កិច្ចប្រជុំនេះក៏មានការអញ្ជើញចូលរួមពីសំណាក់តំណាងក្រសួង ស្ថាប័នដែលមានការពាក់ព័ន្ធរួមមាន៖​ ក្រសួងមហាផ្ទៃ, ក្រសួងការពារជាតិ, ក្រសួងការងារ និងបណ្តុះបណ្តាលវិជ្ជាជីវៈ, ក្រសួងសង្គមកិច្ច អតីតយុទ្ធជន និងយុវនីតិសម្បទា និងមានការចូលរួមដោយផ្ទាល់ពីសំណាក់ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ, នាយឧត្តមសេនីយ៍ ស ថេត អគ្គស្នងការនគរបាលជាតិ, ឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ព្រមទាំងព្រះរាជអាជ្ញានៃអយ្យការអមសាលាជម្រះក្តីមួយចំនួន។

កិច្ចប្រជុំនេះត្រូវបានរៀបចំឡើង ក្នុងគោលបំណងពិនិត្យ ពិភាក្សាលើទិដ្ឋភាពច្បាប់ និងវិធានការចាំបាច់និងសមស្រប ដែលអាចប្រើប្រាស់សម្រាប់ឆ្លើយតបទៅនឹងបញ្ហាក្មេងទំនើង សំដៅម៉្យាងអាចឱ្យក្មេងទំនើងបំពេញការងារ ឬធ្វើសកម្មភាពមួយចំនួនដែលគាំទ្រដល់ផលប្រយោជន៍នៅតាមបណ្តោយព្រំដែន និងម៉្យាងទៀត អាចឱ្យក្មេងទំនើងទទួលការអប់រំ កែប្រែ និងស្តារនីតិសម្បទា ដើម្បីធានាការធ្វើសមារហណកម្មចូលមកសង្គមវិញដោយជោគជ័យ និងបានកែប្រែខ្លួនពីក្មេងទំនើងមកជាពលរដ្ឋល្អវិញ ស្របតាមអនុសាសន៍ដឹកនាំដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

សូមបញ្ជាក់ថា សម្តេចធិបតី ធ្លាប់បានលើកឡើងថានឹងបញ្ជូនក្មេងទំនើងឱ្យទៅជួយការងារនៅសមរភូមិជួរមុខ ដូចជាការចាក់ពុម្ពបេតុងធ្វើលេណដ្ឋានជូនកងទ័ព ដើម្បីឱ្យពួកគេយល់ពីការលំបាក និងមានស្មារតីស្នេហាជាតិ ជាជាងការដាក់ពន្ធនាគារតែមួយមុខ។ប៉ុន្តែមិនមែនយកពួកគេទៅកាន់អាវុធឡើយ។

The post អន្តរស្ថាប័ន បើកកិច្ចពិភាក្សាលើក្របខ័ណ្ឌច្បាប់ពាក់ព័ន្ធនឹងវិធានការដែលត្រូវអនុវត្តចំពោះករណីក្មេងទំនើង​ appeared first on .

នាឱកាសនោះ លោករដ្ឋមន្ត្រី ជា សុមេធី បានឱ្យដឹងថា កំលុងពេលកម្ពុជាជួបនូវវិបត្តិនានានេះ រាជរដ្ឋាភិបាលបានបញ្ចេញ​កញ្ចប់ថវិកា​សរុបជាង ១៤០០លានដុល្លារលើកម្មវិធីជំនួយសង្គមចំនួន៥។ កម្មវិធីជួយសង្គមទាំង​៥នោះ​រួមមាន៖

១៖ កម្មវីធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ ដោយបានផ្តល់សេវាជូនអ្នក ទទួលផលសរុបចំនួនជាង ៣៦ម៉ឺននាក់ ចំណាយថវិកា ៣២លានដុល្លារ។ កម្មវិធីនេះ ជាកម្មវិធី​អចិន្ត្រៃយ៍​។

២៖ កម្មវីធីឧបត្ថម្ភសាច់ប្រាក់ជូនដល់គ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ​-១៩ ដោយអនុវត្តបាន ចំនួន ៤២លើក គិតត្រឹមថ្ងៃទី២៤ ខែមករា ឆ្នាំ២០២៤ និងបានបើកផ្ដល់ដល់​គ្រួសារក្រីក្រក្នុងវង្វង់ ៧១ម៉ឺនគ្រួសារ ដោយចំណាយថវិកាអស់ប្រមាណជាង ១,៣០៦លានដុល្លារ។

