យោងតាមរបាយការណ៍ អគ្គនាយកដ្ឋានកៅស៊ូ បានឱ្យដឹងថា នៅឆមាសទី១ ឆ្នាំ២០២៥នេះ កម្ពុជាបាននាំចេញជ័រកៅស៊ូ ឈើកៅស៊ូ និងផ្គត់ផ្គង់ជ័រកៅស៊ូ ដល់រោងចក្រផលិតសំបកកង់ឡានក្នុងស្រុក គិតជាទឹកប្រាក់ប្រមាណ ៣០៤លានដុល្លារ។ ការនាំចេញនេះ មានការកើនឡើង ៤១.៦១% បើធៀបនឹងរយៈពេលដូចគ្នាកាលពីឆ្នាំ២០២៤។

របាយការណ៍ខាងលើបានបញ្ជាក់ថា រយៈពេល៦ខែនេះ កម្ពុជាបាននាំចេញជ័រកៅស៊ូក្នុងបរិមាណ ១១២ ៥៩៥តោន បានចំណូល ២០៨ ៦៣៣ ៨២៦ដុល្លារ, នាំចេញឈើកៅស៊ូចំនួន ៩៩៤៣ ម៉ែត្រគូប បានចំណូល ២ ៣៥៥ ៤៣៨ដុល្លារ និងលក់ជ័រកៅស៊ូសម្រាប់រោងចក្រក្នុងស្រុក ៥៣ ៣៦១តោន បានចំណូល ៩៣ ៥៤១ ៨៣៣ដុល្លារ។

គួរឱ្យដឹងថា តម្រូវការកៅស៊ូនៅកម្ពុជាកំពុងតែកើនឡើងខ្ពស់ សម្រាប់ផ្គត់ផ្គង់ដល់រោងចក្រផលិតនិងកែច្នៃកង់ឡាននៅកម្ពុជា ដែលសព្វថ្ងៃមានចំនួន៣ បានកំពុងស្រូបទាញកៅស៊ូនៅក្នុងស្រុក។

បច្ចុប្បន្ន កម្ពុជាមានផ្ទៃដីកៅស៊ូសរុប ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៨.៦៤% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១.៣៦%។

កាលពីឆ្នាំ២០២៤ កន្លងទៅកម្ពុជាទទួលចំណូលសរុបពីការនាំចេញផលិតផលកៅស៊ូមានចំនួន ៦៧១,៧លានដុល្លារ កើនឡើងជាង១៥០លានដុល្លារ ធៀបឆ្នាំ២០២៣៕

The post ៦ខែមកនេះ កម្ពុជារកចំណូលបានជាង៣០០លានដុល្លារពីផលិតផលកៅស៊ូ appeared first on .

ក្នុងអំឡុងពេលពិភាក្សាការងារជាមួយអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា កាលពីថ្ងៃទី ១៦ ខែកក្កដា ឆ្នាំ២០២៥នៅទីក្រុងហូជីមិញ សាធារណរដ្ឋសង្គមនិយមវៀតណាម លោក Trương Minh Trung អគ្គនាយករងទី១ នៃក្រុមហ៊ុនកៅស៊ូវៀតណាម Vietnam Rubber group បានឱ្យដឹងថា ក្រុមហ៊ុនរបស់លោក ចង់វិនិយោគដាំកៅស៊ូបន្ថែម៣ម៉ឺនហិកតាទៀតនៅកម្ពុជាដែលអាចបង្កើតការងារធ្វើដល់ពលរដ្ឋកម្ពុជាប្រមាណ១ម៉ឺននាក់បន្ថែមទៀត។

លោក Trương Minh Trung បានឱ្យដឹងទៀតថា គម្រោងវិនិយោគថ្មីនេះ នឹងធ្វើឱ្យការវិនិយោគដាំកៅស៊ូសរុបរបស់ក្រុមហ៊ុននឹងកើនឡើងដល់ ១២ម៉ឺនហិកតា និងបង្កើតការងារ ប្រមាណ៣ម៉ឺននាក់។

ក្នុងជំនួបនោះលោកអគ្គនាយករងទី១ នៃក្រុមហ៊ុនកៅស៊ូវៀតណាម ក៏បានស្នើសុំឲ្យអ្នកឧកញ៉ា គិត ម៉េង ជួយគាំទ្រណែនាំដល់បណ្តាដៃគូរវិនិយោគិនដែលអាចចាប់ដៃគ្នាសហការជាមួយក្រុមហ៊ុនកៅស៊ូវៀតណាម ក្នុងន័យដើម្បីជំរុញវិស័យនេះឲ្យរីកចម្រើនរួមគ្នា។

