពេលនេះលោកស្រី យក់ សម្បត្តិ ក៏កំពុងហោះហើរទៅកាន់ប្រទេសមីយ៉ាន់ម៉ា។ សម្តេចតេជោ ហ៊ុន សែន បានថ្លែងបែបនេះក្នុងឱកាសអញ្ជើញជួបសំណេះសំណាលជាមួយបងប្អូនកម្មករនិយោជិតនៅតំបន់សេដ្ឋកិច្ចពិសេស រ៉ូយ៉ាល់គ្រូបភ្នំពេញ។

សូមជម្រាបថា នេះជាលើកទី៣ហើយ ដែលរាជរដ្ឋាភិបាលកម្ពុជាបានផ្ដល់ជំនួយដល់ប្រទេសមីយ៉ាន់ម៉ា ក្នុងការប្រយុទ្ធប្រឆាំងនឹងជំងឺកូវីដ១៩។ កាលពីខែវិច្ឆិកា ឆ្នាំ២០២០កន្លងទៅ កម្ពុជាបានផ្តល់ម៉ាស់ប្រមាណ ២លានម៉ាស់ និងបរិក្ខារពេទ្យមួយចំនួនទៅកាន់ប្រទេសមីយ៉ាន់ម៉ា។ នៅខែសីហា ឆ្នាំ២០២១ កម្ពុជាក៏បានបន្តឧបត្ថម្ភទៅមីយ៉ាន់ម៉ា រួមមានដូចជា ម៉ាស់ចំនួន ៣លាន, ឧបករណ៍តេស្ដរហ័ស ចំនួន ៥០០,០០០, សំលៀកបំពាក់សុវត្ថិភាព PPE ចំនួន ២,០០០, ឈុតម៉ាស៊ីនផលិតអុកស៊ីហ្សែនស្វ័យប្រវត្តិចំនួន១០០គ្រឿង, ម៉ាស៊ីនជំនួយដកដង្ហើមចំនួន ២០គ្រឿង និងម៉ាស៊ីនតាមដានសញ្ញាជីវិតចំនួន ២០គ្រឿង។

ក្រៅតែពីប្រទេសមីយ៉ាន់ម៉ា កម្ពុជា ក៏បានចូលរួមប្រយុទ្ធប្រឆាំងនឹងជំងឺកូវីដ១៩ ជាមួយប្រទេសសមាជិកអាស៊ាន និងមិនមែនសមាជិកអាស៊ានមួយចំនួនទៀតផងដែរ ដូចជាវៀតណាមឡាវ នេប៉ាល់ និងទីម័រជាដើម។ កម្ពុជាដ្បិតតែជាប្រទេសតូច តែស្មារតី និងមនោសញ្ចេតនាក្នុងការជួយរំលែកការលំបាកនានាមានលំហរធំទូលាយ ដែលប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន តែងពោលថា “កម្ពុជាតូចតែបេះដូងធំទូលាយ”៕

The post កម្ពុជា ដឹកវ៉ាក់សាំង ១លានដូស ទៅប្រគល់ជូន​មីយ៉ាន់ម៉ា appeared first on .

សម្តេចតេជោ ហ៊ុន សែន មានប្រសាសន៍ថា បច្ចុប្បន្នចំនួនប្រជាពលរដ្ឋកម្ពុជាចាក់វ៉ាក់សាំងប្រឆាំងកូវីដ-១៩កាន់តែបន្តថយចុះជាបន្តបន្ទាប់ ហើយប្រសិនបើកម្ពុជាបន្តទុកវាអាចប៉ះពាល់ដល់គុណភាពវ៉ាក់សាំង ដូច្នេះកម្ពុជាសម្រេចផ្ទេរទៅកាន់ប្រទេសចិនវិញ ដើម្បីយកទៅជួយដល់ប្រទេសមួយចំនួនដែលកំពុងខ្វះខាតវ៉ាក់សាំងប្រឆាំងកូវីដ-១៩។

ក្រសួងសុខាភិបាលកម្ពុជា បានឲ្យដឹងថា កំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី៦ ខែមីនា ប្រជាជនអាយុពី ១៨ឆ្នាំឡើង មាន ១០៣,៨៨% ធៀបជាមួយចំនួនប្រជាជនគោលដៅ ១០លាននាក់។ សម្រាប់ កុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០១,៣០% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។​ ជាលទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៩៥,៤៧%៕

The post កម្ពុជាផ្ទេរវ៉ាក់សាំងបង្ការកូវីដ១៩ ១៥លានដូសទៅឲ្យប្រទេសចិនវិញ appeared first on .