៣៖ ជំនួយសង្គមជាសាច់ប្រាក់ក្រោយពេលបិទខ្ទប់ សម្រាប់ប្រជាពលរដ្ឋមានការលំបាកផ្នែកជីវភាព, ប្រជា​ពលរដ្ឋ និងគ្រួសារដែលមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាព, និងគ្រួសារ ប្រជាពលរដ្ឋដែលមានអ្នកស្លាប់ដោយសារជំងឺកូវីដ-១៩ ក្នុងព្រឹត្តិការណ៍ «២០ កុម្ភៈ ២០២១» ដែល បានអនុវត្តពីថ្ងៃទី១០ ខែកក្កដា ឆ្នាំ២០២១ និងបានបិទបញ្ចប់ក្នុងខែតុលា ឆ្នាំ២០២១ និងបានបើក​ផ្ដល់​ដល់អ្នកទទួលផលចំនួន ១២៩,៦៦៦គ្រួសារ ដោយចំណាយថវិកាចំនួន ៦.៦៨លានដុល្លារ។

៤៖ កម្មវិធីជំនួយសង្គមជាសាច់ប្រាក់ជូនគ្រួសាររងហានិភ័យ ដែលរងផលប៉ះពាល់ធ្ងន់ធរពីគ្រោះ​ទឹក​ជំនន់ ដែលបានអនុវត្តនៅថ្ងៃទី១០ ខែធ្នូ ឆ្នាំ២០២២ ហើយបិទបញ្ចប់នៅថ្ងៃទី១០ ខែមីនា ឆ្នាំ២០២៣ ដែលបើកផ្ដល់ដល់អ្នកទទួលផលសរុបចំនួន ៩៩,១៦៩គ្រួសារ ដោយចំណាយថវិកាសរុប ១១.៧០លានដុល្លារ។

៥៖ កម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យក្នុងអំឡុងពេលមានសម្ពាធអតិផរណាដែល បាន​ចាប់ផ្តើមអនុវត្តនៅខែធ្នូ ឆ្នាំ២០២២ និងបញ្ចប់នៅខែកក្កដា ឆ្នាំ២០២៣ មានអ្នកទទួលផលសរុប ចំនួន ៤៩៥,៣០៧គ្រួសារ ដោយចំណាយថវិកាចំនួន ៤៤លានដុល្លារ។

គួរបញ្ជាក់ដែរថា ក្រសួងសង្គមកិច្ច បច្ចុប្បន្នកំពុងដើរតួនាទីដ៏សំខាន់អនុវត្ត «កម្មវិធី​ជាតិ​ជំនួយសង្គមក្នុងកញ្ចប់គ្រួសារ» និង «កម្មវិធី​កិច្ច​គាំពារសង្គមឆ្លើយតបនឹងគ្រោះអាសន្ន» ដែល​ប្រកាសដាក់ឱ្យអនុវត្តកាលពីថ្ងៃទី៥ ខែធ្នូ ឆ្នាំ២០២៣កន្លងទៅ ដោយសម្តេច ធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

កម្មវិធីជាតិជំនួយសង្គមក្នុងកញ្ចប់គ្រួសារនេះ នឹងផ្តល់ប្រយោជន៍ដល់គ្រួសារមានបណ្ណសមធម៌​ប្រមាណ ៧០ម៉ឺនគ្រួសារ ស្មើនឹង ២,៨លាននាក់ ដោយគ្រោងនឹងចំណាយថវិកាប្រមាណ ៦៧៤,៥ប៊ីលានរៀល ស្មើនឹង ១៦៥លានដុល្លារក្នុងឆ្នាំ២០២៤។នេះបើតាមលោករដ្ឋមន្រ្តី ជា សុមេធី បានសង្កត់ធ្ងន់បន្ថែម៕អត្ថបទ៖ រង្សី

The post រដ្ឋបានចំណាយថវិកាជាង ១៤០០លានដុល្លារ ដើម្បីជួយអន្តរាគមន៍លើកម្មវិធីជំនួយសង្គមចំនួន៥ appeared first on .