អ្នកឧកញ៉ា គិត ម៉េង បានមានប្រសាសន៍ថា ជំនួបនេះ មានគោលបំណងដើម្បីស្វែងយល់ ពង្រឹង និងពង្រីកកិច្ចសហប្រតិបត្តិការរួមគ្នាជាពិសេសដើម្បីពង្រឹងចំណងសេដ្ឋកិច្ចជំរុញពាណិជ្ជកម្មនិងការវិនិយោគទ្វេភាគី។

គួរជម្រាបថា អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជានិងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា បានដឹកនាំ គណៈប្រតិភូធុរកិច្ចជាន់ខ្ពស់ទៅកាន់ទីក្រុងហូជីមិញ ប្រទេសវៀតណាម ចាប់ពីថ្ងៃទី ១៤ ដល់ថ្ងៃទី១៦ ខែកក្កដា ឆ្នាំ ២០២៥ដើម្បីពង្រឹងចំណងសេដ្ឋកិច្ច ពាណិជ្ជកម្មនិង ស្វែងរកទីផ្សារកាន់តែទូលំទូលាយសម្រាប់ផលិតផលកម្ពុជា។

តាមរយៈដំណើរទស្សនកិច្ចនេះគណៈប្រតិភូកម្ពុជាទទួលបាននូវកាលានុវត្តភាព ផ្សាភ្ជាប់ទំនាក់ទំនង ស្វែងរកដៃគូសក្តានុពលវិនិយោគ និងការបណ្តាក់ទុនរួមគ្នា៕

The post ក្រុមហ៊ុន កៅស៊ូវៀតណាម នឹងវិនិយោគដាំកៅស៊ូនៅកម្ពុជាប្រមាណ៣ម៉ឺនហិកតាបន្ថែមទៀត appeared first on .

នេះបើតាមរយៈកិច្ចប្រជុំពិភាក្សាការងាររវាង លោក ឃុន កក្កដា អគ្គនាយកស្តីទី នៃអគ្គនាយកដ្ឋានកៅស៊ូ ជាមួយគណៈប្រតិភូក្រុមហ៊ុន HAINAN NATURAL RUBBER INDUSTRY GROUP CO.,LTD ដឹកនាំដោយលោក Pakun Cai នាថ្ងៃទី៦ ខែឧសភា ឆ្នាំ២០២៥។

ក្នុងជំនួបនោះ គណៈប្រតិភូក្រុមហ៊ុនចិនបានបង្ហាញពីបំណងសិក្សាឈ្វេងយល់ និងស្វែងរកឱកាសវិនិយោគបង្កើតរោងចក្រកែច្នៃជ័រកៅស៊ូនៅកម្ពុជា។

បន្ទាប់ពីធ្វើបទបង្ហាញអំពីការវិវឌ្ឍនិងសក្តានុពលកៅស៊ូនៅកម្ពុជា លោក ឃុន កក្កដា បានណែនាំឲ្យក្រុមហ៊ុនរៀបចំផែនការលម្អិតនៃគម្រោងវិនិយោគសាងសង់រោងចក្រ ដើម្បីយកមកពិភាក្សា ហើយអគ្គនាយកដ្ឋានកៅស៊ូ នឹងជួយគាំទ្រនិងសម្របសម្រួលក្នុងការប្រមូលទិញវត្ថុធាតុដើមជ័រកៅស៊ូយកមកកែច្នៃ ជាពិសេសពីសហគមន៍កៅស៊ូគ្រួសារ ដែលបានចងក្រងរួចហើយ។

សូមជម្រាបជូនថា បច្ចុប្បន្ននេះកម្ពុជាមានរោងចក្រ និងសិប្បកម្មកែច្នៃជ័រ និងឈើកៅស៊ូចំនួន ១៧៩កន្លែង កើនឡើងចំនួន៦កន្លែងធៀបឆ្នាំ២០២៣ ក្នុងនោះរោងចក្រកែច្នៃជ័រកៅស៊ូក្រែប ៥៦កន្លែង រោងចក្រកែច្នៃទឹកជ័រខាប់ ១កន្លែង សិប្បកម្មកែច្នៃកៅស៊ូសន្លឹក ១០១កន្លែង និងរោងចក្រកែច្នៃឈើកៅស៊ូ ២១កន្លែង ជាពិសេសប្រភេទដំណាំកៅស៊ូនេះ បានផ្តល់ការងារចំនួន ១៤ម៉ឺនកន្លែង និងជួយគាំទ្រសេដ្ឋកិច្ចគ្រួសារប្រជាពលរដ្ឋចំនួន ៤២ម៉ឺននាក់។