ក្រសួងខាងលើ បានបន្ថែមឱ្យដឹងទៀតថា ការចំណាយភាគច្រើន គឺត្រូវបានផ្តោតទៅលើការធ្វើតេស្ត និងព្យាបាលអ្នកជំងឺកូវីដ-១៩ ដែលមានចំនួនទឹកប្រាក់សរុបប្រមាណ ២៦០លានបាត ស្របពេលការចំណាយទៅលើលទ្ធកម្ម និងចែកចាយវ៉ាក់សាំង ត្រូវបានប៉ាន់ប្រមាណថាមានចំនួនសរុប ៧៨ពាន់លានបាត ។

ក្រៅពីនោះ រដ្ឋាភិបាលក៏បានធ្វើការចំណាយទឹកប្រាក់ចំនួន ៥៧,៥ពាន់លានបាតផងដែរ ដើម្បីផ្តល់ជាសំណងជូនដល់ជនរងគ្រោះ និងជាការលើកទឹកចិត្តដល់បុគ្គលោកពេទ្យ ក្នុងរយ:ពេល ៣ ឆ្នាំមកនេះ ។

បើយោងតាមអង្គការសុខភាពពិភពលោក បានរាយការណ៍ឱ្យដឹងថា ប្រទេសថៃ មានអ្នកឆ្លងជំងឺកូវីដ-១៩ ចំនួន ៤,៧ លាននាក់ និងមានអ្នកស្លាប់ចំនួន ៣៣ ៩១១ នាក់ គិតត្រឹមថ្ងៃទី ២៥ ខែកុម្ភ: ឆ្នាំ ២០២៣ នេះ ៕

The post ថៃ ចាយលុយជិត ១៣ពាន់លានដុល្លារ លើការទប់ស្កាត់ជំងឺកូវីដ-១៩ រយ:ពេលបីឆ្នាំកន្លងមកនេះ appeared first on .

យោងតាម​ការ​ចុះផ្សាយពី CNA បាន​បង្ហាញថា មានខេត្តយ៉ាងតិច ២០ ក្នុងចំណោម​ខេត្តសរុប ៣១ នៅ​ប្រទេសចិន បាន​បង្ហាញ​ពី​ការចំណាយ​របស់​ពួកគេ​ក្នុងឆ្នាំ ២០២២ ក្នុងការចូលរួម​ទប់ស្កាត់​ជំងឺ​កូវីដ ១៩ ហើយក្នុងនោះ​ខេត្តកាន់តែមាន ចំណាយ​កាន់តែច្រើន។

តួយ៉ាងខេត្ត Guangdong បាន​ចាយ​រហូតដល់ ៧១,១៤ ពាន់​លាន​យ៉ន់ រាប់​បញ្ចូល​ទាំង​ការ​ទិញ​វ៉ាក់សាំង ឧបករណ៍​តេស្ត PCR និង​គ្រឿងបរិក្ខាពេទ្យជាដើម ហើយតួលេខនេះ​ផងដែរ គឺជា​ការចំណាយ​ច្រើន​បំផុត​ក្នុងចំណោម​ខេត្ត​ទាំង ២០ ដែលបង្ហាញ​ពី​របាយការណ៍​ចំណាយ​រៀងៗខ្លួន។

ដោយឡែក សម្រាប់​ទីក្រុងប៉េកាំង​វិញ​បាន​ចាយ​លុយ​ប្រហែល ៣០ ពាន់​លានយ៉ន់ បន្ទាប់​ពី​មាន​ការ​ផ្ទុះ​កូវីដ​នៅ​ទីនោះ ២ លើកផ្ទួនៗ​កាលពីឆ្នាំទៅ ហើយ​ពួកគេ​ក៏​បាន​ត្រៀម​កញ្ចប់​ថវិកា ៣២,៧៧ ពាន់​លានយ៉ន់ បន្ថែម​សម្រាប់​ការ​ចំណាយ​លើ​វិស៏័យសុខភាពសាធារណៈ​នៅឆ្នាំ ២០២៣ នេះ​ផងដែរ៕

The post ចិនចាយលុយយ៉ាងតិចជាង ៥០ ពាន់លានដុល្លារ ទប់ស្កាត់កូវីដ ១៩ កាលពីឆ្នាំទៅ appeared first on .

