លិខិតតែងតាំងចំនួនពីរទំព័រចុះហត្ថលេខាដោយលោក ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ សម្រេចតែងតាំងលោកផ្ទាល់ជាប្រធាន ព្រមទាំំងតែងតាំងជាសមាជិកចំនួន៦រូប រួមមាន៖ លោក ដាវ អានសាន រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍, លោក ជា កុកហុង អគ្គនាយករងនៃអគ្គនាយកដ្ឋានគោលនយោបាយក្រសួងសេដ្ឋកិច្ច និងហិរញ្ញវត្ថុ,  អ្នកឧកញ៉ា សៀ ឬទ្ធី ស្ថាបនិក និងជាប្រធានក្រុមប្រឹក្សាភិបាលនៃក្រុមហ៊ុន វើលដ៏ប្រ៊ីដគ្រុប, ឧកញ៉ា សុខ ពិសិដ្ឋ សហស្ថាបនិក និងនាយកប្រតិបត្តិក្រុមហ៊ុន ជីហ្គៀ​គ្រុប, លោក ហោ សេរីវឌ្ឍន៍ ប្រធានក្រុមប្រឹក្សាភិបាលសមាគមវិនិយោគ នវានុវត្តន៍ និងអភិវឌ្ឍន៍ និងលោក ឈៀង វណ្ណមុនិណ្ឌ នាយកប្រតិបត្តិសហគ្រិនខ្មែរ​ ។

កាលពីថ្ងៃទី៣០ ខែតុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានចេញអនុក្រឹត្យស្តីពីការបង្កើតសហគ្រិនខ្មែរ ជាបរធនបាលកិច្ច ដើម្បីកៀរគរ គ្រប់គ្រង និងចាត់ចែងបរធនពីប្រភពស្របច្បាប់នានាសម្រាប់គាំទ្រដំណើរការអភិវឌ្ឍន៍ប្រព័ន្ធអេកូឡូស៊ីសហគ្រិន សហគ្រាសធុនមីក្រូតូច និងមធ្យម និងធុរកិច្ចថ្មីនានា ដែលឆ្លើយតបនឹងតម្រូវការនៃវិស័យឯកជនប្រកបដោយប្រសិទ្ធភាព​ និងចីរភាព។

នៅក្នុងអនុក្រឹត្យរបស់រាជរដ្ឋាភិបាល មាត្រា ៤ បានបញ្ជាក់ថា ប្រភពបរធននៃ ស.គ.ខ បានពីថវិកាជាតិ ដៃគូរអភិវឌ្ឍន៍ វិស័យឯកជន និងប្រភពស្របច្បាប់ផ្សេងទៀត៕

The post អ្នកឧកញ៉ា ឧកញ៉ា ២រូបតែងតាំងឲ្យស្ថិតក្នុងសមាសភាពដឹកនាំក្រុមប្រឹក្សាបរធនបាលសហគ្រិនខ្មែរ appeared first on .

លោកស្រី ហ៊ាង អូមួយ នាយកប្រតិបត្តិនៃក្រុមហ៊ុនបច្ចេកវិទ្យា អាឌីទី លើកឡើងនៅក្នុងវេទិកាលើកទឹកចិត្តកុមារនិងយុវតី និងចំណាប់អារម្មណ៍លើការសិក្សាស្តែម (Stem) ក្នុងពិធីបើកទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ លើកទី១ ក្រោមប្រធានបទ«កសាងមូលដ្ឋានគ្រឹះ ដើម្បីទាំងអស់គ្នា» នៅថ្ងៃទី ២៦ ខែ មីនា ឆ្នាំ២០២៣នេះថា ដោយសារមានការជំរុញលើកកម្ពស់ពីរាជរដ្ឋាភិបាល ធ្វើឱ្យស្រ្តីនៅក្នុងបច្ចេកវិទ្យាមានការកើនឡើងច្រើន ក្នុងនោះក្រុមហ៊ុនបច្ចេកវិទ្យា អាឌីទី ក៏ជាផ្នែកមួយយ៉ាងសំខាន់ ក្នុងការពិគ្រោះ ផ្តល់យោបល់ និងជួយជ្រោមជ្រែងបច្ចេកវិទ្យាដល់ស្ត្រី ដើម្បីឱ្យស្រី្តក្នុងធុរកិច្ច ក៏ដូចស្រី្តក្នុងអាជីវកម្ម អាចប្រើប្រាស់បច្ចេកវិទ្យាជាយាន សម្រាប់កិច្ចប្រតិបត្តិការអាជីវកម្មរបស់ពួកគាត់។