នៅក្នុងឆ្នាំ២០២៤ កម្ពុជាទទួលចំណូលសរុបពីការនាំចេញផលិតផលកៅស៊ូមានចំនួន ៦៧១,៧លានដុល្លារ កើនឡើងជាង១៥០លានដុល្លារ ធៀបឆ្នាំ២០២៣ ខណៈដែលរោងចក្រផលិតសំបកកង់យានយន្តទាំង៣ក្នុងស្រុក បានជួយប្រមូលទិញជ័រកៅស៊ូក្នុងស្រុកចំនួន ៥៨ ០០០តោន គិតជាទឹកប្រាក់ប្រមាណចំនួន ៩៦,៤លានដុល្លារ កើនឡើងជាង ៥០លានដុល្លារ ធៀបឆ្នាំ២០២៣។ នេះបើតាមការបញ្ជាក់របស់រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីចុងខែមករា ឆ្នាំ២០២៥។

The post ក្រុមហ៊ុនមួយមកពីខេត្តហៃណាន ប្រទេសចិន ចង់បង្កើតរោងចក្រច្នៃជ័រកៅស៊ូនៅកម្ពុជា appeared first on .

នេះបើតាមរយៈជំនួបពិភាក្សាការងាររវាងលោក ជា វុទ្ធី ជាមួយគណៈប្រតិភូសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា ដឹកនាំដោយលោក Trương Minh Trung នៅថ្ងៃទី៣ ខែមេសា ឆ្នាំ២០២៥។

លោក ជា វុទ្ធី បានកោតសរសើរចំពោះសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា ដែលបានខិតខំជំរុញការអភិវឌ្ឍឧស្សហកម្មកៅស៊ូនៅកម្ពុជានាពេលកន្លងមក និងបានចូលរួមក្នុងសកម្មភាពសង្គមមួយចំនួន។ លោកក៏បានលើកឡើងពីវត្តមានរបស់ក្រុមហ៊ុនផលិតសំបកកង់យានយន្តនៅកម្ពុជា ដែលបានធ្វើឱ្យមានកំណើននៃតម្រូវការជ័រកៅស៊ូក្នុងស្រុក។

ក្នុងន័យនេះ លោកបានលើកទឹកចិត្តឱ្យសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា ធ្វើការបណ្តាក់ទុនវិនិយោគបង្កើតតំបន់កសិ-ឧស្សាហកម្មមួយដើម្បីប្រមូលផ្តុំក្រុមហ៊ុនធ្វើការកែច្នៃជ័រកៅស៊ូ ដើមកៅស៊ូ ឬកសិផលផ្សេងៗទៀតដែលកំពុងមានសក្តានុពល ដើម្បីផ្គត់ផ្គង់ដល់ឧស្សាហកម្មក្នុងស្រុកដែលកំពុងមានតម្រូវការកើនឡើងពីមួយថ្ងៃទៅមួយថ្ងៃ។

ការឆ្លើយតប លោកប្រធានគណៈប្រតិភូសម្ព័ន្ធឧស្សាហកម្មកៅស៊ូវៀតណាម បានលើកឡើងពីវឌ្ឍនភាពការងាររបស់សម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា និងបានបង្ហាញពីចំណាប់អារម្មណ៍ក្នុងការពង្រីកការវិនិយោគក្នុងវិស័យផលិតថាមពលស្អាតនៅកម្ពុជា ដោយបានស្នើសុំការគាំទ្រពីក្រុមប្រឹក្សាអភិវឌ្ឍន៍កម្ពុជា។

ទន្ទឹមនឹងនោះ លោកក៏បានឯកភាពតាមសំណើរបស់លោក ជា វុទ្ធី ធ្វើការគិតគូរវិនិយោគបង្កើតតំបន់កសិ-ឧស្សាហកម្ម ដើម្បីធ្វើការកែច្នៃកសិផល។

គួរឱ្យដឹងថា ប្រទេសកម្ពុជា គឺជាគោលដៅដ៏សំខាន់បំផុតរបស់ប្រទេសវៀតណាមសម្រាប់ការវិនិយោគលើផលិតកម្មកៅស៊ូធម្មជាតិ និងជាអ្នកនាំចេញកៅស៊ូធម្មជាតិដ៏សំខាន់របស់វៀតណាម។ក្រុមហ៊ុនកៅស៊ូវៀតណាម (Vietnam Rubber Group JSC) គឺជាអ្នកវិនិយោគឈានមុខគេនៅក្នុងកៅស៊ូធម្មជាតិនៅកម្ពុជា៕

The post លោក ជា វុទ្ធី លើកទឹកចិត្តសម្ព័ន្ធឧស្សាហកម្មកៅស៊ូវៀតណាម បណ្តាក់ទុនវិនិយោគបង្កើតតំបន់កសិ-ឧស្សាហកម្ម នៅកម្ពុជា appeared first on .

