ដូច្នេះហើយទើបគេសង្កេតឃើញថា គ្រប់សង្ឃសៅលីងទាំងអស់សុទ្ធតែមានរូបរាងធំៗ និងមានសុខភាពមាំទាំ ទាំងចាស់ទាំងក្មេង ដោយសារតែសង្ឃទាំងអស់នោះបានប្រកាន់ខ្ជាប់នូវ​ការហាត់ក្បាច់គុនសៅលីងនេះឯង។

យោងតាមការចុះផ្សាយពីគេហទំព័រ Chineseshaolins បានបង្ហាញថា ក្បាច់គុនសៅលីង ក្រៅពីបង្ហាត់ឲ្យចេះការពារខ្លួន វាក៏ជួយបង្ហាត់ការចិត្តគំនិតរបស់មនុស្ស ដោយបង្រៀនឲ្យចេះគ្រប់គ្រងអារម្មណ៍ មានការតស៊ូ អត់ធ្មត់ជាដើម ព្រោះថាការហាត់ក្បាច់គុណសៅលីង ទាមទារឲ្យមានចិត្តអំណត់ខ្លាំងមែនទែន។

បន្ថែមពីនោះ ក្បាច់គុនសៅលីងក៏មានវិន័យរបស់គេផងដែរ ដោយសង្ឃសៅលីងគ្រប់អង្គមានទម្លាប់ និងវិន័យ ៧យ៉ាងធំៗ អំឡុងពេលហាត់ក្បាច់គុនសៅលីង ដែលមានដូចជា៖

១/សុខភាពគឺត្រូវចាត់ទុកជាអាទិភាព

២/អំណាចនៃការប្ដេជ្ញាចិត្ត

៣/ចេះគ្រប់គ្រងអារម្មណ៍ និងតាំងសមាធិ

៤/មានរបៀបរបបក្នុងការទទួលទានអាហារ

៥/ត្រូវយកគុណភាពច្រើនជាងបរិមាណ

៦/ទម្លាប់អាក្រក់ តែងតែផ្ដល់នូវភាពអវិជ្ជមាន

៧/ចេះស្វែងរកសេចក្ដីស្ងប់ដោយខ្លួនឯង

សូមជម្រាបដែរថា នៅថ្ងៃទី២៤ ខែមេសានេះ ក៏មានការសម្ដែងក្បាច់គុនសៅលីង រួមគ្នាជាមួយក្បាច់គុនល្បុកតោខ្មែរយើង នៅមុខប្រាសាទបាយ័ន ខេត្តសៀមរាប ក្នុងព្រឹត្តិការណ៍ពិព័រណ៍វប្បធម៌ទេសចរណ៍ផងដែរ៕

The post ក្បាច់គុនសៅលីងមិនត្រឹមតែខ្លាំងពូកែ ថែមទាំងផ្ដល់គុណប្រយោជន៍ ៧ចំណុចធំៗថែមទៀត appeared first on .

ការរៀបចំព្រឹត្តិការណ៍នេះឡើង គឺក្នុងគោលបំណងផ្សព្វផ្សាយគោលដៅទេសចរណ៍រួមគ្នារវាងខេត្តហឺណាន និងខេត្តសៀមរាប រួមជាមួយការសម្តែងរួមគ្នារវាងក្បាច់គុនសៅលីញ និងក្បាច់គុនល្បុកត្តោ។ ជាមួយគ្នា ព្រឹត្ដិការណ៍នេះ ក៏រៀបចំឡើងស្របជាមួយនឹងយុទ្ធនាការ «ទស្សនាសៀមរាប ឆ្នាំ២០២៤» និង «ឆ្នាំនៃការផ្លាស់ប្តូរប្រជាជន និងប្រជាជន កម្ពុជា-ចិន ២០២៤» ផងដែរ។

សូមទស្សនារូបភាពដ៏ស្រស់ស្អាត ដូចខាងក្រោម៖

ប្រភពរូបភាព៖ ASEAN Society & Culture

The post ទស្សនារូបភាពស្អាតៗ អស្ចារ្យ នៃក្បាច់គុនសៅលីង ជនជាតិចិន និងក្បាច់គុនល្បុក្កតោ របស់ខ្មែរលើទឹកដីអង្គរ appeared first on .