លោកស្រីមានប្រសាសន៍ថា« ស្តី្រដែលមានអាជីវកម្ម បានបត់បែនទម្លាប់របស់ខ្លួនជាច្រើនក្នុងការចាប់យកបច្ចកវិទ្យាសម្រាប់ការធ្វើអាជីវកម្ម ដូចជាការធ្វើអាជីវកម្មតាមអនឡាញជាដើម ទោះបីពួកគាត់មិនមែនអ្នកបច្ចេកវិទ្យា តែពួកគាត់កំពុងប្រើប្រាស់បច្ចេកវិទ្យាសម្រាប់អាជីវកម្ម ដើម្បីជួយសម្រួលដល់កិច្ចទំនាក់ទំនងក្នុងពាណិជ្ជកម្ម និងសម្រួលដល់លក់ដូរជាដើម។ បច្ចុប្បន្នយើងឃើញការប្រើប្រាស់បច្ចេកវិទ្យាកំពុងមានសម្ទុះរីកចម្រើនច្រើន ហើយយើងរំពឹងថា ស្រ្តីនៅក្នុងវិស័យបច្ចេកវិទ្យា នៃយុគសម័យបដិវត្តន៍ឧស្សាហកម្ម ៤.០ នឹងមានភាពលូតលាស់ការីកចម្រើនកាន់តែខ្លាំងក្លាថែមទៀត»។

លោកស្រី ជា រដ្ឋា អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងថា យុវជន ជាពិសេសយុវនារី គឺចូលចិត្តណាស់លើផ្នែកបច្ចេកវិទ្យា និងមានភាពវ័យឆ្លាតក្នុងការចាប់យកបច្ចេកវិទ្យាសម្រាប់អាជីពរបស់ពួកគាត់ផ្សេងៗ ហើយសម្រាប់បញ្ហានេះ ក្រសួងក៏បានខិតខំប្រឹងប្រែងយ៉ាងខ្លាំង ជាក់ស្តែងព្រឹត្តិការណ៍ពិរពណ័នេះ ជាការបង្ហាញឱ្យឃើញពីការរីកច្រើន នៃការចូលរួមទាំងបុរសនិងស្រី្ត ក្នុងវិស័យបច្ចេកវិទ្យា ដើម្បីរួមគ្នាធ្វើឲ្យប្រទេសជាតិកាន់តែរីកចម្រើន៕អត្ថបទ៖សារេត

The post ស្រ្តីប្រើប្រាស់បច្ចេកវិទ្យាក្នុងអាជីវកម្មកំពុងមានការរីកចម្រើនកាន់តែច្រើនក្នុងយុគសម័យបដិវត្តន៍ឧស្សាហកម្ម ៤.០ appeared first on .

ថ្លែងបើកសន្និសីទ និង​ពិព័រណ៍ទឹកកម្ពុជាលើកទី៤ ឆ្នាំ​២០២២ ដែលធ្វើឡើងរយៈពេល២ថ្ងៃ គឺចាប់ពីថ្ងៃទី២៩-៣០ វិច្ឆិកា ឯកឧត្តម ស៊ឹម ស៊ីថា រដ្ឋលេខាធិការ នៃក្រសួង​ឧស្សាហកម្ម​វិទ្យាសាស្ត្រ ​បច្ចេកវិទ្យា ​និង​នវានុវត្តន៍ បានឱ្យដឹងថា បច្ចុប្បន្នប្រជាពលរដ្ឋប្រហែល ៣៤%​នៃប្រជាពលរដ្ឋទាំងអស់ ទទួលបានសេវាផ្គត់ផ្គង់ទឹកស្អាតតាមបំពង់​។ ដូចនេះហើយទើបជារាជរដា្ឋភិបាល បានលើកទឹកចិត្តឱ្យវិស័យឯកជនចូលរួមក្នុងការផ្តល់សេវាផ្គត់ផ្គង់ទឹកស្អាតនៅទីប្រជុំជន និងតាមជនបទ ដោយផ្តល់ប្រកាសអនុញ្ញាតឱ្យផ្គត់ផ្កង់ទឹកស្អាត(អាជ្ញាបណ្ណ)​ សម្រាប់រយៈពេល ២០ឆ្នាំ ដល់ស្ថានីយផ្គត់ផ្គង់ទឹកស្អាតឯកជន ព្រមទាំងគោលការណ៍ និងច្បាប់នានាក្នុងការការពារ និងជួយគាំទ្រអ្នកវិនិយោគលើវិស័យទឹកស្អាត (សិទ្ធិ និងកាតព្វកិច្ចរបស់ប្រតិបត្តករផ្គត់ផ្គង់ទឹកស្អាត)របស់ពួកគាត់។