ក្នុងបទសម្ភាសន៍​ពី​ជីវប្រវត្តិ​របស់​លោក ជាមួយ​នឹងសារព័ត៌មាន​ក្នុងស្រុកមួយ កាល​ពី​ពេល​កន្លង​ទៅ លោក ឈឹម វាសនា ​បាន​​ឱ្យ​ដឹង​ថា លោក​​ជា​កូនគ្រួសារ​កសិករក្រីក្រ​មួយ​ ស្ថិតនៅភូមិជំរុំសៀម សង្កាត់លលកស ទីរួមខេត្តពោធិ៍សាត់ និង​ជាកូនទី៦ ចំណោមបងប្អូន៧នាក់ ដែលឪពុកម្តាយបានស្លាប់ចោលតាំងពីខ្លួននៅតូច។ បន្ទាប់មក​ លោក​ត្រូវបានស្ត្រីម្នាក់យកទៅចិញ្ចឹម ប៉ុន្តែក្រោយមកម្តាយចិញ្ចឹមរូបនេះ ក៏បាន​លាចាក​លោក​ចោល​ទៀត នៅឆ្នាំ២០០៣។

ក្រោយមក​លោក​បាន​ចាក​ចេញ​ពី​ស្រុក​កំណើត​ ​មកកាន់​​រាជធានីភ្នំពេញ ធ្វើ​ជា​សន្តិសុខ ​ដោយ​ទទួល​បាន​ប្រាក់ខែ​ត្រឹម​ ៤៥ដុល្លារ ​​ប៉ុន្តែ​ឆ្លៀតសន្សំ​លុយ​រៀន​បណ្តើរៗ។ បន្ទាប់​មក​ទៀត លោក​មាន​ឱកាស​បាន​ស្គាល់​អង្គរក្ស​សម្តេច​អគ្គមហាធម្មពោធិសាលកិត្តិព្រឹទ្ធបណ្ឌិត​ ជា ស៊ីម ហើយ​បុរស​រូប​នោះ ក៏​បាន​ជួយណែនាំ​ឱ្យ​រូបលោក​ចូល​បម្រើការងារ​ក្នុង​កង​អង្គរក្ស​សម្តេច​ ជា ស៊ីម និង​ទទួល​បាន​ឱកាស​សិក្សា​ចប់​បរិញ្ញាបត្រ​រង​ផ្នែក​ច្បាប់។

ចុងឆ្នាំ២០០៨ ​​កងកម្លាំង​រូប​នេះ​ត្រូវ​បាន​ថ្នាក់លើ ចាត់​ឱ្យ​ទៅ​បំពេញ​បេសកកម្ម​នៅ​កំពូល​ភ្នំ​ប្រាសាទព្រះវិហារ អស់​រយៈពេល​ជិត​២ឆ្នាំ អំឡុង​ពេល​ប្រទេស​កំពុង​មាន​ភាព​តានតឹង​ជាមួយ​នឹង​ប្រទេសថៃ។ ក្រោយ​មក លោក​បាន​ដាក់ពាក្យ​ព្យួរ​ពី​អង្គភាព ទៅ​ធ្វើ​ជា​អ្នកបើកបរ​ឱ្យ​ក្រុមហ៊ុន​ឯកជនមួយ អស់​រយៈពេល​ជិត​ ២ឆ្នាំ និង​បន្ទាប់មកទៀត លោកមាន​ឱកាស​ទៅ​បើក​រថយន្ត​ជូន​​អ្នកឧកញ៉ា​ម្នាក់ និង​ឆ្លៀត​ពេល​រៀន​បន្ត​​​នៅ​ពេល​យប់ រហូត​ចប់​បរិញ្ញាបត្រ​ផ្នែក​ច្បាប់។