សិក្ខាសាលាស្តីការលើកកម្ពស់ផលិតកម្មកៅស៊ូ ពាណិជ្ជកម្មនិងការវិនិយោគនៅកម្ពុជានិងវៀតណាម នាថ្ងៃទី២៧ ខែមីនា ឆ្នាំ២០២៥បានឱ្យដឹងថា ប្រទេសកម្ពុជា គឺជាគោលដៅដ៏សំខាន់បំផុតរបស់ប្រទេសវៀតណាមសម្រាប់ការវិនិយោគលើផលិតកម្មកៅស៊ូធម្មជាតិ និងជាអ្នកនាំចេញកៅស៊ូធម្មជាតិដ៏សំខាន់របស់វៀតណាម។ ក្នុងនោះ ក្រុមហ៊ុនកៅស៊ូវៀតណាម (Vietnam Rubber Group JSC) គឺជាអ្នកវិនិយោគឈានមុខគេនៅក្នុងកៅស៊ូធម្មជាតិនៅកម្ពុជា ដែលបច្ចុប្បន្នមានគម្រោងវិនិយោគចម្ការកៅស៊ូចំនួន ១៦ លើផ្ទៃដីជិត ៩០០០០ ហិចតា និងរោងចក្រកែច្នៃចំនួន ៧ នៅក្នុងប្រទេសកម្ពុជា។

សេចក្តីប្រកាសពត៌មានដដែលនេះបានឱ្យដឹងទៀតថា ក្រុមហ៊ុនវៀតណាមផ្សេងទៀត ទាំងរដ្ឋ និងឯកជនបានវិនិយោគលើផលិតកម្មកៅស៊ូធម្មជាតិនៅកម្ពុជាផងដែរ។

សូមបញ្ជាក់ថា ប្រទេសចិន គឺជាទីផ្សារនាំចេញដ៏សំខាន់បំផុតរបស់វៀតណាមសម្រាប់កៅស៊ូធម្មជាតិ ។ ភាគច្រើននៃកៅស៊ូធម្មជាតិដែលផលិតនៅវៀតណាម និងនាំចូលពីកម្ពុជា ត្រូវបាននាំចេញទៅប្រទេសចិន។ ក្នុងឆ្នាំ ២០២៤ វៀតណាមបាននាំចេញកៅស៊ូធម្មជាតិ ១,៤៥ លានតោនទៅកាន់ប្រទេសចិន ដែលមានតម្លៃ ២,៤ ពាន់លានដុល្លារ។ ទីផ្សារនាំចេញសំខាន់ៗផ្សេងទៀតរបស់វៀតណាមរួមមានសហភាពអឺរ៉ុបអាមេរិក កូរ៉េ និងជប៉ុន។

យ៉ាងណាបើតាមរបាយការណ៍របស់អគ្គនាយកដា្ឋនកៅស៊ូ បានឱ្យដឹងថា នៅពេញមួយឆ្នាំ២០២៤ កម្ពុជាផលិតផលជ័រកៅស៊ូបានជាង៤០ម៉ឺនតោន កើនឡើងប្រមាណ៤% បើធៀបនឹងឆ្នាំ២០២៣ រកចំណូលបានជាង៦៦៣លានដុល្លារពីការនាំចេញជ័រកៅស៊ូ និងឈើកៅស៊ូទៅកាន់ទីផ្សារអន្តរជាតិ កើនឡើងជាង៣៤%៕

The post វៀតណាមនាំចូលកៅស៊ូពីកម្ពុជាជិត១លានតោន មានទឹកប្រាក់ជាង១,២ពាន់លានដុល្លារ appeared first on .

ប្រទេសកម្ពុជា គឺជាគោលដៅដ៏សំខាន់បំផុតរបស់ប្រទេសវៀតណាមសម្រាប់ការវិនិយោគលើផលិតកម្មកៅស៊ូធម្មជាតិ និងជាអ្នកនាំចេញកៅស៊ូធម្មជាតិដ៏សំខាន់របស់វៀតណាម។ ក្រុមហ៊ុនកៅស៊ូវៀតណាម (Vietnam Rubber Group JSC) គឺជាអ្នកវិនិយោគឈានមុខគេនៅក្នុងកៅស៊ូធម្មជាតិនៅកម្ពុជា ដែលបច្ចុប្បន្នមានគម្រោងវិនិយោគចម្ការកៅស៊ូចំនួន ១៦ លើផ្ទៃដីជិត ៩០០០០ ហិចតា និងរោងចក្រកែច្នៃចំនួន ៧ នៅក្នុងប្រទេសកម្ពុជា។

សេចក្តីប្រកាសពត៌មានដដែលនេះ បានឱ្យដឹងទៀតថា ក្រុមហ៊ុនវៀតណាមផ្សេងទៀត ទាំងរដ្ឋ និងឯកជនបានវិនិយោគលើផលិតកម្មកៅស៊ូធម្មជាតិនៅកម្ពុជាផងដែរ។ ទិន្នន័យគយរបស់វៀតណាមបង្ហាញថា នៅឆ្នាំ២០២៤ វៀតណាមបាននាំចូលកៅស៊ូធម្មជាតិជិតមួយលានតោនពីកម្ពុជា ឬជាង ៦៤% នៃការនាំចូលសរុបរបស់វៀតណាម ដែលមានតម្លៃជាង ១,២ ពាន់លានដុល្លារ។ បរិមាណនាំចូលពីកម្ពុជាស្ទើរតែស្មើនឹងផលិតកម្មក្នុងស្រុករបស់ប្រទេសវៀតណាម។