គួរបញ្ជាក់ថា តាមរយៈសន្និសីទ និង​ពិព័រណ៍ទឹកកម្ពុជាលើកទី៤ រាជរដ្ឋាភិបាលកម្ពុជា ក៏បានដាក់ចេញនូវ ផែនការយុទ្ធសាស្ត្រជាតិសម្រាប់ទឹកស្អាត​ ដោយជំរុញឱ្យប្រជាពលរដ្ឋ​នៅទីប្រជុំជន ១០០% ទទួលបានសេវាទឹកស្អាតប្រើប្រាស់នៅឆ្នាំ២០២៥ និងត្រឹមឆ្នាំ២០៣០ សម្រេចនូវការទទួលបានសាកលកម្មនិងសមធម៌នូវទឹកបរិភោគសម្រាប់ប្រជាជនទាំងអស់។​

តាមរយៈផែនការយុទ្ធសាស្រ្តនេះ ក្រសួងឧស្សាហកម្ម ក៏បានកំណត់នូវលក្ខខណ្ឌ ៤យ៉ាងសម្រាប់ការផលិតនិងផ្គត់ផ្គង់ទឹកស្អាត​រួមមាន៖ ទឹកស្អាតត្រូវមានគុណភាព ទឹកស្អាតត្រូវមានសុវត្ថិភាព ទឹកស្អាតត្រូវមាននិរន្តរភាព ទឹកស្អាតត្រូវមានថ្លៃសមរម្យ៕

The post ក្រសួងឧស្សាហកម្ម៖ បច្ចុប្បន្នពលរដ្ឋកម្ពុជាប្រហែល ៣៤%​ ទទួលបានសេវាផ្គត់ផ្គង់ទឹកស្អាតតាមបំពង់​ appeared first on .

លោក ហេង សុខគង់ រដ្ឋលេខាធិការ​ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ បាន​ថ្លែង​ក្នុង​សន្នីសីទ​​វឌ្ឍនភាព​ ៥ ឆ្នាំក្រសួង​​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍នៅទីស្តីការគណៈរដ្ឋមន្រ្តី​​​ថា​ ទុន​វិនិយោគ​ផ្នែក​វិស័យ​ឧស្សាហកម្ម​នៅប្រទេស​កម្ពុជា​កើន​ឡើងចំនួនជាង ១៣,៤៧៤ លានដុល្លារអាមេរិក បើធៀបទៅ​រយៈពេល ៥ ឆ្នាំកន្លងមក ដែលនៅក្នុងឆ្នាំ២០១៧ ទុនវិនិយោគសរុបមានចំនួនតែ​ជាង ៩,៤១០​ លាន​ដុល្លារអាមេរិក​។

លោក ហេង សុខគង់ បាន​បន្ត​​ថា គិតត្រឹមដំណាច់ខែតុលា ឆ្នាំ២០២១ រោងចក្រដំណើរការមានចំនួន ១,៨៤៩​ ខណៈនៅក្នុងឆ្នាំ ២០១៧ មាន​ចំនួន ១.៥២២ រោងចក្រ គឺ​រយៈពេល ៥ ឆ្នាំចុងក្រោយ​ មាន​រោងចក្រ​កើនឡើងថ្មី​ចំនួន ៣២៧ រោងចក្រ។

បើតាម​លោក ហេង សុខគង់ កំណើន​វិនិយោគ​លើ​វិស័យ​ឧស្សាហកម្ម ក៏​បាន​ចូលរួម​បង្កើត​ការងារ​ដល់​ពលរដ្ឋ​បាន​ចំនួន ៩៧០,៤៨៧ នាក់​ផងដែរ៕

The post ទុនវិនិយោគ​ផ្នែក​​ឧស្សាហកម្ម​​នៅ​កម្ពុជា កើន​ដល់​​​ជាង ១៣ ពាន់​លាន​ដុល្លារ ​ក្នុង​រយៈ​ពេល ៥ ឆ្នាំចុងក្រោយ​ appeared first on .