នៅក្នុងជំនួបនោះ រដ្ឋមន្រ្តីក្រសួងទេសចរណ៍ បានលើកឡើងថា ក្នុងឱកាសខួបទី៦៥ នៃចំណងការទូតនៃប្រទេសទាំងពីរ ឆ្នាំ២០២៣ ក្រសួងទេសចរណ៍និង CAMSOC កំពុងគិតគូររៀបចំការងារមួយចំនួន ដោយមានការពិភាក្សាគ្នារវាងថ្នាក់អគ្គនាយកអន្តរជាតិ នៃក្រសួង ទេសចរណ៏កម្ពុជាជាមួយក្រសួងវប្បធម៌ និងទេសចរណ៍ចិន រួចហើយ នាអំឡុងទស្សនកិច្ចផ្លូវការរបស់ សម្ដេចតេជោនាយករដ្ឋមន្ត្រី នៅប្រទេសចិនថ្មីៗនេះ ដូចជា ការសម្ដែងសិល្បៈរួមគ្នា ជាក្បាច់គុនសៅលិញ និងល្បុកក្តោ មុនព្រឹត្តិការណ៍ស៊ីហ្គេម។ ក្នុងន័យនេះ លោក ក៏បានសំណូមពរទៅភាគីចិន ឲ្យបញ្ជូនអ្នកហាត់ក្បាច់គុនសៅលិញ មកសម្តែងជាមួយអ្នកហាត់ក្បាច់គុនល្បុកត្តោផងដែរ។

ទន្ទឹមនឹងសំណូមពរនោះ លោក ក៏ចង់ឲ្យមានការរៀបចំនូវការប្រយុទ្ធគ្នា៤-៥គូ រវាងអ្នកហាត់ក្បាច់គុនសៅលិញ និងអ្នកហាត់ក្បាច់គុនខ្មែរ។ ជាមួយគ្នានោះ រដ្ឋមន្រ្តីក្រសួងទេសចរណ៍ បានអញ្ជើញគណៈប្រតិភូខេត្តហាយណាន មកចូលរួមពិធីបើកព្រឹត្តិការណ៍ស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ ផងដែរ។

ជាការឆ្លើយតប លោក សិន តានយ៉ាង បានលើកឡើងថា កម្ពុជា និងខេត្តហៃណាន មានទំនាក់ទំនងលើវិស័យសេដ្ឋកិច្ច ពាណិជ្ជកម្ម ទេសចរណ៍ និងវប្បធម៌, ដើម្បីពិភាក្សា និងផ្លាស់ប្តូរបទពិសោធន៍ក្នុងការអភិវឌ្ឍទេសចរណ៍រវាងកម្ពុជា និងខេត្តហៃណាន និងដើម្បីពង្រឹងទំនាក់ទំនងកិច្ចសហប្រតិបត្តិការសេដ្ឋកិច្ចទេសចរណ៍ ជាមួយប្រទេសអាស៊ានផងដែរ។ចំពោះព្រឹត្តិការណ៍ស៊ីហ្គេមខាងមុខ លោក ឱ្យដឹងថា ភាគីទាំងពីរនឹងគាំទ្រគ្នាទៅវិញទៅមក។ទន្ទឹមនឹងនោះ លោក ក៏បានអញ្ជើញភាគីខាងកម្ពុជា ទៅចូលរួមវេទិកាបូអាវ នៅចុងឆ្នាំ២០២៣នេះ ផងដែរ៕

The post កម្ពុជា មានបំណងចង់ឱ្យក្បាច់គុនល្បុកត្តោ និងក្បាច់គុនសៅលិញរបស់ចិន សម្តែងរួមគ្នានៅភ្នំពេញ មុនព្រឹត្តិការណ៍ស៊ីហ្គេម appeared first on .

កិច្ចពិភាក្សានេះ ត្រូវបានធ្វើឡើងដោយគណៈប្រតិភូជួរមុខក្រសួងទេសចរណ៍កម្ពុជា ដឹកនាំដោយ លោក ហង្ស សណ្តាប់ អនុរដ្ឋលេខាធិការក្រសួងទេសចរណ៍ ជាមួយលោក ស្ស៉ឺ ចឺអ៉ី (Shi Zeyi) អនុប្រធានការិយាល័យផ្លាស់ប្តូរទំនាក់ទំនង និងកិច្ចសហប្រតិបត្តិការអន្តរជាតិ នៃក្រសួងវប្បធម៌និងទេសចរណ៍ចិននាថ្ងៃទី៨ ខែកុម្ភៈ ឆ្នាំ២០២៣នេះ។

ភាគីទាំងពីរ បានពិភាក្សាគ្នាផ្តោតលើចំនុចសំខាន់ៗចំនួន១០រួមមាន៖

 ១. អបអរសាទរខួប៦៥ឆ្នាំនៃការបង្កើតទំនាក់ទំនងការទូតរវាងកម្ពុជា-ចិន ក្នុងក្របខ័ណ្ឌសហគមន៍ជោគវាសនារួមគ្នាតែមួយ។