ប្រទេសចិន គឺជាទីផ្សារនាំចេញដ៏សំខាន់បំផុតរបស់វៀតណាមសម្រាប់កៅស៊ូធម្មជាតិ ។ ភាគច្រើននៃកៅស៊ូធម្មជាតិដែលផលិតនៅវៀតណាម និងនាំចូលពីកម្ពុជា ត្រូវបាននាំចេញទៅប្រទេសចិន។ ក្នុងឆ្នាំ ២០២៤ វៀតណាមបាននាំចេញកៅស៊ូធម្មជាតិ ១,៤៥ លានតោនទៅកាន់ប្រទេសចិន ដែលមានតម្លៃ ២,៤ ពាន់លានដុល្លារ។ ទីផ្សារនាំចេញសំខាន់ៗផ្សេងទៀតរបស់វៀតណាមរួមមានសហភាពអឺរ៉ុបអាមេរិក កូរ៉េ និងជប៉ុន។ ខណៈពេលដែលមិនមានព័ត៌មានដែលអាចរកបាន ប្រសិនបើកៅស៊ូធម្មជាតិពីវៀតណាមដែលនាំចូលទៅប្រទេសចិនទទួលបានផ្លូវទៅកាន់សហភាពអឺរ៉ុប និងទីផ្សារផ្សេងទៀតនោះ មានការសិន្និដ្ឋានថាផ្នែកនៃការនាំចូលរបស់ចិនត្រូវបាននាំចេញទៅកាន់ទីផ្សារទាំងនេះនៅក្នុងផលិតផលចុងក្រោយកៅស៊ូដូចជាសំបកកង់ និងផលិតផលផ្សេងៗទៀត។

ទីផ្សារអ្នកប្រើប្រាស់សំខាន់ៗដូចជាសហភាពអឺរ៉ុប និងសហរដ្ឋអាមេរិកកំពុងទទួលយកតម្រូវការតឹងរ៉ឹងកាន់តែខ្លាំងឡើងលើភាពស្របច្បាប់ និងគ្មានការកាប់បំផ្លាញព្រៃឈើទាក់ទងនឹងផលិតផលដែលនាំចូលទៅក្នុងទីផ្សារទាំងនេះ។ នៅឆ្នាំ ២០២៣ សហភាពអឺរ៉ុបបានអនុម័តបទប្បញ្ញត្តិស្តីពីការកាប់បំផ្លាញព្រៃឈើ (EUDR) ដែលហាមឃាត់ផលិតផលចំនួន ៧ រួមទាំងកៅស៊ូ ប្រសិនបើការផលិតផលិតផលទាំងនេះបណ្តាលឱ្យមានការកាប់បំផ្លាញព្រៃឈើ។ អ្នកនាំចូលក្នុងសហភាពអឺរ៉ុបត្រូវបានទាមទារដើម្បីធានាថាផលិតផលរបស់ពួកគេស្របច្បាប់ និងគ្មានការកាប់បំផ្លាញព្រៃឈើ។ ផលិតផលត្រូវតែអាចតាមដានត្រឡប់ទៅដីជាក់លាក់នៃដីដែលពួកគេត្រូវបានដាំដុះ។ គេរំពឹងថាការបង្កើនភាពស្របច្បាប់ និងតម្រូវការនិរន្តរភាពនឹងត្រូវបានអនុម័តយ៉ាងទូលំទូលាយនៅក្នុងទីផ្សារសំខាន់ៗនាពេលអនាគត៕

The post កម្ពុជា គឺជាគោលដៅដ៏សំខាន់បំផុតរបស់ប្រទេសវៀតណាមសម្រាប់ការវិនិយោគលើផលិតកម្មកៅស៊ូធម្មជាតិ appeared first on .