“​បើតាម​របាយការណ៍​អាប់ដែត​ចុងក្រោយ​បាន​បង្ហាញថា ករណីឆ្លង​កូវីដនៅចិន​អាច​ឡើងដល់ ៤,៨​ លាន​ករណី/ថ្ងៃ និង​អត្រាឆ្លងសរុបចន្លោះពីថ្ងៃទី ១៣ ដល់ ២៧ មករា គឺមានរហូតដល់ ៦២ លាន​ករណី​ឯណោះ”។

“ដោយឡែក អត្រាមរណភាពវិញ​អាចឡើងដល់ ៣៦ ០០០ ករណីនៅថ្ងៃទី ២៦ មករា អំឡុងបុណ្យចូលឆ្នាំចិន ដែលច្រើនជាងការព្យាករមុនៗ​ មានត្រឹម ២៥ ០០០ ករណី/ថ្ងៃ”។ នេះបើតាម​របាយការណ៍​បង្ហាញ​ដោយ​ក្រុមហ៊ុន​ខាងលើ។

ដោយឡែក បើផ្អែកតាមរូបភាពថតដោយ​ផ្កាយរណប​ពី​ Maxar Technologies និងបញ្ជាក់ដោយ Washington Post កាលពីថ្ងៃទី ០៩ មករា​ក៏បាន​បង្ហាញ​ដែរថា មានពិធីបុណ្យសពជាច្រើន​នៅទីក្រុង​ធំ​ចំនួន ៦ នៃ​ប្រទេសចិន រាប់តាំងពីទីក្រុងប៉េកាំង ដល់ទីក្រុង Kunming គឺ​មាន​សភាព​ស្អេកស្កះ​ខ្លាំងមែនទែន។

គួររំលឹកដែរថា ចាប់តាំងពីរដ្ឋាភិបាល​ប្រកាស​បើកច្រកព្រំដែន ដែលជាសញ្ញានៃ​ការបន្ធូបន្ថយ​វិធានការ​រឹតបន្តឹងកូវីដ១៩ មានសេចក្ដីរាយការណ៍​ជុំវិញ​អត្រាឆ្លង​កូវីដ រហូតដល់ជាង ៦០ ០០០ ករណី/ថ្ងៃ ហើយរដ្ឋាភិបាល​ក៏​ប្រកាស​ឈប់ផ្សាយពី​ស្ថិតិនៃ​អត្រាអ្នកឆ្លង និងមរណភាព​ ដោយសារ​ជំងឺកូវីដ១៩ ទៀតដែរ៕

The post នៅចិនដោយសារកូវីដ១៩ អាចមានអ្នកស្លាប់ដល់ជាង ៣ម៉ឺនករណីក្នុងមួយថ្ងៃ អំឡុងបុណ្យចូលឆ្នាំថ្មី appeared first on .

បើទោះជា​រដ្ឋាភិបាល​ប្រកាស​បើក​ច្រកព្រំដែន​ក្ដី ប៉ុន្តែ​ស្ថានការណ៍​កូវីដ​នៅ​ទីនោះ​ហាក់មិនទាន់​ធូរស្បើយនៅឡើយ ពោល​ប្រធានគណៈកម្មការសុខាភិបាលខេត្ត Henan លោក Kan Quancheng បាន​ទម្លាយឲ្យដឹងថា គិតត្រឹមថ្ងៃទី ០៦ មករា ២០២៣ អត្រាឆ្លងកូវីដ ១៩ ប្រចាំខេត្ត​មាន ៨៩%។

ដូច្នេះគឺមានន័យថា ក្នុងចំណោមប្រជាពលរដ្ឋប្រមាណ ៩៩,៤ លាន​នាក់ មានប្រហែល ៨៨,៥ លាននាក់ គឺ​កំពុង​មានផ្ទុក​ជំងឺកូវីដ ១៩។ នេះ​បើតាម​ការ​ចុះផ្សាយពី CNA។

សូមជម្រាបដែរថា ខេត្ត Henan គឺជាខេត្តដែលមាន​ប្រជាជន​រស់នៅច្រើនបំផុតទី ៣ ប្រចាំប្រទេសចិន បន្ទាប់ពី​ខេត្ត Shangdong និង Guangdong៕

The post ខេត្តមួយនៃប្រទេសចិន មានអត្រាឆ្លងជំងឺកូវីដ ១៩ រហូតដល់ ៩០% appeared first on .