នៅឆ្នាំ២០១៤ លោក ឈឹម វាសនា ក៏​បាន​ធ្វើ​ជា​អ្នកបើកបររថយន្ត និង​ធ្វើ​ជា​អង្គរក្ស​របស់​លោក​ឧកញ៉ា​មួយ​រូប​ទៀត​ ដែល​ជា​ម្ចាស់​ហាង​ពេជ្រ​មួយ​កន្លែង នៅ​ម្តុំ​ផ្សារ​ធំថ្មី ក្នុង​​រាជធានីភ្នំពេញ។ ឆ្នាំ២០១៥ លោក​បាន​ឈប់​ធ្វើ​ជា​អ្នក​បើកបរ និង​មក​​ធ្វើ​ជា​នាយកប្រតិបត្តិ​នៃ​ក្រុមហ៊ុន​ធំ​មួយ និង​បាន​សន្សំ​លុយកាក់​​អាច​រៀប​អាពាហ៍ពិពាហ៍​ជាមួយ​ភរិយា​នៅ​ស្រុកកំណើត។

ក្រោយ​រៀបការ លោក​បាន​លាឈប់​ពី​តួនាទី​នាយកប្រតិបត្តិ និង​ងាក​មក​បើក​​មុខ​របរ​ផ្ទាល់​ខ្លួន ជា​អ្នក​លាង​រថយន្ត និង​ទិញ-លក់​រថយន្ត ប៉ុន្តែ​ត្រូវ​រងការ​ខាតបង់​យ៉ាង​ធ្ងន់ធ្ងរ។ បន្ទាប់មក ប្តីប្រពន្ធ​អ្នក​ទាំង​ពីរ សល់​លុយ​ខ្លះ​ពី​ការ​ខាតបង់ ក៏​ទៅ​ទិញដី​សម្រាប់​ពុះឡូត៍​លក់ ក្នុង​វិស័យ​អចលនទ្រព្យ​វិញ​ម្តង ក្នុង​ឆ្នាំ២០១៧ ផ្តើម​ពី​ដី​ទំហំ​ត្រឹម ១,៥​ហិកតា និង​មាន​ឱកាស​រីកចម្រើន​ជា​បន្តបន្ទាប់ ធ្វើ​ឱ្យ​លោក​​​អាច​ជួយ​ដល់​ការងារ​សង្គម​ជា​ច្រើន រហូតលោកអាច​ទទួល​បាននូវ​មេដាយ «ជាតូបការ» ​​កាលពី​ថ្ងៃទី២៨ ខែកុម្ភៈ ឆ្នាំ២០១៩។

សូម​ជម្រាប​ថា លោក ឈឹម​ វាសនា ដែល​ទទួល​បាន​សញ្ញាបត្រ​​បណ្ឌិតកិត្តិយស ផ្នែករដ្ឋបាលសាធារណៈ ពីទីក្រុងប៉ារីស ប្រទេសបារាំង ធ្លាប់​ទទួល​ការ​តែងតាំង​ជា ​​ទីប្រឹក្សាក្រសួងធម្មការ និងសាសនា ឋានៈស្មើ​អនុរដ្ឋលេខាធិការ កាល​ថ្ងៃទី២៤ ខែកក្កដា ឆ្នាំ២០២០ ហើយ​លោក​​ត្រូវ​បាន​សម្តេចព្រះមហាសង្ឃរាជ បួរ គ្រី ព្រះប្រធានគណៈសង្ឃនាយក នៃគណៈធម្មយុត្តិកនិកាយ នៃព្រះរាជាណាចក្រកម្ពុជា តម្លើងតួនាទីជា «ឧត្តម​ទីប្រឹក្សាផ្ទាល់» សម្តេចព្រះមហាសង្ឃរាជ នៃគណៈធម្មយុត្តិកនិកាយ បញ្ញត្តិគោរម្យងា «រាជវាសនាកិច្ចាធិបតី» កាលពីថ្ងៃទី២៥ ខែមករា ឆ្នាំ២០២២។

នៅ​ថ្ងៃទី​២៨ ខែមីនា ឆ្នាំ២០២២ សម្តេចអគ្គមហាពញាចក្រី ហេង សំរិន ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ​​ក៏​បាន​សម្រេច​តែងតាំង​លោក ឈឹម វាសនា ជា​ទីប្រឹក្សា​អម​អគ្គលេខាធិការដ្ឋាន​ក្រុម​ប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ផងដែរ៕

The post អតីតអ្នកបើកឡានឱ្យឧកញ៉ាមួយរូប ទទួលការតែងតាំងជា «អនុរដ្ឋលេខាធិការ» ក្រសួងសង្គមកិច្ច appeared first on .