លោក ចម​ ប្រសិទ្ធ​ ទេសរដ្ឋមន្រ្តី រដ្ឋមន្រ្តីក្រសួងឧស្សា​ហ​ក​ម្ម វិទ្យា​សា​ស្រ្ត បច្ចេកវិទ្យា និងនវានុវត្តន៍ ថ្លែងក្នុងពិធីសម្ពោធកាលពីថ្ងៃទី​១៦​ ខែ​ឧសភា​បានឲ្យដឹងថា មជ្ឈមណ្ឌល​ទិន្នន័យ​នេះ​ មានសារៈសំខាន់ សម្រាប់ផ្ទុកទិន្ន័យសំខាន់ៗពី១០​ឆ្នាំ​ ២០ឆ្នាំ​មុន​ រហូតដល់បច្ចុប្បន្ន​ និងអនាគត​ ។ បេីទោះបីសមត្ថភាព​មជ្ឈមណ្ឌល​ទិន្នន័យ​អាចផ្ទុកឯកសារពីពេលមុន​ និងទៅមុខ​ទៀត​បាន​រយៈពេល៣ឆ្នាំ​ក៏​ដោយ​ តែយេីងអាចពង្រីកសមត្ថភាពរបស់វា​ជាបន្តបន្ទាប់​ទៀត​ តាមធនធានដែល​យេីង​មាន​ ។

លោកបន្ថែម​ថា​ ក្នុងយុគសម័យនៃការរីកចម្រេីន​ ​ផ្នែក​វិទ្យាសាស្ត្រ​ បច្ចេកវិទ្យា​និងនវានុវត្តន៍​ ការរក្សាផ្ទុកទិន្នន័យផ្សេងៗកាន់តែមានសារៈសំខាន់​ ពីព្រោះ​ជាទីតាំងប្រមូលផ្តុំ​ឯកសារ​ ងាយ​ស្រួល​ស្វែង​រក សម្រាប់ម្រូវការសិក្សាស្រាវជ្រាវ​ រៀនសូត្រ​ ហេីយក៏ជាមជ្ឈមណ្ឌល​រក្សាសុវត្ថភាពទិន្នន័យរបស់យេីងបានជាសង្ងាត់​ និងយូរអង្វែង​ផងដែរ​ ។

មជ្ឈមណ្ឌលសម្រាប់ផ្ទុកទិន្នន័យ ត្រូវបានអភិវឌ្ឍន៍គឡើងដោយក្រុមហ៊ុន អ៊ិនតេជ ដេវ (Intech Dev Co., Ltd) បានទទួលសិទ្ធិក្នុងការផ្គត់ផ្គង់និងកសាងមជ្ឈមណ្ឌលទិន្នន័យ (Data Center)។

គួររម្លឹកថា ក្រសួង​ឧស្សា​ហ​ក​ម្ម វិទ្យា​សាស្រ្ត បច្ចេកវិទ្យា និងនវានុវត្តន៍ ត្រូវបាន បង្កើត​ឡើងនៅឆ្នាំ២០២០ ដោយផ្តោតទៅលើ​បេសកកម្ម ចម្បងរបស់ក្រសួង គឺយក​ចិ​ត្ត​ទុកដាក់ និងផ្តោតជាអាទិភាពទៅលើផ្នែកវិទ្យាសាស្រ្ត បច្ចេកវិទ្យា និង​នវានុវត្តន៍ ក្រៅ​អំពី​ការកែទម្រង់​រចនា​សម្ព័​ន្ធ និងភារកិច្ច​សំខាន់មួយចំនួនននៃអតីតៈក្រសួងឧស្សាហកម្ម និង​សិប្ប​ក​ម្ម​៕

The post ក្រសួងឧស្សាហកម្ម ដាក់ឲ្យប្រើប្រាស់កន្លែងផ្ទុកទិន្នន័យតម្លៃប្រមាណ ១លានដុល្លារសម្រាប់រក្សាឯកសារ appeared first on .