យ៉ាងណា ថ្មីៗនេះពួកគេបាន​ប្រកាសថា នឹង​បើកទ្វារច្រកព្រំដែន​សារថ្មីចាប់ពីថ្ងៃអាទិត្យកន្លងទៅ ហើយសម្រាប់​ភ្ញៀវទេសចរណ៍​ក៏​មិន​តម្រូវ​ឲ្យ​ធ្វើចត្តាឡីស័កឡើយ បើសិនជា​ពួកគេ​មិនមាន​សញ្ញាវិជ្ជមាន​កូវីដ ១៩ រយៈពេល ៤៨ម៉ោង មុន​ធ្វើដំណើរដល់​ប្រទេសចិន។

សេចក្ដីប្រកាសអំពី​ការ​បើកច្រកព្រំដែន​នេះផងដែរ បាន​ធ្វើឲ្យ​ប្រជាជនចិន​រស់នៅបរទេស​ជាច្រើន​ពាន់នាក់​បង្ហាញ​ភាពរីករាយ ដ្បិត​ពួកគេ​អាច​ធ្វើដំណើរ​មកជួបជុំ​ក្រុមគ្រួសារ​នៅ​ស្រុក​កំណើត​វិញ ក្នុងឱកាស​បុណ្យចូលឆ្នាំចិនខាងមុខ បន្ទាប់ពីខកខាន​ជួបជុំសាច់ញាតិ​អស់រយៈពេល ៣ ឆ្នាំ។

បន្ថែមពីនោះ Japantimes បាន​អះអាងថា ការបើកច្រកព្រំដែនរបស់ចិន​សារនេះ ប្រៀបដូចជា​សញ្ញា​នៃ​ការ​បិទបញ្ចប់​យុទ្ធនាការ​កូវីដសូន្យ ដែល​កន្លងមក​វា​បាន​ធ្វើ​ឲ្យ​មហាអំណាចសេដ្ឋកិច្ច​ទី ២ លើ​លោក ជួប​ហានិភ័យជាច្រើនលើកច្រើនសារ​ រយៈពេល ៣ ឆ្នាំ​កន្លងមក​នេះ។

សូមជម្រាបដែរថា ចិនគឺជាប្រទេសចុងក្រោយ​ដែល​បន្ធូរបន្ថយ​វិធានការ​កូវីដ សម្រាប់​ភ្ញៀវទេសចរណ៍​អន្តរជាតិ​ដែល​ធ្វើ​ដំណើរ​កម្សាន្ត​ចូល​មក​ប្រទេស​របស់ខ្លួន ហើយភ្ញៀវទេសចរណ៍​ដែល​មាន​បំណង​ទៅកម្សាន្តនៅចិន ត្រូវមាន​ឯកសារបញ្ជាក់​ពីការ​ធ្វើតេស្ត PCR និង​តម្រូវ​ឲ្យ​ពាក់ម៉ាស​ស្ទើរគ្រប់ពេល៕

The post ចិនបើកច្រកព្រំដែនវិញ ជាសញ្ញាបញ្ចប់យុទ្ធនាការកូវីដសូន្យ appeared first on .

ប្រទេស​ដែលជា​សមាជិក​នៃ​សហភាពអឺរ៉ុប បាន​យល់ព្រម​លើ​ការ​រឹតបន្តឹង​វិធាន​ការទប់ស្កាត់​ជំងឺកូវីដ ១៩ សម្រាប់​អ្នកដំណើរ​ដែល​អញ្ជើញ​មក​ពី​ប្រទេស​ចិន ហើយ​ពួកគេ​ថែមទាំងបាន​ស្នើសុំ​ឲ្យ​ភ្ញៀវ​ ដែល​មានជើងហោះហើរពី​ប្រទេសចិន ធ្វើតេស្តរកកូវីដមុនឡើងយន្តហោះ​មក​កាន់​តំបន់អឺរ៉ុប។