នេះបើតាមរយៈជំនួបពិភាក្សាការងាររវាងលោក ឡោ ទិត្យច័ន្ទសុភក្តិ ទីប្រឹក្សាអមក្រុមប្រឹក្សាអភិវឌ្ឍន៍កម្ពុជា និងសមាជិកតុជប៉ុន ជាមួយតំណាងក្រុមហ៊ុន Mitsui &Co. ដែលដឹកនាំដោយលោក Takuma Yatsui កាលពីថ្ងៃទី១៩ ខែមីនា ឆ្នាំ២០២៥។

ក្នុងជំនួបនោះ លោក ឡោ ទិត្យច័ន្ទសុភក្តិ បានជម្រាបជូនតំណាងក្រុមហ៊ុន Mitsui &Co. ដោយសង្ខេបអំពីរចនាសម្ព័ន្ធគ្រប់គ្រងរបស់ក្រុមប្រឹក្សាអភិវឌ្ឍន៍កម្ពុជា ច្បាប់ស្តីពីការវិនិយោគកម្ពុជា សក្តានុពលតាមវិស័យ និងវឌ្ឍនភាពនៃវិនិយោគជប៉ុននៅកម្ពុជា ។ ដោយលោកក៏បានស្នើដល់លោក Takuma Yatsui ធ្វើការពិចារណាចំពោះការវិនិយោគនៅកម្ពុជាផងដែរ ។

ជាការឆ្លើយតបលោក Takuma Yatsui បានសម្តែងនូវការចាប់អារម្មណ៍ចំពោះការវិនិយោគផ្នែកកសិឧស្សាកម្ម ជាពិសេសការកែច្នៃគ្រាប់ស្វាយចន្ទី និងការកែច្នៃជ័រកៅស៊ូនៅក្នុងប្រទេសកម្ពុជា។

ទន្ទឹមនឹងនោះ តំណាងក្រុមហ៊ុន Mitsui &Co. ក៏បានលើកឡើងផងដែរថាកម្ពុជាជាប្រទេសសក្តានុពលមួយក្នុងចំណោមបណ្តាប្រទេសតំបន់អាស៊ីអាគ្នេយ៍ ជាពិសេសសម្រាប់អ្នកវិនិយោគជប៉ុនមកធ្វើការបណ្តាក់ទុនវិនិយោគនៅកម្ពុជា។

សូមជម្រាបថា ក្នុងឆ្នាំ២០២៤កន្លងទៅ ក្រុមហ៊ុនជប៉ុនប្រមាណ៩០ ក្រុមហ៊ុន ​​បានចុះបញ្ជីនៅកម្ពុជា កើនឡើង ២០.៥៥% បើធៀបនឹងឆ្នាំ២០២៣។ ក្រុមហ៊ុនជប៉ុនបានវិនិយោគ រួមមានលើវិស័យឧស្សាហកម្ម កសិកម្ម និងហេដ្ឋារចនាសម្ព័ន្ធ ដែលបានចូល រួមជាវិជ្ជមានដល់ដំណើរអភិវឌ្ឍសង្គម-សេដ្ឋកិច្ចរបស់កម្ពុជា តាមរយៈការបង្កើតការងាររាប់ពាន់កន្លែង ការបណ្តុះបណ្តាលជំនាញ និងផ្ទេរបច្ចេកវិទ្យា ដែលជាការរួមចំណែកពង្រឹងភាពប្រកួត ប្រជែងឧស្សាហកម្ម និងផលិតភាពការងាររបស់កម្ពុជាផងដែរ៕

The post ដំណាំ២ប្រភេទរបស់កម្ពុជា កំពុងទាក់ចិត្តក្រុមហ៊ុនជប៉ុនចង់កែច្នៃវិនិយោគ appeared first on .

នាឱកាសនោះ លោក ឌិត ទីណា បានថ្លែងថា វិស័យកសិកម្មនៅតែបន្តដើរតួនាទីយ៉ាងសំខាន់ក្នុងការធានាសន្តិសុខស្បៀង ចូលរួមទ្រទ្រង់កំណើនសេដ្ឋកិច្ច បង្កើតការងារ និងជួយលើកកម្ពស់ជីវភាពប្រជាពលរដ្ឋ។ ពាក់ព័ន្ធនឹងការងារស្រាវជ្រាវដំណាំកៅស៊ូ លោកបានបញ្ជាក់យ៉ាងលម្អិតថាក្រសួងបានបង្កើតក្លូនកៅស៊ូថ្មីចំនួន០២ គឺ CRRI 12 និង CRRI 19 ដែលផ្ដល់ទិន្នផលខ្ពស់ សមស្របនឹងក្សេត្របរិស្ថានកម្ពុជា និងត្រូវពង្រីកការដាំដុះឱ្យកាន់តែទូលំលាយនាពេលខាងមុខ។

លោករដ្ឋមន្រ្តីបានបញ្ជាក់ថា បច្ចុប្បន្ននេះកម្ពុជាមានរោងចក្រ និងសិប្បកម្មកែច្នៃជ័រ និងឈើកៅស៊ូចំនួន ១៧៩កន្លែង កើនឡើងចំនួន៦កន្លែងធៀបឆ្នាំ២០២៣ ក្នុងនោះរោងចក្រកែច្នៃជ័រកៅស៊ូក្រែប ៥៦កន្លែង រោងចក្រកែច្នៃទឹកជ័រខាប់ ១កន្លែង សិប្បកម្មកែច្នៃកៅស៊ូសន្លឹក ១០១កន្លែង និងរោងចក្រកែច្នៃឈើកៅស៊ូ ២១កន្លែង ជាពិសេសប្រភេទដំណាំកៅស៊ូនេះ បានផ្តល់ការងារចំនួន ១៤ម៉ឺនកន្លែង និងជួយគាំទ្រសេដ្ឋកិច្ចគ្រួសារប្រជាពលរដ្ឋចំនួន ៤២ម៉ឺននាក់។