“គេហទំព័រ KhmerSME” គឺជា ថ្នាល​ព័ត៌មាន​ឌីជីថល (Digital Information Platform) ដែល​ផ្តល់ឱកាស​ឲ្យ​សហគ្រាស​ធុន​មីក្រូ តូច និង​មធ្យម​ទាំងអស់​ទទួលបាន​នូវ​ព័ត៌មាន​នៅនឹងកន្លែង ដូចជា ផ្នែក​ច្បាប់ បទប្បញ្ញត្តិ លិខិតបទដ្ឋាន​គតិយុត្តិ ការបណ្តុះបណ្តាល បច្ចេកទេស ការផ្ទេរ បច្ចេកវិទ្យា វិទ្យាសាស្ត្រ នវានុវត្តន៍ ហិរញ្ញប្បទាន ទីផ្សារ ការចាប់ផ្តើម​អាជីវកម្ម​ថ្មី ការលើកទឹកចិត្ត សម្រាប់​ការធ្វើ​ធុរកិច្ច​ឲ្យ​កាន់​តែមាន​ប្រសិទ្ធភាព​ខ្ពស់ ការប្រកួតប្រជែង​មាន​លក្ខណៈ​ជា​យុទ្ធសាស្ត្រ និង​ប្រកបដោយ​បរិ​យា​ប័ន្ន​។

ការប្រកាសដាក់ឲ្យប្រើគេហទំព័រ KhmerSME នេះក្រោម​ជំនួយ​ឧបត្ថម្ភ​របស់​រដ្ឋាភិបាល​អាល្លឺម៉ង់ ទីភ្នាក់ងារ​សហប្រតិបត្តិ​ការ​អន្តរជាតិ​អាល្លឺម៉ង់ GIZ សហការ​ជាមួយ​ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍។

បើតាមលោក ​ចម ប្រសិទ្ធ​ រដ្ឋមន្រ្តីក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ បានឲ្យដឹងថា៖ រាជរដ្ឋាភិបាល ​បាន​លើកកម្ពស់​សហគ្រាស​ក្នុងស្រុក គឺ​សហគ្រាស​ធុន​តូច​និង​មធ្យម ជា​វិស័យ​អាទិភាព ដែលមាន​លទ្ធភាព​ជួយ​ស្តារ​ស្ថានភាព​សេដ្ឋកិច្ចជាតិ​ឲ្យ​មាន​ភាពប្រសើរ​ឡើងវិញ ដោយបាន​កំណត់​នូវមុខ​ផលិតផល​មួយចំនួន​ជា​ទំនិញ​យុទ្ធសាស្ត្រ​របស់​រាជរដ្ឋាភិបាល សម្រាប់​ផ្គត់ផ្គង់​សេចក្តី​ត្រូវ​របស់​ប្រជាពលរដ្ឋ​ប្រចាំថ្ងៃ​។

លោកបន្តថា តាមរយៈ​នេះ ផលិតផល​ទាំងអស់ ទាមទារ​ចាំបាច់​ត្រូវមាន​គុណភាព និង​សុវត្ថិភាព​ដល់​អ្នកប្រើប្រាស់ ដូចនេះ “គេហទំព័រ Khmer SME” ដែលជា ថ្នាល​ព័ត៌មាន​ឌីជីថល ពិត​ជាមាន​សារៈសំខាន់​ណាស់​សម្រាប់​សហគ្រាស​ធុន​មីក្រូ តូច និង​មធ្យម ក្នុង​ការទាញយក​ព័ត៌មាន​ចាំបាច់​និង​សំខាន់ៗ តាម​តម្រូវការ ដើម្បី​អភិវឌ្ឍន៍​ផលិតផល​ឲ្យ​គុណភាព និង​សុវត្ថិភាព ស្របតាម​ស្តង់ដារ​កម្ពុជា​។​