សូមជម្រាបដែរថា បច្ចុប្បន្ន​ស្ថានភាព​ជំងឺកូវីដ ១៩ នៅ​ប្រទេសចិន​កំពុង​ស្ថិតក្នុងសភាព​គួរ​ឲ្យបារម្ភ បន្ទាប់​ពី​មាន​ការ​ផ្ទុះឡើងវិញ​ទ្រង់ទ្រាយ​ធំ រហូត​លឺ​ដំណឹងថា​មាន​មនុស្ស​ស្លាប់​រាប់​រយ​នាក់​ជារៀងរាល់ថ្ងៃទៀតផង។

យ៉ាងណា រដ្ឋាភិបាល​ចិន​លែងបញ្ចេញ​ទិន្នន័យ​នៃ​អត្រា​អ្នកស្លាប់​ ដោយសារជំងឺមួយនេះទៀតហើយ ប៉ុន្តែសារព័ត៌មានធំៗជាច្រើន​សុទ្ធតែអះអាងថា អត្រាអ្នកស្លាប់​សរុបនៅចិន​ អាចមាន​ដល់​រាប់សែននាក់​ឯណោះ៕

The post រដ្ឋមន្ត្រីក្រសួងសុខាភិបាលបារាំង បង្ហាញក្ដីព្រួយបារម្ភពីស្ថានភាពជំងឺកូវីដ ១៩ នៅចិន appeared first on .

លោក Widodo បានថ្លែងប្រាប់ទៅកាន់សន្និសីទសារព័ត៌មានមួយថា វានឹងគ្មានការរឹងបន្តឹងបន្ថែមទៀត ទៅលើការប្រមូលផ្តុំ ឬការជួបជុំអ្វីទៀតនោះឡើយ ខណ:ការសម្រេចចិត្តនេះ ត្រូវបានធ្វើឡើងភ្លាមៗ ដោយផ្អែកទៅលើតួលេខនៃការធ្លាក់ចុះ ចំពោះករណីឆ្លងជំងឺកូវីដ-១៩ ចុងក្រោយបង្អស់ ។

ប៉ុន្តែយ៉ាងណាក៏ដោយប្រធានាធិតីរូបនេះ នៅតែជំរុញឱ្យប្រជាពលរដ្ឋឥណ្ឌូនេស៊ីទាំងអស់ បន្តមានការប្រុងប្រយ័ត្នខ្ពស់ចំពោះមេរោគរាតត្បាតមួយនេះ រួមទាំងស្នើសុំឱ្យមានការពាក់ម៉ាស់ទាំងនៅក្នុងផ្ទះ និងកន្លែងមានមនុស្សកកកុញច្រើន ។

បន្ថែមពីនេះ រដ្ឋាភិបាលឥណ្ឌូនេស៊ី ក៏នឹងមិនមានផែនការលើការរឹតបន្តឹងចំពោះអ្នកដំណើរមកពីប្រទេសចិនផងដែរ និងបន្តរក្សាច្បាប់បន្ធូរបន្ថយកូវីដ-១៩ របស់ខ្លួន សម្រាប់ភ្ញៀវទេសចរអន្តរជាតិ ។

​ជម្រាបជូនផងដែរថា នៅក្រោមច្បាប់បច្ចុប្បន្ន អ្នកដំណើរបរទេស ដែលចូលមកកាន់ឥណ្ឌូនេស៊ី គឺគ្រាន់តែតម្រូវឱ្យបង្ហាញភស្តុតាងណាមួយ ជុំវិញការចាក់វ៉ាក់សាំងគ្រប់ដូសប៉ុណ្ណោះ ដោយប្រទេសនេះ បានធ្វើការដកចេញ នូវវិធានការធ្វើតេស្ត PCR រួចទៅហើយ កាលពីក្នុងខែឧសភា លុះត្រាតែអ្នកដំណើរមាន​អាការ:​ក្តៅខ្លួនប៉ុណ្ណោះ៕

The post ឥណ្ឌូនេស៊ី ប្រកាសលុបចោលទាំងស្រុងចំពោះវិធានការរឹតបន្តឹងកូវីដ-១៩ ក្នុងប្រទេសខ្លួន appeared first on .