លោកក៏បានគូសបញ្ជាក់បន្ថែមថា ក្នុងឆ្នាំ២០២៤ ចំណូលសរុបពីការនាំចេញផលិតផលកៅស៊ូមានចំនួន ៦៧១,៧លានដុល្លារ កើនឡើងជាង១៥០លានដុល្លារ ធៀបឆ្នាំ២០២៣ ខណៈដែលរោងចក្រផលិតសំបកកង់យានយន្តទាំង៣ក្នុងស្រុក បានជួយប្រមូលទិញជ័រកៅស៊ូក្នុងស្រុកចំនួន ៥៨ ០០០តោន គិតជាទឹកប្រាក់ប្រមាណចំនួន ៩៦,៤លានដុល្លារ កើនឡើងជាង ៥០លានដុល្លារ ធៀបឆ្នាំ២០២៣។

បើតាមលោករដ្ឋមន្រ្តីកសិកម្ម វិស័យឯកជន គឺជាដៃគូមិនអាចខ្វះបាន និងជាកម្លាំងចលករដ៏សំខាន់ដែលរួមចំណែកដល់ការអភិវឌ្ឍក្នុងវិស័យកសិកម្ម។ ក្នុងន័យនេះ លោកបានគូសបញ្ជាក់ថាក្រសួងកសិកម្ម ទទួលស្វាគមន៍ និងលើកទឹកចិត្តឱ្យមានការវិនិយោគពីវិស័យឯកជនកាន់តែច្រើនថែមទៀត ដែលនឹងជួយបង្កើតការងារ លើកកម្ពស់ប្រាក់ចំណូលប្រជាពលរដ្ឋ ជំរុញការនាំចេញ និងលើកស្ទួយកំណើនសេដ្ឋកិច្ចជាតិ៕

The post បច្ចុប្បន្ន កម្ពុជាមានរោងចក្រ និងសិប្បកម្មកែច្នៃជ័រ និងឈើកៅស៊ូចំនួន ១៧៩កន្លែង appeared first on .

រោងចក្រផលិតសំបកកង់ឡាន សៃលុន បានស្រូបទាញទិន្នផលកៅស៊ូ ប្រមាណជាង ៣០% នៃទិន្នផលកៅស៊ូសរុប គិតតែក្នុងឆ្នាំ ២០២៤ ប្រមាណ ៥ ម៉ឺនតោន និង គ្រោងកែឆ្នៃទិន្នផលកៅស៊ូក្នុងស្រុកប្រមាណ ១ សែនតោន ដោយគិតជាសាច់ប្រាក់ប្រមាណជាង ២០០ លានដុល្លាអាមេរិក ក្នុងឆ្នាំ ២០២៥ ខាងមុខ។

សូមបញ្ជាក់ថា កម្ពុជាមានរោងចក្រផលិតសំបកកង់រថយន្ដចំនួន៣ រួមមាន៖ ១, ក្រុមហ៊ុន CART TIRE CO.,LTD នៅតំបន់សេដ្ឋកិច្ចពិសេស ឈីលូ ជាន ពុចាយ (ខេត្ដស្វាយរៀង) បានដំណើរការនៅឆ្នាំ២០២១ លើទំហំផ្ទៃដី ១២០ហិកតា ក្រោមទុនវិនិយោគជាង១ពាន់លានដុល្លារ។ ២, ក្រុមហ៊ុន GENERAL TIRES TECHNOLOGY (CAMBODIA) CO.,LTD នៅតំបន់សេដ្ឋកិច្ចពិសេស ក្រុងព្រះសីហនុ (ខេត្ដព្រះសីហនុ) បានដំណើរការ នៅឆ្នាំ២០២២ លើទំហំផ្ទៃដី២០ហិកតា ក្រោមទុនវិនិយោគ២៩៧លានដុល្លារ។ ៣, រោងចក្រផលិតសំបកកង់រថយន្ដ ក្រុមហ៊ុន NEWBUSTAR (Cambodia) នៅតំបន់រដ្ឋបាលសេដ្ឋកិច្ចពិសេស យូ ប៊ី អ៊ី ស្នួល ស្ថិតនៅស្រុកស្នួល ខេត្តក្រចេះ តម្លៃជាង១៣៨លានដុល្លារ ដែលបានបើកដំណើរការកាលពីថ្ងៃទី៦ ខែកញ្ញា ឆ្នាំ២០២៤។