បន្ថែមលើនេះ ការដាក់ឱ្យ​ដំណើរការ​នូវ “ គេហទំព័រ Khmer SME” គឺមាន​លក្ខណៈ​ស្រប និង​ការគាំទ្រ​ដល់​ផែនការ​យុទ្ធសាស្ត្រ និង​គោលនយោបាយ​នានា​របស់​រាជរដ្ឋាភិបាល ដូចជា៖ យុទ្ធសាស្ត្រ​ចតុកោណ​-​ដំណាក់កាល​ទី​៤ ផែនការ​យុទ្ធសាស្ត្រ​អភិវឌ្ឍន៍​ជាតិ​ឆ្នាំ​២០១៩-២០២៣ គោលនយោបាយ​អភិវឌ្ឍ​ន៍​ឧស្សាហកម្ម​ឆ្នាំ​២០១៥-២០២៥ សេចក្តីព្រាង​គោលនយោបាយ​អភិវឌ្ឍន៍​សហគ្រាស​ធុន​តូច និង​មធ្យម​ឆ្នាំ​២០២២-២០២៦ ផែនទី​បង្ហាញផ្លូវ​វិទ្យាសាស្ត្រ បច្ចេកវិទ្យា និង នវានុវត្តន៍​កម្ពុជា​ឆ្នាំ​២០៣០ និង​ផែនទី​បង្ហាញផ្លូវ សេដ្ឋកិច្ច ឌីជីថល ពាណិជ្ជកម្ម អេឡិចត្រូនិក ជាដើម ដែលមាន​គោលដៅ បន្ត​និង​ពង្រឹង​ការអភិវឌ្ឍ​ធនធានមនុស្ស ការធ្វើ​ធុរកិច្ច​ការលើកកម្ពស់ ផលិតភាព គំនិត​ច្នៃប្រឌិត ស្របតាម​និន្នាការ​នៃ​ការអភិវឌ្ឍ​សេដ្ឋកិច្ច សង្គម និង​បច្ចេកវិទ្យា​សកល និង​ក្នុង​បរិបទ​បដិវត្តន៍​ឧស្សាហកម្ម​ជំនា​ន់ទី​៤ ដើម្បី​ចូលរួមចំណែក​ជំរុញ​កំណើនសេដ្ឋកិច្ច​ប្រកប ដោយ​ចីរភាព និង​បរិ​យា​ប័ន្ន​៕

The post រដ្ឋដាក់ដំណើរការគេហទំព័រ KhmerSME សម្រាប់ដោះស្រាយបញ្ហារបស់សហគ្រាស​ធុន​មីក្រូ តូច និង​មធ្យម​ទាំងអស់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកឧកញ៉ា តែ តាំងប៉ ប្រធានក្រុមប្រឹក្សាភិបាល រួមទាំងសមាជិកក្រុមប្រឹក្សាភិបាល និងតំណាងសមាគមនិងក្រុមហ៊ុនក្រោមចំណុះនានារបស់សម្ព័ន្ធសមាគមសហគ្រាសធុនតូច និងមធ្យមកម្ពុជា និងសប្បុរសជននានាបានចូលជួបសម្ដែងការគួសម និងបាននាំយកនូវអំណោយនូវថវិកា សម្ភារ និងគ្រឿងឧបភោគ បរិភោគមួយចំនួនប្រគល់ជូន លោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងវិទ្យាសាស្ត្របច្ចេកវិទ្យា និងនវានុវត្តន៍ ដើម្បីជួយដល់ប្រជាពលរដ្ឋដែលទទួលរងផលប៉ះពាល់ផ្ទាល់ និងប្រយោលពីជំងឺកូវីដ-១៩ ក្នុងរាជធានីភ្នំពេញ និងក្រុងតាខ្មៅនៃខេត្តកណ្តាល។

អំណោយទាំងនោះរួមមាន៖
១. ថវិកាចំនួន ១២១,៦៩៤,០០០ (មួយរយម្ភៃមួយលានប្រាំមួយសែនប្រាំបួនម៉ឺនបួនពាន់) រៀល
២. សាប៊ូចំនួន ៣០០ (បីរយ) កញ្ចប់
៣. ទឹកត្រី និងទឹកស៊ីអ៊ីវចំនួន ៦,០០០ (ប្រាំមួយពាន់) ដប
៤. ទឹកបរិសុទ្ធហាយតិចចំនួន ២០០(ពីររយ)កេស
៥. ពងមាន់ ២,០០០ (ពីរពាន់) គ្រាប់
៦. មាន់សាច់ ១០០ (មួយរយ)ក្បាល
៧. សាច់កែច្នៃ ១០០ (មួយរយ) គីឡូក្រាម
៨. សាច់ក្រកអប់ផ្សែងស្បែកស្រួយ ៥០(ហាសិប)កញ្ចប់ និង
៩. មាន់អាំង ៥០ (ហាសិប) កញ្ចប់

The post ឧកញ៉ា តែ តាំងប៉ នាំយកថវិកាជាង ៣ម៉ឺនដុល្លារ និងគ្រឿងឧបភោគបរិភោគឧបត្ថម្ភដល់ក្រសួងឧស្សាហកម្មដើម្បីប្រយុទ្ធប្រឆាំងកូវីដ appeared first on .