 ២. ការបណ្តុះបណ្តាល ពង្រឹងសមត្ថភាពធនធានមនុស្សជូនមន្រ្តីរាជការ និងភាគីពាក់ព័ន្ធក្នុងវិស័យទេសចរណ៍ មានដូចជា មគ្គុទេសក៍ទេសចរណ៍ និងបុគ្គលិកជួរមុខ ដែលនិយាយភាសាចិន ជាពិសេសស្នើសុំភាគីចិនចូល រួមការផ្តល់យោបល់ធាតុចូលថ្មីៗ ដើម្បីធ្វើបច្ចុប្បន្នភាពទៅលើសៀវភៅស (China Ready) ស្របតាម និន្នាការទេសចរណ៍ក្រោយវិបត្តិកូវីដ-១៩។

៣. ជំរុញឱ្យមានការហោះហើរត្រង់ពីគោលដៅសំខាន់ៗនៃប្រទេសចិនមកកាន់កម្ពុជា ក្រោយពីកែសម្រួលវិធានការណ៍។

៥. លើកទឹកចិត្តការរៀបចំខ្សែទស្សនកិច្ចរបស់ផ្នែកឯកជនក្នុងវិស័យទេសចរណ៍របស់ប្រទេសទាំង២។

៦. ជំរុញឱ្យមានខ្សែទស្សនកិច្ចទេសចរណ៍ ពិសេសរវាងរដ្ឋ និងឯកជននៃប្រទេសទាំង២។

៧. ព្រឹត្តិការណ៍ SEA Games លើកទី៣២ និង ASEAN Para Games លើទី១២ ឆ្នាំ២០២៣។

៨. ការរៀបចំព្រឹត្តិការណ៍កីឡាភ្ជាប់ជាមួយវេទិកាធុររកិច្ច វិនិយោគទេសចរណ៍ ពាណិជ្ជកម្មកម្ពុជា-ចិន។

៩. សហការរៀបចំពិព័ណ៌ម្ហូបអាហារ តន្រ្តី វប្បធម៌ កីឡា ដែលមានការចុះបញ្ជីទទួលស្គាល់ពីអង្គការបេតិកភ័ណ្ឌពិភពលោក UNESCO។

១០. ការរួមគ្នាសម្តែងសិល្បក្បាច់ប្រដាល់បុរាណខ្មែរ (ល្បុកតោ) និងការសម្តែងក្បាច់គុណចិនសៅលីង (Shaolin) ដែលមានបញ្ជីទទួលស្គាល់ពីអង្គការបេតិកភ័ណ្ឌពិភពលោក UNESCO ថ្មីៗ ដើម្បីអបអរសាទរខួបលើកទី៦៥ឆ្នាំ នៃការបង្កើតទំនាក់ទំនងការទូតរវាងកម្ពុជា-ចិន និងឆ្នាំទស្សនាកម្ពុជា ២០២៣។

ពាក់ព័ន្ធកិច្ចសហការជាមួយចិននេះដែរ នាយករដ្ឋមន្រ្តីសម្តេចតេជោហ៊ុន សែន ក៏នឹងអញ្ជើញទៅបំពេញទស្សន​កិច្ចផ្លូវការនៅប្រទេសចិន ចាប់ពីថ្ងៃទី៩-១១ ខែកុម្ភៈខាងមុខ។ ទស្សនកិច្ច គឺជាប្រវត្តិសាស្រ្តមួយរបស់ឥស្សរជនកំពូលបរទេសទី១មកចិន ក្រោយពីធីបុណ្យចូលឆ្នាំថ្មីប្រពៃណីជាតិចិន ក្នុងន័យរឹតបន្តឹងចំណងមិត្តភាពដៃគូកិច្ចសហប្រតិបត្តិការយុទ្ធសាស្រ្តគ្រប់ជ្រុងជ្រោយ និងជំរុញការកសាងសហគមន៍ជោគវាសនារួមក្នុងយុគសម័យថ្មីឱ្យបានកម្រិតថ្មីមួយទៀត ហើយក៏បានបង្កើតឱកាសមាសដល់ប្រតិភូក្រសួងទេសចរណ៍កម្ពុជាបានចូលជួបពិភាក្សាការងារផ្ទាល់ជាមួយសាមីក្រសួងក្រោយវិបត្តិកូវីដ-១៩៕

អត្ថបទ៖​ពិសី

The post កម្ពុជា-ចិន ចង់បង្កើតការសម្តែងរួមគ្នានូវក្បាច់គុនល្បុកតោ និងក្បាច់គុនសៅលីង ដើម្បីអបអរខួប៦៥ឆ្នាំ appeared first on .