លោក ប្រាក់ ដាវីដ  រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ធ្លាប់បានគូសបញ្ជាក់ថា តម្រូវការកៅស៊ូនៅកម្ពុជាកំពុងតែកើនឡើងខ្ពស់ សម្រាប់ផ្គត់ផ្គង់ដល់រោងចក្រផលិតនិងកែច្នៃកង់ឡាននៅកម្ពុជា ដែលសព្វថ្ងៃមានចំនួន៣ និងកើនឡើងបន្ថែមទៀត។ ការណ៍នេះ ទាមទារឱ្យកម្ពុជារៀបចំខ្លួនឱ្យរួចរាល់ ជាពិសេសស ត្រូវមានកម្លាំងពលកម្មដែលមានជំនាញចៀរជ័រកៅស៊ូច្បាស់លាស់ ទើបអាចឈានទៅអភិវឌ្ឍវិស័យកៅស៊ូនៅកម្ពុជាបានជោគជ័យ។

សូមជម្រាបបន្ថែមថា បច្ចុប្បន្ន កម្ពុជាមានផ្ទៃដីកៅស៊ូសរុប ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៨.៦៤% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១.៣៦%។បើគិតត្រឹមរយៈពេល១១ខែ​ ឆ្នាំ២០២៤ ចំណូលពីការនាំចេញជ័រកៅស៊ូ មានចំនួន៥៦៨ ២៧៦ ០៥០ដុល្លារ ចំណែកការនាំចេញឈើកៅស៊ូ មានចំនួន ៤ ៨៧៣ ៨៦៧ដុល្លារ៕

The post រោងចក្រផលិតសំបកកង់ឡានធំមួយនៅកម្ពុជា គ្រោងកែច្នៃកៅស៊ូក្នុងស្រុកប្រមាណ១០ម៉ឺនតោន នៅឆ្នាំ២០២៥ គិតជាទឹកប្រាក់ជាង ២០០ លានដុល្លារ appeared first on .

ក្នុងនោះ ការនាំចេញកៅស៊ូសម្រេចបានចំនួន ៣៩០ ០០០តោន ស្មើនឹងទឹកប្រាក់ចំនួនជាង ៦៤០លានដុល្លារសហរដ្ឋអាមេរិក។

លោក ប្រាក់ ដាវីដ  រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា តម្រូវការកៅស៊ូនៅកម្ពុជាកំពុងតែកើនឡើងខ្ពស់ សម្រាប់ផ្គត់ផ្គង់ដល់រោងចក្រផលិតនិងកែច្នៃកង់ឡាននៅកម្ពុជា ដែលសព្វថ្ងៃមានចំនួន៣ និងកើនឡើងបន្ថែមទៀត។ ការណ៍នេះ ទាមទារឱ្យកម្ពុជារៀបចំខ្លួនឱ្យរួចរាល់ ជាពិសេសស ត្រូវមានកម្លាំងពលកម្មដែលមានជំនាញចៀរជ័រកៅស៊ូច្បាស់លាស់ ទើបអាចឈានទៅអភិវឌ្ឍវិស័យកៅស៊ូនៅកម្ពុជាបានជោគជ័យ។

សូមជម្រាបជូនថា បើតាមរបាយការណ៍អគ្គនាយកដ្ឋានកៅស៊ូ បានឱ្យដឹងថា គិតត្រឹមរយៈពេល១១ខែ​ ឆ្នាំ២០២៤ ចំណូលពីការនាំចេញជ័រកៅស៊ូ មានចំនួន៥៦៨ ២៧៦ ០៥០ដុល្លារ ចំណែកការនាំចេញឈើកៅស៊ូ មានចំនួន ៤ ៨៧៣ ៨៦៧ដុល្លារ។ក្នុងនោះជ័រកៅស៊ូមានតម្លៃ ១,៦៦២ដុល្លារ ក្នុង១តោន កើនឡើងចំនួន៣១៩ដុល្លារ ក្នុង១តោន ស្មើនឹង២៣.៧% ធៀបនឹងរយៈពេលដូចគ្នានៃឆ្នាំមុន។ ចំណែកតម្លៃនៃការនាំចេញឈើកៅស៊ូ ជាមធ្យមក្នុងខែវិច្ឆិកា ឆ្នាំ២០២៤ មានតម្លៃ ២៣១ដុល្លារ ក្នុងមួយម៉ែត្រគីប។

សូមជម្រាបបន្ថែមថា កម្ពុជាមានផ្ទៃដីកៅស៊ូសរុប ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៨.៦៤% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១.៣៦%៕

The post ក្នុងឆ្នាំ២០២៤ កម្ពុជារកចំណូលបានជាង ៦៤០លានដុល្លារ ពីការនាំចេញកៅស៊ូជាង៣៩ម៉ឺនតោន appeared first on .